[لامارا]

الـــبـــأرت الــــثــانـــي عـــشــر .....$
مرر الاسبوع بسرعه وهذا حال احلى الايام .. مها ودعت اهلها بالدموع مثل مااستقبلتهم ... قاعده في غرفتها وتبكي .. مع انها تعودت على بعدهم بسس صعبه عليها يوم تشوفهم وترجع لها مشاعر الاشتياق والحب لهم بقووه وبسرعه يرحون عنها ..
دخل احمد بعد ما وصل اهلها للسياره .. شاف حالتها وحززن عليها .. قرب منها وصار يمسح على ظهرها عشان تهدى ..
احمد : خلاص مهاوي ما يصير الي تسوينه .. قرب منها وحضنها
كانت تستنا هالشي ورمت حالها في حضنه الي ادمنته هالايام وتحس فيه بالامان والراحه الي فقدتهم من فتره .. صارت تبيكي وتحضنه بقوه ...
احمد : يارررب كل يوم تبكي
مها وقفت فجاه بكاها وطالعت فيه :!!
احمد : عشان اللقى لي هالحضن ههههههههههههههههه
مها ضربته على صدره وبعدت عنه تمسح دموعها وتخفي ابتسامتها ... احمد يعرف كيف يغير مزاجها وحالها ينتشلها من القاع بسرعه .. وينسيها كل شي يحزنها ويتعبها ... بس حبت تدلع عليه .. لفت عنه معطيته ظهرها ومكتف ايدينها ومسويه زعلانه
احمد : اووووه زعلانه ..؟
مها تهز راسها بمعنى ايوه
احمد : وش الي يرضيك .. قالها بهمس وهو يقرب منها
مها ارتبكت منه وبداءء التوتر ومسحت حاجبها الايمن كالعاده ... ساعتها احمد ضحك ضحكه لها وقعها على قلب مها اذا سمعت ضحكته غصب عنها تبتسم ما تقدر تنكر انه سبب سعادتها
احمد وهو يقرب ويحضنها : امووووت انا على الزعلانيييين ... يلا فكيها عشان اعرف اراضيك
مها : وكيف بترضيني .؟؟
احمد : امممم .... وش رايك نطلع مع الاولاد ونروح الملاهي .. ونتعشى براا بالمرره .. !!
مها : تنهدت واخذت نفس .. احمد استغرب توقعها بتفرح وتضحك وتنط من الفرحه
احمد : وش فيك !!
مها : تعبت منك
احمد : انا !! ليش ؟؟ وش سويت ..؟
مها : ماتعرف وش سويت !!.. انت قلبت حياتي وغيرت كل شي فيني .. احيانا احس انك تقراء افكاري .. واحاول لو مرره بس اني اسعدك مثل ماانت تسعدني ...
احمد : ولـ اول مره يسمع مها تتكلم بهدوؤء ويحس كلامها نابع من القلب ... وانها بدات تبادله المشاعر .... قعد يطالع فيها من غير ما يتكلم ... اكتفى بالابتسامه
مها : امممم ومسحت على حاجبها الايمن ... شكلك ناوي تسحب علينا الطلعه والرضوه هههههههههههه
احمد : والله افكر اسحب وراي شي اهم
مها : اهم !!
احمد : قرب منها ولف ايدينه حول خصرها وقرب لها وباسها على خدها (( انتي الاهم والمهم وكل شي ))
اجل موضوع الطلعه مع الاولاد وقررو يطلعو ثاني يوم ...

صحت الصباح وما شافت احمد على السرير .. قامت ودخلت الحمام واخذت لها دش .. وطلعت تصلي صلاة الفجر .. خلصت ولبست ترنج كحلي عليه تيشرت ابيض ولمت شعرها ذيلة حصان ... راحت لغرفة اولادها تصحيهم وتجهزهم للمدرسه ... نزلت لتحت لقت احمد قاعد في الصاله مع امه رجع من الصلاة ولقى امه وقعد معاها من فتره انشغل عنها وما صار يقعد كثير معاها مثل اول ... شاف مها نزاله الدرج .. قربت من ام احمد
مها : صباح الخير .. باستها على راسها
ام احمد : صباح النور .. هلا حبيبتي اقعدي !
