السلام عليكم ورحمة الله وبركاته
اولا ميرسي جدا على الدعوه الحلوه دي
ثانيا انت بجد بتحرجيني انا ماليش ابدا في الفصحى
و كنت متردده ارد عليكي باي لغه
في الاخير قررت اني اكتب و بس الكلام اللي حاسه بيه و طالع من قلبي
اولا كمقدمه شديتيني كتير اني اقرأ الروايه
حاولت اني اعدي على المقدمه بس ما قدرتش لانها بصراحه جذبتي لاخر حرف فيها
و بعد كده صدمتيني بالصور
بجد صور تحفه و رائعه و كمان الاسماء غريبه و جديده
و انا ملاحظه ان الكل علق على موضوع الاسماء
لانها فعلا حلوه انا بحب اي شيء غريب و خارج عن الامالوف
اللغه بجد ماشاء الله عليكي لغه عربيه فصحى سليمه و صحيحه
بتكتبي زي الاشعار الموجده في كتبنا الدراسيه
رجعتيني لايام الدراسه لان كان فيه كلمه او اتنين ماعرفتش معناهم
معلش اصل العربي بعافيه شويه (بما ان دراستي كلها انجليزي)
عموما بدايه موفقه عزيتي و منتظره التكلمه بشوق
تحياتي يا عسل