[فيتامين سي]

الجزء الأربعوووون
والأخيييييييييير.....,

فيصل وقف شوي يقوي قلبه مايبي يلتفت لفوق,طلع وراح وقف عند باب السياره مد يده بالمفتاح يبي يفتحه,,راودته نفسه انه يناظر لشباكها يبي يشوفها لو لمحه قبل لايركب السياره ويبعد,,
أسيل وقفت وعينها عليه, ألتفتت من بعيد فيه سياره جايه مسرعه,انهبلت على فيصل اللي واقف ولاتحرك كنه مايشوف السياره,صرخت:فيييييصل انتبه السيااره انتبه..
فيصل بالياله سمعها ألتفت عالسياره اللي اجهرته بنورها وتفاجأ فيها حط كف على عينه يبي يشوفها وما أمهلته.............
أسيل صرخت وهي تشد بشعرهابجنوون:لااااااااااا� �ااااااااااااااااااااا
{وغابت عن الدنيــــــاا من قوة الصدمه عليها أغمي عليها....}
,,
.
,
.
.
,/

/
.
/

بعد 3أيــام.....,
بغرفتها وقت العصر الحزن مخيم عالكل::
فاطمه جالسه عالأريكه تبكي,وتمسح دموعها....
أسيل مغمى عليها من البارح محد قدر يصحيها,
مزنه دخلت وهي تمسح دموعها ومعها ام محمد:
ام محمد:مابعد صحت أسيل للحين؟؟؟
فاطمه:لا ياقلبي للحين
مها دخلت وهي تبكي,وجلست تبي تواسي فاطمه:غمه وتنزاح ان شاء الله
ام محمد:كيف صار الحادث
مزنه تبي تتكلم:ا....
أسيل قامت وهي تتمتم بأسم فيصل :فيصل انتبه....فيصل حبيبي السياره جتك..
{صرخت} فييييييصل..{وبكت}
جت فاطمه وجلست جنبها وهي تهديها:بسم الله عليك بسم الله عليك..أسيل سمي
{بكت}
مزنه حاولت تبعد فاطمه لأنه تبكي:وخري عنها لاتزيدينها.
أسيل شافت فاطمه تبكي خافت:فيصل وينه؟ ..وين فيييصل تكلموا؟ ويييينه.؟...
أم محمد تبي تهديها: بخير بخير ياقلبي ماعليك
أسيل استغربت وجود ام محمد ومها هالوقت:إذا كان بخير انتوا ليه جيتوا هااه قولوا ويـــن فــيــصـل,
أم محمد:بخير يابنتي
أسيل ودموعها على خدها:طيب وينه إذا حي جيبوه لي ابي اشوفه بعيوني الله يخليكم
{ناظرتهم بنظرات ترجي وهي تبكي} قولوله اني ابيه قولوا له أني أحبه لايبعد ويتركني قولوله لايموت ويخليني لحالي الله يخليكم..
مزنه: يابنتي فيصل مو هنا عشان تشوفينه
أسيل بكت وهي تسد أذانيها بيدها ماتبي تسمع مواساه ماتبي غير فيصل:شفتوا انكم تكذبون,فيصل مات قلبي مااات آآآآهـ لاااا آآآهـ
{بكت}
فاطمه ماعاد تتحمل,أخذت جوالها وطلعت تبكي برا, وصلت الدرج ووقفت شوي وبعدها نزلت ببطئ وعيونها غرقانه دموع,وهي تناظر بالجوال كنها تبي تتصل بأحد,وفعلاً طلعت رقم ناصر تبي تدق عليه ..ولكن....
بنص الدرج,وقفت بعد ماسمعت أصوات.!!!!!!
أنفتح الباب ودخلوا ناصر ومحمد وعادل ومعهم فيصل شكله مكسر ومسند على ناصر وعادل,
عادل:طهور ان شااء الله يافيصل
فاطمه نست الرجال,وهي قلبها مع فيصل..تحركت شفتيها بتبكي:فيييصل
...كلهم صدوا ...
محمد:الحمدلله على سلامته يافاطمه..يله يا شباب طلعنا للشيبان بالملحق وخلو فيصل يرتاح
{طلعوا كلهم بعد ماجلسوا فيصل عالكنبه بالصاله}

فاطمه نزلت تركض له وضمته وهي تبكي:سلامات ياعزوتي سلامات
فيصل مكسوره يده ومجبره وفيه جرح بجبهته وبعض المشوخ بجسمه بذراعه الثانيه,كان صوته بالياله يطلع من الرضوض اللي فيه:الله يسلمك
فاطمه بلهفه:الحمدلله ماانكسرت رجلك
فيصل تأثر من تأثر فاطمه وعيونها اللي منتفخه من البكى:لا..بس يدي..تطمني
فاطمه بكت وهي تشوفه بالجبس:يلبى قلبك,ماتشوف شر يالغالي
فيصل ببتسامه متعبه:لبى قلبك انتي,والشر ما يجيك ياروح اخوك
مها نادت فاطمه من اعلى الدرج:فاااطمه
فاطمه تذكرت أسيل:طيب طيب يامها جااايه
فيصل:مها وامها هنا!!..,ليه؟
فاطمه ابتسمت:تدري ام محمد راعية فزعات
فيصل ابتسم بألم وسكت:...
فاطمه قامت:فيصل يله قوم بسرعه
فيصل؟!ناظرها بإرهاق:وين؟ أنا تعبان
فاطمه:لغرفتك ياالخبل انت مكسر والمفروض انك ماتفارق سريرك
فيصل صد :لا أنا بروح لفندق مـ...
فاطمه قاطعته وسحبته ومشت ماعطته فرصه: اقول تعااال بس
وصلوا فوق,فيصل شافها موديته لغرفة أسيل:هييه بنت انهبلتي انتي وين موديتني
{وقف مكانه}فااطمه
فاطمه :ياخي انت ماتفهم أسيل من صار لك الحادث وهي ماتصحي مغمى عليها وإذا صحت تبكي وهي تقول جيبوا لي فيصل حبيبي...ابي فيصل,هي مو مصدقه انك حي.. ذبحتنا يابن الحلال روح وريحها من هالعذاب
فيصل الدنيا مو سايعته ومومصدق اللي يسمعه:بذمتك يافاطمه
فاطمه:إيه وش فيك تقولها كذا كأنك نسيت أنها تحبك,أدخل بس طق الباب ترى فيه حريم جوى,وإلا أقول لحظه خلني ادخل انا ...
