[فيتامين سي]

الجزء السابع....,
بيت بو طلال:
ام طلال نغزها قلبها,وفزت من مكانها:بسم الله اللهم أجعله خير
بو طلال:شفيك ياحصه؟
ام طلال:مدري يا عبد الرحمن أحس صدري ضايق,أنا حاسه صاير لأحد من عيالي شيء.
بوطلال:وكلي الله يامره مافيهم إلا العافيه,هذي بس وساوس الشيطان تعوذي منه.
ام طلال:أعوذ بالله من الشيطان الرجيم,بس ماني مطمنه....
دخلت لمى ومعها العنود يسولفون ويضحكون,شافوا أمهم وأبوهم:السلاااام
الكل:وعليكم السلام.
ام طلال:بناااات وين سما؟؟
العنود:ليه مابعد جات
ام طلال زاد خوفها:لااا,وين اخوانكم فراس وطلال
لمى:طلال وفراس عند السياره بيدخلون اللحين.
العنود:بعدين لمى تدرس بالتمريض يمه مو معنا بنفس الكليه
ام طلال:ياويــــــــــلي البنت اكييييد صاير لها شيء ياعبد الرحمن
بوطلال قام مخنوق,وطلع لغرفته:...
العنود خافت وتذكرت كلام سما :سمااا لا يكووون...........
لمى: العنود لا يكون وشو ؟؟
,,,,,,,,,,,
.
,
.[أحــــــــــــلامٌ تــحـــتـــضـــر]
.
.
,
.
.
,
.
,
.
بالمستشفى..,
حالة إستنفااار...,وزحمة أطباء وممرضين...
الرجل الكبير بالسن اللي كان واقف عالسيف وكلم نايف,واقف على أعصابه: يارب سترك, ورحمتك..
الشرطي:لو سمحت ياعم,أسمك
الرجال:أسمي حمزه لبان
الشرطي:طيب ياعم حمزه,أنت شفت اللي صار,أوصف لنا هالحادثه.
العم حمزه,ماحب يفضح أحد:هم ياحضرة الضابط, البنت كانت واقفه ولمن داخت من المويه وقعت فيها,وأنتا عارف ان المسافه عاليه وكان البحر في حالة جزر,
الشرطي:يعني مو إنتحار؟
العم حمزه:لا أعوذ بالله بعد كذا جاء ألتموا الرجال وكل واحد يحاول ينقذها.
طلع الدكتور وهو زعلان:
العم حمزه راح مسرع:هاه ياولدي بشر.
الدكتور:بكل أسف واحد مات والثاني بحاله حرجه,للغايه
العم حمزه اتحسف:الله يرحمه يارب..
الشرطي:يادكتور ممكن تعطينا بيانات الميت عشان نبلغ أهله.
الدكتور:كل شيء مسجل عند الإستقبال,تفضل هناك وخذ اللي تبيه
العم حمزه ماقدر يتزحزح يبي يتأكد من سلامة الثاني.............
,,,,,,,,
.
,
.
,
.
,
.
,
.
,
.
.
,
.
,

بالدمــــــام....
الساعه 2 الظهر...
{ترررن ترررن ترررن}
لينا:ألووو....................
{رمت السماعه وصاااحت بأعلى صوت}لااااااااااااااااا
سعود وأم سعود جوها يركضون,وكانت رنا عندهم:خير شفيك؟
لينا ويدها على راسها من هول المصيبه:مااااات يمه نايف ماااااااااااااات,
أم سعود طاحت مكانها تصيح على ولدها وجلست معها رنا تبكي.
سعود تمالك نفسه,بعد ماغرقت عيونه بالدموع,مسك السماعه يبي يكلم هاللي قال للينا الخبر,بس لقاه سكر الخط عاد الرقم اللي بالكاشف وأستفسر عن كل شيء, وعرف أنه في جده...أخذ بعضه ومشى وهو يتصل بأبوه...
أم سعود وهي تبكي:خذني معك ياسعود أبي أكحل عيني به قبل لاتدفنونه
سعود تأثر من كلامها:لا يمه هو في جده مو قريب الله يخليك لي
أم سعود أويـلي وش موديه هناك,,,آآآآه ويلي عليـك يا نايف ياقطعت قلبي
سعود ماعاد يتحمل طلع يركض وهو يبكي أخوه الوحيد ماعنده غيره ,وعزوته وطار مع ابوه على أول طياره لجده..........
,,,,,,,,
,
.
,
.
,
.
.
,
.
,
.
,
.
,
.

الريـاض:::
أم محمد:تقهوي ياخاله,وراك ماتقهوين
أم راشد:مابي يا أم محمد,ناديلي ميس
أم محمد:إن شاااء الله...مـــيـــس...مـياااسه
ميس جتهم:لبيه,بغيتوني
الجده:إيه وأنا جدتك,أبيك تتصلين بعمتك مها,بسرعه
ميس:من عيوووني
{أخذت التليفون ودقت الرقم...ولا أحد يرد}محد يرد ياجده
الجده:اتصلي مره ثانيه
ميس دقت الرقم مره ثانيه وعلى أخر رنه ردت رنا بصوت مقطعه الصياح:الوه
ميس:السلام عليـكم رنو
رنا بالتليفون تحاول ماتبين:...أ..
ميس خافت:رنا وش فيك انطقي
رنا بكت :نايف مااات يا ميس
ميس غرقت عيونها على طول تأثرت:كـيــف ..وش قاعده تقولين
الجده خافت:وش فيه ياميس؟ أنطقي
ميس سكتت وهي تبلع عبرتها ولا قدرت تعلم الجده
الجده سحبت السماعه منها كانت حاسه:أوه رنا وش عندكم من اللي مات تكلمي
رنا سكرت الخط...طوط طوط طوط طوط طوط طوط
الجده انقهرت:ميس تكلمي
ام محمد:تكلمي ياميس
ميس: نايف ياجده يطلبك الحل
الجده كأن مكبوب عليها ماء باارد:إن لله وإنـــا له راجعووون...
ام محمد:لا حول ولا قوه إلا بالله...يالله أنك تصبر أمه
,,,,,,,,,
,
/
.
/
,
,.
.
,
.
,
.
,

جــده...
بيت بو طلال...::
الكل متوتر وسما للحين مابينت.....
العنود قلقها وصل معها,,,وهي تفكر (لا يكون سوت اللي قالت لي)
,

لمى بغرفتها اللي تشاركها فيها سما وتتذكر كلمات سما لها اليوم الصبح وضمتها اللي كأنها ضمت مودع,طاحت على سرير سما وهي تبكي:سموو لا تخليني الله يخليك,أخذت مخدتها وضمتها,بانت الورقه اللي تركتها سما لهم بس لمى ما أنتبهت,قامت لمى وراحت تتوضاء تبي تصلي العصر أللي أذن وسما للحين مابينت(ياارب سترك)
,,,
.
,
.
,
.
,
.
,
.
,
.
.

