[لامارا]

البارت الحادي والعشرون ..
وَدَاعَاً قُيُودِيْ


بعد عناء طويل لمحاولات تسجيل أحلام في المدرسة وبعد الإمتحان القصير للقبول وواسطات لين ونواف أخيرا وقفت أحلام قدام طلاب فصلها والأستاذ يعرفهم عليها كطالبة جديدة
الفصل كله عيونه كذا O.o ويتهامسون ( مو كأنها تشبه لين مرررررررررررررة .. !! ألا كأنها نسخة من لين بس الشعر أقصر شوي !! )
أحلام تقدمت بثقة .. وبعدين طالعت الأماكن الفاضية كلها ورى !!
لين للي جنبها : انت انقلع ! [ طبعا باليابانية .. ]
طالعها الولد بنص عين : يادا ! ( مابي )
حس الولد بأحد من وراه يطق كتفه بأصبعه .. لف لقاه نواف يطالعه بحده وقال : انقـــــلع ..
كشر الولد وقام وجلس ورى .. وجت مكانه أحلام ..
وكل هذا وسط دهشة الفصل على كيف كيف أبوهم ذولا ؟؟!!!!!
المدرس تركهم ما يبي يخلص طاقته على هواش من الصبح < [ جيبوه عندنا ذا نبييييه T.T .. احم ]
~
بعد الحصة هجموا كل الفصل معهم وجدان ووليد يبون يعرفون وش السالفة !
لين ونواف على غير عادتهم جاوبوا على كل أسألتهم لأن الموضوع يخص توأمهم المحبوب *_^
وجدان : واااه كل هذا حصل وما درينا ؟!
لين : ما كان فيه وقت نقول لكم :|
وجدان : ونواف طلع أخوك هاه .. *تنهيدة*
لين رفعت حاجب : وليه التنهيدة ؟
وجدان بتنهيدة ثانية : لا ... ولا شي .. وفي نفسها ( توقعت إنه يحبك :| )
نواف كان يطالعها بحدة كانه فاهم اللي تفكر فيه ..
وجدان انتبهت D': < ناظرت كذا
وقف نواف وطلع من الفصل ومشى لفصل شادن ..
مسك يدها وسحبها وطلعها من الفصل ودخلها في فصله وشادن تسأله : وش السالفة هيييه .. ؟
نواف وقفها قدام أختينه وقال : أقدم لكم خطيبتي ..
لين وأحلام ووجدان ووليد ..................... o.O

لين استوعبت وضحكت : هههههههههه مبرووووك ..
أحلام طلعت عيونها : بس ذا ولـــــــــــــــد !!!!!!!!!!!!!!!!!!!!!!!!!!!!!!!!!!!!
شادن ما تدري وش تسوي ..
لين : لا .. هذي بنت ..
أحلام بصدمة : كيف ؟!؟!!!!!
لين : لابسة زي الأولاد بس هي بنت ..
أحلام ووجدان ووليد لسة مو مستوعبين .........................!
~
بعد المدرسة بدأ وقت الجد ..
انفردوا نواف ولين وأحلام في مبنى المستشفى المهجور واتصلوا على الرقم المكتوب تحت صورة طلال المعروضة للقبض عليه ..
~
سعود حس بجواله إللي خصصه لهالمهمة يتصل عليه أحد ..
فز ورد ..
نواف مشغل الاسبيكر : السلام عليكم ..
سعود : وعليكم السلام
سعود سمع همس : إيه أشوى شكله سعودي ..
سعود بعصبية : يا إخوان عندكم ارتباط مع المجرم المعروض صورته ؟
نواف : هدّ أعصابك يا شيخ .. احنا اخوان ضحايا هالمجرم ..
سعود بصدمة : إيش ؟؟!
نواف : لازم نتقابل .. ويا ليت إلحين ..
سعود وقف من مكانه : وين انتم ..
نواف وصف له المكان ..
~
بعد فترة وصل الفريق ودخلوا المبنى سعود والدكتور وبعض رجال الفريق ..
نواف وقف لهم ..
وبعد الجلوس ..
سعود : وين إللي تقولون عنه الضحية من بينكم .. ؟
أحلام : أنا ..
سعود : والدليل ..
رفعت أحلام أصابعها وصقعتهم في بعض وبان صوت اصطدام المعادن ..
