[اسطورة !]

رواية من بين البنات انتي وبس




البارت 6





فارس توجه للحمام: ماتقدرين..... بعد ثواني طلع... وماشافها ابتسم
رغد: وش الي تفكر فيه؟؟
فارس نقز من مكانه ورفع راسه وشافها جالسه فوق الخزانه: يالهبله نزلي
رغد بعناد: لا مابغى
فارس: نزلي لا تطيحين
رغد: مابغى
فارس بعصبيه: رغد نزلي لا يصير لك شي
رغد: واذا مانزلت؟؟؟
فارس: ابغى افهم شلون وصلتي فوق
رغد ببتسامه عريضه: مو شغلك... بس تدري ان غرفتك معفنه ملابسي صارت قذره بسبب الغبار الي هنا
فارس: احد قالك صعدي فوق.... نزلي بسرعه
رغد: طيب...... فارس التفت عنهاوسمع شهقتها...... التفت عليها بسرعه: وش فيك
رغد متجمده مكانها
فارس بخوف: رغد رغد ردي عليه وش فيك
رغد مازالت في صمت
فارس ماقدر يتحمل سحب الكرسي وصعد فوقه: رغد طالعيني هنا.... وش فيك!؟؟؟
فارس حاول يصعد معاها عشان يقدر ينزلها .... وقدر يصعد.... لما صعد فارس رغد تحركت بسرعه وانزلت من الجهة الثانيه: هههههاي خلك فوق ياحلو.... وهربت من العرفه وهي تسمع وعيد فارس لها.....

دخلت غرفتها القديمه عشان تغير ملابسها وشافت الغرفة مرتبه مثل فبل واحسن: يالبى قلب خالتي ..... فتحت الخزانه... امممممم وش اختار.. هذا وو هذا ..... لبست وطلعت

وانزلت لخالتها في المطبخ: العسل وش مسوي لنا عشا
ام فارس ببتسامه: كل الي تشتهينه
رغد: الله على طبخك ياخالتي وحشني
ام فارس تطالعها: ليه غيرتي ملابسك؟؟
رغد: هاه... توسخو
ام فارس: ومن وين الوسخ عشان يتوسخون
رغد وبالفعل تورطت: ايه... اقصد.. انا جايبه معاي شوكولاته وانكبت على ملابسي
ام فارس بعدم تصديق: متأكده
رغد: وش فيك خلخوله اكيييد
ام فارس: ياخوفي رجعتي لحركات البزران الي كنتي تسوينها
رغد تمثل الصدمه: انا.. مستحيل
فارس من خلفها: مستحيل في عينك
رغد التفتت على فارس ببتسامه عريضه: هلا فروسي حبيبي
فارس ومازال غاضب من حركتها: الحين صرت فروسك ومن شوي.... قاطعته
رغد مسكت يده: تعال اوريك جوالي الجديد... وطلعو من المطبخ
فارس يبعدها عنه: ماتبغين امي تعرف بفظايحك
رغد: وش فيك عليه... كأني عدوتك تكلمني كذا
فارس: حتى العدو ماسوي سواتك
رغد: ههههههههه.. خلاص روق يابو الشباب.. ماعجبك المنظر من فوق ولا شنو
فارس: انا الي قاهرني كيف صدقتك
رغد: هههههههههههههههههههههه.. لان قلبك طيب وتصدق بسرعه.... تصدق ملابسي الي عندكم واسعه
فارس: لانك نحفتي
رغد: احسن ان شاءالله انحف اكثر
فارس: لا اكثر من كذا مو حلو... بعدين زوجك يقول خذو بنتكم مابغاها
رغد: مايقدر.... بروح اساعد خالتي...





في بيت الجد

رولا: ليه راحت الجلسه من دونها ولا شي
نوف: خليها تزور اهلها وش دخلك
هدى: احنا جاين هنا عشان ندرس كلنا في هدوء يعني مارح نجلس
رولا: لا حبيبتي انا حجتي الدراسه بس انا جايه اتونس
ريم: صدق ملل من دون رغد
هبه بقهر: ليه كل هذا احس عادي مافي شي تغير وجودها وعدم واحد
رولا: واحد في عينك... رغد هنا الكل بالكل
هبه: انا احسك يارولا من جات رغد وانتي متغيره عليه... اكيد جالسه تفرقنا وحده وحده
سارة: هبه وش هالكلام البنت ماشفنا منها الا كل خير
رولا: انا الي ميته عليك اول فراقفك عيد عندي
ريم: رولا خلاص اقصري الشر
رولا: اقصر الشر والشر بعين جالس قدامي
هبه: انا الشر... احسن منك يا...
رولا: انتي ابليس بكبره
هبه شهقت: انا تقولين لي هالكلام
نوف بعصبيه: وبعدين معاكم ياتسكتون ياتنقلعون بيوتكم
هدى: ذكرو الله مايصير كذا
سارة: هبه قومي نروح بيتنا ونذاكر انا وانتي هناك
هبه قامت بنرفزه وطلعت مع سارة
رولا: روحه بلا رجعه
ريم: مدري ليه تسوي كذا هالبنت
نوف: ريم رولا قومو انقلعو وراهم
رولا تشيل كتبها وهي تتحلطم: كله من الخايسه هيبو
نوف: وش تقولين
رولا: اتحاطم بعد فيها شي.. طلعت
ريم: اذا جات رغد مبكر قولو لها تجي لنا
نوف: روحي ذاكري ونامي رغد مطوله
ريم: تصبحون على خير..... طلعت خلف رولا

