[اسطورة !]

لابد لي ان ابدأ من جديد


فالحياة لن تتوقف لاجلي

ولن تنتظرني حتى اعي مايدور


وبالتأكيد لن ابقى ابكي على الاطلال


ولن اسمح للطعون ان تقتلني


ولن اسمح ان اكون بقايا امرأة


ولن اسمح ان ابقى اسيرة الماضي

فالحياة فرص

وانا قررت ان استغل اول فرصة


اثبت للكل اني اقوى مما يعتقدون


حتى وان كان الجرح ينزف والقلب يحزن


لكن ساتعلم كيف ابكي لو حدي وبصمت

البـــــــــ ام ــــــنات




الفصل الرابع والاربعون

يبحث في كل مكان فلم يعد يذكر اين وضعه او اي ضاع منه
دخلت بعد ان دقت الباب
ابتسام:يقول رشدي انك تبغاني
ياسر:بسومة ما شفتي البلاك بيري حقي
ابتسام :لا اليوم وانا ارتب غرفتك ما لقيته اظنك اخذته معك
ياسر وهو يجلس على السرير اظنه ضاع مني
ابتسام :يمكن في المكتب
ياسر:بحثت في المكتب موموجود في اي مكان المشكل ان كل مواعيدي فيه واشياء كثيييرة مهمة
ابتسام :وجوالك الثاني معك
ياسر:معي بس البلاك بيرى الي موموجود
ابتسام :ان شاء الله تلاقيه
ياسر:وانت دوري معي يمكن تركته في ماكان ونسيت
ابتسام :ان شاء الله راح ادور وباذن الله نلاقيه
ياسر:طيب انا خارج الحين دق على رفيقي يبغاني ضروري ماراح اتأخر ان شاء الله
ابتسام :الله معك
:
:
::
:::
::::
سبحان الله وبحمده سبحان الله العظيم
::::
:::
::
:
:
في غرفتها تتجهز
نوال :تأخرتي حبيبتي
الهام:ثواني برك ونكون جاهزة
نوال :تجنني والله الله يكمل لك على خير يا قلبي
الهام :الله يبارك فيك لكن خايفة اني تسرعت بالقبول
نوال :انت استخرتي وارتحتى وهذا الاهم
واسرعي راح نتاخري على الناس
الهام :تعرفي انه يوم مهم بالنسبة لي ولازم تكون راضية عن نفسي فيه
نوال :حاولي تسرعي وانا رايحة نشوف رضوان
الهام :روحي لانك كلامك يعطلني
نوال :ههههههه والله عشنا وشفنا خخخ
وخرجت بعد ان بادلتها الهام ابتسامة رقيقة
:
:
::
:::
::::
سبحان الله وبحمده سبحان الله العظيم
::::
:::
::
:
:
دخل الي البيت راكضا وقدماه الحافيتين تسابق الريح
اتجه الي الغرفة وفتح الخزانة بسرعة واخذ يدس فيها مابيده حتى فاجأته اخته بصوتها
وفاء:عبد الرحمان انت هون متى دخلت ؟
عبد الرحمان:ا ه انا ايه توي جاي
وفاء :واش تسوي حبيبي
عبد الرحمان :اه لا ما شيئ بس ابغى اغير لبسي
وفاء :اناراح احضره لك
عبد الرحمان لا لا تتعبي حالك
وفاء :ههههه واش فيك انت وش ذا الادب الي نازل عليك
عبد الرحمان :فوفو انا جوعان
وفاء :يخسى الجوع وانا بنت ابوي انت تعال معي المطبخ اشوف وش اقدر اعملك تسكت جوعك
لان البيت فاضي ما فيه شيئي ينتكل
عبد الرحمان:وانت وماما وش اكلتوا ؟؟
وفاء :ما اكلنا للحين بس ماما راحت تاخذ الفستان الي خاطته لصاحبته ولما تعطيها حقه راح تمرتاخذ لنا اغراض
عبد الرحمان :بس هي تعبانة
وفاء :مارضت ارو ح انا اصرت انها هي الي تروح
عبد الرحمان :يلا خلينا نشوف شيئ نتصبر فيه
وفاء فتاة جميلة عمرها18
تعيش مع امها
واخوها عبد الرحمان 9سنوات يتيم منذ الولادة
ولها اخ ايضا كان معهم
تركي 25سنة
والدهم عبد الرحمان متوفي من
9سنين
:
:
::
:::
::::
سبحان الله وبحمده سبحان الله العظيم
::::
:::
::
:
:
يجلس في مكتبه المنزلي دخلت عليه تحمل صينية فيها كأسين شاي
هناء:جبتلك شاي صعيدي يعدل مزاجك
محمد:من غير شاي انا لما اشوفك مزاجي يتعدل
هناء: بحياء بس امبراح ماكنش دا كلامك
محمد: وهو ياخذ الكأس منها :هههههه
انت لسا زعلانه ما انا اعتزرت
هنا :وهي تجلس في الجهة الثانية من المكتب وتضع سبابتها على شفتها السفلي وكانها تتذكر اعتزرت امتى مش فاكرة :
محمد:ههههههه يعنى هو كناية عن الاعتزار
هنا:يسلام يعني عصبيتك صريحة واعتزارك كانية
محمد:حبيبتي انا بس مش متعود حد يرتب مكتبي لي ترتيب خاص يسهل علي اني الاقي المراجع والكتب
ولما ملقتهاش اتلخبطت اوي
هنا:بس ترتيبي لها راح يسهل عليك اكتر
محمد:وانا اعترفت بدا بعد ما شرحتي لي ترتيبك عجبني جدا
وانا شكرتك امبارح وعينتك سكرتيرتي الخاصة ههههههههه
هنا:يعنى دا اعتزارك ؟
محمد:ايوه شفتي ازاي
هنا:بس انا عايزة اعتزار بحق وحقيقي
