[لامارا]

البآرت الثـآمن ..
مَـأزَقُ الإِنْصِيَـآعِ الإِرَآدِيُّ ..

في طريق رجعة لين لبيتها ..
كانت حزنانة على فراق وجدان
ومكتبئة انها بترجع للبيت ..
وفرحانة للبعثة حق السنة الجاية ..
كل هذا في نفس الوقت ..
ومخططة تاخذ الموافقة من السكير زي السنة الماضية - < فيس مطلّع لسانه ..
لكن المشكلة انها مضطرة تقضي الاجازة الصيفية كاملة في ذا البيت !!
ْ.. لين }~
وصلت سيارة سواق وجدان لقدام باب بيتنا ..
ما ودي انزل ولا ودي اقعد في السيارة ..
بعدين اصلا مادري موجودين ولا طالعين !!
بتوكل على الله وبنزل ... وقبل ما انزل قلت للسواق يدخّل لي شنطي ويخبيهم عن العيون بتعرفون ليه ‘،) ..
نزلت ووقفت قدام الباب واخذت نفس قبل ما ادق الجرس ..
وجا في خيالي كيف ممكن يستقبلوني .. على اي حال هالاجازة راح اقضيها معهم بعلاقة حـلوة .. كـوداع اخير لهم . .
شوي وانفـتح الباب ودق قلبي شوي ..
بس يطلع لي ياسر ( ولد زوج امي الصغير ) ..
ياسر : " مـين انتي ..؟ " < طبعا انا متغطية ..!
قلت بما اني بجدد علاقتي معهم ليه ما امزح معه شوي ..
غيرت صوتي وقلت .:" انا جارتكمـ ..اهـ " يؤ يؤ صح .. انا مدري وش اسم جارتنا وش ذا الوهقة ..
ياسر :" جارتنا مين ..؟ "
يااا ليل وش ذا الغبي ياخي ذا ادب تخلي حرمة ملطوعة عند الباب وتستجوبها كنها جاية تسرق ..
رديت عليه ..:" انا نقلت بيتي هنا وقلت اجي اسلم على الجيـران .. " < واااو طلعت ماهرة في الـكذب وانا مدري !!
ياسر ..:" طيب تفضلي " ..
وراح يركض ويصرخ ..:" يوماه جارتنا الجـديدة جاية تسلم عليكِ .."
دخلت، وسمعت امي تقول ..:" ما دريت انه عندنا جارة جــــــــــــــــــــــــ ........."
انقطعت كلمتها لما فتحت غطوتي .. وتلتـها طرحتي ..
صح انه امي ما تطيقني بس اكيد بعد كل هالفراق اشتاقت لي ..
حاولت اصطنع الابتـسامة وقلت ..:" الـ ... سـ ــلام عليكم .. "
وامي لسه مجمدة في مكانها على الكرسي .. لا يكون صار لها تجمُّد في غيابي ؟؟ !!!! عاد مو لذا الدرجة ...
رحت عندها .. وتوترت للحركة اللي ناوية اسويها بما اني ما سويتها لها من قبل ..
جلست على الارض على ركبتي ومسكت يدها ونزلت راسي ورفعت يدها وحـبّيـته ..
وامي تحولت لكتلـة جليد ! ..
....ً
يا عالم وش السالفة ؟؟ ما في اي ردة فعل ..!!!!!!
وفجاهـ وقفت امي .. ووقفتني معاها
توقعت انها بتضمني ..
بس ..
كــــــــــــــــــــــــ ـــــــــــــــــــــــــ ـــــــــــــــــف .. !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!
مسكت خدي وانا مصدومة ..
ايش تسوي هذي ؟؟ .. ما قدّرت الصعـوبة اللي مريت فيها عشان بس اسلم على راسها .. واخر شي تردّ علي بكـف ؟؟
من جد هذولي مو ناس يستحقـون اتغيير من ناحيتهم .. لازم ابقى كذاك للابد ..
لحـظة .. وش اشوف ؟؟!!!!
امي قاعـدة تدمع ..
بلعت ريقي .. وسمعت كلامها المتقـطع .. :" لــيـه ما قلـتي لـي قبل ما تروحــين .. مهما كان .. انتي بـنتي .. "
وضـمـــــتــــــني
حسيت بالحـرج وهي ضامتني .. لاني حسبتها عطتني كف عشان تهينني على حركتي .. بس طلعت قلقانـهـ علي ..
