[اسطورة !]

البارت 93


طلال>> ريمو بليز

ريما>> طيب كيف انزل وانا لابسة هذي التنورة

طلال>> غيريها والبسي بنطلون

ريما>> لالا ابغى البس العباية

طلال>> اوكي براحتك

غريبة ياطلال من جد انت وين والروجوله وبين

لبست ريما عبايتها ونزلت هيا وطلال المطعم

راكان جالس في المطعم مع اثنين من اصحابو الي يدرسو في فرنسا يطلبو عشى

راكان>>
If allowed Stick with the chicken thieves
لو سمحت ستيك دجاج مع اللصوص
عندنا>>>
Allowed if the thickness of roast
لو سمحت سمك مشوي

راكان>>> ها صلوح مافي شي ناسبك

صالح>> يااخي متحار وش اخذ مااحب اخبص اقولك
Pizza with vegetables and fried potatoes
بيتزا بالخضار وبطاطس مقلية

راكان>> ههههههههههه بيتزا وبطاطس

صالح>> ماابي اخبص وش فيك


طلال >>
Allowed if a table for two
لو سمحت طاولة لشخصين

مشيو ريما وطلال روى النادل وجلسهم على طاولة تطل على الشارع وجمبهم كان راكان

ريما جالسة ومعطية ظهرها لراكان


صالح>> هاي راكان هذا مو طلال

راكان لف وجهو لقى طلال>> إلا طلال

عندنا>> معا وحده لايكون بس تاب واتزوج هههههههههه

راكان>> ايوا اتزوج اخت الي انا خاطبها

عندنا>> قوم سلم عليه

صالح>> انا مااحبو مغرور

عندنا>> ولاانا ماني مسلم علية

راكان> انا بروح

قام راكان وراح للطاولة الي جالسين فيها ريما وطلال

راكان>> السلام عليكم

لف طلال وجهو لقى راكان >> هلا والله هلا

قام طلال وسلم على راكان

طلال>> كيفك يارجال

راكان>> بخير الحمد لله كيفك انت

طلال> بخير فينك زماااااان عنك

راكان>> في الدنيا

طلال>> ايش جاية تسوي في فرنسا

راكان>> بعد بكرة المعرض ورسلولي بطاقة دعوه

طلال>> يوه انت لساعك ترسم

رااكان>> هههههههه لساعي ارسم

طلال>> او سوري اعرفك هذي زوجتي ر

قاطعو راكان بحماس>> كيفك ريمو

ريما انبسطت لما شافت راكان مرة تحبو >> الحمدلله راكان كيفك انت

راكان>> بخير الف مبروك والله سامحيني ماقدرت احضر عشان كنت في فرنسا

ريما>> الله يبارك فيك لا ياراكان عادي مو مشكلة رنيم ماقصرت هههههههه

طلال واقف مصدوم كيف ريما تعرف راكان

طلال>> لحظة انتو كيف تعرفو بعض

ريما>> طلال راكان خطيب رنيم اختي

طلال> لاااااااااا... من جد يعني طلعنا ارحام

راكان>> عليك نور

طلال>> ملكت على رنيم ولا لسة

راكان>> لا لسة بس كلام

طلال>> امم الله يتمم لكم

راكان>> شكرا يلا انا اسيبكم تاخذو راحتكم وبالمناسة بعد بكرة في الليل راح يكون المعرض اتمنى ماتتاخرو اوكي

طلال>> بعد بكرة ان شاء الله

راح راكان وجلس مع اصاحبو

طلال> ريما راكان ماملك على رنيم ومرة تموني عليه كدا

ريما>> رنيم وراكان يحبو بعض من زمان وكان دايما يكلمها

طلال>> اها اااا يعني رنيم بتتزوج عن حب

ريما>> ايوا

طلال>>ريما مافكرتي تتزوجي عن حب

ريما ماتبغة تفتح المواضيع دي مع طلال>> طلال انا بموت من الجوع ممكن تطلب لنا اكل

طلال>> حااااااضر

طلب طلال الأكل وجلس هوا وريما يستنو الأكل وطلال متحمس ويهرج مع ريما

وصلو االبنات البيت بعد مااتمشو واتعشو ...دخلو البنات البيت ودخلو غرفة رنيم

هتون>> ياالله باقي 3 اسابيع وتخلص الإجازة

رنيم>> من جد الله يعينني انا ثانوية عامه

شهد>> ايوا هذا على اساس انك بتدخلي طب

نوارا>> ايوا صح رنوم ايش تبغي تتدخل

رنيم>> احم احم كيميا

خلود>> امووووووووووووووووووووووو ووووووووت انا قال كيميا قال

رنيم>> ليش قالولك غبية

خلود>> لا بس بدري عليكي تدخلي كيميا

رنيم>> انا كنت افكر بالطب بس انا مااحب الدم

شهد>> بس بس يارنيم لايطلع لنا ارنب دحين ههههههههههههههههه

رنيم>> اقلبي وجهك

دخلت ام ريما عند البنات جري>> يابنت ريما كلمتنا الحمد لله وصلت بالسلامة وتسلم عليكم

