[لامارا]

ــــــــــــــــــــــ

البارت الثالث ..


يمممممممه وداعك زود الهم هميــن
هـــــم يروح وهـــــم بعده يجينــي


،

،



المكان : السعوديه ..
الساعه : ١٢:٠٠

كانت مسترخيه على السرير .. ومعها جوالها تقلبه .. كانت بتنام لكن ..وصلتها رساله غير كل الرسايل .. قرتها وفزت وعدلت جلستها .. عادتها مره مرتين وثلاث .. ما استوعبت وش المقصود .. رفعت عيونها للرقم .. ولكن ماشافت اي رقم .. مجرد ( غير معروف ) .. بلعت ريقها ونزلت تقراها مره ثانيه .. وثالثه ..
ولكن ما استوعبتها ..


وتحتها مكتوب … ( e.s.p )

ضحكت بخوف .. ماكانت تدري هو صددق ولا مقلب .. طلعت من الرساله ضغطت على رقم صديقتها .. وبعد ماردت .. : اسيل لا تستهبلين مره ثانيه .. لأني جد جد مالي نفس هبالك ..
استغرب اسيل من هجوم صديقتها كذا وقالت : غلا وش فيك بسم الله عليك .. واي مقلب تتكلمين عنه
ضحكت بستهزاء : وليه كم مقلب بالعاده تسوين ؟
عقدت حواجبها وقالت : غلا اعقلي .. وقولي لي وش انا سويت لك ؟
: الرساله الي جتني تو .. ..؟؟!؟!
: ما ارسلت لك رسايل ..
بلعت ريقها وهي تحس روحها بتطلع .. : اسيل لا تلعبين علي ..
: وربي ما االلعب ، ما ارسلت لك ولا حاجه .. اصلا كنت نايمه بس انتي صحيتيني
: طيب ..
سكرتها ورمت الجوال على السرير .. حطت يدها على راسها ..وقالت : معقوله يكون مو مزحح
اخذت الجوال مره ثانيه وقرت نص الرساله بصوت عالي شوي :

/ غداً خطبتك لـ راكان .. وألم توافقي .. فقد ترين العقوبه بأهلك .. /

(e.s.p)

ثلاث جمل .. سـ تغير حياتي بأكملها ..
ثلاث جمل .. وسأذهب بطريق يبعد كثيراً عن طريق احلامي ..
ثلاث جمل .. و سأتزوج برجل غير ذالك الرجل الذي تمنيته يكون زوجي .. واب لأطفالي
ثلاث جمل .. هدمت ماكنت ابنيه ، وستعود بنائه من جديد
ثلاث جمل .. حطمتني .. وكفى



/
/
/


المكان : السعوديه
الساعه : ١٢:٣٠


وتحديدا بببيت اللي اشبه بقصر بالدور الثالث في المكتب الخشبي الكبير .. واللمبه الصفراء ساطعه على الاوراق المبعثره فوق المكتب .. وكوب الاسبريسو الابيض .. مسد راسه على الكرسي الاسود المخملي … وبيده الزقاره .. ابتسم ابتسامه جانبيه خبيثه بعد ما رسل لها الرساله .. قال : هاذي قرصه بسيطه يا نصار ..
مسك الجوال مره ثانيه .. راح لرقم راكان .. ضغط على خيار ( ارسال رساله ) كتب ..:

أن شاء الله تكون مستعد للخطوبه بكرا ؟

( ارسال الرساله ) ارسلها و رجع على الكرسي : .. لازم تساعدني اذا تبغى الانتقام ..


/
/
/


بعد ماوصلت له الرساله .. فتحها وهو متوجه لغرفته .. رن جواله بصوت رساله .. تثاوب وهو يطلع الجوال من جيبه فتحها وعيونه كلها نعاس .. : مين الفاضي الي جالس يراسلني بهالوقت
دخل الغرفه وسكر الباب حول نظره للجوال يشوف وش هالرساله فتح عيونه على الاخر بعد ماقرى الاسم ..
نزل لنص الرساله


أن شاء الله تكون مستعد للخطوبه بكرا ؟

بلع ريقه وهو منصدم : بكككرا ….؟؟؟!!
كان بيرد على الرساله ويقول ماني مستعد .. لكن شاف نصار بين عيونه .. ابتسم بخبث وقال : ماتشوقت لشي .. كثر ماتشوقت اشوف وجه نصار .. بعد ما اتزوجها
توجه لسريره وشعوره متلخبط .. شوي فرح وشوي ضيقه صدر ماقدر يميز وش الي غالب الفرح ولا الحزن .. سلم امره لربه وحط راسه على الوساده /... سمى بالله وقبل لا ينام مسك جواله وارسل

