البارت الثالث والعشرون
*
*
*
*
ببيت المتواضع الام جالسه تبكي بهدوء والبنت جالسه تبكي مثلها
الجوري بصوت باكي:ماااااااما يعني باااابا خلاااص مااااات
ام الجوري ما ردت
الجوري:ماااااما تكفيين ردي علي
رن الجرس ولبست ام الجوري الحجاب وغطت وجهها وراحت فتحت الباب شافت بنت متنقبة ووراها شخص كبير بالعمر:اهلا ميين انتوا؟
هديل:انا اكون بنت حاتم زوجك اسمي هديل واللي معي يكون جدي
ام الجوري:ااه انتي هديل سمعت اسمك من قبل كان حاتم دايما يذكر اسمك
هديل سكتت شوي وبعدها قالت:ايه ممكن ندخل
ام الجوري:تفضلو
دخلو والجد هادي عوره قلبه على شكل الشقة الصغيرة وعلى حال ولده وعايلته جلسوا بالارض على الكنب الصغير طلعت الجوري وشافتهم
نعرفكم بالجوري
الجوري بنت حساسة وتتأثر بسرعه وقصييرة الطول وشعرها بني فاتح كيرلي وعمرها 6 سنين بس فيها شوية ذكاء تفهم بسرعه..
الجوري:ماااما ميين هاذي وهذاا
فاطمة(ام الجوري):هاذي اختك هديل وهذا جدك هادي
الجوري مو مصدقه واقفه ما تحركت وكأنها ما فهمت شي
هديل ناظرت فيها وابتسمت وقامت ومسكت ايدها وجلستها جنبها
الجوري بوجهها الاحمر من البكاء:يعــ..ـنـ...ـي ههاااذي هديل تكون اللي بابا دايماا يتكلم عنهااا
فاطمة والعبرة خانقتها:ايه اختك
هادي:انتي زوجة ولدي ولك حق من الميراث وابيك تجين انتي وبنتك معي لبيتي
فاطمة:فهمنا؟؟ يابو حاتم وش السالفة أي ميراث حاتم ما كان غني ولا مرة كلمني عنك او عن اهله لانه قال لي انكم كلكم ميتين
الجد هادي قال كل السالفة لفاطمة وهو يحس بالالم من داخله
فاطمة سكتت شوي تستوعب اللي قاله وبعدها قالت بتردد:طيب خذوا الجوري وربوها احسن تربية واهتموا فيها
هديل:خالتي انتي تتكلمي من صدقك..كيف تتركين بنتك تعالي معنا والله احسن لك
فاطمة:لا انا بروح للمدينة عند اخوي مابي شي من حلال ولدك يا عمي انتو اخذوا الجوري بس انا ما بجي
الجد هادي:يعني هذا اخر كلام عندك
فاطمة:اييه ولو سمحتوا لا تقولون فكري هذا قراري
قامت فاطمة من مكانها وراحت واخذت الشوز الصغير حق الجوري وراحت لعندها ولبستها وبعدها قالت:يلا الجوري جاهزة اخذوها الحيين
هديل:بس خاالتي حرااام علييك هاااذي بنتك انا انحرمت طول هالسنين من امي تكفيين لا تحرمين الجوري من احساس انو يكون لها ام
الجوري تناظر لهم وهي ساكته
فاطمة:خلااااص يكفي اخذوها وانا مو جاية بروح بالباص عالمدينة
هادي قام وبعدها قال:متأكده
فاطمة:اييه متأكدة ولو سمحتوا اطلعوا ومعكم الجوري
قامت هديل ومسكت الجوري بيديها تركت الجوري يد هديل وراحت لأمها:مااما انا ويين برووح
فاطمة ضمت الجوري وباستها بخدها:انتي بتروحي مشوار مع جدك واختك ولا تخافين يا بنتي بترجعين
الجوري رجعت لهديل واخذ الجد هادي ورقة وكتب فيها رقمه ورقم هديل واعطاها لفاطمة
هادي:لو غيرتي رأيك اتصلي فيني او على هديل و يلا فمان الله
وطلعت الجوري بالبيجامة الوردية وهي ماسكة هديل بيدها وركبوا السيارة
هادي:هديل انتي والجوري بتروحون مجمع ال... اشتري للجوري ملابس واي شي تبيه
هديل:ان شاء الله
وصل السايق الجد هادي للقصر والجوري تناظر البيت الكبيير
الجوري بإنبهار:هديييل هدا البيييت حقك مراااا كبيير
هديل ابتسمت:ايه هذا بيتنا
وبعدها توجه السايق للمجمع
**
ببيت ابو خالد بالليل الساعة 7 الليل بالصالة
ابو خالد:خالد متى بترجع هديل
خالد:يبا البنت تبي تغير جوو خليها على راحتها وبعد يومين برجعها
فتون:ممكن الكل يسمعني
التفتوا لها أم خالد وابو خالد وخالد وبعدها قالت فتون:يبا انا قلت لك من اسبوعين اني ابي اروح ابتعاث لإيطاليا وانت قلت انك موافق وبتاخذ رأي خالد صح
ابو خالد:اييه صح نسييت والله
خالد:وش السالفة أي ابتعاث !
