[فيتامين سي]

××..الــجـــزء الــثـــالــث عــشـــر..××

*×*[أحــــلامٌ تــحــتـــضـــر]*×*

والخــبر أنتــــشـر مـثل الـهـوا..
........:وشلك بالعجله ياولدي تو الناس
فراس:يـبه البنت جالها خطابه وأنا مكلم خالي فيها..قالي إذا تبي البنت خذها وإلا تراني بزوجها...
بوطلال:خلها تشوف نصيبها...
فراس:بس يبه أنا أبيها.. قدر وضعي الله يخليك
ام طلال:والدراسه ياولد لاتصير مطيور
فراس:الدراسه لايهمك راح أدرس واشتغل بنفس الوقت..بدبر وضعي ياناس
بوطلال ببتسامه:والله ياولدي مدامك على هالحماس خلاص..أمري لله...
فراس حب على راس ابوه:تسلم ياذا الرجال..كفو والله.شوفوا زواجي ببيت خالي سلطان وماحد معزوم غير الجيران والعايله ..عشان الوقت بس
ام طلال:لاحوووول والله المطيوور
فراس وهو قايم:مانبي مصاريف مالها داعي...أهم شيء التوفيق..عن اذنكم ياجماعه
{طلع وسكر الباب}
ام طلال:مـــااانـي مصدقه ان هذا ولدي فراس..صااير رجال ماشاء الله
بوطلال:الحمدلله طـالع لأبوه...بس فيه عجله شوي..وراه ماقال انه يبي بنت خاله سلطان من زمان
ام طلال ببتسامه:يمكن كان مستحي...والله عرف يختار فروسي قلبي,الله يوفقه
بوطلال:اميــن
ام طلال:بس وش راح ت
...
.
,
.
,
.
,
.
,
........:آآآخ يالقــهر
كادي بلمسه:لاتعصب ولا يجي ببالك حبيبي...
طارق وهو عاقد حواجبه:هالبنت اجيبها يعني اجيبها...
كادي قربت له ولصقت جنبه وطبعت بوسه على خده بنعومه ونزلت راسها على صدره وهي تضمه:حبيبي بلييز لاتعصب..علشان خاطري..الدنيا ماتستاهل..
طارق كالعاده يذوب من كلمتين منها:فعلاً هالدنيا ماتستاهل..
{رن جواله }كـادي هاتي الجوال...
كادي ببتسامه ساحره:سم حبيبي
طارق اخذه ورد:نـعـم ياااخي شتبي بعد قلتلك ماني متنازل يعني ماني متنازل ..أنت ماتفهم عربي........أعلى مافي خيلك اركبه...والفيلا والأراضي....... واسهمي فالمؤسسه ماني بمتنازل عنها...ولاني ببايعها عنااد فيك انت بالذااات...
{قفل الجوال}
كادي تخاف تسأله بس الفضول دفعها:حبيبي صايرلك مشكله
طارق اخذ نفس:عيال اخو ابوي صالح..من توفى ابوي صالح وهم مبهذليني يبوني اطلع من شراكتهم واتركلهم املاكي لكن يخسوون وأنا طارق..
كادي استغربت ليه يقول ابوي صالح..ليه مايقول ابوي حاف..وش القصه.!!
طارق تكى عالكنبه براسه وهو يفرك جبهته:أأووف راسي يعورني قومي صبي لي كاس أعدل به راسي
كادي:مـن عيووني..
{صبت له الكاس وجلست وهي مستغربه طارق ليش مخليها عنده ليش مايخلي احد من اصدقاءه يدخل للشقه...بمعنى اصح يعزم عليها خوياه,تصرفاته معها غريبه تحس احياناً بأنه يحمل لها عاطفه بس هو يحاول مايبين...صحيح يعاملها بقسوه أحياناً بس بأغلب الآحيان تحسه كأنه طفل..ومايقدر ينام إلا بحضنها وأغلب وقته هنا بالشقه شلون ماعنده اهل يقعد عندهم..طيب من يسكن فالفيلا حقتهم..."وش سرك ياطارق"؟؟!!}
...
.
[أحــــلامٌ تــحــتــــضـــر]
,
.
,
.
اليوم الأربعاء...العايله كلها مجتمعه ببيت بوسعد مع بعض الجيران...
الجده جالسه مع عيالها فالمجلس:مااشااء الله على فراس ولدي طلع احسن شباب العايله وتزوج قبل الكبار..