محمد:تجى اعتزرلك اعتزار خاص وغمز بخفة وابتسامة جانبية على شفاه
هنا:بحياء:اروح اشوف الي ورايا
محمد:وهو يمسك ذراعها ويلفها لتكون امامه انا تحت امرك يا جميل انت اامري واعتزاري لو عيزاه كتابي ههههههه
هنا:عايزة اتغدى برى
محمد:بس كدا من عنيا
عشر دقائق والقيك جاهزة
هنا:بس لازم انت الى تعزمني ومرة تانية لو زعلتني لازم تراضيني من غير ما اطلب
محمد:الله مايجيب زعل بس اصبرى عليا اصلى غشيم في امور الحريم وعقلهم الصغير
تضربه هنا على كتفه ايه عقلنا صغير ؟
محمد:هههههه امزح امزح انت عقلك يوزن بلد
هنا :هههه ايو كدا ناس متقيش الا بالعين الحمرا
محمد:هههههههههههههههههههه� �ههههههه
طيب ياهنا انا اوريك مين الي يقي بالحين الحمراء
وحملها واخذ يدور فيها وهي تضحك بصوت خائف
هنا :نزلني يا محمد والله دخت نزلي خلاص توبة
محمد:لا مش ابل ما تعترفي الاعتراف اياه
هنا:نزلني وانا راح اعترف
محمد:ئولها الاول نشفتي ريقي وانا عايزة اسمعها
هنا:خالص اوعدك ائلها بس نزلني خلاص الدنيا بدور فيا
محمدوهو ينزلها مازلت بين ذراعيه
يلا ئولي
هنا :ائول ايه
محمد:ئولي احبك يا محمد
هنا:احمر وجهها ايوه الي التها دي
محمد: يشد من احكامها بين يديه
يسلااام واللهِ.. مش مصدق
تئولي او ادور فيك مرة تانية
هنا وهي تدس راسها في كتفه
ا حـ بك
محمد برفع راسها له :وانا اموت فيك والله يقدرني على اسعادك
واكمل بمزح شفتي انها سهلة زي شكت الدبوس ههههههه
هنا :تحس بحرارة تخرج من خديها
طيب بلاش شكت الدبوس مرة تانية
محمد:لا متخفيش بعدين تتعودي على الابر بانواعها
ههههههههههه
هنا :تغير الموضوع مش كأننا تأخرنا على الغداء وحديقة الحيوان
محمد:ومين الي ئال حديقة الحيوان
هنا:مش انا سكرتيرتك خلاص دا جدول اعمالك النهردا
محمد:واحلى سكرتيرة شفتها
هنا:يسلام يعني متعود على السكرتيرات
محمد وهو يمسح على لحيته تفتكري كدا؟؟
هنا :اصلا هي سبب وسامتك
محمد:هههههههه اكيد انها زينه لاي راجل بس انا من يومي حليوه حتى اسئلي بنات الجيران ههههههه
هنا:خخخخ بيخة ودمك تئيل
محمد:ههههههههه تصدئي اول مرة اعرف
هنا :ههههه يااه عرفت متأخر اوي
محمد:بلاش الضحكة دي لاغير راي ومافيش غداولا هم يحزنون
هنا:لا خلاص انا بوزت ورايحة البس وخرجت مسرعة
محمد:الله يرحمك يا جمولتي ياريت كنت موجودة تشوفي الهنا الي انا فيه بسببك الله مايحرمني منها
:
:
::
:::
::::
سبحان الله وبحمده سبحان الله العظيم
::::
:::
::
:
كان سيركب سيارته حتى سمع احدا يناديه
ياسر:استدار ناحية الصوت السلام عليكم يا هلا والله وغلا ببدر كيفك يا رجال وكيف احوالك ماتنشاف وينك فيه
بدر :وعليكم السلام هلافيك زود انا الي وينه والا انت
ياسر:ههههههه اعذرني وانا خوك بس والله مشاغل
بدر:وش ذا المشاغل الي تخليك ما تسأل عن خويك
ياسر:السموحة منك بس ترى الشهور الي فاتت كنت بين شغلى وشغل الوالد والمستشفيات اختى كانت تعبانة
بندر:عاذرك والله بس لا تعيدها ههههه
وكيف الوالد والاهل
ياسر:بخير تسلم وانت كيفك وكيف زواجك
بندر:الحمد لله العاقبة لك
ياسر :امين الله يقدم الي فيه الخير
بندر:ترى لو عايز اخطبلك انا جاهز هههههه
ياسر:ليش تركت الهيئة و تشتغل خاطبة هههههه
بدر :هههههه مدام انك مضرب عن الزواج قلنا نلين قلبك
ياسر:مو اضراب بس الظروف ما تسمح تعرف المشاكل الى صارت في البيت
بدر:ايه على ذكر مشاكل البيت للحين اختك مارجعت لفهد
ياسر:لا هي كانت طالبة الطلاق بس مرض اختى وموت باسم خلاني ااجل الموضوع
بدر:وليه بس ابغض الحلال انت لازم تقنعها والله ياياسر ماعمري شفت فهد متاثر قدر ما تأثر لما فقد ولده
ولما طلبت الطلاق بغى يجن حتى لمن طلق زوجته الاولى متاثر كثر ماتأثر بطلبها هي حتى ان الهم والحزن باين عليه تقول احد متوفي له
ياسر:لي مدة ما التقيته بس الكل يقول انه تغير وما عاد فهد حتى بلبسه
بندر:ايه والله الله يعينه لو ما انا الي ماسك السحر قبل ما تدسه لقلت انه مسحور
ياسر:سحر؟؟ومن ذي الي مسكتوها قبل ما تدسه
بندر حكي لياسر قصة العنود من اول رسالة ارسلتها له الى لقاءهم في المطعم والقبض عليها
ياسر:لا حول ولا قوة الا بالله
