؛؛............ البـــــــ9ـــــــــــات .........؛؛
سلطان بضيق : و انتي ناسيه انها اختي ؟... تبيني اهدم حياتها بيدي
نورة بعدم مبالة : عيل هيه ما حرام عليها اللي تسويه بها اليتيم
سلطان : ما ادري شسوووي
نورة بدون نفس : ما عليك من حد دام السالفه راح تنفعنا حنا ما علينا من غيرنا .....
توها تدخل شوق : مرحبااااااااااااااااااااا
سلطان وهوه يشوف شوق : كم مره نقولج قولي السلام عليكم
شوق بابتسامة : عديها يبه ما ادري انك هنا و لا ما قلت
سلطان وهوه ينظرها بعتاب : يا سلام ! ....
و دخل محمد وهوه يقول : يبه
سلطان التفت عليه و قال : هاه يبه شفيك ؟
محمد قال بسرعة : يبه ابي السيارة اشوي
سلطان بستغراب : ليش ؟.. وين تبي تروح
محمد : ابي اطلع مع الربع و سيارتي في الجراج
نورة بعصبيه : شفيها بعد
محمد : ماكووووو مشكله بسيطه و المغرب بجيبها
شوق وهيه تناظر في اخوها : كذاااااااااااااااااااب
محمد التف ع شوق و عطها نظره و قال : نعم !
شوق قالت بسرعه : كذاب يبه عطاها و احد من ربعه انا بروحي شيفته لما يعطيه الولد فلوس و هوه يعطيه مفاتيح السيارة
نورة وهيه عاقدة حواجبها : صدق !
سلطان : صدق اللي قلته اختك !
محمد وهوه يعطي شوق نظره شر: لا يبه ... انتو تصدقون ها الكذابه ... كل السالفه اني عطيت رفيجي السيارة علشان يخذها للجراج لا اني كنت تعبان اشوي
و توه يمر من جمبهم مازن قال ع طول : السلام عليكم ...
الكل : و عليكم السلام
مازن وهوه يلبس الكاب : مع السلامة
سلطان قال بصوت عالي : هاااي هاي تعال
مازن : يس بابي
سلطان بطنازة : ع ووين يا روح بابي انت ؟ وين رايح
مازن : ماكووو بس رايح المول و راجع بعد نص ساعه
شوق بطنازة : قول بعد اذان الفير بنص ساعه
مازن بدون نفس : اس اس اس ، يا شين القافه
سلطان : انا لله ..... ( التفت ع نورة و قال ) شفيهم عيالج ذلا !؟
محمد بستعجال : يا الله يبه بسرعه
سلطان بشويه عصبيه : روح بتحصل مفتاح السيارة بدار
محمد وهوه يبوس راس ابوه : مشكووووووووور يا الغالي ......يا الله سلااااااام ( و راح بستعجال )
سلطان التفت ع مازن : و انت لك نص ساعه و ان تاخرت ياويلك
مازن وهوه يطلع و يقول : يبه خلها ساعه و نص ..... سلام ( و طلع ع طول )
سلطان وهوه يتنهد : انا لله .....
محمد \ العمر 22 سنة ، طالب في كليه التقنيه ، شاب في مكتمل العمر ، وسيم و انيق و كل الكشخه و الرزه فيه ....
شوق \ العمر 17 سنة ، طالبه في المدرسه صف 11\ ملامحها هادية \ و في نفس الوقت تحس انها شريره \ جميله و انقة و دلوعه
مازن\ العمر 19سنة ، طالب في كلية السياحه سنة اولا \ ما يقل جمال من اخونه و طالع ع ابوة في الشكل
شروق\العمر 21 سنة ، متزوجه من ولد خالتها\ الكل يشهد بجمالها الفتان \ اجمل وحده من خوانها .... و عدها بنوته صغيرة اسمها رغد ....^_^
سلطان سكت و هوه سرحان .....
شوق وهيه تتكلم بصوط واطي : يمه!