مستعد بأذن االله


/
/
/
/




الأنثى .. تبدو في بعض أوقات قاسية !
غير أنها من الداخل ..
مُنتهى ( الحنيّه .. )
الُأنثى وان كبرت .. طفله !
دمعُها ..
اعتاد على لمسِ خدّها !
الُأنثى وإن قست .. حالاً تلين


المكان : اتلانتاء
الساعه : ٦:٠٠ الصباح


بالحديقه الكبيره الي تطل على الجبال الخضرا .. جالسه بالكرسي وقبالها الطاوله وعلى كتوفها البطانيه البيضاء .. ومعها كوب الاسبريسو الدافي ..ابتسمت وهي تشوف القهوه : وش كثر تحب هالقهوه … ضحكت بعد ماتذكرت سنه من السنين الي راحت

كانت تكمل واجبهاتها المدرسيه .. كان عمرها تقريبا ١٥ سنه .. منسدحه على بطنها بالأرض .. وقدامها دفترها وقلمها بيدها ..
شافت اخوها جالس وبيده الاسبريسو .. استغربت منه وهي تشوف السواد تحت عيونه : وش فيك ؟ تعبان ..
جتها كايتي وبيدها عصير و سندويتش البيض : لا انما شرب ثلاث اكواب من هاذه القهوه .. ولم ينام لـ اربع ايام
ضحكت بعالي صوتها وهي تشوفه .. : ههههههههههههه .. اترك عنك القهوه ونام ..
ناظرها ببرود وقال : ماني قادر ، احس ان النوم مجافيني ..
قامت ومسكت الكوب الي بيده : من هالأدمان الي بيدك .. اتركه عنك خلاص
اخدها منها : لا لا .. ابيها
وقفت كايتي قدامه واخذت الكوب منه : كفى فقد تفقد النوم نهائياً

قطع حبل ذكرياتها كايتي وحتي تجلس جنبها .. ومعها وردتين : مابك .. كنتي تضحكين
ابتسمت :تذكرت كوب الاسبريسو ..
ضحكت كايتي : ههههههههههه .. وحتى الان لا ينام منها .. مجرد ذكر اسمها يجعله طوال الوقت مبتسم ..
: ههههههههههههههه


/

/

/


من بكرا ..

الساعه : ٧:٠٠ المغرب
المكان : السعوديه


: والله جايين نطلب ايد بنتكم غلا .. لولدنا / اشر على ولده راكان / راكان ..
ابتسم علي وهو منصدم : والله يابو راكان مدري وش اقولك .. انتم فاجأتوني
ناظر ولده بغيض وقال: نعذرك ياعلي والله .. جايينك من غير موعد ..
ابتسم علي وهو يتذكر نصار وسالفت خطفت غلا .. حس ان هالخطبه جت من الله منها يغيض نصار ومنها يأمن مستقبل بنته .. ولا كان يدري المسكين بنوايا راكان و الي معه : لا وش دعوه يا ابو راكان .. حياكم بأي وقت وانا اخوك … وراكان ولد و النعم فيه .. الكتاب باين من عنوانه ..
ابتسم ابو راكان .. حس انه مرتاح شوي لكن برضو سالفه الزواج المفاجئه مادخلت مزاجه : الله يسسلمك يا علي ..
صب القهوه ومدها لابو راكان : سم .. ومثل ماتعرف يا ابو راكان لازم ناخذ راي البنت .. ونرد لكم خبر ان شاء الله ..
اللتفت لراكان وصب له القهوه : تفضل ..
اخد راكان الفنجال و قال : لا تطولون علينا ياعم ..
ناظره ابوه بحده وتهديد : خوذو راحتكم لا تستعجلون
استغرب علي من رد راكان .. ليه مستعجل لهدرجه ؟ : .. كلها يومين ان شاء الله ونقول لكم .. لازم تستخير ومنها تفكر زين
ابو راكان : خلها سبوع لو بغيت .. محنا مستعجلين ..
علي : ماله داعي .. خنا من عاداتنا يومين وبالكثير ثلاث ..
ابو راكان وهو يمد لعلي فنجال القهوه قال : كثر خيرك .. يله اجل حنا نستأذن ،،
علي : شدعوه يابو راكان .. الشاي جاهز
ابو راكان وهو يقوم وقام معه راكان : مايحتاج والله .. كفيت ووفيت جزاك الله خير ..
علي : يا هلا بكم بأي وقت .. تشرفنا فيكم..
ابو راكان وهو يسلم عليه : ولنا الشرف والله