بالمستشفى كانت الأوضاع شبه مستقره,,,
العم حمزه:طمني يادكتور: البنت إيش صار عليها..
الدكتور:واللــه ما أقدر أقولك شيء دحين,لكن إحنا بنشتبه إنها أصيبت بإرتجاج والظااهر مو أكيد شلل,
العم حمزه:لا حول ولا قوه إلا بالله,بنت زي هذي بعمر الزهور تسوي بنفسها كده دحين أنا كيف بأوصل لأهلها..
مراد:يله يابويه خلينا نمشي دحين سيبك منها,هي دحين بغيبوبه
العم حمزه:لااا ياولدي مايصير نسيبها وإحنا ماعرفنا أهلها,لازم نعرفهم بالأول أنا عندي كلام كتيــر لازم أحكيهم هوا....
مراد:برااحتك يابويه, المهم أنا عندي دوام تبغاني أجيبلك شيء وأنا راجع المره الجيه.
العم حمزه:سلامتك ياولدي,يامراد الله يرضى عليك,وقول لأمك اللي صار عشان ماتاكل هم.
مراد:أبشر يابويه مع السلامه دحين...
{راح مراد وجلس العم حمزه}
,,,,,,,,,
,
.
,

,

بيت ابو طلال....:
لمى بعد ماصلت العصر,جلست شوي على سجادتها,ودمعتها على خدها وجلال الصلاه مانزلته,قرأت مائدتها.....
دخلت العنود:السلام عليكم
لمى:وعليكم السلام هااه بشري رجعت سما
العنود والجواب مرسوم على وجهها:لااا
سكتت لمى وكملت مائدتها.....
العنود جلست على سرير سما ولمحت الورقه,فتحتها علطوول,وبلهفه حست أنها تتعلق بـ سما,(لمو حبيبتي,أنا جالسه أكتب هالورقه وأنا أبكي,صعبه علي فراقكم يالغاليه,تكفيــن حلليني وأطلبي من كل أهلي وباقي العايله يحللوني,وقولي للعنود أني سويت اللي قلت لها عليه...الوداااع .........أختك/سما...)..ألعنود صاحت بشكل غريب:مستحيـل,,لا ماتسوينها لااااا
لمى ارتاعت وجتها:العنود وش فيك.
العنود نزلت تركض زي المجنونه:سمااااااا
لمى أستخفت ولحقتها,وبكت وهي ماتدري وش السالفه؟؟؟؟؟؟؟؟
ام طلال تبكي بعد ماتلفت أعصابها على بنتها:
العنود وهي تجحد العبره:تكفوون الحقوا سما,
طلال فز على طوله:وش تقولين يا العنود وينها انتي تدرين وينها
العنود وهي تبكي:لااا ماأدري بس سما تعبانه ومن كم يوم وهي محبطه ومخنوقه وتقول كلام فاضي وخايفه عليها تسوي بنفسها شيء
طلال,تذكر شكل سما البارحه ماكانت طبيعيه,طلع ركض زي المجنون,ركب سيارته ولحقه فراس,وصار يدور بالمستشفيات...........
*******
,
,
,
,
.
,
أستــــــــــــــــراليــ ـــــــــــا....
دخل راكان الشقه وهو يغني وشايل معه أغراض من الماركت:مـــلااااااك ملاك
ملاك كانت جالسه بغرفتهاحاولت تمسح دموعها وماتفجعه,طلعت له:هلا راكان
راكان دخل المطبخ وحط الأغراض عالطاوله وطلع,شافها بالصاله قدامه: وينك ياشيخه من دخلت وأنا أناديك...
{لاحظ عيونها حمراء}ملاك أنتي كنتي تبكين؟
ملاك تلعثمت وحاولت تغير السالفه:لا وشو أبكي هاه جبت كل اللي قلتلك عليه..{بلعت العبره}
راكان حس فيها شيء ومخبيته,قرب لها:مـلاك قولي لي وش اللي مبكيك بسرعه,أنا جرحتك وأنا مادريت,ضيقت صدرك من دون قصد ,قولي تكفين لاتخبين,
ملاك نزلت دمعتها وأخذت نفس:يــاليـت ياراكان ياليت
راكان خــاف مد يده ومسح دمعتها بإصبعه:طيب وش فيه ,أنتي مكلمه الديره صح؟
ملاك هزت راسها بالإيجاب:
راكان بحنيه:مشتاقه لهم؟
ملاك ماعاد تستحمل تخبي:نايف ولد عمتنا مها توفى ياراكان
راكان جلس من هول الصدمه وضل سااااكت,بعد ماتجمعت الدموع بعينه ...
**********
,
,
,
.
,
,
,
[أحــــــلامٌ تــحــتــضـــر]

