البارت التاسع والثلاثون
فتحت عيونها ببطئ شديد اول شي شافته سقف ابيض وانوار لفت عيونها يمين ويسار شافت ع اليسار شباك وعليه ستاره وع اليمين درج وبجنبه جدار .. حست بحكه علئ عيونها وحكة عيونها ولما جت تنزل يدها شافت ابرة المغذيه التفتت بعيونها بخوف تبغئ تعرف هي وين وليش جت هنا حاولت تقوم من علئ الكرسي وتحركت حركه بسيطه وصرخة صرخه قويه من الالم
.................................................. .................................................. ..............................
كان بالمكتب يرتب ملفاته ويقرأ التقارير الي جته ع البريد الالكتروني فجأه انفتح الباب بقوه
وبخوف شديد قالت النيرس : لو سمحت دكتور المريضه الي اسمها ياسمين صحيت وجالسه تصارخ من شدة الالم
الدكتور : شي طبيعي لأن البنج بدأ يروح مفعوله .. اعطيها ابرة مهدئ وخلوها ترتاح
الممرضه : حاضر دكتور .. وراحت بسرعه دخلت الغرفه وشافتها بوضع يقطع القلب كانت متمدده علئ الجزء الايمن من جسمها وتبكي بقوه وتصارخ من شدة الالم
الممرضة بسرعه اعطتها ابرة المهدئ وتدريجيا هدت وقل صراخها ونامت وبعد مانامت الممرضه لفت جسمها واصبحت ياسمين نايمه علئ السرير
.................................................. .................................................. ............................
طلع من الكافتيريا وبيده كوبين واحد كابتشينو وواحد قهوه وكان لابس ثوب ابيض وشماغ احمر ونضرات ريبان طبيه (مو من النوع الي تجي كبيره حيل لا الي متوسطة الحجم )بأيطارات سوداء وكان طويل وعريض ابيض وشنبه عريض نوعا ما عيونه كانت كبيره لونها بني غامق وكان لابس ساعه بيضا مرسوم من الداخل نمر اسود من ماركة (بوما )لساعات ... كان متوجه للقسم .. ودخل بكل هيبته واناقته وكانوا النيرسات يناظرون فيه وهو ماكان مهتم فيهم مشئ الين وصل مكتب صديقه ودق الباب ودخل
د/عبد الرحيم : حيا الله الدكتور بندر .. من طول الغيبات جاب الغنايم ههههه
د/ بندر ضحك وبانت غمازاته : الله يبقيك يالدكتور عبد الرحيم هههههه تفضل ومد له الكابتشينو
وهو اخذ كوب القهوه .. وجلس علئ الكرسي الي قريب من طاولة عبد الرحيم وشرب قهوته وقال : كيفك ياعبد الرحيم وش مسوي
د/عبد الرحيم : بخير الحمدلله انت كيفك
د/بندر : دوم يارب الحمدلله
د/ عبد الرحيم : يدوم غاليك يارب أقول بندر
د/بندر : سم
د/عبد الرحيم : سم الله عدوك كم عندك مرضئ ؟؟
د/ بندر : ماعندي مرضئ خلصتهم الحمدلله اخر واحد كان الاسبوع الماضي وعنده مراجعه بعد اسبوعين
د/عبد الرحيم : هب ههههههه انت خلصت وانا عندي ثلاث حالات
د/ بندر : بسم الله علي ومن شر حاسد اذا حسد هههههه
د/ عبد الرحيم : اقول بندر وش رايك تاخذ حاله من الي عندي ؟؟
د/بندر طيب ويحب صديقه عبد الرحيم ويحب يساعد الناس : اممم
د/ عبد الرحيم : تكفئ بندر وبعدين الحاله الي بعطيك اياها بسيطه انزلاق غضروفي
د/ بندر : لا مو بسيطه أكثر المرضئ يشتكون منها
د/ عبد الرحيم : الا بسيطه يعني تقدر بعد فتره بسيطه ان شاء الله تتحرك وبعدين هالحاله افضل من غيرها عندي اثنين واحد عنده شلل رباعي والثاني ضمور فالعضلات وانت بكيفك اختار الي يعجبك
د/ بندر : اوك شورك وهداية الله باخذ هالحاله
د/ عبد الرحيم : جاء يبي يتكلم لكن سكت لما سمع صوت الباب
: تفضل
دخلت النيرس : دكتور اعطيتها ابرة المهدئ
د/ عبد الرحيم : اوك شكرا تقدرين تروحين الحين
النيرس : عفوا وطلعت
د/ بندر : ابرة مهدئ لمين ؟؟
د/ عبد الرحيم : للحاله الي عندها انزلاق غضروفي لان البنج بدأ يروح مفعوله .. اقول بندر وش رايك تساعدني بترتيب هالملفات
د/ بندر : اوك .....
.................................................. .................................................. ..........................
ام خالد : قوم وديني المستشفئ
ابو خالد : يابنت الحلال لسئ بدري والزياره العصر وبعدين بنتك بالعنايه المركزه يعني ممنوع عنها الزياره
ام خالد : مالي دخل بروح يعني بروح
ابو خالد : ام خالد يالغاليه انتي ارتاحي واول مايسمحون بالزياره بوديكي لها اتفقنا
ام خالد : اوعدني
ابو خالد : اوعدك بس انتي الحين ارتاحي ونامي
ام خالد : طيب
.................................................. .................................................. ..........................
خلصت شغلها وطلعت مع السواق وراحت باسكن روبنز اشترت ايس كريمات لها ولاخواتها ولياسمين جابت لها نكهتها المفضله الي بالتوفي تموت فيها وجابت لها اثنين منه
ولما راحت البيت دخلت وكان البيت هدوووووووووووووء للغايه استغربت
وحطت الايس كريمات بالثلاجه وطلعت فوق تصحي ياسمين
فتحت غرفتها لقيت علئ السرير وحده متلحفه وراحت حنان بسرعه وتصحيها
: ياسمين يلا قومي وترمي عليها الدب الصغير بس ماصحيت راحت حنان بعدت اللحاف عنها وشافت ندئ
حنان بخوف صحت ندئ : ندئ ندئ وين ياسمين
ندئ بعصبيه : اوووووهوه علينا ياسمين وياسمين خلونا نام وفكونا
حنان : ندئ وين ياسمين
ندئ : راحت المستشفئ
حنان زاد خوفها : للييييش
ندئ : لأنها بتموت واطلعي برئ وقفلي الباب
حنان نزلت دموعها : بسم الله عليها وقفلت الباب بقوه ونزلت تحت وشافت هاني بالمجلس وكانت ملامحه مره تعبانه
حنان بدموع : وين ياسمين ؟؟ ياسمين فيها شي ؟؟
هاني : قال لها السالفه كلها
حنان تبكي اكثر : ياعمري عليها الله يشفيها متئ نروح
هاني : اذا سمحوا بالزياره بوديكم
حنان : طيب وراحت تحاول تنام لانها جدا تعبانه من المشغل لان الشغل كان كثير اليوم
.................................................. .................................................. ...........................
انتهئ البارت ادري قصير لكن سامحوني
تعبانه جداا
ان شاء الله اعوضكم بالبارت القادم