[لامارا]

البارت العاشر .. الجزء الأول
إِحْكَآمُ نَصْبِ الفَخْ

في شقة احلام ..
غرفة احلام اكتستها الكابة .. جسد احلام ملقى على السرير ..
والنور مقفل وتخلو الغرفة من احد ثاني غيرها ..
في الصالة ..
جوال طلال يرن . .
رد ..:" هاه اخيرا وصلت ...؟ "
سلطان ..:" ايه افتح لي الباب "
قام طـلال وفتح له الباب ..
سلطان ..:" وريني .."
طلال اشر على الغرفة ..
سلطان راح وفتح باب الغرفة وشغل النور ودخلوا
استغرب سلطان وهو يلف على طلال ..
سلطان ..:" بنت ؟؟؟؟ "
طلال ..:" ما لقيت غيرها وش اسوي !! .."
سلطان :" عندها وجه وجسم اااخ .."
طلال طالعه بقرف ..:" اقول ابعد عن بضاعتي .."
ودفّه وطلّعه برى ..
وطفى النور والباب ..
جلسوا على كنبتين متقابلتين ..
سلطان ..:" يلا .. اشرح لي .."
طلال ..:" اوكي بديت السالفة لما سمعت من ابوي انه لقى منافس قوي مررة .. والغريب انه هالمنافس بنت .. استغربت انا .. وشلون بنت اهلها يخلونها تشتغل بالاسهم وتكتسب كل هالشهرة والمال ؟ فوق كذا اسم عايلتها ما قد سمعت فيه في عالم الاسهم يعني ابوها موب غني او متخصص في هالمجال او ما شابه ..
دورت كثير في الاشغال الشاغرة .. من جد ما لقيت احد غيرها بهالاسم .. عرفت انها بادية بنفسها هالشغل .. واكيد لها هدف من كسب المال .. ثم انها قدرت تنافس ابوي اللي ما في زيه .. يعني انها ذكيـة مررررة بالنسبة لبنت ..
وبعدين سمعت من ابوي انها جاية القصر تزوره .. قمت راقبتها لما جت .. ما لقيت معها اي احد .. ققلت غريبة اهلها يخلونها كذا تجي بيت احد عشان تقابل رجال لحالها ..!
من هنا بديت احلل اشياء كثيرة .. وقدرت بطرق صعبة مرة واحداها اني اطلب المساعدة من الشرطي سلطان .. ( ابتسم سلطان ) .. المهم اني بفضل هالطرق قدرت اعرف انه هالبنت تعيش لحالها ..
سالت اصحاب الفندق .. من متى وهي تعيش هنا .. قالوا لي قبل الموعد اللي هي دخلت فيه عالم الاسهم باسبوعين ..
سالتهم اذا في شي غريب طلبته منهم ؟؟ .. قالوا ايه طلبت منا نركّب لها تلفزيونات واجهزة خاصة بالمراقبة ..
فهمت هنا .. انها هاربة من بيتها قبل موعد دخولها عالم الاسهم ..
بس تساءلت .. ليه هربت اصلا ؟؟!!!
وقت هالتساؤل انت قلت لي انه في فقير بنته اللي عمرها 15 مفقودة .. وبعد فترة جاء وقال لكَ ما يحتاج تدورون عليها .. هي آمنة الحين ..
على طـول قلت اكيد احلام هي اللي يقول عليها هالشايب الفقير .. وبحثت في سجل هالشايب لقيته متدين من ناس كثير ..
هنا عرفت هدف احلام من جمع المال .. انها تبي تخلص اهلها من هالديون ..
راقبت يومين كاملين تحركات احلام .. لما شفتها تروح نادي .. طلبت من خدامتنا المصرية بشوية فلوس انها تدخل وتسال اصحاب النادي .. احلام في اي الاقسام مسجلة ..
قالوا لها ان الكاراتيه من ضمن الاقسام اللي هي مسجلة فيها .. وفي تاريخ ناديهم ما شافوا اقوى منها في الكاراتيه .. اكتسبت الحزام الاسود بعد شهر واحد بس من ابتداءها من الصفر ..
