[لامارا]

البارت الثاني والعشرون

بالليل الساعة 10 بالرياض اغلقت الجوال وابتسامة الخبث تلمع بوجهها وبعدها رن الجوال وشافت رقم امها وردت بسرعه
....:هلا يمه
....:فجر مرتاحة ببيت ام خالد ولا تروحين بيت عمك احسن
فجر:لا ييمممه مرتاااحه كثيير وانتي متى بتخلصي شغلك وابوي متى بيخلص شغله
....:اممم يمكن اسبوعين وراجعيــن
فجر:ان شاء الله يلا بااي
اغلقت الجوال وبعدها انسدحت بالسرير ونامت والابتسامة لا تفارقها...
























**





















بصبـــاح جديـــد تصفر العصافير عن بدء يوم جديد بلندن الساعة 6 صباحا صحيت رحاب من النوم وقامت من السرير وراحت الحمام اكرمكم الله اخذت شور سريع وتوضت وطلعت وصلت الفجر وبعدها لبست بنطلون جينز ازرق فوقه جكيت بني ولبست حجاب بيج وشافت فارس صاحي يلعب مع حصة بيدها التفتت لها حصة:ااااه نعسااانه تخيلي من ساعة صاحي موب راضي ينام
رحاب:هههههه ولييش ما قومتيني
حصة:خفت ازعجك من نومتك والحين برجع انـــام في نووووم عميق
رحاب:لييش اليوم ما عندك دوام؟
حصة:الا عندي بس لساا بدري الدوام 9 عندي محاضرة وحده
رحاب:اهااا طيب ممكن تهتمي بفارس الحين بنومه لانه واضح عليه نعسان وبجيب السرير الصغير لغرفتك يصير كل ما صحي فارس تهتمي فيه وتأكليينه لا تنسي واذا رحتي الجامعه اتركيه عند جارتنا
حصة تثاوبت من النعاس:ان شاء الله
شالت فارس ودخلت بغرفة حصة وحطته بسرير حصة وجابت سرير فارس وحطته فيه ورجعت حصة لسريرها ونامت
دخلت رحاب لغرفتها واخذت الشوز ولبسته وبعدها فتحت الباب وقفلته بالمفتاح وطلعت اخذت تاكسي ووصلت للشركة ودخلت للمدخل الرئيسي وراحت للسكرتيرة..طبعا بعد الترجمة
رحاب:لو سمحتي هل المديرة موجودة؟
......:لا للاسف لم تأتي اليوم واعتقد انها لن تأتي
رحاب:لماذا ماذا بها!!؟
......:لا ادري يمكن ان تكون مريضة بالسعال وما شابه ذلك لا اعرف شيء بالضبط
رحاب:اممم هل المديرة تركت لي عمل اعمله اليوم
......:انتي رهاب سولتان ال....
رحاب:نعم!
.....:خذي هذه الاوراق واذهبي الى غرفة السيد بسام وهو سيعطيك وظيفتك اليوم
رحاب(اففففف وش دخله هذا بشغلي):حسنا لكن أين غرفته
اشرت لها وين مكانه بالضبط اخذت الاوراق وراحت لمكتبه دقت الباب مرة وحده ودخلت وبعدها التفت لها بسام بالكرسي
بسام بإستهزاء:هلا هلا والله برحاب نورتي وشرفتي بس في شي اسمه اذن اذا اذنت لك تدخلي فأدخلي واذا ما قلت شي تنتظري بس انك تدخلي بهاذي الطريقة الهمجية ما عندي كلام معك غير توقيع طردك من الشغل
رحاب (يالله اسلووووبه وععععع جد غبي وحقييير الله يصبرني عليه انا وش مشغلني معه انا انا كيف بنذل له انا بعمري ما نزلت كرامتي علشان احد اعوذ بالله من الشيطان الرجيم بس بوريك الويل بشغلك واصلا ما يقدر يطردني مو هو المدير)
بسام لاحظ سرحانها ابتسم بسخرية وبعدها قال:ويين رحتي يا انسة رحاب بتفكيرك
رحاب انتبهت له وبعدها قالت بحدة:انتبه لكلامك يا حسرتي انا احترمتك وقدرتك بس واضح عليك ما تستاهل الاحترام وقلة الادب معك قليلة بحقك (و بعصبية)ولحظة لحظة ميين انت علشان تطردني ليكون مدير اعمالي وانا ما ادري
بسام ما عرف وش يقول وبعدها رد:اعصااابج لا تنفجر
رحاب:انت اللي راجع نفسك واهتم لاعصابك ولأخلاقك ولنفسك وبعد اليوم لا اشوفك بطريقي والا بتشوف شي بتندم بعدها عالساعة اللي عرفتني فيها
بسام:ههههههههههههههههه....ض� �كتيني وانا مابي اضحك ههههه اسكتي اسكتي بس بزر وجايه تعلي صوتها وتتكلم
رحاب:خلااص وصلت حدي ما برد عليك مو علشان ضعف شخصية او ضعف ثقة لا يا شييخ علشان ما انزل مستواي اكثر من كذا على زباالة مثلك
وبسرعه طلعت من مكتبه
وبسام ثبت واقف شوي ويمر كلام رحاب مثل الخنجر والسهم عليه(اراااويك يا رحاااب اجل انا زباااله على قولتك !! ما اكون بسام اذا ما خليتك تنذلي لي وتسوين كل شي علشاني)