ابو خالد:خالد فتون تبي تسافر ايطاليا تدرس هناك ثلاث سنين في جامعة ال.... بقسم التصميم
خالد:اهاا لا انا مو موااافق
فتون:خاالد لييه مو موافق كلها ثلاث سنين وانا اقدر اكون مسؤؤلة عن نفسي
خالد:فتووون منجدك ولا تمزحي كيف تبيني اتركك هناك بالغربة
فتون برجاء:يباااا اقنع خالد
ابو خالد:خاالد هاذي بنتي وانا اللي اوافق او لا وانت بس قلنا لك عن الموضوع علشان ناخذ رايك مو ناخذ موافقتك
خالد قام من مكانه:ما شاء الله لو ما قلتوا لي عالموضوع كان احسن
قام خالد وراح للمقهى وشاف راكان جالس هناك أشر له خالد يجي استئذن من الشباب وقام وراح وركب بجانب خالد بالسيارة وسلم عليه
راكان:يا هلا والله بخاالد زماان عنك
خالد:هلا وانت بعد
راحوا للشقة خالد نزل خالد من السيارة ووراه راكان دخلوا للشقة وجلسوا بالصالة وقام خالد للمطبخ وبعدها رجع لراكان
خالد:راكان مع الاسف مافي شي ناكله
راكان:لا عادي موب لازم انا ماكل مع الربع
خالد جلس جنبه:ايه بشرنا عنك وش اخر الاخبار
راكان:تماام اييه انا تزوجت
خالد:افااا تتزوج ولا تعزمني
راكان:لااا زواج بالسر
خالد:وشووو يلا قووول لي كل شي
راكان قال لخالد كيف تزوج رهف وكل اللي صار بالفترة اللي كان خالد بلندن
راكان:وبس هذا اللي صار
خالد:لا انت جد موب صاااحي (وبحدة)كيييييف تثق بكلاام هالبنت كييف تصدق انه اللي ببطنها ولدك
راكان:خالد خلاااص صار وانتهى وانا اصلا قلت لها بنسوي فحص للطفل بعد الولادة
خالد:طيب بس كان تصرفك مررة غرييب..طيب المهم كيف تصرفاتك معها يعني تصرخ عليها ولا تحترمها ولا ايش
راكان:اكيد احترمها بس انا ما حبيتها هي زوجتي وانا اكيد بحترمها وبقدم لها اللي تبي لحد ما اتأكد انه اللي ببطنها ولدي
خالد:اها يعني لو تأكدت انه اللي ببطنها ولدك بتتغير اشياء بينكم
راكان:ايه ممكن لييش لا...وانت وش اخر اخبارك
خالد:صارت اشياء كثيير ومشااكل بس تعديتها الحمد الله
راكان:وش هي
خالد:هديل متغيره علي مدري وشفيها بس انا قررت اتركها على راحتها هاليومين وبرجعها
راكان:اهاا زيين إن شاء الله تتحسن أمورك
خالد:إن شاء الله
قام راكان:اجل انا استئذان رهف جالسه لحالها في البيت يلا مع السلامة
خالد:الله معك
قام راكان وتوجه للباب وطلع وبعدها طلع من العمارة وركب بسيارته شغل السيارة وتوجه لبيت رهف فتح الباب شافها جالسه عالكنب وكانت وكأنها تتألم
راكان:رهف وشفييك رهففف
رهف التفتت له:راكان
راكان بخوف:رهف شفيييك؟؟
رهف:لا لا الم بسيط ويروح
راكان جلس بجانبها:اهاا الحمد الله
**
في بيت الجد هادي دخلت هديل وماسكة بيدها الجوري والاكياس الملابس بيدهم راحوا لفوق وكانت هديل بتدخل لجناحها هي والجوري بس وقفهم صوت
...:اهلا هديل
هديل وهي بالعبايه التفتت له
الجوري:ميين انتاا؟؟
...:انا بدر ولد عمك يالحللووة الصغنوونة
الجوري:ههههه انا حلووة بس مو صص..ماعرف اقولها
بدر حط يده بخد الجوري:فديييتك يا اموورة...ايه هديل وش اخبارك عسااك مرتاحة
هديل:الحمد الله..يلا جوري تعالي ندخل للغرفة
الجوري:لااا ابي اروح عند بدر ابي العب معه
هديل:طيب بس ندخل اغير ملابسك وبعدها تروحين عند بدر وش قلتي؟
الجوري:اامممم طييب
بدر:اوك انتظركم تحت عالعشا وبعدها بنلعب يالجوري
الجوري:طييب