يعني فهد كان يساير فيها لين تمسكوها
بدر:ايه لانه اتصل في وعلمنى اول مااتصلت صديقتها وخبرته بخطتها
ياسر:و متى مسكتوها
بدر:اظنه يوم ما فقد ولده لاني اتصلت فيه عشان يجي يمضي ونغلق القضية لقيت جواله مقفل فدقيت على البيت وخبرتني الشغالة انه بالمستشفى
فسألتها ان كانت ام فهد بخير
قالت انها بخير بس زوجته هي الي تعبانة
ياسر:لا اله الا الله والله اننا ظلمنا الرجال وكنا فاكرين ان خاطره للحين مع زوجته الاولى
بدر:لا طبعا اصلا هي تزوجت من شهر
ياسر:بالله ما كان عندى خبر ما شفت عندهم عرس
بدر:لا تملكت و راحت مع زوجها الرياض بعد سواد وجهها اخوها قرر يزوجها ويفتك منها وفعلا اول خاطب على طول ملكه عليها
هو شايب من الرياض واظنها الزوجة الرابعة له
حتى ان اخوها اصر علي اكون موجود يوم ملكتهم وكانه يقلي شوف انها ماعادت بوجهه
ياسر:الله يستر عليها ويهديها
بدر:امين وعلى حريمنا وحريم المؤمنين
ياسر:امين
بدر:اخليك الحين بس عندي موعد
لا تقطع وحاول تصلح بين فهد واختك ترى الرجال شاري
ياسر:باذن الله رغم انه مالي وجه اقابله بعد الي سويته معه
بدر:كلنا نخطى يا اخى وخير الخطائين التوابون
ياسر :الله يتوب علينا
بدر :الله يعينك
ياير:امين تسلم
سلم على صديقه مودعا وركب سيارته عائدا لبيته
:
:
::
:::
::::
سبحان الله وبحمده سبحان الله العظيم
::::
:::
::
:
يجلس وهي بجانبه كانا مركزين على محاضرة في المجد العلمية
بعد ان انتهت
نوال:والله البيت من غير الهام ممل
رضوان :لا لا انا معاك والبيت ممل
نوال :بحياء لا انا اقصد لما ما تكون انت
رضوان :هههه رقعي رقعي
بصح عنك الحق الهام كان لها حس بضحكها ومرحها في البيت وكل شيئ كان منها حلو
نوال :ايه والله
رضوان :المهم انها تكون سعيدة ربي يوفقها
نوال :امين لما كلمتها امس حسيت من صوتها انها مرتاحة
رضوان:وانا تاني حسيت ربي يسعدها والله انها تألمت كثييير
نوال:صح خاصة الايام الاخير رجعت تحبس روحها في غرفتها وتبكى
رضوان بتنهيدة الله يسامحه شاكر والله انه تسرع في طلاقها
نوال:ايه صح المهم هو كيف حالته
رضوان :علمي علمك اتصل فيه دايما جواله مغلق حتى عمي يحي اتصلت فيه نفس الشئ ولما اتصلت بالعمل خبروني انه مسافر
نوال:ممكن راح يكمل العلاج
رضوان :ممكن المهم ربي يشفيه
وغير الموضوع الهام يوم الخميس ترجع قالتلك
نوال :لا ما قالتلي راح نوريلها لما ترجع كيف انها خبات علي
رضوان :هههههه يمكن كانت مخليتها مفاجأة وانا خربتها
نوال :هههههه المهم انها جاية
لازم نحضر لها استقبال مميز
رضوان :ما تتعبي روحك انت اكتبي لي واش ناقص وا لازم وانا كل شيئ نجيبه جاهز
نوال:بصح ...
رضوان:لا بصح ولا شيئ ما تنسي كلام الطبيبة بان البيبي وضعيتها نازلة ولازمك الراحة التامة
نوال:ايه متذكرة وندمت انك دخلت معايا
رضوان :ههههه كل فحص لازم نروح معك لاني الصراحة ما اثق في استهتارك بولدي
نوال:ههههه والله اني حذرة بصح انت الي تخاف فوق اللازم
رضوان :من خاف سلم
نوال :هههه انا نروح نجيب ورقة ونكتب الاشياء اللازمة لاني لو بقيت راح تبدء المحاذير اليومية
ههههههه
رضوان :هههههههه
:
:
::
:::
::::
سبحان الله وبحمده سبحان الله العظيم
::::
:::
::
:
اخبرته الخادمة ان ياسر في المجلس ينتظره
لبس سريعا واتجه بسرعة الى هناك
فهد برعب :هلا وغلا ياسر خير ابتسام فيها شيئ ؟
ياسر : السلام عليكم هلا فيك لا الكل بخير الحمد لله
فهد :وعليكم السلام اعذرني والله خفت من زيارتك انه صاير عليها شيئ
ياسر :لا هي بخير بس انا جيت استسمح منك على الي سويته معك
فهد وهو يشير له ان يجلس
ولا تهتم انا انسيت كل شيئا اصلا انت ما اخطيت وانا لو كنت مكانك كنت سويت نفس سواتك
ياسر:لا يفهد انا تسرعت وتناسيت قول الرسول صلى الله عليه وسلم ليس الشديد بصرعة انما الشديد من يمسك نفسه عند الغضب
وانا تحت امرك بالقصاص لان السن بالسن والعين وبالعين والجروح قصاص
فهد :وانا متنازل عن حقي ومسامحك رغم ان السن متكلفة معي هههههههههه
ياسر :بخجل سامحنى وانا خوك
فهد :والله مسامحك ومحللك ليوم الدين وفداك طقم اسناني كلها ههههههه