نايف ببتسامه:هههه والله ياجده ماالنا دخل هو مستعجل بكيفه
سعود:يـــــاااحظك يافراس تزوجت...عقبااالــي يااارب
الجده:انت ملزم على الزواج ياسعود
سعود ببتسامه وبدون تردد:إيــه ياجده وتكفييين ساعديني وتوسطي لي
الكل:ههههههههههههههههه
بوسعود:هههههه اسكت ياولد فشلتنا
بوطلال:هههههه إلا فراس
فراس قطع سرحانه وإلتفت لأبوه:سم يبه
بوطلال:المأذون متى بيجي
فراس ناظر بساعته:على وصول
بوطلال:عالبركه زواج بنتك يابوسعد
بوسعد وهو حابس غيضه على بنته:الله يبارك فيك..وعقبال للي ماتزوجوا
دخل بو محمد ومعه عياله محمد ومهند:الســــــلااام عليكم
الكل:وعليكم السلام
الجده:مدام ان الرجال والمأذون بيجون بأدخل أنا..
بوسعد منزل راسه وسااكت طووول الوقت..مقهور من بنته ومستحي من فراس..
.
,.
.
,
.
,
البنات كلهم عند الجوهره والكوافيره تزينها.. وتحط اللمسات الأخيره..
لينا بنص عين تنغز الجوهره:ههه بعد سنتين مدري ثلاث ياجوجو هاااه ههههه
ريم:ههه طلعت اسبوعين هههههه
الجوهره ابتسمت ببرود ووهي ساكته....
لمى:ههههه حركااات جوجو والله منتي هينه طيحتي اخوي فراس العنيد مااغيره
سما تناظر الجوهره وتبتسم:اللــــه تطيرين العقل ياجوجو...شكلك ناويه على فراس بنيه هههه
الجوهره بس تبتسم وهي سااكته...
رنيم دخلت:بنات خلصت جوجو
العنود لاحظت الجوهره مو على بعضها ومتضايقه:بنااات ماودكم تضفون وجيهكم
سما فهمت على العنود ولمت البنات وطلعوا...
العنود:جوجو حبيبتي خلصتي ننزل
الجوهره:ماني نازله
العنود:ليه ترى بس العايله بس وبعض الجيران
الجوهره:ماااني نااازله....
العنود استغربت عصبيتها بس عذرتها:أوكيه مو مشكله على راحتك أنا نازله اوصل الكوافيره...
{طلعت العنود ودخلت ام سعد وهي تبكي}
الجوهره صدت ودمعتها بعيونها...
ام سعد بألم:ليه يابنتي دمرتيني ودمرتي نفسك
الجوهره:........
ام سعد:حرام عليك انتي بنتي الوحيد كنت ابي يوم زواجك تدريبه الرياض كلها كنت ابي اجهزلك من كل مكان بالعالم..أبي امشي بيوم عرسك بين المعازيم وانا فخوره فيك...كنت ابي زواجك بأكبر الفنادق..كنت مخططه لأحلام حلوه انتي ليه ضيعتيها ليه ذبحتيني؟!
الجوهره فاض فيها الكيل:يمممه كفااايه...
ام سعد ودموعها مبلله خدها قامت واخذت البخور وبخرتها وهي تدمع:والله مدري أقولك مبروك وإلا وشو بالضبط
الجوهره:......
سما طقت الباب ودخلت: خالتي..فراس بيدخل..
الجوهره انقبض قلبها وبلعت ريقها..
ام سعد:طيب ياسما انا طالعه...الله يسترها معك يابنتي..
{عند الباب}
ام سعد تناظر فراس بنظرة ترجي:ولدي فراس
فراس ببرود غريب:سمي خالتي
ام سعد:أدري البنت ماتستاهلك بس..بس الله الله فيها..
فراس:ان شاء الله خالتي.
{دخل وقفل الباب قفلتين}
الجوهره بدأ تنفسها يضطرب وصدرها يرتفع وينزل مع تنفسها السريع...
فراس ماناظرها نزل الشماغ والعقال والطاقيه وحطها عالشماعه وماكان لابس بشت, فتح ازرارقلابه..مشى خطوتين وجلس عالكرسي بعيد عنها وسرح بعيونه فالجهه الثانيه....
الجوهره كانت جالسه على طرف السرير بتموت من هالقلق....وسكوته هذا يخوف(الله يستر).....
