[فيتامين سي]

الجزء الخااامس عشررر....,

.,.,.[أيـــام غـريــبــه عــلــى أرض الــحــب].,.,.

{بعد أسبوع من الأحــداث الســابقه}

......واقفه قدام المرايه,وتتفحص شكلها,وبدت هااديه,ناظرت عيونها كيف ذبلانه, وكيف جسمها ناحف,(كله من السكري وإلا من إيش),مدت يدها ومسحت على بطنها بحنان:إلين متى محد يدري ياقلبي,لك أكثرمن شهر.......أقول لفاطمه..... لا فاطمه ماتقدر تسكت....راح أقول لعمتي مزنه أحسن...بس خايفه!...
فاطمه دخلت وشافت أسيل واقفه ولابسه,أبتسمت:ماشـــاء الله بدلتي البيجامه, يعني راح تطلعين من هالغرفه.
اسيل ببتسامه ذابله:إيه مليت,قلت أطلع وأنزل أشوف البيت,
فاطمه فرحت حست أن أسيل بدت تتحسن:الحمدلله أخيييراً,يله ياشيخه
{وطلعتها}
أسيل :هههههه شوي شوي علي,يدي يافاطمه
فاطمه:ههههه أتركي عنك هالنعومه,
أسيل شافت غرفة فيصل مقفله,تذكرته وهي اللي مانسته,وشلون تنساه وهي حامل منه,,سألت بعفويه:فاااطمه,وين فيصل؟
فاطمه أستغربت السؤال من أسيل,,عبست ماتبي تتذكره:بقلعة وادرين مستاجر شقه ساكن فيها,مدري قاعد مع واحد من خوياه
أسيل بعفويه وعاطفه غبيه مو وقتها:لحاله؟!
فاطمه أستغربت أكثر,بس هي ماتخلي بقلبها:أقول لاتجننيني,أللي يشوفك وانتي زعلانه من اسبوع وبغيتي تموتين بسبته مايقول انك جالسه تسألين عنه بإهتمام,
أسيل سوت نفسها مو مهتمه:شفيك أنتي أسأل أنا عاادي.
مزنه تنادي من تحت:فطوووووم
فاطمه:شفتي عمتي تناديني,تعالي ننزل سوا والله بتستانس إذا شافتك نازله معي,يله
أسيل طلت على عمتها من الدرابزين:صبــــــــــااا� � الخيييرعمتي
مزنه تشققت من الفرح:ياااصباح النور,يا أسيل بنت سلمان
فاطمه بنص عين: بس أسيل بنت سلمان
أسيل:هههه وبعد فاطمه بنت سليمان
مزنه:ههههههه ماعليك منها هذي أكبر عياره
فاطمه:ههههه,أوكيه عن أذنكم أنا رايحه أجيب كافي لي,أسيل أجيبلك معي
أسيل:إيه بس بدون سكر الله يخليك
فاطمه:أوكيه من عيووني
أسيل:ههه تسلم عيونك
مزنه أستغربت,بس عدتها:هاه يابنتي كيفك اليوم
أسيل والتعب باين عليها:الحمدلله تمام..
{ألتفتت تناظر المكان,بكل ركن لها ذكرى مع فيصل,حست بحنين وشوق}
مزنه:أسيل يمك انتي سرحتي
أسيل:هاااهـ.. لا لا
فاطمه جات ومعها الكافي,مدت على أسيل:سمي أسوله,والله مدري كيف بتشربينه وش حدك على المر؟
أسيل أكتفت بالإبتسامه: (حدني أللي أمرَ منه يافاطمه)
مزنه :والله يابنات أن قهوة العرب هي الزينه.
فاطمه:ههههههه ياحليلك ياعمه,,إلا على طاري القهوه وش رايكم نطلع اليوم
مزنه: وين نروح؟
أسيل:أي مكان.. نفسي اطلع
فاطمه تحك راسها,تسوي تفكر:نطلع نتمشى وبعدها نتعشى بأحد المطاعم
أسيل بحماس:مواافقه
مزنه:بكيفكم انتم اتفقوا وانا معكم باللي تتفقون عليه.
فاطمه:حلوووو,بس ناخذ جدي معنا
مزنه:لا جدك بيروح لجيراننا عندهم عشاء,وبيرجع بدري وينام وانتم بتسهرون
فاطمه:أوكيه ممتاااز,أجل بناخذ كموله معنا هههه
مزنه:من صدقك؟!
أسيل:وليش لا خليها تنبسط وكمان تغير جو ههههه
فاطمه:هههه فديت الناس الذوق,والله أن درت كموله بتستانس
أسيل:ههههه والله كل ماتقولين كموله أحسها وحده من شلتك ههههه
مزنه:ههههه أنا أحسها من خواتها
فاطمه:ههههههه كلهم
الكل:ههههههههههههههه
(((((
.
,
.
,
.
,
.
,
.
,

