[فيتامين سي]

الجزء الراابع والثلاثوووون.......,

بالمستشفى......,,
أسيل لها ساعه تبكي عند جدها:.......
فاطمه ومزنه شغلوا من جديد معها.......,
فاطمه:بسس ياأسيل الله يهديك بسك صياح
أسيل وهي تبكي:أنتو ليش ماقلتولي أنه تعبان بالمره كذا,,حرام عليكم
مزنه تمسح دموعها:الله يهديك طيب وإذا قلنالك بيطيب, حنا ماحبينا نخوفك
أسيل وهي تبكي:وتستكثرون علي أخاف على جدي اللي باقي لي بهالدنيا...
مزنه:بسم الله عليك,وانا أمك وحنا وين رحنا
أسيل ضتمه يد جدها بيديها وحاطتها عند خدها وتبكي.....,
دخلت أم عادل ومعها عاشقه...
{طبعاً عاشقه جت تبي تشوف أسيل بس}السلام عليكم
الكل :وعليكم السلام
عاشقه تمضغ علكه بدلع:السلاااام عليكم
أسيل انقبض قلبها وغلي دمها وما ألتفتت ولا ردت السلام,ضلت مكانها وماسكه يد جدها:....
أم عادل بنص عين:شدعوه منتي بقايمه تسلمين وإلا محنا قد المقام
مزنه:ماله داعي هالكلام يا فضه الله يهديك
عاشقه تلوي فمها :يمكن يمه
أسيل أستجمعت قواها وحاولت تسوي نفسها ريلاااكس,ألتفتت عليهم بدون إهتمام: عمتي كني سمعت أحد جاي....أووه ام عادل و...مين عااشقه,,هلا والله..
{قامت وسلمت عاادي,ورجعت لمكانها}
عاشقه تغلي منها وهي باارده)هالبنت بتقتلني ببرودها,شكلها بجد مايهمها فيصل, بس والله لو مايهمها وحده بمكانها ويتركها ولد عمها بهالطريقه قد ماتت قهر من زمان هذي وش مصبرها للحين,معقووله برود وإلا شيء ثاني ما أعرفه,,لا أكيد برود هي عايشه ومولوده ببريطانيا أكيد بتصير بارده بالمشاعر مثلهم)
أم عادل أعجبتها أسيل بصبرها وأستقبالها لهم رغم ان عاشقه تزوجت فيصل, عاملتهم كنهم ضيوف عزيزين(والله لوني مكانها ماقمت أسلم,بس هالبنت عندها ذوق وشيء مو عند اغلب هالبنات): ماشاء الله عليك يا أسيل محلوه,إلا كيفك يابنتي
أسيل ببتسامه:بخير الله يحلي أيامك
مزنه أستغربت من أم عادل بحياتها مامدحت أحد,,لا وتناظر أسيل بنظرات إحترام:
عاشقه بعد أستغربت من أمها عمرها مامدحت أسيل,وش الطاري اللحين!:......
فاطمه كسرت حاجز الصمت:هييه أحد يبي قهوه وإلا أمشي
أم عادل:يووه وين بتروحين وبتتركينا ياهالمملوحه
فاطمه ارمشت بعيونها بدلع:بروح لناس قريبين بملح جلستهم شوي وأرجع لكم لاتخافون أدري ماتصبرون بدوني ههه
مزنه: الله كل ذي ثقه
أم عادل:والله انها صادقه يا مزنه
أسيل:ههه طيب يالمملوحه روحي بس لاتتأخرين أوكيه
فاطمه وهي عند الباب طالعه:من عيوني,تشااو...,
{طلعت وسكرت الباب ومشت وهي تطقطق بعلكتها,فاجأها ناصر,طالعته بنص عين ومشت}
ناصر انقهر وتحطم من جوى كان ينتظرها على أحر من الجمر يبي يشوف انباعها بعد الصندوق اللي أرسله(يعني هذا هو الرد,خساااره يافاطمه,بهالسهوله هنت عليك,هذي هي قيمتي عندك)...