ومو بس كذا .. حتى مهارات السيف .. تقدر تدخل وسط 10 اهداف ملتفة عليها بشكل دائري .. وتقطعهم كلهم في وقت واحد بحركة وحدة ..
سمعت كل هذا وقلت هذا الجسم القوي المو هين ابد .. واللي اكيد ( وابتسم بخبث ) ما راح اضيعه ..
المهم .. بعد فترة .. اقتحمت بيت اهلها اللي هي تراقبه . ومن كاميرا المراقبة وضحت لها انه اهلها يبون مساعدتها ..
واول ما وصلتني خدرتها بالمنوم .. لما صحت قلت لها جسمكِ فيه سم .. واصلا جسمها ما كان فيه لا سم ولا هم يحزنون .. اللهم اني دخلت في جسمها ابرة مخدرة قوية مصحوبة مع جرعة تفقيد جزء من الذاكرة ..
زي اني حطيت هالابرة على كل افراد بيتها .. عشان ما يجيبون اي طاري لهاللي صار ..
في المستشفى حطيت في رقبة احلام كاميرا مراقبة على شكل حبّة شباب او حبّة من بعوض ..
بعد ما صحت احلام وملّت من الوضع وقالت تبي تطلع .. استغليت مصيبتها وطلعتها بشرط انها تداوم على دواء معين ... ( وابتسم بخبث ) اشرح لكَ الدواء ؟؟ "
سلطان ..:" قوووول اخلص علي ؟؟"
استطرد طلال :"هالدواء مشحـون بخلايا النانو .. خلايا النانو هذي تقدر تصنع لكَ خلايا كهربائية في الجسم اللي تدخله .. لكني قللت المفعول ..
وصارت الخلايا الكهربائية تتجسم فوق الخلايا الجسدية وبس .. ما تضر اي خلايا ثانية .. زي الخلايا الدموية او العصبية او الخ .. عشان كذا الحين لو جرحت احلام بتتالم وبيطلع دم كمان ..
المهم .. اني قلت لها تاخذ الدوا هذا كل ست ساعات .. بعد ما تاخذ الدوا .. يبدا الخلايا النانو شغله ..
ويبني خلايا كهربائية فوق الخلايا الجسدية .. والالم طبعا موجود في هالحالة بشكل مخيف .. صراحة حتى انا اشفقت على احلام .. بس المهم اللي بعد هالآلام ..
اي صح وطبعا هي كانت تشتري دايم من الدوا ذا من نفس صيدلية ذاك المستشفى . واخر قارورة كان فيها جرعة تفقيد الذاكرة كاملة ..
اليوم بس .. خلصت خلايا النانو شغلها وفقدت الذاكرة وفي نفس الوقت استيقظ ........

الــــــــــــســــلاح البـــــشـــــــري .."

صفق سلطان بكل حماس وقال :" ياخي انت خطييييييييييييييييييييييي يييييييييير .. "
ابتسم ..:" ما يحتاج اهم شي الفــــلووووووس .."
سلطان " وشلون فلوس ؟؟ "
طلال ضرب راسه :" ايه صح نسيت انك غبي وما تفهم .. وانا ليش حولتها لسلاح بشري ؟ عشان ابيعها "
سلطان .:" مين بيشتري .."
طلال ..:" ما عمركَ سمعت بالحروب انت ؟؟؟.. هذي قوة حربية لا تصدق .. "
سلطان ..:" اهاا .. وكم ناوي تحط السعر ..؟"
طـلال بابتسامة مكر ..:" بليون دولار امريكي .."
سلطان ما صدق صفّر من الوناسة ..
طلال سكته ..:" دب اهجد صوتك عالي "
ضحك سلطان ..:" معليش تحمست .. ايه صح انا اذكر انك قلت لي انه اكيد عندها خادمة ومراقبة للكاميرا .. طلعوا موجودين زي توقعك ؟؟ "
طلال :" ايه طلعوا موجودين وهي اليوم العصر طلعت من الفندق وانا تكفلت بالتعامل معهم وبرضو تكلمت مع اصحاب الفندق انه الشقة من اليوم ملكي ببصمة موافقة من يد احلام اخذتها منها لما طاحت مغمي عليها .. اما السايق قبل ما تجي انت قلت له خلاص ما تحتاج تشتغل هنا وعطيته فلوس كثير عشان اسكّته ..
