[لامارا]

البارت الثامن والثلاثون

ّّيــــاهــّــم جــــاملـتكــّ شــــوي لــــــكــّن شـــــّّّكــــلـــك مـــطـــّّــولّّّ




,,,,

راح للبيت ولما دخل شافهم بحاله يرثئ لها كانت امه متمدده علئ الكنب وانظارها متوجهه لباب وكانت عهود وخالته ام سليم دموعهم ماوقفت وكان ابوه عيونه حمرا وجالس نفس جلسته الاولئ

دخل وحاول يكون شكله طبيعي وابتسم : السلام عليكم يبه

ابو خالد قام بسرعه : طمني وش قالولك ؟

هاني : ابشرك يبه هي بخير بس عندها كسر بسيط فالرجل

ابو خالد : متأكد

هاني : ايه يبه .. عن اذنك بروح اطمن امي

ابو خالد : هاني مني مصدقك قولي الصدق

هاني : يبه وضعها صعب وسووا لها عمليه جراحيه

ابو خالد نزلت دموع حاره جدا منه :ياعمري عليكي يبه .. عملية ايش ؟؟

هاني قاله الي صار بالتفصيل ... وابو خالد زادت دموعه اكثر من قبل

هاني : يبه اذكر الله والحمدلله هي سوت العمليه ونجحت يعني وضعها مو خطير (ماحب يخوف ابوه اكثر)

ابو خالد : لااله الا الله والحمدلله .. روح طمن امك ترئ حالتها صعبه

هاني : ابشر يبه ... وطلع من المجلس وتوجه لمجلس النساء واول مادخل قامت امه بسرعه وقالت له : وش قالولك ؟

هاني : يمه هدي نفسك الي فيكي مكفيكي البنت بخير بس تحتاج دعائك

ام خالد : قولي ولا اروح الحين للمستشفئ

هاني : لاحول ولاقوه الابالله يايمه ياحبيبتي ياسمين سووا لها عمليه بس هي الحمدلله بخير وطيبه ونجحت عمليتها

ام خالد دمعت عيونها عمليه بنتي سوت عمليه : بس هي صغيره ماتتحمل العمليات

هاني : يايمه مايصير كذا ادعيلها وان شاء الله مافيها الا العافيه وصدقيني بكره الصباح بوديكي لها لان الحين مانعين الزياره عنها

ام خالد مع كلام هاني وتهديت عهود وام سليم لها هديت شوي


هاني : اقول ياخاله خالاتي فينهم ؟؟

ام سليم : حبيبي ندئ جت وطلعت فوق وحنان لسئ بالمشغل

هاني : اها ... وطلع فوق كل الي فباله ان خالته ندئ مقطعه نفسها من البكي علئ ياسمين وحب يطلع فوق يطمنها

.................................................. .................................................. ..........................

كانت تسوي مكياج لاحد الزبونات .. حنان : لوسمحتي حبيبتي غمضي عيونك

الزبونه غمضت عيونها .. وحنان كانت تحط لها الظل وكان عباره عن سموكي اسود وبني

فجأه سرحت حنان لبعييييد لبعيييد مره كانت تتذكر ملامح بسام وطوله وعرضه وسماره الجذاب عجبها بكل مافيه

صح فيه تشوه بالجزء الايسر من وجهه بس حنان ابدا مالاحظت هالشي شافت عيونه السود المتوسطه وشافت كثافة حواجبه وبقلبها (سبحان الي خلقك يابسام ) قطع عليها حبل افكارها الزبونه لما قالت لها : لوسمحتي استعجلي

حنان انتبهت لنفسها : اسفه حبيبتي سرحت شوي وكملت لها المكياج بسرعه وخلصتها

وجلست ع الكرسي : طيب يايسمينوه الدبه الحين هي نايمه وانا اكرف لحالي هين بتنكرفين يالدبه وبخليكي تسوين لي كيك وقهوه وتجيبينهم لي بالمشغل اخذت جوالها واتصلت اكثر من مره بس ماجاها رد

وقامت تكمل شغلها

.................................................. .................................................. .........................

دخل عليه اخوه : سالم امي تقولك تعال كل

سالم اعصابه متوتره وواصل حده بس يبي يتطمن عليها : مالي نفس

: وش فيك

سالم بعصبيه عكس طبعه الهادي : وبعدين معك خليني لحالي واطلع وقفل الباب وراك

: الحمدلله ع العقل وطلع برئ وقفل الباب

سالم رجع يتصل اكثر من مره بس مافي احد يرد (يارب تكون بخير يااااااااااااااااارب )

.................................................. .................................................. ............................

كانت متمدده علئ سرير ابيض وكانت المغذيه بيدها الصغيره الناعمه كانت نايمه وماتدري عن الي يصير حولها يدخلون اطباء ويطلعون ويدخلون ممرضات ويعدلون لها المغذيه وهي جسد بدون روح

.................................................. .................................................. ........................