.
,
.
,
.
,
.
,
البنات تحت فالينها وناسه وضحك ورقص...والموسيقى شغاله..
الجده حطت يدها على راسها:بناااات الله يصجكم سكروا هالبلوه هذا ازعجنا
الكل:هههههههههههه
سما :من عيوووني والله ياجده
الجده ابتسمت لسما:بعدي والله على سما هـــذي بنتي
سما جلست جنب الجده وجلسوا حولها كل البنات والحريم يضحكون على اشكال البنات حول الجده...
الجده:مدام انك طفيتي هالإزعاج عني ياسما..جعل ربي يوفقك وتعرسين باللي يبري العله...
سما رفعت يدينها:أميـــن يـــاارب عــاجــلاً غير آجل
الكل:هههههههههههههه
ام طلال ببتسامه:بنت ووجع وش هالكلام عيب استحي
سما تجاري امها:ههههههه يمه في أحد مايبي اللي يبري العله ..بنات تبونه ؟
البنات بصوت واحد:إيــــــــــــه
الكل:هههههههههههههههههه
..
,
.
,
.
,
.
في نفس الغرفه...,
الجوهره تنتظر على أعصابها وهذا جالس هناك ولاهو معبرها....ومريحها..
فراس مسح على وجهه بيده بتوتر وفرقع اصابعه وقام متجه لها....,
الجوهره بدأ الخوف بقلبها يزيد من جديد مع كل خطوه يخطيها نحوها..
فراس جلس بينه وبينها مسافة سنتيمترات, وناظرها بطرف عينه بإحتقار"نظره بانوراميه" فوق تحت..لابسه فستان أحمر عاري حرير وشيفون رووعه وفاكه كامل شعرها الأسود وبدون غره وحاطه ماكياج احمر هاادي..فراس مد يده ورفع وجهها بطرف اصبعه..وخلا عينها بعينه...
الجوهره قمت الرعب وعينها بعينه...ماتدري وش ناوي عليه...
فراس حدق بعيونها الرماديه الكبيره مع هالرموش الكثيفه..على جمال باقي الملامح..آيه فالجمال...زاد قهره ... مرر أصبعه السبابه على عضدها وذراعها بنعومه,وأخيراً نطق:كـم واحد قـد لمــس هـذا...؟
الجوهره جاها هالسؤال مثل الكف على وجهها...انقهرت من السؤال وعجزت عن الإجابه..لأنه ببساطه ماراح يصدقها....
فراس رجع يمسك شعرها ويمرر أصابعه فيه: طيب ولا راح تقولين كم واحد مسك شعرك كذا..
الجوهره بقمة ذلها وهوانها,حاولت تقوله ولمعت الدمعه بعينها وقالت بترجي:فراس أسمعني
فراس ضربها كف من قلب ونزلت دمعة القهر من عينه:نجسه....,,
الجوهره تحركت شفايفها وبدت تستعد تبكي...كان شكلها يقطع القلب..
فراس:أبكي واذرفي دموع التماسيح الكذابه
الجوهره بدت فعلاً تبكي عالصامت وتطلع بعض الأناهيد المكتومه....,
فراس قام وأخذ كوب وصب له مويه بارده من الثلاجه الصغيره الموجوده بالغرفه ويكمل مسلسل تهزيئه لها:على فكره أنا ماتزوجتك إلا علشان خاطر خالي وإلا انتي ماتستاهلين ياحثااله...وخلي هالنقطه ببالك أنا ماتزوجتك للزواج.. تزوجتك قدام الناس لجل عار كان راح يلطخ سمعتنا وانتي السبب...وإلا انتي منتي كفو زواج.
الجوهره عورها راسها وماعاد تتحمل ظلم أكثر ضمت راسها بيديها وغمضت عيونها.....
فراس حس أنه أكتفى من تهزيئها لليوم..خصوصاً أنه راسه يعوره وكره هاليوم اللي رماه في هالموقف...أخذ غطاء ومخده عشان ينام عالأريكه اللي بطرف الغرفه.. وترك لها سريرها...
.
[أحــــلامٌ تـــحـــتـــضـــر]
.
,
.
العنود:بناات سما لمى يله مشينا انتوا ماتسمعون
سما:طيب من بيودينا؟
العنود:سواق خالي سلطان يله بسرعه
{طلعوا البنات وامهم....كان آخر من طلع العنود وسما}
نايف كان يبي يدخل صادف العنود وسما..أرتبك:السلام عليكم
العنود:وعليكم السلام. كيفك نايف؟.