انصدموا الفريق كامل ..
أحلام نزلت يدها بجمود ..
وبدوا ثلاثتهم بالتتابع يتكلمون عن اللي حصل واللي اكتشفوه عن أحلام ..
الدكتور : ممكن أكشف على أحلام بعد كذا ..
نواف : هذا اللي نبيه .. عشان إحنا أمس كنا نفكر كيف ننزع الخلية الرئيسية عن راس أحلام .. وطرحنا فكرة الجراحة عشان ننزعها ..
الدكتور : ممكن تكون هذي أسهل طريقة لكننا مو متأكدين هذي الطريقة آمنة أو لا ..
سعود : امممم .. إلحين انتوا مو عارفين مكان طلال صحيح ؟؟
نواف : ايوه :'(
سعود : طيب ممكن تدلونا على شقته إللي تحوي كمبيوتر التحكم ؟!
نواف : هذي تركنا فيها أجهزة تنصت ولين إلحين ما التقطنا إشارة لرجوعه ..
سعود في نفسه ( أجهزة تنصت ومنومات ومدري ايش .. من وين لهم هالأشياء o.O )
قاموا كلهم وتوجهوا للشقة ..
وبعد بحث وتقليب في المكان كامل ..
الأشياء اللي طلعت لهم واللي تستحق الذكر :
أوراق تفصيلية لجهاز النانو إللي في جسم أحلام
أوراق تفصيلية لكمبيوتر التحكم
أوراق شرح الخلية الرئيسية
أوراق شرح .................. أوراق شرح .............. أوراق شرح .....................
كمبيوتر التحكم
ومذكرة أحلام !
طلعوا من الشقة .. اتجهوا لمختبر واستأجروه ..
وبدا الكشف على أحلام ..
ــــــــــــــــــ~ــــــ� �ــــــــــــــ
بعد ساعة وربع ..
طلع الدكتور من المختبر ..
نطوا نواف ولين .. وبصوت واحد : بشّر ..
الدكتـور : ما سويت شي يذكر .. كل اللي سويته إني درست جهاز النانو إللي في جسمها .. وطلعت بهالنتائج .. (أشر على أوراق)
وبعد أسبوع بقرر نسوي جراحة أو لا ..
سعود وقف : واحنا بعد ما بنهدّأ البحث إلين ما نلقى ذا الطلال ..
ـــــــــــــــــــــــــ ـــــــــــــــــــــــــ ـــــــــ~ـــــــــــــــ� �ــــــــــــــــــــــــ ـــــــــــــــــــــــــ
يوم الأحد يوم الإجازة الأسبوعية في اليابان ..
أحلام إعتادت على العيشة مع نواف ولين مع إنه قلبها ينفطر حنين على أهلها في السعودية بس هذولي هم أهلها الأصل من جد ..
لكن كان اليوم موعد النزهة مع نواف ولين ووليد وشادن ..
وبعد ما قرروا يخلوها في حديقة ويستنوا إلى ما تجي إجازة الصيف وقتها يروحوا البحر ..
لبست أحلام بنطلون جينز أسود آخره في الرجل اليسار مطرّز بترتر فوشي وبلوزة فوشية طويلة الأكمام ومثلثة الصدر وتحت في الجانب الأيمين من الخصر كُتب بخط إنجليزي جميل ومزخرف وباللون الأسود .. وشعرها فكّته لأنه قصير
بعد كل الإستعدادات من الصبح طلعت من غرفتها وتوجهت للباب الرئيسي ولقت نواف ولين لابسين ثنينهم زيها جينزات سودا بس بلايز بيضا وفوق البلوزة البيضا صدرية جينز سودا لين حقتها قصيرة البطن والأكمام طوال ونواف بدون أكمام وعند البطن طويل .. وواقفين يتهاوشون مين يطلع أول مع الباب ....!!!!
تنهدت بس ضحكت منهم في كل أمورهم أذكياء وعقلاء إلا لما كل واحد منهم يشوف الثاني في وجهه يصيروا إثنينهم أطفال يتهاوشون على حلاوة ^_^ ..