دخلت هديل وكانت بتسكر الباب جاتها اريج:هلا هديل احنا مجتمعين تحت عالعشا تعالي انتي واختك
هديل:ان شاء الله
وبعدها سكرت باب الجناح ودخلت الجوري وفتحت الاكياس بسرعه:هدييل انا ابي البس هاذي البيجاما
هديل:اوك البسيها
شالت هديل العباية ولبست بيجاما بنفسجية حرير وبعدها لبست العباية والحجاب فوقها علشان وجود بدر
هديل:يلا جوري تعالي ننزل
فتحوا الباب وراحوا للاصنصير وبعدها نزلوا للدور الارضي وبعدها دخلوا وشافوا الصالون الكبير فيه طاولة كبيرة بالنص جالسين فيها أم بدر ووجدان واريج وبدر وعم هديل سعود والجد هادي
ركضت الجوري لعند الجد هادي وهي ساكته مستحيية
هادي شالها وجلسها فوقه:حبيبتي يالجوري وش تبين تاكلين
الجوري:ماا اعرف انت اختار لي
هديل سلمت على ام بدر وام بدر سلمت عليها من دوون نفس وهكذا وجدان وجات بتسلم على عمها احتراما له رغم كل اللي سواه بأبوها وسعود سلم عليها باليد ببرود وجلست بجانب اريج بحيث يكون بدر امامها وعلى يسارها مافي احد وعلى يمينها اريج وبجانب اريج وجدان وبالوسط الجد هادي اكلت هديل شوي مجاملة وبعدها قامت وركضت الجوري لها:بالعاافية عليكم
هادي:لويين رايحة هديل ما اكلتي شي
هديل:لا والله شبعت
الجوري:وانا نعسااانة بناام خلاص ببدر نلععب بكراااا
بدر بإبتسامة:ان شاء الله بس لا تسحبين علي
راحوا الجوري وهديل لفوق للجناح
**
خالد كان جالس لحاله بالشقة بالظلام يفكر حس بهزاز الجوال فتحه شاف اتصال من نفس الرقم ما رد تركه يرن وما وقف وبعدها رد
خالد بعصبية:خلاااص يكفي مااني مصدقك هديل تحبني انا وبس وما تحب احد غيريي فاااهمة
....:لا لا يا خالد اهدى شوي اسمعني وبعدها بتعرف...اذا هديل صدق تحبك ليييش ما جات للشقة لييش لحد الحين هي بعيدة عنك هذا اكبر دلييل على كرهها لك وهي تحب بدر ولد عمها وما تحبك
خالد بحدة:الحيين تقولين لي ميين انتي ولو ما تكلمتي راح اعرف بطريقيتي
ما ردت عليه وانهت المكالمة
خالد:حسبي الله عليها بس جاايه تتبلى على هدييل وتتوقع اصدق لعبتها هااذي
**
بلندن بيوم جديد الساعه 7 الصباح بالدوام كانت رحاب بالمكتب المديرة ترتب الملفات وبعدها خلصت وجلست وطبعا بعد الترجمة:ااه انتهيت
سوزي:راائع..حسنا رهاب سنذهب قريبا لبلدك
رحاب:يعني سنذهب للمملكة العربية السعودية
سوزي:اجل بمدينة الرياض هناك شركة تريد ان تعمل اتفاق بيننا من اجل البضااعة التي تتكون من ادوات عناية بالبشرة والمكياج
رحاب:امم جيد متى سنذهب
سوزي:بعد اسبوع لقد حجزت لي ولك ولبسام
رحاب(ااااه بسااام وش يبي هذا نااط معنا بكل مكان نروح له نشبببة يااخي):حسنا ولكن بسام ماذا يفعل ولماذا يأتي معنا
سوزي:لانه الوكيل المالي لشركتي
رحاب:اممم حسنا علي ان اذهب الان هل لدي شي اخر اعمله؟
سوزي:لا انتهى عملك اليوم يمكنك ان تذهبي...لا لا انتظري سأعطيك شيئا
وقفت رحاب امام مكتب سوزي
سوزي طلعت ظرف من مكتبها:خذي هذا راتبك لهذا الشهر
رحاب اخذت الظرف اللي واضح انه ثقيل شوي وفيه فلووس كثير:شكرااا
سوزي:العفوو لم افعل شيئا هذا عملك وجهدك وتستحقين هذا
طلعت رحاب من المكتب وهي طايرة من الفرحة واخيرا بتسدد فاتورة الكهربا والماء وتشتري احتياجات البيت حمدت وشكرت ربها كثيير من داخلها وبعدها توجهت للسوبر ماركت واشترت اشياء صغير لفارس واكل مثل البيض والجبن والطماطم والخ...