مها : بروح اجهز الفطور عشان الاولاد وراهم مدرسه
ام احمد : خديجه بتحط لهم الفطور تعالي اقعدي
مها : لا يمه احب اسوي الشي باايدي .. تحبو تفطرو اللحين ولا اسوي لكم قهوه !!
احمد : لا انا بفطر مع عبود ونوف عشان اخذهم للمدرسه بطريقي للشغل
مها وما كانت تدري ان احمد بيرجع لدوامه اليوم .. مر اسبوعين من زواجهم ... مستغربه استعجاله للشغل
ام احمد : شغل !! ياابني ارتاح وملحق على الشغل ..
احمد : مااقدر ياامي الايام الي ارتحت فيها بلقى الشغل كله متخربط .. كل يوم يجيني اتصال ومشاكل بروح اشوف شغلي واريح راسي
مها استاذنت وراحت للمطبخ
ام احمد : واخوك عبدالرحمن وناصر !! ليش ما يمشون الشغل على ما ترتاح وتقعد مع زوجت اقل شي شهر !!
احمد ويحاول يغطي على اخوانه عبدالرحمن الي مهمل الشغل من كثر السفريات الي يسافرها كل شهرين وناصر واهماله وتهربه من الشغل وكل شي يطيح على راس احمد ... ما قدر يتحمل تدهور اسم شركة ابوه الي تعب سنين على ما بناء لهم هالاسم والقوه في وسط السوق المالي .. وبنفس الوقت مايبغى امه تدري عن اهمال اخوانه
احمد : ياامي كل واحد له شغله بالشركه وهالايام الشغل كثير ما يقدرو عليه لحالهم لازم نكون نحنا الثلاثه موجودين ونساند بعض
ام احمد اكتفت بهز راسها مع انها مو مقتنعه ... نزلت نوف وعبود وهم شايلين شنطهم ... قام احمد وراح معاهم لغرفة الطعام وشافو الاكل على السفره .. قعدو يفطرو .. جت مها وحطت الحليب الدافي ل نوف وعبود .. وصبت كاسة شاي ل احمد ,, وهي اكتفت انها تشرب شاي وقعدت معاهم الين خلصو فطورهم ... طلعو ومها رجعت لغرفة اولادها تشوف ليان
لقتها نايمه ورجعت لجناحها .. ونامت الين الساعه 10 ... قامت ونزلت تحت ما شافت ام احمد ولقت ليان قاعده تلعب بالصاله ومعاها المربيه ... دخلت المطبخ وبدات تمارس هوايتها بالطبخ سوت حلى بارد وعملت نوعين سلطه وحطت الدجاج بالفرن بصينيه وعملت صينيه ثانيه خضار وطبخت رز بالزعفران خلصت من الطبخ وطلعت لفوق تاخذ دش وغيرت ملابسها الساعه 1 دخلت نوف وعبود للبيت حطت الغذاء ل اولادها عشان تقدر تقعد معاهم شوي قبل لا يرجع احمد الي كلمها وقال لها انه بيرجع المغرب ... طلعت العصر من غرفة اولادها راحت جناحها صلت العصر ولبست تنوره لونها بني توصل الين تحت الركبه وعليها بلوزه لونها بيج عليها رسومات باللون الذهبي ولمت شعرها بطريقه رسميه ونزلت تحت تسوي القهوه وحلى السينابون وطلعت للصاله لقت ام احمد قاعده تسبح بسبحتها ... قعدت تتقهوى معاها ويسولفو .. قعدت ام احمد تحكي مها عن قصصها زمان وعن ابو احمد .. وان احمد الوحيد الي طالع على ابوه بالشكل والطبع ... وتحكيها عن شقاوته وهو صغير ... ومها تضحك ومبسوطه انها بدات تعرف اشياء عن احمد ... دخل البيت ووصله صوت ضحكتها ... بدات الابتسامه تغزو وجهه حسس بالاشتياق لها اليوم على كثر الشغل بس ما قدر يشيلها من باله ... دخل وما حسو عليه وقعد يطالع فيهم وهم يسولفو ويضحكوو وانهبل وهو يشوف مها ماخذه راحتها بالكلام والضحك ..... ما حس على امه وهي ترحب فيه وتكلمه وهو عينه على مها ...ما صحى الا على حركتها الي صار يعرفهاا وحافظها مسحت حاجبها استحت من تعلق عيونه عليها وانه مايرد على امه وهي تكلمه
ضحكت ام احمد : هههههههههههههه اكلمك ما ترد علي الي ماخذ عقلك يتهنا به ههههههههه
احمد قرب من امه وقعد جنبها ومسك ايدها وباسها : محد ماخذ عقلي غيرك يالغاليه
ام احمد : اي هيين ههههههههههههه
احمد : هههههههههههههه ليكون مو مصدقه ويمثل العصبيه
ام احمد : يا ولد لا تلعب علي ... بتاكلها بعيونك خف على البنت شووف كيف شكلها من الحياءء هههههههههههه
احمد : ما ذبحني غير حياها ... قال هالكلام بهمممس ما قدرت امه تفهم وش يقول
ام احمد : وش تقول انت !!