/
/
/

مانامت من امس … كانت تفكر بالرساله والي مرسل الرساله .. طق عليها الباب فزت .. تسارعت نبضات قلبها توجهت للباب بخطوات ثقيله .. : ميين ؟
جى صوت امها وهي تقول : افتحي يمه ..
فتحت القفل شوي شوي .. فتحت الباب وشافت امها و العنود وغيدا .. كلهم واقفين .. ومبتسمين .. عرفت بالي صار على طول .. وقفت ببرود تحس دمها نزل ولاعاد فيه دم بجسمها .. قلبها يطق بسرعه وبلعت ريقها
: .. وش فيكم
غيدا وهي تدخل غرفتها : ابد يا العروسه .. فيه عريس جاي ،، اما عريس اخخ بس فيه جمال مو طبيعي
ضربتها امها على كتفها : انتي ماتعرفين تسكتين
غيدا وهي تحط يدها على كتفها : ايييي ..
غلا اللتفتت على امها وهي منصدمه .. كانت متوقعه هالشي لكن بقلبها تكذبه الف مره : وش اسسمه ؟
عنود : بسم الله عليك .. شفيك ؟
وقفت امها قبالها : اسسمه راكان يابنيتي ..
حست ان النفس توقف .. الدنياء تدور فيها .. ريقها نشف .. ولاعادت تقدر تتحمل . حطت يدها على راسها
مسكتها عنود بخوف : وش فيك ..
فقدت نوازنها .. وطاحت على الارض ..



/
/
/

بعد ماطلع من بيت ابو غلا .. ركب السياره متوجه للبيت .. كان طوال الطريق ساكت .. ولكن تكلم ابوه مستغرب : الحين انت وش سالفتك مع هالزواج المفاجئ
اكتفى بأنه يناظر الطريق ببرود
: فشلتنا مع الرجال ..
لارد
هزه ابوه مع كتفه وهو يقول : تراني اتكلم
اللتفت لبوه : ما في سالفه .. شفت البنت و اعجبتني ولا ابيها ترووح مني ..
بستغراب : وين شفتها ؟
حس انه توهق .. : شفتها عند اخختي ..
تكتف ابوه : سبحان الله .. البنت اكبر من اختك .. شلون شفتها عندها ؟
اللتففت على ابوه : يبه جالس تحقق ؟ خلاص قلت لك شفتها و ابيها و انتهى الموضوع
سكت ابوه وهو حاس ان السالفه فيها شي ..
بعد ماوصل ابوه للبيت .. توجه للشركه ..

/
/


كان جالس بشركه وعنده كم رجل واقف قبال المكتب ويحووس بالأوراق الي على المكتب تكلم ببرود وقال : كم مره اقولكم اهمالكم لا عاد يتكرر ؟
بترجي: طال عمرك والله كنا مسافرين
رفع عيونه وطالعه ببرود : مسافر ؟ وبأي حق تسافر وانت عندك شغل ؟
شرب من كوب الاسبريسو وقال : اخ معاذ .. ممكن تقول كم مره عدت عليك هالكلام ؟
بلع ريقه معاذ وقال : طال عمرك سفرتي اظطراريه ..
تسند على الكرسي و شبك يدينه ببعض : تقول لي اظطراريه
معاذ : اي طال عمرك ..
: ممكن تقول لي اياه ؟
معاذ : امي عندها موعد بمستشفى بالخبر
: ممكن تجيب لي تقرير طبي ولا حاجه تثبت هالكلام
نزل راسه
: معناتها يا اخ معاذ .. انت / وأشر علي الي جنبه / و بندر / وأشر على الثاني / و طارق .. مفنشين من الشغل ..
كان بيتكلم بندر لكن سكته يده وهي تأشر لهم للباب : تفضلو ..
طلعو وهم منزلين روسهم .. وعلى طلعتهم ددخل راكان ينضار فيهم : السلام عليكم
نزل راسه على الاوراق : وعليكم السلام
وقف قبال المكتب
: خطبتوها ؟
هز راسه بمعنى ايه : ايه
رفع عيونه له وهو مبتسم : مبروك ..
رد له الابتسامه : يبارك فيك طال عمرك ..
: الله يكتب اللي في خير ..
: اممين ..
تسسند على الكرسي و بيده الكوب : وعلى ما اعتقد اني قلت لك مصاريف زواجك علي …؟
: ماله داعي طال عمرك .. انا اقدر اصرف على نفسي
ابتسم وقال : مايحتاج .. انا جبرتك على شي ولازم اساعدك فيه
اخذ سماعه التفلون و ضغط على رقم (٠) .. : سامي اكتب شيك لـ راكان بمبلغ ميتين الف ……. لا تتأخر …. يعطيك العافيه
سكر السماعه وابتسم : تقدر تتفضل تاخذ الشيك من سامي ..
غمض عيونه بقهر .. شد على يده بقوه وقال : ما احتاج فلوس طال عمرك
: عارف انك رجال مو محتاج .. عندك خير .. لكن مثل مايقولون هديه العرس ..
نزل راسه وقال : يعطيك العافيه ولا قصرت ..
ابتسم : ماسوينا شي