بالشـركه,,نظراات....وجو متكهرب... ونظرات شك...
أخذ نفس عمــيق قبل لا يبدأ,يحقق بطريقته لأنه معصب حده..
مو هـذي بنت عمه بعد ومقهور عاللي صار لها,,خصوصاً من ولدعمه الكفو
واللي ماخذين فيه مقلب....!!
ناصر متكي قبالت المكتب عند فيصل,وكأن عنده حكي:صدق اللي سمعته يافيصل؟
فيصل مشغول بالكمبيوتر:وش سمعت؟,عشان أقولك إذا صدق وإلا لا
ناصر بدون مقدمات:أنت صدق طلقت أسيل؟
فيصل عصب فجأه ووقف:وأنت وش دخلك,هااه
ناصر عصب بعد ووقف بوجهه:كيف وش دخلني مو بنت عمي بعد,انت ليه تنفخ,معناته اللي سمعته صحيح.
فيصل هدأ وجلس وخفض صوته:إيه صحيح,
ناصر جلس:طيب ممكن اعرف ليه,وأنتوا توكم بالملكه
فيصل تلعثم:سوء تفاهم
ناصر ماصدقه,, فيصل مايعرف يكذب:أكيييد سوء تفاهم؟
فيصل:إ..إيه سوء تفاهم,بعدين انت ليه منت مصدق؟
ناصر:أنا مصدق بس الناس هل راح تصدق,خصوصاً أنها بنت عمك,صعبه شوي الله يعينها,
فيصل رجع للكمبيوتر يشغل نفسه,حس بالذنب والقهر يحرقه:ناصر رجاءاً إذا كنت فاضي فانا مشغول ارجوك تتركني اشوف شغلي.
ناصر قام وهويخزه بإحتقار:أووكيه أنا راايح بس أبي أذكرك بشيء مهم,ترى أسيل بنت عمي.
فيصل ألتفت له وهوحاد النظره ويخزه,وارتفعت حدة صوته:وش قصدك؟!
ناصر:يعني قصدي واااضح,مايحتاج أفسره,يله بامان الله
{طلع وسكر الباب}
فيصل عصب كعادته يكون يبي يتزوجها:وش قصده ناصر,بأن أسيل بنت عمه,لا يكون قصده يبي يتزوجها, لا مستحيل,.....أسيل لي أنا وبس...
{تذكر انه جرحهاوطلقها وقهرها} بس بعد إيش ياعم حتى لوكانت فعلاً تحبني راح تكرهني,بعد اللي سويته فيها.....صدق أني غبي وما أفهم زي ماقال جدي وراكان.
{كسر قلم الرصاص بيده من العصبيه}
((((
.
,
.
,
.
,
.
,
.
,

بيت هادي..(بوعادل):
الليل:::
ام عادل جالسه وتتقهوى وتنادي:عااااشقه عااااشقه,عبيــ.. الله يوقفك ماتروحين من لساني ولا بالي
عاشقه نازله من فوق وتغني وفرحانه,توها سامعه بطلاق أسيل من فيصل: مساالخير ماما.
أم عادل:ماما!!,قولي يممه,,وش عندك تغنين وشااقه الإبتسامه ,ونسيني معك
عاشقه ببتسامه عريييضه:كــذا مبسووطه وحااسه الدنيا بدت تضحك لي من جديد
أم عادل:بـــس,,عسى الله يديمها,
عاشقه:أمييين (ويخطبني فيصل ويرجع لي نصيبي اللي كانت بتاخذه هالعقربه بدون حق),
أم عادل:سمعتي باللي سمعته؟
عاشقه ببتسامه تسوي نفسها مابعد درت:وشو؟
أم عادل:يقولك فيصل طلق أسيل
عاشقه ببتسامه شماته:لاااهـ,توءتوء توء, حرااام,وهم لسى بالملكه << {مسويه مادرت}
أم عادل:إييه أنا قلت من البدايه,فيصل شلون قبل ياخذ وحده متفصخه مثل أسيل, ماتعرف الحيا,ولا عادات الناس,كنها خواجه,يادافع البلا.
عاشقه,يطربها هالكلام:مسكيـــــنه أسيل,أنا بتصل بفاطمه أشوف أخبارها بعد الطلاق,
{دقت الجوال على فاطمه}وش فيها ماترد فطوم.....ألووه
فاطمه بالجوال:هلااا عاشقه
عاشقه:أهلييين وينك فيه,أخبارك,وأخبار عمتي وأسييييل؟
فاطمه:أبد أخباري تمام,وعمتي وأسيل عال العال,
عاشقه:فطوم وش هالأصوات,أنتي وينك؟
فاطمه:أبداً أنا وعمتي وأسيل طالعين من بدري تمشينا وأنبسطنا وهاللحين حنا بمطعم بنتعشى
عاشقه,أنصدمت: واللــه!!!,الله يهنيكم,باي فطوم أخليكم تكملون, سلمي عليهم {...عـاشقه احترقت قهر...وبدت تشك ...معقوله أسيل طالعه تمشى! هي تطلقت صدق وإلا إشاعه؟}يمه
ام عادل:خييير
عاشقه:يمه صحيح فيصل طلق أسيل
ام عادل:الحمدلله والشكر موت وني أقولك هالخبر..انتي الظزاهر صمخه
عاشقه: (ياخووفي أكون أحلم...ويطلع كل هذا كذب)

