[فيتامين سي]

الجزء الثاامن والثلاثوووون.....,

.,.,.[أيـــام غـريـبـه عـلـى أرض الـحـب].,.,.

وهذا قرابة اسبوعين راحت على الأحداث السااابقه......كان عزز الشتاء..............,
البيت الكبير:
الشايب بالصاله جالس ويتابع هالتلفزيون,بس شكله متلعوز:فطووووم يا فطوووم
فاطمه كانت بالمطبخ جته مسرعه:لبيــــه تقولها فطووووم خير جدي وش عندك؟
الشايب:لبيتي حاجه وانا جدك,بس يابنتي غيري ذالقناه عورني راسي وأنا أتابعها حطي العربيه خلنا نشوف الأخبار,يمكن يقولون علوم الأمطار
فاطمه:هههههه قصدك القناه الأولى,,,
الشايب:إيه القناه الأولى حطيها نبي علوم المطر,اليوم ماشاء الله نزلت امطار ويقول بوسعود ان الديره سالت وديانها
فاطمه:الــله ياجدي.. بوسعود ذا نفسي اشوفه مع هالديره اللي مارحنا لها من عشر سنين
الشايب:ههههه خلاص بتروحين لها,,وافقي تزوجين سعود ولده وأسكني هناك
فاطمه:هههه موافقه يبه بس أنا بشوف الديره والله العظيم اني أشتقت لها.
الشايب بلهجه جديه:يعني أكلمه اللحين واقول عطيناكم,ويوم الخميس الملكه
فاطمه:هههههه,مواافقه عطهم
الشايب مد جواله عليها: أجل دقي رقم بو سعود اسمه بالقائمه وعطينيه اكلمه وأقوله
فاطمه:جدي انت تقوله صادق وإلا تمزح
الشايب:إيه هالمواضيع مافيها مزح
فاطمه:هههههههه لاياجدي دام مافيها مزوح باخذ بوسعود نفسه هههههههه
الشايب:فطوووم بلا لعب السالفه عندي صدق
فاطمه:هههههه وأنا عندي السالفه مزوح تجي وتروح هههه الله يصلحك ياجدي تبيني أتزوج سعود بوراس ماغيره هههههه
الشايب:ووش فيه سعود رجال وكفو
فاطمه عياره:ههههه جدي انت ماتشوف راسه شكبره حتى خوانه يسمونه بو راسين لا وكله فلقات ههههه
الشايب:وأنتي وش شوفك راسه
فاطمه بهبالها: هههههه يومنا صغار كنا نتضارب وكنت انا ونصور ولد عمي هادي نغلبه دايماً خبرك أنا وناصر خبره بالنبيطات وعندنا قدرة تصويب خارقه هههه فكنا مركزين على راسه اللي كان صيد سهل والسبب كبره ههههههه
الشايب متفاعل معها:مع نصور هاااه,يعني غثاكم على الناس كلهم فالديره والرياض ,...وأنا أقول أهل الديره وش بلاهم يرتاعون لاقلنالهم ترانا بنجيكم,أثاريهم خايفين على بزرانهم منكم
فاطمه فطست ضحك:ههههههههههههههااي
مزنه نزلت من فوق:فطووم روحي لأسيل.
فاطمه:هههه طيب عمه..باي جدو,,بس لاتعلم باللي قلتلك خله بيني وبينك ههههه..
{راحت}
الشايب:مهي بمشكله ههههههه
مزنه:ههههه عورت راسك بهذرتها
الشايب:هههه إلا وسعت صدري ياحليلها هالبنيه
مزنه: عسل الله يرزقها بالنصيب الصالح امين
الشايب:أمين
(((
.
,
.
,
.
,
.
/
,