نورة(ام محمد) و هيه تشوف التلفزيون : شفيج ؟
شوق وهيه تاشر ع ابوها : يمه شفية ابوي ؟... سكت فجئه
نورة وهيه تطالع في سلطان و تقول : بو محمد
سلطان للحين سرحان و ما يتحرك
نورة بصوت اعلى اشوي : سلطااااااااااان
شوق بصوت عالي : يبه !
سلطان بدون لا يرفع عيونه ع الارض قال : همممممم
نورة : شفيك! بشوف سرحان
سلطان تنهد تنهيدة طويله وهوه يرفع انظاره لمستوى نورة و يقول : افكر
نورة باهتمام : بشو؟
سلطان باهتمام : بولد عبد العزيز
نور التفتت ع شوق و قالت لها : شوق روحي شوفي التلفزيون بدارج
شوق وهيه تقوم : ان شاء الله ..........( و راحت )
نورة بتنهيدة بعد ما طلعت شوق قالت : شفية بعد ؟
سلطان بضيق: نورة الولد يتيم لا الام و الاب .... و ما عنده حد بها الدنيا .... اذا انا وقفت مع بسمة و قلت الكلام اللي قالته و شهدت عليه و ظلمته بدنيته ..... وش بيصير له ؟
نورة تنهدت و قالت بسرعه : وش بيصير! ما بيصير له شي وش بيصير يعني ، لا بيموت من اليوع و لا شي ، با العكس راح يعيش افضل من العيشه اللي عيشنها مع اختك النسرة
سلطان وهوه يسند راسه للغنفه و ينظر الصقف : ما اقدر اسوي اللي تبيه بسمة .... انا من ذيج المره و انا حاس اني ظلمته ... كيف عاد لو سويت ها الشي .. ما اقدر ما اقدر .... و بعدين انا عندي عيال و اخاف عليهم من ظلم ها الزمان القاسي .... ها الزمن اللي ما يرحم .....( و نظر في نورة و قال بضيق ) تخيلي لو انا غمضت عيني عن ها الدنيا و انتي بعد و تشتتو عيالي و دارت فيهم الدنيا و صار لهم مثل ما يصير لها اليتيم
نورة بخوف و هيه عاقدة حواجبها : وي اسم الله علي و ع عيالي ..... لا تيلس تتفاول علينا
سلطان بتنهديه : شفتي كيف ..... و تراه دعوت المظلووووم مو هيه اي دعوة يا نورة و اخاف حوبات ها الولد ها اليتيم ما تتخطانا .....
نورة وهيه مبطله عيونها : حوباتة !
سلطان : شو ع بالج انتي ؟.. يعني لو انتي الحين حد ظلماج ما بتدعين عليه و تتحسبين عليه
نورة قالت بسرعه و هيه معصبيه : لا تيلس تظرب امثالك علي ....... انت و اختك تنيازون
سلطان بضيق: انا بروح اسلم ع عبد الله اما اني اظلم الولد لا حشا مني مسونها ......
نورة بحسرة : بســ
قطعها سلطان : لا بس و لا حاجه ماني ماخذ فلس واحد منها
نورة رفعت حواجبها و قالت بدون نفس : خلاص عيل .... روح و سلم قول لعبد الله انك تبي سلف منه ... و اكد عليه انه ما يقول لها العقربه شي .... و جذيه بنخذ الفلوس بدون لا تتبلا ع الولد و لا تحس انك ظلمت حد
سلطان : بسـ
قطعته نورة : لا بس و لا حاجه يا جية يا انك تسير تسوي اللي قالت عليه اختك هذي
------------------------------
المغرب
في الغرفه .....