/
/
/
/


المكان: الامارات
الساعه : ٩:٠٠


في صاله البلياردو .. متسند على الجدار ومعه كاس ببسي .. يراقب الي يلعبون وباله مو معاهم اللفتت على صديقه وقال : ثامر .. تتوقع لو بقول لأمي عن الرسايل ..
اللتفت وقاطعه : لو تعفيني من هالقصه يكون احسن ..
عقد حواجبه مساعد .. شرب من الببسي و قال : من لي غيرك يا ثور ..
ثامر : لك ربك .. استخير وشوف وش الخيره في انك تقول لأمك ولا انك تسكت
مساعد : لو اقابل صاحب الرسايل .. كان تفاهمنا و حلينا الوضع … ولو امي مذنبه انا راضي بعقوبتها ..
انصدم : قصدك يعني قصاص ؟ او ماشابه ؟
مساعد ناظر فيه ببرود : العين بالعين و السن بالسن …
: ولو كان هاذي امك ولا لك غنا عنها مهما صار ومهما حصل …
مساعد مد له كاس الببسي : اقول امسك .. انا رايح تبي شي ؟
ثامر حط الكاس على الطاوله : وانا رايح معك .. وش بيقعدني هنا
توجهو للباب ..
بعد ماطلعو : انا رايح للبيت .. بتروح معاي ؟
ثامر : لا طبعا ..

بعد ماوصل للبيت .. دخل بخطوات هاديه … محاوله ان امه ماتدري بجيته .. مايبي يقابلها مايبي يحن ويرجع ينام بحضنها .. توجه للدرج بهدوء لكن وقفه صوت امه بعتب قالت : مساعد ..!
وقف منصدم ضحك على نفسه يحس نفسه مسوي جريمه .. : نعم ..
راحت له ووقفت قباله : وش فيك يمه ؟ ليه مجافيني كذا
نزل راسه وتنهد : يمه تكفين … مالي نفس بالكلام ..
حطت يدينها على ذقنه ورفعته : ليه ؟ وش مسويه فيك ؟ ..
ناظر بعيونها .. حس ان وده يبكي .. يبي يبعد فكره ان امه تكون مجرمه .. قرر قرار يمكن يندم عليه بعدين .. قرر يقول لها كل الي بخاطره ولا يجلس بحيره : ما انبك ضميرك ؟ طوال هالسنين الي فاتت؟
عقدت حواجبها وبعدت يدها عن وجهه : وليه يأنبني وش مسويه ؟
: بسألك سؤال .. تجاوبيني عليه بصراحه
تكتفت : على حسب هالسؤال ..
: قد مره بحياتك قتلتي شخص ؟



