[لامارا]

البآرت التـآسع ..
مَوْتُ بشريّ وَوِلآدة مَجْهُولْ ..!

قربت الاجازة الصيفية على الانتهاء .. وما بقي الا اسبوع على بدا الدراسة ..
احلام ..
كل فترة .. تحس انه جزء من اجزاء جسمها يعورها ..
والمسكن ما يعمل الا لساعة .. ويعاود الالم ..
بس احلام ما همها .. اهم شي الفلوس .. ولان هالادوية ما جت مجانا .. فلو ما داومت عليهم بيصير مضيعة للفلوس وللوقت اللي قضته في المستشفى ..
عشان كذا تركت الحال كما عليه .. بس الالم مررة قوي .. وما تقدر تنام .. الا وهي تأن من الالام ..
بدا اول شي .. اسبوعين يعور رجلها اليسار و اسسبوعين يدها اليمين .. وهكذا استمر السيناريو المؤلم .. كل فترة يالمها جزء من جسدها ..
بس الالم اللي تحس فيه مرة وحدة .. الغريب انها ما ترجع وتحس فيه في نفس المكان !!!!!!!!!!! ..
كتبت في مذكراتها صعوبة الالم اللي تحس فيه .. ومستحيل تنسى تكتب في حال من حالاتها ..
استمرت اجازة احلام الماساوية بهذا الشكل .. وتغيبت يوومين عن الشركة .. بس قدرت تمشي السالفة بعلوّ منصبها ..
ــــــــــ~ــــــــــ
لين ما اضطرت انها تتسوق مرة ثانية ..
اكتفت بالاكـوام اللي عندها حاليا ..
لانه لين تعلمت القناعة طيلة الوقت اللي عاشته مع هالاسرة .. لان السكير ما كان يطلعهم للسوق الا لعيد الفطر .. ويقضون مرة وحدة لعيد الاضحى ..
وثاني شي انه لين فكرت بتحسن علاقتها مع امها فشافت انها ما بتسمح لها تطلع لحالها بدون يوسف او السكير ..
فاكتفت باللي عندها ..
اخيرا جاء الوقت اللي حزمت فيه امتعتها ..
واستعدت للرحيل ..
والواسطات مشتغلة مع وجدان .. مع ان لين في البداية صادقت وجدان بحسن نية .. بس القدر شاء انه يخليها تتصادق مع الشخص اللي بتستفيد منه كثيير ..
طلعت من غرفتها وهي تجر شنطتها .. قبل شوي كلمتها وجدان ولزمت عليها توصلها هي ويروحون للمطار مع بعض ومن ثمّ لليابان
شافتها امّها وودعتها .. باساس انه لين راحة للمدرسة العالمية ذات السكن ..
لين خبرت امها انها رايحة لمدرسة السكن وما كذبت لانه مدرستها في اليابان بالفعل فيها سكن !!!!!
طلعت لين ووقفت وعلى طول جت سيارة سواق وجدان وبداخلها وجدان واختها ..
وانطلقوا .. للمـطار ..
~
بعد ما ركبوا الطيارة ..
جلسوا في المقاعد الرباعية اللي تكون في الوسط ..
جلست وجدان في الوسط بين لين واختها هدى وجنب هدى جلست وحدة مسافرة ..
ووجدان ولين طقّوها سواليف ..
هدى ملّت من ثرثرتهم .. وشغّلت التلفزيون اللي قدام وجهها .. > اكيد تعرفونه .. ذاك اللي يكون معلّق براس المقعد اللي قدامكَ ..
قلبت هدى كل القنوات وما لقت الا اشياء مملة .. وافلام هي تابعتها كلها من قبل ..
لفت على وجدان وشافتها تضحك وهي مبسوطة .. ما عمرها في البيت ضحكت كذا ..
وجدان في البيت وحدة مزاجية وتعصب بسهولة .. الا لما تلقى ونيس تسولف معه .. بس هذا اذا جاها مزاج تسولف مع احد من البيت ..
والحين هنا بكل تاقلم وعدم كلافة قاعدة تسولف للين .. كانها وحدة مختلفة تماما عن وجدان اللي في البيت ..
ايش اللي مو عاجبها في البيت بالضبط ؟؟ . !