مشت لهم ودقّت كل واحد منهم على كتفه .. نواف ولين وسط معركتهم ما يحبون يتدخل أحد فلفّوا عليها بعصبية :" شتبييييييين ؟ "
أحلام خافت :" لا بس أبي أطلع .. "
لين ونواف وخروا عن بعض وهم معصبين وخلوا بينهم مسافة تقدر تطلع منها أحلام وأول ما طلعت أحلام رجعوا للهواش ..
أحلام قعدت تسمع وهي في نفسها ( يارررب يخلصون .. )
بعد خمس دقايق من الهواش المسستمر
لما سكتوا اثنينهم ثواني أحلام قالت بصوت منخفض .." لو سمحتووووووم "
نواف ولين لفوا عليها نفس الإلتفاتة المخيفة .. أحلام رفعت معصمها وأشّرت على ساعتها :" حنتـأخّر .. الباب يوسع جمل إطلعوا إثنينكم مع بعض .. "
نواف ولين طلعوا عادي مع بعض وأحلام كانت متوقعة ينصدمون لما يلقون الباب وسيع بس إستغربت لما طلعوا عادي وقعدوا يكملون مشيهم ..
مشت وهي وسطهم وهي تناظرهم بطرف عينها مستنكرة وتقول في نفسها ( لا يكون ذا البزرين عارفين من قبل أن الباب يوسعهم بسسس لما شاف كل واحد وجه الثاني جته طاقة سلبية يبي يفرّغها في الثاني ؟؟ )
تنهدت منهم ولفّوا لها إثنينهم ومع بعض :" وششش فيييك؟ "
لين بسرعة :" في شي يألمك ؟"
أحلام ..:" لا لا ما يألمني شي "
نواف ولين مع بعض :" طب ليه تتنهدين "
أحلام :" أبد .. ما بوه شي .."
نواف ولين يبون يعرفون بس ما حبوا يضغطون عليها وكملوا مشيهم ..
أحلام في نفسها في ذا الوقت ما يتهاوشون -_- توقعت يتهاوشون مين يعرف وش اللي خلاني أتنهد قبل الثاني هي هي هي هي ) [ ضحكة مكسّرة هع ]
وصلوا للحديقة لقوا شادن ووجدان ينتظرون ..
إنضمّوا لهم وفرشوا وجلسوا وسكّروا الدائرة ..
لين :" فيه شي ناقص أحس ! "
نواف :" بلا وسوسة ما بوه شي ناقص .. عددنا كامل وأغراضنا كاملة .."
لين :" اممممم صدز والله .. بس لسة أحس فيه شي ناقص .."
وليد اللي كان واقف وراهم ويسمع والدمعة شوي وبتنزل :" أتمنى أنه أنا هالشي الناقص وإللي ما فقدتوه "
لين لفت عليه :" يممممه من وين طلعت يالجني .. لحد يوسّع له ما فيه مكان للمتأخّرين .. "
شادن في نفسها ( ما كأنكم يالتوأم تأخرتوا عن الموعد ربع ساعة -_- )
وسّعوا له وجلسوا وسولفوا وأكلوا ..
بعد نص ساعة ..~
نواف :" أقول ليه جالسين قوموا نتمشى .. "
قاموا كلهم وتهاوشوا لين ونواف .. نواف يقول نخلي الأغراض يحرسها وليد، ولين تقول نخلي الأغراض وتحرسها شادن ^_^
وما وقف الحوار إلا لما إقترحوا الأربعة الباقين أننا نحزم الأمتعة كلها ونسكرها زين ونخليها بدون حارس
قاموا بعد ما حزموا الأغراض ومشوا كلهم مع بعض ..
أحلام ووجدان كانوا يسولفون مع بعض وكانوا يمشون آخر ثنتين ..
أحلام:" عندي توائم غريبين صراحة "
وجدان ضحكت :" إي والله عاد ما شفتيهم قبل ما يعرفون إنهم توأم .. كان لما وليد يسولف مع لين كان ينقلب وجه نواف 180 درجة .. في البداية فكرته يحبها بس طلع سبحان الله حاس إنها من أهله ويغار عليها "
أحلام :" صراحة لو وقتها أظن الكل يفكر زيك .. مين كان يفكر إننا ثلاثتنا توأم .. نواف إللي بقى في اليابان مع أبونا وولين إللي راحت مع أمنا وأنا إللي رحت مغ خالتي .."ونزلت راسها بحزن
وجدان:" بس إلحين انتم مع بعض .."
