[فيتامين سي]

البارت الثاني والعشرين ~

_












* في بيت شوق
الساعه 10 مساء



بعد مارجعو للبيت من العزيمه

كانت اسيل متحمسه تكتب بالدفتر الاسود , بما انها ما كتبت فيه من فترهه

وهي تفتش بالشنطه الي اخذتها من فهد اليوم

صارت تفتش بين الملابس والاغراض بس مالقت اي اثر للدفتر حقها

اول شيء جا ببالها هو فهد ! -حطت يدها على فمها "لا يكون الدفتر مع فهد!! بس دفتري فيه كل شيء عني ! وصوري بعد.."

وبدون ماتحس على طول مسكت جوالها تبي تتصل عليه , كانت اسيل معصبه من الي سواه فهد لانها تكره اي احد يقرأ شيء من الدفتر



كان فهد عارف ان اسيل بتتصل عليه عشان الدفتر ..

واول ما اتصلت اسيل عليه , رد ..



فهد : الو

اسيل : دكتور ..

فهد : الوقت متأخر , تبين شيء مهم ؟

اسيل تفشلت من اسلوبه وبنفس الوقت عصبت اكثر : ايه ابي اسألك ! انت فتحت شنطتي او اخذت منها شيء ؟

فهد ضحك على خفيف لان الي كان متوقعه صار ..

اسيل باستغراب : الي قلته صح ؟

فهد : تقصدين الدفتر ؟

اسيل شهقت بخوف : ايهه !! معاك ؟!

فهد سكت شوي : اقدر اسألك شيء ؟

اسيل : اسأل !

تنهد فهد : انا ابي اعرف ليش كل ذا الحقد على الرجال ؟

اسيل بعصبيه : يعني معاك !!

فهد : جاوبيني ؟

اسيل : اول شيء هذي تعتبر خصوصيات وانت دكتور وفاهم والمفروض ماتتدخل بشيء مايخصك طيب ؟

وقبل ماتكمل كلامها قاطعها فهد : طيب وش بيكون ردك اذا قلتلك ان مو كلهم زي بعض ؟

اسيل سكتت شوي , وبعصبيه : انا مو مجبوره اتناقش معاك بالموضوع ! بعدين هذا رأيي الشخصي !

فهد : نظرتك سوداويه ..

اسيل سكتت وماعرفت وش تقول

فهد : اصابع يدك مو كلها سوا

اسيل لانها تبي تقفل بسرعه : طيب ابي الدفتر باقرب وقت !

فهد : شوفي الوقت متأخر , اتوقع محد يتصل على دكتور بذا الوقت , توني طلعت من المستشفى وتعبان .. انا بقفل تبين شيء ؟

اسيل باستغراب : طيب والدفتر !!!

وقبل مايسمعها حتى , قفل !





انقهرت اسيل من حركة فهد "يقفل بوجهي بعد ! لا من جد قوةة عين !!!"

بس ما كانت تبي ترجع تتصل مره ثانيه , لانها تبي تبين انها مو مهتمه وبس ..

لكن بالحقيقه كان فهد هو كل تفكيرها , ووش بتكون فكرته عنها ؟











..











* في بيت هلا
الساعه 11 مساء







شيماء ماسكه الايباد حقها , اما هلا ف كانت ماسكه جوالها

وهي ماسكته تذكرت احمد وشوق ..

راحت بسرعه عند الرسائل وصارت تقرا كلامهم مع بعض

وهي تقرا كلام احمد ابتسمت "يجنن كلامه .. ياحظها فيه !"

كانت هلا قاعده تتذكر كل المواقف الي صارت لشوق مع احمد

وكيف كانت شخصيته حلوه , مع ان وقتهم كله عباره عن مضاربات مو اكثر !



وبنص تفكيرها التفتت عليها شيماء وهي تتأفف : يالله هلا ! اتركي جوالك شوي

هلا بدون نفس : مالي خلق شيء

شيماء : من اول ماجينا وانتي ماسكته

هلا : اصلا نعسانه شكلي بنام

شيماء : طرده يعني ههههههههههههه

هلا : لالا والله هههههههههههه عادي نامي عندي اذا تبين

شيماء : لا خلاص عادي بروح

هلا : مين بيرجعك ؟

شيماء : بشوفلي تاكسي

هلا : تاكسي بذا الوقت ؟ ولحالك بعد ! مجنونه انتي

شيماء : اجل اروح مع مين ..