واشترت الشبس وكل ما يلزم وكانت بتروح تحاسب شافت بسام وواضح عليه مو منتبه عليها وبسرعه راحت لمحاسب ثاني وانتبه لها بسام وناظرها من بعيد بنظره غريبة انتبهت لها رحاب بس ما اعطته أي اهمية وحاسبت الاغراض وبعدها طلعت اخذت تاكسي وراحت للشقة وشافت سيارة تلاحقها طلعت من التاكسي وشافت بسام جاي لها وقف سيارته جات حصة من الباص وساعدت رحاب وبسام لما شاف وحده ثانية جنب رحاب قرر يبتعد ويتراجع عن الموضوع اللي يبي يتكلم فيه مع رحاب و ركب سيارته وراح..
ورحاب استغربت من وجوده بس ما اعطت الموضوع أي اهمية شالت الاغراض وطلعت هي وحصة ياخذون فارس من البنت السورية لمى ويروحون لشقتهم..
**
فهد كان جالس بغرفته سرحان يفكر..فتح جواله وشاف اسم رحاب اخته اتصل بس مع الاسف الرقم مقطوع خارج الخدمة..ويينك يا رحااب ويين رحتي ووش تسوي..
تذكر موقف صار قبل سنة ونص
فهد:رحاااب وين تتمني تسافري
رحاب:لندن هالبلد اعشقها حيييييل وانت
فهد:امممم كل اوربا ودي ازوها بس الوالدة دايم عندها ديون ما نقدر نسافر
رحاب بحزن:اييه والله
يعني انتي يا رحاب معقوولة تكوني بلندن اممم كان عندك صديقة غنيية ما شاء الله وش كان اسمها اممممم نورة لا لا نهلة لا ندى ايه ندى تذكرتها معقولة راحت سكنت عنندها لازم اسأل عنها
قام فهد متوجه لبيت ندى ال... زوجة فيصل..
**
دخل للبيت كان عبارة عن بيت متوسط الحجم فخم الشكل وكان فيه حارس برا طلع لما شاف فهد واقف:لو سمحت ليش واقف هنا بغييت شي؟؟
فهد:ااءء..انا ابحث عن ندى ال....
.....:ما عادت ساكنة هنا
فهد:وش تقصد يعني هي ويينها الحين
.....:لييش تسأل عنها
فهد:اختي مختفية من شهور واحتمال تكون مع ندى لانها صديقتها
.....:ماادري اظن في بيت ولد عمها وزوجها
فهد:طيب ممكن تعطيني العنوان
سجل العنوان بورقة واعطاها لفهد:تفضل
فهد:شكرا
ركب سيارته ووصل للقصر ابو فيصل نزل له واحد من الحرس البيت
.....:تفضل وش بغييت
فهد:ابي ندى الـ....
.....:مع الاسف مو موجودة
فهد:طيب في وحده معها اسمها رحاب الـ....
......:لا
فهد:اهاا طيب
ركب سيارته:اوووففف والله كنت حاسس اني قريب منك ويينك يا رحااب وييييينك
**
بالمستشفى .. الساعة 9 الليل
طلع الدكتور وشاف احمد وابوه جايين عنده
احمد:بشر دكتوور
الدكتور:الحمد الله حالته تحسنت وطلع من الغيبوبة الي كان فيها
ابو فيصل:الله يبشرك بالخير يا دكتور...الحمد الله يارب
اتصل احمد على وئام استغرب انها ما ردت اتصل عليها مرة ثانية وبعدها ردت
وئام ببحة:هلا احمد
احمد:وئاام وشفييك صوتك
وئام:لا بس يمكن برد وحلقي شوي يعورني
احمد:سلاامتك حبيبتي ما تشوفين شر..اييه فيصل الحمد الله تحسن
وئام:الحمد الله عالسلامة
احمد:الله يسلمك واشربي شي دافي وانتبهي لنفسك
وئام:ان شاء الله يلا فمان الله
**
ببيت ابو باسم الساعة 10 الليل
صحى من النوم اعتدل بجلسته وفتح جواله وشاف الساعه وبعدها قام ودخل للحمام اكرمكم الله توضى وطلع وصلى العصر والمغرب والعشا وبعدها قام وطلع من غرفته للصاله شاف امه جالس بالصالة وجالسه على جوالها الايفون راح جلس جنبها
ام باسم:هلا ولدي اشلونك
باسم:بخير وانتي؟
ام باسم:دووم يارب..تمام الحمد الله
باسم بتردد:يممه بقولك شي واتمنى تقوليلي اذا صح او لا
ام باسم بقلق:قوول وشفيه
باسم:يمه...ميين رحاب..هي زوجتي ولا حبيبتي ولا ايش ؟
ام باسم انصدمت منه وبعدها.........
**
وانتهى البــــارت