{مشى وهو يسحب ذيول خيبة الأمل}
,,,,,
.
,
.
,
.
.
بالليل...,
فيصل جالس معهم بالجناح ومتكي ....,
أسيل للحين ماسكه يد جدها,,حست بيده تمسك يدها وتضغط على يدها,أبتسمت بدموع:جدي صحي
فاطمه ناظرتها:انتي تتوهمين بعدين حنا عنده من أسبوعين ماتحرك
أسيل:أقوكلم جدي صحي وهو يضغط على يدي اللحين,,جدي جدي أنا أسيل ياجدي, داادي بليز قوم داادي
مزنه تأثرت: لاتبكين ماراح يسمعك
فيصل قام وقرب لجده,وهو مصدق أسيل...,
أسيل ناظرت فيصل:صدقني فيصل جدي صاحي,
فيصل:مصدقك مصدقك
الشايب حرك راسه و تكلم:أسيل..جيبوا لي أسيل
أسيل وهي تبكي:شفتوا صدقتوني..جدي جدي أنا أسيل عندك
فيصل:جدي فتح عيونك وشوفها جنبك
الشايب فتح عيونه وناظرهم كلهم,كان يذكر آخر شيءان أسيل كانت بجده:أسيل رجعت من جده
أسيل:جدي أنا جنبك ياجدي
فاطمه ومزنه يبكون من الفرحه..
فاطمه بجنب أسيل:ليييتك جيتي من زمان يا أسيل
فيصل ببتسامه عريضه:أنا بروح أقول للدكتور....
{وراح مستعجل}
,
,
,
,,,,,
.
,
.

البيت:
بعد مارجعوا مزنه نامت وفيصل راح لغرفته وسوى نفسه نايم أماالبنات بغرفة أسيل, ومبسوطات بأن الجد الحمدلله صحى من الغيبوبه...
بالكنبه اللي بزاوية الغرفه:
فاطمه شافت أسيل مشعشعه الإبتسامه بوجهها:الله يديمها هالإبتسامه يارب
أسيل مسترخيه عالأريكه ويدها على بطنها تمسح بنعومه وببتسامه حلوه:يارب ويرجع لنا جدي الغالي
فاطمه حست أن الوقت مناسب عشان تطفي فضولها:أسيل
أسيل مبسووطه وممكن تقبل أي شيء:هلا
فاطمه تبي تبدأ:كيف كانت جده
أسيل حست الجنين يتحرك,أبتسمت ويدها على بطنها:ممم حلوه
فاطمه حست أسيل مو معها:أسيل أنتي عندك شيء وتبين تقولينه لي وإلا شيء
أسيل فهمت على فاطمه,ألتفتت عليها:إيه عندي
فاطمه بحماس جاتها بسرعه وجحلست قبالتها وبغت تطيح عليها من الطفاقه:هااه وشو
أسيل:هههه رجااءاً,بدون تهور,أنا ماني ناقصه أوجاع ومابي أفقده وماباقي غير اقل من خمسة شهور,
فاطمه!!:وش قصدك انتي وضحي
أسيل ببتسامه عرييضه:ياستي راح تصيرين عمه عن قريب أنا حاامل.... شرايك
فاطمه! كن مكبوب عليها مويه بارده,وتنحت:مين اللي بيصير ام
أسيل بإحباط:فطوووم الله يخلييك ركزي قلتلك انا اللي حامل معناته انا الأم
فاطمه بجديه:أسيل أنتي تتكلمين جد,وإلا تمزحين,أكيد تمزحين صح.
أسيل حست بالحركه رجعت ببطنها,سحبت يد فاطمه وحطتها على بطنها: تحسسي هذا ولد فيصل وأنا خلصت أربعت شهور من أسبوع بس ماتحرك إلا لمن جيت الرياض و...<<<< {بغت تقول وشفت فيصل}
فاطمه من الخوف والصدمه تنحت:هاللحين انا بحلم وإلا بعلم...أنتي حامل من فيصل ..طيب كيف؟!...متى؟!....وين؟!..