نايف وهويتحاشا سما: بخير مشكوره
سما انقهرت من تجاهله لها وناظرته بنص عين:كيفك نــآآيف؟
العنود مشت مستحيه من نايف:عن اذنك نايف
نايف:اذنك معك ..
سما ظلت واقفه مكانها تناظره بشوق ولهفه وبنفس الوقت ودها تضربه عالتجاهل...
نايف مشى وصار بحذاها:عن اذنك بدخل...
سما تلفتت الحوش فاضي ومافيه أحد غيرهم,مسكته بيده وبصوت كله لهفه:أشتقتلك حـن علي ياقاسي..
نايف أستغرب "ماكرهته بعد اللي سواه فيها فالمستشفى":يابنت الناس ابعدي عني
سما بحركات دلع:أفااا أللحيــن أنا بنت ناااس ماعاد لي إسم!؟..طيب انطق أسمي مشتهيه أسمعه من فمك.
نايف خايف لا أحد يشوفهم وهي ولاهمها:سما وبعدين معك..
سما اخذت نفس:روووح وقـلـب سما انت..من زمان قولها
نايف يبي يتخلص منها:خلاص شوفي روحي اللحين امك بتباطاك..أنا بتصل فيك
سما بحماس وعينها بعينه:أكيييد حبيبي <<<<انـجـنـت
نايف وهو يحاول يتهرب:أكيد اكيد
{دخل البيت وقلبها معه وطلعت هي للسياره}
ام طلال بعصبيه:كان نمتي داخل حضرتك
سما ببتسامه:يمممممه
ام طلال:وصممممه
سما:ههههه
العنود بهمس لـ سما: جلستي تكلمينه صح؟
سما ابتسمت بحالميه:إيـــــه
العنود عفست وجهها:ووجــعــــيـــه إن شااء الله
سما ماهمها أحد بهاللحظات,بعدما قابلت نايف وحست انها استردت روحها...
...
[أحــــلامٌ تـــحــتــــضـــر]

.
,
.
,
.

.


.......جالسه تبكــي بغرفتها...ومسكره عليها الباب....الليله زواج أختها ولا راح تحضره.. شعورها بالوحده والغربه يزيد يوم عن يوم..كرهت ملبورن واستراليا ودها ترجع للوطن...ذبحها الحنين..تذكرت ان امها بعد شهرين راح تولد..أشتاقت لأمها الحضن الدافي ولأبوها الرجل الطيب...ولهواشها مع جدتها ومناقشاتها المثيره مع الجوهره..(ياحليلها اليوم زواجها ماني مصدقه الله يوفقها مع فراس)...أشتاقت للكل..زاد بكاها مع هالذكريات الحلوه.....وصارت تتنهد.......
....مر راكان من قدام الغرفه وهو طالع من المطبخ وسمع بكاها(لاحووول أكيد علشان زواج اختها ماراح تحضره...)مد يده لعروة الباب بيفتحه ويدخل يواسيها..تذكر جملتها(هالغرفه إياني وإيااك تدخلها حتى لو انك تشوفني اموت) نزل يده وابعدها وراح لغرفته وتركها تبكي للصبح.............
.
[أحــــلامٌ تـــحـــتــــضــــر]
,
.
,
.
,
.
,
.
,
.
الرياض........
في شركه كبيره ...متعددت الإستثمارات...ورى مكتبه الكبير...
متعب قلب أوراق قدامه وعصب وعقد حواجبه:أنت غبي ماتفهم
عبدالرزاق موظف عنده:ليه يا استاذ الغلط
متعب:أنا قلتلك تضبط هالأوراق مثل ماقلتلك مو بهالشكل
عبدالرزاق:أسف أستاذ متعب مقدر ازور..
متعب ضرب بيده عالمكتب ووقف:ااسف كلمه لي أنا يا حثاله
عبدالرزاق:عن الغلط يا استاذ وانا استقيل إذا انت اللي بتدير الشركه من اليوم
متعب بدون تردد:وأنا موافق وبسررعه خلني اشوف غيرك
عبدالرزاق وهو طالع:بس الله عالظالم
متعب بعصبيه:رووح وراك بس
فتح علبه مذهبه من الخارج ومن داخل احمر وطلع سيجارة حشيش وولعها تذكر زواجه الليله ضاق صدره وطفاها ..وطلب السكرتير...
