[فيتامين سي]

,,,
الجزء الـعـــاشــر...,

[أحـــــلامٌ تـــحــتـــضـــر]

أستراليـــــــــا......,
ترمش بعيونها,تفتحها وتسكرها بكسل,تذكرت وش حصلها البارحه,وحطت يدها على فمها خايفه تصرخ,حست بحركه جنبها,بلعت عبرتها ونزلت دمعتها وهي خايفه تقوم وخايفه بنفس الوقت تلتفت,..قررت تستجمع قوتها,وتستقعد,وبعد ماجلست شافت سريرها حوووسه وكتبها كلها على المكتب اللي قبالت السرير,حطت يدها على فمها مصدومه وقربت تبكي,تذكرت اللي البارحه وخنقتها العبره(يــــمـــه).........
{سمعت صوت راكان يغني,فرحت وخافت بنفس الوقت..}
دخل راكان كان لابس بيجامة نوم وشاق الإبتسامه:صـبااااح الخير
ملاك كانت عيونها مخضبه دموع,بعدت خصلات شعرها ورى أذنها بنعومه, وبلعت ريقها من الخوف,كانت مرتبكه..
راكان قرب وصار واقف عندها,وهو كاتم الضحكه:شفيك ملاك ؟
ملاك خافت:هاااه لا مافيني شيء...{حاولت تقوم وحست بدوخه وجلست مكانها}
راكان لاحظها,جلس على طرف السرير:بسم الله عليك ملووكه
ملاك حست بغصه بعد هالكلمه,نزلت دمعتها,اللي كانت تحاول تخفيها:..
راكان انهبل يوم شاف دموعها تنتثر بدون توقف قرب لها وهو يحاول يهديها:ملاك وشفيك ليه هالدموع,
ملاك انفجرت تبكي مثل طفله فاقده امها:اااااااا البارحه...{بكت}ااااا
راكان يستنطقها:إيوه وش فيها البارحه وش صار
ملاك وهي تبكي:طب علي حرامي بالغرفه و........{بكت}
راكان بعصبيه:لاااااهـ..حرامي وش سوا وش سرق؟
ملاك بكت وتكورت على نفسها:راكان ابعد عني الله يخليك اطلع وسكر الباب انا اللحين كارهه نفسي,
راكان رحمها:طيب أنتي ماقلتيلي وش صار بعد ماطب عليك الغرفه.
ملاك بكت :مــــــــاااااادري اطلع براااا
راكان :طيب شفتي شكله
ملاك تتذكر:لاااا ماشفت شيء ما اذكر شيء
راكان قرر يريحها لأن أعصابها باين تلفت:هههههههههههه
ملاك انقهرت من ضحكته اللي موقتها:هـــيــه مو وقتك بالمررره
راكان:ههههه معقوله نسيتي اللي البارحه
ملاك خافت:؟؟؟؟؟؟
راكان ببتسامه ساحره:أنا الحرامي اللي نط عليك البارحه
ملاك بصدمه:أنــــــت!!!
راكان بحركات غمز وإبتسامات ساحره:حركـــااات ياملاك
ملاك حمرت خدودها,حطت يدها على فمها وصدت من عيونه الحاده منحرجه:..
راكان مد يده,ومسح على شعرها بنعومه,وهو ساكت,ويبتسم بحالميه:...
ملاك غمضت عيونها اول مالمس شعرها وهي صاده عنه,حاولت تهدي نفسها:راكان قول وش صار البارحه بالضبط
راكان بصوت هاادي:مايحتاج اقول
ملاك عصبت:لا يحتاج,قول وش صار
راكان ببتسامه:بالتفصيل
ملاك وخدودها حمرااء:.......بالتفصيل
راكان:أووووكيه..هذا ياملاك لمن طردتيني من غرفتك,حاولت اسوي فيك مقلب, وساعدني,في ذاك الرياح اللي كانت قويه ليلة البارحه,ولمن دخلتي غرفتي كنت بالمطبخ ورحت لغرفتك وظليت باشباك لمن دخلتي وقفلتي الباب بعدها نطيت وانا ملثم, وانتي صرختي..و..
ملاك غمضت عيونها:......
راكان يكمل وهو مبتسم على تشكلها:وبعدها حاولتي تهربين بس تعثرتي وأغمى عليك,بعدها حاولت اصحيك بدون فايده شلتك وحطيتك بسريرك,وجلست جنبك طول الليل
ملاك فتحت عيونها:بسسس
راكان ببتسامة خبث:لااا فيه أشياء خارج النص,ماقدر اقولها
ملاك خافت:كــيــف؟!
راكان يخفي ضحكته:انتي ذبحتيني,
ملاك بترقب:؟؟؟؟؟؟؟؟؟
راكان:أول ماجيت بروح لغرفتي تمسكتي وحضنتيني ونمتي..
ملاك صدت عنه حطت يديها على راسها <<<< صايبتها مصيــبه ههه
راكان سكت وهو كاتم الضحكه.........
ملاك ماقدرت تطالع في عيون راكان,عصبت ولفت عليه بحركه ماكان يتوقعها ومسكته من ياقة البيجامه:أنت السبب انت
راكان:وش سببه
ملاك:انت اللي رميت نفسك علي,أنت مخطط على هالشيء,ليه ليــــه
راكان:يابنت الحلال فكيني ماسويت شيء خنقتيني
ملاك:إيش عيد اللي قلته
راكان فك يدها من رقبته وعدل نفسه:هههههه,مقلب هههههه ماسويت لك شيء
ملاك فرحت:صدق ياراكان
راكان ببتسامه:إيه صدق ارتاحي.. انا لمن شفتك اغمى عليك حطيتك عالسرير وجلست قبالتك هناك,{أشرعالأريكه}وانتظرتك تصحين عشان اتطمن عليك بسس
ملاك وهي للحين زانطته:والـــلــــه
راكان:والــــلــــــه
ملاك ابتسمت منحرجه منه,فكت يدينها من رقبته وابعدت عنه بهدوء:اسفه ,نزلت من السرير وراحت مسرعه للحمام تبي تتهرب
راكان تحسس يدينها على رقبته,وهو يبتسم,بعدها طلع من غرفتها......,
/////
.
,
.
,
.
,
.
,
.
,

السعوديه.....
الساعه10الصباح
........:يله ياميس مشينا خلصي
ميس نازله من فوق ووراها البنات:جايه يمه جاايه
العنود:يالله ياميس مابعد شبعت منك
ميس(معليش شبعت من طلال اللي كرهني في جده بكبرها)اشوفكم بالرياض باي {مشت وماخلتهم يقولون كلمه,ماكانت تبي تسمع احد}
العنود وقفت بنص الدرج بإحباط بعد ما راحت ميس للرياض وهي متضايقه وخاطرها متكدر,,,
رنيم من حرتها:مااالت على طلال
ريم تغمزلها:رنـــــــيم
العنود:إلا مالت عليه ونص بعد..تعالوا نصحي هالدبه لمى و هاللي ساكته اربع وعشرين ساعه سما
ريم+رنيم:هههههه يله
بالسياره,


كانت ميس تحاول تتناسى اللي صار لها في جده وسخافة طلال,بس كل ماتتذكر نظراته لها اللي كلها اتهامات,تكرهه,وشكله وهو يضرب هالشاب خوفها, قاسي القلب,,
بومحمد:ميس
ميس سرحااانه:.......
مهند:ميث ميث << ميس
ميس انتبهت:نعم حبيبي
مهند:بابا له ثااعه يناديك وانتي ماتردين
ميس:سم يبه
بومحمد:هههههه وراك وأنا بوك من ركبنا ماسمعنا صوتك
ميس ابتسمت:ماعندي شيء اقوله
ام محمد:اكيد تفكر بالكليه والإختبارات
ميس ببتسامه صفراء:إيه..صح..الله يعين
محمد:خسااره ما طولنا بجده
بومحمد:فالإجازه بنروح ان شاء الله
ميس سكتت وسرحت ...........
,
,
,
,
,
,
,
,
,
الرياض:
الجوهره:اففففففف
ام سعد:شفيك قمتي تتأففين وتنفخين
الجوهره ماده بوزها:يعني عاجبك يمه كل العايله متجمعين في جده وحنا مزروعين هنا لحالنا
ام سعد:شنسوي ابوك مافضى والعمل ما ارخصوله
الجوهره قامت وأبعدت غرتها عن عيونها وصعدت لغرفتها,وفتحت النت لقت إيميل جديد..!!كنسلته,ودخلت على المنتدى علطوول,تشوف الردود على خاطرتها اللي نزلتها من يومين,الردود كانت كثيره(واااو معناته حلوه),فجأه,تشوف بطرف الشاشه طلب محادثه من[~مــــآسي ياحـيــاتــــي~ حــــياتـــي من دونــكـ~ مــآسي]
الجوهره!:من هذا؟..!!والله ماني رايقه وإلا كان...والهالكلمات ماحبها تجيب المرض نااس ماتعرف تكتب عن نفسها استغفر الله...
{طنشته ورجعت تتصفح بالمنتدى}...