,,,,
,

,,,
المطعم:
مزنه:من هذي يافاطمه؟
فاطمه:هذي عاشقه,وتسلم عليكم كلللكم.
أسيل خافت لأنها تعرف ان عاشقه تحب فيصل: (اللحين جتها الفرصه)
فاطمه ببتسامه:هااهـ كموله أن شاء الله استانستي اليوم,شرايك بالرياض؟
كامله الشغاله تهز راسها فرحاانه:الهمدلله واااجد كويييس رياد
الكل:هههههههههه
مزنه:يابناتي لو أننا راجعين للبيت كان متعشين من زماان ونايمين.
فاطمه:يالله منك ياعمه,هي كلها كم ساعه,مو كل يوم نتمشى, خلينا نرفه عن أنفسنا
{جاء القرسون وحط العشاء }
أسيل حست بريحه ما أعجبتها وتغيرت ملامح وجهها:أفف,إيييش هذا يافاطمه, أنتوا طالبين سمك؟!
فاطمه:إيه,ليش؟
أسيل ماتحملت الريحه انقرفت,سدت بيدها فمها وراحت لأقرب دورة مياه:.......
فاطمه استغربت: وش فيها؟!!!!!
مزنه خافت: الله يصلحك يافاطمه لا يكون ماتحب السمك,وأنتي رحتي تطلبينه.
فاطمه:يووه ياعمه,نسيتي هذاك اليوم لمن عشانا فيصل برا ترى كان عشانا سمك, وماقالت شيء
مزنه بـ!: إي والله, طيب شفيها اللحين راحت ترجع
فاطمه:قرسون لو سمحت خذ السمك وجيب غيره دجاج الله يخليك,
رجعت أسيل وجلست حطت الشيله بيدها وسدت خشمها عن الريحه,وتهوي بالثانيه,كانت قرفاانه جد:..
مزنه:بسم الله عليك يمك وراك, رجعتي فجأه كذا
أسيل تبي تعلمها وتبي تضيع السالفه:والله ياعمه كان فيه منظر وراك بشع شفته وانقرفت بس.. يعني ما فيه شيء مهم..
مزنه تدري أن أسيل أي شيء يقرفها ترجع علطول,وكذا مره قد سوتها:أشوى يعني مو شيء كايد.
فاطمه:ياللــــــــه وحنا رحنا نغير الطلب,,حسبنا انك منقرفه من السمك
أسيل أبتسمت غصب: (الحمدلله انكم غيرتوه,أفف)
مزنه:خيرها بغيرها,المهم خلصوني تراني جاملت معكم واجد وابي انام
فاطمه:يله كلها ساعه وانتي بالبيت,
,,,,
,
.,.,.[أيـــام غـريـبـه عـلـى أرض الـحـب].,.,.
,
فيصل بالشقه لحاله,,جالس بالصاله وماسك الريموت يفر بالقنوات,وطفشااان عالآخر,طفى التلفزيون ورمى الريموت عالطاوله وأنسدح على الكنبه يفكر بحاله واللي وصل له,من غباءه,وتسرعه: شسويت بعمرك يافيصل,( أخر زمن تنام بشقه مفروشه لحالك,وأنت لك بيت يسكنونه 10عوايل مو عايله,فرطت بسعادتك ليه, خربت بيتك ليه,كله عشان ترضي غرورك, بعد ماتأكدلك حب أسيل لك,
أنتقمت من قلبك,وقتلت نفسك وانت ماتدري),
{هنا حس بداخله القهر المكبوت ويبي يطلعه,قام وأخذ بكت الدخان وطلع سيجاره وولعها وهو متوتر,وأحرقت يده }آآح,
{وكمل ولعها ووقف عند الشباك ودخان السيجاره يتصاعد ويملى المكان}......
,
.,.,.[أيـــــام غــريبــه على أرض الحـــب].,.,.
,
,

