رواية من بين البنات انتي وبس
يتبع البارت 5
في نهاية الدوام
رولا: جاي على بالي كذا ان نشتري باسكن في الطريق
سارة: لا وش باسكن هالوقت
هبه: لالالا انا مو معاكم مو ناقصني مشاكل مع تركي
ريم: رولا عقلي شوي
رولا: اووووف.....رغود الحلوه ماتكلمت... اكيد معاي
رغد ابتسمت: انا معاك في ان نشتري الباسكن بس مو في هالوقت لان الحين الكل بيلاحظ تأخرنا.... بس ولا يهمك اليوم نطلع ونشتري
رولا قفزت على رغد وباستها: هذي حبيبتي لا ما تكسر بخاطري
سارة: امشي بس خلينا نطلع
طلعو وصعدو السيارة.......وفي الطريق
السايق: في سيارة تلحقتا
البنات كلهم اللتفتو ورى
ريم: اي والله شوفوها
هبه: وش يبغى لاحقنا؟؟؟
رغد تكلم السايق: من متى وهو يلحقنا
السايق: من اول ماتحركنا من جنب المدرسة
رولا: الحقييييير ولا وسيارة حلوه بعد
رغد: انت متأكد ان يلحقنا
السايق: ايوه منأكد.. لاني حاولت اغير شوي في الطريق وغير معاي
ريم: وش نسوي؟؟
هبه: انا اقول نروح البيت ولا علينا منا واذا سوه شي الشباب يطلعون له
رغد: وقف عند محطت البنزين وشوف كان وقف او لا
وقفو في المحطه ووقف معاهم
سارة شهقت
رغد: روح روح بسرعه
رولا: وش تسوين؟؟؟
ريم: بسم الله عليك سارة وش فيك؟؟؟
سارة وشوي وتبكي: فيصل ...فيصل
ريم: طيب اهدي
رولا: الكلب ولد..... وش يبغى بعد لو بس اتوطى في بطنا كان خليته ينطق الشهادتين
رغد: وقف
ريم: مجنونه انتي.... وش بتسوين؟؟
هبه: تبغين تروحينا
رغد: هذا الحل الوحيد لان لو خلينا يلحقنا احتمال يشوفه واحد من الشباب ويمسكه ويقوله ان يعرف سارة وكذا بندخل في مصيبه اكبر
سارة: طيب.. وش ناويه تسوين؟؟
رغد: انتظرو وتشوفون.... وقف
السايق: لا مارح اوقف
البنات انصعقو
رغد: وش مارح توقف.... اقولك وقف لحظه
السايق بعصبيه: انتو خمس بنات معاي وشلون تبغيني اوقف؟؟
رولا: وانت شدخلك فينا؟؟؟
السايق: انتو امانه عندي
ريم: كملت.... صدق بنروح فيها
رغد: اسمعني يا...
السايق: طلال
رغد؛ طيب ياطلال .. احنا بندخل في مصيبه لو لحقنا للبيت... فأنت وقف وخلني احل المشكله بطريقتي
طلال: ولو صار لك شي؟؟
رغد: لا مارح يصير.... انت وقف وشوف
طلال: طيب... بس لو صار شي بنزل
رغد: اوكي.... وانتو لا تنزلون الا لضروره
وقفو وقف خلفهم
سارة: انا خايفه رغد خلينا نمشي
رغد: لا تخافين
رولا: شوفو سيارة الحيوان
ريم: وانتي الحين ماهمك غير سيارته
هبه: وبنظل واقفين كذا؟؟
رغد: مارح انزل الا اذا نزل
هبه: واذا مانزل؟؟
رولا: نزل نزل
رغد نزلت: خير اخوي بغيت شي
فيصل ضحك بخفوت: هلا برغووود الحلوه
رغد: عفواً.... وش عندك لاحقنا؟؟
