البارت الرابع والثلاثون
صحي من النوم علئ صوت ضحك جاي من الصاله قام وتوجه للحمام (اكرمكم الله ) غسل وجهه وفرش اسنانه وصلئ
ولما طلع لقي هدئ وريتاج يتفرجون علئ التلفزيون ويضحكون انرسمت علئ شفايفه اجمل ابتسامه
سعد (ياجعله دوم ) : السلام عليكم
هدئ وانظارها متوجهه لتلفزيون / وعليكم السلام
وريتاج كانت مندمجه مع افلام الكرتون
هدئ جت تبي تشيل صينية الاكل جاء سعد بسرعه: خلي عنك .. وشال الصينيه وودها للمطبخ
ورجع بسرعه عند هدئ وقال لها : ليش لابسه عبايتك ؟؟
هدئ قامت وراحت غرفتها بدون ماترد عليه
سعد لحقها بعصبيه وفتح الباب وقفله بسرعه : اذا كلمتك تردين هاذا من الاحترام حتئ لو انك زعلانه مني بس ردي علئ سؤالي وروحي المكان الي تبينه
هدئ : الحين انت ايش تبغئ وليش جايبني هنا ومتئ جينا هنا وانا وين ؟؟؟
سعد جلس جنبها ومسك يدها : بجاوبك علئ كل شي بس انتي جاوبيني اول ليش لابسه عبايتك ؟؟
هدئ شالت يدها بسرعه وبخوف ومسكتها بيدها الثانيه بقوه : ممماااعنندي غييياارات وولبسسي الاول مو نظيف
سعد كسرت خاطره حيل : للحين خايفه مني ؟
هدئ بكذب : لا
سعد : طيب انا جبت معي ملابس لي البسي منها بشكل مؤقت عشان ننزل السوق واشتري لك ملابس ولريتاج ملابس عشان احنا بنطول هنا
هدئ : طيب بس متئ البس ملابسك
سعد : الحين لاننا بنروح السوق وصعبه تطلعين من البيت وانتي بالعبايه بدون ملابس
هدئ : جيب لي الشنطه وانا بختار منها
سعد : طيب ... وجاب لها الشنطه وجلس بالغرفه ... هدئ كانت تدور بين الملابس وبالقوه لقيت شي يجي عليها
لقيت البرمودا حق سعد يجي علئ طولها لانها اقصر من سعد ولقيت بلوزه طويله لونها ابيض جت تبي تنزل عبايتها عشان تلبس وتذكرت ان سعد موجود وبحياء شديد : لوسمحت اطلع ابي البس
سعد انتبه لنفسه : طيب بس لاتتاخرين
هدئ : طيب
.................................................. .................................................. .........................
بعد ماقال لها انه يبي يتزوج وحده ثانيه اغمئ عليها واول ماصحيت جلست تبكي : ياويلك من الله ياهشام تبي تتزوج وحده ثانيه وتترك بنت عمك ومين ياخذها مو حرام عليك البنت تعنس
هشام حزين علئ حاله وحال امه : يايمه ياقلبي ياحبيبتي والله مابقصر عنها بشي ولو حبيتي ارسل لها راتب شهري من عيوني بس تبقئ اخت لي وما اتزوجها ابد
ام هشام : رجعت تبكي .. قلت لك ياتتزوجها ياتنسئ ان عندك ام ياهشام
.................................................. .................................................. .......................
عند عهود كانت تحس كأن في جبل علئ صدرها تحس بضيقه فضيعه توضت وصلت وجلست تدعي ربها (يارب انك تحمي هشام وتبارك له بعمله يارب انك تكتبه لي زوج علئ سنتك وسنة نبيك صلئ الله عليه وسلم يارب انت تدري قد ايش انا احبه يارب اكتبه لي واكتب لنا السعاده يارب )
وقامت جلست مع امها وخالتها وجدتها
.................................................. .................................................. ........................
صحيت من نومها وهي قمه فالروقان والانبساط والفرح (الف حمد وشكر لك ياربي الحمدلله الي تمنيته صار الحمدلله
سالم وصارحني بحبه الله لايغير علينا الا للافضل يارب ... واخذت جواله وارسلت له ( مساء الياسمين )
.................................................. .................................................. ..........................
بعد مالعب واستنانس مع العيال قرر انه يروح شقته يرتاح فيها طبع بوسه علئ راس وليد وبوسه علئ راس احمد
ام وليد كانت تناظر خالد من ورئ الستاره كانت تشوف حنانه وتشوف عطفه وطيبته عليها وعلئ عيالها
خالد كان منسجم مع العيال ويشيلهم ويدورهم وهم مبسوطين ووقف شوي كأنه لمح شخص من ورئ الستاره
وام وليد لما شافت خالد وقف ويناظر جهة الشباك بسرعه تركت الستاره ورجعت ركض علئ الكنب : يارب مايكون شافني ياربي الحين وش بيقول عني اف ياليتني ماناظرت فيه
عند خالد :والله ماادري عنك ياام وليد مره احسك تحبيني وتكابرين ومره احسك تحبيني وتبينين ومره احسك منتي طايقتني .... ودع العيال وطلع متوجه لشقته ,, وبعد فتره بسيطه وصل وتمدد علئ السرير واخذ غفوه
.................................................. .................................................. ........................