{فتحت الباب}جماعه تغطوا فيصل بيدخل
تغطت ام محمد ومها:....
أسيل انتبهت للأسم وهي تبكي وقفت مو متوازنه:مين قلتي؟!!
دخل فيصل كان يمشي بشويش جسمه يعوره وماسك يده المجبسه بيده الثانيه:السلام عليكم
الكل:وعليكم السلام
أسيل ماصدقت اللي تشوفه بعد هذيك الليله والحادث المروع,أختلطت مشاعرها وماصارت تنوصف نزلت دموعها,وهي تمشي بخطى ترقب ,ياترى انا احلم وإلا هذا فعلاً فيصل مامات:..
فيصل وقف وأبتسم لها وعيونه تنطق قبل لسانه:أسيل أنا فيصل شوفيني مافيني إلا العافيه
أسيل ابتسمت وسط دموعها وركضت وضمته بكل قوه,,,,بلحظات لاتوصف..وهي تضمه بقوه كأنها تقول ضمني اكثر ودفيني البرد في بعدك عذبني.. اختلطت دموع الفرح مع الحزن,
~~~~ لو قلت تبت وخاطري منك طاب..كذاااب,,,,
وإن قلت:أبيــك...." أرخصت نفسي بعيني "........~~~~

الكل تأثروا طلعوا بسرعه وتركوهم لحالهم وسكروا الباب وراهم....
فيصل حس انها تبكي من شهيقها وتناهيدها على صدره:أسيييل ليش البكى اللحين
أسيل ساكته وهي تضمه ومتمسكه فيه بقوه:فيصل تكفى لاتخليني لاتتركني فيصل الله يخليك كفايه لاتعذبني أكثر,فيصل أنا أحبك يافيصل تعرف شلون احبك يعني حياتي مابيها من دونك...من دونك مالها قيمه هالدنيا كلها..بليز لاتهجرني لاتتركني وتروح ...فيصل أنا بعد ماتكتني كنت عايشه بعداد الأموات..ولولا ولدك اللي كان ببطني يمكن كان قد متت من زمان....{زااد بكاها وهي تضمه اكثر}
فيصل حس برجفة قلبها على صدره وهي تضمه,خالطه شعور بالذنب تجاهها, ضمها بيده اللي مو مكسوره:ماراح اتركك ياحياتي لاتخافين انا معك لين أخر العمر,حنا مالنا غير بعض
أسيل ناظرت بعيونه وهي تبكي:وعد يافيصل
فيصل فك الشباصه أللي تلم شعرها فوق بشكل فوضوي ورماها ومسح على شعرها اللي يحبه بنعومه:وعد يا قلب فيصل
أسيل تذكرت حاجه:ضربته على كتفه اللي مو مكسور خفيف,وتتفقد وجهه وذراعه وباقي الجروح وكل جسمه:انت ليه ماتنتبه وانت بالشارع هااه,
{غصتها العبره} ياغبي بغيت افقدك بلحظه, حرام عليييك انتبه ثاني مره حبيبي,
فيصل بعيون تلمع:خفتي علي ياحياتي؟
أسيل باسته بخده وضمته اقوى:قربت أستخف وانت تقول خفتي
فيصل سكت وهو بقمة سعادته,مدام أسيل بحضنه ماعاد يبي شيء:أسيــل..
أسيل :رووح أسيل
فيصل وهو حاضنها بحنان:سامحيني ياحياتي غلطت بحقك كثيـر أنـ.....
أسيل قاطعته وحطت اصبعها السبابه على شفايفه:أششش لاتكمل,اللي فات مات مافيه عتاب كفااايه عذاب,أنسى اللي راح وأنا راح أنسى..كل منا أخطا ومن الليله انكتبت لنا حياه جديده مع بعض راح نعيشها ونعوض مافاتنا أوكيه حبيبي...
فيصل كبرت بعينه وماقدر يعبر:أحبــك
أسيل أبتسمت...........طرى عليها شيء وهي تضمه:حبيبي
فيصل ببتسامه:نعم حبيبتي
أسيل فكته بهدوء وناظرت عيونه ببتسامه بريئه:أنا خليتك واقف كذا..ماالي دااعي ..تعال نام وارتاح انت تعبان ياقلبي
فيصل دار بنواظره للغرفه.وأستقرت عينه بعينها!!:هنا؟؟!!
أسيل أستحت وهي تعض طرف شفتها من تحت:إيه سريري,لاتسوي فيها يعنني ماتعرفه..
فيصل قرب لها وعينه بعينها:وكييف ما أعرفه وأنا قضية فيه أحلى ليله بحياتي,
أسيل وببتسامه سااحره:وأوعدك الجايات راح تكون أحلى يا أقسى وأحن رجل بالعالم .
{سحبته ووصلته للسريروقربت الغطاء,وببتسامه حلوه}يله يماما أستريح وأنا رايحه أجيب لك شيء تاكله,أو تشربه..{مشت من عنده..
فيصل ذاب عالإبتسامه والدلع,سحبها بيدها وهي مقفيه بقوه وضمها لصدرها بكل قوه:وين راايحه أنا بعدك مابي شيء..مابي غيرك..خليك جنبي..أروي ضمى سنيني
أسيل دفنت نفسها بحضنه وهي مبسوطه من كلامه والدنيا ماعاد توسعها من السعاده وهي بقرب الحبيب:........,,,,,,,,,,,,


أَيَـظُـنُّ أنِّـي لُعبَـةٌ بيَدَيْـهِ ؟
أنـا لا أفَكِّـرُ بالرّجـوعِ إليـهِ

اليومَ عادَ .. كأنَّ شـيئاً لم يكُـنْ
وبراءةُ الأطـفالِ في عَـيْنيْهِ ...

ليقـولَ لي : إنِّي رفيقـةُ دربِـهِ
وبأنّني الحـبُّ الوحيـدُ لَدَيْـهِ..

حَمَلَ الزّهورَ إليَّ .. كيـفَ أرُدُّهُ
وصِبَايَ مرسـومٌ على شَـفَتَيْهِ ؟

ما عدْتُ أذكُرُ، والحرائقُ في دَمي
كيـفَ التجَـأْتُ أنا إلى زَنْدَيْـهِ

خبَّأتُ رأسـي عنـدَهُ ... وكأنّني
طفـلٌ أعـادوهُ إلـى أبَوَيْـهِ ..