ابتسمت وضميتها انا الثانية ..
~
بعد ما سالنا عن الاخبار وووو... الخ . .
ولاول مرة امي يوم سمعت عن نسبـتي 100% نطت وفرحت لي وباركت لي ..
استاذنت منها ورحت لحنان ..
توجهت للمجلس ولقيت حنان مع جوالها .. اووووه تطـورات حنانـوه شرت لها جـوال ..
رحت من وراها وغطّيت عينها وسكتّ ..
حنان بطفش :" يعني مين بتكون مثلا ؟؟. يا يوسف او ياسر .. "
قربت من اذنها وهمست مع تخشين الصوت شوي ..:" واذا كان احد غيرهم ..؟"
حسيت برجفة خوفها وكتمت ضحكتي وهي وخرت يدي من عيونها بسرعة جنونية ..
ولفت علي ولما شافتني عيونها نـطّت خمس امتار ..
طالعتها وانا رافعـة حاجب .:" لا عاد ما نيب جني عشان تطالعين كذا .."
لما استوعبت ورجعت عيونها مكانهم قالت :" وع .. وش ذا النكد ؟ مين رجعكِ ..؟ "
عصصصصصصصبت بقـوة بغيت اعطيها بـوووكس يكسر السطح وراه ..
بس كتمت عصبيتي وقلت ..:" عادي .. رجعت مع صديقتي "< لو قلت سواق ما بتخليني في حالي .. لاني اقدر اتغير مع كل البيت الا مع هالسوسة ..
لفت عني وقالت ..:" اها " ..
ااااخ نفسي ادوس على بطنها هالغـبـية .. بس احـــسسسن . .انا مو ناقصني الا انتي .. ؟
رحت عنها لغـرفة العيال وطبعا ياسر مخـدوع اني جـيرانهم الجُدد ..
رحت وفتحت عليهم الباب برجلي بقوة .. واول ما انفتح الباب حطيت يدي على جيبي عشان اطلع زي الافلام هع ..
ارتجفوا ولفوا علي لما انفتح الباب ..
ياسـر طارت عيونه ..:" مـــين انــــتي ؟؟؟؟؟؟؟؟؟؟؟؟؟؟؟ "
طالعته وانا رافعة حاجب واحد ..:" جارتكم الجديدة .."
يوسف ..:" لا يا شيخـة ؟؟ وش مرجعكِ .. "
ياشــــــيخ طـــــــــــــــيــــــــ ـــــر .. اصلا هذولا من جد ما يستحقون تتغير لهم ..
كشرت في وجيههم وطلعت ورحت لغرفتي ..
اخر شي الوحيد اللي اقدر اتغير معه هو امي بس ..
وطبعا السـكير ماني مجربته اصلا ..
رحت للمدخل وجرّيت شنطي وساعدتني امي ..
وكمـل يومي عادي ..
ـــــــــــــــــــــــــ ــــــــــــــــــــــــ~ ـــــــــــــــــــــــــ ــــــــــــــــــــــــ
ظُهر اليوم اللي بعـده ..
احـلام ..}
ويـن انا بالضبط ؟؟
فتحت عيوني بشـويش ..
ولقيت كل شي حولي ابيض ..
وش ممكن يكون هالمكان ؟؟
اهـ .. يمكن مستشفى !
رمشت بعيوني .. لقيت وحدة برضو لابسة ابيض قدامي ..
اشرت لها بيدي تجي ..
جت عندي وتكلمت :" are you wake'd up " ؟
لا يا شيخة .. وانتي وش تشوفين ؟؟؟؟ كنت ابي ارد عليها ..
بس مالي حيل اتكلم ..
اشرت لها تجيب لي موية ..
راحت وجابت لي وسندتني وشربتني ..
رقدت واسترخيت ..
وش صار لي انا ؟؟
ليه انا هنا ؟؟
اخر شي اتذكره اني شفت توم اند جيري ..
شكلي نمت على الكنـبة..
طيب واذا نمت .. مين نقلني هنا ؟؟
يمكن اللي تو هذي الخدامة بس لاني تعبانة نسيت شكلها ..
ويمكن لاني تعبانة قاعدة اشوف غرفتي بيضا ..!!
لالا .. ترتيب غرفتي مو كذا ..
يعني اكيد هذا مكان ثاني ..
بس غامـض مـرة .. ليه انا هنااا .؟!!!!!
ــــــــــــ~ــــــــــــ
في وحدة من ممـرات المستشفى ..