قامت رنيم جري عند امها>> متى وصلت ؟؟ ايش قالت لكم ؟؟

ام ريما>> تقول وصلو من ساعتين ونزلوا يتعشو

شهد>> ان شاء ماتعبت

ام ريما>> لالا الحمد لله تقول كلو تمام

هتون>> وكيف طلال مع ريما

ام ريما>> الحمد لله تقول طيوب

رنيم>> طيب نبغى نكلمها

ام ريما>> قال ابوكم بكرة الصباح نكلمها

رنيم>> يوه بكرة

ام ريما>> ايوا هما خلاص نامو بكرة كلموها

شهد> ان شاء الله

ام ريما>> يلا تصبحو على خير

البنات>> وانتي من اهلو

خرجت ام ريما من الغرفة وقفلت الباب من وراها

وصل انس البيت ودخل المطبخ سوا لو ساندوتش و دخل انس الغرفة وقفل الباب وشغل الاب توب شعل انس اغاني عبد المجيد عبد الله وجلس على السرير ياكل
عبدالمجيد عبدالله وداعه

يامين وداعه كنه موادع الروح
لو هو بكيفي عنك مااروح ساعه
ساعه وداعه دمع الأعيان ماسفوح
منك وعليك من المحاجر ضياعه

انتهد انس وركز ظهرو على السرير وجلس يفكر في ريما

الحب يجبر ياحبيبي على البوح
والشوق يقفد في القلوب المناعه


حطت ريما يدينها الأثنين على خدود انس>> انوس اسمع

انس >> ها اسمع

ريما>> شوف

انس>> ها اشوف

ريما>> امم

انس>> ريما ايش فيكي قولي

قامت ريما وحضنت انس وقربت عند اذنو >> احببببببببببببببببببببببب ببببببك

انس >> وانا اموت فيكي اجلس لااحد يشوفنا ههههههههههههههههه

ريما>> ماعليا من احد

انس>> لاتجي رنيم تسوي لنا سالفة ههههههههه

*****************
ريما>> يلا انوس بسرعه غمض

انس>> ريما خلاص قالت لك لا وريني ايش عنك

ريما>> الله يخليك الله يخليك

انس>> ريما خلاص لاتسير بيبي

ريما>> يلا انوس بليز

انس غمض عيونو >> اهو غمضت عيوني

طلعت ريما من شنطتها اسوره من خيوط ملونه ولبستها انس

فتح انس عيونو>> ريما ايش دي

ريما وهيا تحك راسها>> ادري مخربطة بس امس اتعلمت اسويها وسويت لك وحده

*****************************

طالع انس في الأسورة الي في يدو الخيوط طالعه وملخبطة وحرف a يالله باين فيها رفع انس يدو وباس الأسورة وكتف يدينو وقبل ماينام قام واخذ جوالو واتصل على ريم


غدير>> ها اتصل

ريما>> لا لسة

غدير>> غريبة

لانو لطلتك هيبة كما هيبة ملك
انا في حضرتك مااملك إلا ارتجف

المتصل

هيبة ملك

ريم وهيا ماسكة الجوال ومتلهفه> اتصل اتصل

غدير نطت على سرير ريم >> يلا يلا ردي علية

ردت ريم على انس وقلبها يدق بسرعه>> الو

انس>> هلا ريم

ريم>> اهلين

انس>> معليش لو دقيت عليكي في وقت زي كدا

ريم> لا انس عادي

انس>> كيفك

ريم>> الحمد لله كيفك انت

انس>> بخير الحمد لله ..كيف غدورة

ريم>> تسلم عليك

انس>> ريم إذا بتنامي عادي اقفل

ريم>> لالالا ماانام بدري انا

انس>> طيب ريما ادري انو هذا شي مايهمك بس انا مالي احد افض فض لو..لو حابة تسمعي لي ؟ ومايضايقك انا حابة اقولك اشياء في خاطر

ريم>> انس اول شي انا اسمي ريم مو ريما تاني شي انا مستعده اسمعك لين بكرة

انس>> اسفة بس اتعودة على اسم ريما . ريم انا من فترة ماهي قليلة تقريبا 3 شهرو كنت اعرف وحده اسمها ريما

ريم لما انس قالها الكلام هذا حست خنجر طعن قلبها >> طيب

انس>> صح الفترة قليلة بس انا عشقتها في دي الفترة والله ياريم ماكنت اقدر اعيش من غيرها لو يوم واحد

ريم>> امم

انس>> كانت كل شي بالنسبه ليا كانت الأخت والحبيبة والأم و الزوجه وكل شي في حياتي كل يوم يمر كنت احبها اكثر من اليوم الي قبلو كنت كل يوم يزيد عشقها وحبها في قلبي الين خلاص سرت مااتخيل حياتي من غيرها

ريم>> طيب

انس>> مرة الأيام وكل يومين او 3 ايام اشوفها احضنها ابوسها كنت كل مااشوفها احسن اني اول مرة اشوفها كانت اللهفة كل مااشوفها تزيد

انس يحكي ريم وقلبها يتقطع من الغيرة

ريم>> طيب ليش ماتتزوجها

انس انتهد >> ااااااااااااه ياريم

ريم >> سلامتك من الأااااااه

انس>> اتقدمت لها بس اهلها مارضيو

ريم>> ولييش ان شاء الله

انس> ياريم ريما بنت عز

ريم>> وانت ولد عز

انس>> ياريم ريما ابوها صاحب اكبر معارض سيارة في جده ريما بنت هشام الــ؟؟؟؟

ريم انصدمت >> بنت هشام الـ؟؟؟؟

انس>> ايوا

ريم>> وكيف عرفتها اكيد مغرورة

انس>> لا ياريم انتي ماتعرفي ريما ..ريما زي الفراشة زي النسم طيبة وحبوبة ودمها خفيفة ناعمة وحساسة مافيها من الغرور شي