فيصل: افا... يعني مسوي فيها ماعرفتيني
رغد: قول الي عندك خلصني من دون هالف والدوران
فيصل: هههه طيب من عيوني اقول وش عندي ....ابغى سارة تنزل
رولا ماتحملت اكثر ونزلت: نعم ياروح امك وش تامر عليه
فيصل: ههههههههه بعد هذي وحده جديده ماشفتها ذاك اليوم
رولا كانت بتتكلم بس قاطعتها رغد: روح من هنا ماعندنا شي لك
فيصل: هههههههههههه وش قلتي ياحلوه انتي معاها؟؟.. قولي لسارة تنزل احسن لكم
سارة انزلت ونزلو وراها هبه و ريم
سارة: وش تبغى؟؟
فيصل: هلا بالقاطعه
رغد بعصبيه: مو قلت لكم ماتنزلون
فيصل: خليهم يارئيسة عصابة الاميرات
سارة: انت وش تبغى فيني
فيصل: افا نسينا ايام الحب
رولا: حب في عينك.... عمى في عينك ان شاءالله... جعل عيونك البط
فيصل: انتي سكتي ياأم لسانين ماحد كلمك
رولا: جعل لسانك يحترق في نار جهنم قول امين
فيصل: انتي هبه وانتي رغد... بس انتو الثنتين مين
ريم: مو شغلك
رولا: مالت عليك انقلع من هنا لا ادوس في بطنك الحين اخلي امك تبكي عليك
فيصل: هههههههههههه لا والله واضح انك بويه
رولا: بويه في عينك يالوسخ
رغد: انت وش تبغى الحين بالظبط؟؟
فيصل: جاي اخذ خقي منكم
رغد: اي حق؟؟؟ مو هذا وعدك؟؟
فيصل: ايوه وعدتك امسح رقم سارة وانساها ... بس ماوعدتك انسى عايلة سارة
رولا بصراخ: حقييييير وربي لا......
قاطعتها رغد: اوكي انا اورك ان ماخليتك تندم
نزل طلال من السيارة وهجم عليه.
رغد: طلال تركه
طلال بعد عنه: بس...
رغد: اصعد السيارة
طلال ماناقش وصعد
رغد: بنات صعدو
سارة: وانتي؟؟؟
رغد: لا تخافين عليه... صعدو
ريم: لا مستحيل نخليك لحالك
رولا: تبغينا نصعد ونخليك مع هذا
رغد: قلت صدو اذا تثقون فيني
البنات صعدو
رغد قربت شوي من عنده
فيصل بخفوت: قررت الحلوه تجيني برجولها .... تصدقين انك عاجبتني اكثر من سارة وهبه... ومو بس هم انتي ملاك على الارض
رغد ضحكت بخفوت: صدق!!؟؟
فيصل: وربي... حتى اني نسيت كيف شكل سارة وهبه الي كانو كاشفين طول الوقت بس صورتك انتي ما فارقت خيالي
رغد تقدمت اكثر وصفعته على خده: انا اوريك يالنذل
فيصل بعصبيه بالغه مسك معصمها: انا...
ماكمل كلامه من صراخ رغد الي فاجأه: ياااااناااااااااس حرااااامي يبغى يخطفني ياااااانااااااس ساعدوني
فيصل: سكتي يامجنونه فضحتينا
رغد: يبغى يخطفنننني سااااعدوووووووني
تجمعو الناس وهجمو عليه وظربو
رغد صعدت السيارة ركض: بسرعه بسرعه روح
طلال انطلق بأسرع ما عنده
رولا ضمت رغد بقوه: بغى قلبي يوقف من الخوف عليك
رغد: سلامة قلبك
ريم: انا كان شوي ويغمه عليه من الخوف
سارة: رغد هذي ثاني مره تساعديني ماردي كيف....