احمد : اقول يمه ابغى اتزوج
ام احمد ومها !!!!!! مها نست حيائهاا وطالعت فيه وهيى مصدومه من كلامه
مها : نعم !!
احمد : نعم الله عليك ,, قلت بتزوج ... ريح جسمه على الكنبه وحط راسه على رجول امه
مها : رفعت حاجب ولفت براسها : تزوج منو بيمنعك !!
ام احمد وتعرف ولدها واسلوبه ما حبت تتدخل فضلت انها تكون متفرجه على الي يصير
احمد : يلا يمه من بكره اخطبي لي
مها طالعت فيه وفاتحت فمها : خيرررررررر وش فيك انت ؟؟
احمد من غير لا يطالع فيها خاف انه يضحك على شكلها : ما فيني شي الشرع حلل لي اربع
مها : وناوي على الاربع ان شاء الله ؟؟
احمد : امممممم افكر يمكن الثانيه ما تخليني اتزوج الثالثه خلي الامور بظروفها (( احمد نفسسسه يشووف ملامح وجهها ))
مها سكتت ولفت براسها وقررت ما ترد عليه .. ام احمد كانت تمسح على راس ولدها يوم شافت مها زعلت شدة شعره
احمد : اااي .. يمه وش فيك علي !!
ام احمد : اركددد .. عكرت مزاج البنت وتوها مبسوطه وتضحك وجيت انت ونكدت عليها ههههههههههههه
احمد قرر يطالع في مها ويشوف تاثير مزحة عليها .. شافها زعلانه .. ههههههههههههه اموت على ملامحها يوم تزعل
احمد : زعلانه يا مهاووي !!
مها ما ترد عليه وتشرب قهوتها
احمد : ليش ما تردي علي يا دوووبا
مها شهقت : انا دوبا !! وتاشر على نفسها وعيونها طلعت لبراءء
احمد ما قدر يتحمل شكلها : ههههههههههههههههههههههههه هههههههههههههههههههههه
ام احمد : الله يلعن ابليسك بتجلط البنت ههههههههههههههههههههه
احمد ويمسح دمعه نزلت من كثر الضحك ... مها كملت زعلها ولفت براسها عنه .. بدات تهز رجلها من التوتر (( وش فيه علي اليوم .. المفروض يرجع من شغله مشتاق لي .. يقول لي كلام حلو .... ماغير يقهرننني !!!))
احمد شافها تهز رجلها عرف انه زودها شووي او يمكن كثير ههههههههههههههه
قام من حضن امه وراح لها مانتبهت له الا يوم سحبها من ايدها ووقفها ومسك ايدها ومشا
احمد : بطلع اريح ياامي وانزل اتقهوى معاك
ام احمد : الله معك ههههههههههههه
تمشي معاه وهو ماسك ايدها ويسحبها عشان تطلع معاه ... وصلو للجناح ... دخلها غرفة النوم ساعتها فكت ايدها منه وراحت تقعد على الكرسي
احمد :زعلانه ؟؟
مها ما ترد ... احمد يكمل كلامه : ليش ايش سويت عشان تزعلي ... مسوي نفسها طالع منها وانه ما قال شي هههههههه
مها : لا ما سويت شي انت .. اجل بتتزوج هاه وبكره امك تخطب لك !! ضغطت على شفايها خافت تعصب اكثر وتغلط بالكلام
احمد ابتسم ابتسامته الجانبيه وقرب منها : تغارين علي ؟؟
مها حست على نفسها وفهمت انه يسوي هالاشياء عشان يطلع منها مشاعرها تجاهه ... رفعت ايدها عشان تمسح حاجبها بس كان احمد اسرع منها ومسك ايدها وسحبها لحضنه
احمد : ليش انتي بخيله !!