أحلام ابتسمت : ايوه هذا أهم شي ..
وفجــــــــــــــــــــــ ـــــــــأة ............
صوت إجتثاث على الأرض !
لفوا الخمسة على مصدر الصوت وإللي كان من أحلام ..
مسكت أحلام راسها بقوة بكفينها وعيونها متسعه وفمّها وضح عليه إنها تبي تستفررغ .. [ أكرمكم الله ]
نواف ولين بسرعة نزلوا عندها يسألونها وش فيه وإيش إللي تحس به .. نزلت أحلام كفينها من راسها وضمت ذراعينها وقالت :" جهــــ..ـــاز الــــنـ....انـ....و "
لين ونواف فهموا إنه جهاز النانو إللي في جسمها يألمها لكنهم استغربوا لما لفت أحلام براسها ليمينها وأشرت بيدها وهنا ما استحملت واستفرغت [ أكرمكم الله ]
نواف ولين بصوت واحد :" يــــــــــــــلآ ." وركضوا إثنينهم مكان ما أشرت ..
وليد إللي ما استوعب الموضوع .. لحقهم وهو فاهي وبرضو شادن أما وجدان فجلست مع أحلام ..
في الطريق نواف وهو يركض طلع جواله من جيبه واتصل على الشرطة وتعرفوا عليه بسهولة لأنه قضيته معقدة .. شرح لهم المكان وسكر الجوال ..
من بعيد لمحوا ذاك الوجه الكريه البغيض إللي طال بحثهم عنه إلحين جايي لهم برجوله .. واضح إنه مو ماخذ الحيطة ..
لين لما شافته إنعطفت ورى مبنى.. نواف فهم قصدها أما البقية فـ فاهين ..
طلال إللي كان جالس على كرسي من كراسي الحديقة ويندب حظه وفي يده جهاز شحن الطوارئ الخاص بأحلام وإللي لما ضغط عليه حس بإشارة خفيفة .. لكنه فاقد الأمل تماما وخايف يلقوه توأميها ..
أول ما طرى توأميها لمح قدام عيونه جماعة جايين ركض .. رفع راسه لقاهم ثلاثة وكأن إللي يتقدمهم يطالع فيه ..
وقف ولف بينحاش وجاء بيركض خطوتين إلا وتجي على بطنة شوتة من جنبه .. كانت هذي لين إللي انعطفت ورى المبنى عشان تمنع طلال إنه ينحاش
طلال تأثر من قوة الشوته وطلع الدم من فمه [ أكرمكم الله ] واجْتثّ وقعد يكحّ ..
وصل نواف واللي معاه .. نزل له نواف بسرعة ومسك معصميه وجمعهم في قبضته ولفّه بقوة ورماه على الأرض ..
طلال إللي كان شوي بوعيه وعرف على طول وجيه التوأم إللي لطالما كرههم وحقد عليهم ..
أول ما شافهم تفل تفلة طار معها الدم .. لكن التفلة طبعا ما وصلت لهم لأنه طلال ملقى على الأرض ..
لكن نواف ولين ما تحملوا وكل واحد برجله على وجه طلال
خافوا في أي لحظة يختفي منهم لأنه هالمخلوق من كثر شره مو بعيدة يتعاون مع الجن ..
لين إستلمت جهته اليسار ثبتت يده ورجله ونواف على جهته اليمين ..
واثنينهم يوجهون نظراتهم الحادة لطلال إللي عرف إنه نهايته جت خلاص ..
وأنهى الموقف قدوم الشرطة ..
أول ما جت الشرطة وقيّدوا طلال .. وليد شاف على الأرض شي يشبه الريموت وفيه زر كبير .. شاله وهو متذكر إنه هالشي كان في يد طلال .. يمكن له علاقة بالموضوع ..
راح للين ونواف إللي مشحونين بالغضب وهو خايف منهم .. مد لهم الريموت ما دري إلا ولين تشوته من يده ويطير الريموت ..
وبعدها قاموا لين ونواف مع بعض .. وليد خاف وما درى وش يسوي ..
تقدموا لين ونواف ووليد خايف لكن ثنتينهم تجاوزوه ومشوا ..