حـتّى فسـاتيني التي أهملتُـها
فَرحَتْ بهِ .. رَقَصَتْ على قَدَمَيْهِ

سـامَحتُهُ.. وسـألتُ عن أخبارِهِ
وبكيـتُ سـاعاتٍ على كَتِفَيْـهِ

وبدونِ أن أدري تركتُ له يـدي
لتنامَ كالعصفـورِ بيـنَ يَدَيـْهِ ..

ونَسيتُ حقدي كُلَّهُ فـي لَحظَـةٍ
مَن قالَ إنّي قد حَقَـدْتُ عليهِ ؟

كَم قُلتُ إنّي غيـرُ عائـدَةٍ لـهُ
ورَجعتُ .. ما أحلى الرّجوعَ إليهِ


(((
.
,
/
/


بعد شهر.....كانت ملكة وزواج "ناصر وفاطمه" اللي الكل فرح لهم ...وبعدها بفتره بسيطه زواج تركي ومها اللي خلاص صاروا متعودين على بعض ومها كانت فالتها يوم العرس تضحك وتسولف مع تركي عالكوشه عااادي! والكل مستغرب...والله مـا كأنها عروس...وين الخجل؟! ومها معروفه بخجلها<<< مايدرون!!
وحضروا في كلا الزواجين....كل الأهل والأحباب.

,,,,
.
,
/
/
/
وتمر الأيـام

الليل...:

بعد العشاء...,الكل مجتمعين.ويشربون الشاي..
فيصل بمزح:ههههه هاللحين يافطوم حتى وحنا مزوجينك جايتنا تزعجينا وش جايبك عندنا اليوم
فاطمه بنفس المزح:هــيـه مــــاجيت ادورك..جايه لجدي
الشايب:هههه وانت وش دخلك تجي متى ماتجي هذا بيتها
فيصل:إيــــــــــــه الله لنا
فاطمه مدت لسانها تضحك عليه:هههههه
مزنه:فطووووم وجع
فيصل:هههههه تستاهلين ...
الشايب:المهم وش سالفتك يافيصل اللي جاين عشانها
فيصل:إيه تذكرت جدي عن أذنك أنا وأسيل ناويين نسافر,
الشايب:بكيفكم الله يسهل عليكم,بس ماقلتلي من بياخذ باله عالشغل بعدك
فيصل:نسيبي ناصر,خلاص نويت اخليه يشتغل معي بالمؤسسه نائب عني بعد هالتوسعات الكبيره ماعدت ألحق ياجدي,وناصر هو أكفأ واحد ممكن يعاوني
فاطمه تسمع وفرحانه..,
الشايب:زييين ناصر كفوو
فيصل بنص عين يطالع فاطمه: لو ماهو بكفو ماعطيناه بنتنا الغاليه فطوم
فاطمه أخذت المخده بجنبها ورمته فيها,وقامت تدور عباتها لأن ناصر على وصول:...
فيصل:هههههه ياحليلها تستحي فطوووم
مزنه:فصوول بسك احرجتها
فيصل:ههه الله ياعمه اثاري البنات يزيد حلاهم إذا انحرجوا,,وهذي فطوم من خطبها وتزوجها ناصر وهي منحرجه ومستحيه إلا إذا نست هههههه
مزنه:ههههه هذا طبع البنات
فيصل ناظر بالساعه10 ونص:أوووه,عن أذنكم ياجماعه,,تأخرت,يله تصبحون على خير.
مزنه بنص عين شافته رايح لفوق:الله الله صرنا ننام بدري ونحسب الوقت
فيصل انحرج وهو يطالعها,أبتسم وطلع فوق..
مزنه:هههه الله يوفقكم يارب
الشايب:أمين..... مزنه وانا ابوك صبي شاهي
مزنه:سم يبه
,,,,,,,


فتح فيصل الغرفه ويشوف الشموع وروائح العطور الجذاابه,والجو الرومانس مع الأضاءات الساحره,والسرير عليه مفرش حلوو و ومنثور عليه ورد أحمر معطر, قفل الباب ودخل يمشي وينادي بهمس:أسيييل,أسيييل,أســوول� �ــي
{صار بنص الغرفه }

أسيل جت من وراه وضمته وهي ساكته:........
فيصل ابتسم:حبيـــــبتــي
أسيل بهيــام:Ilove you faisal
فيصل :me to aseel Ilove you so mutch sweety
أسيل فكته ولفت ووقفت قدامه ومسكت يديه وحطت عينها بعينه,لابسه روب نوم أحمر دم قصييير نااعم على بياضها يسحر,وروج احمرر لامع,ميلت وقفتها بتغنج:ليش تأخرت تحت؟
فيصل مامسك نفسه باسه بخدها:تعرفين لازم أجلس مع جدي شوي,أمري ياأميرتي كلي لك
أسيل سحبت يدها من يده ومشت بدلع وجلست على طرف السرير وحطت رجل على رجل وتكت بيديها على السرير: أأمرعاادي..ماراح ترفض يعني
فيصل انسحر من حركاتها جاء وجلس جنبها وعينه عليها:ياشيخه اللي تبين والله لو ايش..آآمري بس
أسيل بدلع قربت منه ولصقت فيه وحضنته بخفيف وحطت راسها على صدره:حبيبي بلييييز ابي منك طفل,
فيصل أزعجه هالطلب,بس ماوضح:مسح على شعرها,حبيبتي لاحقين عالأطفال وإزعاجهم, اللحين أسمعي وش راح أقولك,أنتي وش كانت أمنيتك قبل الزواج, أقصد وش كنتي تتمنين تسوينه لمن تتزوجين,تذكري لأنك قد قلتي لي هالأمنيه
أسيل تحاول تتذكر:ممم,أقضي شهر العسل في فينيسيا
فيصل وهويمسح على شعرها:خلاص من بكره الساعه 3 طيارتنا مباشره لفينيسيا حياتي نقضي شهر كامل عسل هناك,وبعدها نروح للندن نقضي اسبوع ثم نرجع للسعوديه شرايك
أسيل الدنيا مو سايعتها من السعاده:تتكلم جد فيصل
فيصل:هههه جد وعم وخال,وإذا تبينا نطول هناك مو مشكله أهم شيء عندي رضاك علي ياأحلى بنت بالعاالم.
