[فيتامين سي]

الجزء الوااحد والثلاثوون.....,
,,,,
بغرفة الطوارئ:
الدكتور تركي عصب عالممرضات:بسرعه قيسي الضغط وسوي تخطيط بسرعه ,وأنتي روحي جهزي غرفة الأشعه المقطعيه بنسوي لها أشعه كامله,يله
الممرضات يخافون من تركي لأنه صاارم بالشغل,كل وحده بشغلها......,
الدكتور تركي,رجع لها ويمسح على شعرها بنعومه وقلبه بيطير: (أنتي أكييد وماغيرك)
الممرضات أستغربوا تصرفاته الرومانسيه مع المريضه وهو اللي يعرفونه عنه انه قاسي وصارم ماعنده حركات:
تركي تذكر شيء وطلع:خلني أروح أخذ معلومات من سايقها...
{طلع وهو لابس جينز اسود وتيشيرت أزرق ومن فوق البالطو الأبيض ومعلق بطاقته طبعاً عالبالطوا الطبي}
ناصر شافه وراح له مسرع:خير يادكتور{ناظر البطاقه}بشر يادكتور تركي عن مها
فاطمه وراه وتترقب:....؟
تركي ؟!:عفواً من أنت,عشان أجاوبك.
ناصر: أنا ولد عمها
تركي عقد حاجبه شوي,عوره قلبه لايكون خطيبها وإلا زوجها,بس لوكانت زوجته كان قال:هي من حيث الفحوصات الأوليه ماعندها نزيف داخلي ولا إصابات خطيره,بس راح نشوف بعد الأشعه اللي راح نسويها لها,كلها دقايق ونشوف لا تخافون,..عن أذنكم أشوف شغلي
ناصر:تفضل
فاطمه:ياويييلي اللحين مكسره وحالتها حاله...أبي أشوفها يانااصر ابي أشوفها تكفى
ناصر:لاتقولين تكفى أدخلي وشوفيها
فاطمه بدلاخه مسحت دموعها وناظرته:وأنت ماراح تدخل تشوفها؟!!!
ناصر انقهر منها "ماتغار ماتحب ماتفهم" تغير صوته:لا بروح اعطي الأهل خبر
فاطمه وهي داخله للغرفه:طيب أنا بقعد عندها
مشى ناصر وهومقهوور من تصرفاتها للحين بريئه,"ورقه بيضاء",كل الدنيا عندها مزح والطفوله تجري بدمها:.
فاطمه صكت راسها بيدها:لعنبو الدلاااخه يافطوم تقولين له أدخل وهي ماهي بمحرم أنا للدرجه "غبيه".......معليه بيعذرني نصور..انا نسيت.
{دخلت وهي تفرك جسم مها وتسمي عليها وتقرأ عليها,رفعت الغطأ عن رجليها بعد مافحصت راسها ويديها تبي تشوف هي سليمه وإلا مكسره ماتثق بكلام الدكاتره,أنصدمت} الله يسترنا دنيا وأخره يا مها,هذي أخرتها قصير فاضح ,ياافضيحتنا بين القبايل, شبيقول الدكتور اللحين وهو سعودي ياحظي,,والله أنا صايره أنصدم هالأيام ببنات عمي بالأول عاشقه واللحين مها الله يسترنا, إلا على طاري عاشقه وينها هالدبه اليوم ماجت,إيه صح جات البارحه بالليل
دخل تركي ومعه الممرضات :لو سمحتي أختي
فاطمه:أسمي فاطمه يادكتور,بنت عمها
الدكتور:تشرفت أنا الدكتور تركي طبيب أمتياز,
{ناظر للمرضه وأشر قربي السرير المتحرك زين}
فاطمه بنص عين لوت فمها من تحت اللثامهالدكااتره يحبون يمدحون أنفسهم فرحان أنا طبيب ممتاز,الحمدلله صدق شايف نفسه)
الممرضه قربته
تركي شال مها وحطها عالسرير بخفه عشان مايعورها.:يله أدفعوها للأكسري.
فاطمه ابتسمتياعيييني وش هالحمااس)
{ناظرت للبس مها,ولوت فمها بحركة عجايز}( من عذره شايفهالابسه هاللبس الفتنه يادافع البلا,والسيقان تبرق,ماينلام)
,,,,
.
,
.
,