اوكي .. والحين وش توقعكَ صار لغرفة المراقبة اللي كانت من قبل ؟؟ .. "
سلطان .. " وشو الله يستر ؟؟؟ "
طلال :" حطيت فيها الكمبيوتر الخاص ذاك .."
سلطان .:" اييييه ذاك اللي غثيتني فيه من فترة وقاعد تصلح وتدخل فيه اشياء .. "
طلال ..:" هذاك ما كان استهبال .. كان برمجة .. للتحكم في السلاح البشري ..!!!! "
سلطان ..:" يؤ يؤ من جد ؟؟؟؟؟..."
طـلال ..:" بس اقدر اتحكم في السلاح البشري لوقت محدود بس ..
اما كيف اتحكم فلازم اشحن السلاح البشري مدة ست ساعات ... لا اقل ولا اكثر ..
تعال معي .."
راحوا للغرفة اللي فيها الكمبيوتر ..
ودخلوا .. طلال :.." شوف ذا الكرسي اللي هي بتقعد فيه عشان اشحنها ..
وهذي هي اسلاكه .. شوف وين موصلة .. "
سلطان راقب ولقاها موصلة مع الكمبيوتر ..
طلال :" الارتباط اللي بين هالكمبيوتر وبين جسمها .. هو .. ( وفتح الغطا حق خلايا الكمبيوتر وطلّع خلية كهربيائية موصلة باسلاك كثيرة ) هالخلية ..
في الوقت اللي فيه احلام مغمى عليها دخلت الخلية المتفرعة من هذي الخلية في جزء من اجزاء جوا جسمها .. وهو الجزء اللي توصل له كل خلايا النانو .. وكمان هذي الخليتين يتوصلون ببعضهم لما تجلس على هالكرسي ويبدا الشحن ..
المهم في السالفة انه هالخليتين مهمتين مررة لما نتحكم بالسلاح .. "
سلطان ..:" حللووووو .. طيب قول لي .. كيف سلاح ..؟ "
طلال ..:" يا لييييييييل ما اطولكَ .. الوقت اللي هي تكون في بتحكمي .. فيه اوامر اسويها من هالكمبيوتر يخلي الجزء الفلاني يتحول ..
لما ما تكون مشحونة مستحيل تفعّل هي السلاح بارادتها .. وطبعا في الوقت اللي هي تكون فيه مشحونة تكون مُتحكم فيها زي الدمية .. بس الفرق بينها وبين الدمية انها تبي تعارض .. بس ما تقدر .. لا باليد ولا بالرجـل .. بس اللسان هو العضو الوحيد اللي ما اقدر اتحكم فيه،
بس لو جاء وقت وقالت شي انا ما أبيها تقوله بتحكم بمكبر الصوت إللي في حلقهـا وبخفّضه للأخير .. تتكلم من اليوم إلى بكرة محد سامعها
بس عشان أتجنب هالموقف عشان الناس ما يشكون في هويتها .. لازم اكون حذر وارجعها للبيت قبل ما يخلص الشحن .. ( شغّل الكمبيوتر ) .. شوف هنا يطلع لي الشحن كم بقي عليه ويخلص .. "
سلطان ..:" وااو .. طيب قول لي وش هي الاسلحة في كل عضو .. "
طلال ..:" سالت السؤال الاحلى .. الاصابع سكاكين .. الاذرعة بنادق .. الارجل سيوف .. والعيون كاميرات .. والرقبة والبطن سكاكين مدوّرة حادة من الجهة الخارجية .. اطراف الاذان وبطن كف اليدين وبطن الاقدام سكاكين ما تنشاف صغييييرة مررة .. والحلق مكبرات صوت "
سلطان ..:"اخ ياخطير انتـ .. "
ابتسم طـلال :" طيب انقلع ترى قريب تصحى .."