ريم>> طيب وبعدين

انس>> اتقدمت لها واهلها رفضوني عشاني مو سعودي

ريم>> طيب وايش فيها طيب حتى هما اصلهم مو سعودين

انس>> ايوا بس ابوها مايبغى يزوجها أي واحد بالذات ريما

ريم>> لي يعني

انس>> ياريم اخت ريما خاطبها ولد الوزير الي انا اشتغل عندو في الشركة راكان عبد العزيز الــ؟؟ صح راكان صاحبي ودايما مع بعض بس حتى هوا ماقدر يسوي شي

ريم>> وبعدين

انس>> اتقدم لها ولد صحبت امها واحد من كبار التجار في جده ومتعلم ومبسوط ومن مستواهم الأجتماع

ريم انصدمت>> اتزوجت

انس>> اااااااااه ايوا اتزوجت

ريم>> متى ؟ وكيف وافقت لوكانت تحبك؟ المفروض تقول لا

انس> ريم لاتظلميها ريما سوت كل شي لدرجة انها قالت لي تعال نشرد سوا وجهزت نفسها

ريم>> طيب ليش ماشردتو

انس جلس يبكي>> انا اناني مافكرت فيها فكرة في نفسي ومستقبلي خفت يسيرلي شي اتخليت عنها وتركتها تركتها ياريم اتخليت عنها

ريم>> انس انس لاتبكي مافيها شي صح الفكرة صعبه وفيها مشاكل

انس>> بس المفروض انا مااتخلى عنها المفروض اكون معاها مو زي الجبان اشرد واروح البيت ولما تتصل عليا اصرخ عليها

ريم>>> ياانس انت اجنبي ووضعك حساس والمشاكل الي زي كدا تأثر عليك انت ماسويت غلط بالعكس الي سويتو صح لانك لو اخذتها مكان وسار لها شي انت بتتحمل مسؤليتها وبعدين يااانس الزواج قسمة ونصيب

انس>> ريم انتي تعرفي انو ريما تشبه لك

ريم انصدمت>> من جد

انس>> والله العظيم حتى نبرة صوتك زي صوتها ريم انا شفتك لما نزلت المدينة وربي كأنك ريما بس ريما في خدها في خال

ريم>> امم

انس>> ريم انا ابغى اطلب منك طلب وانتي من حقك ترفضي او توافقي

ريم >> اطلب عيوني لك

انس>>ريم انا شرحت لك كل ظروفي وكل حياتي ريم انا ابغى اتزوجك توافقي عليا

ريم حست بموية باااااااااااااااااااارده انكبت عليها

انس>> ريم انتي من حقك ترفضي وانا متوقع هذا الشي ريم انا قلبي ملك وحده تاني وهذا الشي مافي بنت ترضى على زوجها خلاص انسي الفكرة

ريم>> انس انا موافقة

انس انصدم من رد ريم>> وريما

ريم>> انا بتحدى نفسي واتحدى قلبك اني راح اخذ مكان ريما

انس>> ريم ترى ريما اخذا القلب كلو

ريم>> انا حأخد القلب والروح الفكر اوعدك ياانس

انس>> يعني ياريم اتقدم لك دحين

ريم> لا لما تقول احبك ياريم مو ياريما انا اقولك تعال بس بشرط

انس>> اشرطي

ريم>> تساعدني لانو لو انت ماسعدتني انا ماراح اقدر اسوي شي

انس>> ريما انا من يدك دي ليدك دي

ريم>> اول شي تبطل تقول ريما انا ريم

انس>> اسف سامحيني

ريم>> مع الوقت بتقول ريم ماهي مشكلة

انس>> ريم انا هذا الشي ماراح انسالك هوا

ريم>> لاتقول كدا ياانس

انس> طيب انا دحين لازم انام عشان عندي شغل مررررررة كثير

ريم>> متى تبغاني اصحيك

انس>> لا مو ضروري انا اقوم

ريم بإصرار>> الساعه كم تبغاني اقومك

ابتسم انس لأصرار ريم >> طيب الساعه 8 ونص صحيني

ريم>> اوكي ياقمر تصبح على خير

انس> وانتي من اهل الخير

ريم>> يلا باي

انس>> مع السلامة

قفل انس من ريم ويحس قلبو ارتاح لما اتكلم وفض فض حط راسو ونام

قفلت ريم من انس وسارت تطالع في الجوال

غدير>> ريم بسرررررررررررررررررررررعه قولي لي انس ايش قالك من طق طق لسلام عليكم

ريم>> يالله ياغدير انس مجروووووووووووووووووح

غدير>> ليش ايش في

ريم>> اتخيلي انس كان يحب وحده اسمها ريما

غدير>> اها عشان كدا يناديكي ريما

ريم>> يالله ياغدير مرة يحبها يقول مرة تشبة لك بس في خدها في خال

غدير>> طيب وليش دق عليكي اذا يحب وحده

ريم>> شوفي ياسيتي يقول

جلست ريم تحكي غدير الكلام الي انس قال لها هوا كلو من ماتنقص شي وغدير متأثره مع انس وقلبها خايف على ريم اختها لاتفشل في التحدي