قامت من سريرها وراحت عند غرفة اخوها ودقت الباب بهدوء

بسام : تفضل

دخلت روان وقفلت الباب

بسام بخوف علئ اخته : روان ليه قمتي وانتي لسئ تعبانه

روان : لا الحمدلله خفيت

بسام : وين خفيتي الله يهديكي ووجهك اصفر

روان : ماعليك الحين بنزل اكل وبيرجع وجهي قشطه هههههههه

بسام : هههههههه

روان : طلعت اليوم ؟؟

بسام : لا( وكأنه تذكر شي) الا صح مين الي كان عندك ؟؟

روان : هاذي صديقتي حنان

بسام باستغراب : بس غريبه عزمتيها ؟؟

روان : هاذي سالفه طويله تحب تسمعها

بسام : اوك

وجلست روان تحكي له قصتها مع حنان من البدايه الئ المرحله الي هم فيها الحين : وتوته توته خلصت الحتوته هههههه

بسام : هههههه ماشاء الله من كلامك عنها حسيتها متواضعه

روان : يب يب متواضعه حيل

بسام سكت لفتره وروان جتها فكره خطيره وقررت تقولها لبسام : بيسو

بسام : من يوم تقولين بيسو يعني معناتها عندك طلب او بالاصح مصيبه فوق راسي بس قولي يلا هههههه

روان : ههههههه حرام عليك .. امممم ايش رايك بحنان

بسام : من اي ناحيه

روان : وش رايك فيها كزوجه

بسام بغضب : روان قفلي هالموضوع ولاتفتحينه مره ثانيه وشيليه من راسك

روان : لامابشيله لمتئ بتجلس كذا مافكرت فأبوي الي كل شهر واحد من اصحابه يعزمه علئ عرس ولده والي يعزمه علئ عشاء لان ولده جاله ولد وابوي امنيت حياته يفرح فيك لانك انت البكر فكر بكلامي يابسام وبالله عليك لاتضيع حنان من بين يدينك تراها بنت متواضعه وخلوقه واعرف لو وافقت عليك بتكون موافقه لانها تبغاك لشخصك ماتبغاك لفلوسك


بسام بعصبيه اكثر : ومين الي تبغئ واحد وجهه مشوه قوليلي مين ؟؟

روان بحزن علئ حال اخوها : بسام تقول عن الي بوجهك هاذا تشوه بالله ؟؟؟

انت كل الي بوجهك شوية رضووض واثار عمليه بس وكل الناس تسوي عمليات ومافيها شي وبعدين وسامتك مغطيه علئ هالاثار البسيطه

واخذت لاب توبه ودخلت علئ قوقل وورته صور ناس مشوهين اكثر منه : شوف واحمد ربك علئ النعمه الي انت فيها وطلعت من الغرفه

بسام حس ان كلام روان هداه وامتص غضبه : كان يشوف اشكال الي مشوهين اكثر منه ويدقق بشكل كل شخص منهم وقفل الاب توب حقه وراح عند المرايه ووقف وكان يطالع لشكله ويتذكر كلام روان (اصلا وسامتك مغطيه علئ اثار العمليه وبعدين هاذا مجرد اثر) حط يده علئ مكان العمليه وكانت فعلا اثار خفيفه وشعر الي بخده مغطي عليها
وقال الحمدلله الذي عافانا مما ابتلاهم به وفضلنا علئ كثير من الخلق تفضيلا كثيرا

.................................................. .................................................. ...............................
نزلت روان تحت وكلمت الخدم يسوون لها بيتزا وبعد ما خلصوا من البيتزا جابوها لها وجابوا بيبسي : ياليتك ياحنان معي كان فلينا سوئ

شوي نزل بسام مع الدرج وجاء عندها : زعلانه مني

روان : كانت تاكل ومطنشته

بسام : روان والله ماكنت اقصدك حقك علي

روان : اذا جاوبتني علئ سؤالي بسامحك

بسام : اوك

روان : معي حق بالكلام الي قلته لك ولالا ؟؟

بسام بابتسامه عريضه : يب يب

روان : هههههههههه طيب يلا كل معي

وجلسوا ياكلون البيتزا ويتفرجون ومستانسين

.................................................. .................................................. .........................

طلع هاني غرفة حنان ودق الباب بهدوء بس محد رد فتح جزء من الباب شافها حاطه اغاني وجالسه تتسمع وتضحك

هاني عصب من حركتها وبقوه شال السماعات من اذنها :الناس تحت كلهم متضايقين ودموعهم ما وقفت
وانتي ضحك واغاني ولا كأن احد هامك

ندئ :اف خير وش فيه

هاني : ياسمين بالمستشفئ

ندئ : اوك سلامات واخذت السماعات من يده وحطتها علئ راسها وبأمر اطلع وقفل الباب

هاني زادت عصبيته وحس انه لو جلس بالغرفه ممكن يرتكب فيها جريمه : حسبي الله ونعم الوكيل وطلع من الغرفه وقفل الباب بقووووووووووه

ندئ : دفعت مردي والهوئ شرقي ... وكملت الي هي فيه

.................................................. .................................................. ...............................