رولا: ساعه عشان تطلعين
ريم: وش فيك انتي ماتعيشين من دون مشاكل
رولا: وربي تنرفز
ريم: تعالي نروح بيتنا
رولا: طيب
دخلو كان نواف جالس مع روز
ريم: امي وين؟؟
نواف: عند عمتي ام سيف
رولا بهمس: يعني في بيتنا اجل زين مارحنا
ريم: ليه؟؟
رولا: لان لو شافتك امك داخله معاي بتطلع مبكر وبتاخذك
نواف يطالع رولا: رولا!!
رولا تصمدت مكانها: ن.. نعم
نواف: في شي لك طاح في سيارتي ذاك اليوم... انتظري شوي اجيبه... صعد
ريم: وش هالشي؟؟
رولا: علمي علمك
نزل نواف ومد لها السلسال
رولا اخذته: بس هذا مو لي
نواف عقد حواجبه: اجل لمين؟؟
رولا: شيفته من قبل... بس مو لي
ريم: الله يهبل... ليش يعني مفكر ان لرولا؟؟
نواف: لان كان قدام جنب الكرسي الي كانت جالسه عليه
ريم: متأكد محد صعد سيارتك قبل او بعد
نواف عقد حواجبه: وش قصدك؟؟
ريم: لا... مو قصدي شي.. بس قلت يمكن يعني
رولا قاطعتها: ذكرت وين شفته... هذا دايم تلبسه رغد
ريم: صدق؟؟ انا اشوفها تلبس شي دايم بس ولا مره شفته زين.. حتى في زواجها كانت لابسته
رولا: لا انا شايفته... هذا هو
نواف: طيب خذي لها... ورجع جلس جنب روز
ريم و رولا صعدو
رولا: بلبسه عشان مايضيع... لبسته
ريم: بس تصدقن روووعه
رولا: ايه مرره ... اتوقع كذا هديه من محمد عشان كذا دايم تلبسه






جالسه على الارض والكتب فوق الطاوله الزجاجيه الصغيره ومنهمكه في المذاكره

وفي الجه المقابله مستلقي على الكنب وبيده الكتاب
ام فاس: حبيبتي رغوود خذي الحلو مسويته عشانك
رغد رفعت راسها وابتسمت واخذت: تسلم يدك.... اكلت منه.... امممم لذيييييذ
ام فارس: فارس حبيبي اجلس واكل لك قطعه
فارس جلس واخذها من يدها: تسلم هالايادي
ام فارس: بسكم مذاكره بتوجعكم عيونكم كذا
رغد: والله ماعرفنالك يا خلخوله ان ذاكرنا قلت خلوها عنكم وان ماذكرنا قلت وين بتنجحون وتاخذون شهادات
ام فارس: من خوفي عليكم
فارس: لا تحافين يالغاليه متعودين مايضرنا
رغد: الا وين طلول؟؟
ام فارس: يا قلبي عليه نام انهد حيله طول النهار وهو حاط راسه بكتبه وطلع شوي ورجع وهو تعبان ونام
فارس: الحين كم الساعه
رغد تطالع جوالها: 11:45 بروح انام تعبت .... اخذت كتبها ووقفت وتوجهت لدرج
فارس بستغراب: بتنامين عندنا
رغد وقفت: اوووه نسيت اني تزوجت
ام فارس: نامي يابنيتي عندنا وبكره روحي بيتكم
رغد: لا خالتي بروح.... اخذت جوالها واتصلت بمحمد مره مرتين.... مايرد اكييد نام
ام فارس: خلاص اجل بتنامين عندنا
رغد: لا مره ثانيه الحين ابغى اروح
فارس: وش هالدلع الزايد وش بيصير فيك لو نمتي عندنا
رغد: قلت مره ثانيه لان بكره عندي مدرسه وماجبت اغراض المدرسه معاي... قوم فرووس وصلني
ام فارس: الله يهديك يابنتي
فارس: بوصلك بس بشرط
رغد وهي تلبس عبايتها: الي هو؟؟
فارس: المره الجايه تنامين عندنا
رغد: طيب من عيوني... بس مو عشانك عشان القمر هذا
ام فارس ببتسامه: الله يخليك لي واشوف عيالك
فارس: انتظرك بره
رغد شالت حجابها ولبست الطرحه والتقاب: اشوفك على خير... وبست راسه.. مع السلامه
ام فارس: الله يحفظك... انتبهي على نفسك
رغد: ان شاءالله.... طلعت

