[فيتامين سي]

الجزء الساابع والثلاثوووون..,

{وبعد مرور 4ساعات بغرفة العمليات,طلع الدكتور,وهو يهز راسه بحزن }
قام فيصل وهو خايف من الخبر:وين أسيل يادكتور؟
الدكتور مسح دمعته من تحت النظاره:على كثر ماعملت عمليات مماثله,بس مثل هالبنت هذي ماقد مر علي زيها,كانت تقطع القلب,صغيره على هالعذاب وكانت متعلقه بالجنين بشكل غير طبيعي,وعلى الرغم من أنها تحت تأثيرالبنج كلياً إلا إن دموعها ماوقفت طول مانسوي العمليه,بجد أبكت كل اللي بالغرفه...
فيصل انهبل بعد هالديباجه:دكتووور وين اسيل وش صار لها تكلم.
الدكتور:للأسف ماقدرنا نحافظ عالجنين رغم محاولاتنا عشانها إلا أن كميات الدم النازف كثيره وكنا مضطرين عشان نحافظ عليها, وأسيل غير مستقره حالياً
فيصل بعصبيه وخووف: يعني شلون مو مستقره
الدكتور:السبب هوالخوف من تدهور حالتها بسبب حزنها على فقد الجنين,اللي كانت متعلقه فيه بشكل كبيروغريب, راح نخليها تحت المراقبه ونراقب حالتها .واللحين عن اذنكم ياجماعه اكمل شغلي
فيصل مسك يد الدكتور برجاء:دكتور ابي أشوفها
الدكتور:بعد ماننقلها لغرفة التنويم
فاطمه طاحت تبكي بحضن عمتها..:حسرتي عليييك ياأسيل ماتهنيتي في ولدك
{ألتفتت على فيصل,راحت ومسكته مع ياقته} أنت السبب هي كانت خايفه منك ومتوقعه هالشيء بس أنا كنت اهديها واطمنها,,مادريت انك وحش لهالدرجه,حراام عليك خلصت عليها,وعلى حلمها بولدها اللي ابوه أنت.
فيصل فك يدها اللي خنقته أكثر وهو مخنوق وطلع على برا مسرع, يبي يفك عن نفسه ويصيح مثل مايبي وينفس عن حزنه المتراكم من أول ما أفترقوا للحين,وخبر الحمل اللي تفاجأ فيه والإجهاض اللي تسبب فيه لأسيل,زااد خنقته وحزنه...,
مزنه بكت:لاحول ولاقوة إلا بالله على هالمصيبه..
فاطمه:أنا بدق على خالها زياد هو يحبها وهي تحبه,واكيد راح تفرح فيه
مزنه:سوي اللي تشوفينه زين
(((
.
,
.
,
.
.
,
.
,

بالليل,,
الساعه 1ونص...
بغرفه خاصه:
مزنه نايمه على كرسيها,وفاطمه بالبيت عند الجد وهنا مايسمح لغير مرافق واحد ,قرروا ليله مزنه وليله فاطمه..
أسيل تحت الأجهزه والمغذيات ومنومه بالمهدئ للحين ماصحت......,
دخل..... بهدوووء,ومشي لمن وصل لسرير اسيل,وجلس على طرف السرير بشوييش جلس يناظرها ودموعه تسابق,شافها تذرف دموع وهي تحت المهدئ, مد يده ومسح دموعها,ومسح على شعرها, جلس عندها يراقبها طووول الليل,وآخر شيء باسها على خدها وعينها وراسها وكــل شيء,,وهمس بأذنها(أنـا فدوه لكل قطره من دمك ياحبيبة قلبي) بعد كذا قام ومشى بهدووء مثل ماجاء بهدووء.....
,
,
.
,
.
.
,
.