هدى مع التفكير ما لقت نفسها الا ونايمة .. مع انه الوقت مغرب .. بس بسبب الملل .. نامت
لفت عليها وجدان ورفعت حاجب .. هذي الحين وقتها تنام ؟؟ من جد جاية تفشلني قدام لين ..
بعد بضع ساعات من الرحلة ..
اعلنت المضيفة عن وصول الطائرة اخيرا لمطار طوكيو ..
نزلوا وبعد ما كملوا كل الاجرائات ..
فصخوا عباياتهم ..
وبدوا خطوتهم الاولى برا المطار ..
ابتسموا لما شافوا الشوارع يمليها المارّة .. وما تشوف الا سيارة ولا سيارتين ..
كل ذا الوقت تعودوا يشوفون السيارات تملى الشارع وما يشوفون اي اثر لانسان على رجليه في الشارع !..
وجدان ..:" اوكي الحين وعلى طول نروح للمدرسة ..؟ الشمس اشرقت خلاص .. اتوقع ان الطريق يكفي الين لما يفتحوا المدرسة .. "
هدى ..:" لا تونا جينا .. خلونا نرتاح اليوم .. هذا الاسبوع جزء من الاجازة بس فاتحين المدرسة لانها سكن .. بنروح بكررة"
وجدان ..:" وين تبينا نرتاح بالله ؟ في الشارع ؟؟ "
هدى ..:" انتبهيي لكلامكِ وتراني حاجزة غرفة في فندق .. "
لين ..:" ليه ؟؟ بس عشان يوم واحد .."
هدى ..:" لا انا مو ناوية اعيش في السكن .. ما معي صديقاتي ولا ودي وحدة غريبة معي في غرفتي .. عشان كذا بقعد في شقة .."
لين ..:" يؤ يعني وجدان ما بتعيشين في السكن ..؟"
وجدان ..:" لا .. وش دخلني انا ابي السكن وبعيش فيه .. "
هدى .:" اصلا محد عزمكِ تعيشين معي .. انا قلت ترتاحون فيه اليوم وتروحون بكرى .. "
وجدان انقهرت وجت بترد عليها .. تدخلت لين وقالت .:" اوكي خلاص يلا نروح للفندق .."
ــــــــ~ـــــــ
في نفس الوقت وفي نفس المدينه في حي اخر .. وقدام باب المدرسة ..
وليد ..}~
كنت ماشي بدخل للباب .. وفي يدي كم كتاب ما كفّوا في الشنطة ..
رفعت راسي لقيت نواف في وجهي < تذكرونه هذاك الدافور اللي قلت عنه دايم رافع خشمه ..
قلت تونا بنبدا سنة جديدة .. ما بيضر لو سلمت عليه .. اصلا زين لو رد ..
..:" السلام عليكم .."
رفع راسه وشافني ورسم ابتسامة ..:" وعليكم السلام .."
ابتسامته كانت مصطنعه .. بس لما لفيت بدخل المدرسة لقيت الجموع المتفرقة تطالع فيه معجبة بالابتسامة .. هذا وهي مصطنعة .. الله يستر لو طلعت الحقيقية .. مع انه محد لين الحين شافها ..
اذا ابتسم .. لازم تكون مصطنعة .. او ساخرة .. او مفتخرة .. واضح انه عايش الحياة متملل منها .. لو حاول احد يضحّكه .. برضو بيرسم ابتسامة مصطنعة ..
مطفوق وانا وش دخلني فيه ..!!!!!
وكملت طريقي لداخل ..
~
وقفت قدام لوحة توزيع الاسماء على الفصول والغرف ..
في الفصول شفت مكان اسمي في اي فصل .. وجاني فضول اشوف الباقي ..
امممم .. وش ذا ؟؟ .. اسم كانه عربي .. مكتوب [ اهمد لين ] بالياباني ( ملاحظة : في اليابان الاسم الكامل يُنطق بتقديم اسم العائلة على الاسم الاول .. )
وبرضو في اسم ثاني .. [ شايئ وجدان ] .. شكله شايع مو شايئ
شكله في سعوديين زيادة في فصلنا هالسنة ..
اي صح الله يستر وين نواف ذا ..
امممممممممممممم .. يؤ .. معي في نفس الفصل .. اففف قرف !
طيب وشريكي في الغرفة امممممممم .. يع .. نواف كمان.. لااااااااااااااا يكـــــــــــــــــثـــــ ـــــــــــــر وش سالفة ذا البايخ لازق فيني ..