هلا : مع انس !

شيماء : لالالالا لو اروح مشي ولا اروح مع انس معليش لا

هلا : ليش ان شاءالله

شيماء : مابي من بعد حركاته الي سواها اليوم مابي اقرب منه !

هلا : ههههههههههههههههههه والله انك هبله ماتعرفين تستغلين فرصتك

شيماء : ماقدر بعدين هذا انس اخوك وبنفس الوقت ولد عمي مابي اسوي شيء او احتك معاه , خلينا بعيدين عن بعض احسن

هلا : طيب بكيفك سوي الي تبينه !

شيماء : طيب تعالي عشان تقفلين الباب وراي ..






- بعد مالبست شيماء عبايتها واتلثمت , اول ماطلعت من بيت هلا

وهي طالعه من الحوش للشارع شافت انس وهو توه راجع للبيت

ارتبكت شيماء بس نزلت راسها وصارت تمشي

انس كان يطالع فيها ومستغرب "وين بتروح ! مافي سيارتها هنا.."

وقبل ماتبعد شيماء اكثر , ناداها انس : ششيماء !

وقفت شيماء مكانها وما تكلمت ..

قرب منها انس , بس كانت في مسافه بينهم : وين رايحه بذا الوقت ؟

شيماء بارتباك : برجع البيت ..

انس : مع مين ؟

شيماء : بدور لي تاكسي ..

انس : تاكسي ؟ اقدر اوصلك اذا تبين

شيماء : لالا بدور تاكسي ..

انس رفع حاجبه : مارح تروحين مع تاكسي !

شيماء التفتت عليه باستغراب : ليش !

انس : بدون ليش -طلع مفاتيح سيارته وفتحت باب السياره : اركبي

شيماء كانت واقفه ومرتبكه

انس : تعالي !

تنهدت شيماء : مابي ! بروح مع تاكسي !!

انس : ليش ؟

شيماء : بس ! متعوده اروح مع التاكسي وخلاص بروح معاه !

انس ضحك باستهزاء : انتي ماتخافين على نفسك ؟

شيماء سكتت وماعرفت وش تقول

انس وبصوت حاد شوي : قلتلك تاكسي بهذا الوقت مافيه , اركبي معاي ولا خليك بالبيت !




ماكانت تقدر تسوي شيء , ف اضطرت تركب معاه

تأففت شيماء وركبت ورا وقفلت الباب بقوه

بس انس ما قال لها اي شيء على حركتها , ركب سيارته وشغلها










..










* في بيت ماجد
الساعه 12





كانت عبير ملاحظه ان ماجد فيه شيء , لانه ماكان على طبيعته

باله مشغول , ومايترك جواله ابدا , حتى اذا كلمته يرد على قد السؤال

كانت عبير متردده تسأل وش فيه , ومع هذا سألته ..



عبير : ماجد حبيبي ..

ماجد كان ماسك جواله ويهز رجوله بتوتر وما رد على عبير

عبير : ماجد !

التفت عليها وهو ساكت

عبير : فيك شيء ؟

هو ماجد راسه بـ لا , ورجع يكمل شغله

وهو يتصل على نوره بس كالعاده مافي اي رد منها


عبير قامت من عنده والفضول يقتلها , كانت تبي تعرف وش الي شاغله لذي الدرجه !

بس ماضغطت عليه عشان يقولها

تركته على راحته










..











* يوم جديد
في الجامعه
عند اسيل تحديداً




دخلت اسيل القاعه وهي متأخره

مرت من جنب الدكتور فهد , بس كملت مشي وما اعتبرته موجود

وقف فهد محاضرته وهو يطالع فيها لين ما جلست بمكانها ..


ومن حركته هذي , صارو البنات يتلفتون على بعض ويتكلمون على فهد واسيل




.. : شفتيه كيف يطالع فيها من فوق لتحت !

.. : مدري هي شايفه نفسها على ايش !!

.. : ذوقه معفن !

.. : ابي اعرف وش بيننهم !