{باليوم الثاني وبعد الروحات والجيات والأشعات,ووصارت اللمه والمناحات اللي سوتها أم محمد ومعها أم عادل ومزنه وعاشقه, وبعد ماأستردت مها وعيها بالليل,الكل زاروها طبعاً ومابقى غير أم محمد عندها وفاطمه اما الباقين راحوا اللي للبيوتهم وناصر وفيصل عند الشايب,}
مها أستردت الوعي بس كانت حول رقبتها مثبت عشان الرضوض أللي تعرضت لها :آآه يايمه آآه
أم محمد شوي وتبكي:سلااامتك من الآه ياروح أمك,
فاطمه:مهاوي انطمي ترى بالياله سكتنا أمك,لا تخلينها تشغل من جديد راسي عورني,وأحمدي ربك الدعوه كلها رضوض وماجاك كسور
أم محمد ابتسمت من كلام فاطمه,لأنها عارفه أنها تبي تضحكهم:..
مها ماتقدر تلتفت من المثبت اللي بالرقبه: فطوووم انكتمي مقدر أضحك
فاطمه بعباطه:شايفتني انكت أنا
مها مقهوره منها وماتبي تضحك عشان ماتتألم:اتركي عنك لهجة العجاااايز, حقتك
فاطمه تنكت:خليها هي تتركني أنا ماسويت لها شيء تفك وأفك
مها تضحك بألم: ههه يمممه اطرديها عني
ام محمد:ههههه كله ولا الأميره فاطمه,
فاطمه:ههههه عانوني شفت نفسي الله الأميره فااااطمه سليماان,ياسلاااام,بس مايصلح الأميره فاطمه ,لو أن أسمي مممم الجووهره وإلا مممم ساااره,كان هذي الأسامي السنعه مو أسمي فااطمه
ام محمد ومها فطسوا ضحك:....
تركي تحنحن,...,
أم محمد ابتسمت: تفضل يادكتور
فاطمه سوت لثامها :......
تركي دخل ببتسامه عريييضه:مساء الخيــــر
الكل :مساء النور
مها تفاجأت وأسترجعت الشريط تبع المجمع والشاب اللي صادفته هناك ووو, مو مصدقه,معقوووله,سكتت,,بس ياترى عرفها,تذكرها:.......
تركي قرب لها وشاف ملفها اللي عندها وشيك عالمغذي وعينه عليها:مـاشاء الله يا مها,اليوم أحسن من البارحه,الحمدلله
أم محمد تذكرت شيء:يادكتور مشكور على فزعتك ونخوتك ,السايق علمنا أنك أنت أللي أسعفت مها وجبتها عالمستشفى,جزاك الله ألف خير
تركي:العفوو ياخاله هذا واجبنا, ولوو,لا تقولين هالكلام
مها عيونها مغرقه دموع محبوسه,معقوله اللي شافته صدفه ومانسته وقالت مستحيل تشوفه بين الملايين اللي يسكنون الرياض تشوفه اللحين قدامها,واقف خافت أنها تحلم (آه ليتني كنت بوعيي البارحه عشان أشوفك)
فاطمه بنص عين,تذكرت لمن قال لناصر أنه طبيب إمتياز: (طبيب ممتاز,من مدح نفسه يبي رفسه)
أم محمد:إلا يادكتور متى بتطلع
تركي:متى ماحسيت ان حالتها تسمح راح نخليها تغادر المستشفى
أم محمد:زيين
تركي:يله عن أذنكم ,وحاسبي عالحركه يامها اوكيه
مها بصوت ناااعم:أوكيه دكتور
تركي عطاها نظره تذبح وهو مبتسم وهو عند الباب طالع:........
مها دخلت جووو,نست كل الألام وصدمت الحاادث,وسرحت فيه,وبصوت كسول:يمه.
أم محمد:لبيه
مها وعينها عالباب:يمه وش أسم الدكتور
أم محمد:أسمه تركي
فاطمه بنص عين:ووش تبين بأسمه هاااه
مها لفت على فاطمه:ووش دخلك أنتي كلي تبن.
فاطمه وقفت !!:هاااااه مااايااكل التبن غيييرك,مااالت عليييك ,أنا يامها لي التبن,هين أنا طالعه وماراح أزورك,ولا حتى أتصل فيك ولا شيء زين.
مها أستغربت ثورة غضب فاطمه: فطووم أمزح ووجع شفيك
فاطمه زادت :ماعليه خلاص انتي قلتي اللي عندك وسمعتك ماعاد فيها ..
{طلعت}
مها بكت:يممه والله ماكنت اقصد فطووم زعلت مني يمه
أم محمد: تستاهلين ليه تقولين اكلي تبن يامال الصلاح.
مها:يممه كلمه عاديه حتى هي تقولها
أم محمد:لو كان ماتنقال لفطوم,اللي من امس وهي تصيح عشانك
مها بكت وحست راسها يعورها ماتحب هالمواقف :