أسيل تموت عليه إذا قال هالجمله ماخلته يكمل رمت نفسها بحضنه:أحــبــك أحبك
فيصل:هههههه #######...

((((
.
,
/
.,.,.[أيـــام غــريـبـه عــلــى أرض الـحـب].,.,.
/
/
/
**فينيسيا.....
بعد أسبوع من السفر هناك,,بالليل والقمر ساااطع نوره على البحيره وعامل جو رااايق بين جسور فينيسيا والمباني اللي على اطراف الماء,بالقارب الطوييييل,هنااك عند راسه جالس فيصل وجنبه أسيل متمسكه فيه ومتكيه راسها على كتفه,,والجو عال العااال...
أسيل بصوتها الناعم بلحظة هيام:تعرف حبيبي
فيصل هوالثاني داخل بالجو يمكن اكثر: قولي حياتي
أسيل ببتسامه:أحس أني أسعد انسانه على وجه الأرض,ماني مصدقه اني معك
فيصل رفع يدها وباس كفها وضمه بيديه:وأنا بعد أحس أني أسعد رجل على وجه الأرض,
أسيل وصوتها فيه بحه ضمته:فيصل قول أحبك وانت تضمني
فيصل:هههه منت مصدقتني يعني للحين؟
أسيل:إلا بس أبي أسمع قلبك يقولها لقلبي,
فيصل:ههه طيب مثل ماتبين..................
((((
.
/
.
/
,
/
.
/

,
.
الريــــــاض.....:
عبير وبحضنها بنتها اللي ماكملت شهرونص تناظر فاطمه بنص عين وهي كاتمه الضحكه:إلا ماقلتي لي فطوم في شيء بالطريق وإلا شيء
فاطمه أستحت,ناظرتها بنظرات تهديد يعني أصصص:..
ام عادل:هههه الله يعين على بزرانهم عااد
فاطمه ساكته ومنزله راسها,وتبتسم بخجل...
مزنه:هههههه الله يستر الأم سكنيه والابو جني اكيد البزارين عفاريت
فاطمه ماعاد تحمل:عمممممه
عبير:هههه,إلا متى بيرجعون أسيل وفيصل
مزنه:توهم مالهم اسبوع تو الناس هم ناويين يطولون ,
عبير:الله يهنيهم يارب
الكل:أميين
أم عادل:إي والله أسيل تستاهل كل خير صبرت ونالت,بنت كفو
مزنه!!!!!!(غريييبه)!!!!إلا ماقلتولي وينها عاشقه اللحين
أم عادل :سافرت مع زوجها للمدينه بيستقرون هناك,عشان عمله
مزنه:الله يوفقهم
الكل:أميين
دخل ناصر:فطووووووووم فطوووووم
فاطمه قامت تستقبله:عن اذنكم ياجماعه..
عبير:أحم أحم ترانا هنااا
ناصر:هههه عبيروووه مالك شغل..
فاطمه بجرأه ضمت ناصر قدامهم بدلع وكأنها بنت صغيره وضربوها:نصوور شوف عبير ماتخليني بحالي
ناصر بمزح:أفااا شكلنا بنطلع النبيطات...تراها للحيــن موجوده
عبير:هههههه وأنا شكلي بنادي الدحمي تراه للحيـن قووي
مزنه+ام عادل:ههههههههههههههه
الكل:هههههههههههههه
(((
(
.
/
.

المدينه المنوره....:
عاشقه من صبح ترجع وحالتها حاله وتبكي بالحمام:أففف قرف ياربي ابي امـــــي
رائد كان واقف عند المرايه يزين أزرار قميص البدله العسكريه..سمعها ترجع وتندب امها راح وطل عليها:حبيبتي وش فيك
عاشقه طلعت من الحمام وهي تمسح فمها بالفوطه,وقرفانه:ولاشيء
رائد بلهفه واضحه بصوته:حبيبتي شكلك تعبانه خليني أوديك للمستوصف
عاشقه بدون نفس:لا ماني تعبانه ماله داعي المستوصف
رائد حس انها ماتبيه يكلمها,زعل وماقال,بس وضح بصوته:أوكيه انا طالع بس متى ماحسيتي انك تبين المستشفى دقي علي طيب
عاشقه وهي صاده عنه:طيب طيب روح انت اللحين انا بتصرف
رائد ناظرها بزعل وهو مقهور من تصرفاتها معه,ليه هالجفاف,وش سوى لها, طلع من الغرفه دون مايودعها كالعاده............
عاشقه حست على دمها اخيرا,,خصوصا ً أنه ماعطاها قبلة الصباح نفس كل مره:أففف انا ليه كذا مع رائد
{طلعت تلحقه تركض} رااائد راااائد
رائد كان واقف عند الباب بيطلع التفت,شكله معصب:خييير
عاشقه ابتسمت وقربت له,ومدت يديها تسوي ازرار قميصه:حبيبي أنا أسفه على نرفزتي بجد مالي داعي سامحني
رائد صد بوجهه عنها:عادي تعودت هذي مو أول مره لنا شهور كذا.
عاشقه حست بالذنب,وهو يقول شهور:ممم حبيبي انا كنت ما أعرفك يعني شيء طبيعي لـكـن اللحين خلاص
رائد بزعل:خلاص... واللي قبل شوي وش تفسيره
عاشقه ابتسمت,وصدت:حبيبي أنا حامل,وأتوحم,فأرجووك تصبر علي كم يوم بس
رائد شق الإبتسامه وطار الزعل:كييييف,عيدي اللي قبل شوي سمعته
عاشقه استحت وهي تقولها..وفرحت من ردت فعله:انا حااامل
رائد ماخلا مكان مانط فيه ورجع يضمها:وليه ماقلتيلي هالخبر من زمان
عاشقه ببتسامه ساحره عضت طرف شفتها اللي تحت:ههههه كنت مستحيه ماني قادره شلون اقولك أنا أسفه
رائد والدنيا مو سايعته:عاشقه انا حاس ودي اطير من كثر ماني فرحان بهالخبر..أنا أحبك ياعاشقه امووت فيــك
عاشقه عورها قلبها عليه,كل هذا الحب لها ,حست بهاللحظه انها ماتستاهل رائد,وهي ماخذته بس لسد فراغ فيصل, نزلت دمعتها حزن:حتى أنا ياحبيبي...أحـبـك
رائد استغرب الدموع اللي مو وقتها:عاشقه ليش الدموع
عاشقه مسحتها وهي تبتسم وضمته بحراره:دموع الفرح ياحبيبي دموع الفرح
رائد استغرب هالعناق الحار,لأنها من تزوجها ماكانت صاحبة مبادره,وبحياتها ماضمته قبل لايضمها,بس هالشيء أسعده طبعاً:............