لبست ريما القميص حق النوم حقها لونو بني قصير وعلى شغل عند الصدر بالبيج وفرد شعرها وجلست على السرير

لبس طلال البوكسر حقو من غير بلوزة وجلس جمبها على السرير ومسك لها شعرها وسار يشمو ويطالع في ريما>> اشبك حبيبي

ريما>> ولا شي

طلال حط يدو على خد ريما>> طيب ليش مادة بوزك.. تبغيني ابوسك

ريما>> عادي انا كدا لما يتغير عليا المكان

طلال>> عادي ياعيني بتتعودي

ريما حاسة بغربة فظيعه جلست تبكي

طلال لما شاف ريما تبكي قلبو سار يعور>>> ليش ليش حبيبي تبكي

ريما وهيا تبكي>> مخنوقة ياطلال

حضن طلال ريما بقوووووووووووووووووة لين حس انها دخلت جوت ضلوعو وحط يدو على راسها>> حبيبي لاتبكي انا معاكي

ريما ترتاح في حضن طلال مافي غيرو هنا>> طلال الله يخليك ماابغى اعيش هنا

طلال>> حاااااضر خلاص وعد مانعيش هنا

ريما قامت من صدر طلال>> من جد ياطلال

طلال رجع شعر ريما ورى اذنها>> وعد ياروح طلال خلاص قبل شبكة بنات عمك واحنا في السعودي وخلاص ماني مكمل دراسة

ريما فرحت ماعرفت ايش تسوي رمت نفسها بقوة في حضن طلال طاح طلال على ظهرو فوق السرير وريما فوق حاضنتو >>> احببببببببببببببببببببببب ك

طلال قلبو سار يدق بسرعه لما ريما قالت لو احبك حضنها بقوووووووووووة ولفها ونام على جمبو وريما في حضنو ووجه وفي وجهها>> ريما والله العظيم بعيش طول عمري بس عشان اسعدك بس اديني فرصة ياريما انتي ماتبغيني انا عارف وحاسس انك كمان تكرهيني ريما امكن انا ماضيا معفن ومافي شي كويس بس انا اعتبرت نفسي اتولدت من جديد لما اتزوجك ريما والله انا راح اتغير عشانك والله ياريما

ريما لما سمعت كلام طلال قلبها حن علية شويا حطت ريما يدها على خد طلال>> طلال امكن انا مااعملك كويس وشويا قاسية معاك بس طلال انا مااعرفك غير من كم اسبوع ومالحقت اتعود عليك

طلال>> مايهم انا مستعد طول عمري استناك شفتي ياريما والله والله والله لو العمر معاكي 50 سنة وبعدين اموت واعرف انك راح تتعودي عليا بعد 40 سنة و11 شهر و29 يوم انا راضي اعيش معاكي واستنى دا اليوم

ريما كلام طلال ريحها حضنتو بقوة ونامت في حضنو


مر اليوم وكان ملينا احداث انس عرض على ريم الزواج وريما قلبها بدأ يحن قلبها على طلال

تاني يوم الساعه8 الصباح

صحيت ريم وقامت في اول يوم تحدي بينها وبين قلب انس تقدري نتسي حب ريما ولا

انس كان نايم لي فترة مانام كويس شغل وضغط وتفكيرو في ريما

ودي اكون أي شخص تاني
أي شخص عابر والتقى بك

رد اني على الجوال من غير مايشوف مين

انس وصوتو كلو نوم>> الوه

ريم>>> صباح الورد والجوري

انس لما سمع صوت ريم ابتسم >> صباح الخير

ريم>> يلا ياقمرو قوم الساعه 8

انس>> طيب

ريم>> لاتنام

انس>> لالا خلاص صحيت

ريم>> طيب اوكي

انس>> ريم

ريم>> ياعيونها

انس>> شكرا

ريم>> اقولك يلا قوم لاتتأخر على الدوام بسرعه

انس>> ههههههههههههههههههه طيب حاااااااضر

ريم>> ههه يلا باي

انس>> باي

قفل انس من ريم صح قلبو مجروح على فراق ريما بس ريم تجنن دخل انس الحمام غسل وجهو واتوضا وصلى الفجر ولبس وراح الدوام

قفلت ريم من انس وانتهدت >> ياااااااااارب تقدرني وانسي ريما

حطت ريم الجوال جمب راسها ونامت



الساعه 9 الصباح بتوقيت باريس

صحي طلال من بدري وصلى الفجر تخيلو طلال صلى الفجر جلس طلال على السرير لقى ريما نايمة ماحب يزعجها فتح الثلاجه واخذ منها كت كات اكلها وشرب عصير واتمدد جمب ريما وغمض عيونو

مامرت 5 دقايق إلا ريما صحيت من النوم طلال شافها بس سوا نفسو نايمة يبغى يشوف ايش راح تسوي دخلت الحمام غسلت وجهها واتوضت وصلت الفجر خلصت ريما من الصلاة .....لفت وجهها على طلال شكلو يجنن وهوا نايمة من غير بلوزة والغطا مرمي نصو في الأرض..... ريما لما شافت طلال كدا ابتسم راحت قدام المرايا..... وطلال يفتح وحده من عيوني ويشوفها ايش تسوي.... لبست الورب القصير البيج الي كلو شغل فوق القميص القصير الستان البني وصلحت شعرها وحطت مسكرة وكحل وحطت جلوس وشويت بلشر واتعطرت ووقفت عند راس طلال ...... حطت ريما يدها على صدر طلال وسار تهزو >> طلال طلال