السكرتير:نعم استاز
متعب:شوف يا رامز اطلب لي مشاري بسرررعه واكتب قرار تعيينه مدير للحسابات
السكرتير:بس..
متعب قاطعه:نـــفــــذ اللي قلته بسرعه
السكرتير:متل ما بدك استاز تأمر بشي تاني
متعب :لا لا روح..وألغي كل مواعيدي الليله ..لأن الليله زواجي
السكرتير ببتسامه:الف مبروك استاز
متعب:مشكور يله روح شوف شغلك...
{طلع السكرتير}
متعب استرخى عالكرسي وفرك جبهته يقاوم رغبته فالتدخين بالحشيش:الله يعينك يامتعب زوااج وضيقة خلق... بس ماعليه دامه مخلي ابوي يثق فيني.ويتأمل بالحفيد هههههههه والله انك علنياتك يبه هههههههه..
.
[أحـــــلامٌ تــحــتــــضـــر]
,
.
.
,
.
,
.
......واقفه عند شباك غرفتها تناظر الأجواء برا خياليه..الجو غيم وفيه قطرات من المطر تنزل خفيف..ساكته تتأمل مثل السجينه..أو هي فعلاً سجينه..تزوجت وماتزوجت....متهمه بعرضها النزيه.."مافيه ابشع من هالظلم"... المشكله محد راضي يسمعها لا أب ولا أم ولا اللي اتسمى زوج ...لمن تلجأ مـالـهـا غير الله يفرج كربتها.....من البارحه ماذاقت طعم النوم...ولا قدرت تغفى عيونها..
{سمعت طرقات باب غرفتها كسرت حاجز هدوء الغرفه }
مسحت دمعتها والتفتت هذا أكيد مو فراس لو هو كان دخل علطول:ادخل
دخل سعد والإبتسامه تعلو وجهه وحاط يديه ورى ظهره:السلاااام عليكم
الجوهره ابتسمت على برائته وحلاته:وعليكم السلام هلا سعودي
سعد قرب لها بهدوء ووقف قدامها ومد يدينه بعلبه صغيره:ألــــف مـبروك جوجو على الزواج ..أسف اني ماجيتك من صبح..بس كنت مشغول اجيب هديه لك اللي كنت محضرها من اول مادريت بزواجك..
الجوهره نزلت دمعتها ..لأن الوحيد اللي تذكرها بهدية زواج هو اخوها سعد وغيره محد..وحرك مشاعرها نزلت لمستواه وضمته بقوه وبكت...
سعد تأثر منها وحاول يضبط نفسه:جوجو بس لاتبكين انتي مو صغيره..يله افتحي الهديه وشوفيها قدامي بسرعه
الجوهره ببتسامه مسحت دموعها:مشكور ياسعد وعقبالك حبيبي
سعد:هههههه تو الناااس ههه افتحي العلبه اللحين
الجوهره ببتسامه ماتخفي حزنها:أوكيه
{فتحتها كانت عباره عن سلسله ذهب وتعليقه على شكل قلبين واحد بالذهب الابيض والثاني بالذهب الأصفر مايلين على بعض الأول مكتوب عليه الجوهره والثاني فراس بخط رااائع...كان شكل التعليقه حلووو}
سعد ببتسامه:شرايك ان شاء الله اعجبتك
الجوهره تناظر بإسم فراس ومعورها قلبها:تجنن حبيبي تسلم يا أحلى سعودي
سعد:عاد شوفي اول ولد مالي شغل سموه سعد ههههه
الجوهره رغم الألم ضحكت على واقعها اللي مايعرفه اخوها الصغير:ههههههههههه
سعد تذكر شيء:يوووه نسيت..يله جوجو باي أنا رايح القاعه
{طلع...و سكر الباب ورجعت لوحدتها وألمها}
.
,
[أحـــــلامٌ تــحــتـــضـــر]
.
,
.
,
.
,
.
بعد الزفه....
دخلت ميس ومتعب جناحهم فالفندق اللي مقام فيه الزواج....
الجناح قمة في كل شيء وذوق..
متعب ماله خلق شيء وراسه يعوره لازم يعدله بسيجارة حشيش اللحين وإلا خرب كل شيء:شوفي ميس هذيك الغرفه ادخلي اذا تبين تبدلين وترتاحين
ميس بقمة سعادتها كانت مستغربه طلبه بس ماعليه يمكن انه مرتبك..لمت طرف فستانها وراحت...وأول مادخلت كانت المفاجأه اللي ماتنتخبى..