سلطان " اي لحظة منتب بشاحنها الحين لو صحت وانهبلت مين انت ووش تسوي في شقتي ؟ "
طلال رفع حاجب ..:" وش دراها انها في شقتها ..؟ "
سلطان ..:" حلوة هذي شقتها كيف تنساها ؟؟ "
طلال ما تحمله وعطاه بوكس خفيف على خده بس يألم شوي ..
طلال ..:" والله العظيم ما افهم غباءك .. كل هذا وش قعدت اقول انا ؟؟ "
سلطان وهو يحك خده مكان الضربة ..:" عاد مو لذا الدرجة تراني عارف وفاهم عن ايش تتكلم بس متى قلت انك لقيت حل لانها ما تنهبل ؟؟ "
طلال ضربه بووكس على راسه ..:" بهــــــذا .."
سلطان يفكر ( بوكس على الراس ؟؟ دوخة ..؟ اممممم احيانا الناس ينسون اشياء من ضربة في الراس .. ) :" اها فقّدتها الذاااااااااااااااااااااا كرة .."
طلال وقف واستعد برجله يشوت سلطان بس سلطان طار للصالة ..
لحقه طلال .. سلطان وهو يركض ..:" طيب ما قلت صح علي ولا غلط ..؟ "
طلال ..:" لا يا شيخ بعد ما بح حلقي وانا اشرح لك اخر شي تقوم تسالني عن شي شرحت لك اياه زيييييين .. تدري .. تعال .. " ومسكـه ووداه عند باب الشقة وفتحها ودفّه برى وسكّر الباب ..
ضحك سلطان ورى الباب وبعدين مشى طالع وفي راسه يلمع مليون فكرة من كـلام طـلال ..
سلطان .. عمره 28 ( قد طـلال ) خويّه من الصغر ..
يشتغل عسكري وخاين بمرتبة الشرف .. يكفي اللي شفناه منه قبل شوي ..
سلطان بعكس طـلال فقير ويعيش في غرفة في سطح العمارة ..
واخته ساكنة معه .. اثنينهم ايتام امهم وابوهم تركوهم لحالهم في هالدنيا من يوم ما هم صغار ..
سلطان من زمان وهو مكتسب كل صفات طـلال .. الفـلوس اهم شي في ذا الدنيا ..
ـــــــــــــــ~ـــــــــ� �ـــــ
في اليابان
لين طفشت من نظرات وجدان وهدى العدائية لبعضهم والجو المكهرب بقوة ..
لين ..:" اقول، انتوا تعرفون ياباني ؟؟؟ "
وجدان طلعت عيونها بقوة .. وشلون نست هالشي وطبّت في بلد ما تعرف لغته ..
وجدان ( لا يكون انا جيت هنا عشان اجري ورى لين، افف بديت اتحول لانسان سيء انا )
لين شافت التعبير المفاجئ اللي ظهر على وجه وجدان وعرفت الاجابة ..
لفّت على هدى :" انتي تعرفين ؟ "
هدى وهي تطالع وجدان بسخرية :" لو ما اعرف ما كان طبّيت لهنا بارادتي "
وجدان أرسلت نظرة حادة ..
لين في نفسها ( بدينا )
مسكت لين يد وجدان وقومتها وقالت .:" طيب يلا امشي .. وش بنسوي اذا جاء احد يكلمك وتردين هاه هاه .. "
وجدان :" والاخص من كذا لو ما فهمت ولا كلمة من الشرح بتضطرين تعيدين لي كل شي بالعربي "
لين :" باحلامكِِ "
ضحكوا ثنتينهم ومشوا للصالة وبدت لين مشوارها الطويل في تعليم وجدان اللغة اليابانية ابتداءً من الصفر ..
ــــــــــ~ــــــــ

البارت العاشر .. الجزء الثاني
مَلاكٌ حَزِيْنْ، بِحَقّ .. مَنْ اكُوْنْ ؟


نرجع لشقة احـلام سابقا ..
بدا طلال تفتيش في ذا البيت ..
