[لامارا]

البـــارت الرابــع والعشــــــــــرون




ببيت ابو باسم الساعة 10 الليل
صحى من النوم اعتدل بجلسته وفتح جواله وشاف الساعه وبعدها قام ودخل للحمام اكرمكم الله توضى وطلع وصلى العصر والمغرب والعشا وبعدها قام وطلع من غرفته للصاله شاف امه جالس بالصالة وجالسه على جوالها الايفون راح جلس جنبها
ام باسم:هلا ولدي اشلونك
باسم:بخير وانتي؟
ام باسم:دووم يارب..تمام الحمد الله
باسم بتردد:يممه بقولك شي واتمنى تقوليلي اذا صح او لا
ام باسم بقلق:قوول وشفيه
باسم:يمه...ميين رحاب..هي زوجتي ولا حبيبتي ولا ايش ؟
ام باسم انصدمت منه وما ردت عليه
باسم:يمممه وشفييك ردي علي
أم باسم بتوتر:مادري مادري
دخل ابو باسم عليهم وبعدها قال:أم باسم لييش ما تقولين للولد عن رحاب حراام تبعديينه عنها يكفي كذب يأم باسم يكفي
باسم ساكت ومصدووم من اللي صار وبعدها وقف وقال لأبوه:يبااا أي كذب تتكلم عنه يعني أمي كذبت علي
ابو باسم:باسم أنت قبل ما تفقد الذاكرة تزوجت رحاب بالسر من دون ما ندري وكانت أمك حاطة عينها على وحده ثانية لك بس انت ما كنت تبي غير رحاب وبعدها اللي فرضتها علينا وقلت اننا لازم نتقبل بالامر الواقع أمك ما رضت وطردتك من البيت وبعدها أنت بالطريق سويت حادث وكذبت امك عليك وارسلتك للدمام تكمل دراستك هناك وكذبت على اهل رحاب ورحاب على انك مت
باسم كان متفاجأ وومصدووم التفت لأمه وأمه كانت سااكته
أم باسم:باسم انا
باسم طلع من البيت وركب سيارته وكلام ابوه يمر على باله مثل الطعنات على قلبه..وقف السيارة على حافة الطريق ومر شريط ذكريات







رحاب:باااسم خلااص ماابي اكل شبعت
باسم:لا اكلي..ما اكلتي شي
رحاب:لا والله شبعاانة
باسم:طيب بس لقمة وحده..يلا علشان خاطري
رحاب:طيب
باسم بإبتسامة:شطــووورة

حس بالصداع شاف بقالة نزل واشترى مويه ورجع للسيارة وفتح درج بالسيارة وطلع بنادول وشربه مع المويه...






















**
















بعد مرور يومين ..





