[لامارا]

سلام مرة تانية
وجزء تاني
زهرة: شفتي اقعدنا اني وياك بس عوانس الي انخطبت والي اتزوجت
امينة : عندك حق عين واصابتهم الحمد الله اطلعنا منها سالميين
زهرة: هههههههه ياويلك كان الحقتيهم واخلتيني بروحي
امينة: والله انت امدايرتيه بروحك لو تبي تقدري اتكوني مخطوبة اليوم قبل غضوة
زهرة بحالمية : ما جاش فارس احلامي
امينة : هههه يمكن الي راكب اعليه احمار ابيض مش احصان ابيض هذا اعلاش عطل شوية ولا يهمك انشاء الله يوصل هذا اذا ما افطسش في طريق
حبيبتي خففي الشروط شوية
زهرة: تصدقي اني ما عنديش اي شروط
بس في نفس الوقت مش قادرة نوتق في حد
نبي شخص انحس معاه بالامان شخص مهما اتصير بينا مشاكل عمره ما يهين كرامتي
{وبعيون دامعة} صعب هذا الشي؟
امينة: زهرة انت ليش نضرتك سوداوية لي الرجاله
اذا الشخص ملتزم بدينه خلاص
زهرة : حتى الالتزام ابدي فيه ميت شكل ولون
بعدين في هلبه عندهم الدين والاخلاق شيء منفصل تلقيه ملتزم لي ابعد حد والاخلاق صفر
امينة: قولي امين ربي يرزقك بواحد زي ما تبي واكثر
زهرة بمرح : من بقك لباب السما

المكان:
Trafford centre
الزمان: الساعة التالتة
سارة: نرميين خلينا نرتاحو شوية اعييت من كتر الدوران
نرمين : انت ارتاحي اني عندي كم حاجة لازم اندورها
اماني: خلاص نرتاحو شوية وبعدين انكملوا وانشاء الله ما انروحوش لين تلقي كل الي اتبيه
سارة: كلها هذا تجهيز للعرس ارحمي روحك كل يوم في السوق
نرمين: لازم يكون كل شي برفكت ومعادش في وقت
اماني : مازال شهريين وتقول معادش في وقت
نرمين كانت تتضايق اكثر فاكتر كلما اقترب موعد زاوجها
فكرت اكتر من مرة في انهاء الخطبة
لكنها تتراجع كلما رات الفرحة في عيني والداها
هي تحبه كتيرا ولا تريد ان يدخل في خصام مع جدها واعمامها بسببها هي
اماني : اليوم عليا كلمتني
سارة : وينها ها لقاطعة
نرمين : وليدووه نساه اناس كلها
اماني : الباين هكي
اه حقا قالت امها حا تروح لليبيا ويمكن تقعد اتعيش غادي
نرمين : غريبة كانت حتى زيارة ما تمشيش
سارة : اني ام عليا انحس ان كل تصرفاتها غريبة
ما تفهميهاش شن تبي بزبط
اماني : خلو الناس في حالها
سارة : اه حقا ترى قولو مني بيروح بيا بعد شوي
نرمين :ما تقوليش قيس
سارة : هههه بشحمه ولحمه مجرد سمع ان ليلى جاية معاي دار روحه طيب وبيطلع من المستشفى خصيصا باش يروح بيا
اماني ووجهها محمر خجلا : ابديتو في السخافة ابتاعكم الله يعيني
سارة وهي ماسكة ضحكتها : ميمي شن رايك اتروحي معاي اليوم
نرمين : يس يس حتي اني انروح معاكم باش انشوف الاكشن
اماني : هالبنت كل ما نقول كبرت وعقلت نكتشف ان اهبالها يزيد
الله يعين عريس الغفلة
نرمين بعصبية : انت خيركم اعليا الي يشوفني يقول الله يعينه اعليك وفي الحوش امي كل يوم تسمعني اسطوانة الله يعين يوسف اعليك
لهذ الدرجة شايفيني حصلة
اماني وسارة : ههههههههههههه
.
.
.
قطعت ارجاء الغرفة للمرة الالف
يجب ان تجد حلا وبسرعة
تريد الكتير من المال لتنفق على ادمانها
امها عادت لليبيا ولم تترك له سوى القليل من المال والذي يكاد ينفد
تاففت
طلباتها كانت دائما مجابة دون اي جدال
عليها ان تجد شخص اخر يصرف عليها دون اي سؤال
اممممممممممم
شخص غبي
او مجنون
او
او
او
عاشق
ضحكت على الفكرة التي وصلت اليها
عاشق
هذا هو الحل
امممممممممممم
من
من
من
شخص عربي
لانهم الوحيدين يهتمون لهذه التفهات
اممممممممممممم
والاحسن يكون ليبي
باش تفرح امها يمكن تاخد منها حاجة
امممممممممم
من
من
من
لمعة في بالها فكرة
اني وين كنت ناسياته
هو
العاشق الولهان
ضحكت بكل قوة
وليد
اممممممممممممم
هذا وين نلقاه توا


يتبع
اتحداك