{طلب محادثه ثاني } ياليـــل هذا مايمل,شافتها ملاك بغت تطير من الفرحه:يـــــاعمري يا ملاك
[مــلاك وعيوني هــــلاك]:
هــــــــــــااي..جوجو
[جوجو]
هايات ملاااااااااااااااااك,
[مــلاك وعيوني هــــلاك]:
كيـــــــــــفك حبيبتي
[جوجو]
بخيـــــر,انتي كيفك وحشتيني موووووت
[مــلاك وعيوني هــــلاك]:
ماتشوفيش وحش ههههه وانا بعد وحشتيني
[جوجو]
علوومك وعلوم راكان
[مــلاك وعيوني هــــلاك]:
علومي زينه مالك شغل براكان هههههه
[جوجو]
ههههههههههههه شدعووه,كل ذا حب وغيره
[مــلاك وعيوني هــــلاك]:
ههههههه مالك شغل هههههه
[جوجو]
شغلي المايك والكاميرا
[مــلاك وعيوني هــــلاك]:
المايك حقي خربان ههههه
الجوهره طلع عندها طلب محادثه[~مــــآسي ياحـيــاتــــي~ حــــياتـــي من دونــكـ~ مــآسي]
[مــلاك وعيوني هــــلاك]:
جوووجووو وين رحتي؟
[جوجو]
موجوده بس طلع لي محادثه ثانيه,
[مــلاك وعيوني هــــلاك]:
مين هذي؟
[جوجو]
موبنت,هذا واحد بالمنتدى سويت له اضافه
[جوجو]
وازعجني خلاني اندم
[مــلاك وعيوني هــــلاك]:
هههه وش يبي
[جوجو]
يقول يحبني,ههههههه
[مــلاك وعيوني هــــلاك]:
ههههههههههههههه
[مــلاك وعيوني هــــلاك]:
مااالت عليه
[جوجو]
ليـه أنا ما أستاهل انحب
[مــلاك وعيوني هــــلاك]:
ما أقصد,بس مافيه حب ياهبله,كلام فااضي
[جوجو]
يعني أنتي وراكان ماتحبون بعض
[مــلاك وعيوني هــــلاك]:
جوجو,أنا مشغوله بعدين اكلمك حبيبتي باي
[جوجو]
ههههههههههههههههههههههههه ههههههه
[جوجو]
تصريفه حلوه هههههههه
,,,,,,,,,,,,,
ملاك قامت وقفلت النت واللاب توب...وقامت تشغل نفسها بأي شيء اهم شيء ماتحاول تفكر براكان ولا بعلاقتهم البارده,قامت و شغلت التلفزيون ورفعت صوته بحيث يصج الشقه الصغيره ودخلت المطبخ تسوي لها كافي ...........
,,,,,,,,
.
,

الجوهره سوت بلوك للإيميلات اللي ماتبيها كلها ,وقامت وتركت الجهاز,وراحت وهي تطق علكتها بشكل محترف,كانوا البنات يحسدونها على كيفية طقت العلكه بفن متقن ههه:افففف حتى الكتب ممله متى ياربي ادخل الجامعه...
{رن جوالها} وااو أخيراً,يارب تكون اميره:هلاااا واللــه ومرحــبــــااا
أميره بالجوال:هههه اهليييين, شهالترحيب العريض هههههااي
الجوهره:ههههه عااادي فرحانه ان صديقتي متصله علي فيها حاقه دي فيها حاقه دي ههههه
أميره:هههههههههه شفيك قلبتي مصريه
الجوهره:أقول بس اخلصي,أنا تراني طفشااانه حدي وش عندك متصله
أميره خبيره بهالحركات:ولا يهمك,وش رايك اني متصله اعزمك
الجوهره:وشووو, عزيمه وناااسه
أميره:هههه,إيه يالمطفوقه,بكره عيد ميلادي وإلا نسيتي
الجوهره:لااااهـ,صدق والله أجل كل سنه وانتي صديقتي
أميره:ههههه مالت عليك ياشيخه
الجوهره,تستهبل:الحمد لله شيخه يعني مو أنا هههه
أميره:هههه لا والله تستهبلين
الجوهره بحماس: المهم ماعلينا تراني بجيك أول وحده,ولا يهمك,
أميره:حياك الله..يله انا بتصل على باقي الشله
الجوهره:إيه بس لاتعزمين تهاني الله يخليك
أميره:ليه؟
الجوهره: مادري بس بتقعد تتفلسف علينا وتاخذنا طول الحفله نصايح وحنا مالنا خلق نبي نستانس ونفلها.
أميره:هههه اوووكيه اصلاً بيني وبينك حتى انا ما احبها,يله باي عيوني
الجوهره:بايوو....
{نطت من الفرحه }لااازم السوق الليله خليني انزل اكلم البابا عشان ينزلي مبلغ وقدره بحسابي,واااو وناسه وفكه من هالحكره....
.
,
.

باليوم الثاني::
جوجو خلصت لبس وكشخه,,ونزلت تنطنط على الدرجات برشاقه...
ام سعد:جوجو شوي شوي تراك بنت منتي ولد
الجوهره باست خد امها :مــامااا,,عاادي لاتدققين ههههه
ام سعد تناظر ببنتها فووق تحت وصغرت عيونها تخزها:جووجوو, وش هاللبس
الجوهره مدت بوزهابدلع :مااامي,قلتلك لاتدققين,هههههه يله باي ...
{ومشت مسرعه كانت لابسه فستان كحلي عاري ولين الركبه}
أم سعد:طيب يالمطيوره متى بترجعين؟؟
الجوهره وهي طالعه:مــادري يمه بتصل واقولك باااي يمه
{طلعت وسكرت الباب}
ام سعد:الله يهديك وأنا أمك,ما ادري وش نهاية هالدلع,كله منك ياسلطان
{بعد شوي}
دخل بو سعد:السلام عليكم
ام سعد:هلا سلطان وعليكم السلام
{جلس واسترخى عالكنبه}
ام سعد جلست قباله:بوسعد ما تعلمني وش نهاية هالدلع مع جوجو
بو سعد ببتسامه:وش هالغيره يا غرام تراها بنتك ههه
ام سعد:سلطااان اتكلم معاك جد انا البنت بتخرب والسبب دلعك لها حتى انا مالي كلمه عليها,ولا وحده من بنات أعمامها طلعت حفلات ولا راحوا سهرات قبل مايتخرجوا من الثانويه,وهذي ما شاء الله ما فيه اسبوع يمر إلا حفله وإلا مسخره
بوسعد:خليها تستاانس,هذي جوجو دلوعتي,بعدين ياغرام مانتي شايفتني تعباان ومهدود حيلي من الشغل,قومي حطيلي لقمه اكلها الله يخليك
ام سعد نست الهواش وقامت وهي شاقه الإبتسامه:من عيــــوون غراام ياروح غرام,,
..
.
.
,
.[أحـــلامٌُ تــحــضـــر].
,
.

.