((((((()))))))

.,.,.[أيــــــــام غــريــبــه عــلـى أرض الــحــب].,.,.
/
/
/
/
/
وتــمــضــي الأيــاام... والـشــهــور ...والسنواااااااااات............. ..........


....الريـــاض.......

على الرصيف بالشارع..ولد صغيرياخذ العقل عمره 6 سنوات,شعره ناعم وطويل شوي ومغطي اذانيه,لابس بدله حلوه التيشرت كت اصفر والبنطلون خصر نازل ابيض بحزام فضي عريض ومتدليه منه سلاسل كبيره شوي.أسمه "طلال"
جنبه بنت دلوعه وعسل تجنن عمرها 5سنوات, شعرها لكتوفها ومربوط اثنين ,لابسه تنوره لنص الفخذ حمراء ضيقه وبدي ابيض مرسوم عليه بوسه والجزمه تكرمون كلاشوز ناعم على شراب صغير,أسمها "جنا"
طلال واقف متكي على عامود الإناره بالشارع:جنا تجين معي البيت نلعب بألعابي
جنا واقفه قبالته بطفش وهي ماده بوزها الصغير:لاااا
طلال: طيب, نروح لبيتكم نلعب بالمراجيح
جنا جلست عالرصيف وهي ماده بوزها:لاااا
طلال:كل شيء لا,, انتي ليه زعلانه من اللي مزعلك
جنا ببراءه:طلال امك وابوك يتهاوشون
طلال أستغرب سؤالها!!!:لااااا
جنا:......
طلال:ليش,امك وابوك يتهاوشون ياجنا
جنا,ماتبي تعلم مايصير أمها علمتها هالشء..البيت له خصوصيه:لا لا,بس أسأل,,
طلال جلس جنبها وهم يراقبون الرايح والجاي بالشارع....
,,,
.
,
/
,
/
.
,

البيت الكبير...:
أسيل جالسه وبيدها ولد عمره سنتين,وتلعبه وحولها ولدين توأم يلعبون اعمارهم 4سنوات:....
مزنه: أسيل وين راحت فاطمه
أسيل:للمطبخ...,شوفي ياعمه ياسر ياحلاته
مزنه:ههههه أدري انه حلو...يوه تذكرت الشايب بروح اعطيه دواه قبل لا أنسى.بس أنتبهي من توأم فطوم هذولا ترى ملاقيييف الله لايبلانا...
{راحت}
أسيل ناظرت عيال فاطمه اللي جنبها وهي تبسم على اشكالهم واااضح انهم ملاقيف من حدت ملامحهم فالعيون يشبهون فطوم أما الخشم وباقي الملامح لأبوهم:هههه ياحلااتكم أنتم وامكم ...

نزل فيصل كاشخ من فوق,ويغني,شاف ياسر مع أسيل:يسووري حبيبي..
{راح يبي يلعبه,جلس جنب أسيل}هاتي هالقمراحبه....
أسيل بزعل,مدته له ولفت وجهها عنه:
فيصل لاحظ زعلها باس ياسر ونزله جنبه عالكنبه:الحلو زعلان علينا وإلا إيش
أسيل بدلع:لاتكلمني مخاصمتك
فيصل حاوط يده على خصرها:أفااا مخاصمتني, كذا ما أقدر وش مزعلك قولي
أسيل بدون مقدمات:فيصل ابي أحمل
فيصل!!,عصب:إيييش
أسيل عصبت:وانت ليش معصب هالقد حرام عليك كفايه كل هالسنوات ماعاد فيني صبر,أبي أطفال
فيصل,وهو يأشر على البزران:فطوم كفت ووفت وهي من تزوجت صارت ألة تفقيس
أسيل انقهرت منه:فيصل كم مره قلتلك أنا ابي اطفال مني ومنك مو من غيرنا شفيك,افهم
انفتح الباب ودخلت جنا ومعها طلال::!!
جنا ناظرت بطلال,وهي تشوف أسيل وفيصل واقفين والواضح انهم يتهاوشون: طلول امك وابوك دايما زي كذا
طلال ببراءة أطفال!!:لااا
فيصل وأسيل:!!!؟؟؟
جنا بإحباط:انا أغلب الأحيان ماما وبابا زي كذا.
فيصل وهو معصب:جــنـــــــااا وين كنتي فيه,ومن هذا؟
جنا ميلت وقفتها بدلع وحطت يدها على خصرها:كنت مع صديقي طلوول برا,
فيصل كتم الضحكه:ماشاء الله مع صديقك برا هااه
جنا بدلع تمط فمها:إيييه عندك مانع يافيصل
فيصل وده يضحك بس كاتمها:بنت عيب أنا دادي ...
جنا بقوة عين: طيب دادي انا أسمي جنا أوكيه مو بنت...,ماااامي شوفيه{مدت بوزها}
فيصل ألتفت على أسيل ببتسامه يبي ينسيها الزعل:هالبنت هذي تذكرني بوحده مدري من...وحده دلوعه وعنيده وياما رفعت ضغطي
أسيل شايله بخاطرها من فيصل,مدت بوزها بزعل وحقرته:تعالي ياقلب مامي,
جنا راحت تركض بحضن اسيل بدلع........
فيصل راح لطلال اللي واقف عند الباب:وأنت يا بابا وش أسمك
طلال:أسمي طلوول
فيصل:أفااا طلوول!!,وش هالأسم؟
طلال:لاا أسمي طلااال بس ينادوني طلووول.
فيصل:طيب وانت طلال بن من..وش أسم أبوك
طلال:أسم ابوي راكان
فيصل:!!راكان طلال
طلال:إيه أنا طلال راكان طلال
فيصل:هههه ماشاء الله.. أجل أنت ولد صديقي وأنا مدري
أسيل أخذت بنتها وطلعوا فوق.........
