[Fatma nour]

السلام عليكم ورحمة الله وبركاته

دى أول مرة اقرالك فيها
واحب أقولك ان اسلوبك بجد جميل
وراقى جدا

اولا انا اللى شدنى للرواية الموضوع
بصراحة الفكرة حلوة اوى

مش هقدر اتكلم عن الفصول الاربعة لكن هرغى عن الشخصيات شوية ..

أولا مارلين

ممكن تكون مظلومة لكن هى اللى ظالمة نفسها أكتر
4 سنين اربع سنين بارد معاها وساكته ..؟؟
ليه ..؟؟ هو غلطان لكن هى مشاركة معاه بالغلط وبجزء كبير كمان ...


ليون

مش مرتاحه لو بيحبها مكنش هيجرها للخيانه
كان هاجم قلبها .... مش ضغط على مشاعر الحرمان عندها ..
ممكن يكون بيعمل كل ده للإنتقام من جيرارد بشكل أو بأخر

جيرارد

البرود بتاعة غير مبرر
فيه حاجة غلط ... بس حقيقة فى رجاله طبعهم كدة
بيبقوا عاوزين معاملة تانية ... علشان يتصلحوا

وطبعا سلبية مارلين اكبر غلط ...

ومقدرتش بصراحة اعدى الجملة دى أول اما قريتها بجد الدموع ملت عينيا ..

ارتاحت و اطمأنت و هي معه و قريبة جدا هكذا و اسندت رأسها على كتفه و قد حلمت به يسمعها كلاما كما يقول ليون دائما.... عطره جميل و جاذبيته كبيرة لكن يديه باردتين و رغم التصاقهما ببعض إلا انها بعيدة عن قلبه........... رفعت بصرها بأهداب كثيفة طويلة وتأملت وجهه الذي ابتسم بهدوء شديد و قال كلمة يتيمة: "جميلة"

تسلمى غاليتى على الرواية الجميلة ووصفك لمشاعر مارلين وحرمانها فوق الوصف و بإذن الله اتابع معاكى
وهى الفصول ليها ميعاد ثابت ولا ايه ..؟؟

دمتى بود