أسيل ماهمها أحد بالدنيا,ومعنوياتها عاليه بالمره خصوصاً بعد ما أستقبلها فيصل بالمطار وحضنها وأحيا روحها بداخلها :وش هالأسئله بس معليش راح أجاوبك بالنسبه لمتى؟بعد الملكه بفتره بسيطه...وبالنسبة لـ وين؟هنا بغرفتي...وبالنسبه لكيف؟{أبتسمت بخجل},أسمحيلي عاد,<<<<< {حمرت خدودها}
فاطمه المصدومه!!:طيب فيصل يدري؟!
أسيل انخفض صوتها بنبرة حزن:لا مايدري,
فاطمه:وليه للحين,محد يدري,كيف أصبرتي كل هالشهور....يعني كل هالأمراض وكل هالعلل اللي فيك كلها حمل,وحنا ياغافلين لكم الله
أسيل تهز راسها بالإيجاب:........
فاطمه انقهرت:وفيصلوه تاركك وهو داخلن بك...وش قصده ذا يبي يهينك وإلا يذلك وإلا وشو بالضبط..بس أنتي غلطانه كان قلتيله,مهما كان لازم يتحمل
أسيل بألم يعصر قلبها:آآآه يافاطمه كنت بقوله,كنت أبيه أول واحد بالعالم يدري , كنت ابي ابشره أن بحشاي قطعه منه, وأنا مادريت إلا لمن قال أنه مسافر,ماحبيت أقوله بالجوال ,كنت أبقوله وعيني تحتضن عينه أبي أشوف الفرحه بعيونه,وأبي يضمني وهو فرحان ويشيلني كان حلمي حلم أي بنت أول مره تحمل,وتشوف الحياه بلون زهري,ومفروشه بالورود لكن..
{نزلت دمعتها}بالليله إللي كنت بقوله حبيبي أنا حامل,,,فاجأني ببرود وتبلد مشاعر,غريب,وقال بكل برود العالم وقسوته,أسف أنا كنت معك بنزوه,,أنا نزوه يافاطمه أنا!!,,بعدها قررت ما أقوله...وأنا عاارفه أنه يحبني بس هو كان قصده بهذاك الكلام انه يكسرني ويذلني يقول أنه يرد لي الإهانه اللي بيوم الملكه لمن قلت له أني مغصوبه ومابيك!!!,, وأنا خفت أعلمك ويزل لسانك وأنا خايفه يجي بأي لحظه ويقول تخلصي منه<<<<<بكت
فاطمه بكت من تأثرها:يــا قلبــي يا أسيل,,شقد تعبتي بس تصدقين كنت شاكه طول الوقت بعلاقتكم اللي ما أخفيك كنت اتغاضى عن حاجات...وفيصلوه هذا الله يــ.....
أسيل قاطعتها:لااا,لاتدعين عليه,تكفين أنا راضيه بعذابه,والله لو يقولي تعالي ابيك اللحين لأجيه ولو يقولي أي شيء لأسويه... أحبه, يافااطمه احبـــه تدرين شلون الحب اعمى, كل ماقلت بكرهه يزيد حبه فيني, ويوم عن يوم يكبر حبه بداخلي,{بكت}
فاطمه ارتفع ضغطها:أسيل ترى انتي رفعتي ضغطي وأنا ماني ناقصه,بعدين هذا ترى مايستاهل منك قطرة دمعه........بس بيني وبينك تبين الصراحه
أسيل سكتت تسمع:...
فاطمه كملت: لمن رحتي لجده وطولتي هناك كان فيصل يسأل عنك أربع وعشرين ساعه,تدرين مره من كثر قلقه عليك وانتي ماتردين قعد يومين سهران ومانام إلا مغمى عليه,و آخر شيء قالي فطوم دقي عليها من جوالك يمكن ماتبي ترد علي, ومارديتي, خاف وشفت دمعته
أسيل تسمع هالكلام وهي تدري بقيمتها عند فيصل,بس فرحانه:وتلوميني فيه
فاطمه:بس هو متملك على عاشقه.