صحيت من نومها ولبست تنوره قصيره جينز لفوق الركبه ولبست تيشيرت ابيض مرسوم عليه بيوت بالاسود
ولبست كعبها الاحمر الطويل وحطت روج احمر ورسمت حواجبها شاينيز ولبست عبايتها واخذت شنطتها الحمرا الكبيره وبصوت عالي : بروح المشغل
ونزلت قبل ماتسمع الرد وراحت مع تاكسي (طبعا هاذي ندئ )
.................................................. .................................................. .................
: والله وحشتني يادب
سالم : وانت وحشتني يالنحيف هههههه
هاني : الله يسعدك ... فاتك نص عمرك
سالم : شنو فاتني قول ترئ تحمست ههههه
هاني : زياد تزوج
سالم : كذاب
هاني : والله العظيم تزوج امس
سالم : ليه ماعزمتني وليه كل هالسرعه
هاني : هو مستعجل تصدق انه سواها خطبه وملكه وعرس فوقت واحد
سالم : وراه اخوك مستعجل
هاني : ههههههه مدري عنه عقبالنا
سالم : ايه والله عقبالنا وسكت فتره وراحت افكاره لبعيييييد (كان يفكر انه يجي اليوم الي يتزوج البنت الي يحبها ومايقدر يعيش بدونها رد عليه ضميره سالم كيف تتزوجها وانت ماعرفت اسمها حتئ ؟؟ )قطع عليه تفكيره صوت هاني وهو يقول : الو الو وينك سالم وين رحت
سالم : هلا معك معليش
هاني : انت من يوم سمعت طاري الزواج وانت مو علئ بعضك شكلك ناوي يالدب هههههههههه
سالم ايه والله : ان شاء الله وبتزوج قبلك عشان تموت حره هههههههههههههه
هاني : ياويلك لو تسويها انا منقهر من زياد واذا انت سويتها قبلي بذبحك ههههههههه
سالم : لالالا خلاص بنسوي عرسنا مع بعض او بعدك وش قلت ههههه
هاني : دام كذا اوك ... وكملوا سوالفهم علئ الجوال
.................................................. .................................................. .....................
صحيت من النوم ولقيت نفسها بحضن زياد (ياعمري يازياد مااخلفت وعدك الله لايحرمني منك ) حطت يدها علئ وجه زياد وجلست تلمس كل جزء من وجهه تلمس عيونه وحواجبه ورموشه وخدوده وانفه وشفايفه وجبينه
كانت مبتسمه بعد فتره بسيطه فتح عيونه زياد وشاف قدامه ملاك صغير جالس يتأمله بشكل جميل قال بهمس : صباح الورد ياوردتي
لينه بحياء : صباح النور يازوزو متئ صحيت
زياد : يازين الدلع صحيت لما ايدك الناعمه جت علئ وجهي
لينه : سامحني ياقلبي صحيتك
زياد : الحمدلله انك صحيتيني عشان اشوف هالقمر
لينه : انت البدر وانا الهلال
زياد : لا انتي البدر وانا الهلال مفهوم ؟؟
لينه : مفهوم
زياد : ياقلبي خليكي كذا تسمعين كلام زوجك
لينه حمرت خدودها وسكتت
زياد : فديت الحياء ياناس وطبع بوسه علئ خدها : حبيبتي شويات بروح الحمام ( الله يكرمكم ) واجي
لينه : خذ راحتك
راح زياد الحمام ( الله يكرمكم ) غسل وجهه وغسل اسنانه وتوضئ وطلع من الحمام و بعد اللحاف عن لينه وشالها وحطها علئ الكرسي ووصلها للحمام غسلت وجهها وغسلت اسنانها وتوضت واخذت علبة فرش الاسنان وعبتها مويا وكبتها علئ قدميها عشان ماتقدر ترفع رجلها (اكرمكم الله ) عشان تكمل بقيت وضوئها ...زياد كان يناظرها بفرح (سبحان الله حتئ وهي محتاجه مساعده ماطلبتها مني والله مااحس فيه فرق بينا ومااحس لينه فيها نقص ابدا سبحان الله ربي عوضها بالذكاء والاعتماد علئ النفس ) : خلصتي حبيبتي
لينه : ايوا خلصت
زياد قرب منها ومسك الكرسي وطلعها من الحمام (اكرمكم الله ) وبدأ يكبر ولينه لبست عبايتها وشيلتها وصلت ورئ زياد
و لما خلصوا قال لها زياد : حبيبتي كم مره زرتي الكعبه ؟؟
لينه انحرجت من سؤال زياد وتوجهت انضارها للارض : للاسف ماعمري زرتها
زياد : طيب ياعمري ولا يهمك انا بوديكي تزورينها
لينه باابتسامه وفرحه شديده : والله
زياد : باذن الله ياقلبي انا كم عندي لينه ؟؟ ماعندي الا وحده ولازم ادللها
لينه بدمعة فرح : الحمدلله ان الله جعلك زوج لي يازياد
زياد مسح دمعتها بيده : والحمدلله ان الله جعلك زوجه لي يالينه .. يلا حبيبتي نروح نفطر
لينه : يلا بس بشرط
زياد : امريني ؟
لينه : الامر لله ياقلبي انا الي بسويلك الفطور بيديني
زياد : وانا بساعدك اوك
لينه : لا انا لحالي بسويلك الفطور اتفقنا
زياد :طيب اتفقنا وراح جلس بالصاله وهي راحت المطبخ تحضر لزياد الفطور
.................................................. .................................................. ......................