ياسر:هههههه تسلم بس خلاص تبنا ما عاد نكسر شيئ
فهد:تعرف انه ما ركبتها الا من قريب
كنت حاس اني استاهل ابقى كذا
ياسر:الحمد لله انى ماشفتك الا وانت مركبها والا كنت ماراح اسامح نفسي
فهد:كنت راح تتروع من شكلي ههههههه
ياسر:ههههههه
فهد :وقف بعد ان سمع طرق خفيف على الباب فتحه واخذ القهوة من امه
ام فهد بهمس:خير يا وولدي
فهد :خير يومه خير وابتسم لها
ابتسمت هي ايضا وهي تدعو له واغلقت الباب واتجهت الى الداخل
فهدوهو يرجع للمجلس
ترى ام فهد هي الي مسويه لك القهوة بنفسها
ياسر:الله يسلم ايديها ويخليها فوق روسنا
وعقبال ما اشربها من ايد بسومة في بيتك
استبشرت ملامحه سرورا
فهد :امين يارب بس ترى هى معندة مو راضية تسمعني حتى
ياسر:انا راح افهمها وان شاء الله ترجع لبيتها باقرب وقت
فهد بفرح :والله ماراح انسي لك معروفك ابد
ياسر:أي معروف الله يهديك هذا اقل شيئ اسويه لك بعد سواتى السودة
فهد :والله ما في سوات سودة الا سواتي
ياسر :ترى بردت القهوة وانت ما قهويتني هههه
فهد :هو انت خليت في عقل
ياسر:والله صدق الي يقول يضرب الحب شو بيذل
فهد وهو يمد له الفنجان :ايه الي ايده في المي مو مثل الي ايده بالنار
ياسر بحزن:الله يرحمه باسم كان يدما يقلي كذا
فهد :الله يرحمه
غير الموضوع واخذا يتحداثان في اشياء اخرى
وبعدها استأذن ياسر وعاد لمنزله
كم ارتاح فهد بعد زيارة ياسر
اخذ جواله وكتب لها رسالة ثم وضعه وهو يدعي الله بان يوفق ياسر في اقناعهااا
:
:
::
:::
::::
سبحان الله وبحمده سبحان الله العظيم
::::
:::
::
:
رن الهاتف معلنا وصول رسالة
كانت تنتظر وصولها
فقد تعودت رسائله لها
فتحتها بسرعة
يبكي الصوت و النظرات تشكي
و المعاني ولو صاحت حبيسه
يصمت الليل و التنهيد يحكي
و المعاليق في قلبي يبيسه
يا حبيبه سألت الليل انا عنك
و كل نجم فقد مثلي أنيسه
هل دمعي و قام الليل يبكي
و القمر نشّ من فرقى جليسه
ويل من شالته موجة بحرك
ليتني ما نزلت الشط أقيسه
لو لمستي البحير بأطراف يدك
من حلالك غدا طعمه مريسه
للهوى حس اذا لامس زهرك
ينعش القلب اذا جاني حسيسه
تحب اشعار خالد الفيصل لكن اول مرة تحس باحساسها وهي تقرأ كلماته اليوم
اخذت تبحث في جوالها عن رسالة ترسلها
وفعلا لم تمر دقائق الا والرد يصله
اخذ جواله
خالد الفصل مرة اخرى لكن كلماته كانت موجعة جدااااااا
مابقى فينـي مكـانٍ للطعـون
و الذي شقّوا خفوقي يشتكـون
كبرت اللّي باوّل ايامـي تهـون
ردّت الايـام دمعـي بالجفـون
و أستبدّت بي مواجيع الظنـون
كيف يستهوي هل العشق المُنُون
في زمانٍ ماعرف يـومٍ حنـون
و اصدق التعبير نظرات العيون
فهد :ياريتك بس تخلي مجال لنظرات العيون وهي راح تتكفل انها تداوي الجروح
اكمل امسيته الفيصلية
وارسل لها
يا روحي أحيا بك و حنّا غريبيـن
ما نيب أشوفك و انت يا روح ذاتي
في داخلي و أشكي معك لوعة البين
بعيد عني وانـت نبضـة حياتـي
يا لحظتي لو الزمن بيننـا سنيـن
و يا منوتي لو ما حصـل مناتـي
صوتي تقطّع فـي فـلاة المحبيـن
و شوفي تبدّد مـع سـراب الفـلاةِ
لا واهنيّ من هم على الما مقيميـن
و أنا يبَس صوت الرّجا في لهاتـي
أهيم في صحـرا عديمـة عنـاوي
متاهة(ن) خلو الشجـر والحصـاةِ
الليل يوحش و الضحى يجرح العين
و الحزن يكتب من عذابي غناتـي
أمنّي عيوني مـن الحيـن للحيـن
عسى الفرج مع طلعة الصبح ياتي
ياطاغي الفتنه من الـراس للقيـن
ياليتي أستر لوعتـي فـي عباتـي
نزلت دمعها غصب
تحس بصدق كلماته لكن
عقلها لا يريد ان يطاوع قلبها
ايعقل ان يتبع العقل لقلب جريح
لا والف لا فالعقل هنا يستخدم حق الفيتو
ويرفعه في وجه كل من يريد ان يستسلم لهذا القلب الكسيييير
ختمت رسالتها له وهي تعرف انها اكيد اخر رسالة
على الاقل هذا اليوم
ختمت بشعر لاحمد الصانع
ما تغيَّر شي . . . لكن ! صار " فاضي " هـ المكان .
يعني إنتَ شفت قلبي ؟ طحت مِنْ عيني و / عينه
[ كان ] لك قلبي- مدينه ولاحظ إني قلت : كان !
يعني إنتَ الحين واحد :: خارج حدود [ المدينه ] :
ليه مستغرب كلامي ؟؟ وليه أعطيك الأمان ؟؟
وليه تَكْذِب في كلامك ! العذر وينك و وينه ؟