فيصل:شلون عرفت بنتي جنا ياطلال وكيف جيت هنا
طلال:هي صديقتي من الروضه والتمهيدي وأنا قلت للسايق يجيبني عشان ازورها
فيصل بنص عين وببتسامه: طحت بحبها أجل وانا أبوك ههههههه,ماألومك أمها أسيل هههه
طلال ابتسم مايدري وش السالفه:يله ياعمي عن اذنك بروح السايق ينتظرني برا
فيصل:هههه مع السلامه,
طلع طلال...
فيصل ببتسامه:ماشاء الله على ولدك ياراكان ذرابه وسنع لو أن لبسه وشعره مو ذاك الزود بس معليه..
فاطمه طلعت من المطبخ وبيدها رضعه وياله تمشي:فيصل انت طالع
فيصل شاف بطنها ارتاع:فطووم انتي لين متى كذا, ولد ورى الثاني
فاطمه بنفس مرحها:لمن أسوي فريق كرة قدم, وبعدين اجيب بنوته حلوه مثل جنا وخلاص
فيصل عوره راسه:اللهم حوالينا ولا علينا...
{طلع وسكر الباب}
فاطمه,شبلاه هذا هرب..
{شافت ولدها ياسر نايم عالكنبه}يازيين النايم يانااس
{شالته تبي توديه فوق معهاالتفتت على التوأم4سنوات }ثامروسامر تعالوا معي حبايبي لفوق..
{لحقوها ثامر وسامر}
,,,,

فاطمه دخلت على أسيل الغرفه:هااي,جيتك وجبت شلتي بس ناقصه يسوري وديته لغرفتي
أسيل جالسه مع جنا يرسمون:هلابك وبشلتك الحلوه ههههه
فاطمه مشت ببطئ وجلست عالكرسي:ههههه غصب عليكم حلوه,
أسيل أرتاعت من بطنها الكبير:فاطمه متى بتولدين؟
فاطمه,جت وجلست ويدها على بطنها:باقي شهر تو الناس
أسيل:الله يعينك على هالبطن الكبير...تعالي لايكون توأم بعد
فاطمه وهي خايفه:أقولك سر بس ماتقولين لأحد
أسيل هي خافت بعد:وشوو؟
فاطمه بلامبالاه:ماأدري أنا ماصورت هالمره,ههههه وخايفه انهم توأم ساعتها بيشنقني ناصر
أسيل:ليييه؟
فاطمه:يقول إذا بنات مو مشكله بس أولاد لاااا,كفايه هالشياطين ههههه أنا عيالي شياطين يا أسيل؟؟أنـــا!!!
جنا ردت بدال أمها:لا مو شياطين إلا عفاريت
فاطمه وأسيل رفعوا حواجبهم وفتحوا عيونهم منها:!!!!!!!!!!!
فاطمه بنص عين:لا والله مالعفريت إلا أنتي,عيالي وش سووا لك ياأم عيون
جنا ويدها على خصرها:نسيتي,أنهم كسروا لعبتي أللي شريتها من لندن ودخلوا مره غرفتي وكسروا أبجورة من ابجوراتي ..ولعبوا بألواني على مفرش سريري
أسيل كاتمه الضحكه ومبسوطه وهي تسمع كلام بنتها:..
فاطمه شهقت تجاريها:الله اكبر كل ذا شايلته بقلبك على عيالي,أنتي ليه قلبك اسود على عيالي كذا
جنا,شهقت:أنــا قلبــي أسوود!!!!..لا والله يخربون علي أشيائي وتبيني انسى,
أسيل ضحكت على بنتها وضمتها بقوووه وهي تتعجب من فاطمه اللي تعرف تتكلم معاها كنها كبرها:هههههه
((((
.
في ساحة البيت الخلفيه..حولهم كم نخله وشجره.."حديقة البيت الصغيره"//
يارا بالمرجيحه وبحضنها طفل صغير وهو يضحك معها,وتلعبه.....,
ماجده:يا قلبي على يارا متعلقه بـ "خالد"
أم محمد:يارا أصلاً تحب كل البزران..مو بس خلودي..
مها ساكته وتراقب يارا وقلبها يرجف,ولا تسمع وش قاعدين يقولون...
ماجده:مهاا مهااا
مها:أنتبهت لها اخيراً:هااه
ماجده:هههه وشو هااه ذي!..أنتي مسرحه وين
مها وقلبها مع هالولد:مسرحه بهذا اللي ماخذ عقلي...بروح أخذه من يارا لا أموت مكاني..
ماجده:هههه شدعوه محدج اله ولد إلا أنتي!!
مها:لا..بس محد تعذب لين جاء.. مثلي..أنتي ماذقتي سنين العذاب ياماجده..كنت أنا وتركي نسهر ليالي ماننام..بعد مادرينا أنني ما أقدر أحمل...كنت أبكي ليالي طويله وهو جنبي يواسيني..أبوس يده وأترجاه يتزوج علي..ويجي له عيال وهو رافض.. عصى أهله وقاطعهم لأنه كل ما نجيهم أو يزوروننا يفتحون هالسيره...لين الله فرج همنا ورزقنا بـ"خالد" بعد عدة محاولات في عمليات الأنابيب كلها فشلت...قدر الله وحملت طبيعي..وماتبيني أخاف كل هالخوف عليه ياماجده
أم محمد ساكته وهي كانت تحس ببنتها وعايشتها كل ألامها::الله يخليه لكم ياقلبي
مها ببتسامه:أمين يمه
يارا جاءت ومعها خالد:خاله مها خذيه نام.
مها أخذته وضمته من قلب:الله لايحرمني منك ولا من ابوك..
ماجده تأثرت منها..مع أنها كانت على علم بكل اللي قالت...
يارا:يمه ترا..سعود ومحمد طلعوا الشارع
ماجده قامت تبي تدخلهم وتهاوشهم:لاحوووول ليــتني ماجبت أولاد والله البنات أرحم
يارا ببتسامه:داااريــه
الكل:هههههههههههه

,
.

,

/
.
/
/
/
بالليل....
بيت فاطمه وناصر............