طلال فتح عيونو بكسل ولما شاف ريما وابتسم>> صحيتي

ريما ابتسمت لطلال بدلع وهزة راسها انو ايوا>> يلا قوم

لفت ريما وجهها بتغى تروح مسكها طلال من يدها >> فين رايحه

ريما>> ابغى البس

طلال>> اول شي هاتي بوسة .. مد طلال فمو لريما

ريمالفت وجه طلال وباستو في خدو وراحت

قام طلال ووقف>> انا قلت في فمي مو في خدي

ريما حطت اصباعها عند راسها وميلت وسطها بدلع>> كيفي

طلال> والله كيفيك امممم يعني جالس تتدلعي عليا

رقصت ريما لطلال حواجبها

طلال> وكمان ترقصي حواجبك امممممم

فجأة راح طلال جري وشال ريما .. وريما ميت ضحك >> طلال نزلني طلال حأطيح

طلال شايل ريما زي البيبي>> والله لاارميك لو مابستيني في فمي

ريما وهيا لافة يدينها بقوة حولين رقبة طلال عشان لاتطيح ويدين طلال وحده عند ظهرها والتانية تحت ركبتها >> خلاص خلاص والله ابوسك

طلال>> يلا

باست ريما طلال في فمو بسرعه

ريما>> يلا خلاص نزلني

طلال>> ايش دا ايش دا والله لاارميكي بوسي عدل

ريما تصرخ >> لاااااااااااااااا بوستك ياطلال هذا غش

طلال>> هههههههههههه غش مرة وحده يعني هذي بوسة

ريما>> إيوا بوسه

طلال>> لا هذي مو بوسه

ريما>> أجل ايش

طلال>> هذي طال عمرك قلة ادب يعني مشي حالك

ريما>> طيب نزلني والله ابوسك

طلال>> لا بوسيني دحين

ريما>> خلاص والله ابوسك ياطلال نزلني

طلال>> لالالالالالالالالالالا دحين

قربت ريما من فم طلال وحطت يدينها الإثنين على خدودو وباستو بوسة محترمة

ريما>> خلاص

طلال خق>> لا مو خلاص

راح طلال عند السرير وحط ريما وقرب منها و
و
و
و
و
و
و
و خلاص عيب تعرفو كل شي



الساعه 1 بتوقيت جده

صحيو رينم وهتون بدري ودخلو الحمام وصلو ونزلو الصاله

ام ريما جالس في الصالة

رنيم>> صباح الخير

ام ريما>> صباح النور

هتون> صباح الخير

ام ريما>> هلا والله صباح النور

رنيم>>> ماما كلمتي ريما

ام ريما>> لا لسة استنى ابوكي يجي

هتون>> متى عمي جاي

ام ريما>> كم الساعه دحين

طالعت هتون في الساعه>> 1 وربع

ام ريما>> كمان ساعتين ويكون هنا

رنيم>> يالله متحمسة اكلم ريما

هتون>> كويس يكونو البنات صحيو


انس>> يافهد الأوراق دي لازم تعرضها على محامي الشركة ماابغى أي لخبطة في الشغل لو سمحت

فهد>> حاضر انا بوديها مع ملفات المشروع التاني

انس>> ولما يخلص يرسلي جدول ضروووري

فهد>> ان شاء الله شي تاني

انس>> فهد إذا ماعليك امر كلم ابو سالم يرسلي قهوة

فهد>> حاضر

انس>> اتفضل

صحيت ريم من النوم واتغدت وطلعت غرفتها على طول واتصلت على انس

انس في المكت جالس يشرب قهوة ويقرا الملفات

ودي اكون أي شخص تاني
أي شخص عابر والتقى بك

المتصل

ريم بنت عمتي

انس لما شاف رقم ري انبسط>> هلا والله

ريم>> اهلين كيفك يادبه

انس>> بخير الحمد لله كيفك انتي

ريم>>> مشتاقتلك

انس ارتبك >> احم

ريم>>هههههههههه خلاص ريم حقت اول الي تستحي راحت دحين اانا ريم حبيبتك وزوجتك ولا

انس>> صح

ريم>> يلا روح كمل شغلك بس صوتك وحشني قلت خليني اريح خاطري واكلمك

انس من غير مايحس طلعت منو الكلمة>> ياعمري


ريم اترتبك >> يلا يادبة روح كمل شغلك

انس>> اوكي ياقمر انا اخلص ولما اخرج اكلمك

ريم>> اوكي ياعسول

انس>> يلا ياقلبي باي

ريم>>> باي

قفل انس من ريم وابتسم وحس براحة لما سمع صوتها ورجع يكمل شغلو بحماس ونشاط


نايم طلال على ظهرو فوق السرير وريما نايمة في حضنو وحاط يدو اليمن على ظهرها ويدو اليسار فوق يدين ريما ..وريما حاطه راسها على صدور ويدينها على صدور ويد طلال على يدينها الانثين