فجأه رجعت فاطمه ومعها كيسه كبيره: أقول تحبون عصيرات طازجه وإلا معلبه ترى جبت النوعين
أم محمد!!!!!!!!!!!!!!!!!!!
مها تمسح دموعها!!!!!!!!!!!!!!
فاطمه راجعه عكس ماطلعت,لاحظت التعجبات ماليه الغرفه منهم:شفيكم ياجماعه اكلم من انا,مهاااوي انتي عارفه اللي تحبينه برتقال صح؟
أم محمد!!!:فطوم هماك زعلانه من مها!!!!!!!!!!
فاطمه:ههههههههااي ,يبنت الحلااال لاتشغلون نفسكم بالماضي واجد,ترى العمر قصير ولو كل كلمه بيقولها أخ لأخوه أو أخت لأختها زعل كان راحت ثلاث ارباع أعمارنا بالزعل,والربع الرابع نراضي بعض مااصاارت كلمه وإنقالت,,
مها!!!:فطوم انتي قبل شوي انفجرتي زعل عليه و...
فاطمه قاطعتها:هههههه كنت أمزح ههههه,وبعدين أنا مخططه اروح الكافتيريا اللي قريبه من التنويم قلت ماني طالعه لين الخبط مها شوي خاابرتك قلبك رقيق وأدنى ما بكاك يالبكايه هههههه
مها مدت يدها على علبة المناديل وسحبتها ورمتها على فاطمه وهي تضحك:يعني ماراح تتركين حركاتك
فاطمه:هههههههههههه لا مستحيييل
(((((
,
,
.
,
.

فيصل بمكتبه بالمؤسسه,وباله مشغول بأسيل ,ياترى وينها وينها,هو جالس وكأنه ينتظر مكالمه.
{رن الجوال}
فيصل رد علطوول وبلهفه:ألوه
المتصل:للأسف يا أخ فيصل ماقدرت أخذ معلومات عن مستأجري الشاليها وبعدين الشاليهات عددها كبييير وبعض أصحاب المنتجعات مايتعاونوا واللي تجاوبوا معي مالقيت أحد من مستأجرينها نفس الأسم اللي قلته لي .
فيصل بإحباط:أوكيه أوكيه مو مشكله مشكور على تعبك معي
المتصل:العفو استاذ فيصل
فيصل انهى المكالمه: آآآه,المشكله مقدر أسافر وأترك جدي وراي وش بيقولون وأنا مطلقها, ومتملك على غيرها,,,آآآآه وش هاللخبطه اللي بحيااتك يافيصل ,بس واللـــه لو أني أعرف مكانها بالضبط كان رحت لها وماعلي من أحد ,بروح واجيبها وأعتذر منها قدام هالناس وبعتذر من عاشقه بعد,((هم مايدرون وش بالنسبه لي أسيل يانااس أحبها,))
{نغزه قلبه وهذا دليل أنه فيه مكروه صار,قام من مكانه وولع السيجاره ووقف عند الشباك يدخن بقلق وتوتر وبقلة حيله}
,,,
.
,

{{{أكيـــــــــــــــــــد راح تسألون ليش أهل أسيل مابعد دروا بوفاتها وكييف تصرف زياد بعد هالصدمه,...................وليش مالهم سيره ..الجواب بالجزء الجاااي}}}
.,.,.[أيـــام غــريــبــه عـى أرض الــحــب].,.,.