ناصر وبحضنه ياسر الصغير:سااامر,ثاامر ليش ضربتوا مهند ولد جيراننا اليوم العصر هااه؟
ثامر ببراءه:لايبابا أنا ماثويت ثي,
سامر يأكد كلام اخوه:إيه يبابا بث رميناه بالحثاه[بس رميناه بالحصاه]
ناصر كاتم الضحكه على حركاتهم:ماشـــاء الله بس رميتوه بالحصى هاه
فاطمه ويدها على بطنها:خلهم يضربونه....بعدي عياالي شاطرين,لاتخلون احد يضربكم,خلوكم رجاال
ناصر بقق عيونه :فطوووم,هييه لاتعلمينهم على الشطانه تراهم موب ناقصين
فاطمه تعض على شفايفها ويدها على بطنها:خلهم مابيهم مايعين وكلن يضربهم
ناصر بقلة حيله:فطوووم, العيال مهم ناقصين عمرهم 4سنوات والكل يخاف منهم, أجل لاصارو اكبر من كذا وش بيسوون, تدرين جارنا كل يوم يشتكي منهم ولده كله فلقات براسه والسبه عيالنا صرت اتفشل منه
فاطمه شدت على يد ناصر بقوه,ونزلت دموعها:نصوووووووووور
ناصر فهم عليها,خاف:ولاده صح؟
فاطمه أشرت براسها بالإيجاب,وبكت ماعاد فيها تنطق....
((((
.
,
.
,
/
,
/
.
/
رجع فيصل متأخر بالليل:عمممه عمممه
مزنه طلعت: خير
فيصل:غريبه كلكم نمتوا؟! وين فطوم
مزنه:بسم الله عليك كم الساعه,وبعدين فطوم جاء ناصر وأخذها لبيتهم من بدري
فيصل:أهاااه,طيب طيب..
{طلع الدرج}
مزنه:الله يهديك أحسب عندك سالفه...
{رجعت لغرفتها}
فيصل أبتسم فرحان انه روعها عالفاضي حضرته,مشى لغرفته وهو يغني, دخل وسكر الباب, جلس عالأريكه ورمى الشماغ وفك أزرار ثوبه,وهو للحين يتمتم بأغنيه,تلفت:أسيــــــل,قلب� �ــــي,أنـــا جيـــت..أسوووله
أسيل كانت بالحمام,طلعت,وشافته ماعطته وجه لفت الروب عليها وربطته ومشت رايحه للسرير...
فيصل قام وأعترض طريقها:أفااا..أنتي صدق زعلانه.
أسيل مدت بوزها ولا كلمته,أبعدت عنه.
فيصل مسكها وسحبها لصدره:يابنت شفيك أكلمك أنا,
أسيل,عيونها غرقانه دموع ناظرته,وكأنها خايفه:فيصل شووف بقولك شيء بس لاتعصب علي أمانه
فيصل:وشو هالشيء ماراح أعصب.
أسيل عضت على أصبعها زي الأطفال وأبعدت خطوتين عنه:أنا مبطله حبوب من شهرين و...
فيصل بعصبيه,أرتفع صوته وقاطعها:ليــــــه من سمحلك,أنتي شلون تسوين هالشيء بدون تاخذين شوري هااه
أسيل عصبت ورفعت صوتها زيه:بكيـــفي,مااالك شغل فيني, وأنا لو بنتظر موافقتك ماحملت..
فيصل بصوت مرفوع:حبيــبتي وشو اللي بكيفك,ومالي شغل...لااا.
أسيل كالعاده هاجمت:فيصـــل ابعد عني أحسن لك ماني رايقه هواش عالنوم بعدين أنا حاسه بدوخه والظاهر اني حامل...رجاااءاً أبعد
فيصل وهو معصب:لا واللـــه,أنا اللي رايق عااد,حضرتك راح يجيك سكرحمل يعني شلون... قلق وتعب لين الولاده..,نسيتي حملك بجنا ...
أسيل رفعت صوتها:مااالك شغل...وابعد عني هاللحظه يافيصل أحسن لك
..........:أوووووف الواحد مايقدر ياخذ راحته عندكم يعني..حتى إذا جيتوا تنامون تتهاوشون!!
أسيل من الروعه ضمت فيصل,وألتفتوا سوى على مصدر الصوت,"سريرهم"!!..
فيصل+أسيل:جــنــــااا
جنا جالسه بنص السرير وتناظرهم بعيونها العسليه ببراءه:إيـــه جــنـــاا... أنا عندي إقتراح لكم
أسيل وفيصل منصدمين ومنحرجين من بنتهم سكتوا يسمعونها:!!!!!؟؟؟؟؟
جنا أبعدت غرتها عن عيونها الوسااع:أنت يادادي روح نام بغرفتك القديمه قبل لاتتزوج أسيل,وأنتي يامامي روحي نامي بغرفتك القديمه قبل لاتتزوجين فيصل,كذا أريح لكم ولي بعد.
فيصل وأسيل أستحوا من بنتهم,طالعوا بعض منحرجين,وبعدين راحوا لها بالسرير,
فيصل جاء وجلس بيسار جنا:جنوو حبيبتي أنتي كيف دخلتي الغرفه؟؟
جنا ببتسامه بريئه:من الباااب
أسيل جاءت وجلست بيمين جنا:معليه خلها,تنام معنا الليله<<{ماتبي يهاوشها على سالفة الحبوب والحمل}
فيصل يبي يكمل هواشه:لا والله<<<<ناوي يكملها هواش للصبح
جنا التفتت على فيصل:دااادي ماتبيني انام معكم!!!ياحرااام,يرضيك دايماً لحالي بغرفتي,وأنتم تنامون هنا ثنينكم مع بعض<<{أستخدمت أسلوب البنات الخاص}
أسيل:خلاص حبيبتي من الليله نامي معنا,وبحضني بعد
جنا:صدق مامي
أسيل وهي تناظر بفيصل تبي تحره:إيه صدق,تعالي بحضني ياعمري {وضمتها}
فيصل صار يغلي,سكت,وقام يبدل ملابسه ويلبس البيجامه ..
أسيل تراقبه وهي ساكته وتضحك من داخلها: (خلك تستاهل)
فيصل رجع مكانه بعد ماخلص قعد يفكر شوي بعدين لف,عليهم:جنوو حبيبتي شرايك تجين تنامين بحضني أنا.
جنا ناظرت ألتفتت عليه وبعدين رجعت تناظر بأمها:مامي تسمحين اروح لدادي شوي بس
أسيل عصبت بس مابينت:روحي حبيبتي.