كان يمشي ذاك الدكتور الجديد ..
والمسـمى ..:[ طـلال ] .. < تذكرونه *.* ؟؟
كان متوجه لغرفـة احـلام ..
سمع في طريقه كلام دار بين ممرضتين واضح انهم عربيات ..
الاولى ..:" شفتي ذا الدكتـور .. "
الثانية ..:" ايه جديد .. اول مرة عم شوف وجهووو .."
الاولى ..:" ايه توه مشتغل هنا .. تدرين انه ولد التاجـر عبد الرحمن الـنـــ....."
الثانيـة بشهقة ..:" هييييء .. اولي واللــــه .. "
الاولى ..:" ارتاحي اصلا داخل بالرشوة ........."
سمع كلامهم ورفع حاجب .. وهو في نفسه .. :[ عندكم طريقة غيرها ؟؟؟ .. ]
ــــ~ـــ
وصل لغرفة احـلام ..
وقف عند راسها .. لقاها نايمة في العسل ..
ودخّل يدّه عند رقبتها وحرّر قبضـته .. عشان تستقر الكاميرا الخفية ..
~
المغـرب ..
صحت احـلام من الـنوم ..
وهالمرة عكس الظهر .. كانت مصحصحة ..
غسلت وجهها وفرشت اسنانها ..
وقفت قدام المراية لقت حـبّـة على رقبتها ..
طالعت الحمام ( اكرمكم الله ) .. لقته من ارقى ما يكون ..
يعني هذا مو مستشفى يدخل فيه بعوض مثلا !!!!!
وفوق كذا الحـبة ما تحكّها ..
بس تذكرت كلام الدكتورة الخاصة فيها يوم تقول لا تهتمي للاشيياء البسيطة ..
طنّشت الحبّـة واخذت شـَوَر وطلعت ..
نادت على الممرضة ...وطلبت الدكتـور وبدا ذا التحقيق ..
احـلام ..:" وش فيني ؟؟ ليه انا هنا .. ومين جابني هنا ؟؟"
الدكتـور طلال ..:"اللي جابكِ هنا سيارة اسعاف طلبتها خادمة بيتكم لما فقدتي وعيكِ .. كان في جسمكِ متسرّب مادّة منوّمـة مزوّدة بسمّ .. "
احـلام رفعت حاجب ..:" منوّم ؟ سمّ ؟ وش تهذري انت ...؟ "
طلال في نفسه [ السالفة فيها قلة ادب .. ] ردّ عليها :" بس لا تخافين زلناهم منكِ بس يحتاج وقت لين تطلعين من المستشفى .. يعني لازم تكوني تحت العناية .. "
احلام ..:" لا يا شيخ ! .. وكم ذا الوقت بالله .. "
طلال في نفسه [ لا وبقوة قلة ادب .. شكلي ما راح انسى اادّب ذا اللسان ] ... :" اسبـوعين .. "
احـلام ..:" نعـــــــــــــم ؟؟ وانا وش يقعدني كل ذا المدّة .. انا وراي اشغال .. تحسبني عاطلـة ؟؟ .. "
طـلال حسّ بالغيض من لسانها .. يبغاله ربط وقص .. بس تمالك نفسه وقال ..:" مسمـوح تستخدمين اللاب بتوب .. لان الضرر داخلي .. مو خارجي .. بس ما تطلعين من المستشفى .. جسدكِ ينقصه الراحة .. " ونزّل عينه من وجهها الى جسمها ..
انتبهت احـلام لنظراته .. وكانت تبي تشـوته .. بس قبل ما تتهـور قالت ..:" ممكن تخلي لي اكسجين الغرفة ..؟ " < يعني اطلع برى
طـلال رفع حاجب .. بس استجاب لطلبها وطلع برى ..
بعد ما طـلع ..
احـلام ..}
وععع .. قليل ادب .. مين اللي عيّنه علي ذا المنحـرف ..
افففف قسم بالله حاله ..
لحـظة !!
كيف درىا اني اشتغـل على لابتوب ؟؟!!!!!!!!!!!!!!!!!!!!!!!!!!!!!!!
ـــــــــــــــــــــــــ ــــــ~ــــــــــــــــــ ــــــــــــــ
طلال ..}
زي ما توقعت .. ما عندها ذاكرة عن الحادثة ..
وكمان شكلها ماهي متذكرة وجهي ..
بس انا متاكد اني حطيت الكمية الكافية من مفقد الذاكرة ..