رغد قاطعتها: احنا خوات
هبه: الحمدلله انا قلت رحنا في خبر كان
رغد تطالع الساعه: تأخرنا.... طلال اذا احد سألك ليه تأخرنا قول كان في حادث بالطريق فكان زحمه
طلال: ان شاءالله
رولا تهمس لرغد: طلع سعودي
رغد: هاه... اي والله من الي صار مانتبهت
وصلو البيت نزلو من السيارة
رولا: شرفو محمد ونواف وسامي
ريم: شيسون؟؟؟
رغد: يسولفون
سارة تركتهم وراحت بيتها
هبه: ريم احتمال اليوم اجي عندك
ريم: ايه حياك
هبه: تسلمين حياتي... وراحت
رولا تقلد عليها: تسلمين هياتي... وش تبغى هذي تجي عندك
ريم: وانا وش دراني
رولا: لو انا مكانك كان قلت لها لا لا تجين
رغد: انتي ماتلاحظين انك قليلة ذوق
رولا بشهقه: انا... متى قللت ذوق معاك؟؟
رغد: مو معاي بس مع هبه
رولا: حدي انا بموت في هبو الخبله مالت عليها وعلى الي يحبها بعد
ريم: اشوفكم على خير.... ودخلت بيتهم
رولا وقفت: رغد اممممم ودي اسألك عن شي
رغد: ايوه سألي
رولا: انتي ليه تزوجتي في هالسن؟؟؟يعني مرره صغيره على الزواج
رغد: انتي تدرين اني يتيمه وماعندي احد غير خالتي.... وخالتي زوجها متوفي وماعندها بنات بس ولدين... وهي ربتني وماقصرت ... بس انا كنت احس نفسي ثقيله عليهم ... فقلت اول واحد يخطبني بوافق... عشان ماثقل على خالتي اكثر
رولا حزنة عليها: اها... بس خيرة شوفي شلون صار عندك صديقه مثلي وكذا
رغد: هههههههههه ايوه معاك حق صار عندي عايله
رولا: يعني ماعندك اعمام او عمات
رغد: لا ماعندي احد غير خالتي
رولا: والحين صار عندك
رغد: ايه والله فديتكم كلكم
رولا: انا وصلت... دخلي معاي
رغد: اشوفك طمعتي فيني
رولا: هههههههههه وش اسوي انتي سكره
رغد: ههههههه سكره في عينك تبغيني اذوب
رولا: صدق منتي كفو مدح.... ودخلت بيتهم
رغد: ههههههههههههههههههههه هبله... وتوجهت للبيت
الساعه 4 ونص العصر
رغد اتصلت على محمد في الشغل
محمد: هلا
رغد: هلا فيك..... ابغى اروح عند خالتي
محمد: طيب وش اسوي لك؟؟؟
رغد: سلامتك ولا شي.... بس اتصل بالسايق ووصف له البيت لاني ماعرف اوصف
محمد: طيب... طلابات ثانيه
رغد ببتسامه: لا سلامتك
محمد: مع السلامه.... واغلق
رغد لبسة عبايتها واخذت شنطتها وطلعت
نزلت وشافت نوف في الصاله
نوف: على وين ياحلو انت
رغد تخصرت: بروح بيت خالتي عندك مانع
نوف تصطنع الغضب: جلسي محلك مافي روحه مكان
رغد تسوي روحها بيغنى عليها: يمه يمه بموت من الخوف
نوف: ههههههههههههههههههههههههه ههههه اشوف رولا مأثره عليك بالغباء
رغد: هههههههههه لا والله مسكينه البنت ماسوت شي انا من زمان كذا بس مايبين عليه
نوف: اها... يعني كنتي مسويه نفسك مسالمه والحين طلعت عفاريتك
رغد: ههههه تقريباً..... انا رايح مع السلامه
نوف: الله معاك...... طلعت رغد
وصلت بيت خالتها ودخلت...... كانت خالتها خالسه في الصاله ومعطيه الباب ظهرها وطلال ولد خالتها قدامها
رغد اشارت له ان يسكت..... وغطت عيون خالتها
ام فارس: فارس وخر مناك مو فاضيه لحركاتك
رغد شالت يدينها: افا نسيتيني .... هذي حركتي انا مو حركت فارس
ام فارس ضمتها: حبيبتي والله.... وينك ما تنشافين؟؟
رغد: هههههه شوي شوي عليه .... مشاغل الدنيا وش نسوي بعد
ام فارس: جلسي حبيبتي
رغد جلست: اجل وين فروووس؟؟
ام فارس: عنده محاظره
رغد: الله يوفقه.... وقفت وفسخت عبايتها والتفتت على طلال: التفتت بشيل الشيله وبلبس الحجاب
طلال: ومن متى صرتي تتحجبين عني؟؟؟