مها : انا ؟
احمد : ايوه انتي .. من يوم تزوجنا ما قلتي لي كلمه حلوه !! مااستاهل يعني ؟؟
مها بلعت ريقها وما عرفت ترد ..
مها : انا .... يعني انت ما فهمت علي ... اممم .. >> ماعرفت ترد عليه (( ليش ما يفهم اني استحي وصعبه اتجراء واقول له كلام حب .. لا يَ مها لا تكذبي على نفسك انتي مسويه حاجر بينك وبين مشاعرك تحبسي مشاعرك ما تبغي احد يعرفها .. تحسين انها سبب ضعفك .. بس ايش ذنب احمد .. ما قصر معاي بشي .. حنون وطيب . .. ))
احمد شافها سرحانه .. واستغرب (( كل هذا تفكير عشان طلبت منها كلمه حلوه .. لهدرجه صعب الموضوع ..؟ معقول يَ مها ما تحسين بشي تجاههي !! معقول ما تحبيني !! وحساباتي طلعت غلط !! ... قلت اذا تزوجتها راح اخليها تحبني وتنسى فهد .. لان النسيان نعمه من ربي .. معقوول باقي تحب فهد ومو قادره تحبني ؟!؟!؟! .... احمد حسس بالضيق لمجرد انه فكر بهالششي ....
مها حسست بايده تضغط على خصرها وطالعت فيه ... شافت ملامح وجه جامده وتغيرت نبرة صوته فجاااه
احمد : انزلي تحت بغير ملابسي وبنزل !!
قال هالكلام وراح عنها ودخل الحمام ... مها وقفت مصدومه من تغيرر مزاجه فجااه .. حست بالضيق لانها توقعت انه بيرجع مشتاق لها مثل مااهي اشتاقت له اليوم اول يوم يبعد عنها وتحس يومها ماله طعم ... نزلت تحت وقعدت مع ام احمد ..
بعد وقت شافت احمد نازل لابس شورت اسود وتيشرت ازرق وشايل ليان ويضحك معاها وهي طايره من الفرحه
قعد عند امه
احمد : يلا بووسه ليونه ... عشان اعطيك حلاوه
ليان تبوسه وهيى تضحك فرحانه بيعطيها حلاوه
احمد ويمثل الزعل : لا ابغى بوسسه اكبر
ليان تبوسسسه بقوه كل لعيون الحلاوه ههههههههههه
احمد ويكتم ضحكته : لا هذي البوسه مو قويه ابغى اقووواااااااا
ليان وصبرها بداء ينفد مسكت احمد من شعره وباسسسسته بقوووووه .... واحمد يضححححك عليها
طالعت فيه : حلاس ( يعني خلاص )
احمد : لالالا هذي البوسه مو كبيره
ليان وطفشت منه نزلت من حضنه وهو يضحك على ملامحها وهي زعلانه
احمد : ههههههههههههههههههههههههه تعالي خلاص خذ الحلاوه
رجعت ليان وهي فرحانه : وينها الحلاوه !!
احمد : اول شي بوسه هههههههههههههه
ام احمد : يا ويلي ذليتها على الحلاوه ما صارت ههههههههههه
ام احمد : تعالي انا اعطيك حلاوه ما عليك منه
ليان : لا انا بغى حلاوت بابا
مها حسسست بوجع بس وجع نفسسي ماعرفت تحزن ولا تفرح (( تحزن على بنتها الي ماعرفت ابوها )) ولا تفرح ان احمد قدر يقرب من ليان لدرجة صارت تناديه (( بابا )) ......
احمد يصارع نفسه بالافكار ..(( باقي ما نست فهد .. مجرد ما سمعت ليان تقول بابا انقلب حالها ... اجل الي في بالي صحيح باقي تحب فهد .. طيب وانا !! .. انا الي جنيت على نفسي انا الي استاهل .. قلبي حبها وعشقها وهي مو حاسه فيني معقول ؟))
مها قامت تصب قهوه ل احمد مدت الفنجان ل احمد وهو سرحان مو شايفها
مها : احمد !!
احمد انتبه لها واخذ الفنجان منها من غير ما يطالع فيها .. حطت صحن الحلى عند احمد ولاحظة انه ما رفع عينه عن الارض !!