بيت بورائد:::
رزان جالسه تكلم بالجوال:وينك ماتتصل ولاشيء شدعوه اسبوعين ما نسمع صوتك
رائد بالجوال:أدري اني مقصر بس ماعليه كلها شهرين وأجيكم اجازه أسبوع
رزان:يالظالم اسبوع وحنا من رحت ماشفنا وجهك اتق الله فينا ياخي
رائد:خليها على الله,المهم اخباركم واخبار زواجك اللي قرب هاه كل شيء تمام
رزان:كــل شيء تمام بس فيه خبر يهمك تعرفه بس مدري يفرحك وإلا يزعلك
رائد بدون اهتمام:وشو هالخبر يعني
رزان:هذا ياحبيبي يقولك عـــاشقه بنت جيراننا تطلقت قبل تزوج,وش رااايك
رائد بيطير من الفرحه:وشو متى
رزان:من 3اسابيع تقريباً
رائد:وتوك تقولين,حراام عليك,,رزونه أنا من اول طياره على الرياض عندكم
رزان:واللــــه هماااك تقول بعد شهرين وبتقعد بس اسبوع
رائد والفرح بصوته:اااسمعيني قولي لأمي تكلمهم من الليله وبكره انا ما راح انام إلا وخاتم خطوبتي بعاشقه بيدي سمعتي..يله مع السلامه ابي اتصل واحجز
رزان ماقدرت تاخذ منه لاحق ولا باطل:اوكيه مع السلامه ......أستخف هالولد مالت على زوجي اللي من اسبوعين ماسمعت صوته وهو بالدمام.
((((
.
,
/
.
,
.
/

بيت بو محمد:
ثنيناتهم واقفين عند النخله بالحووش,
{الجو باارد برد الرياض مايرحم وتو الشتاء يبتدي}
مها متكيه على النخله بكتفها ساكته والهوا يلعب بشعرها,وشكلها بردانه:....
تركي واقف قبالها وحاط يديه بجيوب جاكيته:اففف منيره اختك هذي متى بتجي
مها ابتسمت بخجل وهي ساكته:.......
تركي!!:مهاا وش فيك تبسمين انا اسألك
مها ناظرته وهي تبتسم:لأنك كل ماتجي تقابلني إلاوتسألني هالسؤال
تركي وعيونه كلها شوق:وأنا معذور,أبوك يسكتني ويخليني أقابلك بالبيت,يعني شلون نقعد مخطوبين اربعة شهور لين تشرف أختك وزوجها
مها استحت:وش الفرق حتى لو ملكنا راح أضل ببيت اهلي وأنت ببيت أهلك مافي فرق.
تركي ويلين نظراته :لا حبيبتي فيه فرق,وقتها باخذ راحتي وتصيرين لي رسمي,وأقدر أخطفك معي متى مابغيت
مها مشت قدامه خطوتين مسويه خايفه وكله دلع,ولفت كنزة الصوف عليها البرد قارس, وبصوتها الناااعم:يمممه تخطفني,ياخطـااآاف<<<{مدتها بدلع}
تركي انهبل من دلعها قام ومسكها مع كتوفها:والله شكلي بخطفك اللحين
مها فكت يديه بدلع وأبعدت عنه:هههه أتحداااك تخطفني
تركي بنظرات خبث:شكلك تبيني أخطفك جد,
{وشالها}
مها خافت جد :روكي حبيبي سحبت التحدي, نزلني
تركي نزلها:هههههه ياخواااافه ههههه
مها أبعدت خصل شعرها ورى أذنها وصدت عنه ومدت بوزها مسويه زعلانه:
تركي :هههه شفيك ياقمر
مها وهي ماده بوزها:روح وراك لاتكلمني مزاعلتك
تركي:تعالي أنا بسألك انتي بكل حالاتك حلوه وانتي تعبانه حلو وانتي تضحكين حلوه وانتي قايمه من النوم حلوه ..حتى وانتي زعلانه بعد حلوه,لا هذا كثير عليه أخاف أحسد نفسي.
مها لفت عليه وقربت لين وقفت عنده وحطت يديها على صدره متكيه عليه بحركه رومانسيه وعينها بعينه:والله أنا إللي خايفه أحسد نفسي عليك وسعادتي معك..
تركي ذاب منها مسك يدها اللي على صدره وباسها بكفها:الله لايحرمني منك ياقلبي
مها تكت راسها على صدره :اميــن ولا يحرمني منك ياروحي.