الصبــاح....,
جاءت فاطمه ومعها الجد اللي ماعلمته باللي حصل لأسيل إلا فالصبح..
الشايب من كبروهوصاير حساس بزياده,نزلت دمعته اول ماشاف أسيل:لييه ماقلتولي لييه
فاطمه:الله يهداك ياجدي شلون نقولك وانت كنت تعبان
مزنه:فطوم دقيتي على خالها زياد
فاطمه:لامادقيت أرسلت له مسج من جوال أسيل,
الشايب جالس بكرسي قريب من أسيل,ودمعته تنزل بمحجر عينه:وش صار عليها يابنات علموني.
مزنه متردده تقوله عالحمل سكتت خايفه من ردت فعله:........
فاطمه ساكته هي بعد...
الشايب بإلحااح:أنتو بتقولون لي وإلا اروح للدكاتره يعلموني
فاطمه قررت تقوله بعد هالإلحاح:طيب بقولك أنا.... بس أمسك أعصابك,أسيل بعد ماجاها فيصل البارحه وتهاوشوا وضربها ضرب سنه بدقايق تعرضت لنزيف حاد وهي كانت حامل بالشهر الخامس,وبسبب النزيف فقدت الجنين وبعدها صدمة فقده لأنها كانت متعلقه فيه بشكل كبير....
الشايب حط يده على راسه من اللي سمع,وعوره راسه:
مزنه غمزت لفاطمه:ليش تقولين له
فاطمه بعصبيه:جدي لازم يعرف كل شيء عمه وفيصل لازم أحد يوقفه عند حده..
,,

فيصل عند الباب وكل شوي يطل من الزجاج اللي بنص الباب واقف يدري ماله وجه يدخل بس واقف ينتظر خبر انها بخير وصحت,,,
,,