{بالحفله}
الجوهره واقفه تسلم على أميره وشلتها,وقعدوا يسولفون شوي ...أخذت اميره على جنب:اميره كل هذولا عازمتهم !!
اميره:هههههه نسيتي انا بنت مين
الجوهره:مانسيت بس معقوله تعرفين كل هذولا
اميره تبسم على براءة الجوهره:ههههه لا مو لازم اعرفهم علشان يجوني
الجوهره:يعني بدون عزيمه
اميره:لا بعضهم يجون مع صاحباتهم والبعض يتطفل,وانا ما احب اطرد احد من بيتي بصراحه
الجوهره:أهااا..طيب
دالي وحده من رفيقات الجوهره:هااي جوجو
الجوهره ببتسامه:هااي داالي...وقفوا يسولفون شوي .....

بطرف آخر من هالحفله..ثنتين واقفين مثل المراقبين وشكلهم بالمرره مريب...
كادي:شااايفه هذيك
وداد:مين ام عيون زرقاء؟؟
كادي:إيه اللي لابسه تركواز
وداد:يالهبله مافيه وحده غيرها بالحفله عيونها أزرق غامق وحلو بعد
كادي:إيه صح ,تعتقدين عدسات وإلا صدق
وداد بدون اهتمام وش دخلني بالطقااق
كادي:يالهبله نسيتي,
وداد:وشو اللي نسيته.؟
كادي:طارق
وداد ارتبكت من الإسم:إيــه إيه اسكتي لاتفضحينا..انتي وش ناويه عليه
كادي ضحكت بمكر:هههههه..
وداد رحمة الجوهره للحظه,شكلها صغيره وبريئه:لاااا ياكادي دوري غيرها
كادي: والله ماهنا غيرها..كل المواصفات فيها وبالمره نفك اعمارنا انا بصراحه قرفت من هالعيشه وابي اخلص من جبروت طارق
وداد:بسسس
كادي قاطعتها:انطمي انا رايحه اشوفها من قريب واتأكد من عدساتها هي حقيقيه وإلا مركبتها هي..........

مشت لاحظت اميره واستوقفتها:امووره حبيبتي سنه حلوه ياحلوه عقبال للميه
اميره :تسلمين كادي ماشاء الله وين هالغيبه
كادي: موجوده,شفتك عزمتي بنت جيراننا منال قلت اجي معاها اشوفك وإلا انتي خلااص ماعاد تذكرين احد
أميره:ههههه يابنت الحلال,خليها على الله..
كادي لقتها فرصه تسأل أميره عن ام عيون زرقاء:أقول اميره
أميره:نعم كادي
كادي:من هذي ام عيون زرقاء
اميره:هههههه مين الجوهره سلطان؟!
كادي:هذا اسمها,
اميره:هههه إيه انتي ليش تسألين
كادي:كذا أول مره أشوفها معك...
اميره:أهاا
كادي:إلا اموره حبيبتي بسألك عدساتها طبيعيه وإلا تركيبه
اميره ضحكت على طريقة السؤال:ههههه إيه طبيعيه يالخبله,شبلاك قالبه محقق تعالي أعرفك عليها يالدبه ادري انك حشريه وفضوليه وبتموتين إذا ماتكلمتي معها ,تعرفي عليها وارتاحي لا ينطق فيك عرق الفضول..وأخذتها وتعرفت كادي على الجوهره وبدوا يسولفوون
وبدت كادي تنصب على الجوهره,,وتسلك علاقتها معها..
,,
,
,,
.[أحـــلامٌ تــحــضــر].
,
.
,
.
,
.


.

مضت الأيام على سما كالدهر,لا تهنى بعيشه ولا تدري باللي حولها حتى الدراسه تراجعت فيها,كرهت نفسها بشكل ماتتخيله,,حتى لونها قلب اصفر, ونحفت,,كانت تجلس بغرفتها كثير,تقرأ قرآن كثير وتبكي وتصلي,وتصوم لها ولنايف,وتتصدق عنه,,,الكل لاحظ عليها الإنطواء والعزله,,,,
أم طلال اكلها قلبها على بنتها,قررت تصارح بنتها وتستفسر عنها............. دخلت الغرفه عليها:السلام عليكم
سما كانت توها مخلصه قراءة القرآن:صدق الله العظيم,وعلكم السلام هلا يمه
ام طلال بحنان الأم جلست جنب سما وهي حاطه يدها على كتفها:سما ياقلبي وش فيك
سما ببتسامه تخفي ألم:مافيني شيء يمه,ليش
ام طلال:إلا فيك شيء,أنتي منتي ملاحظه شكلك بالمرايه,لونك صاير أصفر وتحت عيونك اسود, حرام عليك يابنتي,قولي وش فيك انا أمك ياقلبي
سما:يــمـــه مافيني شيء والله
ام طلال,ماصدقتها:.........
سما تكمل:أنا بس شايله هم الدراسه,متى راح نبدأ نطبق بالمستشفى وهذا الشيء مخوفني بسسس
أم طلال:أكيـــد ياقلب امك
سما ببتسامه صفراء تخفي حزنها الدفين:هههه اكيد ياقلبي انا
ام طلال:طيب ياسما برضاي عليك تنزلين معي تحت أخوانك كلهم تحت مجتمعين وابوك, ماناقص إلا أنتي قومي معي, ابيكم دايماً حولي,
سما ابتسمت:من عيوووني يا يمه,
{نزلت جلال الصلاه ورفعت المصحف عالكومدينه,وطلعت مع امها...,وانبسطت تحت معهم ورجعت الإبتسامه لوجيه العايله بعد ماشافوا سما تشاركهم الجلسات,والسهرات العائليه مثل قبل}.......
,,,,,


عالجهه الثانيه فالمستشفى,نايف إلى الآن بغيبوبه ولا يصحي,,,ومصيره مجهول, بين هالأجهزه,والدكاتره قالوا انهم مايدرون متى يصحي من هالغيبوبه يمكن شهر شهرين سنه الله اعلم,وابوه جالس يزوره من وقت للثاني لأن سعود وراه دراسه ومايقدر يتركها اكثر من كذا,خصوصاً انه بآخر سنه بجامعة البترول والمعادن,.....
,,,,,,,,,,,,,,,,,,,,,,,


ملاك وراكان انشغلوا بالدراسه,اللي ماخذه اكثر وقتهم,خصوصاً ملاك اللي ماكانت تضيع وقت,واتفقت مع راكان انها راح تكرف دراسه ليل نهار,وتختصر سنوات الغربه,بأنها تاخذ ساعات زياده,مع انه راح تثقل عليها بس هي عندها طموح كبير, كان راكان يطفش من انشغالها الدائم عنه,هو يذاكر بس مو مثلها ,اربع وعشرين ساعه,كان عنده اوقات فراغ كثيره وهو يقضيها يايجلس يتفرج بالتلفزيون او يطلع يتمشى برا لحاله,بعكس ملاك اللي ماتفضي إلا ساعات قليله تستغلها بالنوم,والراحه من المذاكره....,,هذا بإختصار حالهم...
,,,,,,,


ميس اللي للحين بعالم الأحلام الورديه,تعيش بين كتبها بس بدون ماتتعب نفسها بالمذاكره,تحب تسمع فيروز كثييير,وتسمع يارا,وفضل شاكر هالأثنين تموووت عليهم,,ماتركت دفتر خواطرها اللي تعشقه,.......
,,,,,,,,,,,,,,,


وطلال كان من فتره للثانيه يحاول يتصل عليها علشان يعتذر بس يتراجع,يحس بشيء يمنعه, وبالآخير قرر يتصل بس بالوقت المناسب مو اللحين,,
,,,,,,,,,

.[أحـــلامٌ تــحــتـــضـــر].

