[لامارا]

سـالـم : يلا يمـه انا بــروح للدوام تأخرت
أم سـالم : الله يحفظك


وبــعد ما خـرج سـالم من البيــت وركب سيارته

اتصـل على سمـر وهو فرحان


سالم : هلاااا وغلاااا صبااااح النور صبااح الحب والخير
سمـر : هههه هلا فيك صباحك انا
سـالـم :
الصباح بدونك ماهو صبــاح .
.وكيـف أصـبح وانـتي لي نــور
شمـسي أنتي وبالليلي مصـباح ...
أنتي اللــي لها بحيــاتي دور..
سمـر : هالله هالله صـح لساانك حبيبي
سـالـم : صح بدنك يا غلاي

سـالم: لو تقدمت لج توافقين

سمـر : هه اكيييييد
سـالـم : ترى جد مو لعب
سمـر : لا تكذب علي
سـالم : والله والله كلمت امي
ســمــر : ووشوو. كلمت امك
سالـم :أي وربي وقالت اخطبها لك
سمـر : بس لسى ما عرفنا بعض عدل
سـالـم : انتي تبيني ولالا
سمـر : الا ابيك
سـالم : اجل ..
سمر : ابي اعرفك اكثر
سـالم : خلاص اقـدم أجازه طول هالاسبوع واجيك الرياض ونجلس مع بعض وتعرفيني عدل .. وعقبها اذا بغيتني اوكي واذا ما تبيني درب السلامه

سمـر : بس انا ماعمري جلست مع احد غريب

سالم : ولا انا ماعمري جلست مع غريبه
سمـر : لا اخاف

سالم : لا تخافين انا شاريج بالحلال

سمر : وكيف تصرف

سالم : شنو الاجار على الحكومه وراتب الحياه الزوجيه على الحكومه وعيشه العيال على الحكوومه كل ورع تجيبينه 50 دينار من يتسجل اسمه بالديوان كل شهر لين ما يستلم وظيفه
والبيت بعد 10 سنوات تعطيناه الحكومه
هاه ووظيفتج اوظفج بسرعه بالحكومه شهرين اذا انتي متأخره

سمـر : لا يكون انا بعد على الحكومه

سألم : ههههههههههههههههههههههههه ه لا انتي خاصه لي

سمر: سالم اخاف اطلع مع معك انا ماعرفك زين
سالم : ولا انا بس اللي اعرفه اني ابيج

سمر : انت وش بالشارع
سالم : أي رايح لشغلي
سمر : اها طيب انتبه لاتسرع
سالم : تخافين علي وما تبيني ..
سمر : انا قلت ابيك .. بس خايفه ولا تجيب كلام من راسك كذا تفسيراتك الغبيه

سالم: زين يا القمر

سمر : احسك ساعات تكذب
وساعات احسك اصدق من انفاسي

سالم : وانا احس اني بحلم .. حلوو وماودي اقوم منه

سمر : انت تبيني زوجه
سالم : أي وغيرج مابي نفسي فيج

سمر: واذا خذيت واحد غيرك

سالم : عسى الله يجيب له الهم ولا يوفقه وياج ويطلقج واخذج انا

سمر : افا افا افا

سالم : اجل تبين عسا الله يوفقه لا الله ياخذه بعد انا نفسسسسسسسسسسي فييييييييييج
سمر : اجل كون رجال وتقدم

سالم : قلت لج لو من باجر جيت بس انتي تقولين ابي اعرفك اكثر

سمر : والله مدري وش ابي اصلا

سالم : قلت لج اجي الرياض واتشوفيني وتكلميني على الحقيقه واخطبج .. وعقبها .. يحلها ربي

سمر .: ومتى تجي

سالم : انا بقدم ... اجازه .. وبجي

سمر : سياره ولا طياره

سالم: طياره بروحي بجي

سمر : طيب .. بس تشوفني بمكان عام

سالم : ابشري انتي قولي المكان وانا اجيج

سمر : حلو

سـالم : يلا يا قلبي انا وصلت

سمر: بهالسرعه

سالم : ابعد مكان بالكويت نص ساعه ههه
سمـر : جد
سالم : لا بس المناطق العامره

سمـر : لازم اجي الكويت اجل
سالم : انا اشهد الكويت تتبارك اذا جيتيها

سمر: يالباك

سالم : يلا عااد وصلت .. مع السلامه يا قلبي

سمر : طمني بالوواتساااب اول ما تجلس واذا طلعت كلمني

سالم : ابشري انتي شنو ماراح تدوامين
سمر: لا ساحبه على ام امها
سالم : هذي اللي تبي اداره اعمال عزالله غدينا
سمر : روح روح لعملك
سالم : عاد بصمه مشكله
سمر : طيب حبيبي لا تتأخر
سالم : ابشري احبج انتبهي على نفسج ولا تروحين مكان الا معلمتني
سمـر : طيب
سالم: احبج باي
سمر: موباي
سالم : =ههه استودعج الله الذي لا يضيع وداعه
سمر : ايوووه كذا احبك
سالم :وانا احبج



يتبع.......