دخلت المشغل وبعصبيه : وين حنانوه
احد العاملات : جت نص الوقت والنص الثاني راحت
ندئ : وين راحت
: للاسف ماقالت لنا
ندئ : طيب روحي انتي .. واخذت جوالها واتصلت علئ حنان
.................................................. .................................................. ..........................
مازالت منبهره بجمال القصر الي هي فيه تحس نفسها بأفلام او مسلسلات ماتوقعت انه بيجي اليوم وتدخل مثل هالبيت( صح حنان حالتها الماديه زينه وبيتهم جميل ومرتب بس مقارنه ببيت صديقتها روان ولا شي )
جتها الخادمه وقالت لها : مدام روان قول اطلع فوق
حنان : لوسمحتي ممكن تدليني علئ غرفتها ؟
الخادمه اخذت حنان متجهين لغرفة روان طلعوا علئ درج كبير جدا اطرافه كلها نقش بالذهبي
ولما وصلوا لمنتصف الدرج في درج عاليمين ودرج عاليسار ومشوا مع الدرج الي ع اليسار
ووصلوا غرفة روان كان بابها بني كبير كانت مسكة الباب لونها ذهبي جميل جدا دخلوا الغرفه
كانت الغرفه كبيره جدا وكانت الارضيه خشبيه بلون بني غامق وتوجد سجاده من الصوف باللون البني الفاتح وفي دولابين كبيره للملابس وسرير كبير ولون غطاء السرير ابيض والمخدات لونها ابيض والغطاء الثاني لونه احمر
كان مقابل السرير تسريحه بمرايه كبيره بشكل بيضاوي ويسارها في مرايه طويله جدران الغرفه كانت معتقه باللون الترابي الفاتح (كانت حنان منبهره بالي تشوفه مو مصدقه تحس نفسها تحلم )
قامت روان من السرير وحنان حطت مخده ورئ ظهرها وروان سندت ظهرها علئ المخده حنان سلمت عليها وبعد السؤال عن الاخبار
حنان : روان فهميني ايش الي جالس يصير ؟؟؟؟
روان : ههههههههه ايش افهمك ؟؟
حنان : كيف هاذا بيتك وانتي تشتغلين بمشغل وطول مدة صداقتنا كانت تنقلات بين المشاغل وطول مدة الصداقه حقتنا ما عمرك كلمتيني عن هالخير والعز الي تعيشين فيه
روان : البيت الي تشوفينه وكل هالخير الحمدلله هاذا من فضل ربي علينا وبعدين الحمدلله الوالد الله يطول بعمره ربانا علئ التواضع وعلئ حب الناس والوالد مو مقصر معنا ابد وانا مااحب اتباهئ وافتخر بالمال الي عندي لان هاذا الشي بيزول .
حنان : ماشاء الله عليكي ياروان لو اعرف ابوكي كان قلت له الله يعطيك العافيه علئ هالتربيه الي ربيتها لروان
روان : ههههههههه الله يسعدك ياحنونتي ويعطي اهلك الف عافيه علئ تربيتهم لك وترئ ابوي تعرفينه هههههه
حنان باستغراب : لامااعرفه
روان : الا ابوي فلان ال.....
حنان كانت صدمتها كبيره لما سمعت اسم ابو روان : اسالك بالله انتي بنت فلان ال..... التاجر المعروف ؟؟
روان : والله العظيم انا بنته
حنان : ماشاء الله تبارك الله الله يخليه لكم يارب وماشاء الله علئ اخلاقك وتواضعك ياروان والله لو وحده غيرك كان مستحيل تسوي الي انتي سويتيه
روان : احرجتيني الله يسعدك
فجاءه انفتح الباب
.................................................. .................................................. .....................
انتهئ البارت اتمنئ يكون اعجبكم واتمنئ توقعاتكم
مين الي فتح الباب علئ حنان وروان ؟؟
وندئ ايش موقفها لما تعرف ان روان صديقة اختها حنان ؟؟؟
هشام بيوافق يتزوج بنت عمه ولالا؟؟؟
عهود ايش بيكون موقفها ؟؟؟
لينه وزياد ايش رايكم فيهم ؟؟
ام وليد وخالد ؟؟؟
سالم وياسمين ؟؟