أم محمد تناظر من الدريشه..وعلى حركاتهم الجريئه...لفت تناظر بو محمد وهي خايفه:بو محمد
بومحمد: هلا ياساره وش عندك
ام محمد:أنا طلبتك قل تم
بو محمد:تم بس وش طلبك
ام محمد:تكفى سو ملكة تركي على مها هالأسبوع
بو محمد:بسس
ام محمد:بدون بس..أنا قلت ملكه بس..شيء رسمي عشان الحلال والحرام ياابن الحلال والله مايصير اللي حاصل هذا..
بو محمد سكت يفكر...:خلاص بناديه وبقوله اللحين...
ام محمد ارتاحت:أشوى اللحين ارتحت وتطمنت على بنتي
(((
.


بيت بوعادل...:
ام عادل:ياهلا بأم رااائد زارتنا البركه والله...
ام رائد:اللـــه يباارك فيــك.أخبااركم وعلووومكم
ام عادل:تمااام والله
ام رائد:يوه يا أم رائد ما أشوف عاااشقه وينها,خلها تسلم
ام عادل: (جايه تشمتين اكيد),عاشقه بتجي اللحين,,كيفك يا رزان يابنتي
رزان ببتسامه:بخير خالتي
دخلت عاشقه تبتسم وعاادي:السلام عليكم.
الكل:وعليييكم السلااااام
ام رائد:كيفك عاشقه,
عاشقه ببتسامه هاديه:الحمدلله خالتي
أم رائد نغزت رزان:
رزان فهمت عليها,وهمست لعاشقه اللي جنبها:عااشقه شرايك نخلي الحريم ونروح نتمشى بالحوش حقكم
عاشقه:يله مشينا.......
{وراحوا}
أم رائد: زييين اللي راحوا البنات يا أم عادل
أم عادل خافت:خير يام عادل عندك شيء تبين تقولينه
أم رائد ببتسامه:إيييه,حنا سلمك الله,نبي بنتكم عاشقه لولدنا رائد,هاااه شقلتي
أم عادل فرحت من داخل,(غريبه كنهم ماصدقوا على الله تتطلق):أنا ما أقول شيء الكلام كله عند عااشقه وأبوها,
أم رائد,:مدام كذا,شاوريها وشوفي ردها,وكلمي ابوها,عشان نجي رسمي ويجي بو رائد,وإذا الله وفق ,بتصير الملكه بيوم الخطبه الرسميه
أم عادل:خيـر ان شاااء الله..
,