وليد أخذ نفسه ولف عليهم وين رايحين لقاهم وصلوا للمكان إللي طاح فيه الريموت واستلموا اثنينهم الريموت تكسير برجولهم ..
وليد وشادن في نفسهم : ( مشهـــد عــــنــــيف ) < هع ..
في نفس الثانية إللي كسروا فيها لين ونواف الريموت .. في دورة مياه المنتزه توقفت أحلام عن الاستفراغ [ أكرمكم الله ] وحست فجأة إنه آلام جهاز النانو كلها اختفت ..
تنفست بعدم انتظام وبقوة .. وشغلت الموية وغسلت وجهها خمس أو ست مرات ..
لفت لوجدان إللي كانت ماسكتها طول الوقت وودتها لدورة المياه [ أكرمكم الله ] .. :" خلاص يا وجدان إلحين أحسن .. أظن إللي يضايقني راح .."
وجدان ما فهمت عليها بس ساندتها تطلع برى ..
جلسوا على وحدة من كراسي المنتزه .. بعد 10 ثواني وقفت أحلام واستعادت نشاطها وقالت ..:" من أي جهة راحوا نواف ولين ؟"
وجدان :" لا ما بتروحين .. حالتك ما تسمح "
أحلام ما عطتها وجه ومشت ووقفت في المكان إللي هي اجتثت فيه من قبل وركضت بالاتجاه إللي ركضوا له البقية ..
وجدان لما شافتها استنكرت وراحت تلحقها ..
وصلت أحلام لمكان في الحديقة مليان سيارات شرط ونواف ولين واقفين مع بعض يكسرون شي برجولهم ..
قربت منهم نواف ولين حسوا بأحد يقرب .. لفوا وشافوها ونسوا عصبيتهم ورجعوا لعقلانيتهم .. أهم شي إلحين أحلام ما تدري إنه طلال قبضنا عليه ..
لين:" ها يا أحلام .. كيف إلحين .. أحسن ؟ "
أحلام ما ردت عليها وحدقت طووييييل على الشي المكسر لأشلاء ومرمي في الأرض .. نزلت له وشالت قطعه منه وحست في هاللحظة بكهربا قووووية بين يدها والشي المكسور .. تركته بسرعة ورجعت ورى وطاحت ..
أحلام بلعت ريقها :" هذا الريموت ليييه هنا ؟ "
ما سمعت إجابة
رفعت راسها لهم وبصوت عالي وحاد :" هذا الريموووت لييه هنااا "
لين ونواف نزلوا راسهم .. ندموا إنهم كسروا الريموت وخلوه هنا .. كانوا فاهمين إن طلال لما ضغط الزر بدا ريموت شحن الطوارئ يدور على هدفه الوحيد لكنه ما لقاه إلا أبعد من نطاق التحكم .. فبدت خلاايا النانو بين الريموت وجسم أحلام تجذب بعضها وهذا إللي سبب الألم في جهاز النانو إللي جوا جسم أحلام ..
ففكروا لو كسروه بيروح ألم أحلام وبالفعل راح لكن راح على بالهم إنه أحلام ممكن تلحقهم لهنا ..!!
أحلام درت إنه ذولي ما منهم فايدة ما بيقولون لها السالفة لفت على سيارات الشرطة .. وقامت ومشت لهم ..
لين ونواف ما وقفوها .. أحلام كملت طريقها ووصلت لأول سيارة شرطة ما لقت فيها أحد
والثاني بعد ما لقت فيها إلا شرط ..
وصلت للأخيرة وشافت الوجه إللي ياما تمنت تغرس السكاكين فيه ..
كسرت بقبضتها القوية قزاز سيارة الشرطة والشبك كان مانعها توصل لطلال وتقطع رقبته ..
كشرت على أسنانها بقوة والغضب لعب بكل عصبة من أعصاب جسمها ..
طلال إللي كان خايف إبتسم بفكّ ترجف :" كأنه حيوان مفترس يبي يدخل السيارة .. "
أحلام عصبت أكثثر وشاتت بقوة باب السيارة .. إنسان عادي ما بيقدر يسبب ضرر كبير للسيارة بمجرد شوته لكن أحلام غير زي ما نعرف .. وسببت ضرر كبير للسيارة .. رجال الشرطة عاذرينها وكلهم عارفين قضيتها ..