عقدت حواجبي وقعدت افكر ..
وتذكرت لقائنا الاول .. بالرغم اني كنت احاول الاعتداء وهي كانت مو بوضع يسمح لها بالتفاخر ..
مع ذلك شاتتني وهي جالسة وفوق كذا رجعت لوضعيتها على طـول بعد الـشوتة ..
يعني هالنـوع من الناس اقدر اسمهيم النـوع المستحقِر مررررة لدرجة انه يمحي الوجه المستحقَر من الذاكرة تلقائيا !! ..
اه صح .. متذكرين انها جت بسيارتها الكشخة لببيت اهلها ... طلبت من سلطان يرجع السيارة لبيتها ..
[ سلطان شخصية بتتعرفون عليها بعدين ]
ـــــــــــــــــــــــــ ــــــ~ــــــــــــــــــ ــــــــــــــــــ
بعد يومين ..
حست احـلام بمـلل قاتل في ذا المستشفى خاصة انها مو متعـودة على كذا ابــــد ..
لانها كانت تملي وقتها كلهـ .. وان فرغت عندها تلفزيون او انها تشتغل لها كم شغلة فنية ..
والحين جتها هالحالة اللي تمنعها تتعدى باب ذا الغرفة البيضا الفاضية زي ما سمّتها ..
حسّت انه ودها بس تكسر كل شي قدامها مع اللاب بوت موب اللابتوب هع .. لانها مرة مستحقرة هالللاب توب لما تقارنه بلابتوبها فـ اعطتهـ اسم قريب من البوت ^_^ ..
دقت جرس مناداة الممرضة ورى بعض وبلا صبر ..
جتها الممرضة ركض وفتحت الباب بسرعة ..
احـلام ..:" ايه زين خليكِ كذا كل مرة " < هع ..
الممرضة عصصصبت منها لانها حسبت انه عندها مشكلة ولا جاييها شي فجت بسرعة طلعت تبيها تجي بسرعة عشان ما تمـل ..
احلام ..:" روحي قولي لهم يطلعوني .. "
الممرضة بطفش .. :" لا يا انسـة ما رح تقدري تطلعي الا بتوقيع ولي الامر .."
احلام ضربت راسها بقوة وش ذا الوهقـة .. اففف وانا فاضية اقعد اسبوعين زيادة هنا ؟؟
احلام ..:" اقول تلايطي بس .. روحي نادي دكتـور .. اصلا وش جابكِ انتي ؟؟ "
الممرضة بغت تقوم تكفخها وتصرخ على وجهها موب انتي اللي ناديتي ..؟
كتمت غيضها ولفت وطلعت ..
بعد شـوي دخـل دكتـور ..
احـلام كشرت اقوى لما شافت وجه دكتور طلال ..
طـلال شاف وجهها واخفى ابتسامته .. وتقدم ..
.:" ناديتي ..؟ "
احـلام ..:" ايه طلعنـي من هنا .. "
طـلال ..:" لازم توقيع ولي الامر اول .. " وابتسم في داخله بخـبث ..
احـلام .." ياا ليل .. هو انا ناديتكَ عشان تكرر لي نفس الكـلام اللي قالته السوسة اللي من شوي .."
ابتسم طلال لانه فهم سبب عصبية الممرضة اللي تو ..
طـلال ..:" اذا كنتي ملّانة لذا الدرجة اقدر اطلعكِ الحين لو تبغين .."
احـلام كانه انفتحت كل ابـواب الدنيا بوجهها .. ..:" ايه هذا اللي ابيـــــه .. يلا طلعني .." وجت بتنزل من السرير ..
طلال ..:" بس بشـــرط .. "
احـلام طالعته ..:" وشش هو ..؟ "
طـلال ..:" بوصف لكِ دواء .. ابيك تداومين عليه زين .. "
احلام ببساطة ..:" بس ؟؟ "
طـلال بابتسامة ..:" ايه .. بس ! "
احـلام في نفسها .. اممم شكله مو سيء .. انا توقعت انه منحرف .. بس طلع مهتـم للصحة بزيادة ! ..
ابتسمت له ببراءة ...:" اوكي .. كيف بتطلعني ..؟ "
طلال ..:" بمثل اني زوجكِ وولي امركِ وبوقع لكِ وبطلعكِ .."
احـلام كانت بتشوته بس فكرت انه ما في طريقة غيرها اصلا ..