صحت أسيل جزئياً وهي هاديه ناظرت السقف واللي حولها,تتأكد مين هم...,
فاطمه انتبهت لها وصاحت:أسيل قامت ابشركم
{راحت لها }أسيل حمدلله على سلامتك
فرح الشايب ومزنه......,
أسيل طالعتهم كنها تشوفهم أول مره,وبصوت متعب وهـاادي:ويـن البيبي؟
فاطمه بحسره:اللي راح مايرجع يا أسيل
أسيل عصبت فجأه ورفعت صوتها وبغت تقطع اللحاف الأبيض بيديها:ولدي مـــاارااااح ابيييه,هاااتووه الله يخلييييكم.....
{بكت وانخفض صوتها شوي وكأنها تترجاهم}..بلييز رجعوه
انفتح الباب بشويش ودخل فيصل وسكره وبعيونه ندم,وقف بنص الغرفه وهو يطالعها بحسره...
أسيل ألتفتت وهي تناظره بحقد العالم ودموعها مغرقه وجهها وصرخت:برااااااا أطـــلع برااا وش تبي؟ الجنين ورااح خلاص,وارتحت من امه الحقيره للأبد,,, اطلع براااا,
فيصل عوره قلبه عليها:أسيـ..
أسيل قاطعته بصوت عالي وهي تبكي:أطلع برااا برااا مابيك ومابي أشووفك ارحمني وأطلع براا,الشعره اللي كانت يمكن تربطنا ببعض وانقطعت وش جاي تدور بعد
{فجأه صوت كف قوووي هز الغرفه}
أسيل سكتت بعده وحطت يدها على فمها من المفاجأه:....
فيصل حط يده على خده مكان الكف وعينه بعين أسيل:....
الشايب واقف عنده بعد ماعطاه الكف وهو معصب:ماسمعتها وش قالت... اطلع برا
فيصل عصب وبصوت عالي:لا سمعت...بس بقولكم شيء وأسمعوه كلكم وأشهدوا, تراني رجعت أسيل من الليله زين
الكل:!!!!!!
أسيل وهي تضرب بيديها على السرير مثل الأطفال وتبكي:مااااابيييك مااابيك انت ماتفهم أكـرهك اكـــررررهك
فيصل طلع بدون مايسمع لها:..........
أسيل بغت تنزل تلحقه,وردتها فاطمه:جدددي انا مابيه خله يطلقني مابيه ياجدي تعبت منه ماابيه مــاااابيـه
{بكت}
الشايب سكت وجلس بكرسيه يفكر:.........
فاطمه ضربت بالجرس عالدكتور تبيه يعطيها مهدئ:..
اسيل صارت تبكي بهستيريا :أبي البيبي رجعووه الله يخليــكم.
مزنه والشايب تأثروا منها,صايره ماتركز باللي تقوله...,
جاء الدكتور وعطاها ابره ونامت ............,
الدكتور بعصبيه :رجـاءاً ممنوع الضغط العصبي عليها كفايه اللي حصل لها
فاطمه:أن شاء الله يادكتور,بس هي اللي تعصب بنفسها,ومو مصدقه انها سقطت
الدكتور:شيء طبيعي ماراح تصدق,وهي كانت حاطه أمالها عليه وتحلم فيه وكأنه مابقي لها غيره بالعالم,ولكن هي أزمه وبتعدي ان شاء الله, يله عن اذنكم
فاطمه,جلست عند عمتها بعد مانامت اسيل بالمهدئ:آآه ياحسرتي عليها ماهي بقادره تستوعب انها خسرت ولدها
مزنه وهي تمسح دموعها:تلومينها بحشاشة قلبها,الله يلووم اللي يلومها
فاطمه: لا والله بس الله يعينها,صايره صفراء,نزفت مرتين في غضون اسبوعين والله لو أنا قد مت بس هي كان عندها دافع قوي أنها تعيش "كله عشان الجنين اللي تعبت فيه",وذاقت الأمرين سكر حمل وطلاق وزوج يرفع الضغط والهم الأكبر انها كانت مخبيه الحمل عننا كلنا وعن فيصل خايفه يحرمها منه,وياخساره هذا اللي حصل.
مزنه!؟:أنتي وش قصدك بأنها نزفت مرتين,هي نزفت قبل هالمره
فاطمه ناويه تقول كل شيء بدت تقولهم كل اللي تعرفه عن انتحار أسيل:.........
الشايب يسمع وهو مذهول من اللي يسمعه:
(((
.
.
,
.
,
.
,
.
.
بيت بوعادل.........,
أم عادل بدهشه!:كــــــــل ذا صاار وحنا ماندري عن شيء,
عاشقه وهي تبكي:إيه يمه,أنا أنخدعت,أحس أني غبيه.... احس أني ..مدري كيف يمه بس قرفانه من نفسي....وطايحه من عيني,,وأحس أن أسيل هي اللي ربحت بالنهايه..اكرهها هالبنت يمه أكرها تغيضني بكل شيء...وكرهتني في نفسي..
أم عادل:ليش هي اللي ربحت وانتي ماخذه زوجها
عاشقه:هذاك قلتيها أخذته بعد وشو يمه,بعد ماحملت وسكتت وماعلمت احد حتى فيصل, وحده غيرها كان قالت لضرتها عشان تترك زوجها بس هي ليه خبت الموضوع؟, هذا اللي قاهرني ليييه ماقالتلي من البدايه لمن درت ان فيصل خطبني..
أم عادل:يمكن ماتبيه يدري
عاشقه مسحت دموعها:لا يمه مافيه وحده تحمل وما تحب تقول لزوجها,خصوصاً إذا كانت تحبه,وأسيل تحب فيصل يمه وإلا ماخلته يدخل بها قبل حفلة العرس
أم عادل:طيب وش السوات اللحين,
عاشقه قامت ومسحت دموعها:السوات أني راح أطلب منه الطلاق.
أم عادل:وشوو أنتي انهبلتي
عاشقه:بالعكس يمه إلا عقلت,وإلا تبيني أعيش مع واحد بجسمه معي وقلبه وعقله مع وحده غيري, لا يمه,كفايه,طول فترة الملكه وانا عندي هالشعور,بانه مو معي دايم معصب وشارد ولاقد سمعني كلمه حلوه...,لكن اللحين وبعد ماشفت اللي شفته خلاص عافه الخاطر يمه, حتى لو القلب يبيه,,كرامتي يمه...
ام عادل بصوت عالي:وتبين الحريم فالحاره يقولون وش خلا بنتك تطلق وهي بالملكه!!,ناويه تفشلينا انتي وإلا وشو بالضبط..
عاشقه عصبت ونزلت دموعها:وهذا اللي هامكم كلام الناس,انا ماأهمكم هااه, لاتخافين كلام الناس مابيجيني انا,, بيجي أسيل,اللي عندها مصيبتين أللي بعد ماحملت طلقها وتركها بحيره, الله يعينها<<<{أول مره تذكرها بشيء زين وتدعي لها}
كملت بحزن: بجد هي المسكينه مو أنا يمه,,.......
{راحت لغرفتها تبكي}
أم عادل جلست وهي تكلم نفسها:غريبه شلون ما حسينا عالبنيه انها حامل,يمكن عشانها بكريه ماوضح, بس ماشاء الله عليها ماعلمت أحد ولا أحد درى عنها,بعدي عليها والله,ولا نكدت على فيصل عيشته,حتى بعد ماخطب عليها,سكتت وصبرت, والله لو يسويها بوعادل اللحين لأنجن وأنا مره كبيره وهذي بنت صغيره ,ما اقول إلا ماشااء الله عليها.....
(((
.
,
.
,
.
,
.,.,.[أيـــام غــريــبــه عــلـى أرض الــحــب].,.,.