طلال إللي رجفت السيارة وهو جواها حس إنه أحلام مو بعيدة تشيل هالسيارة وترميها .. وقعد مغمض عينه يستنى ذا الشي ..
أحلام شافته من دريشة السيارة مغمض عينه وخايف و..:" ههههههههههههههههههههههههه هههههههههههههههههههههههه هههههههههههههههههههههه"
.. طلال فتح عينه وانقهر .. زمان هو إللي كان يضحك عليها ..
أحلام من إنفراطها في الضحك طاحت على الأرض وانقلبت على بطنها .. هذا إللي كان يناظرها باستعلاء وتقهير إلحين يناظرها وهو خايف .. إنفجرت زيادة في الضحك .. والبقية غير لين ونواف يسألون بفهاوة إيش السالفة ..
راحوا لها لين ونواف وهم كمان مبتسمين بنشوة .. أول مرة يسمعون ضحكة لأحلام وكمان شريرة بهالشكل ..
أحلام لما شافتهم والدمع نزل من كثر الضحك مدت لهم يدينها يقومونها ..
قوموها ولين نفضت لها ملابسها من الغبار .. وأحلام سكتت شوي من الضحك .. بس رفعت راسها وطالعت طلال المقهور جوى السيارة رجعت لها الضحكة الهستيرية ..
نواف ولين إبتسموا من قلب بس كثرة الضحك تميت .. عشان كذا مشوها ووخروها من قدام طلال .. وجلسوها على كرسي وكملت ضحكها وهي تحاول توقفه بس مو قادرة ..
~
انطلقت سيارات الشرطة وهي شايلة معها طلال في سيارة ونواف ولين وأحلام في سيارة ثانية
أحلام انقلبت حالتها النفسية فجأة واستندت على كتف نواف وبدت تبكي .. لف نواف ذراعه على كتفها ولين ضمّت كف أحلام بكفها بقوة ..
وسمحت أحلام لدموعها تنهمر بغزارة وهي تحس نفسها في حظن وطنها بين أختها وأخوها ..
~
وصلوا للمكان اللي استأجروه بصفتهم شرطة السعودية طبعا بعد تصريح من شرطة اليابان ..
وقف العسكري ( محمد ) واللي صلة قرابته بالمحقق إنه ولده .. وقف ورى طلال وقدام طلال كانوا جالسين المحقق سعود والدكتـور ..
وعلى باب الغرفة إللي هو عبارة عن قضبان حديد .. كان واقف أسد جوعان يستنى الفرصة إللي يقطع فيها طلال لقطع صغيرة بيدينه
وبعيد أحلام مستندة على لين وهي مغمضة عيونها براحة .. ولين أفكارها ما تختلف عن نواف .. تبي بس تقتل طلال ..
~
نص ساعة ونواف وانضم لخواته ..
~
ساعتين ..
طلع المحقق سعود من الغرفة وهو خلاص ما عاد مستحمل إجابات كتلة الشر الصريحة ( طلال ) وكان كل ما قال طلال كلام يرفع الضغط كان يأمر محمد يضربه ومحمد ما يقصر يعطيه ضربة تخلي الدم يطلع ..
مشى سعود لقى التوأم ثلاثتهم مستندين على كتوف بعض ونايمين :")
أحلام في الوسط وراسها على كتف نواف وراس نواف على راسها ولين مستندة براسها على كتف أحلام .. وكل واحد يقول الجمال عندي 3> P:
سعود ما يدري وش يسوي .. نسى كل قهره من طلال لما شاف منظرهم .. وفي ذا الوقت فقد السيطرة على نفسه وطلع جواله و: *تشك تشك* < صوت تصوير هع
لين ونواف إللي نومهم أخف من نوم العصفور بسرعة سمعوا صوت التصوير وفتحوا عيونهم بقوة ..
سعود بسرعة دخل الجوال ~_~
نواف يطالعه وهو رافع حاجب .. ما كان مستوعب وش اللي صار بس اللي عرفه إنه قام من صوت شي ما يدري وش هو
أسعفته لين لما قالت بإبتسامة مصطنعة : ممكن أشوف الصورة ؟؟
نواف ( نظرات نارية )
سعود توهق : أنا آسف بحذفها إلحين .. وطلع جواله ..