ولحسن حظه يوم طاحت احلام مغمي عليها كانت مطلعة المفتاح ..
وهو عبارة عن ميدالية فيها كل مفاتيح الشقة وغرفها ..
شاف كل درج في كل غرفة ..
وتاكد انه محى اي دليل ممكن يذكرها بالماضي ..
ومع ذلك احـلام لسى مستلقية بجسد باهت على السرير وبلا حراك ..
اخذ طـلال كرسي وقعد عند راسها .. وانتظـر ..
~
الساعة 2:00
طـلال يصارع النعاس ..
واحـلام باقية على حالها ..
قام طـلال وغسل وجهه كم مرة ..
وبعد ما مسحه اخذ مجلة على الطاولة وجلس على الكرسي ..
~
وين انا بالضبط ..؟
ايش اللي حصل لي ..
وش هالمكان ..
كله رماد .. والـوان باهتة فقدت الحياة ..
رفعت راسي .. وطاحت عيني على وحدة من جبال هالمكان ..
لقيت قمة الجبل .. اخضر .. وعليها .. بنت صغيرة ..
ما ميزتها .. عشان بعد المسافة ..
تقدمت وصعدت الجبـل ..
ولما وصلت القمة .. شفت وجه البنت ..
لقيتها .. وحدة تلعب .. وجهها مطابق لي .. لا .. يمكن هذي .. انا يوم اني صغيرة !
لحظة .. اصلا انا كانت لي حياة من قبل ؟؟؟
قربت من البنت وكنت ابلسمها .. بس اختفت واختفت معها الخضرة ..
حزنت لاختفاءها .. شفت لاسفل الجبل .. ودخت وفقدت رجلي توازنها ..
وبديت انزلق .. الين وصلت للمكان اللي صعدت منه ..
وش اشوف الحين ..؟
خضرة .. وعليها بنت .. نفس البنت اللي قبل شوي .. لا .. مو نفسها .. هذي شعرها طويل .. بس تشبه في الوجه اللي تو ..
ومعـها ولد بنفس عمرها ونفس شكلها .. بس الشعر .. غير ..
قربت منهم .. ولما لمستهم .. ابتسموا لي وانتشرت الخضرة اللي هم واقفين عليها ..
وغطت الرماد بالخضرة ..
~
انتبه طـلال انه عيون احـلام .. بدت تتحرك بشويش ..
ترك المجلة واستناها تقوم .. وهو متلهف تفتح هالعينين ..
فجاة ..
انفتحت عيون احـلام بلمح البصر ..
انفجع طلال من الانفتاح المفاجئ هذا ..
احلام نقلت بصرها له .. بنفس السرعة والمفاجئة ..
ولين الحين ما رمشت ولا مرة ..
قعدت على السرير بدون ما تستند بيدها عليه ..
حرّكت اصابع يدها .. وصدمتهم في بعضها وسمعت منهم صوت تصادم معادن ..
التفتت بشووويش على الرجل اللي جنبها ... وقالت ..:" مين ... انت ؟؟ " وسكتت ..... " لا .. لحظة .. مين انا ؟"
طـلال متسمّر في مكانه بلا اي حراك ..
بعد ما استوعب السالفة ابتسم ابتسامة صغيرة وتوسعت بشويش لين صارت ابتسامة مكر ونجاح ونشوة ..
قرّب الكرسي منها وقال بصوت مطمئن ..:" باي سؤال نبدا ؟ "
احـلام التفتت له بعيون خاوية ..: " مـيـن ....... انا ؟؟ "
ابتسم طلال لانه تذكر شخصيتها يوم هي في المستشفى .. كانت مغرورة ولسانها طويل واذا كانت احلام السابقة كان ردت على سؤاله بهالطريقة ( ترفع حاجب وتقول : لا يا شييييخ ؟ ) هع
طلال .. :" قبل ما اجاوبك .. تقدرين توقفين ؟ "
هزت احلام راسها بالموافقة ونزلت من السرير ..
مشى طلال ووقف قدام باب البلكونة وفتحه .. وقال لها :" طلّي ..."
