البارت الخامس والثلاثون
كان بحيره مايعلم فيها الا فاطر السماوات والارض حط يده علئ راسه وبحزن ( ياربي وش اسوي اوافق علئ بنت عمي عشان ارضي امي ولا ارفض واتزوج عهود .. تجمعت الدموع بعيونه يارب انت تدري اني مااحب بنت عمي ابدا وتدري ان روحي متعلقه بعهود واحبها واموت فيها يارب اكتبها زوجه لي يارب اجعلني نصيبها واجعلها نصيبي يارب مالي غيرك انت ارحم من الام بولدها )
.................................................. .................................................. ..................\\
عند عهود انتضرته فتره طويله بس للاسف ماشافت رسايل منه وكانت حزينه جدا لانها ماكلمت هشام
.................................................. .................................................. ..................
طفشت من المشغل لانها ماتعرف تديره لحالها تحتاج لحنان بأمور كثيره يعني باختصار بس فالحه تحط رجل علئ رجل وتجلس بمكتبها وتتأمر ورجعت للبيت وبعد ماسلمت علئ امها واخواتها قررت انها تروح غرفة حنان الي نايمه فيها ياسمين عشان تبي تاخذ بجامه من عند حنان
.................................................. .................................................. ..........................
اخذ الجوال واتصل علئ رقمها وردت بصوتها الناعم : الو
سالم : هلا ياقلبي كيفك
ياسمين : الحمدلله تمام انت كيفك
سالم : الحمدلله .. ممكن سؤال محيرني
ياسمين حطت يدها علئ قلبها وخايفه من سؤاله
سالم : وين رحتي ؟؟
ياسمين بأرتباك : معك
سالم : ممكن اسألك ؟؟
ياسمين : تفضل
سالم : كيف عرفتيني وكيف جبتي رقمي ؟؟
ياسمين سكتت بخوف : ممااادري
سالم : لاتدرين يلا قوليلي من فين عرفتي هاذي الاشياء ؟؟
ياسمين نزلت دموعها : سالم والله مااقدر اقولك
سالم : ليه طيب ؟؟
ياسمين : لاني لو قلت لك بينتهي كل شي بينا
سالم : ان شاء الله ماينتهي الي بنيناه بس قوليلي والله احسها صعبه احب وحده مااعرف عنها ولاشي حتئ اسمك مااعرفه كيف يصير كذا بالله
ياسمين : بقولك اسمي بس
سالم : قولي
ياسمين بحياء قالت له اسمها
سالم : الله اسمك مره حلو عاشت الاسامي ياقلبي
ياسمين : تعيش ايامك يارب
سالم : والحين كيف عرفتيني ؟؟
ياسمين رجعت تبكي : مااقدر اقولك اخاف اخاف اخاف
سالم : تخافين من أيش ؟؟
ياسمين : اخاف افقدك عشان كذا مااقدر اقولك
.................................................. .................................................. ..........................
كانت عند الباب وسمعت اخر جمله قالتها ياسمين (اخاف افقدك عشان كذا مااقدر اقولك)وبسرعه فتحت الباب
ياسمين قفلت جوالها بدون ماتقول لسالم مع السلامه وطاح الجوال من يدها بقوه وراحت الشريحه منه وبيدها الثانيه كانت تمسح دموعها بسرعه ماتبي احد يشوفها وهي تبكي (مين الي جايني الحين ثقيل الدم )
ندئ عاد تبيها من الله تبي تمسك زله علئ ياسمين بأي طريقه وشغلت الانوار وبعصبيه: مسويه نفسك نايمه قومي
ياسمين انا لله وانا اليه راجعون وش تبي ذي شالت البطانيه عن وجهها وبانت عيونها الحمر المنتفخه : خير وش تبين
ندئ : مين كنتي تكلمين
ياسمين وهي تعدل جوالها وترجع الشريحه فيه : ماكنت اكلم احد واطلعي برئ ابغئ انام
ندئ : بلا قلة ادب اقولك مين كنتي تكلمين
ياسمين قامت ورفعت شعرها لفوق وكان الجوال بجيبها ومشت بهدوء عشان تقهر ندئ : قليل الادب يعرف نفسه هو الي يخرب علئ الناس الزواج حقهم الله لايبلانا بس وطلعت من الغرفه متوجهه لدرج عشان تروح عند امها
لحقتها ندئ بسرعه ودفتها من اعلئ الدرج
.................................................. .................................................. .........................