أسيل بثقه قامت ويدها على بطنها:مرده لي,صدقيني يافطوم لا عاشقه ولا مليون غيرها بيحيلون بيني وبينه,بس أستني
فاطمه استغربت ثقتها اللي مو بمحلها ولا وقتها:وأنتي وش خلاك واثقه لهالدرجه
أسيل قامت لسريرها تبي تنام سحبت المفرش:لأني ببساطه أنا مؤمنه بحبنا اللي يربطنا والبيبي هذا,بدمي ودم فيصل حبيبي وهو اللي بيجمعنا,مهما صعبت الظروف.
فاطمه:ياارب,تجتمعون موعشانكم عشان هالضعيف اللي بينكم,{قصدها الولد}
أسيل:ههههه اوكيه طفي النور بليز ابي انااام
فاطمه:طيب,بس أنا ماظن بنام,تصبحين,قصدي تصبحون على خير هههه,
{طلعت}
أسيل بعد ما انسدحت على سريرها وبعد ما قالت لفاطمه وفضفضت لها حست انها ازاحت نص الهم عن ظهرها,تحرك الجنين:يوووه مو وقتك بالمره,نام خل أمك تنام ...(آآه ليت ابوك يحس بك اللحين,لييته يدري بك,)بس معليه عمتك فاطمه العسوله دريت,يله واحد من العايله عرف هههه بكره الخبر ينتشر,بعد ماتنولد ويشوفونك بعيونهم ,وأكون فخوره فيك وأقول هذا حبيــبي ولدي,بسسس أنا للحين ماعرفت بنت وإلا ولد...يارب تكون ولد وتشبه أبوك بكل شيء..الخشم العيون الوسامه ووالشفايف...آآه أشتقت لحبيبي
{تحرك بس هالمره بقوه}أووه وبعدين خلاص ابنااام
((((
,
,
,
.
,

مهابالمستشفى.........,
ام محمد:هاه يادكتور متى بتطلع مها
الدكتور:على حسب تطور الحاله ..
{ألتفت على تركي بإعجاب} ماشاءالله,كل شيء تمام,يادكتور تركي
تركي:شكراً دكتور,هذا بفضل الله ثم بفضلك
الدكتور يكلم ام محمد:شوفي حالة بنتك عند الدكتور تركي وهو اللي يقرر متى تطلع بما أنه المشرف عليها,....عن اذنكم ياجماعه..
{طلع}
أم محمد: هاه ياولدي وش قلت أنت
تركي وعينه على مها: نشوف بعدين,إذا تبي تطلع مها أولا,اللحين بما أننا فكينا المثبت من الرقبه وكل شيء,بقى شيء واحد بس وراح أعرفه الليله او بعده,
مها حست أنها فهمت عليه,سكتت وهي تحاول ماتناظر فيه وتلتهي بطرف اللحاف اللي مغطي رجليها:..........
أم محمد:خير ان شاء الله
تركي:خير إن شاء الله ياخاله,يله عن أذنكم..
{طلع}
أم محمد بنظرة إعجاب:مــا شاء الله عليه هالولد,أدب وأخلاق,
مها ساكته وكأنها تأيد كلامها(وذوق يمه آه وأحبه)
,,,
.
,

جناح الشايب..,
فيصل:هاه شقلت يادكتور, ترى الوالد معزم,أحسن لك أكتب له خروج برضاك
الدكتور عصب:خلاص تحت مسؤليته
الشايب بصوته الكبير:إيه تحت مسؤليتي,بس طلعوني
الدكتور:أوكيه,لك اللي تبي ,بس تحمل مايجيك
الشايب:ماجايني إلا العافيه.