غرفه كبيره عريضه بس السرير سنجل يعني سريرين منفصلين..أستغربت(يعني كذا المتزوجين وإلا بس عشانها أول ليله..أكيد عشانها أول ليله...ذوق يامتعب )
.
نزلت فستانها ولبست قميصها...وانتظرته يدخل بس هذا ثقيل..شعنده مادخل للحين! أخذت زمام المبادره وقامت تبي تشوف وينه فيه..فتحت الباب بشويش وطلت بعيونها..وكانت صدمت عمرها...
متعب مسترخي عالأخر فالصاله وبيده سيجاره بنيه وشكله مايطمن...
ميس جلست شوي بالغرفه تنتظره يمكن يجي..مايصير تطلع له شبيقول عنها...
مرت ساعه ونصف والحال كماهو وفجأه سمعت صوت شيء انكسر طلعت تشوف وشهو...
متعب كان متحرك وطاحت طفاية السجاير....
ميس خافت عليه وجلست تقومه:متعب متعب حبيبي قوم
متعب سمع بس ما يأكد وبدأيقط خيط وخيط:وخري عني هناك انا مااقدر اسويلك شيء...روووحي
ميس مافهمت عليه "وش يتكلم عنه هذا؟":متعب قووم الغرفه حبيبي
متعب دفها بيده:قلتلك انا عاااجز مقدر اسويلك شئ ماتفهمين..
ميس مافهمت للحين بس تسايره:طيب قووم وارتاح بسريرك ياولد اللحين انت نايم غلط..<<<< علنيااتهااا
عجزت فيه وراحت وتركته....(أوووف من أولتها كذاا)وش فيه هذا؟!!!
.
,
.
,
.
.
,
.
,
.
عـبدالله راجع من برا وبيده العشاء..دخل وسكر باب الشقه...
طلال:عبدالله جييت
عبدالله:إيه ثوااني والعشاء جاهز..
طلال فكر يدق على أهله ويبارك لفراس على زواجه.وأتصل فيه ومايرد اتصل بأمه وماترد واتصل بأبوه ومايرد:شفيهم العرب وين راحوا؟...بتصل في لمى هي اللي بتقولي كـل شيء..أتصل والحمدلله ردت
لمى بالجوال:هلا والله وغلاااا
طلال:ههههههه هلابك ويييينكم ادق ولا احد يرد...
لمى:أبد كنا بزواج ميس
طلال تغيرت نبرة صوته:زواج ميس؟؟؟
لمى:إيــــه مــادرييييت؟!!
طلال ماعاد يركز:طيب طيب لمى باي اللحين عندي ناس
لمى:باي
طلال شات الطاوله اللي قدامه برجله وتكسر القزاز اللي عليها وصرخ:ليييييييييش ليييش
عبدالله طلع من المطبخ مرتاع:طلال وش فيك اخوي؟!
طلال كانت عيونه مليانه دموع...راح يركض برا الشقه...وهو يحبس البكيه...
عبدالله:شفيه هذا؟
.
[أحـــلامٌ تــحـــتــــضـــر]
.
,
.
,
.
.
,
بالإستراحه....
بقمة الفقده....كــان سـكـران عالآخر...عمره ماشرب هالكثر...ومع ذلك كانت دموعه تنزل..وعيونه حمر...
هادي:بوالفرس كفايه شرب ياخوي بتذبح عمرك
فراس مد الكاس:أقووول صب بسسس ولا يكثر..
هادي وش بيده صب ومد له:خلصت لك قزازتين...لعنبو بليسك بس
فراس ببتسامه وضحكه غريبه: عاااادي مااافيــ ــهـ ـا شـ ــئ
دخل طارق:هااااي شبااااب
الكل:هاااياات
طارق ببتسامه:أوف أوف أوووف العريييس هنـا لهالوقت!!!!
فراس:هههههه ههههههه ههههههااااااااااااااااااا ي
الكل استغرب...
طارق:شفيك فراس ...؟!