لين بلهجة هدوء حادة : ممكن أشوفها ..؟
سعود :|
وقرب منهم ولف عليهم الجوال ..
لين عجبتها الصورة : هههههههه ..
نواف ابتسم ابتسامة صغيرة وبعدين شالها على طول : احذفها
لين : اصصبر أول ارسلها لي ..
نواف رفع حاجب
لين طلعت جوالها .. وعطته الرقم وأرسلها بالواتس ..
لين لما وصلتها الصورة ضحكت وسمعت جنبها ضحكة أحلام إللي قامت من إزعاجهم على راسها ..
نواف كان مبتسم .. وبعدين لف بعيون جامدة على سعود وقال : الحين ممكن تحذفها ..
سعود ضغط زر الحذف وقبل ما يأكده قرب الشاشة لوجه نواف .. نواف بدوره ضغط التأكيد ..
مشى سعود مبتعد عنهم ..
فجأة وقفت أحلام ..
لين ونواف فهموا وجهتها وتبعوها ..
وقفوا ثلاثتهم قدام قضبان الحديد وانصدموا لما شافوا طلال يلهث بقوة والدم مالي وجهه وموصخ قميصه وحتى حول فمه واضح إنهم شاتوه على بطنه ..
لين ونوااف أبد ما كفاهم .. يبون يكفخونه بنفسهم ولا ما بيرتاحون ..
أحلام طالعت في طلال نظرة عميقة ..
~
عند طلال كان يحس بدوخة قووية .. شاف من ورى القضبان صورة مشوشة لثلاثة عرفهم على طول ..
غمض عيونه وفتحها وركز بنظراته على أحلام ..
بلا شعور .. ابتسم ..


ما درى إلا وبوووووقس على خده يقلع له ضرسه ويطير ضرسه من جوى فمه مع بقع الدم ..

أحلام حطت يدها في فمها كانها بتستفرغ من القرف ومشت مبتعدة ..
لين ونواف لسة يفترسون طلال بنظراتهم ..
في ذا اللحظة رجع سعود يبي يدخل الزنزانة وانتبه للتوأم واقفين يطالعون طلال بحقد ..
سعود وجّه لهم الكلام : أي خدمة ؟
نواف : لو تخلينا نضربه بدل العسكري ..
سعود : .................. لا
لين ونواف بقهر : هممممف .. ووخروا عيونهم من القضبان ..
أحلام قربت منهم ووجهت كلامها للمحقق : عادي نرجع البيت ؟ إخواني مو مستحملين :")
سعود: يُستحسن لو انتظرتوا الدكتور .. يمكن يعطيكم رايه في الجراحة لأنه إلحين يستجوب طلال عن ذا الموضوع ..
توتروا ثلاثتهم لما تذكروا هالشي ومشوا وقعدوا على الكرسي العريض وكل واحد منهم سرح في أفكاره ..
ـ~ـ
نص ساعة وطلع الدكتور من عند طلال وهو ضاغط أسنانه بقهر من هالمخلوق .. حتى إنه قبضته تلطخت بدمه لما ما استحمله وعطاه بنفسه بوكس على فمه ..
شاف التوأم والهالة المختلفة إللي تحيط بهم كأنهم ناس من عالم آخر ..
نسى شوي قهره وقرب منهم وسلم لهم إللي طلع به من نتايج .. واللي هي عبارة عن تأكيد أمان الجراحة واستخراج خلية النانو الرئيسية من راس أحلام ، واللي بيكون موعده بكرى !!
ـــــــــــــــــــــــــ ـــــــــــــــــــــــــ ــــــــ~ــــــــــــــــ� �ــــــــــــــــــــــــ ـــــــــــــ
جاء اليوم المنتظر ..
في المختبر .. التوأم الثلاثة كلهم أصروا يدخلون مع أحلام .. :|
وبعد حرب مع الدكتور آخر شي ما دخلوا -_-
قعدوا برى ينتظرون على أحر من الجمر ..
~
ساعة وانزفّ الخبر السعيد :")



ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــ~ـــــــ� �ــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ــــــــــ






بعد خمس سنين وقفوا نواف ولين على منصة التكريم وكل إللي في القاعة يصفرون ويصارخون بحماس بمناسبة تخرجهم من الدكتوراة .. :")
ــــــــــــــــــــــــ~� �ـــــــــــــــــــــــ
بعده بستة شهور في قاعة تم فيها ثلاث زواجات في نفس الليلة ..