البيت الكبير:
رجعوا من التمشيه هلكانين ودايخين ...
مزنه دخلت وراحت لغرفتها علطول: تصبحون على خير
الكل: وانتي من هله.
أسيل صعدت لغرفتها بتثاقل.....
فاطمه:كامله حطي هالأغراض معك بالمطبخ
أسيل واقفه عند أعلى الدرج وملتفته لغرفة فيصل,حست أن فاطمه جايه وراها ومشت لغرفتها:
فاطمه :يالبطيئه للحين ماوصلتي غرفتك؟
أسيل ببتسامه صفراء:هههه ماراح تطير,وش وراي؟ههه
فاطمه:ههههه وانتي الصادقه وش ورانا؟ يله عن أذنك تصبحين على خير.
أسيل واقفه عند غرفتها:وانتي من أهل الخير..
{ألقت نظره من بعيد على غرفة فيصل ودخلت غرفتها وسكرت الباب بهدووء,أخذت ملابسها ودخلت الحمام ,تشطفت كالعاده وبدلت وراحت لسريرها,حاولت تنام,ماقدرت,جلست وأخذت اللاب توب وفتحته, تضيع وقت لمن يجيها النوم,وبدون ماتحس لقت نفسها تسوقها على الصور القديمه,,دخلت على الحافظه,شافت الصور دخلت جو وهي تتصفحها,شافت صورتها وفيصل محتضنها وعينه بعينها,لمن كانوا يتمشون,بأطراف مدينة الرياض(مستحيل هالعين تكذب؟!) ,جاها حنين,حست بلسعة برد بداخلها,ألتفتت على الباب بعد ماجت الساعه وحده,موعد جيته كل ليله,أبتسمت والدمعه تلمع بعينها ,مسحت على بطنها بحنان,وتذكرت ذيك الليله لمن كان عندها فيصل, وطلب منها ينام هنا ورفضت وألح عليها,بعد كذا قبلت في لحظة ضعف عاشوها الأثنين,وهي المره الوحيده أللي سواها,وماتكررت بعد كذا,ومنها حملت أسيل,,هنا طاحت دمعتها,وهي تتذكر كلمة فيصل لمن قال ان اللي بيننا كانت نزوه, ضمت بطنها بيدها وهي تمسح دموعها:لا يافيصل,هالولد مستحيل يكون ابن نزوه ..حراام عليك ,انت ليه قاسي, مستحيـــل,هذا ولدي وولدك,وأنا قبلت فيه بكل حب..
{ضمته كأنها خايفه أحد يخطفه منها وحاولت تنام بعد كذا بس النوم كان يجافيها حتى نامت بالصدفه.......}
,

خــان وفالقلب كاان له مكاان,,
بااع اللي شراه بأغلا الأثمان....
غداار عرفت اليوم ماله مقدار,,
جباار قلبه,, وقلبي عطاه الأمان...
حذروني منه.. لأجل عيونه تجاهلت الكلام..
قلت أحبه وما اقبل فيه مهما كان...
أتذكر أيام الغرام يسقيني من شفاه المرار
وأنا أظنه عسل.لكن ماصفاه بعيني أي يوم بان
أتذكر يقول أحبك ,أحبك لاتطري البعاد
وبنيتي اقول احبك وبيبتدي حبك لو انتهى الزمان
حبي كان كبير كبير بطول سمااه..
ولكن اقول خاااان وأنـاا أللي عطيته الأمان
,

(((((

,
,
{مرت الأيــام ورى الأيـــام}...
الأحـوال ماتبدلت..
والقلوب بعـاد ومجروحه...لوعاات وحنــيــن...بين حبيبين عنيدين...
,
.,.,.[أيـــــام غــريبــه على أرض الحـــب].,.,.