هادي:شااارب هالقارورتيين
طارق بصراخ:صااااحي انت ياهادي وليه تخليه يشربها
هادي: يااخوي هد بس .... انا منعته بس رفض وش تبيني أسويله
طارق:فراس قوم روح لبيتك..اللحين العروسه قلقانه عليك
فراس بقمة الفقده:هههه هههه آآي عروووس؟! من صدقك انت؟ ههههههههههه
طارق ساكت يبي يفهم ولو كلمه:عروسك ياغبي
فراس وبلحظة راح يكره عمره بعدها:ههههه هــذي مو..مو...هذي مو.....
طارق بإستغراب:مو إيش؟ أنت وش قصدك
فراس حاول يكمل بس أغمي عليه من كثر ماشرب..............,
.
,
[أحــــــلامٌ تــحـــتــــضـــر]
.
,
.
.......في سريرها تتقـلب لها ســاعه أو أكثر...مو جايها النوم مع انها أكثر شخص محتاجه بالعالم...أستقعدت وناظرت بالساعه:وهـذا ويــن رااح؟..أووف حتى الجوال ممنوعه منه قهرر...أي عيشه هاللي عايشتها هذي..لاوناسه وسعة صدر مثل قبل ولاحريه ولا...ولا زواج مثل العالم والناااس...أنا شلوون اتصرف مع هالغبي اللي مايفهم؟...كيف أقنعه اني مو مثل مايظن..؟....ههههه أنا ليه اللحين مقطعه عمري عليه....وااحد مايستاهل وعاارفه ماضيه عـدل...ههههه اللحين سهران بالإستراحه اللي يارب تحترق...ومبسط عمره مع البنات اللي يحسبني مثلهم...! مـــااعلي منه أنا وااثقه من نفسي...وربي هو اللي عارف بالخفايا..وبيرجع لي حقي أكيد...
.
,
.
,

[أحــــــــلامٌ تـــحـــتــــضـــر]
الصباح......
.......:أسمحي لنا يا ام سعد ماجينا امس وانتي عارفه زواج ميس
ام سعد ببتسامه ذبلانه:لا وش دعوه يا ام طلال عاذرينكم..ياهلا ومسهلا
ام طلال:عـاد السموحه ابي اطل عالعرسان وابارك لهم..وفراسوه هذا من تزوج من يومين ماشفته
ام سعد:تفضلي البيت بيتك
ام طلال :يزيد فضلك
{طلعت للغرفه........وطرقت الباب}

الجوهره كانت واقفه عند المرايه تعدل الكحل الداخلي وخلصته...شيكت عالفستان الزهري النعووم اللي لابسته وراحت تفتح الباب وتفاجأت ونزلت راسها من الإحراج:عمتي حصه!!!
ام طلال بنص عين وببتسامه:مـــاااشــــاااء اللـــه...وأنا أقــوووول وش مخلي فراس مايجيني يومييين !! أثره هالقمر...!
الجوهره بقمة حياها سلمت عليها:هلا عمتي تفضلي
ام طلال ببتسامه مسحت على شعر الجوهره:عالبركه...صباحيه مباركه
الجوهره ببتسامه خجوله:الله يبارك فيك ياعمه
..قامت تصب لها عصير...
ام طلال تدور بنظرها فالغرفه:أقول الجوهره
الجوهره مدت لها العصير:سمي عمتي
ام طلال:إلا وين فراس ماشوفه..
الجوهره ارتبكت لأنها ماتدري وينه من امس الصبح بس دبرت عمرها:فراس كان هنا بس....بس واحد من خوياه يعزه حيل صار عليه حادث بالفجر واتصلوا عليه خوياه وعلموه وراح علطول يتطمن عليه
ام طلال:عشااان كذا...طوول عمره راعي واجب ولدي فراس
الجوهره ابتسمت:صادقه عمتي إلا وين البنات؟
ام طلال:ههههه البنات سافروا بطيارة الصبح لجده عشان دوام سما وأنا جيتك هنا لحالي مع السايق حقكم.
.
,
.
,
.
,
.
,
.
,
.
......جالسه بصالة الجناح فالفندق تشرب قهوتها وتستنى عريس الغفله متى يصحى من نومه...(هذا شكله نسي انه تزوج وعلباله انه عزوبي للحين!!! بطيء إستيعاب وإلا وش قصته؟!!!)....
بالغرفه قام متعب وهو يحس بصداع ...تذكر انه متزوج...نط من مكانه وراح لدورة المياه وتروش عالسريع وطلع بروب الحمام للصاله:صباح الخير ميس
ميس عدلت جلستها وهي مستغربه مقابلها بروب الحمام وابتسمت:صباح النور
متعب جاء وجلس ببرووود:أفطرتي وإلا أطلب
ميس(من صدقه هذا!.. كان متوقع افطر قبله!)