جـــــــــده...:
طلال وفراس من مستشفى لمستوصف وشوي شوي بدوا يفقد الأمل,,,
{رن جوال طلال} هلا يمه
ام طلال:هااه بشر
طلال:خير يمه خير ان شاء الله باقي مستشفيين,أدورها فيهم وإن مالقيت رحت للشرطه وأمري لله
ام طلال ساكته:.....
طلال:يمه توكلي على الله وأدعي لها بالسلامه,,و أنا بسكر الجوال اللحين وبكمل دواره..ادعي لنا يمه
ام طلال:يارب تلقونها يارب.مع السلامه ياولدي
فراس:يله طلال ننزل أنا حاس أننا بنلقاها ,
طلال أخذ نفس:يارب,
{فتح الباب ونزل}
وعند الريسبشن..........
فراس يكلم الموظفه:أختي ممكن خدمه لو سمحتي
موظفة الإستقبال:تفضل
فراس:خلال الساعات الماضيه ماجتكم مريضه أسمها سما عبدالرحمن
الموظفه تقلب بالكمبيوتر: شوي........
طلال على أعصابه:بسرعه الله يخليك
الموظفه :للأسف يا أخ مافيه
العم حمزه جاء مسرع:يا بنتي فين الدكاتره بسرعه الحقو البنت
فراس تحطم:طلال يله مشينا ياخوي
طلال يناظر الشايب مايدري ليه يحسه يعرفه وقد شافه:...
فراس:طـــــلال وشفيك ماتسمع
طلال شاف هالشايب راح وشكله ملهوف,لحقه من دون مايحس...
فراس استغرب تصرف طلال,لحقه:طلاااال وين رايح؟!

~عند العنايه المركزه~
العم حمزه:تكفى يادكتور ألحق عليها الله يخليك
الدكتور:أبشر ياعم
{دخل وسكر الباب وراه}
طلال تأمل وجه العم حمزه,وقرب له:السلام عليكم ياعم
العم حمزه:وعليكم السلام ياولدي,
طلال:أنا شفتك قبل كذا ياعم صح؟!
العم حمزه:والله ياولدي ماأدري يمكن بس أعذرني أنا اللحين ماني مركز.
طلال أخيراً تذكره:أنت عم حمزه لبان أبو مراد صاحبي صح؟أنا طلال عبد الرحمن ياعم ماعرفتني
العم حمزه:أيووه اللحين ذكرتك,بس أنتا ليش جاي هنا ياولدي عسى ماشر بس
طلال ماحب يقول شيء هذا شيء يتعلق بالعايله:لا ولا شيء عرضيه بس بس أنتا اللي عسى ماشر واقف عند العنايه من جوى,لا يكون الأهل فيهم شيء
فراس ينغز طلال "ماعندنا وقت وانت تسأل"
العم حمزه:والله ياولدي ما أدري إيش أقولك,بالضبط
طلال:إذا ياعم خصوصيات خلاص أنا راح أمشي
العم حمزه:ولو أنتا ولدي وإلا نسيت,بس أنا اليوم لمن زهقت من جلست البيت زي منتا عارف طلعت أتمشى بالكورنيش,وبالمصادفه شفت بنت بعمر الزهور,بتغرق فالبحر وحاولوا رجال انهم ينقذوها وبعد شوي أنقذها واحد من الشباب والظاهر انه مات زي ماسمعت والتاني مدري إيش حصلوه
طلال :طيب ياعم أنا ما أشوف أهلها وينهم
العم حمزه:والله ياولدي أنا ما أعرف إسمها ولا بنت مين وهي المسكينه في غيبوبه وحالتها خطيره ,ومالقينا معها إثباتات
طلال تأثر:الله يكون بعونها,يله عن أذنك ياعم حمزه{مشى وتركه}
العم حمزه:إذنك معك ياولدي..
فراس ضل متسمر مكانه,والدمعه حارت بعيونه:عم حمزه,ممكن نشوفها
طلال ألتفت مستغرب:فراااس
فراس ولأول مره يحس بالضعف:طلال يمكن هي ياطلال
العم حمزه كأنه بدا يفهم:أنتوا بتدوروا على أحد صح؟
طلع الدكتور بهاللحظات وهو يهز رأسه:إنا لله وإنا إليه راجعوون
العم حمزه:ماااتت؟!
الدكتور:للأسف إيوه ياعم
طلال راح له مسرع ومعه فراس:دكتور ممكن نشوفها الله يخليك
الدكتور ألتفت للعم حمزه وهو يستفهم :خير ياعم حمزه إيش القصه
العم حمزه:خلهم يشوفونها يا دكتور
سمح لهم الدكتور ودخلوا...طلال كان يرتجف ويدعي أنها ماتكون أخته سما, وفراس مثله وأول ما قربوا للسرير اللي هي عليه ومغطاه بالغطاء الأبيض,فتح طلال عن وجهها وإنهار علطووول ومسكه فراس قبل لا يوصل الأرض :طـــــــلااال....
الدكتور:إيش فيه ياعم حمزه
العم حمزه:يمكنهم يعرفونها...
,,,,,,,,
,
,
,
,
,
.
/
.
بيت بو طلال:
صوت الباب ينفتح......,
ام طلال انقبض قلبها:مين اللي جاء؟
لمى والعنود قاموا:ماندري يمه
..........:الســـــــــــلام عليـــــكم..
العنود جلست على كرسيها اللي هي واقفه عنده من الصدمه ولمى أغمي عليها وطاحت عالأرض.........,
ألتفتت أم طلال وماقدرت تقوم من المفاجأه :مـن ســــمــــــــاااا!!!
سما وواضح متغيره وصايره أحسن جت تركض وتقوم لمى :شفيكم يمه
العنود:سما وين كنتي طول اليوم......؟
سما والإبتسامه شاقه وجهها:قصه طـويــــله بحكيها لكم بعدين..خليني أصحي هذي الدبه ..لمو لمو
ام طلال بكت :ليه ياسما حرام عليك موتيني من الخوف عليك ليه؟
سما راحت تضم امها وتبكي معها :خلاااص يمه هذاني جيت وربي الظروف لو تدرين وش صار معي كان عذرتيني,
ام طلال:وش ظروفك ماترجعين البيت بدري تراك بنت مو ولد
سما ببتسامه على كلام امها:يمه أسمعيني تعرفين صديقتي سوزان صح؟
ام طلال:إيه بنت ام هاني وش فيها؟
سما:ألتهبت عندها الزايده بالكليه وأضطريت أروح معها مرافقه والحمدلله سوت العمليه ونجحت ابشرك وقعدت عندها لين جات امها وأهلها وجيت,
ام طلال:زيـن الحمدلله على سلامتها,طيب ليه ماكنتي تردين على أتصلاتنا ليه مقفله جوالك؟
سما:ههههه أنا ماقفلته بس هو خلص شحن من الساعه 9ونص وماقدرت اشحنه.
لمى بدت تصحى:سماا سماا
العنود مستغربه خصوصاً بعد الرساله اللي قرتها على سرير سما كانت تدل انها رايحه تنتحر لا محاله,مسكتها من يدها: تعااالي وقووولي كـــــــــل شيء اللحين اعترفي
ام طلال :أنا بروح اتصل على ابوك وأخوانك واعلمهم بوجودك الله يهديك خوفتينا عليك.......