نواف ♥ شادن
لين ♥ وليد
أحلام ♥ محمد
وفي القاعة أشخاص يبكون بفرح شديد
أحمد وعبير ..
أم شادن ..
أسماء ونور وريم وأمهم وأبوهم ..
المحقق سعود وزوجته ..
ووجدان وأهلها ..
ـــــــــــــــــــــــــ ـــ~ـــــــــــــــــــــ ــ

بعده بأربع سنين كانوا مجتمعين في بيت أمهم وأبوهم زي ما جرت العادة أسبوعيا
والثلاثة إللي ورثوا الصفات من أمهاتهم وأبائهم جالسين مع بعض على الأرض وسط أمهاتهم وآبائهم
ريماس : وخلي أتلكي دبّودي [ وخري أتركي دبدوبي ]
وتين : مو انتي المرة الماضية قطعتي حقي مفروض تذيبي لي واحد أو تعتيني حقك ..
تدخّل وسيمنا الصغير بعقلانيته البرئية
أنس : وتين ذبت لك هدية .. وطلع لها من ورى ظهره علبة كبيرة ..
أخذت وتين العلبة وهي مبسوطة مرة وفتحتها لقته دبدوب ..
ريماس كانت تطالعهم والدمعة في على الطرف ..
قرّب منها أنس وقال : ذبت لليماث هدية كمـــان .. وطلّع لها هدية صغيرة عبارة عن أسوارة
ريماس أخذتها وهي مبسوطة ..
قربوا البنتين من أنس وضموه كل وحدة بجهة وباسوه كل وحدة بجهة على خده



انصدموا لين ونواف وبصوت واحد : هييييييييييييييييه يالخربانين لا تبوسونه
أحلام : ههههههههههههههههههههههههه هه ولدي مدوّخ البنات
لين بعصبية : بزران آخر زمن .. ريماس تعالي هنا ..
ريماس طالعت أمها .. وبعدين صدّت عنها بعناد وهي ضامة أنس ..
لين عصصصببت وما تسمع إلا ضحكة نواف وإللي بدورها بغى يقهرها ببنته المطيعة فنادى : وتين تعالي لبابا ..
لفت عليه وتين وطالعته شوي .. وقالت : مابي .. وصدت عنه
نواف عصصب وولع .. بس كظم غيضه
ما يسمعون إلا ضحكة أحلام ..
لفوا عليها وابتسمـــوا ونسوا همّهم .. أهم ما في الدنيا .. هو إبتسامة أحلام ..
ـــــــــــــــــــ~ـــــ� �ـــــــــ
في الليل وبعد ما رجع الكل لبيته ..
دخلت أحلام غرفتها بعد ما طلعت من دورة المياه ..
لقت محمد نايم وجنبه أنس نايم في حضنه ..
ابتسمت بسعادة ومشت لمذكرتها إللي ما فارقتها من يوم هربت من بيت أهلها قبل عشر سنين ..
طالعت في المذكرة وفتحته تدور ورقة فاضية تكتب فيها ..
مالقت إلا ورقة وحدة !!
كتبت فيها بكل سعادة إيش اللي حصل اليوم ..
~
بعد ما خلصت الورقة حست للحنين إنها تقرا لقاها بأخوانها إللي هو أجمل حدث في حياتها ..
وبعد ما قرت الذكريات السعيدة قفلت المذكرة وقعدت تطالع في الغلاف المزخرف بغلاف جاهز كان هدية من محمد يوم ذكرى زواجهم
شافت المساحة الفارغة المخصصة للعنوان .. فكرت ( المفروض أعنون هذا الدفتر .. أعنون هالسنوات المليئة بالحزن ثم السعادة .. إللي كأنها مغامرة البحث عن إخواني )
غمضت عيونها قعدت تفكر باسم مناسب

ابتسمت لما توصلت له ومسكت القلم الخطاط وكتبت ..




★ الوصول إلى وطَنِي الدّافئْ ★




ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ــ~ THE END ~ــــــــــــــــــــــــ� �ــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــ