( البارت الاول )
بعد زواج محمد ورغد بشهر
رغد: حمود ابغا اطلع اتمشى طفشانه مره
محمد وهو يناظر التلفزيون: لا الوقت تأخر وانا بنام مبكر
رغد: لسه الساعه ١١ وانت كل ليله تسهر والليله بتنام مبكر
محمد: لازم اصحا بكره الصباح اروح المطار
رغد: ليه وش بتسوي في المطار
محمد : نواف ولد اخوي بيرجع من السفر
رغد: هذي الي ماحظر زواجنا؟؟
محمد طفش من اسألتها: إيه وتصبحين على خير بنام
رغد: اوكي حتى انا بنام :ولحقته
في صباح يوم جديد*
مثل كل يوم الحريم في بيت الجد في المطبخ من الساعه ٧ الصباح
يسون الفطور
والبنات اليوم صاحين مبكر عشان نواف برجع
أنزلت رغد من جناحها ومرت على البنات الي جالسين بالصاله
رغد: صباح المبكرين اليوم
رولا: هههههههه أكيد بنبكر اليوم بيوصل
مزيون العايله
هدى: استحي يا بنت ولد خالك
ساره: ماغلطت البنت*
ريم: هي هي انتي ويها هذا اخوي
رولا: وخير ياطير أخوك
ريم: يعني لا تغازلين قدامي
نوف: بس انتي وياها
هبه: بنات تتقوعون لسه حلوه مثل اول
نوف: الي يسمعك يقول غايب عشر سنين كلها
ثلاث سنوات
رغد: ههههههههههههه لهدرجه حلوه
رولا: يمه يخقق يجنن
دعاء تظرب رولا بالمخده: خلاص محمد جاه
محمد: صباح الخير أشوف متجمعين
البنات: صباح النور
نوف: ابد يا خوي بس ننتظر المزيون يوصل
محمد: هههههههههه اجل وين الشباب
هدى: بنتظرونك بره
محمد: يالله اجل لا أتأخر عليهم
وطلع محمد
رغد: بنات انا بروح المطبخ
ريم: روحي وش نسوي لك
رغد طنشتها وراحت
عند الشباب
عبدالله و سيف وسعود وخالد وسامي ومحمد وتركي
في المطار ينتظرون وصول نواف
وصل نواف
وتوجه لهم وسلم عليهم
في السياره
محمد: مع ان انا زعلان منك بس جيت استقبلك
نواف: افاا وليه زعلان
محمد: لأنك ما حظرت زواجي*
نواف: قلت لك اجله لما ارجع بس انت مستعجل مادري وش بيفرق هالشهر
سعود: ههه يقول وش بيفرق*
خالد: الاخ من تزوج وهو سافهنا
نواف: افاا ما توقعتك كذه يحمود
محمد: حمود في عينك قول عمي
تركي: لو المدام كان ماقلت كذه
الشباب: ههههههههههههههههههههههههه ه
محمد: اسكت انت معا لا تشوفون شي مايعجبكم
في المجمع كان الكل في الحديقة ينتظرون وصول بطلنا المزيون
دخلت السياره المجمع ونزل منها نواف
وسلم على الجميع
بعدها اقامو عزيمه للرجال
بمناسبة رجوع نواف
بعد العزيمه
الحريم والبنات كانو في بيت الجد في الصاله
يسالفون
دخل محمد: تغطو الشباب بيدخلون
تلثمو البنات ودخلو الشباب
البنات كل وحده في نفسها
رولا: يهببببل يبخت الي بتاخذه
هبه: الله وأخيرا شفتك بعد كل هالغيبه يبعد قلبي< تحبه
ريم: هذا اخوي مالت عليه لو ولد عمي كان يمكن لي امل
ساره: اه ياحلاته
هدى: يزين والله صدقت رولا اليوم
رغد: هذا هو نواف صدق مزيون*
ام تركي: يالله يا عيال كل واحد بيت روحو نامو
الشباب : ان شاالله*
البنات : حاظر
وكل واحد راح بيته
في جناح محمد ورغد
محمد: رغووود
رغد تطالع التلفزيون: هلا
محمد: قومي جيب لي كوفي
رغد التفتت عليه وناظرته بصدمه
محمد: بسم الله عليك وش فيك*
رغد: ليه ماقلت قبل ما اصعد
محمد: ماصار شي قومي نزلي جيبلي