نرجع للأحداث السرديه ..,
بالكوفي شوب:
فراس الجوال بإذنه يكلم:خلاص يادنيا حبيبتي لاتزعلين,.....راح نتقابل بكره اوكيه باي
هاجد:هههههه دنيا هذي جديده.
فراس:ههههه إيه خبرك كرت هند ومرح احترقوا ههههه
هاجد:هههههه وش هالحظ اللي عندك,البنات يطيحون عليك مثل المطر
فراس يتميلح:جمالي يدووخ أي بنت
هاجد قروي شوي:اقول انطم لاتقوم تتميلح قدامي تراني هاجد ماني بمنيره
فراس:ههههههه هذا عيبك وتقول البنات ليه مايعطونك وجه وشلون يعطونك وجه وانت جلف كذا!!! ههههه تعلم الذرابه .
هاجد عصب:اقول انكتم انا ذرب قبل لا اعرفك
فراس:ههه يالدلخ قصدي الرومانسيه والكلام الحلو هذا اللي البنات يدورون عليه,
هاجد بإحباط: والله ببطي...بس ابيك تعلمني,انت بصراحه فنان في صيد البنات,
فراس يترزز:ههههه إيه تعدل,
{ناظر بالساعه}اووف صيفت على اهلي عن اذنك ياهاجد بمشي اللحين.
هاجد:ياولد خذني معك وصلني لبيتنا ماني بقاعدن هنا لحالي
فراس:ههههه يله قووم انت والله انك نشبه
,,,,
,
,
,
,
,

البيت:
العنود+سما:ههههههههه
العنود:هههه الله يقطع بليسك ياغيداء صدق انك نكته
غيداء:ههههههههه اسكتي والله مابعد سمعتي شيء
لمى جايبه قهوة مارس وحلا وحركات,وحطتهم:عيدوا اللي قبل شوي كللله
غيداء:ههه ماراح نعيده,
سما:ههههههه انا راح اقولك بعدين
لمى:معلييييه ياغيود
غيداء:هههههههههه
العنود ناظرت الساعه:اوووف الله يقطع بليسكم وراي اختبار بكره وانا ماراجعت الماده عن اذكم ياجماعه
سما ماعاد تسهر مثل قبل:وانا خذيني معك "نودي" تصبحون على خير بنات
غيداء:وانتوا من اهله.
لمى:غيداء بالله ذوقي الحلا مسويته مخصوص واول واحد بيذوقه انتي.
غيداء:والله انا اول واحد الله يعيني,بس كيف حا أكله بيدي مثلاً
لمى:اووه نسيت الملاعق,لحظه وانا جايه
غيداء :يله بسرعه وانا حدور بالتلفزيون على حاجه نتفرج عليها..
دخل فراس بهاللحظه وما حست عليه غيداء اللي كانت معطيته ظهرها والريوموت بيدها, وفاكه شعرها القصير كيرلي,, علباله لمى لأنه متعود يشوفها متسمره عند التلفزيون هالحزه,دخل عادي وجلس جنبها ومالاحظ البنت ومد يده عالريموت اللي بيدها وأخذه:ما استقريتي على محطه....
{لاحظ لمى ماهاجمته كالعاده,التفت!!} غريـ.. غيداء بجنبه وكتفها بكتفه, تسمرت مكانها وماعاد تقوى عالحركه
فراس سكت وهو مانزل عيونه عنها إيش نعومه وإيش رقه باينه بمحياها,مع خدودها المورده خجل..وإلا لبسها الكيووت مررره تيشرت زهربخطوط بيضاء ناعمه كت وبرمودا زهر,
غيداء حست لمى تأخرت حيييل,مع انها توها رايحه والمطبخ بعيد شوي,قامت تبي تهرب من نظرات فراس,
فراس مسكها بكل وقاحه وجلسها مكانها,وقام هو: أنا أسف,كنت احسبك لمى {ومشى لغرفته فوق}
غيداء استرخت كل عضلاتها,بعد مالمسها فراس,حست بقشعريره,عمرها ماقد لمسها غريب,مع انها ماتتغطى هذاك الغطاء,كل غطاها حجاب وبسس
لمى جت اخيراً:سوري تأخرت عليك
غيداء سااكته...........
لمى:غيود شفيك
غيداء تتناسى الموقف:مافيه شي,بس فين الملاعق,
لمى بحماس:هذي هي,يله قولي وش رايك فيها؟
غيداء تعفس وجهها:والله...يعني مش بطال
لمى:كيييف
غيداء:ههه امزح بجد حلو يعطيك العافيه,...
{سكتت غيداء وهي تتذكر فراس اللي تحبه,مو مصدقه أنها شافته...أبتسمت}
لمى بدفاشتها المعتاده ضربتها على كتفها:هيييييييه وين رحتي يالدوبه
غيداء انتبهت للضربه:آآآآي وجع..ما دبه غيرك
لمى ضحكت على عصبية غيداء البارده:ههههههههههههههههه� �ه
,
{أحــــلامٌ تـــحـــتــــضـــر}

,
.
,
.{أحــــــلامٌ تــحـــتــضـــر}
,

أجـــمـــل إحـســـاااس بـالــكــووون...
إنـك تـعـشـق بــجــنـــوون ودا حــــــاالي معــاك...
خليـتـنــــــي أعيــــــــش أيـــــااام.. مليـــانه بـشووق وغرااام دوبني هـــواااك عـشـقـاااك بجـنـووون روحـي أنا ألبي المفتون كله منى
......أوول مره أحس الدنـيـا حلوه بعيني كداا.......
كانت ميس مستلقيه على سريرها وداخله جوو مع أغنية إليسا..,,رن جوالها.. مدت يدها وشافت المتصل,أستقعدت وردت:هـلااا سااره
ساره بالجوال:هلا ميوسه,أخبارك
ميس:هههه تماام ترى امس شايفتك عند مريم امداه يجي اخبار
ساره:ههههه,شفيك الواحد مايسأل يعني وإلا شلون,
ميس:هههه امزح سوري,هاه,اخبارك انتي
ساره:ههههه بخييير,بس أبي رقم امك,
ميس استغربت:لـيـه؟ وش تبين بأمي
ساره:مو انا اللي ابيه ,أمي ياميس
ميس:ليش؟
ساره قصه طويــــــله أقولها لك بعدين
ميس:لاا لاا بتقولينها اللحين
ساره:هههه,طيب هذا يا ست ميس,أمي لمن كلمتها عنك وعرفت انك ميس ماجد الراكان علطوول تذكرت امك,تقول انها كانت تعرف امك ايام الثانويه,وقتها امك كانت حامل..وأسمها أسماء صح؟؟
ميس تذكرت:إيــه أمي وقتها كانت حامل فيني,,
ساره:المهم هذي هي السالفه يالغاليه
ميس وهي للحين مدهوشه من الصدفه:يالله أمي لو تدري بتطير من الفرحه
ساره:أنتي بس قوليلها بدور العبدالرحمن تسلم عليك وهي بتتذكرها على طوول
ميس:أوكيه راح ارسلك رقم امي اللحين بطاقة اعمال,
ساره:تسوين خير,باي اللحين
ميس:باي......
{قفلت الخط وهي مو مصدقه}ياسبحان الله معقووله أمي وام متعب يطلعون يعرفون بعض!...هههه وش هالصدف الحلووه ياميس,وااو لويصر اللي في بالي صدق,بكون أسعد بنت على وجه الأرض.
{رن جوالها نغمه وسكر..ملاك..}؛
ههههههههه ليالبخيله ياملاك..عرفت على طول أنها قصدها تبيها تشغل النت والماسنجر...وفعلاًَ قامت وشغلته .....................
&&&&&&&
,
,
,
.
.
,
.