صعدت السيارة
فارس: انتي مرتاحه في زواجك؟؟
رغد تفاجأت بسؤاله: ليه؟؟
فارس: انتي جاوبي
رغد: الحمدلله... بس ليه تسأل؟؟
فارس ابتسم: اطمن عليك
رغد: فديييتك والله
فارس: اذا يوم احتجتي شي قولي لي
رغد: الحمدلله مو ناقصني ....شي كل شي عندي
فارس: مولازم يكون الي تحتاجينه غرض.. يعني لو احتجتي مساعده او تشكين لحد فأنا موجود
رغد ابتسمت: وانت مستعد تسمعني؟؟
فارس: اكيد
رغد: خلاص ولايهمك بزعجك كل بوم
فارس: ههههههه حلالك
رغد: يعني اطلب وادلل
فارس: هههههه تدللي ياستي ولك عيوني
رغد ببتسامه خبيثه: وقف عند البقاله واشتر لي جلكسي وسنكرس
فارس: ههههههههههههههههههههههههه هههه صدق ماتنعطين وجه... بس بوقف عشان ماكسر كلمتي... وقف ونزل
رغد شافت مجموعة شباب يطالعون في السيارة ويشيرون... على طول قفلتها... توجه واحد منهم لسيارة ووقف عند نافذتها ولزق ورقه على النافذه... ورجع للي معاه
رغد خافت يجي فارس ويشوف الورقه ويعصب ويتهاوش معاهم... افتحت النافذه واخذتها وسكرت النافذه جاه فارس.. حطت الورقه بسرعه في شنطتها اليد... لان كانت عندها شنطتين شنطت المدرسه وشنطتها.. وفتحت الابواب
فارس: ليه كنت مقفله السيارة؟؟
رغد: خفت من الي واقفين هناك وقفلتها
فارس: زين سويتي... خذي كيسك
رغد: حبيب قلبي انت مشكووووور
فارس ابتسم: العفو
رغد: وصلنا... الله الساعه 12:38
فارس: عادي انتي ماكنتي في الشارع يعني عادي
رغد: طيب... تصبح على خير.. وانتبه لنفسك
فارس: وانتي من اهله.. ان شاءالله.. وانتي انتبهي لنفسك واكلي زين
رغد: ههههههه اوكي... وانزلت



دخلت البيت وكان واضح ان مافي احد من الهدوء صعدت الجناح ودخلت.... كان هدوء وظلام دخلت الغرفه وشغلت الانوار وكانت الغرفه فارغه ماكن في احد...
رغد بستغراب: وين محمد؟؟؟ معقوله للحين ماجاه... اخرجت جوالها من الشنطه واتصلت وماكان يرد.... رغد بدءالخوف يتسلل داخلها .... اتصلت مره ثانيه وثالثه بس مارد... اتصلت بنوف ونفس الشي ماردت..... ياربي وش فيهم هذول..... طلعت من الجناح وتوجهت لغرفة نوف طرقة الباب اكثر من مره ولا ردت دخلت ولا شافت احد.... بسم الله وينهم ... اتصلت عليها وسمعت صوت جوالها فوق الطاوله... يمكن في الحمام... طرقت باب الحمام عدت مرات وفتحته ماكلن في احد... واتصلت برولا بس تفاجأت بصوت الجوال توجهت لمصدر الصوت وشافت جوالات البنات كلهم... اخذت نفس عميق وطلعت من الغرفه.. نزلت تحت وتوجهت لغرفة الجد والجدة شافت الباب مفتوح والنور مشغل دخلت بسرعه بس ماشافت احد... تسارعت نبضات قلبها وطلعت توجهت لصالة وانصدمة وحطت يدها على قلبها ورجعت لوره عدت خطوات..... دم..... كانت التحفه الكبيره الموضوعه منكسره وكان في قطرات دم في المكان.... تراجعت ونزلت النقاب على وجها وطلعت من البيت.... وقفت تتلفت احتارت وين تروح... قررت انها تروح بيت رولا لان الاقرب... سارت بخطوات سريعه وشوي بطيئه.... وصلت وطرقت الباب عدت مرات بس محد رد عليها... تراجعت للخلف.. حست ان البيت فارغ... قررت انها ترجع البيت.... وحست ان في احد خلفها... وكانت بتلتفت.... بس كان اسرع منها وحط يده على فمها....