,
,
,

,

البيت الكبير:
فاطمه لابسه بنجابي احمر وأطرافه ذهبي بصوتها العالي:يـــــــــــــامرح� �اااً ملاييييين ,يالغاااالي,تو مانور البيت ياشمعة البيت,أسفرت وأنورت وأستهلت وأمطرت,,
فيصل عوره راسه منها وهو جالس جنب جده بالصاله:خلصتي قصايد وإلا باقي
فاطمه:يوووه خلني أعبر لجدي عن فرحتي به
الشايب:ههههه خلها يافيصل ابي أسمع هالصوت المزعج من زمان عنه
فاطمه:أفااا ياجدي تبي تكحلها وعميتها
فيصل:هههه وهو صادق, ماكذب صوتك مزعج
نزلت أسيل ببطئ بالعاده تنطنط,كانت خطواتها تحسب,لابسه جلابيه واسعه ذهبي حلوه ,وماسكه شعرها على فوق ذيل حصان:أهلييييين جدوو,السلام عليكم
الكل:وعليكم السلام
أسيل جت وحبت على راس جدهاوخده وجلست بيساره,لأن فيصل بيمينه:كيفك دادي اليوم الحمدلله عاسلامتك
الشايب:بخييروأنا بووك,انتي طمنيني عنك
أسيل ببتسامه:ممم أنا تماام ياجدي,المهم انت وصحتك,انتبه عليها
فيصل عينه عليها ماتنزل,"مشتااق":...........
فاطمه:أنا بسألكم عمتي وين هي فيه؟؟
مزنه جت من المطبخ بقهوه
فيصل يخز فاطمه:أنتي جالسه هنا تسولفين وتاركه عمتي بالمطبخ لحالها
فاطمه مسكت طرف خصله من شعرها تسوي بنت صغيره:أنــا مــالي شوغول,,
أسيل كتمت الضحكه على فاطمه اللي تصنع البراءه:..
فيصل:مالك شوغول هااه,طيب
مزنه حطت القهوه :شفييكم تناظرون بعضكم كذا؟
الكل:؟؟؟؟؟؟؟؟؟
الشايب:صبي لي قهوه زمان عنها
فيصل:بس لاتكثر ياجدي فنجال فنجالين بس
الشايب:ماعليك منه بس صبي قهوه
فيصل:يبه الدكتور يقول كذا
{رن الجرس}
مزنه:من هاللي جاء هالحزه.
فاطمه بعفويه قامت بتفتح:أكيييد نصور
فيصل بصوت متغير:وشوو؟
الشايب!!!!
فاطمه خافت من زلة لسانها:نصووور,قصدي ناااصر...شفيك علي بحكم العاده
فيصل قام وهوعاقد حواجبه:أي عااده تكلمي
فاطمه راحت تركض لفوق منحرجه,من الكل وفيصل كبرها عالفاضي:....
فيصل رفع صوته:فاااطمـــــــه
أسيل قامت وحطت يدها على كتف فيصل بنعومه:فيصل حصل خير,ما يحتاج
فيصل التفت لها وبردت كل عصبيته بعد ماحط عينه بعينها,أبتسم:أوكيه عشانك بس
أسيل ابتسمت:مشكور حبيـ..{بغت تقول حبيبي}مشكور فيصل,يله انا رايحه لها اكيد زعلت منك ....
{صعدت لها}
فيصل جلس وهو يراقبها لين راحت,وهو متحسر...
فتحت كامله الباب وكان فعلاً ناصر,جاي يسلم على جده..........,
ناصر بعد السلام:كيفكم
مزنه:جعلك طيب ياولدي
فيصل بنظرات شكاكه:ناصر انت قايل لأحد انك جاي هنا؟
ناصر استغرب!؟: نعم!!!
مزنه ترقع الموضوع:ماااعليك منه ذا ماعنده سالفه يبي يروعك بس
ناصر:فيصل وش قصدك؟
فيصل يسطنع الإبتسامه:أمزح يارجااال
ناصر:أشوى علبالي
الشايب:تقهوو بس كبوا عنكم هالسوالف
مزنه:قوولتك يبه..........
,,,,
.