بعد ماخلصت مكياج قالت بصوتها الناعم :زيزو زياد

زياد بس سمع صوتها طيران ع الغرفه وفتح الباب بسرعه وشاف حياته وعمره وكأنها قمر فعلا رغم بساطتها

شافها بمكياج وردي وذهبي فاتح وروج وردي وشعرها مسويته كله فير وكانت لابسه قميص نوم وردي فااااااتح حييل طويل وله حمالات خفيفه ومن عند الصدر في ورود ناعمه (مرسومه )

زياد كان معجب بشكلها وبلبسها قرب منها وطبع بوسه علئ خدها : كل يوم بجيب لك ارواج ومكياج هههههه

لينه ضحكت بحياء : هههه تسلم

زياد :الله يسلمك ياروحي وقرب منها اكثر وشالها ودار فيها وهي تقوله : زياااااد وقف بطيحح

زياد : ههههههههه مو موقف كيفييييي

لينه : الله يخليك ياروحي نزلني بطيح

زياد وقف دوران ونزلها ع السرير وقرب منها

لينه بحياء : اشبك ؟؟

زياد ابتسم : زووجك ولانسيتي .. قرب اكثر و&&&&&&&&&&&&

.................................................. .................................................. .........................

دخلت عليه وهي مستانسه حيييييل وقالت : اخيرا بفرح فيك يمه

هشام مستغرب من امه : شلون ؟؟

ام هشام : خطبت لك بنت عمك ابتسام وبعد يومين بتروح تشوفها ونحدد الملكه

هشام يتوقع ان امه تمزح وكل هالكلام مزح ومستحيل يصير لكن للاسف خابت ضنونه جت عيونه بعيون امه وشافها قد ايش هي فرحانه وماحب يكسر فرحتها كان يبي يقولها يمه ماابيها يمه انا احب عهود وناوي اتزوجها بس تذكر لما قالت له (لو مااخذت ابتسام انسئ ان عندك ام ) اكتفئ بأبتسامه مصطنعه تخفي ورائها نياران من الحزن وقال : الله يقدم الي فيه الخير

ام هشام بفرحه طبعت بوسه قويه علئ خده : يعني موافق يمه

هشام هز راسه بنعم وطلع بسرعه من البيت وراح للبر وقف السياره وجلس يبكي يبكي بقوه وبصوت عالي يبكي بكاء يقطع القلب مايبي يفارق حبيبته ومايبي امه تغضب عليه

وبصوت عااااااااااااااااااااالي : سامحينييييييييييييييييييي يي ياعهووووووووووود سامحيني يااااااااااااااروحي

ركب سيارته وبسرعة البرق توجه للحرم المكي (طبعا هو ساكن بالطائف والمسافه بين الطائف ومكه قريبه جدا )

راح توضأ وصلئ ركعتين ورفع يده (يارب انا جيتك يارب انا امام كعبتك المشرفه يارب اكتب عهود زوجه لي يارب انت تدري قد ايش احبها واتمناها زوجتي وام عيالي يارب لاتحرمني منها يارب انت تقول بكتابك الكريم (وَإِذَا سَأَلَكَ عِبَادِي عَنِّي فَإِنِّي قَرِيبٌ أُجِيبُ دَعْوَةَ الدَّاعِ) يارب دعوتك استجيب لي يارب كان يدعوا بصدق وخشوع وكانت دموعه تنزل بصدق كانوا الناس كثير من حوله ويناضرون فيه بس ماكان يحس الا بربه وبس

((لاحول ولاقوة الابالله العلي العظيم )) الله يسامحك ياام هشام

.................................................. .................................................. ...............................

صحي سعد من النوم واخذ شاور وفرش اسنانه وصلئ

سعد : هدئ هدئ حبيبتي يلا قومي

هدئ بنعاس : كم الساعه

سعد : الساعه 10 ونص يلا قومي صلي وصحي ريتاج وانا بروح اجيب فطور

هدئ : سعد

سعد : عيونه

هدئ : تسلم عيونك يارب .. ماابي نفطر هنا بالشقه ابغئ نطلع برئ ونفطر

سعد : حاضر والطلب رخيص بس تجهزوا علئ بال مااجيب الفطور ونطلع نفطر برئ

هدئ : اوك ... وقامت اخذت شاور وفرشت اسنانها ولبست تنوره لونها تيفاني ولبست بوزتها الي لونها اسود دانتيل بحزام ذهبي

وصلت وبعد ماخلصت صلاه مشطت شعرها وسوت كعكه وحطت كحل اسود بسيط وروج احمر غامق

وراحت صحت ريتاج وسوت لها شاور وفرشت لها اسنانها ولبستها فستانها الاحمر الي عليه بلوزه بيضا

وجلسوا ينتظرون سعد

.................................................. ...............................................

انتهئ البارت اتمنئ يكون نال علئ اعجابكم

ولاتحرموني من توقعاتكم ^_^