قبل ساعتين تقريباً


هدى: انتي غلطتي لما طلعتيهم من الغرفه كان المفروض نصلح مابينهم
نوف: وربي عصبوني وماعرفت وش اسوي معاهم.. كأنهم بزران
هدى: يعني احنا الكبار لازم نصلح الوضع... اتصلي فيهم وخليهم يجون كلهم
نوف اخذت جوالها واتصلت فيهم: قالو بيجون

بعد دقايق دخلو سارة وهبه
سارة: هلا .. وش صاير؟؟
نوف: مو صاير شي... جلسو
دخلو رولا وريم
ريم: هاااي
نوف: هااياات... جلسو
جلسو البنات




في الحديقه
نواف ومحمد وخالد وتركي وسامي

سامي: فأنا ابغيكم تقنعونه معاي
خالد: واذا ماوافق؟؟؟
سامي: احنا نحاول
نواف: ومن سعيدة الحظ الي بخطبها له؟؟؟
سامي: والله للحين مدري بس نشوف
تركي: انا اشوف يضل عزابي احسن له
محمد؛ وليه يعني شفي الزواج؟؟
تركي: الزواج كلمه من ثلاث حروف،، نكد،،
محمد: لا خلني اصلح معلوماتك الزواج ،،، استقرار،،،
سامي: اسأل مجرب ..يشر لمحمد.. ولا تسأل طبيب..يشير لتركي
خالد: منو الطبيب؟؟
سامي: مثل ينقال ... لازم تدقق يعني.. نرجع لموضوع زواج سيف
سيف من خلفه: ومين قال اني ابغى اتزوج؟؟
سامي اتسعت محاجره
نواف: حياك بو خالد...سيف جلس
محمد: انا بو خالد مو هذا
نواف: ومين تكلم عنك؟؟؟
سيف: جالسين تتشاورون عليٓ
سامي كان بيتكلم بس قاطعه تركي
تركي: انا قلت لهم ان ماينفع لك الزواج بي ماسمعو لي
سامي: وانت ماعندك الا تخرب... يخي خله يكمل نص دينه
سيف: لحظه لحظه..، ليه مأنفع لزواج طايح من عينك مثلاً
تركي: لا بس وش لك بالهم
خالد: ماعليك منه هذا... نتزوج انا وانت في ليلة وحده وش رايك
سيف: هههههه وانت جاهز
خالد: وانا غلطت هذا جزاي
نواف: يعني عجبتك فكرة الزواج؟؟
سيف: شوف انا... قاطعه صرخه من خلفه
سعود جاي يركض: شباب شباب
محمد: تعال هنا
سعود وصل لهم وهو يلهث
نواف: خير خير جاي تركض كذا
سعود وملامح الخوف على وجه: شفتهم من بلكونت غرفتي
خالد: وش الي شفت؟؟
سعود: حراميه
الشباب كلهم وقفو
تركي: وين؟؟؟
سعود: كانو ينخشون بين الزرع.. ثلاثه
محمد: نواف سامي.. روحو جمعو الحريم وحطوهم تحت في السرداب... سيف تركي سعود خالد معاي
نواف وسامي: ان شاءالله
سعود: البنات كلهم عند نوف وخالتي ام خالد عند خالتي ام سيف وامي وديتها عندهم باقي خالتي ام عبدالله لحالها لان خالي وعبدالله مسافرين وبناتها عند نوف
محمد: شدراك؟؟
سعود: شفتهم من البلكونه
نواف: سامي روح جيب ام عبدالله وانا بروح اشوف البنات وجدي وجدتي
سامي: اوكي
وافترقو الشباب

نواف صعد بسرعه
طرق باب غرفة نوف بسرعه
نوف: بسم الله... قامت فتحت الباب
نواف: بسرعه لبسي عبايتك وطلعو كلكم
نوف: ليش؟؟
نواف: لا تناقشين بسرعه
نوف: اوكي.... دخلت ولبست عبايتها وقالت للبنات وطلعو
نواف: بسرعه وراي.... انزلو واتجهو لغرفة الجد والجدة
نواف دق الباب ودخل
نواف: جدي في حراميه في المجمع بسرعه بنودي الحريم السرداب وابغاك تروح معاهم
البنات شهقو... والجده ضربت على صدرها من الصدمه
الجد وقف: والشباب
نواف: كلهم يدورون
الجد بكلم الجدة: لبسي عباتك يامره وقومي
الجدة مانقشت ... وطلعو من الغرفه
دخل سامي ومعه ام عبدالله وام خالد وام سيف وام تركي و روز
ام تركي: خير وش صاير؟؟
نواف: عمتي بعدين تعالو بسرعه... مشو وراه وانزلو السرداب
نواف: تقفلون عليكم الباب وماتفتحون لاحد مفهوم
نوف: اوكي
سامي: وماتطلعون حتى لو صار الصبح وانتو داخل
طلعو نواف وسامي

ام عبدالله: وش صاير
رولا: في حراميه في المجمع
ام سيف شهقت: يمه عيالي
ام خالد: ياحسرت قلبي
ريم: يمه وين ابوي؟؟
ام خالد: اليوم العصر مشى جده عنده شغل هناك
هدى: مافي هنا قرأن ؟؟؟
الجدة: الا في هناك على الرف
هدى توجهت واخذته وجلست تقرأ
الجد: الله يوفقك يابنتي
سارة: يارب استر
هبه: وش يبغون هذول؟؟
رولا من الحره: جاين يستهبلون على راسنا... يقولون لك حراميه يعني يلعبون مثلاً
هبه: بس احنا ماعندنا شي ينسرق
رولا: لا تفقعين قلبي بغبائك مجمع وش كبره مافي شي ينسرق
ريم: رولا خلاص كافي الي فينا
رولا: قولي للغبيه هذي
نوف: مو من شوي مصالحينكم؟؟
رولا تأففت
الجدة: بدال هالهواش الي كأنكم بزران قومو اقرو قرأن يحميكم من الشر
البنات مل وحده اخذت مصحف وجلست تقرأ