,
.
,
بغرفة فاطمه...,
فاطمه جالسه بطرف سريرها وماده بوزها شبرين...
أسيل جالسه قبالتها عالأريكه وتناظرها وتبسم,وبعد لحظااات...نصور هااه
فاطمه:أسيييل
أسيل:هههههه يعنني زعلااانه,يبنت الحلال افرديها,أخوك وطفيته ماراح يكلمك بهالموضوع مره ثانيه
فاطمه:وأنتي وش دراك هااه
أسيل غمزتلها:هذا شغلي,عطيته نظره ولمسه تنسيه أسمه,بس انتي قولي شدراك أنه ناصر هاااه قايلك
فاطمه:لا ماقالي بس كذا حسيت
أسيل بنص عين:أهاااه حسييتي.حلوو,طيب...
{لفت عيونها تناظر الغرفه}أحس شيء متغير هنا
فاطمه نست السالفه:أبد كل شيء زي ماهو ماغيرت شيء.
أسيل قامت بعد ماشفت الصندوق الكبير محطوط عالشوفنيرا,قربت له:وهذا إييييش؟
فاطمه :ما أدري
أسيل!!:مــاتدرين! عن العباطه وقولي إيش فيه بتهدينه لأحد وإلا إيش
فاطمه:لا هو جايني من واحد مدري من بعد ماجيتي بيوم
أسيل شهقت!!: غرييييبه وللحين فضولك,ماقالك تفتحينه
فاطمه:تصدقين لا... حتى انا مستغربه بس أصلا ماكنت فاضيه,لمن جاني كنت مشغوله ومدري وش خلاني ما أفتحه,
أسيل بنص عين!!:يــاسبحااان الله,,طيب تسمحين لي أفتحه
فاطمه:أفتحيه ليش لا...
أخذته أسيل وجلست على الأرض وحطته قدامها وقامت تفتحه بترقب:ياترى وش فييه؟نفسي أعرف.
فاطمه جاها فضول أخيراً وتحمست مع أسيل وجلست معها يفتحونه:وأول ما فتحوا الغلاف,لقوا صندوق خشبي مصمم خزانه قديم,وعليه قفل بس بدون مفتاح...
أسيل لفت الصندوق على فاطمه:يله أفتحيه أنتي..
فاطمه قلبها يرقع من المفاجأه:أنااا
أسيل بحماس:إييه بسرعه
فاطمه فتحت الصندوق بشويييش كنها خايفه,صوت موسيقى
*ألا ليت الزمن يرجع ورى وإلا الليالي تدور,
ويرجع وقـتـنا الأول ونـنعم في بساطتنا,
زمـان أول أحس أنه زمـان فيه صدق شعور..
نحب ونخلص النيه وتجمعنا محبتنا.....
زمـان مافيه لاغيبه ولافيه نفـاق وزور..
يــاليته لو يرجع ونسترجع طفولتنا....
صغار وقلوبنا بيضاء نعيش بعالمٍ محصور..
ولا نعرف أبد أغراااب مغيـــر عيـــال حارتنـــــا...
ألا ليت أن الزمـــان يرجع و ورى وإلا الليــالي تدور
ويرجع وقتنا الأول وننعم في بساطتنا
أسيل أول مره تسمع هالأغنيه أعجبتها:الله يا حلو هالكلمات...<<<< من جد أحب هالأغنيه
{سمعت صوت شهقه ألتفتت على فاطمه}فطووم أنتي تبكين
فاطمه تبكي وعينها على صوره كبيره معلقه بباب الصندوق,صورتها مع ناصر وهم صغار,بالطايف ومتماسكين,مسحت دمعتها بظهر كفها,وأشرت على الصوره وهي تنهد وتبتسم,هذا ناصر وهذي أنا يا أسيل,
أسيل تأثرت منها:طيب شفيك تبكين؟..هو اللي مرسلها صح؟
فاطمه وهي تمسح دموعها وتهز براسها بالإيجاب:هالأغنيه تلمس شيء بداخلي, وتثير ذكريات غاليه علي. وهالذكريات كلها مع هذا اللي بالصوره,وهو نفسه اللي مرسلها,آآآه يانآآآصر ليته يعود هذاك الزمان,آآآه آه...