,
سما ببتسامه فرح:الحمد للـه يا نودي الحمد لله,نايف طلع ماله شغل بتوزيع رقمي ولا صوري,الحمدلله,
العنود:وانتي وش دراك؟
سما:اليوم منيف كلمني وقالي ان نايف ماكان يدري وأنه كسر جواله وهدده انه إذا كررها راح يموته,وترجاني ما أقول لنايف ههههه تخيلي صار يترجاني بعد ماكنت اترجاه,ههههه آآه فديـتك يانايف اللحيـــن بس تأكدت من حبه لي...
العنود ببتسامه:الحمدلله ماخيب أملي فيه
سما:الحمدلله,أنا اللحين بشحن جوالي وبتصل فيه,قلبي,أنا غلطت عليه وهو ماله ذنب,لازم اعتذر منه,,
,,,,,
,,

بالشارع..,
طلال بقلق:يوووه هذي أمي تتصل احرقت جوالي,مانيب راد عليها
فراس وهو متأثر حده:طيب شلوون بنقولها اللحين
طلال: اللحين ندخل ونشوف كيف ننقل لها الخبر
بو طلال جاء مسرع ووقف:ياعيال, وينكم فيه من صبح اسأل عليكم
طلال خاف:خير يبه فيه شيء
بوطلال:إيه,نايف ولد عمتكم يقولون توفى اليوم,بجده هنا,
فراس وهو يبكي:كـــيف ووشلون؟يبه
بوطلال:مات غرقان بالبحر,كان ينقذ وحده,يله اركبوا نروح المستشفى أمدى بوسعود وسعود جايين يشوفونه,خلونا نلحقهم
طلال ركب وهو يجحد دموعه:فراس أدخل قول لأمي وقولها اللي قبل شوي وقولها خبر نايف,أنا بروح مع ابوي يله
{مشوا مسرعين}
فراس جلس بالشارع يبكي براحته مستحيل يدخل على أمه وخواته بهالحاله أمه ماراح تتحمل............,
,,,,,,
,
.
,
.
.
,
,
بالمستشفى..:
سعود وعيونه حمر من الصياح:لو سمحت يا أخ, أخوي جاكم اليوم الصبح غريق ... ومات عندكم {خنقته العبره} ممكن نستلمه
بو سعود مو قادر يتحمل يوقف على حيله جلس على أقرب كرسي وأخفى وجهه بشماغه وجلس يبكي..:
الموظف:طبعاً.. أحسن الله عزاكم ,بس بالأول فيه بعض الإجراءات لازم تسوونها الله يحييك.
سعود بضيق:ماهي بمشكله
الموظف:أوكيه خذ هالأوراق لو سمحت
[أحــلامٌ تــحــتــضــر]
,,,,,,
,
,.
.
.
,
.
.
,
.
ببيت بو طلال..:
فراس دخل وهو يسحب ذيول الخيبه,وراسه يعوره أولاً مالقى أخته,ثانياً توه سمع بوفاة ولد عمته الغالي نايف,راعي المغامرات وصديق الطفوله..
ام طلال بعد ماسمعت صوت الباب راحت لها مسرعه,بس انصدمت من عيون فراس اللي كلها دموع وعيونه ورمت من البكي:فرااااس شفيك حبيب أمك
فراس رفع طرف شماغه ومسح دمعته:...
سما:بناات فراس جاء خليني افاجأه
البنات :يله
وقفوا كلهم ورى الجدار يسمعون,قبل لا يرووعونه:

أم طلال طلع صوتها وهي تبكي: اللــه يصبر أمه ويعينها,وكيف مات ياولدي
فراس:نايف يمه كان رايح ينقذ بنت شافها تغرق بالبحرعلى كورنيش جده ,ولكنه مات يمه..مات غريق..
سما درت أنها هي السبب,ماتحملت هالخبر اللي كأنه صخره انرمت على ظهرها, ضاق عليها التنفس وأغمي عليها,
العنود+لمى:ســمــــاااا
فراس وأم طلال سمعوا صوت الطيحه وراحوا لها يركضون
فراس انهبل يوم شاف اخته قدامه,فرح وسط حزنه:يمه سما يمه,,أنتوا ليه ماقلتوا انها رجعت البيت
ام طلال وهي وسط دموعها:سماااااااااااااااا� �اا
,, ,

[أحـــــلامٌ تـــحـــتــــضــــر]


,
,
بالمستشفى..:
سعود يكلم بالجوال:هلا رنا
رنا بالجوال وخانقتها العبره:دفنتوه؟
سعود:لا مابعد أستلمناه تونا جايين يابنت
رنا:يعني مابعد شفتوه؟
سعود:لا بنشوفه بعد شوي ,يله ذاللحين مع السلامه مشغول يارنا.....
رنا:مع السلامه.......
,,,