ـــــــــــــــــــــــــ ـــ~ـــــــــــــــــــــ ــــــــــــ
في السعودية - الرياض ..
صحت احلام من النوم ولان اليوم خميس صحت متاخرة الساعة 7 ..
المفروض تصحى من قبل عشان النادي .. بس الالام اللي حست فيها خلتها تنسحب من النادي ..
غريب اليوم .. ما هي حاسة باي الم في اي مكان ..
بالعادة حتى لما تقوم من النوم يكون فيه جزء يالمها ..
قامت وحمدت ربها مليون مررة .. اخيرا افتكت من الالم ..
الحين تقدر ترجع للنادي .. وبتروح المدرسة هالسنة لانها قررت ما تروح هالسنه لما شافت الالم باقي لوقت طويل وما يفارقها < متسرررعة مرة في القرار !!
المهم انه باقي اسبوع لين تفتح المدرسة ..
اخذت شور ..
ولبست الوان رايقة .. عكس الايام الماضية كلش الوان كئيبة
ولانها اليوم رايقة .. سوت الفطور بنفسها .. وقالت للخادمة تعالي افطري معي < الفرج يغير الانسان من جد ..!!!
وطبعا الخادمة طلعت عيونها من متى واحلام متواضعة لدرجة تناديها تفطر معها هههه ..
شي واحد بس ما راح احلام بالها منه .. وكل ما تذكرته تسكرت شهيتها وتركت الاكل ..
وهو الحبّة اللي في رقبتـها .. ما فارقتها من يوم ما طلعت من المستشفى ..
طبعا في تفكير احـلام .. انه هالحبة تضر بجمالها .. لكنه هالحبة في الحقيقة ليتها تضر الجمال وبس .. هالحبة ........................ اللي متذكرها حلو واللي مو متذكرها بنقولها له بعد شوي ..
ـــــــــــــــ~ـــــــــ� �ـــــ
عند لين ووجدان وهدى في اليابان طبعا ..
الساعة 12 الظهـر ..
صحت لين وطالعت في الاثنين نايمـين ..
قامت وصّحتهم ..
بعد ما تروشوا وتغدوا وكل شي ..
وجدان ..:" طيب .. وش نسوي اليوم ..؟ "
هدى ..:" انا اليوم راح اشتري متطلبات الشقة ..لاني بعيش هنا كم سنة لاني بدرس الجامعة هنا .. "
وجدان ..:" طيب انا ولين وشو له نستنى ؟ خل نروح من الحين للمدرسة .. " قصدت وجدان هالكلام ..
وفهمتها هدى انه وجدان تبي تبعد عنها في اقرب وقت ممكن ..
وبرضو لين فهمتها وعشان ما تسوي اشتباك بينهم قالت ..:" يمكن هدى تبي مننا مساعدة او شي .."
هدى لانها فاهمة مقصد وجدان ..:" لا عادي بقضي لكم سنة بس .. مو لطـوال الحياة .."
وجدان وهي رافعة حاجب ..:" قبل شوي قلتي بتقضين لكم سنة .. كانه السالفة في راسك انه السنين مدة طووويييلة وشكلك كانك مهتمة لطول هالمدة والحين تقول كم سنة بسسس "
هدى عصبت ..:" ايه مهتمة مـرة .. ولو انك ما قلتي كلامكِ اللي تو ما كان صغرت السنة في عينكِ .. "
وجدان ..:" اي كلام ؟؟؟؟ .. "
هدى ..:" لااااا .. تظاهري بالبراءة اشوفها طالعه من عيونكِ .. ما قصدتي انكِ تبين تبعدين من هنا .. ؟"
وجدان ..:" ايه اخاف اسبب ازعاج لاختي العزيزة اللي موب طايقة وجودي .."
لين كانت تطالع كل هذا .. وهي مصدومة لانها متخيلة علاقة الشقيقين ما فيها هواشات عكس علاقة الاخوين اللي من اباء مختلفين ..
الحين اللي تشوفها قدامها .. نفس اللي يصير مع اخوانها من زوج امها ..
بسرعة حطت يدها على كتف كل وحدة منهم وقالت ..:" خلاص يكفي .. لا تفسرون كـلام الغير على كيفكم .. "
هدى بعصبيه ..:" اشوف انك تقصدين اني انا الغلطانة هنا لاني فسرت كلامها على كيفي .. " وبعّدت يد لين بكل غضب ..