أسيل كملت تطلع اللي بالصندوق:وش هذا؟ وهذا؟ وهذا؟!!!
فاطمه أختلطت دموعها مع ضحكاتها:هههه للحين ياناصر للحين محتفظ بالتيل, والنباطات اللي كنا مأذين بها خلق الله هههههه
أسيل ابتسمت:النباطات أعرفها بس هذي إيش؟؟!
فاطمه أخذتها من أسيل:هذي لعبه خشبيه كنا مره رايحين أنا ونصور وعاشقه مع عمي هادي للجنادريه وحنا صغار وشريتها وأنا مدري وش أسمها ولا كيف يلعبون بها,قالت عاشقه عطيني إياها لأن مافيه غيرها وأنا عندت منها وعشان أحرّها قمت و عطيتها نصور,وقلتله ياويلك إن خذتها عاشقه لاتعطيها إياها,تعرفين يومي صغيره ماحب المدلعات وعاشقه اكبر مدلعه وحنا صغار بس الحمدلله بعد ماكبرت انجنت هي عكس البنات هههههههه
أسيل ضحكت من غير نفس على طاري عاشقه:طيب وش راح تسوين, وش قصده نصورك هذا من هالذكريات كلها.؟
فاطمه سكتت ورجعت تتأمل الصندوق:والله مدري..بس هو حرك المياه الراكد بحياتي من تواجهت انا وياه بالمستشفى عند جدي...
أسيل بنص عين:ياعيييني عالتحريك, طيب هالتحريك قوي وإلا خفيييف
فاطمه استحت:يووه أسيل خليني لو مره أصير جديه,ترى بقلب اللحين
أسيل:لا لا لاتقلبين ولا شيء,قووولي اللي عندك
فاطمه لمحت ورقه لونها بيج بآخر الصندوق,مدت يدها وطلعتها ويدينها ترتجف:
أسيل ببتسامه غمزتلها:أوووه الدعوه فيها رسايل غراام
فاطمه مرتبكه وخايفه من اللي بالرساله:أسيل أسكتي خليني أقرى..
{فتحتها بهدوء وبدت قراءه..}
[بسم من جعلك على عرش قلبي ملكه..
اما بعد أسعد الله كل أوقاتك يا "فطوم"..أنا ما راح أطول عليك..بس كنت بقولك خذي كل اللي بالصندوق,هذا الباقي من حبك,مو أنتي قلتي تحبيني كصديق طفوله,خلاص أنا أرسلت لك هذا الطفل اللي بالصوره وكنتي صديقته بيوم,وهذي ألعابك معه حتى التيل كنت حافظها ابي كل شيء جمعني بك,تخيلي كل ما أشتقتلك ضميت النبيطه لصدري,وهذي اللعبه الخشبيه للحين مدري كيف تلعب,بس حفظت وصاتك زين وماضيعتها, وكبرنا يافاطمه......وصار كل شيء مااضي أتمنى نعيده....
...بس قبل ما أختم هالرساله أتمنى منك أمنيه وأرجوووك تنفذينها..إذا تعزين صداقتنا مثل ماقلتي...إذا كنتي ناسيتني وناسيه كل هالأشياء والذكريات وذكرتيها بعد ماشفتي الصندوق....أرجووكِ شقي الرساله وكسري هالأشياء وإرجعي إنسيني...
نصووور يحب فطوووم.(هالعباره داايم تقولها عاشقه تذكرييين وحنا كنا نقولها أحسسسن حنا نحب بعض ونحرها تذكرييين؟ يافاطمه وإلا ...نسيتي؟)......