/
/
/
/





المكان : السعوديه
الساعه : ٨:٠٠

في المستشفى .. بغرفه رقم ٤٤ .. منسدحه على السرير وبيدها المغذي .. ووجهها الشاحب الاصفر .. كانت بقمه تعبها جالسه على يمينها امها ،، وعلى يسارها ابوها وخواتها
مسكت يدها وقبلتها : غلايه حبيبتي ..
فتحت عيونها شوي شوي .. ماميزت المكان الي هي فيه .. قدامها السقف الابيض عقدت حواجبها وهي وفتحت عيونها .. اللفتت على اليمين وشافت امها : ويني فيه ؟
: بالمستشفى ..
حطت يدها على راسه .. وغمضت عيونها .. : راسي يعورني ..
تحسست جبينها .. حست فيه شي مرتفع وضغطت عليه .. صرخت : اوووتش .. يعوور
ضحكت عليها غيدا : ههههههههههه لا تضغطينه يا غبيه .. صايره كنك بزر على هالكوره الي بجبينك
اللفتت على اليسار وشافت الكل مبتسم : بسم الله .. كلكم موجودين ..
ابتسم ابوها وقال : معاك للأبد
ابتسمت وغمضت عيونها .. استرجعت ذاكرتها لورا .. فتحت عيونها بسرعه ماتبي تتذكر اي شي صار .. كانت بتقول لبوها ماني موافقه .. لكن استوقفتها صوره قدام عيونها .. الرساله الي جتها تهديد .. ماحبت تبين لهلها انهاا مو موافقه على هالرجال الي جاها فجاءه .. وكل ماجى ببالها نصار تقرر ماتوافق ،، لكن علشان ابوها وعلشان السالفه الي ماتدري عنها للحين الي صايره بين ابو نصار وبوها : يبه .. ممكن تقول لي مين الي خطبني ؟
ابتسم : لارححنا للبيت ان شاء الله تفاهمنها
تنهدت واللتفتت على امها : ابغى مويه ..
قامت غيدا بسرعه : اللحين اجيب لك يا اغلى اخت بهالدنياء ..
استغربت غلا من رد اختها .. : ليش اني تعبانه تلبين طلباتي ..
غيدا : كم عندنا غلا حنا ؟
غلا وهي تأشر على الباب : لا يكثر .. روحي جيبي مويه وانتي ساكته
عنود : هههههههههه تذلك يا بقره ..
غيدا خشرت بوجهها ورجعت جلست : خلاص ماعاد اصير اختكم الطيبه و الحبوبه .. بتشوفون العكس..
غلا : اسفين اخت غيدا .. جيبي لنا مويه وربي عطشانه ماني قادره ابلع ريقي ..
قامت عنود وهي مبتسمه : ابشري دقايق ويكون عندك
غيدا قامت : دقيقه بروح معاك ..
ابتسم غلا وهي تشوف خواتها : الله لا يحرمني منكم ..
بعد ماطلعو ..
اللتفتت غلا على ابوها .. : يبه ممكن سؤال ..
: اذا كان عن الخطبه .. ارجوك توفرينه للبيت ..
تنهدت : يبه انت تعرف ان نصار مراح يسكت عن ..
قاطعها ابوها وهو يقوم : بدون نقاش … انا رايح اشوف متى بتطلعين ..
طلع وسكر الباب
اللتفتت على امها وبعيونها دموع : يمه قولي له .. اقنعيه ان نصار مراح يخليه بحاله ..
نزلت راسها : الامر بيدك يابنتي .. اذا بتوافقين اكيد نصار مراح يسكت … واذا منتي موافقه .. / سكتت وبعدها كملت / .. مع العلم ان لو ماوفقتي على هالرجال .. مراح تتزوجين نصار ..
دمعت عينها : عارفه يمه اني مراح اتزوج نصار .. ومن قال اني مراح اوافق ..
انصدمت امها ورفعت عيونها لبنتها : بتوافين ؟؟؟!؟!؟
ابتسمت ومسحت دمعتها : ايوه بوافق .. وامري لله



/
/
/
/


المكان : السعوديه
الوقت : //



جلس بالصاله وباله مو معها .. يفكر في مستقبله ويفكر كيف بيعيش مع بنت عمره ما شافها وعمره ماتخيلها تصير زوجته .. / معقوله .. بعد ماكان صار يقول لي عنها كل يوم .. وكل ليله متصل على يقول لي وش صار بينهم .. اخرتها اتزوجها انا .. هه صدق الدنياء ماترحم .. /
تسند على الكنب وهو يتذكر قبل ٥ سنوات ..