ما ألومك .. كان " قلبك " ثارت أمواجه و / خان
الخطا منَّي , لأني . . . : صرت في بحرك ( سفينه )


والسؤال اللَّي كتمته ..؟ وما نِطَق فيه اللسان
{ كيف إيدك إطعنتني وآنا أحْسِبْهَا أمينه ..؟ }


جرحي .. ما يرضيه قلبك .. لو يجي كلِّه حنان !
لو - تبوس الجرح فيني . ولو - تقبّلْهَا إيدينه .


يُوم أحبك ؟, قلت كلمه : ( يكرَم المرء أو يُهان )
وإنتَ قلبي ما كرمته ! وما قدرت إنِّك [ تهينه ]


عزِّتي .. ما هي جديده آنا " شامخ " من زمان
إغسِل إيدك من رجوعي .. وروح , يا **


طاب خاطر قلبي منِّك . . . وهذي الفرقى رهان
حتَّى لو قلبي يحبك . / - ربِّي . . بفراقك يعينه !


تدري لما قلت أحبك ؟ قلت .. وما عندي ضمان .
وإختياري كان ( خاطىء ) تجربه بالحييييل شينه


كنت تخطي .. وكنت أسامح .. مرَّه : مرتين : وثمان !
أدمَح الزلّه - عشانك .. وأكتِم أنفاس .. الغبينه


كنت أحبك ’ كنت أعزّك ’ والغلا فيني جبان
خاف تزعل لو , ألومك , ضعت ما بينك وبينه


في عيون الناس " عادي " بس في عيني ؟ / جنان
وكان قلبي من يشوفك تفضحه . . نظرة حنينه . .


ماني أوَّل من يحب ..... . ومنتَ آخر شخص . ..... خان !




المحبه في زمانك ؟ بحرها ^ من غير مينه ^


الفشل .. كان النتيجه وأعتقد آن الأوان ,
أبني - مستقبل حياتي . و - أنسى قصتنا الحزينه .


خطوتي الأولى ( غيابك ) راح أطبّقها عشان :
" يبكي قلبك لا فقدني والندم .. يملي سنينه "


جاي تسأل عن مكانك !! هو { بقى فيني مكان ؟ }
الله يرحمها المشاعر . . . اللي كانت لك رهينه .