طلال وأبوه وصلوا بيوقفون مع سعود وأبوه..
ابو طلال:السلام عليكم يبو سعود وعظم الله أجرك
بو سعود:وعليكم السلام,أجرنا وأجرك يبو طلال,جزاك الله خير
طلال:أحسن الله عزاك ياعمي بو سعود
بوسعود:جزاك الله خير ياولدي,
طلال:وين سعود مانشوفه
بوسعود:راح يسوي اوراق أستلام المتوفى الله يرحمه
طلال سكت وخنقته العبره:..........
بو طلال:لا إلــــــه إلا اللـه كاس كلنا بنشرب منه
بو سعود:اللــه يرحمه
أقبل سعود:السلام عليكم
الكل:وعليكم السلام
بوطلال:أحسن الله عزاك ياسعود بأخوك
سعود:جزاك الله خير
طلال:احسن الله عزاك ياخوي سعود
سعود:جزاك الله خير
بوسعود:هــاه خلص أوراقه يبوك ناخذه
سعود أخذ نفس عميق:إيه يبه,مشينا مع الموظف اللي بيودينا للثلاجه
قام بو سعود بعد ماحاول يهدي نفسه من شوفة منظر ولده وهو ميت....
دخلوا المشرحه وتوجهوا للثلاجه والمكان اللي موجود فيه "نايف"...
الموظف وهو يفتح الثلاجه...
الكل صد بوجهه,مايبون يشوفونه ميت....
الموظف:هذا هو ياجماعه خذوا ميتكم الله يرحم اموات المسلمين
سعود جمع قواه وألتفت والتفت معه طلال...
سعود وعيونه تغرق بالدموع,وهو يدقق بالميت,اللي شاخصه عيونه لفوق:بس يا خوي هذا ماهو بميتنا..
طلال:صحيح يا أخ..
بو سعود ناظر باللي ميت,خاف لايكون انسرقت هويسمع بااللي يسرقون الميتين ويبيعونهم وصرخ بوجه الموظف:ويـن جثة ولدي وين حطيتوها
الموظف:صدقني ياعم هذا ميتكم اللي استلمناه
سعود بعصبيه:هيــــــه أنت أبخص منا,هذا ماهو أخوي,
الموظف:والله هذا اللي وصلني اليوم,بإسم نايف عدنان سلمان الراكان,عندكم شكوى روحوا للمدير
سعود:يله يبه مشينا...
,
,
.....عند المدير
طلال بهدوء:يادكتور حنا جينا ناخذ ميتنا اللي قلتو انه مات وحصلنا غيره, ممكن تقولولنا وين الميت,,
الدكتور:يا أخ طلال.اليوم ماحصل غير حالة وفاه واحده بس بالمستشفى وأنتم شفتوها قبل شوي,اللي هي حالة الغرق اللي شفتوها,
سعود:يعني شلووون؟؟؟ بتقولون لنا وين وديتوا اخوي وإلا كيف؟؟
الدكتور:عالعموم أنا أرسلت بطلب الدكتور اللي استلم الحاله وراح تعرفون منه كل شيء.
دخل الدكتور:السلام عليكم
الكل:وعليكم السلام
سعود شوي ويكفخه:انت انطق وين وديتوا اخوي
طلال:سعووود الله يهديك,شوي شوي خلنا نفهم,دكتور الظاهر انت داري حنا ليش جايين هنا اللحين
الدكتور:يا أخ,اليوم حالات الغرق اللي جاتنا 3حالات منها ماتوا اثنين اللي هم شاب وبنت وباقي شاب وللحين مانعرف هويته,لأنه بغيبوبه تاامه ومالقينا مايثبت شخصيته...
سعود كأن بدأ يرجع له الأمل:دكتور ممكن نشوفه؟
بوسعود هو الثاني حس ان طاقة الأمل انفتحت له
الدكتور:تفضلوا معي ليش لا ويارب يكون اللي تدورون عليه
,
,

.

بغرفة العنـايه المركزه,,,,صوت الأجهزه....وجهاز القلب..... وممرضه واقفه تراقب الحاله بين اللحظه والثانيه...
دخل الدكتور:تفضلوا ياجماعه...
الكل كان يدعي يكون نايف حي ولا مات..,وبلحظة الترقب..
دخل بو سعود بخطى متثاقله,خايف مايكون نايف:وأول ما أقبل عالسرير وشافه: صاح :هوو يا سعود هو... أخوك عـاايش مامات..
سعود اللي كان برا بعد ماسمع هالخبر الحلو سجد لله شكر وبكى ودخل وهو يراقب وجه نايف وشكله وصدره مكشوف وكله أجهزه مركبه,أختلطت المشاعر في هاللحظه,وصارت دموع الفرحه بأن نايف حي مع دموع الحزن على حالته الصعبه
طلال بدموع الفرح:يله ياجماعه أنا لازم انشر هالخبر,وأول واحد لازم يدري خالتي مها,عن اذنكم,
,,,,,
.
/
.
/
.
,
/
.
/
/
.
بالدمـام....
كانت الفرحه لاتوصف...ورنا ولينا جلسوا ساعه يبون يصحون امهم من الصدمه ,وصحت اخيراً,,,وهي تبكي:ودوني لناااايف ودوني
رنا:أبشري يمه من الليله بقول لخالد يودينا بأقرب طياره لجده
ام سعود,كملت بكاها,وهي تحمد وتشكر ربها بعدها قامت,,
لينا:وين رايحه يمه
ام سعود:بصلي ركعتين شكر لله,ياربي لك الحمد اللي رجعت لي ولدي,
رنا:الحمدلله,كلنا يمه بنقوم نصلي,
,,,,.
,
.
.
.
,

ميس عالتليفون:صـدق ياطــــــلااال
طـلال بالتليفون:إيه وبشري جده,واللي مات واحد غيره وهم غلطانين بالإسم
ميس نزلت دمعتها ومسحتها:الحمدلله,طيب هو كيفه اللحين
طلال:بغيبوبه,بس لاقولين لجدتي,طيب
ميس:اووكيه يله طلال,بروح ابشر جدتي,مع السلامه
طلال:مع السلامه
ميس سكرت السماعه من هنا وراحت لجدتها من هنا,وبشرتها....
,,,,,,
,
..
,
.
.
.
,
/