انتبه فهد لكلام البنات وهم يتكلمون عليه وعلى اسيل , بس كل كلامهم ماكان يهمه

ما سوا لهم اي شيء , بس كانت نظرته لهم كافيه انها تسكتهم كلهم

ابتسم وكمل محاضرته



اما اسيل ف كانت متوتره من كلام البنات عنها

واكيد بيفهمونها غلط ؟ "انا مابيني وبين فهد شيء ! ليش كل ذي النظرات ؟"

كانت اسيل تحاول تبين انها مو منتبهه لنظراتهم لها


التفتت عليها رهف : وش صاير ؟ وش فيهم البنات يتكلمون كذا ؟

اسيل هزت كتوفها وسكتت

رهف كانت حاسه ان في شيء , لانها تعرف اسيل زين !

ومع هذا ما كان عاجبها ان البنات يتكلمون على صديقتها بذي الطريقه

بس ما كان بيدها تسوي شيء ..












..









* وفي الجهه الثانيه
عند هلا وشوق تحديداً





كانت شوق ماسكه جوال هلا

وتسولف مع احمد وتضحك وماكانت منتبهه ابدا للمحاضره

هلا ماكان عاجبها الوضع , ان شوق واحمد يتكلمون مع بعض طول الوقت

بس ليش ؟ ماتدري


تأففت هلا وسحبت الجوال من شوق : خلاص ! ركزي بالمحاضرهه

شوق : لالا تكفين بس برد عليه اول

هلا : لا

شوق : يلا هلا بالله !

هلا : قلتلك لا

شوق تنهدت وهي مبتسمه : احب كلامه تصدقين ! حتى سوالفه واسلوبه بالكلام , كله على بعضه يجنن

تأففت هلا ودخلت الجوال بالشنطه

شوق : هلااا !!! هاتي الجوال وجع !

هلا : بعد المحاضره قلت !

شوق : هلا والله لا تنضربين !

هلا : لا والله ؟ قوة عين بعد , ركزي بس

شوق : افف منكك !



سكتت شوق وهي لسا تفكر باحمد , وبكل الكلام الي قاله لها .. مع انه مجرد كلام عادي

بس كان سبب سعادة شوق !


اما هلا ف كانت تسأل نفسها "ليش مابيها تكلمه كثير ؟ انا وش دخلني فيهم؟"

تنهدت هلا وهي حاسه بضيقه بس ماتعرف وش سببها

كل الي كانت تبيه , ان شوق ماتكلم احمد كثير ..




وهي تفكر بسبب ضيقتها وبنفس الوقت تفكر باحمد

التفتت عليها شوق وهي متحمسه

شوق : اقول هلا !

هلا : ها

شوق : احمد شكله يلمح على شيء !

هلا : على ايش ؟

شوق : مدري من اول يسألني وش تبين جوال وش تبين جوال ! شكله بيشتري لي

هلا بتعابير بارده : اقول خلي عنك خيالك الواسع

شوق : ليش ! يمكن يجيب لي وش دراك

هلا : مالقيتي الا احمد ؟ حافي منتف !!

شوق وهي ماده بوزها : لا تقولين عليه كذا !! بس صدق يعني وش اخذ ؟

هلا : مدري عنك

شوق : بقوله ايفون الجديد !

هلا وبدون نفس : طيب


شوق ما انتبهت ابدا لتصرفات هلا , كانت متحمسه وفرحانه

ما جا على بالها اي شيء ثاني ..











..












* في شقق العوائل
عند نوره




دخل اخو نورهه للشقه ومعه اغراض لنوره طلبتها منه ..

كان اخوها زعلان على حالها , وكيف قدرت تتحمل كل هذا

بس عشان ماتخرب حياة ماجد ؟



نورهه : شكرا حسام , تعبتك معي ..

حسام : لا عادي ..

كان حسام واقف ومتردد يكلم نوره بالموضوع

حست نوره ان حسام فيه شيء



نوره : شو ؟ بدك شيء ؟

حسام : لا بس .. مافكرتي تقولي لماجد ؟

نوره : لا !

حسام : نوره ! مهما يكون لازم ماجد يعرف !!

نوره : مابدي !

حسام : الي بتعمليه غلط

نوره طنشت كلامه وماردت


حسام : من حقو يتطمن عليكي , بعدين مصيرو يعرف !

نوره لسا مطنشته , اخذت الاغراض الي جابها وراحت ترتبهم بالمطبخ




كان حسام يبي يقول لماجد كل شيء !

لانه مايبي يشوف اخته ساكته عن كل شيء كذا ..