متعب:ميس انتي معي
ميس :لا...أقصد مابعد افطرت
متعب:كويس عشان نفطر سوا
ميس استغربت تصرفاته بس عدتها...يمكن كذا ببداية الزواج تحصل هالتصرفات الغبيه من الرجال...!
متعب خلص الطلب ورجع يفرقع اصابعه بتوتر ويمرر يده على شعره ويتحاشا يناظرها....
ميس استغربت توتره... سكتت تشوف وبعدين معه؟.....
متعب بعد سكوت قاتل:أقول ميس...أنا أسف
ميس مافهمت عليه وناظرته تستفسر لأنه مو قاعد يناظرها:.....
متعب:أنا مقدر أسفرك شهر عسل....ماعندي وقت هالأيام
ميس استراحت علبالها شيء حاصل مو زين:مو مشكله متعب
متعب:بس أوعدك بأقرب فرصه نسافر
ميس ابتسمت وسكتت....
متعب مد يده عالتلفون وطاحت الفازه مايدري عليه وعورته:..أأأي
ميس قامت بعفويه ومسكت يده وهمزتها بنعومه وهي تبتسم:بدال ماتقول آي قول بسم الله
متعب أضطر هاللحظه يناظرها لأنها قريييبه منه...عليها نعومه ورقه...وشفايف ... ابتسم بوجهها وصد مقهور واختفت ابتسامته....
ميس لاحظت تقلب مزاجه:حبيــــبي خلاص الضربه مو لهالدرجه تألم ..{أبتسمت}
متعب بعد تصرفاتها اللي استفزته سحب يده بقوه ووقف:خلاااص
ميس بغت تطيح وراها من قوته وخافت...!!!
متعب تدارك الموقف:أسف انا مادري شفيني اليوم
ميس سكتت مستغربه وماعلقت...
متعب دخل مسرع يبدل ويلبس ملابسه......
ميس "حساااسه" وأي شيء يأثر عليها.. وهذا مايفهم!...{بكت}
.
[أحــــــلامٌ تــحـــتــــضـــــر]
.
,
.
,
.
,
.
,
.
.
,
بنشاط وحيويه بدأت يومها..زي النحله نشيطه بعملها....هــذي "سما"
سوزان ببتسامه:اللـــه يديم الرضاا
سما:هههه اميييييييين
سوزان:أششش اسكتي جاكي الممرض فواز
سما عدلت الكمامه عالحجاب اللي هي لابسته بدال النقاب..
فواز ببتسامه وعينه على سما:صباح الخير ياصبايا
سما وسوزان:صباح النور
فواز:نوور المستشفى يانيرس سما
سما:مشكوور
فواز:طولتي هالمره ان شاء الله انبسطتي
سما:الحمدلله
سوزان حست انها مالها دااعي:طيب عن ازنكم ياجماعه
سما:لحظه خذيني معك عندي شغل...عن اذنك فواز
فواز :تفضلي...يله اروح لشغلي بعد انا...
,
سوزان وهي تمشي جنب سما:شفتي فواز
سما:الحمدلله ..أحد قالك اني عمياء
سوزان:هههههه لا مو القصد بس شكله مهتم فيكي
سما وقفت والتفتت على سوزان وهي معصبه:أنتي انهبلتي ياسوزان؟!
سوزان وقفت وهي خايفه:لا
سما:أجــل أنكتمي ولاعاد تجيبين هالسيره مره ثانيه..انا لناايف ونايف لي لاتجيبين سيرة احد غيره
سوزان:حتى بعد اللي سواه فيكي
سما قاطعتها :شوفي حتى لو ضربني وقطعني هو لي أنا وبسسسس
سوزان:طيب اسمحيلي اقولك انك مجنونه
سما:إيــه مجنونه بنايف ارتحتي
سوزان:هههه الله يشفيكي
سما ضربتها على كتفها:يله قدااامي ورانا شغل
سوزان بعباطه:آآآي وجعتيلي كتفي
سما:أقووول تعااالي
.
[أحــــــــــــلامٌ تــحــتـــضـــر]
,
.
,
.,,,,,,,,,,,,أنتهى الــجــزء الثـــالـــث عــــشـــر,,,,,,,,