بالمستشفى..
{بالليل جوال فاطمه يرن,وردت دون تشوف المتصل}هلا
المتصل بصوت رجولي فخم:مسااالخير,فاطمه
فاطمه تغير صوتها,رجعت تشوف الشاشه من المتصل*زورو*أبتسمت:مسااالخ� �ر زورو.
ناصر:ههه زورو!!
فاطمه,والإبتسامه شاقه وجهها نست الدنيا الأخت:إيه أنا مسميتك عندي بالجوال زورو.
ناصر:وش معنى,ليش زورو؟
فاطمه بعفويتها المعهوده:لأني أحبه<<<{عرفت انها جابت العيد}
ناصر بقمة سعااادته:.......أهااهـ.....
فاطمه صارت تلعثم بالكلام:قصدي أنت أذكر انك كنت تحبه قلت اسميك بأسمه,
ناصرضاعت علومه:صحيح أنا أحبه بس أحب اللي يحبه أكثر
فاطمه أول مره تحس أنها تستحي وهي تكلم ناصر,بصوت نااعم:ناصر بغيت شيء,
ناصر حس أنها استحت والدليل تغير طريقتها بالكلام معه:إيه,كيفها أسيل اللحين
فاطمه بجديه شوي:والله يعني مو بالحيل بس الحمدلله,على كل حال
ناصر:ماتوقعتها من فيصل والله,, أنصدمت لمن دريت
فاطمه:ولا أنا كنت اتوقعها,بس ما أنصدمت كثير
ناصر:ليش,أنتي كنتي تعرفين شيء
فاطمه:أنا ماعرفت شيء,بس إللي كنت أعرفه أن فيصل وأسيل يحبون بعض, خصوصاً فيصل أللي كان يبين بشكل وااضح,
ناصر يستغل الفرصه: والحب ماهو حاجه قليله,راعيه مفضوح مهما حاول يخبي
فاطمه أستحت وسكتت:............
ناصر مبسوط بحياها أخيراً ماعاد تعامله كصديق:نسيت أسألك...
فاطمه ببتسامه:عن وشو؟؟
ناصر:أعجبتك حركة الصندوق
فاطمه دخلت جو:ممم إيه بس أنت ليش مرسل كل شيء,ماخليتلك شيء
ناصر بصوت دافي:وش أبيبها...بدونك يالغلا مالها داعي
فاطمه بعد هالكلام سكرت الخط بوجهه:طوط طوط طوط طوط
ناصر:ههههههههههه ياحيااااتي
فاطمه جالسه بالكرسي اللي قبالة أسيل أللي نايمه,,وخدودها حمرااء هههه, مستحيه ومشتته من كلام ناصر,أللي اول مره تسمعه منه
{صوت مسج على جوالها,علطول فتحته من*زورو*هههه}
[كنا صــغــاراً...نـكتـب عـلـى ذلك الـجـدار.....الـحـب عــذب.....ونـنـسـى الألـف....والـمـعـنـى جــداً "مــخــتــلــــف".....أحبك وربي أحبك]
,,,هنا فاطمه ماعاد صارت على بعضها والجوال بدا يهتز بيديها منها والسبب من هالكلمه"أحبك" اللي تهز القلب والوجدان...سكرت الجوال وهي مو على بعضها.
...انفتح الباب...
فاطمه خافت ماشافت من النور الخافت؟:من..؟
دخل فيصل وكان شكله تعبان:مسااالخير{بصوت متعب ومنخفض}
فاطمه تحاول ماترفع صوتها:أي مساء الخيرو حنا وحده بعد نص الليل بعدين أطلع برااا قبل لاتقوم أسيل وتشوفك ااطلع,
فيصل وعيونه على أسيل,بترجي:فاطمه خليني شوي هنا تكفيـن,أنا مقدر أزورها وهي بوعيها اتركيني معها لودقايق وهي تحت تأثير المهدئ.
فاطمه بحياتها ماشافت فيصل بهالضعف ويترجى بعد,سكتت :
فيصل جلس على طرف السرير عند أسيل ومسك يدينها وبصوت مبحوح:سلامات يالغاليه,فدوتك روحي