طلال باس جبته ريما>> احبك

ريما حضنة طلال بقوة >> وانا كمان

طلال>> من جد ياريما انتي مبسوطه

ريما>> ايوا

سحب طلال يد ريما وباسها >> الله لايحرمني منك يابنت الأصول

ريما >> ولا يرحمني منك ياطلال

طلال>> ماجعتي يابطتي

ريما>> إلا والله جيعانه

طلال>>> يلا قومي نتروش وننزل نفطر

ريما>> دحين الساعه 11 ماتلاقي فطور

طلال>> انا خليهم يجيبو لك فطور الين عندك كم ريما انا عندي

ريما>> وحده

طلال>> وميت عليها

قامت ريما ولفت المنشفى على جسمها

طلال >> على فين

ريما>> بتروش

طلال>> وانا

ريما>> لما اخلص ادخل

قام طلال ولف منشفة على وسط وراح حضن ريما من ظهرها >> لا ياعمري نتروش مع بعض

لفت ريما وهيا في حضن طلال وسار وجهها في وجو ومسكت لو خشمو>> لا يادبدوب

مد طلال بوزو>> ازعل

ريما>> خلاص خلاص لاتكبي

طلال>> طيب ادخل معاكي

ريما>> طيب بس خليك برى شويا

طلال>> ياويلك لو سويتي في مقلب وتتورشي لوحدك

ريما>> لا لا تخاف

طلال >> طيب ادخل معاكي الله يخليك

مسكت ريما طلال من يدو وجلستو على السرير>> اجلس وانا راح اناديك

طلال>> قدامك دقيقة لوماخلصتي راح اكسر الباب هههههههههه

ريما> هههه لالا تخاف

طلال>>> طيب يلا روحي

دخلت ريما الحمام وقفلت الباب عليها....
وكان في بوكي ورد احمر جوري جابو السيرفس روم امس عبت ريما البانيو بالموية وجابت الشور جل حطتو في الموية وقطفت اوراق الورد وحطتها على البانيو وفي الموية وعطرت الحمام بالبدي سبري حق طلال تركو في الحمام لما امس اتروش وقفلت الانوار وكان في على الحوض شموع صغيرة حطتها ريما على البانيو

قتحت ريما الباب وقام طلال

طلال>> خلاص اجي

ريما>> لا بس ايني ولاعه

طلال>> ليش تدخني

ريما>> ه ه ه ظرف

طلال>> ههههههههههههه طيب

جاب طلال لرريما الكبريت حق الفندق واعطاها هوا من عند الباب ومد راسو يبغى يشوف دفتو ريما>> هاي استنى

طلال>>> هههههههههههههه طيب

دخلت ريما وولعت الشموع وسار شكل الحمام ياخذ العقل الرومنسي

خلصت ريما وفتحت الباب وراحت عند طلال

وفقتو ريما وكانت تبغى تحط يدنها على عيونو بس طلال مرة طويل جمبها

ريما>> يالله انت مرة طويل

طلال>> هههههههههههههههههههههههه طيب ادنق لك

دنق طلال لريم اوحطت ريما يدها على عيون طلال ودخلتو الحمام .. شالت ريما يدها من عن عيون طلال .. اول مافتحت طلال عيون انبهر شكل الحمام ياخذ العقل

لف طلال وجهوو على ريما>> ريما م

حطت ريما يدها على فم طلال >> اششش


سحبت ريما طلال من يدو ودخلتو الحمام وشالتو لو المنشفة حقتو وشالت منشفتها ودخلو البانيو مع بعض

طلال>> ريما انتي مبسوطة

حط ريما يدها على خد طلال>> دام انت بخير انا مبسوطة

سحب طلال ريما وقربها منو وحضنها بقوة وشال من المويه ورقة وردة وحطها على خد ريما وباسها >> احبك


رجع ابو ريما من الدوام

ابو ريما >> السلام عليكم

البنات كلهم صحيو وجالسين يستنو يرجع>> اهليييين وعليكم السلام

ابوريما>> اتغديتو

البنات>>لا

ام ريما>> يلا دحين نجهز الغدا

قامت ام ريما عشان يجهزوا لغدا

رنيم>> بابا حنكلم ريما

ابو ريما>> ايوا نتغدى ونكلمها


مروج وهيا تقيس فستان شبكتها>> ماما يبغالو تضيق من هنا

ام مروج>> ايوا واسع مرة من عند الصدر

مروج>> خلي يضيقو اصباعين

ام مروج>> طيب طيب فصخي

مروج جالسة تجهز لشبكتها خالص باقي على شبكتها اسوعين بالزبط وبعدها ب5 ايام شبكة شهد وخلود وبعدها بيومين الدراسة تبدأ


خلصوريما وطلال من الحمام ورخرجو ولبسو

لبست ريما بنطلون جينز سكني وعلية من عند الفخذ الوان اصفر وازرق فاااااااتح ولبست بلوزة صفرة نص كم امبير عليها فراشات موف ولبست فلات ازرق نشفت شعرها وفردتو على طبيعتو وحطت مسكرة وكحل وبلاشر ورج احمر .. مع لبسها شكلها سار يجنن
لبس طلال بنطلون جنز وبلوزة صفرا زي ريما وزبط شعر وشكلو كمان كان كول

خلصو لبس واخذت ريما الدوا وفطرو وقامت ريما قام المرايا هيا وطلال يصلحو نفسهم قبل مايخرجو