وطالعت فيه بحقد ..:" سوّي اللي تبي .. "
ــــــــــــ~ــــــــــــ� �
في صيدلية المستشفى ..
الصيدلاني 1 :" اقـول .. دريت عن الدكتـور الجديد .. اللي اسمه طـلال .. ؟"
الصيدلاني 2 :" ايه .. ولد التاجر ذاك .. وش به ..؟ "
الصيدلاني 1 :" لا بس عطانا كرتون دواء .. كان صغير .. والكمية فيه محدودة .. !! "
الصيدلاني 2 :" كم صار له يوم اصلا جاي المستشفى عشان يقترح ادويا على كيفه .. ؟ "
الصيدلاني 1 :" صار له 3 ايام .. وبعدين تعرف الفـلوس .. خاصة مع مديرنا الطماع.. "
الصيدلاني 2 :" ايه صح وفي اشاعـة تقـول انه اخذ الوظيفة بالرشوة ..! "
الصيدلاني 1 :" ايه الله يكافينا شرّه بس .. "
سمعـوا اثنينهم دقّ جرس مناداة عند الدريشة ..
قام الصيدلاني 1 واستاذن وراح ..
~
وقفت احلام قدام دريشة الصيدلية ..
وعطت الورقة اللي وصفها لها د.طلال ..
شاف الصيدلاني انه نفس الدواء اللي يتكلم عنه قبل شوي عند صاحبه .. ومعاه مسكّن الم !
لف وراح يجيبه .. ما في حيلة اصلا ! ..
ــــــــــــــــــــ~ــــ� �ـــــــــــــ
{ بعد اسبوعين }
ليـــن}~
كنت افكر اني الحين قاعدة احسّن علاقتي مع امي..
صعب من جد فجاة اتركها واروح ادرس لحالي ..
بس امي ما حاولت تتقرب مني من اول ..
انا اللي بديت ..
يعني ما اتوقع تترك عيالها المحبوبين وتبكي علي ..
خلني اكمل السالفة ع اساس ادرس في مدرسة السكن ..
وبرجع الاجازة ..
اممم بس اجازات اليابان مو نفس اجازات السعودية .. !!!
اقول بالطقاق .. زين لو سالت عني وقتها ..
تراها حتى لين الحين تهاوشني اذا تشابكت مع عيال زوجها اللي تسميهم عيالها < [ اكيد بتهاوشكِ ]
اقول لا يكثر .. انا قاعدة افكر في اشياء ما بتحصل .. راح اسافر وهي ما درت عن شي ! ..
ــــــــــــــــ~ــــــــ� �ـــــــــ
احلام ..}~
رجعت من دوام الشركة ..
غرريييب .. اليوم ما كتبت ولا وقعت كثير ..
كل اللي سويته توقيعين والباقي طقطقت على اللاب ..
مع ذلك يدي اليمين توجعني وجع مو طبيعي ابدا ..
قبل ثلاث ايام .. رجلي اليسار كانت توجعني كذا ..
بس مو مشكلة .. عندي مسكّن ..
اي صح بقول لكم سالفة صارت لي اول ما رجعت من المستشفى ..
اول ما دخلت ..
جتني اللي تراقب كاميرات المراقبة .. [ الكلام مترجم .. ]
هي : اش صار ؟؟
انا ..:" بسم الله .. شتبين انتي ؟؟ "
هي :" اش صار باللي اقتحم البيت .. ؟"
انا ..:" اي بيت وش تقولين سلامات ؟؟ .. فيكِ شي .."
هي .:" لا لا .. هذا اللي اقتحم بيت اهلكِ وسكّر الكاميرا .. من يومها ما رجعتي .. ! .. وش صار عليه ؟."
انا :" اقول لا يكثر .. وخري عن وجهي .. خلي هذرتكِ بعدين مدري وش تقولين اصلا !!!! "
ورحت لغرفتي وحطيت كيس الادوية ..
وجلست قدام دفتر مذكراتي الضخم ..
وسجّلت كل اللي حصل .. وسجلت كلام مراقبة الكاميرات المطفوقة ..
مهذرية من جد ..
ومن بعدها داومت على الادوية زي ما هي موصوفة ..
كل ست ساعات بالضبط اشرب منه ..
وحسيت اني بزرة يوم طلع شراب مو حبّوب ..!!!
ـــــــــــــــــــــــــ ـــ~ـــــــــــــــــــــ ــــــــــ
نهاية الجزء ..