رزان بعد سوالف,ترددت بعدين نطقت:عاشقه شرايك برائد أخوي
عاشقه أستغربت!:من أي ناحيه
رزان:شرايك فيه كزوج؟
عاشقه وهي فاتحه عيونها عالآخر!!:زوووج!
رزان:إيــه, وش فيييك
عاشقه سكتت تستوعب وبعدين تكلمت:شوفي أنا ماقد سمعت عنه شي موزين,الكل يشكر فيه,بسس...
رزان:بس إيش وش راايك فيه,.. أتمنى توافقين,لأننا ماراح نلقى أحسن منك لرائد,
عاشقه طرى ببالها سؤال:إلا رزان بقولك رائد أخوك ليش للحين ماتزوج ماشاء الله اللي بعمره أطفالهم عمرهم 3سنوات واكثر.
رزان:لأنه كان يحب وحبيبته تركته,وترى هذا سر,ماأحد قد درى به برا العايله غيرك..
عاشقه عقدت حواجبها مستنكره:طيب ليه اللحين تزوجونه,شمعنى؟
رزان ببتسامه :لأنه ببساطه حبيبته رجعتله
عاشقه مافهمت:رجعتله!!!!!
رزان:ههه إيييه أنتي يالخبله,يحبـــك ولمن تزوجتي المره اللي راحت,حلف ماعاد يتزوج, ولمن قلتله عن اللي صار لك بغى يستخف من الفرحه,وجينا نخطبك, هااه موافقه ياأنسه عاشقه
عاشقه بقمة الذهول,معقوله في أحد بالعالم يحبها لهالدرجه وهي مو داريه, معقوله في أحد يعاني الحب من طرف واحد مثلي...!
رزان:هييه وين سرحتي,لاتكونين منتي موافقه,ترى والله يروح فيها اخوي
عاشقه رحمته,ماتبي أحد يتعذب زيها,أبتسمت:لا بسم الله عليه أنا موافقه
رزان نطت من الفرحه,
{مسكت الجوال ودقت على رائد بسرعه}...
عاشقه استحت:رزونه وجع لاتدقين عليه
رزان بفرحه غامره:واللـــه لأدق عليه وأعلمه,هو اللحين على نااار..
{حطته عالسبيكر}
رائد بصوت كله ترقب:هلا رزان بشري
رزان وهي تناظر بعاشقه ببتسامه,وتغير صوتها:للأسف يا رائد,رفضت
رائد وكأنه سامع مصيبه:لاااااه,رزونه انتي اكيد تمزحين صح؟
عاشقه كاتمه الضحكه وهي تسمع,بس مستحيه وخدودها مورده:.....
رزان :صدق يا رائد,هالأمور مافيها مزح
رائد زعل وانخنق وسكت:..........
رزان:رااائد,وين رحت خيرها بغيرها حبيبي بكره تتزوج أللي احلى منها
رائد بصوت مخنوق:المفروض تعزيني ماتقولين لي هالكلام,أنتي ماتدرين أن قلبي يحتضرمن يوم ملكت على غيري,لكن الظاهر الليله "ليلة وفاته",مافيه أحد مكان عااشقه خلاص يا رزان أنا ضعت رسمي
عاشقه نزلت دمعتها كلامه يدخل القلب,وهي تأشر على رزان قوليله موافقه :...
رزان تكمل مقلبها:وش تبي بها, ماهي بحلوه وثقيلة دم
{ساده فمها بيدها تكتم الضحكه}
رائد بصوت هاايم يدل على قلب عااشق:هي بعيني ملاااك
عاشقه حمرت خدودها,وصدت عن رزان لاتشوفها وجسمها تحسه مولع ناار بعز الشتاء:
رزان:طيب وإذا قلتلك أنها مواافقه وش راح تقووول
رائد تغير صوته 180درجه:بربــك يارزان,حبيبتي وافقت
رزان تناظر عاشقه,بنص عين:إيه موااافقه افرح ياعم مبرووووك
رائد تلعثم من الخبر وطارالكلام:الله يبااارك فيك رزان مع السلامه,انا اللحين, بحاله فرح هستيريه سكري ولاجيتي البيت كملي اوكيه رزونه
رزان:أوكيه باي.
{سكرت الخط وناظرت عاشقه}هاااه عرفتي قدرك يالدبه
عاشقه مستحيه,بس تسوي نفسها ماتأثرت:مااالك دااعي عالمقلب
رزان بنص عين:لاااااه مالي داعي هاااه, شكلك حبيتي هالمقلب هههههه
عاشقه والخجل ماكلها:تعالي ندخل جوى بردنا هنا..
رزان:ههه ابوووك يالعذرر
((((
.
,
.
.
,
.
,
.
,
البيت الكبيــــــــــــــــر:::
الصبـــاح..,الساعه 6 الصباح...............
مزنه جايبه كوب وواقفه عند سرير أسيل:أسيـــل قوومي يابنتي
أسيل مسويه نفسها نايمه وماتسمع ماتبي تشرب هاللي جايبته:.....
مزنه: أسيل أدري انك صاحيه,لاتسوين مثلك كل يوم,يله بلا دلع قومي أشربي منقوع الزبيب,
أسيل رمت البطانيه وجلست,مسويه بنوته صغنونه ومدت بوزها:افففف مااابي مااابي
مزنه جلست على طرف السرير وهي تحاول تسحب الغطا:عن الدلع وأشربيه ,يله,كل يوم بترفعين ضغطي كذا
أسيل جلست وهي تتقزز منه وعابسه وجهها:عمممه ماأحبه
مزنه:وأنا ماقلتلك حبيه قلتلك أشربيه,خليه يعوض هالدمان اللي فقدتيها,
أسيل مدت بوزها :طيب خليه هنا بشربه إذا رحتي
مزنه:ههههه أدري بتكبينه بالمغسله,بس ماني مخليتك ليييين تشربينه كله
أسيل أخذته منها,وسدت خشمها وشربته مره وحده ووجهها معتفس:هااه ارتحتي اللحين,
مزنه ببتسامه:إيــه أرتحت,يله عن أذنك كملي نوم...
{طلعت وسكرت الباب}
أسيل حاولت ترجع تنام ماقدرت:أفف طار النوم,
{سمعت صوت المطر برا,فرحت وراحت تطل من الشباك,دخلت جو هالمطر يذكرها بلندن اللي قضت احلى ايام عمرها فيها مع امها وابوها,أبتسمت ونزلت دمعتها,فتحت الشباك ومدت يدينها للمطر لمن تبللت,خلت الشباك مفتوح وراحت تمشي بالغرفه طفشانه}أففف كم لي أسبوع وأنا حابسه نفسي هنا,عشان ليه,أنا لازم أطلع وأواجه الناس,مااعلي من أحد وفيصل ماعلي منه راح يزهق ويطلقني,إذا عرف اني مابيه ومستحيل ارجعله
{عورها قلبها,من طاري فيصل} أنا مو لعبه بيديه,كفايه انه حرمني من ولدي {تذكرت حملها,وتحسرت على خسارته} آآآه أبيــك ارجع لأمك ياحبيبي ليتني أموت عشان أشوفك ياقطعه مني آآه أشتقتلك..{بكت}
,,,,
.
,
.
,
.
,
.
,
.