طلعت احلام وطلت على المكان .. ملتها الدهشة وبان هالشي على وجهها .. اشّرت على النافورة اللي في الوسط وقالت ..:" وش هالشي ؟ ليه يطلّع موية كذا "
طلال كان متوقع انها تنسى كل كل شي ويصير تفكيرها زي الاطفال .. اي شي يشوفونه يسالون وش ذا .. كان متوقعه بس كان يتمنى انه ما يحدث .. والحين صار هالشي وتوهق .. يحتاج يعلمها العالم الخارجي كله في وقت قصير .. لانه لازم يخليها تكمل دراستها ولا راح يسالون عنها المدرسة وبعدين يبلغون الشرطة ومن ثم اهلها ويطلعونها لو من تحت الارض وفي ذاك المكان اكيد بيكون هو معها ..
هذي بضاعتي .. مقدر اخليها كذا .. مو لين ما ابيعها ..
تقدّم وبدا يشرح لها كانها طفلة انه هذي نافورة يقدرون الاطفال يلعبون عندها وهذا عشب وهالمباني الطويلة عماير يسكنون فيها ناس في شقق وووووووووووو الخ ...
واحلام كانت ترجع وتساله ثاني ..:" وشو شقق وشو نافورة ... الخ ؟"
لما ملّ طلال من هالشرح المفصل والممل هذا قال لها :" خلاص يلا ندخل .. الجو بارد .. يمكن يجينا زكام .." ودخلوا .. صحيح .. احلام ممكن انها تصاب بزكام او اي مرض يصاب فيه بقية البشر .. لانه خلايا احـلام كماهي .. ما تدمر منها ولا شي .. بس انبنى فوقها خلايا جدد ..
رجعوا في نفس مكانهم وجلسوا ..
احلام :" يلا . جاوبني .. مين انا ؟"
طلال ( يؤ انا نسيت .. ) بدا يتكلم ..:" انتي بشر جواه مجموعة اسلحة .. "
احلام ..:" وشو اسلحة ؟"
طلال بتطلع روحه بس صبر ..:" يعني هذيك الاشياء البنادق والمسدسات والسكاكين .. هذي الاشياء تستخدم عشان تاذين شي معين .. "
احلام ..:" طيب حرك اصابعك واصدمهم في بعض "
استغرب طلال بس سوى اللي تبيه ..
احلام قربت اذنها من يده .. توتر طلال من قربها .. مهما يكون تبقى هذي بنت وهو ولد ..
احلام ..:" مرة ثانية .. "
سوى طلال اللي طلبته .. بعدت احلام وطلال اخذ نفس انه قدر يسيطر على نفسه الين ما بعدت .. رجع لواقعه شاف احلام رفعت يدها وصدمت اصابعها ببعضهم وسمعوا صوت تصادم المعادن ورفعت عيونها بنظرة حزينة ..:" هذا اللي تقصده بالاسلحة ؟ "
بلع ريقه .. الجو ما يساعد يستعيد ثقته .. القمر بنفسه يطالعه بعيون حزينة في هالليل والمكان غرفة نـوم .. وفوق كذا هو اللي مسبب لها هالشي ..
حس انه ما راح يقدر يوازن عقله .. قام بسرعة وقال لها ..:" اعذريني .." وراح لدورة المياه ( اكرمكم الله ) ..
وغسل وجهه ورفع عينه للمرايا .. وش اللي صار لي تو .. ؟ احلام سلاح من قبل .. جمالها يكفي اني اتخدر بالكامل .. ما كان لازم اختار احد بهالحلاوة ..
استيقظ مرة ثانية الجانب الشيطاني اللي فيه واللي نام للحظات .. ( بس ما في احد غيرها انسب لكذا .. على اي حال من الحين ورايح بتجنب اجلس معها بذا الغرفة .. )
رجع لها وقال :" الجو هنا يخنق وش رايك نغير الغرفة ..؟ "
هزت راسها بموافقة وانصياع .. وتبعته الى غرفة الصالة ..
ــــــ~ــــــ
نهاية الجزء