رغد: من اليوم
طلال التفت
رغد: خلاص خلصت...... والتفتت على خالتها الي تطالعها وركضت لها وجلسة جنبها وضمتها: الحلوه وش تفكر فيه؟؟؟
ام فارس: هههه اشوفك ضاعفه شكلك ماتاكلين زين
رغد: لا وين هذا انا ماتغيرت
ام فارس: الا شوفي نفسك كيف صايره
رغد: احلى وش فيك النحافه موضه
ام فارس: حتى في ذي حطيتو موضه
رغد: ههههههههه اكيييد كل شي له موضه
فارس: ومن متى صارت رغد الخبله تتابع الموضه
رغد: خبله بعينك.... انت الخبل
فارس: ههههههههه ماتعدل لسانك اشوف
رغد: وش في لساني مافي احسن منه
فارس: كأنك بزر
رغد: بزر بعينك شوف نفسك اول بعدين تعال تكلم........ فروووس متى جيت
فارس: ههههههههههه مبكر الحين انتبهتي
رغد: يوووووه وش فيك عليه..... يادب متغير
فارس: مو بس انا حتى انتي محلوه زياده عن اللازم
رغد: ايه قص عليه بهالكلمتين
فارس: وربي انك محلوه يارغد
رغد: يعني ايش تغير فيني
فارس: بشرتك متفتحه وصافيه وجسمك صاير احلى والكحل الي حاطته مع هالروج مخليك خوقااااقيه بمعنى الكلمه
ام فارس بعصبيه: بعد جالس تتغزل ببنت خالتك وتعدد محاسنها
رغد: وش فيك خالتي وش فيها احنا اخوان عادي
فارس صعد غرفت من دون لا يعلق
رغد: شفتي شكله زعل
ام فارس راحت المطبخ: اروح اشوف العشى ابرك لي منكم
رغد: هههههه .... الا طلول وش تسوي؟؟
طلال: يعني فاتح كتبي استهبل مثلاً
رغد: وجع هذي كلمتي
طلال: حتى فارس يقولها
رغد: وهالفارس كل شي كنت اسوي صار يقلد عليه...، تصدق سايقنا على اسمك
طلال: وانتي اكيد فرحانه
رغد: ليه يعني بفرح
طلال: لانك تحبيني وتموتين عليه
رغد تكش عليه: مالت من زينك الحين
..... اروح اشوفه فروس ابرك لي.... وصعدت
دق باب غرفته
فارس بضيق: طلال انقلع مالي مزاج لك
رغد دقت الباب بطريقه كانت معتاده عليها
فارس: رغد دخلي
رغد دخلت: زعلت من خالتي؟؟؟
فارس ببتسامه: انا مازعل من امي
رغد ابتسمت: طيب ليه جالس لحالك؟؟
فارس: انتظرك تجين تجلسين معاي
رغد سحبت الكرسي وجلست عليه: يادب مغير الغرفه من وراي.... بس تهبل تشبه الوان غرفتي الي هنا
فارس ابتسم: صدق اعجبتك؟؟
رغد: ايوه مرررره... تشبه ذوقي بس ذوقي احلى طبعاً
فارس: ايه واضح ان احلى
رغد: طبعاً اجل ذوقك المعفن
فارس رمى عليها الخوداديه: انا ذوقي معفن
رغد: كلك على بعضك معفن
فارس قام من فوق السرير..... رغد هربت وصعدت فوق السرير
فارس: نزلي لا تكسرين سريري
رغد: الله والسرير الحين من زينه
فارس صعد فوق السرير ورغد قفزت فوق الطاوله
فارس: يالهبله لو طحتي الحين وتكسرتي لنا
رغد: عادي توديني المستشفى
فارس: لا يالثقه.... الا بخليك تموتين هنا
رغد مدت لسانها عليه بحرك طفوليه
فارس: يالبزر نزلي لا تطيحين
رغد: بجرب اجلس فوق الدولاب
فارس توجه للحمام: ماتقدرين..... بعد ثواني طلع... وماشافها ابتسم
رغد: وش الي تفكر فيه؟؟
فارس نقز من مكانه ورفع راسه وشافها جالسه في الخزانه: يالهبله نزلي
رغد بعناد: لا مابغى
فارس: نزلي لا تطيحين
رغد: مابغى
فارس بعصبيه: رغد نزلي لا يصير لك شي
رغد: واذا مانزلت؟؟؟
فارس: ابغى افهم شلون وصلتي فوق
رغد ببتسامه عريضه: مو شغلك... بس تدري ان غرفتك معفنه ملابسي صارت قذره بسبب الغبار الي هنا
فارس: احد قالك صعدي فوق.... نزلي بسرعه
رغد: طيب...... فارس التفت وسمع شهقتها
.....انتهى.....
اتمنى يروق لكم البارت ويكون عند حسن ضنكم
موعدنا ان شاءالله الاثنين
.... تحياتي....
|