,
,
فاطمه,صبت القهوه ومدتها:سم ياجدي
الشايب أبتسم:سم الله عدوك....والله يافاطمه,شكلي ماني بمزوجك.
فاطمه سوت نفسها مرتاعه:يووه ليه ياجدي,حراام عليك تراني مقطعه نفسي بعرس
الشايب:ههههههههه,أفاا تبين تعرسين,وتخليني محد يقهويني
فاطمه:هههههه وأنت تاركني عشاان القهوه,يالبييييك,أنت زوجني يبن الحلال وباخذك معي لبيتي أنا ورجلي وبقهويك لاتخاف هههههه,بعدين عندك عمتي مزنه أنت ليه تبي تخليني عندك,وإلا عشان افتح نفسك هههههههه
الشايب:هههههههه
دخلت مزنه:ههههه ماشاء الله عالضحك أللي واصل لين آخر البيت,ضحكوني معكم
فاطمه:ههههه تعالي أسمعي.......
,

.... طالعه من المطبخ ومعها كوب كافي,ورايحه لغرفة الجد,لأنهم مجتمعين فيها بنص طريقها. فجأه أنفتح باب البيت الداخلي بهدوء,وتسكر:........
التفتت أسيل ببطئ تشوف من هذا أللي دخل بهدوء,أبتسمت تلقائياً,وقالت بعفويه:فيصل!..
{بس ماسمعها}
شافها فيصل,من جد متغيره,من زماان ماشافها قرب وهو ساكت,لين وصل عندهابهدوء:السلام عليكم
أسيل ودها تحضنه من شوقها له من زماان ماشافته,أبتسمت بدمعه لامعه مستقره بعينها ومانعتها تنزل:وعليكم السلام,هلا فيصل
فيصل انحرج من هدوءها وإبتسامتها رغم اللي سواه:أ..أهلين ....
{سكت}
أسيل والكوب بيدها برد من برودة يدها,بعد سكوت:......كيفك فيصل؟
فيصل وهو متفاجئ بالسؤال:هااهـ..بخير,أنتي كيفك؟
أسيل شوي تناظر بالكوب وشوي تناظر فيه:مممم بخير.....
{تذكرت شيء مهم بس ماتدري كيف تقوله}..
فيصل نسى ليش جاي بعد ما قابلها,ظل ساكت ويتأملها بتمعن,(يــاربي كـل هالجمال فرطت فيه يافيصل,أي هبال سويته يافيصل,لا وزايده حلا عن قبل وش السر؟) :................
أسيل قررت تقول أللي بخاطرها:ممم أقول فيصل...
فيصل بعفويه:سمي...
أسيل بعد تردد,أبعدت غرتها الطويله ورى أذنها بأصبعها:ممكن أسألك سؤال؟
فيصل خاف:خذي راحتك,
أسيل كانت تحس بحرقه وهي تسأله,بس مضطره:أنت عندك سكري؟
فيصل بإستغراب:سكري؟!!!
أسيل تكمل:إيه يعني مرض السكر بالدم
فيصل أستغرب اكثر:لا....والله مدري ماقد فحصت,ليش؟!
أسيل ارتبكت بعد ماقالت اللي بنفسها,ولا أرتاحت من الجواب لأنها زادت حيره:هااهـ ولا شيء, حبيت استفسر بس,دادي كان عنده نفس المرض.بسس.
فيصل بفضول: أ......
طلعت فاطمه من غرفة الجد وشافت فيصل واقف مع أسيل يتكلمون,وقفت تخز فيصل:..
فيصل شاف فاطمه:أهليين فااطمه.
فاطمه بنص عين,سوت نفسها مو مهتمه فيه: هلا فيصل....أسيل وينك من ساعه بتلحقيني ولا جيتي
أسيل وهي ضاغطه عالكوب بيدها بقوه لين ابيضت اظافرها:لا معليش أنا عندي شغل فوق,عن أذنكم
{راحت بهدوء,وهي تبلع عبرتها,}
فيصل طالعها لين راحت: (آآه ياقلبي,ياناس ذوق رغم كل شيء)
فاطمه تأشر بيدها على وجهه:هيييييه لاتقز قدامي تراك طلقتها,
فيصل:أنا طلقتها مره وحده بس,
فاطمه:هههه والله لونها نص مره,,لا تقول انك بترجعها,ماراح ترجع لك,
فيصل بعصبيته:وليه ماترجع,
فاطمه تبي تقهره وتنتقم لأسيل:ببساطه ماتبيك....عاافك الخااطر على قولتهم.
فيصل عصب:وانتي وش دراك؟هي قالت لك
فاطمه:مااايحتاج تقولي ,هي ماتفضفض أصلاً وهذا اللي خايفه عليها منه,أما أنها ترفضك شيء طبيعي,أي بنت ماترضى يصير لها نفس اللي صار لأسيل,ورجاءاً لا تقولي تحبك وتحبها,كله ولا جرح الكرامه يافيصل,حتى لوهي تحبك وبتموت عليك
فيصل انقهر:أنتي ليه تقفلينها بوجهي؟
فاطمه:والله أنا ماقفلت شيء,أنت أللي قفلت بوجهك كل البيبان,,إلاعلى فكره الدراسه قربت وأسيل تراها تدرس, وش سويت عشانها,
فيصل:أنا ماسويت شيء,عمي سلمان الله يرحمه كان مرتب كل شيء, ونقلها بنفس قسمها بجامعة الملك سعود, وقوليلها لازم تداوم أول يوم عشان ترتب أمورها فاهمه
فاطمه شقت الإبتسامه: واللــه,أحلى خبر,,هههههاي بروح ابشرها,
{راحت تركض عالدرج}
فيصل:هيييه جدي صاحي وإلا نايم
فاطمه من أعلى الدرج:صااحي وبغرفته رح له......
فيصل بنظرات ندم وحسره يطالع فاطمه وهي رايحه لأسيلحظك يافاطمه رايحه لأسيل)....
{راح للجد}
,,
.
,
.
,
.
بغرفتها..
تبكـي ألـم وحسره,
جرحها كل يوم يتجدد
أسيل تضرب المخده بيدها وتبكي:آآهـ,آآهـ
( ليه ما اصيح ليه ما أذبحه,ليه إذا شفته أحس ودي انه يضمني ويسكني صدره,ولا يطلعني,آآه أحبه وربي أحبه,اللــه يسامحك يافيصل منت مخليني ارتاح لا وأنا بعيده ولا قريبه,آآه ياقلبي منه).
((((((
.
,
.
,
.
,
.