الورقه تبللت من الدموع وفاطمه تقراها بخاطرها وجنبها أسيل تطالع ,بكت فطوم وبكت بصمت:لا ياناصر في ذمتي مانسيت
أسيل حبت تلطف الجو على فاطمه:هههه شكل نصور هذا رجه وملقوف فعلاً زيك
فاطمه تبسم وتمسح دموعها: وأسوار البيوت تدري ودجاج مزرعتنا تشهد, وخيزران جدي, وفيصل إللي دايماً مرتفع ضغطه مني يقول فشلتينا عند أهل الحاره يقولون شكل فاطمه ولد مو بنت ههههههههه
أسيل:ههههههههه
فاطمه رجعت تسكت, وهي تطالع الصندوق...,
أسيل:طيب وش ناويه تسوين...
فاطمه عندي كذا خطه براسي بدور الأنسب لي وبنفذه فوراً..
أسيل قامت تبي تخلي فاطمه تفكر لحالها وتتخذ قرارها:أوكيه,,أنا رايحه أتسطح شوي ظهري وجعني من قمت من النوم ما ارتحت والبيبي ماتحرك خايفه عليه يصير له شيء
فاطمه:هههه لا تخافين عليه عمته فطوم ماراح يصير له شيء
أسيل:هههه أنا ما أخاف لأنك عمته خايفه عليه من أبوه
فاطمه:هههه يبنت الحلاال وكلي الله
أسيل عند الباب:ونعم بالله يله باي,ياحبيبت نصووور هههههه
فاطمه حذفتها بالمخده بس صكت بالباب,رجعت للصندوق والذكريااات........,
.
.
وهي رايحه لغرفتها..تتذكر شكل فاطمه وتتبسم على حركاتها...فتحت الباب ودخلت وسكرته وقفت عند المرايه شوي أخذت مناديل جونسون ومسحت اللي كانت حاطته تحت عيونها علشان تخفي الإحمرار اللي تحتها ومبين تعبها...
أنفتح الباب ودخل فيصل وسكره علطوول ووقف مكانه يطالعها......
أسيل أخفت رضاها وعقدت حواجبها:خيـر وش جابك بغرفتي "اطلع"
فيصل قرب لها ومسكه من خصرها وهمس:أشتقت لك
أسيل كرهت هالحركه وكرهت انها تكون لعبة تسليه بيد احد مهما كان حتى لوكان فيصل أبعدت يده بسرعه وأبعدت عنه:بس أنا حقيره..وااطيه... لاتلمسني أنا سمحت لحبيبي ينام معي قبل الزواج<<<تذكره بكلماته اللي يرميها عليها
فيصل انقهر منها بس مابين رجع مسكها وقرب لها وضمها غصب...
أسيل كانت ساكته مابيدها حيله..وهي تحبه..
فيصل سحب يده بعدما طبع بوسه من قلبه على جبينها,وناظر بعيونها شوي كأن عنده موضوع مهم ووده يقوله وهو متردد...وطلع بسرعه من الغرفه وسكرها وراه..
أسيل واقفه مكانها بدوون أي ردت فعل...وهذا فيصل ذبحها بسكوته...ماتدري بالضبط وش وراه ووش ناوي عليه بعد...مسحت دمعت القهر اللي نزلت وراحت لسريرها ترتاح .....

,
.,.,.[أيـــام غــريــبــه عــلــى أرض الـحــب].,.,.
,
.
.
,
.
.

ناصربكافي جلس لحاله,(ياترى اللي سويته صح وإلا خطأ,,,لا خطا والدليل انها حقرتني بالمستشفى,,معقوله يافاطمه معقوله....هانت عليك أيامنا...لهالدرجه الناس تتغير,توقعت كل الناس تتغيرإلا أنتي...)...
{صوت مسج عالجوال,ألتفت على جواله رسالة وسائط متعدده,فتحها...وكانت المفاجأه!!!! ...........................
( ((((((((((أنتهى الجزء الرااابع والثلاثووون))))))))))
ياترى ويش كانت الرساله!!!!! راح نعرفها بالجزء الجااااي إذا كانت ساره أو مخيبه.