الكليه الصحيه..جده
قسم التمريض..
أصوات وإزعــاج,,,كـانت نهاية الدوام..ونهاية الأسبوع..والكل يهم بالخروج,,
بعد يوم دراسي طويــل...
تمشي مسرعه من بين البنات وشكلها عندها شيء مهم:بنات شوي ...بعدي الله يخليك..............سوزااان,ســمـ� �ـاااا..وقـفـوووا
سما والشنطه بيد والملزمه بالثانيه,وقفت وألتفتت:سوزي وقفي ,
سوزان:إيش بك يا سموو
سما:منتي سامعه نرجس بتنادي
سوزان:أوووف منها أكيد عندها خبر معفن كالعاده,,
نرجس وقفت وهي تلتقط أنفاسها من السرعه:أخيراً لقيتكم
سما بهدوئها المعتاد,أبتسمت:خير يانرجس,,علشان إيش كل هذا؟؟
نرجس:أسكتوووا
سوزان بطفش:يووه,هو إحنا أتكلمنا عشان نسكت..أنطقي وخلصينا
نرجس:من الإسبوع الجـأي راح نبدأ نطبق بالهوسبتل
سوزان:أوووف مو قلتلك ياسموو خبر معفن زي كل مره
سما بإهتمام:بجد يانرجس
نرجس:أيوه بجد وإزا منتو مصدقين روحو للدكتور وأسألوه
سما:وش دعوه مصدقينك
سوزان بإحباط:هو المصيبه أنوه أخبارك المعفنه دايماً صحيحه
نرجس:سوووزي وبعدين معاكي
سما:أوكيه بنات,,أنا ماشيه زمان السواق بينظرني برا
نرجس:هيييه,على فين ياهووه
سوزان:خيرر فيه خبر معفن تاني لسع ماقلتيه
نرجس:هههه إيوه...أنتوا ما سألتوا أي هوسبتل راح تداوموا ياحلوين!
سما:أيوه صحيح نسيت بأي هوسبتل,,راحت علينا نسألك يارويترز
نرجس:هههه ياستي راح تداومو بمستشفى الـ.....
سما وقف العالم عندها للحظات,هذا نفس المستشفى اللي منوم فيه حبيبها نايف...
معقوله ..غرقت عيونها بدموع غاليه للغالي.أخيراً راح تكحل عينها بشوفته اللي انحرمت منها بمنع من اختها العنود...
سوزان:سمووو...سمووو
سما انتبهت ومسحت دموعها:أيوه خير
سوزان:سمو انتي بتبكي
سما:هــااه لا...بس حاجه دخلت بعيني...يله نمشي سوزي
,
,
,,,,,{أحـــلام تحتضر},,,,,,
,
.
.
.
.
,
,
,
{رن جواله..ورفعه عشان يرد.}هلا طارق
طارق بالجوال:اهلييين فراس كيفك بو الشبااب
فراس فتح باب السياره وركب وشغل:ههه تمااام وين بو زياد ماعاد نشوفك ولاشيء شدعوه
طارق:هههههه مشاغل ياولد..شنسوي
فراس:ههههههه اقول انطم بس اكذب على هندي مو علي..أي مشاغل تراني فراس ماني وليد وإلا واحد من الخبلان اللي عندك
طارق:ههههههه مشكلتي انك عارف عني كل شيء
فراس:هههه إيه والله مشكله,المهم وش وراك متصل هالوقت,وش وراك
طارق :عندي لك مفــــاجــأه من العيار الثقيل
فراس:يبن الحلال عارف مفاجأتك,,,قديمه
طارق ارتبك وحاول مايبين.ونجح لأنه ماهر في هالشيء:لااا هالمره غيـــــــر بنت بكراتينها يعني #####<<<< شوفو التعبير...!
فراس يخفي حماسه:يعني ###### متأكد انت
طارق:أقول انت بتجي الرياض هالسبوع وإلا لا قول,عشان نضبط كل شيء
فراس صارعنده فضول:خلاص بجي بحاول المساء أكون عندكم
طارق:شووف نسيت أقولك غيرنا الإستراحه
فراس:وليش؟؟
طارق:ياخي حسينا ان اللي حولنا بدوا يشكون قمنا غيرنا...
فراس:أوكيه وين غيرتوا
طارق:حنا ياطويل العمر بـ###### اللي جنب######
فراس:أوووكيه...أنا جــاي سلام اللحين انا اسوق وانت اشغلتني باي.....
ههههههههههه ليالخبيث يا طويرق,,,منين تجيبهم مــااادري...ههههههههههه
,
.[أحــــلامٌ تـــحـــضــــر].
,
,,,
,,,
,
,
.
,
.
,
.

بالنصف الثـــاني من الكره الأرضيه.....

أورااق وكتب مبعثره,,,النظارات طايحه عالمكتب,,, فيه كم قلم طايحين عالأرض
والسرير مو مرتب ,,, وعلى الكومديون علب مويه فارغه وكم كوب كافي من كم يوم , حــــــــاله يرثى لها....طلعت من الغرفه متوجهه للصاله..لقت الحال فيها مايسر....هنا وقفت ملاك وهي تلوم نفسها:يــاربي لهالدرجه وصلت بالإهمال.. ياويلي شبيقول "بركان" عني.. أكيد بيقول وصخه...صدق فشيله...ألتهيت بالإختبارات والبحوث وتركت بيتي واللــــه لو تدري أمي عني أن توريني نجوم القايله......أحسن شيء أبدأ أرتب هالحوسه وفرصه مدام راكان ماراح يرجع إلا بالليل,أسوي كل شيء,,,
شمرت عن اكمامها وبدت تفتر بالشقه.................
,
,
,


بكافتيريا الجامعه:
راما:شو فيك "راكي" حبيبي هاليومين ماعم تعجبني
راكان أخذ نفس عميق:لا مافيه شيء حبيبتي بس أنا هالأيام أسهر عالبحث ويمكن تعبت المهم خلينا مني اللحين..قولي لي أنتي ليش ماداومتي امس
راما بدلع: متلك سهرت عالبحس{البحث} ونعست ومافقت إلا والدوام انتهى
راكان:حبيبتي لا تعيدينها,ثاني مره اوكيه..لأني امس قلقت عليك
راما بضحكة دلع:هههه لأه ما راح عيدها,,بس ما بوعدك هههه
راكان مسك يدها وقومها:يله حبيبتي مشينا
راما:يووه وين لساتنا أعدين
راكان:عازمك على عالعشاء
راما:عم تحكي جد راكي..
راكان:أجل أمزح
راما:بس حبيبي نحنا عنا بحس و.....
راكان قاطعها:ولا كلمه كرهت هالكلمه بحث ودراسه..لاحقه عليها كلها ساعه او ساعه ونص وراجعين
راما:هههه أووكيه مشينا حبيبي
راكان ويدها بيدها والإبتسامه تعلو وجهه:يله رام..
,
,
,
.[أحـــلامٌ تــحــضــر].
,
,

,,,,,,,
خلصت من كل شيء البيت صار كأنه مرايه .وريحة العطور تفوح..والكنبات غيرت مكانها ورتبتها بشكل حلو.. وشالت اللوح اللي مالها داعي من الحيط وحطت لوحه حلوه من غرفتها...ورتبت غرفتها بعد ماراحت ورتبت غرفة راكان..وسوت العشاء صينية خضار وبعض السلطات و تحممت وراحت لغرفتها تلبس أشياء مو متعود يشوفها راكان لابستها,أول شيء طرى ببالها تنوره,هي ماتلبس تنانير,قررت تلبس تنوره لين نص الساق وتفك شعرها اللي داايماً مربوط فوق ببكله..حطت روج بناتي اللي تحبه وبسس وطلعت تنتظره بالصاله,تبي تغير روتين حياتهم الممل,ناظرت بالساعه:يووه غريبه الساعه 11 وراكان للحين ماجاء وش القصه؟!...............
...........والساعه وصلت 12قلقت ياربي وين راح هالرجال؟؟؟!,,,,,,,,
{عاشت 3ساعات قلق المفروض يرجع البيت 10 والساعه اللحين12 وين راح ليش تأخر؟؟.......
أنفتح باب الشقه ودخل وهو يغني ومبسووط,شاف ملاك قدامه فالصاله اللي متغيره وملاك واقفه وتخزه:ســـــــــلااااآآآآ� �م
ملاك :سلااام....أنت وين كنت كل هالوقت ماتقولي,
راكان بتعجب:غريييييبه وش الطاري جالسه بالصاله تنتظريني حركاات
ملاك قربت منه وضربته على كتفه خفيف:حركات بعينك,, ماتقول وراي وحده جالسه لحالها,بروح اونسها
راكان بضحكة هزء:هههه أي جالسه لحالها وانتي اربعه وعشرين ساعه بغرفتك وعند كتبك حبايبك
ملاك:طيب وين كنت فيه؟
راكان بلامبالاه:وش دخلك
ملاك عورتها هالكلمه بس عذرته,بصوتها الناعم:طيب روح غسل وبدل ملابسك علبال ما أسخن العشاء واحطه
راكان بتهرب:لا لا مابي مشكوره متعشي برا
ملاك بدلع,سبلت بعيونها تستعطفه:طيب مين راح يتعشى معي
راكان:محد
ملاك مدت بوزها بدلع:يعني انام ماتعشيت
راكان:لاحووول,خلاص بقعد معك ,رحمتك,
ملاك شقت الإبتسامه:مشكور راكان ثوااني وأنا جايبه العشاء