مو بس عشان ماجد ,

عشان اخته بعد ..



مسك حسام جواله واتصل على ماجد !


واول ماشاف ماجد رقم حسام ..

رد على طول لانه كان يبي يسأله عن نوره




ماجد : الو !!

حسام : ماجد ؟ كيفك ؟

ماجد : بخير , وانت كيف حالك ؟

حسام : انا تمام , بس يا ماجد اتصلت لان عندي شيء مهم ..


- ولمن نوره كانت بالمطبخ ..

سمعت حسام وهو يردد اسم ماجد

استغربت نوره لان البيت مافيه غيرها هي وحسام , وبنفس الوقت

استوعبت ان حسام قاعد يكلم ماجد !

كانت خايفه انه يقوله عنها او عن حملها

تركت كل شيء من يدها وراحت عنده وهي تجري




ماجد : ايه تفضل وش عندك ؟

حسام : يمكن الموضوع مايخصني بس لازم اقولك !

ماجد : ايهه ..

حسام : نورهه .. - وقبل مايكمل حسام كلامه سحبت نوره الجوال منه بسرعه !

ورمته على الارض ..

التفتت على حسام وهي معصبه وبدون ماتحس على نفسها ضربت اخوها كف

نوره : قلتلك مابي احد يعرف بشيء !!!


حسام كان واقف مكانه ومستغرب من اصرار نوره على رأيها

تركته نوره وراحت غرفتها وقفلت الباب ..



اما حسام ف اخذ جواله من الارض , وكان ماجد لسا على الخط

حسام : الو ؟

ماجد بخوف : نورهه عندك !!! وينها ؟ بالشرقيه ؟

حسام : لا ..

ماجد : وين ! انا مستعد اجي الحين بس قول لي وينها !!

حسام : اسف بس .. نوره مصره ماتقول لاحد مكانها , واتوقع انت تعرف سبب ؟

ماجد : ليش ؟ انا ماسويت لها شيء ؟ واذا سويت لها شيء ابيها تفهمني طيب !

حسام : تقدر تتفاهم معاها , اتصل عليها واكيد بترد ..

ماجد : حسام اسمعني ! نوره زوجتي وانا خايف عليها اكثر من اي احد , انا بس ابي اشوفها واكلمها وافهم كل شيء !

حسام : ماقدر افيدك بشيء , نوره بتزعل .. بسس

ماجد قاطعه : حسسام!!

حسام : نعم ؟

ماجد : وينها نوره !

حسام : مع السلامه ماجد ..


وقبل مايكمل كلامه قفل حسام





فرح ماجد لانه بيقدر يعرف مكان نوره , وبنفس الوقت كان زعلان ولسا خايف عليها

ويبي يعرف السبب الي يخليها تتهرب منه وتتجنبه لدرجة انها كذبت عليه ؟


صار ماجد يتصل على حسام اكثر من مره بس مافي اي رد من حسام ولا في اي رد من نوره !

بس ماجد ما فقد الامل وصار يتصل كثير على نوره










..












* في الجامعه
عند اسيل
الساعه 11 صباحاً





بعد ما خلصت محاضرةة الدكتور فهد

ابتسم فهد لطالباته : وبكذا نكون خلصنا المحاضره الي ان شاءالله بتفيدكم بتخصصاتكم ..


.. : اخخخخيرا

.. الحمدلله خلصنا !

.. : يووهه تعب صدعتت !!!




فهد : هذا بيكون اخر يوم لي اعطيكم فيه محاضرات طبعا

.. : لااءء دكتور !

.. من جد !

.. : نبي محاضرات زياده

.. : خساره بيتركنا ذا الجميل ههههههههههه

.. : هههههههههههه صوتك عالي اسكتي لا يسمعك

سمعهم فهد وابتسم لهم : طيب بما انو عندنا وقت زياده تبون نفتح موضوع نتكلم فيه ؟ خارج عن المحاضرات والشغل والتخصص

كلهم : اييهه نبي

فهد فرح اكثر لان ناوي شيء ..

فهد : طيب .. انا ف بالي موضوع من جد شاغلني , مافي شيء فكرت فيه اكثر من ذا الموضوع ! احاول اوصل لاجابه ومالقيت !

انا من خبرتي ومن تواصلي مع بعض الناس , اكتشفت ان في بنات كثير ! او النساء يعني بشكل عام .. عندهم كره مو طبيعي للرجال !