خالد كان قدام قصر الجد هادي فتح باب السيارة ونزل ودخل للبيت بالحوش الكبـــير شاف بنت صغيرة تلعب مع بدر تقدم وراح لبدر
خالد:بدر
بدر التفت له
بدر:خالد!
خالد:سويلي طريق وقولي وين جناح هديل
بدر:طيب يلا امشي وراي
خالد مشى معه ودخل للدور الثاني
بدر:هذا جناح هديل
خالد مسك مقبض الباب بس كان مقفل دق الباب بقوة
هديل ارتعبت من الدق القوي لبست العباية والحجاب وراحت لعند الباب فتحت القفل ووضح عليها الصدمة من شوفة خالد
خالد بهدوء :هديل جهزي اغراضك ويلا بسرعه انا بالسيارة
هديل:بس..
خالد:بلا بس بلا بطيخ انا بالسيارة انتظرك
هديل بعصبية:لا مااني جاية
خالد رفع حاجبيه وتقدم لهديل واقترب منها وهديل حاولت تبتعد حتى التصقت بالجدار
خالد بهمس وبحدة:إذا قلت كلمة تسمعينها وتطيعيني..ولا بيكون حسابك عسير
هديل خافت من قربه وكانت ترتجف من الخوف
خالد ابتعد وطلع من الجناح
هديل جهزت شنطتها وحطت كل اغراضها واغراض الجوري ونزلت لتحت بسرعه وطلعت من البيت وشافت بالحوش الجوري تضحك مع بدر
هديل بصراخ:جوووووووري
الجوري راحت لعند هديل:نعم
هديل:يلا بنروح لبيتي
بدر راح لجانب الجوري:هديل اتركي الجوري هنا..لا تنسي انك متزوجة ومو حلوة تعيش معك خليها هنا و بكون لها الاب والام والصديق وكل شي وتكون امانة لي
هديل سكتت شوي وبعدها قالت:طيـب بس بدر اهتم فيها زيين ولا تخلي احد يظلمها وانا بحاول اجي كل يوم
بدر:إن شاء الله
هديل:جووري انا الحين رايحة وانتي بتعيشي هنا مع بدر وبحاول اجيك كل يوم اوكي حبيبتي
الجوري:طـيب
هديل طلعت وشافت سيارة خالد برا ركبت وراه
خالد:انا مو سوااق عندك وتعالي قدام
هديل ركبت بجانب خالد قدام
خالد من غير شعورك لامس يد هديل
هديل كانت تحس بالدفئ من يد خالد
خالد توجه للمطار
هديل استغربت:بنساااافر؟؟؟
خالد طلع تذكرتين لفرنسا:ايه لباريس..شهر عسل
هديل:ما فهمت مو حنا سافرنا
خالد ابتسم لهديل:هديل أنا أحــبــــك
هديل توترت وإحساس السعاادة بداخلها وحست بقلبها اللي زادت نبضاته
خالد:هديــل تحبيني؟
هديل سكتت ونزلت راسها خالد مسك راسها بيديه ورفعه
خالد:خلي راسك دايم مرفوع لا تنزلينه...وجاوبي على سؤالي
هديل بصوت واطي وبخجل:أيــه
خالد:هديل تدرين هاذي احلى لحظة بحياتي..حسيت أنه غلط نكابر لييش العذاب والفراق ومدري ايش حسيت انه الحياة ما تستاهل كل هذا فالنهاية كلنا بنمووت ومحد يدري متى يومه وانا يا هديل عرفت هالشي زيين وفكرت نروح نسافر نغير جوو ونحس انه بالفعل شهر عسل حقيقي مو مثل قبل كل واحد بجهة..صح كلامي
هديل:صح
خالد ابتسم لهديل وبمزح:يلا ننزل قبل ما تروح الطيارة علينا











**











راكان كان جالس على جواله وبعدها ترك جواله عالكنبة وراح لعند غرفة رهف
راكان:رهف
رهف التفتت له واعتدلت بجلستها
راكان:رهف تعالي اجلسي بالصالة ليش جالسه لحالك بالغرفة
رهف:لا عاادي مرتااحة كذاا
راكان:طيب اممم انا رايح مطعم بمجمع تجين معي
رهف:لا مو جيعاانة
راكان:اهاا براحتك









**










بالمستشفى..

كانت جالسه على طرف السرير
فيصل بدأت عينه تفتح وكان مشوش وبدأت تظهر له ملامح الشخص اللي جنبه
ندى بفرحة:فييصل
فيصل بتعب:ندى وين انا
ندى:انت بالمستشفى
فيصل:لييش
ندى:سويت حادث بس الحمد الله انك تحسنت
فيصل:اها الحمد الله
فيصل بحنان:ندووش كيفك؟
ندى:بخير وانت كيفك ان شاء الله مو حاس بألم
فيصل ابتسم لها:بخيير الحمد الله..بس ابي اطلع بأسرع وقت
ندى وقفت:إن شاء الله الحين بسأل الدكتور
فيصل مسك يدها:لا لا تروحي خليك شوي ابي اكحل عيني بشوفتك
ندى جلست وابتسمت له
فيصل:أحببك يا ندى ومافي احد(أشر على قلبه) بيملك هالقلب غيرك يا ندى وانا داري انه في احد ارسلك صور فيها انا وبنت وهالبنت تكون بنت خالتي توفت خالتي وزوجها واخوها سكران طول الوقت وكانت تبيني اساعدها وبس حلييت الموضوع مع اخوها وشكله في احد من صورني معها وكان يبي يسوي مشكلة بيني وبينك وبس هذا اللي صار..
ندى:اييه شاكة وعارفة انت مستحيل تخووني
فيصل:احبك يا ندى ربي ما يحرمني منك
ندى:ولا منك














**













فجر فقدت الامل في تفريق خالد عن هديل وخصوصا بعد ما عرفت من فتون انهم سافروا شهر عسل لمت كل اغراضها وراحت لبيت عمها...









**













بعد مرور اسبوع على الاحداث
ما تغير شي
بلندن
كانت رحاب تجهز اغراضها وجات عندها حصة
حصة:رحووب وشفيك كأنك زعلانة
رحاب:لا ما فيني شي بس شعور اني ادخل البلد اللي انولدت فيها واللي حبيت فيها شخص توفى شعور صعب..المهم فارس امانه عندك وانتي قلتيلي انك اووف لبكرة ولبعده وانا راجعة بعد بكرة
حصة:من عيوووني
رن الجرس
رحاب:يلا مع السلامة
جصة:توصلين بالسلامة
رحاب:الله يسلمك
طلعت وشافت الحارس العمارة وبعد الترجمة
الحارس:إن المدام سوزي بإنتظارك بالسيارة
طلعت رحاب مع الشنطة الكبيرة والشنطة اليد ركبت ورا بالسيارة السودا وكانت سوزي بجانبها وصلوا المطار وجلسوا بقاعة الانتظار وجاهم بسام باللبس الرسمي
وبعدها نادوا على الرحلة من لندن الى الرياض
وقفوا وبعد الاجراءات دخلوا على الطائرة الدرجة الاولى ركبت رحاب بجانب سوزي وبالجهة الثانية ركب بسام مع واحد بريطاني

















**




















بالشركة....

بالاجتماع

ابو ياسر:بيجون شركة ال.... البريطانية لتوقيع عقد المشروع الجديد اللي بنسويه بلندن
باسم:شي جميل وإن شاء الله ينجح هالمشروع
ابو ياسر:إن شاء الله
باسم:بأي يوم؟
ابو ياسر:بيجون اليوم بعد ست ساعات راح يوصلون وبكرة بيجون عالشركة
باسم






**







بباريس عالســــاعة 9 الصباح
صحيت هديل وشافت خالد طالع من الحمام بالمنشفة اكرمكم الله
خالد ابتسم لها:صبااح الخير
هديل:صباح النور
خالد:يلا انا بلبس وبطلع اشوف لنا فطور وانتي اخذي راحتك

لبس خالد عالسريع ملابس سبورت ولبس الشوز الرياضي وطلع وهديل قامت من السرير واخذت شور سريع وطلعت ولبست بنطلون وبلوزة وردية سادة وجلست عالتسريحة تسوي شعرها...وبعد نص ساعة
رجع خالد وبيده كيس فيه اكل وراح للصالة وحط الاكل فوق الطاولة
خالد:هدييل
هديل قامت وطلعت من غرفة النوم
خالد:تعالي يلا نفطر
هديل جلست بجانبه:وش جبت اكل
خالد:لقيت مطعم عربي مقابل الفندق وجبت سندويشات بالبيض والجبن وعصير
هديل:عافية على قلبك
خالد:الله يعــافيك (ومد لها السانددويش)
اخذته هديل واكلت بهدوء وخالد كان مبتسم
السـعاادة كانت الشي اللي بينهم ..
تنازلوا بعد المكابرة..










**











باليوم الثاني ..



بالشركة...

دخلت سوزي بالعباية بس بدون حجاب وبجانبها رحاب متحجبة وبسام ودخلوا لقاعة الاجتماعات وبعد الترجمة..
ابو ياسر:اهلا بك يا سوزي
سوزي:اهلا
جلسوا سوزي ورحاب وبسام بجانب سوزي
ابو ياسر:من هذا وهاذي يا سوزي
سوزي:هذه رحاب مساعدتي الصغيرة وهذا بسام وكيل المالي لشركتي
ابو ياسر:إذن فلنبدأ بالاجتماع
دخل باسم وجلس امام بالطاولة امام رحاب مباشرة دقق في ملامحها حس انه يعرفها وشافها من قبل ورحاب ما كانت منتبه له كانت سرحانة
سوزي:رحاب هل يمكنك الطلب لي قهوة سوداء
باسم رفع حاجبيه وبعدها قال بصوت عالي:رحاااااب انتي.....










**











وانتهى البارت


باقي ثلاث بارتات وتنتهي الرواية وبيكونوا كثار والاحداث كثيرة
ولي رواية ثانية بس بعد فترة طويلة بنزلها
وبتوحشينييي وبشتااق لردودكم لاني بترك كتابة الروايات لفترة وبعدها برجع