{{{عالطاوله,
ملاك:راكان ذوق من هالسلطه والله حلوه
راكان بدون نفس:مابي
ملاك:علشان خاااطري
راكان:لاحووول بس لقمه بس,
{أخذ الملعقه ورن جواله راما تتصل بك فز من طوله}
ملاك استغربت:راكاان وين تو الناس!!
راكان:مكالمه مهمه,كملي عشاك لحالك بدخل اكلم وانام,تصبحين على خير
ملاك استغربت فزت راكان للجوال,ماقد سواها حتى اصدقاءه واهله يكلمهم قدامها شمعنى هالمره,,قامت وشالت الصحون,ما اهتمت كثير بالموضوع,وكيف تاكل لحالها,أنسدت نفسها........
,
,
,
,,,,,,,,,,[أحــــــــلام تـحــتـضر]،،،،،،،،،
.,
.
.
,
.
.
,
.
إليـــــــــن اليـــــوووم......إليـــــــ ـن اليـــــــووم........وأنا عندي أمل فيهم
ولا مـر يوووم إلا فـي تـحريـــــهم......إليــــن اليوووم
ولوو طااال السفر سنيـــــن وسنيـــــــن أكيـد بيوم ألاقيهم....
إليــــــــن اليووووم ..إليـن اليـــــــووم........وأنا عندي أمل فيهم
ولا مـر يوووم إلا فـي تـحريـــــهم......إليــــن اليوووم
إليــــــن اليــــووووم وقلبي دقته أسرع..ووردي بالندى يدمع ...
..........إلين اليوم وقلبي دقته أسرع........ولا أدري الندى من ويـن من وييين
يمكن مثلي يرجيــهم...............
إليـــــــــــن اليووووم...وأنا أتخيـل لقـانا كيف؟؟؟
إليـن اليووم....ارتب وش بقول وكيــــف؟؟؟
ولا أدري أبتدي من ويـن.........؟

........واقفه عند شباك غرفتها وتحتضن صورته اللي تبللت بدموعها,مشتـاقه لحبيبها اللي بين الحياة والموت, تتمنى الصبح يطلع بسرعه تبي تداوم بالمستشفى وتشوفه هذي سما البنت الرقيقه, الحساسه..شهر كـامل ماسمعت صوته!..شهر ماشافته! ..
أي ظلم هـذا,,نايف موجود معها بنفس المدينه من شهر ولا يتقابلون..ولا يشوفون بعض,,,وهو زمان كان يسافر لجده,ومحد يدري عنه عشان بس يشوفها,يقولها مبروك إذا نجحت..وسلامات ياقلبي إذا كانت تعبانه...وواحشتني ياقمر إذا من زمان ماتقابلوا...
واللحين لاهذي ولاذي....آآآهـ يـانـااايف......
,,,
,
,
,
,
.
.
,
.
.

له ساعه يقنعها,, ومزهقها ومطفشها,,,
مؤيد :أرجوكي ياغيداء,,يرضيكي اخوكي مؤيد يتعذب كيدا يعني
غيداء:أووه مؤيد أرجووك انت سيبني وسيب لمى,أنا ماني مستعده أخسر صداقتها
مؤيد بإحباط:ليـه هي قالتلك شيء عني
غيداء:لا ماقالت بس هي ماتحبك أنا لمحت لها وضحكت عليا وبعدها سكت وغيرت الموضوع ومن ساعتها ماحكينا فيه
مؤيد:أوووف,, يعني إيه
غيداء قامت طفشانه:يعني سيـــــبـها سيـبها لاتتعب نفسك وتفكر في وحده مابعد فكرت بالحب.
{راحت وتركته مكانه زعلان}
مؤيد عصب:والله ما أسيبها ياغيـداء وراح تشوفي لمى راح تحبني وماراح تكون لغيري انا...
,
.
,
.
{أحـــلام تـــحتــــضــر}.......
,
.
,
.
,

حظ عــينــي لو تـشـووفك كــــــــل يـــــــووم
حظهــــا,,وأنــــت لنــااظرهـا الـضـيـــااا
نـــااام فيـــهـاا.نــــــــــاام.و أنـعـس لا تـــقوووم
بــالســعــاده ياتبــاشير الحيــااا

يد ماسك فيهاالدركسيون ويد ماسكه الجوال وقرر بهاللحظه انه خلاااص
بيتصل وأللي فيها فيـها....ضغط على الإتصال السريع على رقمها وأنتظرها
ترد عليــه ويده ترتجف وقلبه يدق بسرعه مابعد سمع صوتها... .. ...
{مافيه رد}
أنقهر طلال ورجع يدق مره ثانيه:ردي ياقلبي تكفين ردي........
,
.
,
.
,
ام محمد:ميس شفيه جوالك ازعجنا
ميس مرتبكه وهي تمشي بيدخلون بيت "أم متعب"عازمتهم:يمه مادري
ام محمد :يووه من هـذا اللي واقف عند الباب؟؟؟
ميس رفعت الجوال كانت بترد عالمكالمه بس شافت اللي قالت عليه أمها فتحت عيونها عالآخر...!!!
وعيونها مو ناقصه كبر:يمه هذا متعب..
{علطووول سوت رفض لمكالمة طلال وهي ماشافت الرقم}
,{أحـــلام تحتــضر}
متعب عرفها من السياره والعيون,أبتسم بخفيف وعينه ماتنزل من عينها..
ام محمد:السلام عليكم
متعب:هلا وعليكم السلام,,تفضلوا الوالده تنتظركم داخل.........
ام محمد :مشكوور ياولدي..
{دخلت}
ميس مشت تبي تلحقها,,
متعب واقف على جنب الباب مابعد وعيونه عليها,تعمد يطرح سبحته اللي كانت بيده بطريقها,,
وقفت ميس مكانها,ماعرفت كيف تتصرف وهي ام التصريفات..
وقف قدامها متعب وهو يشوف أمها تدخل وناسيتها وراها,نزل وأخذ السبحه,,ورجع يوقف قدامها,, ويتأمل عيونها ياربي قديش فاتنه...ابتسم بحالميه تحبها ميس:تدرين أن عيونك أحلى عيون شفتها بحياتي..
ميس جسمها صار كتلة نار,صدت بعيونها وحاولت تهرب منه..
سد الطريق عليها, لحظه شوي,أبي أقولك شيء
ميس ماعاد تقدر تسمع أي شيء,بعد جملته الأولى حاولت تبعد وفعلاً أفلحت انها تهرب وراحت تدخل بسرعه لجوى....