{رن جرس الباب}
فاطمه:كـــــــــــــاااام� �ـــــــه افتحي البــاااب
كامله:زيييييييييين زين........
{أفتحت الباب}
دخلت ام نهار:السلاااام عليكم
كامله:عليكم سلام
ام نهار ومعها بنيه صغيره:كااامله شلونك وين عماتك
كامله:مدام جوى.... مدااااااام
جت فاطمه شاقه الإبتسامه:يــاااهلاااا بأم نهااار حيااللله هالشووفه
أم نهار:الله يحيييييك,
فاطمه:ياحلوووهالصغنووونه,
{شالتها وبوستها}من هذي خالتي ام نهار كم عمرها
أم نهارببتسامه:هذي شيووخه بنت نهارعمرها 3سنوات بخليها عندكم خبرك ابوها طلق أمها وهي رمتها علينا وانتوا عاد تحملوها لين نخلص مشوارنا انا وعمتك خلوها عندكم ماعندي بالبيت غير الشغاله وخايفه اخليها لحالها معها تراها هاااديه وما تخرب
فاطمه ذبحت البنت من كثر ماطسمتها:ياحلو البنت حلواااه,خلاص تفضلي خالتي اقلطي وأنا بروح انادي عمتي وبروح بشيوخه معي لاسيل.
أم نهار:طيب بس قولي لعمتك مزنه لاتتأخر
طلعت مزنه ومعها عبايتها:انا جيت خلاص,
أم نهار: زييين ماتأخرتي هالمره ,,مشينا...
{طلعوا}
,,