راحت رحاب لحمامات النساء اكرمكم الله وراحت لجهة المرايا واخذت نفس عميق شهيق وزفير وبعدها رتبت نفسها بالمرايا وطلعت وراحت راجعه لشقتها



















*
*


















بالرياض الســـاعة 9 صبــاحا بالشركة جالس باسم على مكتبه الجديد تم توظيفه بشركة كبيرة بالرياض وتعتبر من اكبر الشركات المعروفة بالرياض..
وجالس يشرب القهوة التركية بروقان ولانه اول يوم دوام مافي شغل بس تعارف على اماكن الشركة وتعرف على الكل بالشركة..وجالس يشرب القهوة وبعدها فتح الجوال الايفون 5 وكان بيفتح التويتر بس ضغط على الانستقرام بالغلط وبعدها شاف اخر صورة نزلت ولد صغيير سميين شوي ناظر عيونه تذكر عيون رحاب الواسعه الكحييلة...باسم نظر لتحت اذا كان فيه تعليقات تأكد له شكوكه بس مع الاسف بس لايكات سوا لايك للصورة وبعدها راح للجهات الاتصال واتصل بحصة وكان جوالها مقفول واتصل مرة ثانية وبرضو مقفول استغرب وبعدها شاف الساعة وعرف انه الحين بلندن الساعة 7 وانه ممكن تكون نايمة اخذ نفس عميق (يااارب الاقي رحاب يارررب اشوفها مشتااق لها بالحييل كييف تتركني كذا)وبعدها بدأ يتذكر اشياء قديمة صارت مر عليه يوم صراخ امه عليه
...:كيييف تتزوجها بالسر
ومر عليه صوت السيارة لما صدمت بشاحنة ومر عليه صوت ابوه يعاتبه:ولدي لييش تزوجتها بدون رضانا لييش
واغمض عينه وعصرها بقوة وراسه يحسه بينفجر وبعدها مسك راسه بيدينه بقوة وبعدها بدأ يهدأ الم راسه شوي شوي وبعدها طلع من الدرج بنادول وفتح قارورة الموية وشرب مع الموية حبة بنادول وبدأ يتنفس بشكل اعلى حتى هدئ وبعدها قال:بسم الله الرحمن الرحيم اعوذ بالله من الشيطان الرجيم بسم الله الرحمن(وبعدها قال بصوت مرتل)..قل هو الله احد..الله الصمد..لم يلد ولم يولد..ولم يكن له كفوا احد..(ورددها ثلاث مرات وقال سورة الناس والفلق ثلاث مرات وبعدها شرب مويه وسحب جواله لجيبه وقام رايح متوجه للبيت وهو يحس نفسه تعبان وراسه يدووخ..