بيت بوطلال...:
سما للحين ماصحت,من صدمتها بوفاة نايف..
العنود جالسه قبالتها وتبكي على حال أختها..
أم طلال دخلت:هاه العنود ماصحت سما للحين,
العنود:لا والله يمه
ام طلال:ياويلي وش في بنتي؟
العنود,تحاول تصرف:أكـيد,هذا لأنها ما أفطرت وماتغدت وماتعشت,سببلها ضعف وارهاق
ام طلال:ياويلي أجل أنا بنزل اسوي لها شيء تاكله...
{طلعت}
العنود أخذت نفس:آآه يا يمه ماتدرين وش في بنتك,,الله يرحمك يانايف...
{سمعت اصوات صياح تحت وبعد شوي.......................}
انفتح الباب,خشت لمى:العنود ابشرك نايف حي مامات
العنود مسحت دموعها وفرحت:صدق يا لمى
لمى:إيـــه صدق,طلال توه متصل اللحين ومعلمنا,وقلناله عن سما
العنود بكت من فرحتها:ياربي لك الحمد...
{ألتفتت على سما,وصارت تهزها تبي تصحيها}سما سما...سموو..سمو نايف حي مامات,نايف حي..
{العنود بدت تخاف على سما اللي ماتصدر أي إجابات,أخذت الجوال واتصلت على فراس يجي ياخذها للمستشفى}الوه فرااس,ألحق على اختك سما
فراس كان طالع من البيت رايح للمستشفى:شفيها سما؟؟
العنود وهي تبكي:مادري عنها ماترد ولاتصدر أي انفعال أنا خايفه عليها يافراس
فراس:خلاص خلاص أنا تحت جهزيها راح اوديها للمستشفى,يه باي
دخلت ام طلال مرتاعه:العنود وش فيها اختك
العنود تحاول تهدأ بس ماتقدر:يمه سما مادري شفيها,
لمى جلست تبكي....
دخل فراس:يله العنود ساعديني ناخذها
ام طلال:بروح معكم
فراس:لا يمه انتي اقعدي,تلقينها حاجه بسيطه مايحتاج انتي تروحينالعنود:وهو صادق يمه بتسوين لنا مناحه..وهي بسيطه
ام طلال بالياله رضت وراحوا لحالهم...
,,,,,,,,,,,
,
.
,
.
,
.
,
.
/

بالمستشفى...كانت سما محتاجه لمغذي وبعض المقويات لأن لها فتره ما أكلت شيء من كثر مافكرت بالأونه الأخيره,ونامت بعد كذا..
فراس: يله يا العنود أنا بروح للشباب عند نايف خليك هنا وإذا أحتجتي شيء دقي علي اوكيه
العنود:اوكيه...
طلع فراس,وأتصلت العنود على امها وطمنتها بأن كل شيء مشى تمااام وسكرت الجوال وجلست, وبعد شوي.....
طلال:السلااام عليـكم,
العنود:وعليـكم السلام هلا طلال
طلال:هااه كيف سموو..؟
العنود:ماعليها كان عندها انخفاض بالأشياء الأساسيه للجسم
طلال قرب لها وحب على راس سما:ماتشوفين شر,مع انك خوفتينا عليك اليوم..
العنود:إلا أقول طلال كيف نايف اللحين
طلال:والله يعني بس حالته مستقره, ومو واعي باللي حوله..
العنود تأثرت:الله يكون بعونه
طلال:أمين يارب
{رن جوال العنود}هلااا ميس
طلال جلس يسمع....
العنود:الله يعافيك,والله ما فيها إلا العافيه,مسرع وصلك الخبر
ميس بالجوال:هههه الله يخلي رويترز اللي عندكم
العنود:آه من لمو
ميس:ههههه عالعموم سلمات وماتشوف شر,حنا إن شـاء الله بنجيكم بالكم يوم الجايه
العنود:صدق والــله,ونااااسه
ميس:هههه إيه وناسه بس عاد لو أن نايف سالم كان
العنود:صادقه الله يشفيه
ميس:يله ياحلوه سلمي على سما وتمسي على خير
العنود:ههه وانتي من هله ياقلبي باي...{سكرت الخط وهي فرحانه}
طلال يحسد العنود من داخله,تسولف مع ميس:إلا وش اللي مونسك كذا
العنود والإبتسامه شاقه وجهها:ميس قصدي خالي ماجد واهله بيجون قريييب
طلال بيطير فرحه:صــدق,زيييين
العنود بنص عين:وشو اللي زين
طلال ابتسم على حركة العنود:زين انك مبسوطه,فيها حاجه ذي
العنود:أأأشوووى علبااالي يعد
طلال:ههههههه{قام } ههههه يله انا رايح إذا صحت الأميره النايمه اتصلي زين
العنود:ههههههه زين
,,,
[أحــــلام تـــحـــتـــضــر]
.
,
<<<<<<<اليوم الثاني ........
ميس تناظر بالساعه:يوووه الله ياخذه من سايق
ساره كانت تلبس عبايتها:اركبي معي اوصلك,اخوي بيوديني
ميس لوتموت ماتركب غير سيارتها:لا هو جاي اللحين
مريم عارفه ميس زين سكتت:يله بنات عن اذنكم,باي ميس,نشوفك الأسبوع الجاي
ميس سلمت عليها:إن شاء الله باي مريوم
اتصل سايقها ولبست:أخيــراً
ساره:ماشاء الله وصل حضرته
ميس ابتسمت ابشرك,
ساره: اوكيه خلينا نطلع سوا...
ميس لبست وعدلت النقاب وطلعت:يله ساره....
ساره بالشارع:وين سيارتك ياحلوه
ميس :ورى هذيك السياره البي ام,سيارتي هذيك الجيب
ساره:يوه البي ام سيارة اخوي متعب,شوفيه هذاك اللي واقف ومتكي على الكبوت
ميس شافته بغت تموت,وش هالوسامه, مع السكسوكه,والسمار والنظارات السوداء يطير العقل...
متعب هبلته عيون ميس,نزل نظاراته ودقق عيونه بعيونها,وهو يكلم ساره:كان نمتي
ساره:هههه اسفه متعب كنت انتظر صديقتي يجيها سايقها,مابغيتها تقعد لحالها
ميس ركبت سيارتها وعينها على متعب,حست انه اللي تدور عليه من سنين(وااو يطير العقل, احس بمووت)
متعب شاف سيارة ميس تحركت,تحرك هو بعد:إلا أقول ساره,صديقتك هي راعية الجيب
ساره بفخر:إيــه,
متعب:ياعليها عيوون
ساره بحسن نيه:ميس كل شيء فيها حلو مو بس عيونها.
متعب سكت تشوق اكثر لها:أسمها ميس
ساره:إيه
متعب: (ياعيـني حتى أسمها حلو,هـــذي اللي تصلح لي)
ساره:اقول تعوبي
متعب:والله اني دااري ان عندك طلب بس قوليه بدون نفاق
ساره:هههههه أحب اللي يفهمها وهي طايره,شوف حبيبي,تراني عازمه صديقاتي الأسبوع الجاي على تمايم بنت اختي رهف
متعب:والمطلوووب
ساره:كلك نظر السايق مسافر والسايق الثاني للحين ماجاء,أبيك توديني السوق اشتري اغراض لازمتني اوكيه يا حلو
متعب:مو مشكله بس ترى مالك إلا مشوارين بسس
ساره:الحمدلله يارب كنت مفكره مشوار واحد,بس الظاهر انك رايق عشان كذا قلت مشوارين
متعب ابتسم وهويتذكر عيون ميس:...........
,,,,,,,,,,,,,,,
ميس هي الثانيه طاحت ولا أحد سمى عليها,أول مادخلت غرفتها شغلت اغنية نوال الزغبي وهي مبسوطه..اللي تمنيته بأحلامي دالوقت لقيته...
حبيت ايامي علشان حبيتو..
مش هسيب فعمري ثواني غير ماعيشها ويـاهـ...,,,
**رمت نفسها عالسرير وهي تبتسم وتتذكر تفاصيل ملامح"متعب" السكسوكه والحواجب المعقوده والعيون ورموشه الكثيره,, وطوله وجسمه ...آآه هو وربي هو...حتى اسمه متعب يووه ياحلاته,متعب وميس,لايقين على بعض,ههههههههه شفيني أنا انهبلت هههههههه
,,,
,
.
,
.
[أحــــلامٌ تـحــتــضــر]
.
,
.
,