جنا راحت لأبوها شوي..وصار يكلمها بهمس ماينسمع وطولوا شوي...
أسيل مقهوره ودها تعرف وش يتكلمون فيه:....
جنا قامت وباست ابوها وبعدين امها وراحت تزحف وتنزل من السرير بهدوء:أوكيه عن أذنكم,أنا رايحه لغرفتي,أنام,
أسيل أستقعدت خايفه جنا تروح ويكمل فيصل هواشه:جنوو تعالي,وين رايحه
جنا ببتسامه:مو مشكله مامي,مره ثانيه,باااي..
{طلعت تركض وسكرت الباب}
أسيل ناظرت فيصل بنص عين وصدت وأأنسدحت مكانها:.
فيصل قرب لها,وصار وراها علطوول,مد يده ومسح على شعرها الطويل: لك حق تزعل ولك حق نرضيك....
أسيل ما ألتفتت,ساكته وماده بوزها:.
فيصل مد يده الطويله ولفها عليه:أسوووله زعلانه للحين,حبيبتي خلاااص عااد افرديها
أسيل مدت بوزها:أبعد عني,لو فعلاً حبيبتك ماعصبت علي لمن قلتلك اني تركت حبوب منع الحمل
فيصل جالس يلعب بخصلات شعرها:ياحيااتي ومن قال أني معصب عشان الحمل, أنا بس خايف عليك أنتي ماتحملين ببساطه,نسيتي سكر الحمل وغيره,نسيتي حالتك وانتي حامل بجنا وأللي قبلها,كنتي تمرضين لين تولدين.
أسيل ألتفتت عليه:ياحبيـــبي لاتخاف,أنا راضيه وعلى قلبي زي العسل,وبعدين أنا مابي بنتي تقعد وحيده بدون أخوان مثلي أنا وأنت,
فيصل ببتسامه ساحره:يعني رضيتي علي ياغلاي
أسيل ابتسمت,أشرت بالإيجاب,وتذكرت شيء:فيصل انت شلون صرفت جنا
فيصل:هههه قلتلها بوديك تزورين طلال بكره وبنروح الملاهي سوى ومشت السالفه,
أسيل:ههههههه طلااال؟!!,
فيصل بنص عين:هههههه البنت لأمها,والولد ميت عليها,تدرين البارحه جاي من بيتهم مسافه عشانها,بصراحه أول مره أشوف صداقه كذا بين ولد وبنت بهالعمر,بس بيني وبينك الولد ينحب
أسيل بثقه:لاااا حبيبي بنتي هي اللي تنحب
فيصل قرب لها وضمها لصدره:أكيد مدام أمها أسيييل,أللي دوخت فيصل وخلته يعرف الحب وهو من قبل مايؤمن به أصلاً
أسيل أستحت وذابت من كلامه:..............
{رن جوال فيصل}
فيصل طفش: واللـــــــــــه مو وقتك بالمرررره
أسيل بعدت يده عنها بدلع:ههههه أقول روح رد أكيد إتصال مهم
فيصل قام بطفش:أففف,والـلــــه مـوو وقــتــه بالـمـــررره
{ورد بدون نفس}نعم,,,هلا ناصر
أسيل سمعت أسم ناصر :الله يستر أكيد فاطمه صارلها شيء
فيصل تغيرت نبرة صوته:هاااهـ بذمتك..خلاص حنا جايين اللحين...
{سكر الجوال}
أسيل خافت من انفعاله:فيصل,وش صاير
فيصل جلس وأستوعب وبعدين ضحك:فطوم يا أسيل فطوم
أسيل خافت:وش فيها؟
فيصل,أشر بأصبعه2:ولدت وجابت توأم أولاد .هههههههه
أسيل تذكرت كلام فاطمه:لااااا ههههههههههههههههههه
,
.,.,.[أيــــام غــريـبــه عـلـى أرض الـحــب].,.,.
,
0000000000000000000000000النهايه0000000
وبهذا تكون أيام غريبه على أرض الحب أنتهت ولن تنتهي هذه الأيام.....
حـاولـت أن أصنع عـالـمـاً يتفهم الـحـب..حاولت أن أمرر من خلال روايتي بعض مـمـا يجول في مخيلتي المتواضعه..من أحلام وخيالات قد لاتمت بالواقع بصله لكن وربما شطح بي الخيال قليلاً,في بعض الشخصيات والأحداث,وأنا لا أنفي هذه التهمه فهذا يعكس واقع شخصيتي كما قالت خالتي الحبيبه وبعض المحيطين بي..لـكن..لا ينفي ذلك بأن بعض أحداث هذه الروايه قد حدثت فعلاً على أرض الواقع..مع بعض التصريف..كانت الرومانسيه طاغيه في معظم الأحداث والجرئه أعتقد بأنها أخذت نصيبها الكافي..وربما أخذتني العاطفه المبالغ فيها في بعض الأشياء....ولكن لامانع منها....
** ولا يمنع بأني أرتكبت أخطاءاً فأنا لست ملاكاً معصوماً...والخطأ وارد من كل البشر **
وبالنهايه//شــكــراً من الأعــمااق لــكــل الـعــيــون والقـلـوب التي مـرت من هنا وعاشت معي في عـالمـي الصغير...شــكــراً لـكـل من تـحـمس لي..ومــن شجـعـنـي عـلـى الكتابه...شــكــراً لخالتي ~ هــبــه ~ التـي كـانــت تراجـع الأجزاء التي كنت أكتبها وكانت تنتقدنـي بشده..شــكــراً أقــولهــا لـهـذا الـمـنـتـدى الـرااقـي
الـذي خــلــق جـسـراً للـتــواصـل مـعـكــم أحبتي..وأوصلت من خـلالـه أفـكـاري وتصوراتي الخاصه...
أستغرقت كتابتها أكثر من خمسة شهور,,بسبب بعض التوقفات الضروريه...
وفــي الـنـــهـايه أحــبــتــــــــي..أنــتــ ظــرونــــي فــي روايــتــي الـقــادمــه
++{(...أحـــــلامٌ تـــحـــتـــضــــر...)}++

كــونـــوا بــخــيــــر///
,,,,,,,,,,,,,,,,,,,,,,,,,,,,,,,,,,,,,بووووح الحنين88,,,,,,,,,,,,,,,,,,,,,,,,