*



*

*

*


*


*




بالمستشفى صحت فتون من النوم وشافت هديل صاحية وعينها للشباك والسواد تحت عيونها من قلة النوم قامت من الكنبة وراحت للحمام اكرمكم الله وغسلت وجهها وهي بالعباية وطلعت وراحت لهديل:هديل بروح اجيب لي فطور اجيب لك معي شي تاكلينه
هديل التفتت لها:لا مابي اكل شي بس ابي مويه
فتون:ابشري من عييوني الحين اروح اجيب لك مويه
طلعت فتون وراحت للكفتيريا وشافت واحد قاعد عن الاستقبال واقف نفس الشخص اللي شافته امس(معقوولة كييف يجي هنا) حست بالتوتر وبسرعه راحت للكفتيريا وجابت مويه وساندويشة وعصير تفاح ولما التفتت بتشوف اذا نفس الشخص موجود ما لقت احد عن الاستقبال وبعدها راحت لغرفة هديل(معقوولة انا اتخيله ولا هو جد كان هنا) وبعدها جلست جنب هديل واعطتها المويه وفتحت السندويشة وقسمتها بالنص ومدتها لهديل:خذي هديل يلا علشااااني اذا مو مهتمة لصحتك
هديل اخذت النص الساندويشة من فتون واكلتها بهدوء وبعدها شربت المويه وفتون (الحمد الله تحسنت حالتها شوي يا عمري عليها)
بعد صمت لدقيقتين دق باب الغرفة اتحجبت فتون وحجبت هديل ودخل الجد هادي بالعكازة وبدأ يمشي فيها وودخل للغرفةوبعدها قال:السلام عليكم..
..:وعليكم السلام ...
هادي:سلاامات هديل شخبارك الحين عسااك طيبة؟
هديل:ايه الحمد الله بخير
هادي جلس بكرسي قريب من هديل:هديـــل انا جدك ومثل ابوك رحمة الله عليه أي شي تبينه قوليلي ولا تخجلين هذا حلالك ولك اللي تبينه الله يرحم حاتم سعوود حسبي الله عليه اخذ كل امواله
هديل بحدة:خلللاااص يكفي لا تجيب هالسيرة مابي اسمع شي عن هذا سعود
هادي:طيب براحتك المهم نرجع لموضوعنا..
هديل قاطعته:مابــي شي من حلال ابوي وجدي اذا ما عندك مانع اذا طلعت اليوم ابي اخذ كم لبس لي واروح لبيتك
هادي:ايه اكيييد بينور البيت بوجودك..بس طبعا لازم ناخذ موافقة خالد بالنهاية هذا زوجك واكيد ممكن ما يرضى
هديل:جدي لو سمحت لا تقول لخالد ماابي اشوفه اصلا ولا ابي اشوف احد ابي ابتعد عن كل الناس ابي اجلس مع نفسي ايام وبرجع طبيعية
هادي سكت شوي وبعدها قال:ان شاء الله يلا تجهزي انا بالسيارة
هديل:ان شاء الله
فتون ساكته ما قالت شي متفاجئة من تصرف هديل وبعدها قالت بعد خرووج هادي
فتون:هديييل منجدك بتروحين لبيت جدك وتتركين خالد
هديل ما ردت عليها جلست ترتب اغراضها وبعدها لبست عبايها
فتون:هديييل اسمعيني انا متقبلة انك تبين تنعزليين لايام عن الناس بس كييف ما تاخذين رأي خالد والله خالد يحبك واكيد بيعصب ويقلب الدنيا فوق راسي
هديل ضمت فتون وبعدها قالت:ما يهمني يسوي اللي يسويه قوليله ما قدرت امنعها هذا شي راجع لي وبإرادتي وقولي له لا عاد يكلمني لحد ما ارجع طبيعية
فتون:طيب هديل بكيفك يلا مع السلامة الحين بتصل على ابوي ياخذني
هديل:فمان الله
اخذت هديل الشنطة ولبست النقاب وطلعت لتحت وطلعت من المستشفى بكبره وبعدها شافت سيارة سوادا مظللة وورا مفتوح الشباك اشر هادي لهديل تجي راحت هديل له وركبت بجانبه ورا وتوجهوا لبيت الجد
اتصلت فتون بأبوها ما رد واتصلت على الشركة قالوا انه عنده اجتماع واتصلت بخالد ورد بسرعه
خالد:هلا فتون
فتون:خاالد يلا تعال خذني من المستشفى
خالد استغرب وبعدها قال:وشفييك مستعجلة وهديل وينها ما تبي تجي؟
فتون:اااءء خالد هديل رراحت مع جدها قبل شوي
خالد بحدة:انتي وش تقووولين كيييف تركتيها تروح من دون علمي
فتون:خالد اهدا هدييل بتقعد ثلاث ايام اربعه وبترجع
خالد:واذاا يعني كييف ما تقوليلي ولييش ما اخذت رأيي بالموضوع
فتون:والله هي اللي طلبت تروح مو جدها اللي غصبها او عرض عليها تروح معه
خالد:طييب مسافة الطريق وجايك
فتون:اوكييه بااي
