<<<< {ومرت 3 ايام عالأحداث السابقه}

إســـــــــتراليـــــــــ ــا.........
راكان وملاك دروا بأن نايف حي وما مات وهالخبر فرحهم كثير.ومشي الحال , ملاك طفشت من الجلسه بالشقه,خصوصاً أنها مخلصه مذاكره وماعندها شيء تسويه,,كانت لابسه تنوره أحمر قصيره مررره,وتيشرت ابيض واحمر ربع , طلعت من غرفتها وهي مسويه شعرها ثنين صايره كنها بنوته صغيــره,تهبل, راحت للثلاجه وطلعت علبة مويه وصبت لها بكوب, ورفعت الكاس بتشرب, سمعت صوت راكان يناديها:خـــيـــر راكان
راكان واقف بالصاله قدام المرايه يقيس البدله الجديده:تعاالي ملاك
طلعت ملاك اللي كانت حافيه وتكت على الجدار وكاس المويه بيدها"صفرت":واااو
راكان ألتفت عليها:شرااايك كشخه صح
ملاك:هههه تكفى يالوااثق.
راكان:ههههه ركزي عالشعر ,منتي ملاحظه أن شعري راجع لوراء
ملاك بدت براسها فكره جنونيه:ماشاء الله كيف سويت به كذا
راكان:ههههه علبتين جل, وإلا مايثبت منكس على وراء<<<{شعره ناااعم وطويل}
ملاك قربت له وهي تناظره فوق تحت(يجنن) أخذت الكوب وكبت المويه على شعره وهربت هههههههههههههههه شرايك كذا احسن
راكان متسمر مكانه انقهر من هالحركه:ليـــــــــه؟!
ملاك بحركاتها الطفوليه ورى الكرسي بالصاله,مدت لسانها:أحسسسسسن قهررر
راكان نزل جاكيت البدله ورماه وصار يلحقها وهو يضحك:واللــه أحسن هااه
ملاك راحت تركض وهي تضحك:ههه إيه أحسسسن هههههههااااي
راكان لحقها وبعد كم لفه بالبيت والغرف كلها نط عليها وطاح عليها وثبتها عالأرض كأنها مجرمه: يله اعتذري بسرعه يله
ملاك وهي تحبس الضحكه:لاااا ماني معتذره وش عندك{مدت لسانها تحره}
راكان سكت مع حركاتها من قريب تقطع القلب,ركز عيونه عليها..
ملاك بدت ابتسامتها تتلاشا مع نظرات راكان وهالموقف,حست بضعف, وحراره ماقدرت تبعد عيونها من عيونه,
راكان مد يده ولمس عيونها ومرعلى خدها << نسى نفسه
ملاك ماعاد تقدر تقوله أي شيء إلا أنها تغمض عيونها,وتبلع ريقها خايفه:..
راكان في غمرة هذا كله تذكر وعده لها بأن يكونون خوان,حس بقهر وحسره ضغط على نفسه وقام وطلع يركض برا الشقه...
ملاك ضلت مكانها عالأرض ولا قامت,صارت تتحسس قلبها اللي بغى يطير وراكان قريب منها, أبتسمت على شكله وهو يلمس خدها,كان يقدر يسوي اكثر بس هو عنده كرامه, فعلاً رجل بمعنى الكلمه مستحيل يفرض نفسه على وحده ماتبيه, للحظه تمنت ملاك أن راكان سوى أكثر وأخذ راحته غصب عنها لأنه لو بينتظرها توافق له قعد طول عمره يستنى (بس راكان مستحيييل يسويها,أنا أكثروحده تعرفه)
راكان هو الثاني جلس بالكافي اللي قبال العماره,كان يتنفس بسرعه كأنه كان يركض (شفيـك ياراكان تراها زوجتك أنت ما كنت تسرق...............بس ولو أنا عطيتها وعد....أصلن هي ماتبيني.......وشوله افرض نفسي عليها...الله يعيني يارب,وأقدر أصبر)......
{صوت مسج بالجوال,أنتبه راكان وفتح الرساله كانت من ملاك[وش فيك هربت؟؟...أرجع أنا طفشانه...أبيك تمشيني....]...راكان ماصدق} معقووله مازعلت,
{قام وطلع لها..............دخل الشقه وهو خاايف,تلفت ماشافها}
ملاك من وراه بنبرة حاده:راكااان من سمحلك
راكان خاف,ألتفت لها:أنا أسف يا ملاك وربي أسف,
ملاك جلست على الكنبه وحطت رجل على رجل:لا والله بأي بنك أصرفها هذي
راكان وعينه شوي عليها وشويات على سيقانها:ملاك مشيها هالمره ماراح اعيدها
ملاك,ماعاد تتحمل انفجرت ضحك:ههههههههههههههه
راكان استغرب هالضحك المفاجئ:ملاك وشوله الضحك اللحين