فاطمه فتحت الباب على أسيل بشويش,وهي شاقه الإبتسامه بشكل يدل انها مخبيه شيء وهي مخبيه وراها شيخه,:أسيـييــل.
أسيل واقفه عند المرايه تعدل بنطلونها الأبيض برمودا ناويه تطلع من الغرفه ألتفتت عليها:خييير وش عندك تبسمين كذا شكلك عندك شيء
فاطمه طلعت شيخه من وراها:شوووفي وش معي...بـزر يا أسيل بـزر
أسيل جاها حنييين,وتذكرت انها قربت تصير ام بس ماكتب هالشيء,أبتسمت ونزلت دمعتها وهي تنزل لشيخه,وتبوسها: اللــــه بنوته,,حبيبتي وش أسمك
شيخه صوتها بالياله ينسمع,مستحيه وأصبعها في فمها:شيوخه
أسيل بغت تاكلها من حلاتها,ضمتها بكل قوه:ياحلو شيوووخه..
{أمتلت عيونها دموع,وقطرت}
فاطمه تأثرت ونزلت دمعتها ومسحتها:أسيل انتي لابسه شكلك ناويه تطلعين من الغرفه
أسيل شالت شيخه:إيه ناويه زهقت خلينا نطلع برا بساحة البيت ابي اشم هوا يله مشينا
فاطمه ناظرتها بإستغراب:بتطلعين كذا؟!!!
أسيل لابسه برمودا ابيض بحزام زي السلاسل الدائريه وبدي لونه بحري ماسك على جسمها,وفاكه الشعر هاى طوله عادي ومفير من تحت,وظل بحري خفيف وعدسات زرقا وروج بناتي حلو وكعب بس موعالي كله اسلاك ابيض ماركة شانيل وأساور عريضه ابيض وبحري,والعطر فواح,ناظرت أسيل نفسها وش فيني,لبسي مو حلو
فاطمه:مو قصة مو حلو بسس برد برا
أسيل مشت من قدامها بدون اهتمام وهي شايله شيخه:يابنت الحلال بلا برد بلاهم,تعالي نطلع بس...<<{ناويه على حركات تمرد على فيصل وقررت تبدأ فيها اليوم..}
فاطمه تبي تقول مايصير تنزلين كذا بس خافت تعصب عليها وتتأثر وهي ماصدقت على الله روقت,طلعت وراها:..
,,,
.
,
.
,

بالمؤسسه..:
فيصل طبعاً قرر فصل عبدالرزاق,واللي بقسمه كلهم,,,وعين بدالهم...بعد ماسمع كلامهم ماعاد يبي يشوف وجيههم بالمؤسسه....,
فيصل ناظر بالساعه:أقول راكان الساعه 3ونص وش رايك تروح معي البيت ونكمل سوالف,وقهوه مبهره بالهيل وحركات
راكان قام:لااا ما أقدر بصراحه عندي موعد مهم مع مهندس الديكور ,خبرك استأجرت بيت وناوي أأثثه,بعد العرس وحددنا موعده بعدما ولله الحمد حن علي ابوي وتوسط لي عند خويه يوظفني بالوزاره.
فيصل:ههههه طيب بكيفك ومتى ماخلصت مرني
راكان:مو مشكله متى ماخلصت يحلها الف حلاال,عن أذنك
فيصل:أذنك معك ........
{قام فيصل ولم اوراقه ودخلها الدرج وطلع وسكر مكتبه ,اتصل بفاطمه وهو بالسياره}الوه السلام عليكم
فاطمه بالجوال:وعليكم السلام
فيصل:فطوم انا جاي بالطريق أبي قهوه مبهره صح ومضبووطه اوكيه
فاطمه:أوكيه طلب ثاني عمي
فيصل:هههه لا مافي,بس ماتخلى الدعوه من الحلا
فاطمه:ههه طيب طيب
فيصل: يله بااي.................
,,,
.
/
,
.