قلت لك قلبي [ مدينه ] فيها لك :: حشمه وشان ::
لكن إنتَ الحين – أغرب .. شخص ! في هذي المدينه
اغمض عيونه بوهن ثم فتحها مرة اخرى
وهو يردد
فهد:


يمكن اني ما صنت حبي
وما عرف هو كيف يبان
يمكن انه جرح قلبي
جعل مني اغبى انسان
يمكن اني كانت بصدي
لك خواف واكبر جبان
يمكن انه الوقت ضدي
وما امدى لحناني انه يبان
يمكن اني يا غناتي
ما عرفت اني عياش بجنان
يمكن انه غلطت عمري
انه ما عرفتي معي معنى الامان
يمكن اني بريشة رسمي
رسمت حزنك رسمة فنان
يمكن انه ياروح روحي
غلطتى اداري حبي عن العيان
بس اقسم بملك ربي
انا ما عمري كنت للوفاء خوان
سامحي يانبض قلبي
وخلي التسامح لك ميزة وعنوان

البنــــــ قلم ـــ ام ـــــات
:
:
::
:::
::::
سبحان الله وبحمده سبحان الله العظيم
::::
:::
::
:
ارتابت في امر اخوها
وفي ارتباكه عندما تسأله عن ماذا يبحث
فقررت ان تفتش الخزانة الوحيدة في البيت
وبالتحديد المكان المخصص لملابسه