لين تورطت حست انها عقدت السالفة اكثر ..
كملت هدى وهي تقول .. :" ايه اكيد بتوقفين في صفها .. صديقتها يعني نفس الطينة ! "
لين ..:" عندكِ مشكلة في طينة وجدان ..؟ وعندكِ مشكلة اذا كنت من نفسها .. ؟ "
كل ذا الوقت وجدان تفكر انه لين تحاول تصلح بينهم .. بس يوم سمعت الجملة الاخيرة .. قالت .. لا شكلها تحاول توقف في صفي .!.
لين كمان انتبهت لذا الشي .. انها الحين توقف في صف واحد .. يعني قاعدة تفرق ..
اخذت لين نفس تهدي فيه نفسها .. لانها من جد ما تحب تسمع كلام يضر كرامة وجدان ..
لفت على وجدان وقالت ..:" معليش وجدان .. حتى انا ما فهمت قصدكِ من ذاك الكلام .. بس اعتذري .. "
وجدان رفعت حاجب ..:" ليه انا لازم اعتذر ؟؟ "
لين ..:" مو حلو لما تفكرين انه في احد يحاول يبعد عنكِ .. اكيد هدى فكرت بنفس هالطريقة .. يعني حتى لو كان مقصدكِ غير .. هي بتفهمه كذاك .. عشان كذا اعتذري .. "
وجدان ............ ساكتة ..
لين ..:" اعتذري ..... " سكتت شوي، وقالت " عشاني ."
طالعتها وجدان .. ورجعت طالعت هدى ونزلت عيونها تحت عشان تتجنب تتلاقى عيونهم وهي تقول بدون نفس ..:" اسفة "
هدى حست انها ظلمت لين يوم تقول لها نفس الطينة كانها تستصغرها فتجاهلت وجدان اللي اسفها مو من قلبها .. وطالعت في لين لانها كبرت في عينها ..
وقالت . .:" اوكي خلاص .. اسفة لين .. ورطناكِ في السالفة .."
لين بعدت .. :" لا بس .. توترت لما شفت الجو وقلت لو خليته كذا .. ما يندري وش بيصير .. يمكن ينكسر هالطابق على اللي تحتنا .."
هدى ووجدان فهموا انه لين تحاول تعدل الجو بشوية مزاح فجاروها .. مو عشان بعضهم .. عشانها هي وبس ..
وجدان ..:" ههههه .. افاا .. حسستيني اني ضخمة لو صرخت شوي بينكسر المبنى .. "
ثلاثتهم بضحكات مو من قلب ..:" ههههههه "
ـــــــــــــــــــ~ـــــ� �ـــــــــــــ
العصر .. في السعودية ..
طلعت احلام من البيت وهي مستانسة .. ما في الم اليوم ..
وطلبت من سواقها يوصلها لممشى عشان تعمل شوية رياضة تعويض عن الايام الفايتة ..
~
تعبت بعد 20 دقيقة .. مع انها مفروض تتعب بعد ساعة على الاقل .. بس نشاط جسمها قلّ في هالايام ..
عشان كذا تحس بالتعب من اقل جهد .. يعني زين انها قدرت على 20 دقيقة ..
رجعت للفندق ..
وعند الباب نزلها السواق وراح للعمارة المقابلة حيث شقته ..
اما احـلام ..دخلت الفندق ودخلت الاصنصير ( المصعد او الالفيتر ) ..
وصلت لطابق شقتها وقفت قدام الباب ..
طلعت المفـتاح ..
وفتحت الباب ..
ودارت الدنيا بعيونها ..
وسقطت ..
تاركة وراءها ..
باب مفتوح ..
وروح طائرة لمكانٍ اخر ..
لتحل مكانه روح وجسد ..
من نوعٍٍ مجهـول !!


شهد سقوطها ذاك الخبيث ..
وابتسم بمكره المعتاد ..
وتقدّم ليحمل جسدها شبه الجثة ..
ويدخل به .. داخل الشقة } ..
ـــــــــــــــــ~ـــــــ� �ــــــــ
نهاية الجزء ..


البارت الجاي بنزله بكرى إذا شفت ردود : )