نواف وسامي شافو واحد من الحراميه ولحقو ... ودخلو بيت الجد... كان بينهم وبنه الكنب ... حاولو يحاصرونه نواف توجه له وهو ركض الجه الثانيه من الكنب .. وطلع له سامي في وجه... رجع للخلف ومسكه نواف بيدينه الثنتين
الحرامي: اتركني
نواف: في احلامك
الحرامي: انا حذرتك ... طلع سكين من تحت كم بلوزته وجرح يد نواف..... نواف ماقدر وتركه... كان سامي قدامه عشان كذه قفز فوق الكنب ورمه التحفه الكبيره وهرب عشان مايقدر سامي يلحقه بسرعه
سامي توجه لنواف: انت بخير
نواف رغم الالم وقف: بسرعه خلنا نلحقه قبل مايهرب
سامي رغم خوفه على نواف الا ان ماناقش وطلع معه لان سلامة الجميع اهم

محمد وخالد وسعود
مسكو واحد منهم وكان خلف البيوت في الظلام
محمد ضربه كف
خالد: محمد بعدين
محمد: والله من حر مافيني
سعود: وين نحطه؟؟
خالد: بيتكم لان اقرب شي من هنا
سعود: اوكي ياله
محمد: مدري الباقي قدرو يمسكون احد؟؟
خالد: ان شاءالله مسكوهم كلهم
سعود: هدوء مالهم صوت
محمد: اجل يمكن مسكاهم
الحرامي ضرب محمد في بطنه وهرب
محمد جلس على الارض: ااااه
خالد: انت بخير
محمد مارد ليه قام وجلس مره ثانيه من الالم وقام وركض خلف وسعود وخالد لحقه
الحرامي شاف رغد ومسكها وحط سكين على رقبتها رغم ان رقبتها مو مبينه من الشيله






تركي وسيف ماقدرو يمسكونه بس كانو يركضون وراه
تركي وقف وبعصبيه: الكلاب ولا تعب
سيف وقف: وينه؟؟
تركي: مدري وين راح
سيف: تعال من هنا
سامي بصوت عالي: سيف
سيف وتركي وقفو
سيف كان بيتكلم بس شاف يد نواف: وش صار له؟؟
سامي: ضربه بسكين الحيوان الي كنه نلحقه
نواف: مانبغى نضيع وقت خلونا نروح نشوف وين راحو





محمد و سعود و خالد طلعو من خلف الاشجار وانصدمو
محمد: رغد... كان بيروح لوله الصوت الي جاه من الجهة الثانيه
كان الفرد الي كانو يطاردونه تركي وسيف وكان جنبه الثاني... وفي يده مسدس موجها على رغد: ان قربت منها فترحم عليها

طلعو من الجهه الثانيه سيف وتركي وسامي ونواف وانصدمو بالمنظر
تركي بهمس: منو هذي؟؟
سيف: مدري
نواف: رغد زوجة محمد

محمد: اتركها وامسك واحد منه
المجرم الي مفي يده المسدس وواضح ان الرئيس: ههههههه ليه قالولك جالس اشتري بضاعه انا... اوكي اذا هي بضاعه فأنا ابغى هذي الحلوه
رغد: فشرت اكون لك او لواحد من امثالك
رائيسهم بعصبيه: كلمه ثانيه وافرغ المسدس في راسك


سامي: ليش تأخرو الشرطه
سيف: ان شاءالله يجون الحين

رئيسهم: انتو تعالو جنب ربعكم
تقدمو ووقفو كلهم جنب بعض
نواف بهمس : شلون مسكوها؟؟
محمد: مدري بس والله ان صار فيها شي ياويلهم

الرئيس: لا تتهامسون
نواف: وش المطلوب منه عشان تتركونه؟؟
الرئيس: اول شي ندخل داخل ونجلس وتتصلون على الشرطة وتقولون بلاغ كاذب وبعدين تجيبون لي مليون ريال كاش وبعدين اباخذ هالقمر يومين وارجعها لكم
نواف كان بيتكلم بس قاطعته
رغد: ولا في احلامك تشوفه لو تذبحوني ماجيت معاكم لو تقطعوني
الرئيس: هههههه يعني تبغين تموتين
رغد: الموت احسن من الروحه مع القذارات امثالكم
الرئيس بعصبيه: كلمه ثانيه وانتي في القبر
نواف استغل انشغاله بالحديث مع رغد وتحرك من مكانه ودخل بين الزرع... رغد انتبهت عليه وفهمت الخطه
رغد: هههه خوفتني بموت هنا من الخوف.. لو تتموت قدامي انت والزباله الي معاك مارح اخاف منك
الرئيس بعصبيه بالغه: انتي واضح انك تبغين تموتين
رغد: اموت احسن من مقابل وجيهكم
الرئيس ثبت المسدس ناحيتها: لو تعصبيني الحين فبتومتي اكييييد
رغد: ههه خوافتني... اقول لم زبالتك وانقلع من هنا من ناقصنا قذاره هنا... يعني انت مفكر نفسك رجال كذا انت حشره والحشره احسن منك انت والي معاك
الرئيس ماقدر يمسك اعصابه وضغطعلى الزناد ... نواف قفز عليه من خلفه وخله يطيح في الارض واخذ المسدس من يده
رغد صرخت وجلست على الارض من الالم
محمد صرخ : رغد... واتجه ناحيتها ركض
الي كان ماسكها تركها وهرب هو الي كان جنب الرئيس تركي وسيف وسامي وسعود لحقاهم
نواف حط المسدس في رأس الرئيس