ملاك تحاول تتحكم بضحها:ههه اول مره أشوفك تعتذر لي كذا هههههه انت ليه هالقد خايف,أنا ماقلت لك انك سرقت,أنا أقول ليه تطلع وتخليني لحالي ذبحني الطفش.. بس
راكان ارتاح وجلس جنبها:بسسس
ملاك:ههههه بسسسس
راكان قرر يعاقبها عالحركه,تذكر نقطة ضعفها,لف عليها وصار يدغدغها :هههههه
ملاك بغت تموت ضحك:هههه لااااا ههههه راكان وجععع هههههههههههه
,,,,,,
.
,
.
.
,
.
,
.
,
.
,
السعوديه "جده"
ام طلال:يــــاهلا بكم نورتونا والله
ام محمد:الله يسلمك يا ام طلال والله هذا نوركم,هااه كيفكم واخباركم.
ام طلال:والله بخير,,هاه ميس كيفك ؟
ميس:تماام ياعمه,
لمى:اخيـــــــــراً جيتونا في جده, مابغيتوا
ام محمد: وكان ودنا جينا بظرف احسن من كذا
ام طلال:وين امي ما اشوفها
ام محمد:لزمت على بو محمد يوديها للمستشفى عشان تشوف نايف بالأول,وبعدها بتجي هنا
لمى قامت :ميس هاتي اغراضك وتعالي نوديها فوق
ميس:يله,.{وراحوا لفوق}
,
بالمستشفى...,
سما بدت تتكلم:العنوووود
العنود فرحت:سمو حبيبتي اخيراً
سما بكت:نايف مااات ياالعنود نايف ماات
العنود نزلت دموع الفرح لمن سمعت صوت سما:لا ما مات ياسما,نايف حي ما مات,
سما حاولت تستقعد:كيف؟ وشلوون لا تكذبين انا سمعت فراس بأذني انه مات
العنود:صحيح انتي سمعتي بس طلع اللي ميت واحد ثاني أما نايف حي بسس......
سما خافت:بس إيــش تكلمي
العنود:بغيبوبه,من وقتها
سما كأنها تنتظرها تقول هالمصيبه عشان تبكي نزلت دمعاتها:من وقتها,بس أنا من متى هنا؟؟
العنود:لك 3أيام يا الشاطره,وجوك زوار وراحوا وانتي بغيبوبه
سما سكتت ونزلت دمعتها:...........يعني نايف حي...
العنود:إيـه, الله لطف به
سما:الحمدلله, ربي لك الحمد والشكر........{سكتت}.........العنو� � ابي اشوفه
العنود: وشو؟ انهبلتي انتي
سما وهي تحبس العبره:الله يخليك ابي اكلمه ابي ا....
العنود:أقووول خليك واقعيه ,مانتي بشايفته والغلط اللي طحتي فيه بالبدايه من دون علمي ماراح تطيحين فيه اللحين بعد مادريت,أنتي مراهقه,ولاتعرفين مصلحتك كفاايه ان اللي راح عدى بخير من دون مايدرون ابوك واخوانك وإلا كان اللحين بخبر كان
سما سكتت وكتمت البكيه بداخلها,مايحسون فيها,هي تحب نايف, وتذكرت هالبيت (كل شيء فيك من مواصلك يمنعني)........
العنود:يله قومي بتصل بطلال وإلا فراس يجون يرجعوننا البيت,اهل الرياض واهل الدمام كلهم تلقينهم بالبيت....
سما ضلت ساكته ولا ردت.....................
العنود,تدري انها قست على سما وحز بنفسها هالشيء بس,لازم تكون صارمه معها بهالوقت هي مراهقه ولاتعرف مصلحتها,.....
,,,
,
.
,
.
,
.
[أحــلامٌ تــحــتــضـــر]

{الليل}
البنات كلهم مجتمعات بغرفة سما ولمى,وهاتك ياضحك ووناسه, إلا سما قلبها بوادي ثـااني,,مع هاللي طايح بالمستشفى والسبب هي,,
العنود:هههههه ياليت ملاك معنا اللحين
ميس:أصصص لاتذكريني ترى بصيح حدي مشتاقتلها
لمى:ياني مشتاقتلها هالخبله ماتدق ولا حتى ترسل
العنود:هههههه من لقى احبابه نسى اصحابه,خلاااص البنت تزوجت انسي تعطيك وجه
لمى:لاااا ملاك مو من هالنوع
دخلت ريم ووراها رنيم:هاااااااهـ كننا سمعنا طاري مرت اخوي هنا لايكون تحشون
الكل:بسم الله ههههه جن انتوا
لمى:ههههه اول مره اشوف حموات يدافعون عن مرت اخوهم
ريم:هههههه يابنتي لاتطالعين مسلسلات واجد ترى يكذبووون
{سلموا البنات وسهروا للصبح وبعدها نامت كلو حده مكانها.. بدون مايحسون}
,,,
[أحـــــلامٌ تــحـتـــضــر]