فاطمه صغرت عيونها الكبار: بالحيييل تهمك هاه
فيصل وهو يتأمل أسيل ويمسح دمعاتها ويبعد خصلات شعرها:أحبها يافاطمه أحبها
فاطمه استحت منه وهو يتغزل بالبنت قدامها:هييه عيب عليك انا هنا استح
فيصل ماعنده فيها,لاحظ معصم أسيل مربوط بالشاش الأثنين نفس الشيء:فطوووم وش ذا؟!
جت فاطمه تشوف:إييه انت ماتدري انها...
فيصل قاطعها يستعجلها الرد وهو خايف:أدري بويش,تكلمي
فاطمه:أسيل لمن كانت بجده تعرض لها أيمن الوصخ,
فيصل ولع قهر وغيره:كـــيــــف؟؟كيف؟؟
فاطمه تكمل:وحاول يغتصبها ويخليها تجهض ولدك غصب,
فيصل عوره قلبه وعصب,أسنانه تحك بعض:طيب قدر يـ<<< {مايبي يقولها}
فاطمه وهي رافعه راسها:لا تطمن ماقدر عليها هذي بنت عمي...حاولت تلهيه لمن اوهمته انه ضمنها ...بعدها فضلت تنتحر على أن يدوس على عرضك وينتهك شرفها وكرهت يلمسها أحد غيرك,بس الحمدلله فزع لها خالها زياد وانقذها بعد الله فالوقت المناسب.
فيصل تجمع الدم بوجهه وصار أحمر من الغضب:النذل والله لأذبحه بس خلني أشوفه....
{سكت شوي ونطق بحرقه}الملعووووون
فاطمه خافت لاتقوم اسيل:هدي اعصابك,هو هرب للخارج,بعدين انت أنا بسألك انت ليش سويت فيها كذا, إالين متى هالتهور يافيصل؟,,
فيصل بقهر,لف بوجهه عنها:أنا بعد ماشفت البلوتوث اللي نشره هالحثاله ماقدرت اسيطر على أعصابي ولادققت بالصوره القديمه واللي انا كنت اذكرها,بس كان يرن بأذني كلام الموظفين بعد ماشافوها, صارهمي بس اذبحها ولمن ضربتها بقوه{قالها بمراره}شفتها تتألم بشده,كنت بكمل وأذبحها بس في شيء منعني!.....
{سكت}
فاطمه:منعك دم ولدك اللي يصرخ فيها.
فيصل بصوت نادم:فاطمه لا تزيدين علي,ترى قلبي محروق حده
فاطمه:الله اكبر ماتحملت,وهالبنيه عانت شهور سكر وكتمان سرحملها,وامراض الله اعلم فيها غير السهر والتعب والوحده...وألم الخيانه من الحبيب
فيصل نزل على يد أسيل وباسها وحطها على خده:أوعدك أحطك على راسي ياأغلى من روحي,وأنسيك كل هالعذاب اللي عشتيه,
{قرب عند وجهها وهو يلمسه بيده بنعومه عشان ماتصحي وطبع بوسه على خدها,وكل مكان يوصله }
فاطمه صدت عنهم مستحيه وهي تمسح دمعتها متأثره من الموقف:
فيصل مابغى يقوم من عند أسيل:
فاطمه واصله من الحيا وهذا فيصل شكله نساها:فيصلوه ووجع,مصختها خلاااص عاد تراني موجوده ماني كرسي بالغرفه
فيصل أخيراً قام وماكان وده يقوم:خلاص بطلع بس تكفين حطي بالك عليها,
فاطمه بإستغراب:هاللحين يومكم تحبون بعض هالكثر ليه ابتعدتوا عن بعض
فيصل ابتسم بحالميه:عشان يزيد حبنا....,"بس بعدين اقولك مو اللحين",..يله نامي انتي سلااام
فاطمه:سلاااام...الله يصلح مابينكم والله بعد اللي شفته لازم ترجعون لبعض.....
(((