بالليل:::
مزنه:يامرحبا بام محمد مابغينا نشوفك شدعوه
ام محمد: والله اني مقصره بحق عمي وبحقك مير العذر والسموحه,
فاطمه شاقه الإبتسامه:هلااا بخااالتي السوووري ,نورتينا
{مدت الفنجال}سمي
ام محمد:ههه سم الله عدوك ياحليلك محد دلعني هالشكل من زمان
فاطمه تحب ام محمد: ههههه حتى عمي عبدالله يا خاله عاد كثري منها ههه
ام محمد:ههههههههه يالعيااره ماتخلين حركاتك
مزنه:هههههههههههه فطووم
فاطمه: هههههههههههههه
ام محمد:البنات وين راحوا؟!
فاطمه:هههه تغيرين الموضوع, أوكيه مو مشكله البنات فوق وأكيد بغرفة أسيل,, عن أذنكم انا رايحه لهم,....
{راحت فاطمه}
أم محمد بلهجه جديه:إلا أقول يامزنه,وش صار على موضوع فيصل وأسيل
مزنه حزنت:والله ياخيتي ماصار جديد الكل سااكت,ولا راضي يفتح الموضوع, هالعيال كل واحد أعند من الثاني
ام محمد:مايصير الناس بدت تتكلم, تقول هذا ولد عمها وطلقها,انتي فهميه,
مزنه:قلتلك معندييين,لا وفيصل لمن هاوشه جده حاول يراضيها وهي رفضت, مع اني أحسها تحبه, بس هو شكله صاير زعله كبيره بين الأثنين,
ام محمد:لا حووول,الله يهديهم هذا و توهم بالملكه بعد,زين مابعد تزوجوا وحملت وجالهم بزارين كان بيروحون بالرجلين.
مزنه:لا إن شاء الله مايروحون بالرجلين, هم بيتصالحون و بيتزوجون ان شاء الله, وبربي عيالهم أللي بيملون عليه البيت,
ام محمد:ههههه,بيملونه والله ماظنيت,عايلتنا محد يملى البيت كل واحد جاب كم ولد وقفل وبعضهم ماجاب إلا على واحد ومنهم فيصل وأسيل وحيدين,امهم وابوهم
مزنه:انتي شفتي يامحاسن الصدف!
ام محمد:ههه والله مو محاسن الصدف إلا قولي مساوي,انتي قولي لي هم وحيدين,أكيد ماراح يجيبون إلا واحد بعد,.ههههه
مزنه ارتاعت:بسم الله عليهم لاتفاولين يام محمد
ام محمد:ههههههه يبنت الحلال ادعيلهم يرجعون لبعض اللحين,وعقب بالذريه
,,,,,,,,,,,,,
,