متعب وقف يناظرها لين دخلت,انقهر من داخله وضحك بمكر: ياربي عالنعومه,حتى عيونها من قريب أحلى.. بس مسكينه...إذا بتاخذ واحد مثلي...{عض على أسنانه بعصبيه}.....هي يا متعب هي اللي تناسب
البنت شكلها هاديه وراح تناسبك,أنا لازم انهي موضوعها.........واخذ اللي أبي وأخلص
,
.
,{أحـــــلام تـــحـــتــضــر}
.
,
,
.
.واقف عالكورنيش...الهوى منعش ويتمنى يفك خنقته من حقران ميس
لإتصالاته...كره هالكورنيش اللي زعلها فيه..أخذ حجره ورماها وسط البحر
وصرخ ليـــــــــــــــــــــــ ـــــــــــــــــــه.........� �يــــــــــــــــــــه؟؟� �؟؟؟؟؟؟
تعب طلال وجلس على طرف صخره وهو يتأمل البحر وبنفس الوقت مخنوق واللي فيه من الضيقه مكفيه............
,
.
,{أحــــــــــلام تـــحــتضــر},
,
,
.
,
.
.
الجوهره واقفه تتعدل وتتكشخ..للطلعه اللي عزمتها لها "كادي"...الخايسه....
علاقتهم صارت وكأنهم يعرفون بعض من سنين مو اسابيع..وهذي اصلاً وظيفة كادي القذره.. ومتمرسه فيها......بس الجوهره ياغافليـن لكم الله بنت صغيره ولاتدري بقذارة هالأشكال......
{رن جوالها}
......:هلا كادي
كادي بالجوال:هلاااا جوجو وينك
الجوهره:بالبيت
كادي:يووه مابعد طلعتي
الجوهره:توني بس خلصت لبس وانا جايه اللحين
كادي:اوكيه انتظرك عيوني لاتتأخرين
الجوهره:لا ما راح اتأخر باي كادي
كادي :باي
سكرت الجوال ,,,,,,,,,,,
,
.
,

,
.
,
,
.
توه جاي من جده.....وصل للإستراحه المقصوده,اللي عازمه فيها طارق,ودخل..
طارق استقبله :أرحبوووو
فراس بنفس الإبتسامه: السلام عليكم شبااب
الكل:وعلييييييكم السلام,,
طارق:أقلط ابو الفرس
فراس جاء وجلس:أكيــد بقلط أجل تبيني أطق مشوار من جده عشان اشوف خشتك وارجع...
طارق:هههههههههه مقبووله منك يالرفيق
فراس:أقووول عن الهيااط بس..جيبو لنا شيء نشربه تراي ضمياان
طارق:ههههه توك شلون لا شفت الغزال وش بتسوي
فراس بحماس:ليه هي موجوده اللحين
طارق:هههههه لا ..بس بتجي اللحين على وصوول
فراس:والله شوقتوني أشوفها..
طارق:ثااامر جيب لنا شي نشربه
سرح فراس وهو يفكر كيف شكل هالبنت,,تشوق يشوفها..........
,
.
,,
,
.{أحــلامٌ تــحـــتــــضــر}
.
,
.
,
..
,
.
........بس يماما أنا مواعده صديقاتي ولازم اروح
ام سعد بعصبيه:جوجو أنـا قلت لا يعني لاااا
الجوهره بعصبيه:بس أنا قلت لبابا وهو موافق انتي ليه تبين تصغريني قدام زميلاتي
أم سعد بحزم:جوجو انتهى النقاش...أنا قلت مافيه روحه يعني مافيه رووحه
الجوهره مدت بوزها وضربت الأرض بكعب صندلها بزعل مثل الأطفال وراحت لغرفتها:........
أم سعد:أيوه ياغرام امنعيها خليك قويه ولاتضعفين قدام دلعها اللي بيدمرها....
سعد كان جالس ويلعب قيم بوي:إيوه يا يمه وريها العين الحمراء
أم سعد:سعووود اسكت انت ولاكلمه ولاتدخل..هذي اختك الكبيره
سعد رجع يكمل لعبته:مدري ليه إذا رفعوا صوتهم على جوجو بدال ماتزعل هي يزعلوا هم..,صدق مدلعينها...مدري مين الصغير فالبيت؟!!

.
,
.
,
.[أحــــلامٌ تــحــتـــضــــر].

.
.....
,
.
,

........:لاااه أفاااا.......وليييش......؟؟هين ياكادي هالمره راح اصدقك عشان جوجو وإلا انتي ماتستاهلين....بس ياويلك ياسوااد ليلك إن ما جتني المره الجايه
{قفل الخط بوجهها بعصبيه} واااطيه
فراس طلع من صوت طارق:طاارق وش فيك رافع صوتك كذا علامك
طارق:البنت راحت علينا الليله
فراس بتحسف:لاااااه..خسااره طيب لييييش؟
طارق:أهلها منعوها..تخيل بعمرهم مامنعوها من شيء..جت علينا أحنا ورفضوا
فراس ابتسم بدون سبب:ربي يحبها عشان كذا خلا أهلها يمنعونها...
طارق سكت ودخل مايحب الكلام اللي يضيقه......
فراس سرح شوي: وش هالحظ اللي عند هالبنت فلتت مني هالليله!!
طارق:فراااااااااااس تعاال
فراس:لا أنا بروح أنام القعده معكم بدون بنات ماتنطاق
الكل:ههههههههههههه
طارق:طيب نام هنا
فراس:لا أعوذ بالله بروح أنام عند واحد من خوالي يله تشاااو
الكل:تشااااو
.
,
.
,
.
,

الجوهره مستلقيه على سريرها والزعل على محياها,أول مره تتفشل عند صديقاتها
كذا,امها بعمرها ماتدخلت فيها,بعمرها مااعترضت طريقها..ليـــــش هالمره؟؟؟
بين تساؤلاتها قامت من سريرها بعد ما طار من عيونها النوم...ناظرت الساعه
12ونص,طلعت من غرفتها ببجامتها الليلكي القطنيه ومرسوم عليها صورة بوني,وشعرها الأسود منثور على كتوفها...
نزلت تحت راحت للمطبخ ومرت الثلاجه أخذت آيسكريم.وطلعت للحوش تتمشى
وتروح عن نفسها بعد هالموقف المحرج شافت باب الشارع فاتح,قالت بنفسها أروح أسكره .. أكيد بابا نسى يسكره...

الشــارع فــاااضي..ظلام.هـدوووء..خاف� �:يمه وش هالهدوء والظلام اللي يخوف
وأول ما حطت يدها عالباب تبي تسكره ,
{ فيه يد وقفت الباب ودخل شخص غريب!!....}
الجوهره خافت وهمت تبي تصرخ,,,
ماعطاها فرصه دخل وسد فمها بيده:أششش أسسكتي أنـا فرااس
الجوهره ميته خووف تناظر فيه وهو ساد فمها وعيونها غرقانه دموع من الرعب
فراس أبعد يده,وبغت تصرخ رجع سد فمها مره ثانيه:يابنت الحلال ماني بحراامي
والله اني فراااس ولد عمتك حصه اللي في جده..تبيني أوريك البطاقه
الجوهره بدت تهدأ شوي وتنفسها ينتظم حاولت تبعد يده الكبيره ماقدرت
فراس:شوفي ببعد يدي بس لاتصرخين الله يخليك مابي فضايح
الجوهره هزت راسها يعني "موافقه"
فك يده فراس,وهو يبي يشوف وجهها بس ظلام مايأكد ملامحها:أنتي مين؟؟
الجوهره,أخذت الآيسكريم اللي بيدها وداسته بوجهه بحقد دفين,وراحت تركض داخل..
فراس انقهر من هالحركه!! مسح وجهه وناظرها مقفيه مالمح غير شعرها الطويل,عصب: وش هالليله هذي..أنا ناقص تدوسين الآيسكريم بوجهي افففف.........
راح وغسل وجهه,وناظر بالمرايه,بعدين طرا بباله هالسؤال:أثاري عمي سلطان عنده بنات!! وكبار!!.. بعد هـذي شكلها إذا مو فالكليه فثالث ثانوي....بس وش مطلعها هالوقت فالحوش!
,
,
الجوهره هي الثانيه بغرفتها,ومو على بعضها..وتعض أظافرها بقهر(يحسبني ما عرفته هالحقير..هههه هين يافراس إن مافضحتك ماكوون جوجو,الحمد لله أنه ظلام ومـاعرفني).
**رجع لها الذكرى الأليـمه ....من سنه تقريباً لمن كانوا بمخيمهم السنوي فالربيع بـ"روضة خريم",,وقتها وصوها البنات تروح تجيب المسجل من مخيم الرجال بما أن مافيه أحد والرجال والشباب طالعين يتمشون بالسيارات بعيد عن المخيم... راحت وأول ما أقبلت عالخيمه سمعت صوت ضحكه قربت وسمعت زين من هذا..وأنصدمت باللي سمعت
فراس:ههههه ياحيااتي أنتي......لااا ولا تزعليـن ياروح فراس أنتي ما فيه أحلى منك بعيني.....ههههههههه.......بلا دلع بس أنــا جـااي بكره الإستراحه أبي أشوفك هناك أوكيه حبيبتي........يله باي
الجوهره عورها قلبها وغرقت عيونها دموع بعد هالكلام اللي سمعته,وراحت بس مارجعت للبنات..
راحت بمكان بعيد عنهم وتفضفض لحالها كانت لحضتها مصدومه وتبكي........
كرهت هالذكـرى اللي قربت تنساها..ليه رجعت لها مره ثانيه:الله ياخذك يافراس
سحبت غطاء السرير بقوه وغطت راسها تحاول تنام..........
؟؟؟؟؟؟؟؟؟