,
,
,
,
,

اليوم الثاني....:
بيت بو عادل:
فيصل منزل راسه يسمع عمه بوعادل....
بوعادل: أنت صدق رجعت أسيل
فيصل جالس بهيبته وهو رامي طرفي الشماغ لورى بشكل عشوائي:أيه ياعم
بو عادل عدل نظارته وناظره:وعاشقه
فيصل :عاشقه ياعمي على عيني وراسي وماراح يتغير شيء
عاشقه كانت ورى الباب تسمعهم,دخلت وهي لابسه الشيله وحاطه لثام ماسكته بيدها {متغطيه من فيصل!}:لا يافيصل كل شيء بيتغير,أنا بس بسألك سؤال واحد أنت ليش طلقت أسيل بالأول
فيصل صد بوجهه بدون اهتمام:شي خاص وأحتفظ فيه
عاشقه وارتفع صوتها شوي:لااا يافيصل ماعاد فيه شي خاص الموضوع الكل دري به,نسيت أن كل شيء انكشف بعلاقتك مع أسيل بعدما كانت حامل وسقطت{قالتها بمراره} ,جاوبني بصراحه,انت تحبها صح؟
فيصل بدون أي إشاره:...............
عاشقه ضاغطه على نفسها:إلا تحبها وهي تحبك,بس ابي أعرف شيء وااحد أنت لييه تزوجتني؟!.....,بس أنا الغلطانه,كان المفروض من ليلة ملكتي لمن قلتلي مبروك يا أسيل,بدال ماتقول أسمي قلت أسمها{{مااانست!!}}كان المفروض اعرف انك للحين تحبها وزواجك مني عشان شيء تبي تثبته لها وترضي غرورك بس .....والشيء الثاني ماوثقت طلاقك بالمحكمه منها ولا عطيتها ورقه,وأنا ماسمعت أنها جابت هالسيره,ولا أشتكت الحال وطالبت بهالشيء..
فيصل!!؟؟أستغرب "مانست للحين انه غلط بأسمها ليلة الملكه":.....
عاشقه,بألم:فيصل طلقني,ورجــاءاً ورقتي من هالأسبوع حاول ترسلها..عن أذنكم .{طلعت,وهي من برا ياجبل مايهزك ريح ومن داخل قلبها مثل الزجاج المكسور}
بوعادل كان ساكت ويسمع كلام عاشقه:فيصل يا ولدي سمعت اللي قالته عاشقه
فيصل راسه بدا يعوره:سمعت ياعمي وتبشر عاشقه باللي تبيه,..
{كان بيطلع}
ناصر اللي جالس وسااكت من بداية الكلام,قام:فيصل يمين الطلاق ماقلتها
فيصل ألتفت عليهم ووقف قبالهم:أشهدوا اني طلقت عاشقه ..عن أذنكم ياجماعه.
,,

جلست عاشقه تبكي ليلها كله,,على طلاقها مع أنها كانت تبيه ومصره عليه,, بس صعبه على النفس كلمة طلاق,خصووصاً من "حــــلـــم الـــعـــــمـــــــر"..
أأأي جرح وأأأي صدمه تعيشها عاشقه اللحين.........
((((