طلال واقف يصلح شعرو

ريما>>خلاص خلصت

طلال طل في ريما>> شكلك يجنن

ريما استحت>> وانت شكلك حلو

قام طلال وفتح الشنطة الصغيرة الي فيها الجوزات حقت السفر والتذاكر وطلع منها علبة .. قرب طلال من ريما ووقف وراها وهيا واقفة قدام المراية فك طلال العلبة وطلع منها سلسة الماس تاخذ العقل ولبسها ريما

طلال> هذي رضوتك يااحلى زوجه في العالم كلو

ريما مافهمت>> يعني ايش رضوى

طلال>> هذي عشان سرت حرمة خلاص

ريما >> طلال خلاص استحي

باس طلال ريما في خدها مسكها من يدها>> يلا يلا

لبست ريما نظارتها ولبس طلال نظارتو وخرجو من الفندق

رتب راكان لوحو في المعرض لانو بكرة في الليل الحفلة حقت المعرض ونواف ومشعل جالسين يرتبو في ركن نواف

مشعل>> يبى ترى خلاص حدي يوعاااااااااان

نواف>> يلا خلاص بس خلني اخص الي بيدي وانا عازمك على الغدا

مشعل>> يلا انا بيلس اهني على الكرسي واشرب لي شي لين ماتخلص

نواف>> اوكي

راح مشعل وجلس على الكرسي وكان الكرسي قدام راكان

راكان واقف وماسك لوحة كبيرة ومو قادر يشيلها مرة تقيل.. مشعل لما شاف راكان قام راح لو

مشعل>> تبيني اساعدك واشيلها

راكان > والله ياريت

شالو راكان ومشعل اللوحه وعلقوها

راكان>> شكرا

مشعل>> لاشكر على واجب

مد راكان يدو لمشعل>> راكان عبد العزيز الـــ؟؟؟ ولد وزير الــ؟؟؟

مد مشعل يدو >> هلا والله ونعم ياغالي انا مشعل سراج الباقي صاحب اكبر شركة تصيدر وإستيراد بالكويت

راكان>> ونعم .. انت رسام معانا

مشعل>> لا والله يامعود خوي نواف معاكم

راكان>> اها الي في الركن الي جمبي

مشعل>> ايه اهو نواف صديقي

جا نواف>> السللام عليكم

راكان ومشعل>> وعليكم السلام

نواف>> يلا يبى ماتبي تتغدى

مشعل> ايه يلا . يلا راكان حياك معانا

راكان>> لالا بالعافية انا عندي كم شغلة لسة ماخلصتها

مشعل>> اقول يبى زين خل عنك يلا قوم

نواف>> يلا يامعود قوم ترا انا الي بدفع ههههههههههههههههههه

راكان>> اوكي يلا

قام رااكان مع نواف ومشعل وارحو يتغدو


وصول طلال وريما شارع الشانزليزية اشهر شارع في باريس مشهرو بالأسواق وطبعا مافي احد مايعرفو

طلال>> يالله ياروح طلال انا عارف انك مااشتريتي شي من جهازك لفي الشارع محل محل واشتري كل شي نفسك في

ريما عشقها شي اسمو سوق ومشتريات>> الله من جد

طلال>> من جد ياروح طلال يلا

راحو طلال وريما ودخلوا ول محل لقو في الشارع SEPHORAاشهر محل في باريس للعطور والمكياج.. دخلو طلال وريما محل العطور وسار يشترو عطور لليل

طلال وهوا يشم عطر>> ريما تعالي شمي دا العطر

شمت ريما العطر حق فلتنينو الجديد>> الله ريحتو تاخذ العقل

طلال>> ناخذ دا كمان

ريما>> طلال خلاص 12 عطر جبت لي

طلال>> اجيب لك 12 الف عطر لو تبغي انا كم ريما عندي

ريما > الله لايحرمني منك

اشترى طلال لريما 12 عطر غير العطور الي اشترتها من السعودية طبعا عطور السعودية غييييييييييييييييير عن عطور باريس عطور السعودية ساعتين وتروح الريحه اما عطور باريس تجلس ريحتها لين تموت هههههههههههههه دعابة دعابة

خرجو طلال ريما من محل العطور

طلال>> يلا حبيبي تعال ندخل المحل دا محل ديزني يجنن ياريما

دخلو ريما وطلال محل دينزني كل الأشياء الي في شخصيات ديزني تي شيرتات وبناطليل وبجايم واكسسوارات المحل ياخذ العقل هوا في قسمين قسم للمشتريات وقسم للأستيديو

اشترو ريما وطلال تي شيرتات واشترت ريما كل ماتشفو تي شيرت تحطو عليها وتاخذ رأي طلال وطلال يغمز لها
المهم ريما اشترت من هناك تي شيرتات لها ولي بنات عمها ورنيم ومروج واشرتى طلال هوا وريما تي شيرتات زي بعض واشترت ريما اكسورات تجنن وبكلات واشترت شورتات تجنن قصيرة وقمصان تاخذ العقل