مو قادره افهم تقلب مزاج هالانسان يكون مبسووط وفرحان وفجاه ينقلب حاله !!
اذن العشاء راحت ام احمد تصلي في غرفتها ... احمد حط الفنجان وقام طلع فوق يغير ملابس عشان يروح يصلي
مها رتبت امور العشاء .. طلعت لاولادها الي تعشو من بدري .. وغيرت لهم بجايمهم ونامو ..
نزلت ما شافت احد .. راحت ل ام احمد للغرفه .. سالتها اذا تحط لها عشاء او لا ..
ام احمد : لا ي! بنتي قلت ل خديجه تجيب كاسة لبن اشربها وانام .. روحي انتي شوفي احمد
طلعت مها من عندها .. شافت احمد راجع من الصلاه .. ابتسمت له .. ما شافت اي رد منه !!
مها : احط لك العشاء ؟
احمد : لا ... مشا وطلع للجناح .. ترك مها في حيرتها وصدمتها من تصرفاته
مها (( ياربي احسس اني بتجنن ... وش فيه متغير ابغى افهم ...))
طلعت للجناح لقته فتح ال تي في ومتابع بااهتمام .. دخلت غرفة النوم واخذت لها قميص ستان لونه ابيض موديله اسباني من قدام قصير ومن وراء يكون اطول والظهر مفتوح وعليه خيوط بشكل x لبست شبشب ابيض تركت شعرها مفتوح بعد ما رتبت غرتها حطت كحل لعيونها باللون الابيض ... وروج احمر تعطرت ودهنت ايدينها ورجلينها باللوشن بريحة الفراوله ... طلعت للصاله شافت قاعد ومتابع للبرنامج لدرجة ما طالع فيها !!!
راحت للمطبخ عشان تعمل له عصير فرش عشان يروق اعصابه يمكن تعبان من الشغل او في شي مكدر خاطره !!
احمد متابع للبرنامج ومايدري ايش هو البرنامج ومو فاهم اي كلمه من الي ينقال !!... كل تفكيره في مها .. وخوفه انه يفششلل .. ما طلبت الكثير بس ابغاها تحبني وتبادلني بالمشاعرر .. شافها وهي جايه وشايله الصينيه وفيها كاستين عصير برتقال .. حطت العصير وقعدت في نفس الكنبه .. شالت الكاسه ومدتها ل احمد اخذها من غير ما يطالع فيها او ينطق بكلمه ...
مها : احمد
احمد : نعم !!
مها : وش فيك ؟
احمد : مافيني شي
مها : متاكد ؟
احمد طالع فيها .. ول اول مره مها تحسس انها مشتاقه لعيونه ... ابتسمت له ومسكت ايده وحضنتها بين كفيها
مها : احمد انت ليش متضايق !!
احمد حسس بالرعششه تسري بجسده من لمست ايدينها ... اليوم هذا من اوله تعب في تعب ... مو قادر يتحمل يتحمل اي شي الا انه يعرف ان مها ما تحب او انها لسسه تحب ابو عيالها فهد .. كان متاكد انه بيضيع لو صار هالشي ... سحب ايده من حضن كفوفها ... وريح جسمه على الكنبه وحط راسه على فخدها ... ريحتها تدووخ حس نفسه بداءء يضعف ... غمض عيونه يمكن يهدا ولا يتهووور ... لازم ما ينجرف بمشاعره الين يتاكد من الي يدور في راسه
مها توترت بس بنفس الوقت فرحت لمجرد هالتواصل الجسدي البسيط ... ببساطه ادمنت وجوده وكلامه وضحكته ولمسته وحضنه وكل شي فيه ... مسحت على شعره ... ونزلت راسها الين راسه وباست جبينه ... احمد جسسسمه تصلب .. ل اول مره مها تتجراءء وتبادر بشي منها ... فتح عيونه وطالع فيها
احمد : مها
مها : عيونها
احمممد حسسس نفسسه طاير من الفرحه ... سبحان الله قبل شوي الدنيا مقفله في وجه وبكلمه قدرت تفتحها
احمد : ليش رضيتي تتزوجيني !!
مها : امممم .. تقدر تقول اني اقتنعت بكلامك لي
احمد : واللحين راضيه انك تزوجتيني ولا ندمانه !؟؟

نهاية البأرت ....$