,
,
,

البيت الكبير فاااااضي مــاكان فيه,أحد الكل عند أسيل بالمستشفى....دخل فيصل وكأنه قاصد شيء,صعد الدرج لمن وصل غرفة أسيل,شافته كامله,أشرلها انزلي.
فتح فيصل باب غرفة أسيل دخل وسكر الباب,مشى لمن وصل للسرير وجلس, بعدها انسدح بالعرض وضم مخدتها,ونزلت دمعته,غمض عيونه يسترجع الذكريات الحلوه, بعدها فتح عيونه وجلس ألتفت على جنب السرير لقى علب أدويه وش كثرها (معقوله كلها هذي كانت تستخمدها أسيل!)تذكرها لمن جاءت من جده ليلتها قالت له( ياكثر ما دخلت المستشفيات والسبب أنت)
..,قام وقرب للأدويه وجلس يشوفها واحد واحد,(هذا لفقر الدم,وهذا فيتامينات وهذي مقويات وهذالنقص الكالسيوم,وهـذا للـ.."إيييش.للسكر!!""),معقوله!
(معناته لمن كانت تسألني عن السكر,كان عشااان الجنين مايصاب),آآآه يا أسيل أحـبـك.
{قرر يقضي اليوم بالغرفه ويشم ريحة الغاليه مدام الكل معها هناك وهو مايقدر يقعد عندها......
....بالدولاب لقى أوراق باين حقت مستشفى ودفتر صغير,أخذهم وراح لمكتبها وجلس عالكرسي يطلع عليها..أول وحده حقت تحليله عن السكر,الثاينه كشف تحاليل خاصه وصل الدفتر الصغير مكتوب عليه"ملف متابعة الحمل" عوره قلبه,على اسيل, فتح أول صفحه,أسم الأم: اسيل سلمان محمد,, العمر21سنه الطفل الأول............. أسم الأب:فيصل عبدالعزيز محمد {هنا ابتسم وانفطر قلبه بنفس الوقت,على الولد اللي راح}كنت راح اصيرأب,
{أخذ نفس} يااخساااره قهرر.
{راح وتكى عالأريكه ورجع يغمض عيونه ونااام,بعد ماحس بأنفاس أسيل تحيط فيه ارتاح وهو يشم ريحة عطرها الجذاب,المعروف عنها}
((((
.
,
.
,
.
,
.

<<<<بعد أيــاااام عالأحداث السابقه...........,
بعد ماهدأت أسيل,,ما عاد تتكلم ولا تسأل,مع ان دموعها ماتوقف بس خفت شوي,,
الدكتور:ماشاء الله اليوم تمام يا مدام اسيل
أسيل:...........
مزنه:دكتور ماودك تطلعها اليوم.
الدكتور:بس هي محتاجه رعايه
مزنه دقت على صدرها:أنا اللي برعاها,هي ماراح ترتاح هنا,ارخصلها يا دكتور
الدكتور:أوكيه بس بشرط لاتتعرض لضغوط لغاية مانتأكد انها تخطت أزمة الفقد
مزنه فرحت:أبشر يادكتور,
.