فاطمه جالسه على الدرجه اللي عند الملحق ومحتاره,وهي تناظر أسيل تلعب مع شيخه (ياربي كيف أقولها ان فيصل بيجي,مابيها تقابله أخاف تنتكس حالتها) طيب كيف اخليها تدخل بدون ماتحس اني اصرفها,,والله ورطه.
أسيل لاحظت فاطمه مسرحه من بعيد:فطووووم تعالي ألعبي معي انا وشيخه كوره
فاطمه قامت وهي متردده:لاا عندي شغل بروح أسويه وأرجع لكم,زين
{دخلت علطول وماعطت اسيل فرصه تسألها عن الشغل}
أسيل:غريبه وش فيها متلخبطه كذا...
شيخه بصوت طفولي يجنن:ماما
أسيل كانت تناظر لجهة فاطمه,سمعت كلمة ماما وذاب قلبها,ألتفتت على شيخه وعيونها تلمع:عيدي اللي قلتي ياحبيبتي
شيخه بدلع البنوتات:مااامااا
أسيل ضمتها فرحاانه بهالكلمه ودموعها تنزل:ياحياااتي انتي,تعالي نكمل لعب يله
شيخه مبسووطه مع أسيل:يلللله.....
{وبدو يلعبون ويركضون ورى الكوره }
,,,فاطمه بالمطبخ تجهز القهوه لفيصل وتحاتي:الله يستر من اللي بيصير اللحين إذا دخل فيصل,,خلني أجهز الإسعافات الأوليه,المثل يقول جهز الفلقه قبل الدوا قصدي الدوا قبل الفلقه,شفيني قمت ألخبط,الله يستر من هاللخبطه....
,,,

شيخه شاتت الكوره عالي شوي ونشبت فوق الشجره:..
أسيل:ليييه ياشيوخه حنا ماعندنا غير الكوره,شلون بنلعب اللحين بدون العاب
شيخه تهز كتوفها ببراءه:أبي الكوره
أسيل تناظر فوق الشجره بإحباط:لا خلاص بندور غيرها,مممم نروح نشوف فيلم كرتون,يله
شيخه زعلت ووقفت عند الشجره:لاااا ياماما,ماابي "ابي الكوره"
أسيل تورطت وهي ماتقدر ترفض لها طلب وهي تقولها "ماما",ضعفت عند هالكلمه, تحمست: خلاص شيوخه راح أطلع الشجره عشانك وأجيبها,بس الله يستر عمري ما طلعت اشجار قبل كذا
شيخه أستانست:يله يا ماما
أسيل عضت على شفايفها وشدت همتها تبي تصعد الشجره,وارتفعت شوي: يوه شكل الدعوه موهينه زي ماكنت متخيله,
شيخه متحمسه:يله يماما بسرعه
أسيل وهي تصعد:أنا مامعذبني إلا هالكلمه بس معليه الأمومه تضحيه هههه,طيب شيووخه ادعي لي
شيخه مافهمت عليها,وقفت تطالع أسيل وهي تصعد لمن وصلت فوق وصاحت:هيه ماما هاتي الكوره.
أسيل:هههه والله مانتي بسيطه يا أسيل
{أخذت الكوره ورمتها على شيخه} أخذيها بس لاعاد ترمينها عالي طيب
شيخه مسكت الكوره:طيب ماما بس أنذلي
أسيل تذكرت انها جالسه فوق الشجره ناظرت الإرتفاع داخت:هااآاه,أنا شلون بنزل اللحين
شيخه بإلحاح:مااماا أنذلي خلينا نلعب
أسيل تورطت:ياالله أنا شلون بنزل اللحين لاحووول,أححح ذبحني البرد
شيخه بنظرات براءه:؟؟؟؟؟؟
أسيل حاولت تنزل بس ماعرفت,قعدت مكانها:شكلي بأنتظر فطوم لمن تجي.
بهاللحظات انفتح الباب ودخل فيصل بسيارته,اللي نادر مايدخل بها البيت,وتسكر الباب بالريموت:,,
أسيل شافته وهي بقمة غضبها :هذا وش جايبه هالوقت
{تذكرت انها عالقه عالشجره} يافشيييلتي بيشوفني كذا,اففف وأنا لازم اركب هالشجره يعني
{كان ودها الأرض تنشق وتبلعها ولا يشوفها فيصل عالقه كذا}
فيصل نزل من السياره بهدووء لاحظ البنت الصغيره عند الشجره وشكلها فيها شيء نزل النظاره السوداء وسكر باب السيااره:.............................
((((((((((أنتهى الجزء الثامن والثلاثوووون))))))))