*
*
*
*
*
*
*
*
*














بنفس المستشفى جالسه ندى بالممر تنتظر خبر مفرح عنه واحمد زوج وئام اللي يكون اخو فيصل كان موجود مع ابوه وجات وئام وقال لها احمد تروح لعند ندى وتاخذها معها الشقه علشان ترتاح
وئام:ندى قومي تعالي معي لبيتي صدقيني ما بتستفيدي شي من قعدتك هنا ولا تخافين عمي وزوجي بيخبرونا اذا صار على حالته شي جديد
ندى:لو سمحتي اتركيني بحالي
وئام:اسمي وئام ويلا قوومي معي من امس ما نمتي لازم ترتاحي
ندى:يعني برأيك لو جيت معك بيعطونا خبر عنه
وئام:اكيييد يلا قومي معي
ندى قامت وراحت مع وئام وصلهم السواق للعمارة شقة احمد ووئام نزلت ندى ومعها وئام ودخلوا للشقة ودخلتها وئام على غرفة الطفل اللي لحد الحين ما ولدته وئام ودخلت وراحت وجابت فراش وفرشته بالارض ومخده وانسدحت ندى بعد ما شالت العباية وغمضت عيونها ونامت وراحت وئام للصاله وجلست (يااارب يتعاافى فييصل ويطلع بالسلامة )وبعدها سمعت دق الباب استغربت وبعدها وقفت:اييه صح يمكن يكون احمد انا قايلة له يجيب جبنة فتحت وشافت رجال دخل بقوة للبيت وحط يده لفم وئام:اصصصص ولا كلمة
وئام كانت مرعوووبة وترتجف وتبي تصرخ بس يده كاتمتها وبعدها قال:اعطيني فلوووس وبتركك
وئام وهي ترتجف مشيت وهو ماسك كتفها بقوة وفتحت الشنطة واعطته 5000 ريال
....:ااااااه ماافي احلى من الفلووووس وانكتمي واذا قلتي لزوجك عن السالفه راح اخليه متهم بجريمة مخدرات وهاذي سهلة فااااهمة يا بنوووته كانت نيتي شي ثاني بس غيرت رأييي باااي
طلع ووئام ترتجف من الخوف قفلت الباب بقوة وراحت تمشي وهي ترتجف للحمام اكرمكم الله غسلت وجهها وايدها ترجف وبعدها طلعت وراحت للصاله:يااارب سترك يااارب