في البر الساعه ٣ ونص بالليل ..
شاف نفسه فاصي لا عنده لا شغل ولا مشغله .. قرر يروح للمخيم مع خوياه /ا
اتصل على نصار وقال له : تراني بمرك بعد ١٠ دقايق .. لو ماجهزت والله بمشي عنك
ببرود : خلاص دقايق بس و أكون جاهز
سكرها منه و مشى متوجه لبتهم ..
وقف عند البيت .. ضرب بوري مره مرتين وثلاث .. لكن ماشاف احد طلع .. اخذ جواله ودق عليه : نصار وينك ياخي لي ساعه عند الباب
نصار : هذاني طلعت لا تضرب بوراي تصحي الناس انت ووجهك ..
: خلاص طيب اطلع مااطيق الانتظار ..
سكرها نصار .. فتح الباب وطلع ..
بعد ماركب السياره ببرود قال: ٬ السلام
استغرب منه راكان وهو يشوفه بالبدرو هذا : وعليكم .. ياخي وينك .. ساعه انتظرك هنا ،،
اللتفت عليه : قفل .. تراني معصب و بطقها هواش معاك ..
عقد حواجبه وهو مستغرب : وش السالفه .. ليه الاخ معصب ..
تنهد وهو يناظر الشباك : وفيه احد مشغل بالي غير غلا ..
تنهد وقال : يا هالغلا .. من جد كرهتها من كثر ماتفكر فيها .. لا نوم تنامه ولا أكل تاكله ..
: وش اسوي ياشيخ .. حاس انها مراح تكون لي ..
: لا انشاء الله بتوكن لك ولا راح تكوت لغيرك ..
: دام الخلاف الي بين ابوي و ابوها .. مراح اشوفها بعد ..
:وليش .. وش سبب هالخلاف
تنهد وقال : …. قبل تقريباً ٢٠ سنه .. كان ابوي موقع شراكه مع صاحب الشركات عبد الله بن سعود ال … ، وسلم له شركه من شركاته .. بعد ماسلمها له .. استثمرها ابوي .. وصار عنده شركات بعد ماكان عنده شركه وحده .. كان بيوقع عقد شراكه مع عمي علي ( ابو غلا ) لكن ماوافق .. ابوي حاول فيه .. لأنه مايقدر يمسك كل هالحلال لحاله .. ولا وافق عمي ،، ومن هنا بعد المشكله ..
كان نصار منخدع ببوه .. كان يحسب كل هالاأملاك و الجاه و العز حلال .. ولا كان يدري بسرقه ابوه وخبثه ..

قطع حبل تفكيره اخته وهي ترمي البشت بوجهه : امسك انت وذا الخشه .. جالس وسرحان ولا همه زواج ولا يحزنون .. ياخي تحمس ترا البنت لو وافقت ملكتك بتكون بعد ماتوافق بيومين ..
ناظر فيها ببرود وقام : طيب
اخذ البشت من الكنب وقال : ومين له هذا ..
ضربت يدها على فخذها : ياربي .. فهاوه مدري من وين جايبها .. هاذي لك يا خبل ..
ناظر فيه : وليه ما اعرف اشتري لنفسي تشترين لي ؟
: لا لا يا ثور هاذا بتاع ابوي .. يقول عطيه لراكان .. يبي يحيي التراث
ضحك عل اخته وعلى تعلقها : ههههههههههه
مد لها وقال : خليه عندك .. انا بطلع
مسكته وهي منصدمه .. : حرام عليك .. جالسه ادوره لي ساعه واخرتها خليه عندك
ناظر فيها بحده : وش تبين اسوي فيه .. اللبسه و ارقص ولا ايش
بلعت ريقها : لا يعني اقول يمكن متحمس للزواج .. على خطبتك الي فاجأتنا كثير .. قلنا ..
قاطعها : خلاص طيب لا تاخذينه
حطه على الكنب وقال : خليه هنا ...
مشى متوجهه لباب ..
دارت بعيونها وهي مكشره : اف ياربي محد متحمس لعرس هالغبي غيري ..



/
/
/
/





البارت قصير اسسفه جدا ..
لكن هذا الي قدرت اكتبه ..
عندي ضغط بالبيت وطبعا بالمدرسه ..

اسسفه مره ثانيه ..


توقعاتكم ..


وش ردت فعل خيريه بعد ماقال لها ولدها ؟
وهل غلا بتندم من هالقرار الي اخذته ؟
وش راح يسوي نصار بعد مايعرف بخطبه غلا ؟
ومن راح يكون الضحيه الثانيه ؟



تحياتي

العطا *