رغد: اوووف حمود وش ينزلني
محمد: الله واكبر انتي بتصعدين الاصنصير
رغد: خليني اسويها هينا مو لازم من محظرت
القهوه
محمد: رغد قومي بلا دلع
رغد: اووووووف*
وقامت لبست العبايه واهي معصبه
وطلعت ونزلت المطبخ
نواف كان جالس يدور بالحديقة
ويشوف الاشياء الي تغيرت بغيابه
شاف نور المطبخ في بيت جده مشتغل
قال: أكيد هذي نوف
دخل المطبخ شافها لابسه عبايه
وجسنها انحف واقصر
قال : هذي أكيد وحده من بنات اعمامي
رغد ماحست ان في احد دخل المطبخ
نواف سحب الكرسي وجلس
في ها لوقت انتبهت رغد وقالت في نفسها
أكيد هذي نوف> مسكين هالنوف نايمه ولا تدري بشي
نواف: سوي لي قهره معاك
في هالحظه انقزت رغد من مكانها لما أسمعت الصوت وتلثمة على طول: بسم الله
نواف: وش فيك
رغد أخذت كوب ثاني عشان تسوي له ولا ردت*
بعد ثواني من الصمت
رغد: كم معلقت سكر ؟؟؟؟؟
نواف حس ان اول مره يسمع هالصوت: هاه
كثر الي حطيتي لك
رغد خلصت القهوه واخذت الكوب الي حق نواف ومسكته بيدينها الثنتين والتفتت وشافته
وهو لما شاف عيونها ظل يطالع فيها
رغد نزلت عيونها في الارض وتوجهت
لطاوله وحطت الكوب فوقها
ورجعت أخذت الكوب الثاني وطلعت من المطبخ*
وخلت نواف مع اسألته الكثيرة الي تدور في راسه
نواف: من هذي ؟؟؟؟ يمكن رولا * *يمكن
وأخذ القهوه وطلع من المطبخ
في اليوم الثاني
كانو الجميع مستعد للمزرعه*
وصعدو الأغراض في السيارات
رغد: مزرعتكم كبيره
رولا: ايوه كبيره مررره وحلوه
رغد: انا متحمسه ابغا اسبح في المسبح
رولا: الله وناسه تعالي شوفي بيصعدون السيارات
رغد: انا بصعد مع محمد
رولا: اجل كلنا في سيارته
رولا: بصوت عالي بناااااات كلنا في سيارة*
حمود أوبس اقصد عمي محمد
سامي: هههههههه اجل البنات كلهم معاك يابو الشباب
سعود: هههههههههههههههه اتخيلك في السياره انت بس ذكر وكلهم ايناث هههههههه
نواف لما سمع ان البنات كلهم مع محمد قال:*
من قال انا بصعد معا
محمد: هذا ولد اخوي الي يفزع حق عمه مب انتو جالسين تضحكون*
خالد: ماعليك منهم حرك بس
صعدو السيارات
ونواف كان يدور رغد بعيونه من بين البنات
يبغى يعرف منو هذي البنت
وطول الطريق وهو يراقبها
بس هي كانت ساكته ماتتكلم مع البنات
لما وقفو في المحطه
محمد: وشو تبغون نجيب لكم
نوف: انا ببسي
رولا: انا ليز حار وبايسن وجلكسي و
قاطعها محمد: بس بس حش مب بطن
وانتو وش تبغون؟؟؟
هبه: انا عصير برتقال> قالتها بدلع عشان ينتبها لها نواف
بس نواف ماكان معاها كان ينتظر رغد
هدى: انا مويا
ساره: انا ببسي و بانتي
ريم: بايسن وتسالي كاتشب وليز ملح وخل وووبس
محمد: لا كنتي طلبتي اكثر
ريم: صدق اجل ابغا
قاطعها محمد: انكتمي
البنات: ههههههههههههههههههه
محمد: وجع
محمد جاه بينزل من السياره نسى رغد
نواف: محمد لحظه باقي وحده
محمد: نسيتك خلصي وش تبغين
رغد انقهرت: مابغا شي*
محمد: خلاصينا بلا دلع قلت لك نسيت
رغد: وانا قلت مابغا شي
محمد: اوووووف براحتك
ونزل
ونواف استغرب
وقال: قولي وش تبغين وانا أجيب لك
رغد صدت جهت النافذه وماردت عليه
ريم: جيب لها سنكرس وكود رد
نواف: اوكي
انتظر ردودكم
وتشجيعكم
|