محمد مسك رغد وضمها
رغد: ااااه محمد يألم
محمد: وين؟؟
رغد: يدي
محمد حملها وتجه ناحيت السيارة






نوف: بسم الله
ريم: صوت مسدس
ام خالد: ليكون صار لعيالنا شي
ام سيف: الله لا يقولها
رولا: شكلهم مسلحين
الجدة: الله يحفظهم
الجد: ويقويهم
سارة: صوت الشرطه
هبه: ياااارب




كان جالس على نار ينتظر الدكتور... طلع الدكتور
محمد؛ بشر يادكتور
الدكتور: الحمدلله كان جرح وخيطنا
محمد: يعني الرصاصه مادخلت في يدها
الدكتور: لا بس لامست الجلد
محمد: الحمدلله
الدكتور: تقدر تاخذها بعد ظهور التحاليل
محمد: شكراً
الدكتور: العفو هذا واجبنا

محمد دخل العرفة.... كانت نايمه على السرير براحه... قرب منها وقبل جبينها.... افتحت عيونها بتعب
محمد: الحمدلله على السلامة
رغد بتعب: الله يسلمك
محمد: كيف حاسه نفسك؟؟
رغد: بخير..... بس ايدي تألمني شوي
محمد: تحملي حبيبتي كم يوم ويروح
رغد: ان شاءالله.... محد صار له شي؟؟
محمد: لا الحمدلله... بس نواف انجرح في يده جرح بسيط
رغد: نواف!!... هو الي انقذني
محمد: ايه والله لوله الله ثم هو كان الحين مدري وش صار فيك
رغد ابتسمت بتعب: الحمدلله على كل حال





الكل غي بيت الجد
ام خالد: متأكد ان مافي شي
نواف: ايه يمه ماتألمني جات سليمه
ام خالد: الحمدلله
نوف: ياربي محمد مأخذ جواله عشان يطمنا على رغد
رولا: ياربي ارحمها برحمتي وشافيها بشفأك
ريم: اللهم امين
سارة: كيف مسكوها مدري
هبه: يعني هي ماتدري طالعه بره كذا
رولا: يعني هي وش دراها
نوف بصوت عالي: الله يكفينا الشر
الجدة: امين يارب
تركي: الله ياخذهم شلون دخلو
سيف: ضربو الحارس الي جنب الباب
سامي: احين تركو كل البيوت وماعجبهم غير بيتنا
سعود: انا اول ماشفتهم بغى يطير عقلي
نواف: الا صدق انت وش مجلسك على البلكونه؟؟؟
سعود بسخريه: اقلد عليك
سيف: بس مع ذالك احنا كان المغروض ننتبه اكثر للبيت
خالد: الحمدلله عدت على كذا ماصر شي اكبر بغياب عمي وابوي
الجد: قومو صلو الحين وروحو نامو...






الساعة 8:30 صباحاً
المجمع هدوء الكل نايم بعد الي صار مكان لاحد نفس يروح دوامه

دخلو محمد ورغد البيت وصعدو مباشرةً جناحهم
محمد: ارتاحي
رغد: طيب بس بغير ملابسي وانام..... غيرت ملابسها بصعوبه من ألم يدها ولبست بجامه قطنيه خفيفه لونها وردي.... تمددت على السرير ونامت بهدوء
محمد كان يراقب تحركاتها تنهد وتوجه للسرير وقف يتأمل وجها البريئ قبل راسه واستلقه بجانبها ونام





الساعة 3:15
البنات عند نوف
رولا: كيف رغد الحين
نوف: الحمدلله احسن... من شوي قالي محمد اودي لهم الاكل وشفتها
ريم: الحمدلله
هدى: اخاف نروح له وتكون بغى ترتاح
نوف: لا كانت نايم طول الصبح ماصحت الا الساعة ثنتين تقريباً يعني ارتاحت
سارة: منو عندها؟؟
نوف: محمد
رولا: انا بروح لها منو بيجي معاي
ريم: انا
سارة: وانا
هدى: حتى انا
نوف: خلاص انا بجي معاكم
هبه: وانا بعد
رولا طالعتها بنص عين وصعدت