(((((
,

,
,
فيصل واقف عالبلكون بشقته يدخن سيجارته بتوتر, لابس شورت ازرق كاروهات وتيشرت ابيض كت وشعره مبهذل,ويتأمل في ملكوت الله.....................
دخل راكان ولا حس عليه:مسه بالخيــر
فيصل:....................
راكان ضربه على كتفه:بوالشبـــاب ويـــن مسرح فيه
فيصل ألتفت عليه بعدين رجع يناظر مكان ماكان يناظر:هلا راكان
راكان يتهزء فيه:هلا راكان..وشفيك طالع بالبلكون وانت بهاللبس ماتحس بالبرد انت لعنبو بليسك ترانا بالوسم نجم سهيل ليله بارد ,تبي تموت انت
فيصل بضيقه:يوووه راكان اسكت واللي يرحم والديك
راكان شق الإبتسامه وقام يرز نفسه:فيصل
فيصل بدون نفس:نعم,
راكان:أحم أحم باركلي خطبت بنت جيراننا ووافقت ابشرك
فيصل ألتفت عليه:صدق عالبركه ان شاء الله
راكان فرحان:الله يبارك فيك,عقبالك عاد
فيصل عصب وألتفت عليه:شايفني عزابي اللحين,هييه تراني متزوج
راكان ناظر حوله بالمكان ورجع يناظر فيصل لبسه وشكله وحاله:إلا والله شايفك عزابي وحالتك حاله,لعنبو بليسك ملكت مرتين وطلقت مرتين وكلهن بدون دخله وش عندك انت وش هي مشكلتك بالضبط
فيصل أخذ نفس عمييق:أحب أصحح لك معلومه تراني رجعت الأولى,أما مشكلتي مدري بصراحه....
راكان:مدامك رجعتها وشو له جالسٍ هنا ورى ماتعرس عليها ياخوك وترتاح من هاللخبطه اللي انت عايش فيها.
فيصل بضيقه:المشكله,اني رجعتها غصب عنها,قبل تخلص العده بليله وحده بسس,
راكان عقد حواجبه مستنكر:أفاا ماتبيك
فيصل عصب بوجهه بكبر وغرور رفع نبرة صوته وحدها:أنا مــافيه وحده ماتبيني,بس...بس ..يمكن مجروحه
راكان عفس وجهه:ياخي وش ذالكبر اللي انت فيه ارحم نفسك ترى مامدهورك إلا الكبر,بعدين مدامها تحبك مثل ماتقول ورافضتك عشانك جرحتها ,داوي جرحها
فيصل يفكر بكلامه بعمق"راكان صادق بس كيف":................
راكان يكمل:إيه وأنا أخوك عالج أمورك ولاتكااابر ترى الحب وأنا أخوك يبي تضحيه ومافيه شيء أسمه كرامتي وكرامتك وكبريائي ومكانتي,ترى هالأمور هي اللي تقتل الحب صدقني,
فيصل بنص عين التفت:راكانووه,من وين لك هالحكم يالحكيم
راكان ببتسامه^_^:من مجله قريتها البارحه ههههه...لا جد يافيصل انا أبي مصلحتك بعدين ياخي شوف حالك شوف شكلك بالمرايه لعب فيك الدخان ومنحفك,, أتركه عنك,شوفني بطلته الحمدلله.
فيصل رجع يسرح مره ثانيه:..............
راكان:يله بو الشباب تشااو,,,سي يو,,بااي....يعني مع السلامه ههههههه
{طلع}
فيصل ابتسم وسرعان ما أختفت الإبتسامه,ناظر بالسيجاره بيده,وطل مع البلكونه ورماها,
{مسك الجوال ودق على الدكتور المشرف على علاج أسيل,بما أنه اليوم ماراح للمستشفى,خوفاً على نفسيتها مثل ماقال الدكتور}هلا دكتورسالم
الدكتور سالم:مرحبا اخ فيصل
فيصل:حبيت أسألك عن زوجتي كيف حالتها اليوم؟
الدكتورسالم:ليش ماكنت موجود
فيصل ماحب يقوله وش القصه:لاوالله...أنا مسافر
الدكتور سالم:عالعموم كتبت لها خروج,لأنها ألحت علي ووافق العم محمد عالخروج تحت مسؤليته..وطلعوا اليوم العصر
فيصل:طيب مشكوور دكتور مع السلامه...(معقوله يطلعون ولا يعطوني خبر والساعه اللحين 10ولا حتى دقت عمتي تطمني ولا فطوم...آآه يا أسيل لو أنك قلتيلي عن حملك لأترك الدنيا عشانك)
{تخيل نفسه وهو أب}(خساره كنت راح أصير أب خلال كم شهر)إلا أنا اللي خسرت نفسي ما أستاهل..
{تذكر حال أسيل لمن كان يقابلها بعد ماتركها,}ياترى كيف كنتي تقضين أيامك (حزينه كئيبه)يعني لمن كنت أقابلها كانت بذيك المرات حامل وأنا ماحسيت فيها,
{تذكر شكلها أخر مره واللي بعدها سقطت ,كان شكلها يااخذ العقل بالقميص الواسع,كان شكلها متغير,بس ذيك اللحظه الشيطان ماخلاه يدقق بهالأشياء}الله يلعنك يابليس,,وأيمن هذا بوريه شغله هالخكري

((((((((أنتهى الجزء الساابع والثلاثووون)))))))