طلال>> ريمو تعالي نتصور في الأستديو

ريما>> يلا

دخلو طلال وريما الإستديو واتصور صور رهيب مع شخصيات والديزني

تنا تتنا تتان

دق جوال طلال

طلال>> ريمو هذول اهلك من جدة

ريما راحت جري على طلال واخذت الجوال وردت>> الو

ابوريما>> هلا يابابا

ريما>> كيف حالك يابابا؟ وكيف ماما واخواتي وبنات عمي

ابو ريما>> الحمد لله بخير ياقلبي كلنا تمام انتي كيفك

وريما وهيا تطالع >> الحمد لله انا مرررررررررة مبسوطة طلال يجنن

طلال لما سمع ريما صلح البلوزةوابتسم لريما >> احم احم

رنيم>> بابا هات هات

اخذت رنيم الجوال>> ايوا ريمو كيفك حببيبي وحشتيني

ريما>> ياقلبي انا بخير حتى انتو مررررررة وحشتيني

رنيم>> ريما خذي شهد

ريما>> الو

شهد>> حبيبي وحشيتيني

ريما> ياقلبي حتى انتو وحشتوني موتاااااااااااااااااات كلكم

شهد>> ريما نازلة الشبكة

ريما>> ايوا طلول قال انزلك

شهد>> يس يلا حبيبي لااطول عليكي خدي خاله

ريما>> الو ايوا ماما

ام ريما وعينها تدمع>> كيفك ياامي

ريما>> الحمد لله بخير كيفك انتي

ام ريما>> الحمد لله احنا بخير كيف زوجك

ريما>> الحمد لله بخير يسلم عليكم

ام ريما>> يلا ياامي لا نطول عليكي سلمي عليه طلال

ريما>> يوصل ياماما مع السلامة

ام ريما>> مع السلامة

طلال>> خلاص كلميتيهم

ريما>> يب

طلال>> يلا تعالي نكمل شوبنق ياعسل

ريما مسكت يد طلال>> يلا

كملو ريما وطلال شوبنق وهما مبسوطين وطلال قد مايقدر يخلي ريما مبسوطة

راكان > جاد الله عليكم

نواف>> بالعافية حبيبي

مشعل>> بالعافية

راكان>> يلا انا عازمك على فيلم ياخذ العقل في السينما اوكي

مشعل>> دامني مابدفع شي يلا معاكم ههههههههههههههه

نواف>> لا يبى بنطلع من السينما وانت بتعزمنا على ايس كريم

مشعل>> يلا مو خسارة فيكم ههههههههههههههههههههههههه ههههههه

راحو راكان ومشعل ونواف السينما يتفرجو على فيلم اكشن جديد

وصل انس البيت واول مادخل لقى امو نايمة دخل غرفتو وغير ملابسو واتصل على ريم

ريم جالسة هيا وغدير على التلفزيون يتفرجو ودق جوال ريم

وعلى طول ردت>> هلا والله

انس>> اهلين

ريم>> كيفك ياعيني

انس>> بخير الحمد لله انتي كيفك

ريم>> الحمد لله .. تعال اتغديت

انس>> لا والله جيت من برى لقيت امي نايمة

ريم >> ياسلام يعني خاله نايمة ماتاكل

انس>> ايش اسوي

ريم>> قوم

انس>> فين اقوم

ريم>> يلا يادبه قوم

انس>> هههه اهو قمت

ريم>> يلا ورح المطبخ

انس راح المطبخ >> اهو انا في المطبخ

ريم>> يلا افتح الدولاب الي تحت المغسلة

انس>> هههههههههههه اهوو فتحتو

ريم>> في كرتون اندومي اشترتو لما جينا تتذكر

انس> ايوا الله اهو قدامي

ريم>> طلع حبتين وسويها

انس>> اف حبتين

ريم>> ايوا عشان تشبعك لين تقوم خاله وتسوي لك اكل

انس> ههههههههههه طيب اقلك شي وماتضحكي عليا

ريم>> هههههههههههههههههه خلاص ضحكت

انس>> مااعرف اسوي اندومي

ريم>> انا اقولك كيف

وجلست ريم تعلم انس كيف يسوي الاندومي وهوا يسويها ويهرج مع ريم


خلصو ريما وطلال من السوق اشترت ريما اشياء مرة مرة كثيرة جهزة من جد ومن اغلى الماركات العالية ماخلت شي عطور مكياج ملابس اكسسورارت كل شي طبعا هذا مايأثر في ميزانية طلال لانو طلال بطراااااااااان ولما اتزوج زوج امو صالح حطلو 2مليون في حسابو غير الشركة وغير العماير والبقايل الي عندهم وغير الإجارات الي تجيهم

طلال>> خلاااااااااااااص حبيبي انا بموت من الجوع

ريما>> ههههههههههههههههه والله حتى انا

طلال>> يلا ناكل

راحو ريما وطلال وجلسو في المطاعم الي في شارع الشانزليزية



وطلبو الأكل


احمد>> هدولي هما

ابو لينا> ايوا هدول

احمد>> تبغني الحين اقتله

ابولينا>> لالالا مو هنا ومو اليوم خليها بكرة او بعدو عشان لااحد يشك

احمد>> خلص اترك لي عنوان الفندق وبأي روم وماعليك

ابو لينا>> اوكي


ايش راح يسيو ابو لينا في طلال معقولة يقتلو وريما ايش راح تسوي لو سار لطلال شي؟ وانس معقولة يحب ريم وينسى ريما؟ ريما خلاص قلبها اتعلق في طلال وخلاص سارت زوجتو وشريكتو في كل شي؟ راكان ونواف ومشعل سارو اصحاب؟ ايش راح يسير من احداث جديدة كل دا في البرات الجاي