محمد: اكلي هذي
رغد: بس شبعت
محمد: بس هذي
رغد: محمد والله شبعت
محمد: تره بزعل
رغد: طيب... كانت بتاكلها بس وقفها طرق الباب
محمد: تفضل
دخلو البنات
رولا تقدمت وباسة خدها: الحمدلله على سلامتك
رغد ببتسامه:الله يسلمك
ريم قبلت راسها: الحمدلله على السلامة
رغد: الله يسلمك
سارة: الحمدلله الي سلمك لنا
رغد: الحمدلله
هدى: ماتشوفين شر حبيبتي
رغد: الشر مايجيك
هبه: الحمدلله على السلامة
رغد: الله يسلمك
محمد: ماكلتيها
رغد: خلاص قلت لك مابغى
محمد: وبعدين معاك
رغد اكلتها: بس
محمد وقف ومد صنية الاكل لنوف: سمعوني زين بتجلسون هنا معاها ولا وحده تقرب من يدها اليسرى مو الحين تجلسون تضربون فيها ولا تنطون عليها اعرفكم مايتأمن فيكم
رولا: افا ياخالي احنا
محمد: انتي بالذات سكتي
نوف: تطمن انا معاهم
محمد: توصين على شي
رغد: سلامتك...... طلع
رولا جلست جنبها: الحين قولي لنا كل الي صار من البداية
رغد: هههههه حرام عليك الحين طلعت من المستشفى
ريم: ماعليك منها ارتاحي... بس الكلام مايتعب يعني قولي لنا
رغد: هههههه طيب... كانت بتتكلم بس سكتت
رولا: وش فيك
رغد تطالع في رقبت رولا
رولا تطالع نفسها: ايوه هذا
قاطعتها رغد: وين شفتي انا تعبت وانا ادوره
رولا: نواف شافه في سيارته
رغد اخذته ولبسته: طيب مشكوره
هبه بغيره: هو في سيارة نواف وش جابه عندك؟؟
رولا بستلعان: نواف بنفسه جابه لي
هبه: وكيف؟؟؟
رولا: مو شغلك... هذا الشي يخصني ويخص نواف
هبه من القهر طلعت
ريم تسدحت من الضحك
رولا: كفك ريووم... ههههههههههههاي.... انا اوريها ام اربعه واربعين
رغد: ههههه يعني انا ابغى افهم شي هو وش خصها بنواف
ريم: تحبه حبتها القراده
هدى: ريم عيب عليك تستغيبنها
رولا: وهي الصادقه.... انا ابغى اشوف وجها اذا تزوج هههههههاي
سارة: ههههههه حارم عليكم الحب مو حرام ولا عيب
رولا: ماقلنا شي خليها تحب لين تشبع بس مالها امل بالمره
نوف: وليه واثقه يعني
ريم: مستحيييل امي توافق عليها لان امي تقول عنها انها مغروره
رغد: انا ابغى افهم وش مغروره عليه
رولا: هذا الي مجنني انا
نوف: خلوها مغروره على نفسها
سمعو طرق باب الجناح
نوف راحت تفتح الباب
ريم: منو عازمه رغد؟؟
رغد: ليه شايفتني جالسه اعزم ناس
دخلت ام فارس ودموعها على خدها وراحت ضمتها: يا حبيبت قلبي سلامتك
رغد ببتسامه: الله يسلمك خالتي
ام فارس: بسم الله عليك البارحه طلعتي من عندي مافيك شي... قلت لك نامي عندي بس ماسمعتي كلامي شوفي وش صار فيك
رغد: الحمدلله على كل حال
ام فارس: انتي تعبانه تعالي جلسي عندي كم يوم
رغد: لا خالتي ماقدر
ام فارس: ليه ياعيون خالتك؟؟
رغد: انا مافيني شي
ام فارس: يقول فارس جاتك رصاصه
رغد: لا ماجاتني بس جرح بسيط
ام فارس: الحمدلله الي مافجعني فيك الحمدلله
دخل محمد: بنات تغطو فارس بيدخل
نوف: لحظه لحظه ماعليّ عبايه
رغد: شوفي عبايتي معلقه خذيها وجيبي حجابي
نوف اخذت العبايه ولبستها ورلا ساعدت رغد عشان تلبس الحجاب
نوف: خلاصنا
محمد طلع... ثواني ودخل ومعه فارس وطلال
فارس: الحمدلله على سلامتك رغد
طلال: الحمدلله على السلامه
رغد: الله يسلمكم
فارس: شفتي يمه هذا هي مثل القطوه مافيها شي بس انتي مكبره السالفه
رغد: قطوه بعينك... قول ماشاءالله
فارس: ههههههه لا تخافين مو صاير فيك شي
ام فارس: خل بنيتي في حالها
محمد: زين لك كذا حتى امك قلبت عليك
فارس جلس على السرير قدام رغد: اسفين انسه رغد
رغد: اعتذاركم مرفوض سيد فارس