صحيت ام وليد علئ صوت بالحوش تحسبه خالد جاء فتحت الشباك شافت واحد وشكله مغطي وجهه بشماغ
ام وليد خافت ورجعت لغرفتها واتصلت علئ خالد وبعد فتره رد خالد بصوت نعسان
خالد : الو
ام وليد : خالد انت اللي بالحوش ؟؟
خالد : لا ليه
ام وليد ودقات قلبه تتزايد : الحق علينا في حرامي بالبيت
خالد قفل الجوال بسرعه وطلع بثوب نوم شغل السياره وطيران علئ بيت ام وليد
.................................................. .................................................. ...........................
طلعت من الغرفه بعد مالبست ملابس سعد الي كانت وسيعه عليها وفوقها العبايه
هدئ : انا جهزت
سعد شال ريتاج وطلعوا من الشقه شغل السياره وراحوا لسوق
سعد : انا طلعتك من المستشفئ وجبتك هنا عشان تهدئ نفسيتك
هدئ : ولا بتهدئ نفسيتي
سعد : هدئ والله ماكنت ادري انك حامل يعني بالله تتوقعين اسوي هالشي وانا متعمد ؟؟
هدئ ودمعتها بعيونها: لا بس حتئ لو ماكنت حامل بس عشان رحت عند الجيران اجيب شوية ملح تمد ايدك علي بالله هاذا سبب مقنع والملح ياليته لي رحت عشان حضرت جنابك
سعد : ادري ياروحي انه مو سبب مقنع بس انا جيت معصب من الدوام وتعبان ولما دخلت ولقيت الباب مفتوح والاكل ع النار وريتاج لحالها انجنيت مدري ايش صار فيني
هدئ : بعدين نتفاهم خلينا ساكتين الحين
سعد : طيب
وصلوا للمول ونزلوا جاء سعد يبي يمسك يد هدئ هدئ شالت يدها عنه تضايق من حركتها بس مالامها لانها لسئ مجروحه منه هدئ اختارت لها بيجامه نوم لونها ابيض التيشيرت ابيض ربع مرسوم عليه مثل حرف S بس بشكل مايل ومقسم لمربعات ملونه وفيه قلب وردي والبنطلون ابيض طويل نفس الرسمه
واختارت بيجامه لونها وردي فاتح جدااا ومرسوم فيها ورود بأكمام طويله وحول الاكمان قطعه قماش ورديه من الحرير ونفس الشي بالبنطلون الطويل
واخذت بلوزتين الاولئ دانتيل اسود توصل اكمامها لحد المرفق وفيها عالخصر حزام ذهبي
والبلوزه الثانيه لونها بني غامق ساده واخذت ثنتين تنانير بكسرات طويله
واختارت لريتاج فساتين الاول احمر ناعم جدا علاقي وعليه تيشيرت ابيض باكمام طويله وفيه فيونكه سودا من الاعلئ
والثاني نفس التصميم بس بلون تيفاني والثالث لونه ابيض واخذت لها بيجامتين نوم اكمامها طويله مرسوم علئ الاولئ سبونج بوب والثانيه ستروبري شورت كيك
ولما انتهوا من الاغرض قالت هدئ لسعد : خلاص خلصنا
سعد : طيب وهم يمشون سعد جات عينه علئ قميص نوم شكله يجنن كان لونه لؤلؤي ومن تحت الصدر فيونكات لونها احمر واطرافه حولها شريطه من الساتان لونها احمر وفوقها قميص تابع له بأكمام طويله نهاية الكم جايه بشكل فرنسي
سعد : هدئ شوفي هاذا بيطلع جنان عليكي
هدئ طالعت للقميص صح اعجبها بس ماتبي تاخذه عناد فسعد : ماابيه عندي فالبيت مثله
سعد : طيب خذي مفتاح السياره انا احاسب واجيكم
هدئ اخذت ريتاج وراحوا لسياره
وسعد اخذ قميص النوم وراح عند قسم العطورات واخذ عطر (Carolina Herrera Chic)
واخذ علبة مكياج وطلب من الموظف انه يغلفها بتغليفه حلوه وبعد ما انتهئ اخذ الاغراض وحاسب فيها وراح لسياره
.................................................. .................................................. ..................
طلع من غرفته وكان يبي يتطمن علئ اخته ودق الباب دقه وحده خفيفه وسريعه يحسب ان اخته لحالها وماعندها احد وفتح الباب وشاف .......
...................
انتهئ البارت اتمنئ توقعاتكم
ياسمين ايش بيصير فيها ؟؟
هشام ايش بيسوي هل بيوافق علئ بنت عمه او لا؟؟؟
خالد وش بيسوي مع الحرامي ؟؟؟
مين الي فتح الباب ؟؟؟ وايش شاف ؟
ندئ وش موقفها من الي صار ؟؟؟