*
*
*
*
*
*
*
*






















ببيت الجد هادي نزلت من السيارة ودخلت للبيت والجد دخل بجانبها ناظرت لشكل البيت اول ما دخلوا بالحوش شافت النافورة وشافت بجهة ثانية حديقة فيها الزهووور والوورد واللون الاخضر من الشجر تفاجأت من تصميم البيت(معقوولة ابوي كان المفروض يعيش كذا حسبي الله عليك يا عمي)تذكرت فجأة اخر كلام ابوها لما قال لها عن اختها الجوري وبعدها التفتت للجد هادي:جديي ابيك تدور على الجوري اختي الجوري حاتم هادي ال... عرفتها؟؟
هادي:لا والله بس اكييد هاذي حفيدتي وبدورها
هديل:شكرا
هادي:لا هذا واجبي يلا ندخل
دخلوا للبيت والتفتت هديل وشافت الرخام والبلاط الفخم لونه بيج وبني فاتح وبعدها شافت الدرج الطويل وشافت الاصنصير بجهة ثانية وشافت الاصنصير ينفتح وطلعت وحده جايه وهي مبتسمة لها جات لعند هديل وسلمت عليها:اهلا هديل انا اكون اريج بنت عمك
هديل:اهلين
اريج:هديل تعالي معاي بورييك غرفتك
هديل:طيب
اريج:اتركي الشنطة عنك بخلي الخدامات يشيلوها عنك
جات خدامة واعطتها هديل الشنطة
و دخلوا للاصنصير وطلعو للدور الثاني ووبعدها دخلت اريج ووراها هديل
اريج:هديل هذا جناااحي وانتي جناحك هناك أي شي تبينه لا تترددي قوليلي واذا تبين تاكلين في تليفون بالغرفة اضغطي رقم 4 وبترد عليك الخدامة
هديل:اوك شكرا تعبتك معي
اريج:لا عااادي مافيها تعب ولا شي يلا بااي
دخلت هديل للجناح كااان وااضح علييه الفخااامة والانوار الهاادية دخلت وجات الخدامة ودخلت شنطتها وطلعت وبعدها هديل سكرت الباب وجلست على السرير وناظرت الغرفة وشافت المطبخ السرير المفتوح على الغرفة وكأنها بفندق اخذت نفس عميق وشالت العبااية وانسدحت عالسرير واغمضت عيونها ونامت...






















**



















بشقة راكان و رهف الساعه 8 الليل
كانت رهف جالسه عالايباد وراكان يشوف رسايل الجوال وجالس يضحك وبعدها التفت لرهف
راكان:رهف جاتني نكتتته تضحك عالواتس اب بتموووتي ضحك لو عرفتيهاا
رهف شالت عيونها من على الايباد:وش هي
راكان:كان فيه واحد سأل زوجته الولاده توجع قالت له ههههه قالت له ايييه تووجع مثل لما تطلع تفاحة من أنفك هههههههههههه
رهف:ههههههههههههههه
راكان:دووووم الضحكة
رهف:وقسسم تضحك ههههههههه
راكان:اييه جاتك هالرسالة
رهف:اكييد لا توي اسمعها منك لو جاتني ما كان ضحكت
اتصل على جواله خالد رد عليه
راكان:هلاااا والله يالقاااطع لا تسأل ولا شي
خالد:ههه ضرووف والله منعتني عنك بشرني عن اخبارك
راكان:تمااام الحمد الله صااارت حكاااية طوييلة وانت
خالد:تبي الصراحة لا يلا خليك بمكانك الحين بجي
راكان توتر ما عرف وش يقول لانه خالد ما يعرف بزواجه فقال:لا انا مو بالبيت خلاص بخلص شغله صغيرة وبمرك انت ويين
خالد:بالشركة انتظرك
راكان:انت منجدك جالس لحد الحين بالشركة
خالد:ايه الحين بطلع بروح للبيت وانت مرني من هناك يلا فمان الله انتظرك























**













بنفس الوقت ببيت راشد كان جالس في بيته بغرفته تحديدا
كان جالس بسرير ويفكر :ااااه من جمال هالبنت ودي اشوفها مرة ثانية...اففف وشفيني افكر فييها..ايه ايه صح وش بسوي بالجامعه ما عندي لغة ايطالية لازم يكون عندي مترجم.....يالله هالبنت سحرتني جد كل ما افكر بشي ثاني تطلع صورتها ببالي خليني اتصل بباسم واشوف اخباره











**












ببيت المتواضع الام جالسه تبكي بهدوء والبنت جالسه تبكي مثلها
الجوري بصوت باكي:ماااااااما يعني باااابا خلاااص مااااات
ام الجوري ما ردت
الجوري:ماااااما تكفيين ردي علي
رن الجرس ولبست ام الجوري الحجاب وغطت وجهها وراحت فتحت الباب شافت بنت متنقبة ووراها شخص كبير بالعمر:اهلا ميين انتوا؟



*
*
*
وانتهى البـــــارت ..
توقعاتكم..
لا تقولون البـــارت قصيير
هذا اللي قدرت اكتبه وانا اشوفه طوييل وان شاء الله يعجبكم
*