رولا بهس: شوفو يهبل فديته
ريم: اي والله يهبل
نوف: هذا كم عمره
سارة: ليش حطيتي عينك عليه؟؟
نوف: لا بس اسأل
رولا: اتوقع كذا في العشرين
ريم: ورغد ماتتغط منه بعد
نوف: انا مستغربه ان محمد عادي ماقال شي
سارة: يمكن قانعته



ام فارس: اسمع يا محمد بنتي رغد بتجي عندي هالاسبوع
رغد: لا خالتي مابغى
محمد: شفتي ياخاله مو انا هي الي ماتبغى
فارس: هي ماعليك منها نشيلها ونحطها في السيارة غصب بس انت وافق
رغد: لا والله قوم انقلع انت مو شغلك... ولا ابغى اروح مكان
فارس: هههههههه هذا جزاء الي يسوي فيك خير... براحتك انتي الخسرانه
ام فارس: فروووس لا تكلم بنتي
فارس: افا.. ليش
ام فارس: لانك مو كفو .. تزعلها
طلال: رغووود تعالي عندنا كم يوم
رغد: لا طلول مابغى
محمد: شفتو هي معنده وانا يعني موافق بس مو عاجبني
فارس: قومي يمه قومي .....مو كفو الواحد يجيهم
محمد: لا ماتطلعون من هنا قبل ماتتعشون
فارس: مانبغى عشاكم
ام فارس: لا يولدي مايحتاج
محمد: والله العظيم ماتطلعون من هنا من دون عشا
فارس: اقول على كيفك تحلف علينا
محمد: انا حلفت وخلصت
فارس ببتسامه يضربه على ظهره: رجال ماشاءالله عليك
محمد: لا اجل بزر مثلك
فارس: بدين بالغلط... لا انا ماشي ... وطلع من الغرفه... وطلع معه طلال
محمد: هههههههه والله هبل ولدك ياخاله
ام فارس: وش اسوي فيه مو جاي يعقل
محمد: هههههه الله يصلحه.. تعالي معاي اوديك لامي وخواتي
ام فارس باست راس رغد وطلت مع محمد

البنات كشفو
رولا: اااه قلبي اااه يجنن
رغد: هههههههههههه ادري
ريم: ياحظك ماتتغطين منه
رغد: كشفو عادي مثل خواته
رولا: لا ... انا مو مثل اخته انا مثل شي ثاني
نوف: استحي على وجهك
هدى: بس يارغد هو مو حلال عليك عشان تكشفين
رغد: ادري بس الوجه مو حرام واحنا مثل الاخوان يعني عادي
هدى: والله براحتك... انا بروح اشوف امي واذاكر
نوف: وانا بجي معاك....
سارة: وانا بعد بروح اشوف هبه.... وطلعو

رغد: بكره ننفذ خطتنا
رولا: اي خطه
رغد: نسيتو... ان نطلع بالليل
ريم: بس انتي تعبانه
رغد: لا مافيني شي
رولا: خلاص اجل بكره بكره
ريم: واهلنا؟؟؟
رغد: سهله ... انتي قولي بتنامين عند رولا وانتي قولي عند ريم وانا بقول عند وحده منكم
رولا تبوسها في خدها: حياتي العقل المدبر
رغد: هههههههههه خلاص نلتقي بكره الساعة 11:00
ريم: ومتى نرجع؟؟
رغد: مدري بس انا بنفق مع السايق ان مايروح بكره... بكلم شهود تجي معانا
رولا: تتوقعين بتوافق
رغد: انا مسويتها معاها مره
رولا: يا خطيره انتي
رغد: ههههههههههبس سمعوني البنات الباقي لا يدرون
ريم رولا: اوكي... طلعو






بالليل دخل محمد الغرفة... وشافها جالسه تكلم الجوال... جلس جنبها
رغد: اوكي انتظرك بكره لا تتأخرين... وجيبي معاك الجدول ليوم السبت ...اوكي مع السلامه
رغد التفتت عليه وابتسمت: ليه تطالعني كذا؟؟
محمد ابتسم: افكر لو فقدتك كان وش صار لي
رغد حطت راسها في حضنه: سلامتي
محمد: ههههههههههههه
رغد شالت راسه: اشكر نواف على الي سوه معاي
محمد: انا شكرته... بس بعد المفروض انتي تشكرينه لان الي سوه من شوي
رغد: يعني كيف انا اشكره؟؟؟
محمد: اتصل الحين فيه وكلمي
رغد ماكن عاجبها بس تحس نفسها مظطره لان انقذها من الموت: طيب
محمد اتصل بنواف
نواف: ياهلا
محمد: هلا فيك... رغد تبغى تكلمك
نواف من الصدمه سكت
محمد: الووووو
نواف: هلا معاك... طيب
محمد اعطى رغد الجوال
رغد بربكه: السلام....


.... انتهى.....


اتمنى يكون البارت راق لكم

...للقائنا الخميس ان شاءالله....
.........تحياتي لمتابعتي الحلوات.......