/
[أحــلامٌ تـحـتـضــر]

الـصـــبــاح//
ام سعد رايحه لغرفة الجوهره تبي تصحيها...وأول ما فتحت الباب...
الجوهره واقفه عند التسريحه لفت على أمها:هـــاااي ماما
ام سعد وهي متعجبه :هااي بنتي!!!غـريييييبه جوجو قايمه من دون ماأحد يقومها !
الجوهره ببتسامه:نمت بدري...أكيد راح أقوم بدري...
أم سعد ببتسامه مشابهه:أجل انزلي افطري عشان الدوام ياقلب ماما..
الجوهره:أوكيه ماما أنا نازله..
{طلعت ام سعد}
الجوهره عبست:ولا نمت ولاهم يحزنون..كيف أنام وأنا شايفه فراسوه الله يااخذه.. هذا وش يبي جاي عندنا...ليته يمووت..الحقييييييييير<<<<قال تها من بين أسنانها بحقد.

,,,,,,
ام سعد:أفطري ياجوجو
الجوهره وهي ماشيه وطالعه:ماله داعي ماما....بااااي
,,,,
سعد عند باب الشارع وباين معصب:لااازم تتأخرين لااازم
الجوهره:وش فيك؟معصب كذا اللحين..وين السايق؟!
سعد:السايق البارحه جاله مغص وراح المستشفى وطلع عنده زايده..
الجوهره:علشاان كذا البارحه شفت الباب مفتوح وبابا مو هنا...طيب مين راح يودينا اليوم أنا بالذاات اليوم لازم اداوم عندي تست مهم..
فراس من وراهم:أنا إذا ماكان عندكم مانع
الجوهره:حست أنها أنخنقت من سمعت صوته...(الله لايحيييك ياهالكريه)
سعد ببتسامه:صدق يافراس
فراس ببتسامه وهو يقز الجوهره:أكيد صدق وأنا أخو سعد اركب..
سعد ركب..
الجوهره واقفه مكانها وودها تذبح فراس..وماودها تروح معه..بس مضطره عشان الإختبار..
فراس فتح لها الباب وعينه بعينها: تفضلي يابنت خالي..
الجوهره دمها يفور(خلت منك الأرض ياهالكريه)..ركبت وسكرت الباب قبل مايسكره..
فراس استغرب تصرفها بس عداه يمكن ماتحب هالحركات..ماطرى بباله شيء..
وطول الطريق...فراس يتكلم مع سعد..ومندمجين فالسوالف...
الجوهره مسرحه تناظر في فراس بالمرايه العاكسه(ياسبحان الله كيف هالوسامه تخبي إنسان..حقير..وسافل..وراعي علاقات محرمه..)زااد كره فراس.. وانخنقت وتكلمت بدون نفس:لو سمحت وصلني لمدرستي(الـ........)قبل توصل سعد..
فراس ناظر فالمرايه عليها مستغرب(وش هالأسلوب!!..خايفه مني يعني!)أبشري يا....إلا أنتي وش أسمك
الجوهره عقدت حواجبها(صدق وقح!!)ماردت عليه.............
سعد ببراءه ابتسم:ههه ماتعرفها..هذي اختي جوجو أقصد الجوهره
فراس ببتسامه: عااشت الأسامي ياجوجو اقصد الجوهره
الجوهره(انشاء الله ماتعيش انت)
ووقف عند مدرستها..ونزلها ومشى بعد ما تأكد أنها دخلت المدرسه...
فراس ألتفت على سعد :سعد وانا اخوك
سعد بإهتمام:سم فراس
فراس:ثاني مره لاتقول لاحد عن أسماء أهلك...طيب
سعد:بس انت عادي ولد عمتي
فراس:حتى ولو سعد خلك رجاال..طيب
سعد نفخ عمره:طيب..
فراس ابتسم على شكله...وجلس يتذكر عيون الجوهره الزرقاء الغامقه بشكل رووعه..كان وده يقول لها تغطيها بس ماله حق..يخاف ترد عليه أو ماتتقبل منه..فكر بفكره حلوه:أقول سعد
سعد:هلا
فراس:ليش ماتقول لأختك تغطي عيونها..
سعد ببرائه:كيف تشوف؟؟
فراس:بتقدر تشووف..أنت بس قولها تغطي عيونها...بعدين يقعدون يقزونها الشباب..انت ترضاها عليها؟ قووول ترضا الشباب يناظرون بإختك؟!
سعد عصب وعقد حواجبه:يخسوون
فراس اعجبه حماس سعد الطفولي:بعدي والله..خلاص خلها تغطي عيونها...
سعد:أن شااء الله..
فراس سكت وهو يفكر فيها..عليها عيووون.."قصه لحاالها"..!!
,,.,,.,,.,,.,,.,,


؟
,
,
.

{أحــــلام تـــحــتـضــر}
.
,
.
وتمضي الأيــام,,عــلى أبطال {أحـلامٌ تــحـتـضـر},,,حلوه لدى البعض ومريره
على الآخـر,بين حلم الحب عند ميس... وحلم طلال الضاايع.... وحلم رجوع الحبيب كما كان لسما ,....وطيش الشباب اللي يعيشه فراس,....ومراهقة معقده ومهلكه للجوهره والبقيه ..
لمى وغيداء...... وأخوها مؤيد
وطفوله بريئه عند لينا, وحلم الدراسه الذي تحقق لملاك ... علاقة راكان الجديده وحب جـديـد..
,,
,
,
.[أحـــــلامٌ تــحــتـــضـــر].
.
,
.
/
بأحد غرف المستشفى الكبيـر جالسه على مكتبها ومبحره في أفكـارها ذبحها الحنين
هي فالمستشفى من 3 أسابيع وللحيـن ماتجرأت تزور نايف...منعها شيء بداخلها
أوخايفه تقابله ..,مع أنها تدري أنه بغيبوبه ومايحس باللي حوله بس مع ذلك متردده
........:سمــا..سمـــا
انتبهت أخيراً:نعم
سوزان:إلين متى؟
سما:أيش ألين متى
سوزان عاارفه مشكلة سما:التردد
سما تغيرت ملامح وجهها,وسكتت ...
سوزان بجديه:أنتي أصلاً ماتحبينه
سما تنهدت:مـا أحبه...من اللي يقول هالكلام...أنتي ياسوزان..اكيد تمزحين
سوزان تستفزها,وتجلس وتفتح سونديشتها وتاكل:ياشيخه فكينا لوتحبينه صحيح زي مابتقولي كان,من أول يوم داومتي هنا تزورينه وتطمني عليه,بس حبك كلام فااضي
سمـا عصبت منها,ماتدري ليه:ســوزااان
سوزان تزيد الإستفزاز:يــاشيخه اسكتي بس
سما قامت وطلعت من المكتب معصبه,وتمشي في ممرات المستشفى الطويله بدون هدف,ووعي وكلمات سوزان ترن بأذنها..هي مستعده تموت عشان نايف وسوزان تتهمها بأنها ماتحبه,عصبت وصارت تمشي من غير هدف.,,,,,,,,,,,,,,,,,,,,,,
وقفت فجأه عند غرفته,,زاد معدل نبضات نبضات قلبها...قررت تجمد قلبها وتفتح الباب,وفعلاً مـاترددت...فتحت الباب........................................ ....
.
,
{أحـــــلامٌ تــــحـــتـــضــر}
,
,
(((((((((أنتهى الجـــزء الـعــاشـــر))))))))))
,