اخذت تخرج الملابس المهترية البالية القليلة
وما ان اخرجتها حتى سقط هاتف نقال كان مدسوس بينها
حملته
وباستغراب
وفاء:وش يسوي ذا المحمو ل الغالي عند عبد الرحمان؟؟؟
ارجعت الملابس واحتفظت بالجوال
وقررت انها تكلمه بالموضوع
وفي المساء ما ان دخل حتى نادته ليتبعها الى الغرفة
اغلقت الباب وجلست وطلبت منه ان يجلس
وفاء :دحمي حبيبي انت عارف ان الكذب حرام صح
عبد الرحمان:ايه عارف
وفاء :وكمان السارق تقطع يده
عبد الرحمان ايه عارف بس ليه تقولي هذا الحكي
اخرجت الهاتف من مخباها واشارت به
وفاء:من وين لك ذا سرقته؟؟
عبد الرحمان :والله والله ما سرقته الا لقيته
وفاء وليش محتفظ فيه وليش ما علمتني به
عبد الرحمان:لاني .. ابغى ابيعه عشان اعين امي بالمصاريف وبانها تتعالج
وفاء :تبغى تأكلنا من الحرام وانت تدرى ان ما نبت لحم من سحت الا النار اولى به
عبد الرحمان :بس انا لقيته مو سرقته ورب البيت لقيته
وفاء:بس مو لك حتى تتصرف فيه
عبد الرحمان:بس من وين اجيب صاحبه الحين انا صاحبه
وفاء :لا يقلبي انت مو صاحبه
ولو انت خبرتني كنت شفت الارقام الي فيه وعرفنا نوصل لصاحبه
عبد الرحمان :بس ,,
وفاء :اناراح اشوف الجوال يمكن اعرف اوصل لصاحبه وانت ترجعه له بنفسك
عبد الرحمان يقف وهو غاضب :ماراح ارجعه وانت سوي الي تبينه بس ترى انا مو مسامحك
وفاء:ما يهم انك تسامحني المهم
ان ربي يسامحك
خرج مسرعا والدموع في عينيه
شغلت الهاتف واخذت تبحث فيه وجدت ارقام مكتوب فيها ارقامي الشخصية
اتصلت
ياسر بستغراب:هذا رقمي
ورد بسرعة
السلام عليكم
لا رد
هذا رقمي انا ضاع منى جوالي وهذا الرقم حقي
قطعت الاتصال واخذت تكتب رسالة
اخويا لقى الجوال
وصلته الرسالة ورد عليها
بارك الله فيكم لو ممكن ترجعوه لان فيه اشياء خاصة
وفاء برسالة اخرى :ممكن اتأكد من انه جوالك؟؟
ياسر:بلاك بيري اسود واكمل وصف جواله وحتى نغمة الرسائل
ونغمة الاتصال
تاكدة وفاء من صحت كلامه
ياسر:ممكن تكلمنى حتى افهم منك ونتفق على مكان نلتقي فيه وتعطيني الجوال
وفاء :ما اقدر اكلمك لانه غير جائز واخوي صغير ماراح يقدر يفهمك
فهم ياسر بانها فتاة
ياسر :طيب اختاري مكان وخلي فيه الجوال وانا راح اروح اجيبه
وفاء :اوك في بقاله في طريق ****** قريب من مدخل حي******
عرفته؟؟
ياسر:الي يسأل ما يتهش بس متى
وفاء :بكرى الساعة 12الظهر
ياسر:ان شاء الله
ثم انتهت الرسائل بينهم اغلقت الجوال حتى لا ينفذ الشحن فربما تحتاجه وخبأته في مكان امين
:
:
::
:::
::::
سبحان الله وبحمده سبحان الله العظيم
::::
:::
::
:
تجمع حاجياتهاوهي تتحدث الي نفسها
سهام :اووووووف اليوم نرد للرياض انا وابوي
بس ابغى اشوفه قبل ما ارد لي ثلاث ايام ماشفته
ولا تهاوشت معه
هههههه والله حتى هواشه راح اشتاق له
لا انا لازم اشوفه
بس ما اقدر افرض نفسي عليه
معقوله كل ذا ثقل منه
او انه اعمى يشوف
طيب يا عبد الله اما خليتك تركض وراي
ما اكون بنت شيوخ
الجد ابو عبد الواحد :يلا يابنتي ابوك ينتظرك تأخرتم واجد
سهام:يبه ابغى اودع الحلال
الجد :ههههه وش تودعين الحلال خل عنك لانكم تأخرتم وابوك رجالن مشغول
سهام:خلاص انا جاية
الجد :عجلي وانا ابوك ثم خرج وهي تتبعه
حركت نظرها في كل مكان لعلها تجده لكن كان غير موجود ارادت ان تودعه لكن لم يتسنى لها ذلك
عانقت جدها وهي تبكي
سهام:راح اشتاقلك يبه
الجد:وانا راح اشتاقلك يا كبدى
سهام :راح اعاود بس اكمل اختبارات
الجد :وانا راح انتظرك
سهام:ادعيلي
الجد :دوم ادعيلك انت وابوك واعمامك واخوانك
سهام:هههه لا يبه ابغى دعوة سبيشل
الجد :واش سبيشل ذي
سهام:ههههههه دعوة خاصة الي يايبه
الجد :وليش تعوجين لسانك والا خلاص راجعة لديرتك وتاركة حياة البدو وهرجتهم
سهام وهي تقبل راسه
انا مالى غنات عن حياة البدو وهرجهم فديت روحك
الجد :فداك الكون يا الغالية يلا روحي عاد ابوك ينتظرك
ركبت السيارة بعد ان يأست من رايت عبد الله
وغادرت
مسافة طويلة ستجعلها تنسي عدم وداعه لها قبل ان تدخل ارضي الرياض
:
:
::
:::
::::
سبحان الله وبحمده سبحان الله العظيم
::::
:::
::
:
وصل الى المحل الذي وصفته له في رسالتها وتكلم البائع
واخبره ان احدا سيحضر له شيئ ويتركه عنده
رحب البائع وقال انها امانة وانه سيحتفظ بها الى ا ن ياتي ليأخذها
اخبره ايضا انه سيكون في سيارته حتى يصل الموعد وغادر
جلس مدة في سيارته ثم نزل ليسأل البائع ان كان قد استلم الامانة
كان سيدخل حينما سمع حوارهما
عبد الرحمان:ايه انا زعلان لان الجوال حقي
وفاء بصوت خافت :الجوال مو حقك لازم تفهم
عبد الرحمان:بس انا الي لقيته
وفاء:وانا لقيت صاحبه وهو اولى به
عبد الرحمان:لو شفتي سيارته ما كنت رجعتى له الجوال هو يقدر يشتري مية جوال واحسن من كذا
وفاء :ما يهمني المهم انى ارد له الجوال لو كان يتاجر فيهم بعد
عبد الرحمان بصوت يقاوم البكاء كنت راح ابيعة واعطي لامي حقه حتى تروح الدكتور واساعدها في مصروف البيت