مها بتعجب:أسيييل وش هالأدويه كلها,حشى فاتحه صيدليه,ههه
أسيل تضيع السالفه:هههههه إيه جالسه اخطط..
مها:ههه لا بجد أسيل كل هذي لك ,أنتي تشكين من شيء
أسيل تورطت وبدت تنسج من خيالها:لا عادي هذي حبوب راس على اشياء ....أصلاً بعضها قديمه لايغرك كثرها
{ماتبي تقولها انها عندها سكر حمل,وهذي فيتامينات ومقويات,مايصير,}
مها:أهااه,عالعموم ماتشوفين شر,
أسيل ببتسامه صفراء:مشكووره مهاوي
فاطمه جتهم مثل الصاروخ:هاااااي بنااات
الكل:هاااااي بالرجه ههههه
مها لفت على أسيل وكأنها تذكرت شيء:أقول اسيل,انتي صدق نقلتي معنا بالجامعه
أسيل :إيه,لييه؟
مها:وااااو ونااسه,بأي قسم؟
أسيل:بهندسة برمجيات الكمبيوتر
مها بإحباط:يوووه منتي معي يعني,أنتي بكليه لحالك
أسيل:ليه انتي بأي قسم؟
مها بإحباط:عربي
فاطمه بينهم عورها راسها ماتحب الدراسه: يووه الله يخليكم غيرو السيره عورني راسي
مها:هههه اوكيه بس اسيل راح تداومين أول يوم؟
أسيل:يقول...{بغت تقول فيصل وهونت}..يقولون لازم أداوم اول يوم وانا مدري اروح او ابطل
فاطمه عرفت ان اسيل كانت بتقول فيصل:اوكيه خلصتوا يله مشينا ننزل تحت نساعد كموله
مها:من هذي كموله
أسيل:ههههه أختنا ههههه
فاطمه:وأعز بعد ههههههههههههه
مها توها تتذكر ان شغالتهم أسمها كامله:والله يله اجل ننزلها هههههههه.
{كانوا بيطلعون بس سمعوا...هالصوت ووقفوا}
"""لاتعذرلي ولاتزيد الملامه...انت مخطي والمصيبه كنت غاالي...بالخطا صحيت جرحي من منامه"""
مها:أوووف هذا وقتها اللحين
فاطمه:من هذي
مها:دانه هذي نغمتها...{ردت عليها}
أسيل دخلت جو مع الأغنيه تحسها تحكي عنها...تجمعت الدموع بعينها وطلعت قبل البنات قبل لاينتبهون عليها.
فاطمه لاحظتها وحز بخاطرها حال أسيل أكيد هالأغنيه ذكرتها بجرح فيصل(ياحياتي يا أسيل الله يعينك)
مها خلص مكالمتها وألتفتت على فاطمه:فطوم وين راحت اسيل
فاطمه وصوتها متغير:طلعت..انتي غيري هالنغمه..حطي شيء يوسع الصدر مو يضيقه..
مها:ههههه شعندها
فاطمه:ضيقتي خلق أسيل
مها:يووه والله نسيت ماكنت اقصد,ياربييييه
فاطمه:المهم هي مازعلت منك أصلاً بس غيريها مراعاه لمشاعرها بس
مها:ياربيييه,ياقلبي عليك يا أسيل..
فاطمه:تعالي نروح ننسيها..
مها:يله
,
.
.

(((((((
,
.
.

اليوم الثاني بالصباح::
المستوصف(المختبر)::
خـايف ومتردد..يدخل وإلا مايدخل...
الشك دخل بقلبه....وسؤال أسيل يتردد بإذنه"عندك سكري"
فيصل ينتظر دوره و متردد: (أنا وش جابني هنا,معقوله شككتني أسيل بنفسي بس انا واثق مافيني سكر, بس هي ليش تسألني هالسؤال بالتحديد,مو معقوله خايفه علي بس يمكن عشان خايفه على نفسها بعد اللي صار بيننا....يمكن...بس هو مو مرض معدي ...) وبوسط تفكيره..
الممرضه:فيصل عبدالعزيز محمد
فيصل انتبه لأسمه قام ودخل...........
الممرضه:تحليل إيش يا أخ فيصل
فيصل:تشيك أب كاامل عن السكر,لو سمحتي
الممرضه:كوييس,فيه حد بالعيله عنده المرض ده
فيصل:فالحقيقه إيه وأنا خايف يكون فيني وأنا مو حاس على حالي.
الممرضه:أوكيه أجلس حضرتك وهاتي دراعك,
فيصل جلس ومد ذراعه,وأخذت الممرضه اللازم.وخلصت:أوكيه نيرس متى النتيجه ؟
الممرضه:,إحنا دالوقتي الصبح,إبقى تعالا العصر وخدها,كويس
فيصل:ماااشي, مو مشكله,يله عن اذنك.......
{طلع فيصل وفكره يوديه ويجيبه ,خايف من النتيجه لاتكون إيجابيه,,,
,دق الجوال} هلا راكان.....أنا بالطريق....أوكيه مو مشكله تروح وترجع بالسلامه....
{سكر الخط}لاحوول هذا راكان مسافر للدمام وأكيدبيغيب كم يوم,وبقعد لحالي,ملل طفش هالشقه لحالي, مافيه غير ذياب وذياب اربع وعشرين ساعه اذنه بالجوال وبنت ورى بنت يكلمهم,بس معليه يونس مو مشكله
{دق الجوال على ذياب} إيه صح هو مايقوم هالوقت,,هو من سواري الليل هههههه.
(((((((
,
.
,
.,.,.[أيـــام غــريــبــه عــلــى أرض الــحــب ].,.,.
,
.
,
.