- اول ماسمعت كلمته هذي رفعت اسيل راسها باستغراب "يقصدني!!!"

شال فهد عينه عنها وابتسم لانها عرفت قصده وكمل : يمكن انا ما قدرت اوصل لجواب لاني رجل زيهم ؟ عندكم اجوبه مقنعه ؟

.. : مافي بنت تكره كل الرجال !

.. : اسكتي في ياغبيه

.. : طيب دكتور انا اقولك السبب !!

فهد : تفضلي

.. : يمكن خذلها احد سواء من ابوها او اخوها او احد قريب منها ؟ ف صار عندها تخوف من ان كلهم زي بعض ؟

فهد والتفت على اسيل وابتسم : ممكن ليش لا !

اسيل عصبت اكثر وكتفت يدها "ليش يطالع فيني كذا !! بيجيب لي الكلام !"

فهد : بس انا مستغرب ليش ؟ لاني لمن اجي ابي احاول اقنعهم مايقتنعون ؟ -وهو يضحك : عنيدين

.. : شكله يعرف وحده مو معبرته !

.. : كم مره اقولك صوتك عالي !

.. : دكتور تقدر تقولنا مين تقصد ؟

فهد : انا ما اقصد احد طبعا , انا اتكلم بشكل عام

.. : طيب دكتور ! يمكن انت تقدر تغير نظرة البنت هذي للرجال صح ولالا ؟

.. : ايه صح يمكن انت تقدر !

.. : اكيد بيقدر شوفي وجهه !

.. : ههههههههههههههههههههههههه


ضحك فهد لكلام الطالبات : مو شرط اقدر اغير نظرتها بسبب الجمال ابدا مو شرط !

.. : مريضه ذي البنت

.. : ايه والله انك صادقه هههههههههههه


شهقت اسيل وهي معصبه وتطالع فيه "هين يا فهد انا اوريك !"

فهد : لا ! مو حكاية مريضه او مو مريضه ! كل واحد ورأيه اكيد بس ليش التعميم !

.. : اصابع يدنا مو زي بعض يعني الرجال مو زي بعض

فهد : صححح ! هذا الي كنت ابي اوصله !!



طفشت اسيل من حركات فهد , ف اخذت اشيائها وقامت من مكانها , وصارت تمشي باتجاه فهد عشان تطلع

سكت فهد وهو حاط عينه عليها


البنات بصوت واطي

.. : احلف لك ان بينهم شيء

.. : هذي هي الي يتكلم عنها ! وع

.. : نفسي اطيحها !

.. : لمن تمر من جنبك طيحيها ههههههههههههه

.. : بسويها هههههههههههههه




ولمن كانت اسيل تمشي وبدون ماتحط عينها بعين فهد

مدت وحده من البنات رجلها , وتعنقلت اسيل وطاحت منها الكتب

التفتت اسيل على البنات وهي معصبه من حركتهم

اما البنات ف كانو يضحكون بصوت عالي


انقهرت اسيل وصارت تلم كتبها من الارض

قرب فهد منها وصار يساعدها

وبصوت واطي : اقتنعتي من كلامهم ولا لسا ؟

اسيل طالعت فيه وهي رافعه حاجبها , بس ما نطقت بحرف

قامت من مكانها وسحبت الكتاب منه بعصبيه وراحت

اما فهد ف ابتسم لآنه كان عارف انها تكابر وتعاند ..

وهذا الي يعجبه فيها




.. : شفتي شفتي !

.. : ذا الي باقي بعد !!!

.. : والله ياحظها فيه

.. : ايه والله ياحظها جميل ووظيفته حلوه !

.. : مالت علينا بس





واول ماطلعت اسيل من القاعه

راح فهد ولم اغراضه واللاب توب حقه

فهد : كان النقاش معاكم حلو , مع انه قصير .. بس افكاركم عجبتني وحبيتها


البنات بصوت واطي : وحنا بعد نحبك

.. : هههههههههههههههههههههه


سمعهم فهد وابتسم وهو يلم اغراضه : شكرا !

.. : واهه سمعني ههههههههههههههه

.. : حيوانه ههههههههههههههههه



طلع الدكتور فهد من القاعه وهو يحاول يلحق على اسيل قبل ماتروح













..


توقعاتكم :
البارت الجاي يوم الاحد