وفاء :لو مكدرك مرض امي انا اكثر بس ما تعالجها بقروش حرام وما تأكلنا من الحرام
عبد الرحمان:والحين كيف راح تدفع حق اجار البيت المصاريف
وانا الاستاذ يقلي ما تدخل الاختبار الا لما تدفع المصاريف
وفاء :الله يفرجها من عنده
ومن ترك شيئ لله عوضه احسن منه
ما تنسي يا عبد الرحمان ان ربنا رحمان ورحيم اكثر منك على امك وعلينا كلنا
ويلا ما اسمع ذا الحكي مرة ثانية اتفقنا يا الدحمي
لم يرد عليها وخرج ثم تبعته هي
اتجه ياسر الى البائع الذى اعطاه الجوال شكره ثم غادر
اراد ان يساعد عائلة هذه الفتاة الحريصة على دينها وامانتها فتبعهم دون ان يحسو به
الى ان وصل الى نفس حي ابو فاضل
ركن سيارته وترجل ليعرف البيت
لاحظهم يدخلون المنزل فهم بالمغادرة لكن اقترب منه شاب
الشاب:انت ليش تتبعهم
ياسر لا يعرف بما يجيبه
اخذ الشاب بالصراخ في وجهه
ان ماتستحي تتبع بنات الناس واش فاكر ان ما عندهم من يحميهم اجتمع الناس والصبية حولهم
ياسر:احترم نفسك وثمن كلامك
تدخل احد المتجمهرين
واش السالفة ياياسر
التفت ياسر ليجده ابو فاضل
ياسر:مدرى هالشاب وش يقول
سامر :انا اقلك يبو فاضل
هالاخ كان يمشي ورا حريم ابو تركي الله يرحمه
نظر ابو فاضل الى ياسر
صحيح هالكلام يا ولدي
ياسر:صحيح بس مو مثل ما مفكر هالشاب
سامر :يلا ننتظر تفهمنا
ابو فاضل :اقصر حسك يا سامر واكيد ياسر ما كان يبغى الا خير
سامر:خير كيف خير بالله يبو فاضل اذا انت ترضاها لهم انا ما ارضاها على البنت الي خطبتها
ابو فاضل :خطبتها ورفضت وش لك عندهم ثاني
سامر:تكلمني كذا يبو فاضل وانا بغيت الحلال وهذا الي مدرى وش يبغى ساكت له
ياسر:وانا ما ابغى الا الحلال
التفت الكل اليه
ابو فاضل :حياك يا ولدي
تعال معي البيت وهناك نتكلم واكمل للكل
يلا كل واحد يتوكل على شغله رجال ويبغى يخطب من بيت ابو تركي
ياسر في سره ياربي على هالوهقة من جاب سيرة الخطبة الحين
انا اقصد اساعدهم وانفق عليهم لاحول ولا قوة الا بالله
سامر:وواحد مثلك وفي مركزك ليش يبغي يخطب من حارة الفقر اكيد تبغاها مسيار
ياسر:احترم نفسك انا للحين ماسك نفسي وما انا الي يتزوج مسيار كان وجهه يدل على الغضب العارم
ابو فاضل:اقول ياسامر تيسر لربعك ابركلك ولا اسمع انك تكلمت كلمة كذا ولا كذا في ياسر او اهل ابو تركي والا والله راح تشوف مني شئ ما يسرك
واخذ ياسر من يده واتجه الي بيته
:
:
::
:::
::::
سبحان الله وبحمده سبحان الله العظيم
::::
:::
::
:
يومين تمر على الاحداث
كان جالسا في غرفته
يفكر كيف يفاتح والديه وبالذات امه في الموضوع خاصة في هذه الظروف
اخيرا قرر ان يصارح والده بكل شيئ
خرج من غرفته ودخل على والده مجلسه
ياسر:السلام هليكم هلا يبه وقبل جبينه
ابو ياسر:وعليكم السلام هلا بالغالي هلا بسندي
ابتسم ياسر لوالده
ياسر: يبه ابغاك في موضوع
ابو ياسر:تفضل اسمعك
حكى له ما حدث وسوء الفهم الذي كان من ابو فاضل
واكمل
وبعدها اخذنى للبيت وارسل حريمه يخبرون اهل البنت بخطبتى وقال راح يفكروا ويردون لي خبر وقال ابو فاضل اني اجيب اهلى يوم الخميس واكيد هم ماراح يلاقوا احسن من نسبنا
سكت يراقب ملامح والده وردت فعله
ابو ياسر :على البركة يوم السعد الي اشوفك متزوج مادام ابو فاضل يعرفهم فاكيد ماراح يغشنا وانت قالت ان البنت فيها دين وحشمة
ياسر:يعني نكمل الموضوع وانت مو زعلان منى
ابو ياسر وهو يضع يده على كتف ولد :زعلان؟؟ انا فخور بك مثل دايم الله يسعدك ياولدى ويعطيك على قدر نيتك
انت فعلا رجال يفتخر في شهامته الكل
ياسر:تسلم يا يبه والله يقدرني ارضيك دوم
بس وش راح يكون رأي ام ياسر
ابو ياسر:انت قلها انك تبغى تكمل نصف دينك وانك اخترت البنت وما عليك انا راح اقنعها لا تحاتي انت
ياسر:الله يطمن قلبك والله كان الامر مكدرني
ابو ياسر بابتسامة :انت بس جهز حالك بعد بكرى نروح نخطب
وما تنسي تسأل عنهم اكثر بطريقتك
:
:
::
:::
::::
سبحان الله وبحمده سبحان الله العظيم
::::
:::
::
:
تنادى ابنتها
ام تركي :وفاء يابنتي تعالى ابغاك
وفاء سمي يمه
ام تركى:اجاك عريس من يومين
صدمة على خوف على رهب زلزلوا كيانها كله
وفاء انا ما اببغى اتزوج
ام تركي:وش ما تبغين تتزوجي؟
يابنتى البنت ما لها الا بيت زوجها
وفاء: بس انا ابغى اكمل دراستي
ام تركي :ومين راح يمنعك تكملي انت اشرطي انك تكملي وماراح يمنعوك
ابو فاضل يقول انهم ناس طيبين ومتدين ولهم هيبة ومركز
وفاء:ببكاء تكفين يمه ما ابغى اتزوج واترككم
ام تركي:وهي تحضن ابنتها
يا بنتى كل بنت لازم تسيب بيت اهلها انت بس صلي استخارة وانا راح اصلى والله يقدم الي فيه الخير
وبكرى راح ازور اخوك واشوف رايه في الموضوع واذا وافق تجهزي يوم الخميس راح يجون يخطبوك رسمي

وقفت وتركت ابنتها تبكي بصمت
:
:
::
:::
::::
سبحان الله وبحمده سبحان الله العظيم
::::
:::
::
:
انتهى