بالليل::
فاطمه وأسيل جالسات بالمجلس الخارجي,الساعه10 ويطالعون التلفزيون بعد ماناموا الجد ومزنه::
دق جوال أسيل,ناظرت رقم غريب وماردت مع انها ترد على أي رقم,بس هي مو رايقه:.
فاطمه:أسيل ليه ماتردين هذا له ساعه يدق.
أسيل قرفانه من الجوال والدنيا:ماعرف الرقم,وبعدين مالي نفس أرد
فاطمه بدت تلاحظ:هالأيام مالك نفس لأي شيء
أسيل ناظرت الساعه,وغيرت السالفه:افف ما كأنه الليل بدا يطول وإلا أنا أتوهم.
فاطمه مافهمت,{أسيل قصدها زهقانه}:إي والله أصلاً الخريف قرب كلها أيام ويتغير الجو,كله عااد الرياض بالخريف شي ثااني امطاار وحركات وطلعات, مره ونااسه.
أسيل:صدق والله
فاطمه:إيه علبالك جونا دايم صيف!
{صوت مسج على جوال أسيل}
أسيل:اففف لحظه أشوف من هذا
[حبيبتي أسيل ردي أنا زياد...أشتقت لصوتك] حبيــبي,من زمااان عنه
{دق زياد وردت}هلا حبيبـــي
فاطمه أستغربت منها,قبل شوي طفشاانه واللحين بتطير من الوناسه,سكتت وقررت تدخل:أسيل انا رايحه اجيب شي نشربه اوكيه
أسيل أشرت لها:اوكيه,
{ورجعت تكلمه}كيفك زياد؟
زياد بالجوال:أنا تماام بس أنتي بشريني عسى مرتاحه
أسيل حست ودها تفضفض ويمكن تبكي بعد,هذا زياد أعز انسان على قلبها بعد ابوها:حبيبي أنا مرتاحه بس....أنا كيف هنت عليك ولا تتصل ولا تدور عليه,
زياد:ياعمري والله كنت مشغول انتي عارفه الدراسه برا كيف,أنا عرفت كل شيء صار لك ياقلبي بس أوعدك لمن ارجع أمرك وأخذك ونجتمع مره ثانيه ونعوض أللي فات,زي زماان.
أسيل حست بحنيين وودها تبكي, زياد من رجعت من لندن ماشافته وماسمعت صوته,,قالت بصوت فيه البكيه:زياااد..أنا محتاجتلك ......
{وجلست تكلمه نص ساعه وقفلت بعدها وهي مرتاحه بعد ماحسسها بقربه منها,وإن فيه أحد تقدر تثق فيه بعد خيبة املها بفيصل}
,
.,.,.[أيـــام غــريــبـــه عــلــى أرض الــحـــب].,.,.
,
(((((((((((( انتهى الجزء الخااامس عشررر)))))))))))

{لـــكن من هذا زياد أللي طلع فجأه....؟
.,ووش ينتظر أسيل من عواقب طلاقها , هل راح ترجع لفيصل ام ماذا؟؟..........
هل راح تستمر حالة السلم أللي بينهم بعد الطلاق ؟؟....
الأهم هل تحول صدمت أسيل بفيصل لكرهه,بعد ماكانت تمووت فيه؟........
وش راح تسوي عاشقه؟؟......كلها راح نتعرف عليها من خلال الأجزاء القااادمه............
((((((((((((((((((((((.,.,.[أيـــام غـريـبـه عـلـى أرض الـحــب].,.,.(((((((((((