ام نجد وهيه واقفه جمب عبد الله و تنادية : عبد الله عبد الله
ابو نجد وهوه يلتف صوبها : شفيج ؟
ام نجد : قوم كاهو اذن
ابو نجد بدون نفس: اسمعه ماني اصمخ
ام نجد وهيه تشغل اللتات : كيف ما رقدت
ابو نجد وهو يعدل يلسته : لا
ام نجد وهيه تيلس جمبه : وليش ؟
ابو نجد : ما قدرت ارقد كنت افكر في طلال
ام نجد لوت بوزها و هيه تقول بقلت صبر : قوم قوم بتصلي و الحين بيجي اخوي
ابو نجد بعدم مبلاة : وش يجيبة ؟
ام نجد وهيه تقول بتاكيد : يتحمد لك بسلامة
ابو نجد وهوه ينزل من ع السرير : و الله ما خبري فيه يجي غير قبل روحتي بنص ساعه بعد ذاك اذا جاني
ام نجد وهيه تقول بطرف نفسها : لا انه السوالف اللي معاه ما تتاجل و لا ثانيه و لزم الواحد يحط لها حل .... و لا راح تطور الامور
ابو نجد التفت لها و قال وهوه عاقد حواجبه : عن شو تتكلمين انتي ، بشو تخربطين ؟
ام نجد بدون نفس : بتعرف كل شي بوقته
ابو نجد تنهد و دخل الحمام ( اكرمكم الله ) و لما طلع ما حصل بسمة في الدار .... تلبس و نزل ع طول و طلع برع .... و راح صوب الملحق
دق الباب و بعد اشوي
طلال بصوت منبح : من
ابو نجد : انا يبوك افتح
طلال ع طول فتح الباب و حب عمه ع راسه : مرحبابك يا عمي
ابو نجد بابتسامه وهوه يشوف ملابس طلال : لك خمس ثوني تلبس علشان نروح للمسيد يا الله بسرعه
طلال بابتسامة خفيفه : عطني ثانيه بس ...........( و دخل )
و( ابو نجد ) عبد الله كان ينتظره عند باب الملحق ....
بعد فتره قصيرة طلع طلال و راحو المسيد
عبد الله ( عم طلال ) : خبرني عنك وش اخبارك بعد ؟
طلال بابتسامة : بخير و نشكر الله
عبد الله : الحمد لله يارب ....( و حوط كتف طلال بايدة و قال بابتسامة ) وكيف المدرسه وياك ؟
طلال بابتسامة و هوه يحس انه الدنيا مو وسعتنه من الفرحه باهتمام عمه الدايم له : مرة تمام .... تدري بولدك من المتفوقين
عبد الله يلعب بشعر طلال : الله يحرسك و يوفقك يا ولدي ... ( و قال بنبرة حزن ) كنت اتمنى لو انه عندي ولد يكون سندي و ظهري بها الدنيا ... بس الحمد لله انه الله عطاني ها الهديه و عوضني فيك ... عطاني انت يا طلال اللي صرت لي اغلى و اعز من ولدي ... ( ابتسم بكل فخر و قال ) بارك الله فيك
طلال اللي كان يسمع كلام عمه بكل فخر و فرحه و حزن و كل المشاعر اختلطت عليه .. و خنقته العبرة ...
كمل عبد الله بحنان و حب : ابيك يا ولدي تشيلني و تشيل امك و اختك .......و صدقني يا ولدي تراه خالتك تحبك و تعتبرك مثل ولدها ... بس هيه طبعها كذا ... ما تعرف تظهر مشعرها ..... ابيك ياولدي تتحملها و تتحمل تصرفاتها و تصبر عليها و لا تشيل بقلبك كره اتجاههن ... ابيك تكون لهن ذخر و سند اذا غمضت عيوني عن ها الدنيا
طلال بصوت واطي و حزن : الله يطول بعمرك يا يبة و يخليك لنا
عبد الله وهوه يربت ع كتف طلال : يا الله يبوك ادخل ..........( و دخلو المسيد )
...........................
نجد : و عليكم السلام
سلطان بابتسامة : شخباااااااار نجود ؟
نجد بابتسامة صغيرة : بخير .... شخبارك انت
سلطان وهوه يمسح ع شعر نجد : دام بن اختي بخير انا وش بيكون حالي اكيد بخير ........
ام نجد بصراخ : نجووووووووووود من عند الباب
نجد بنفس صوت امها : خاااااااااااااالي يمة
سلطان وهوه يتجه لصالة : و متى وصل ابوج؟
نجد بابتسامة واسعه : اليوم العصر
سلطان : وش اخبارة
نجد : مرررررررررررررة تماااااااااااااااااام
ام نجد وهيه تقوم : سلطيييييييييين
سلطان وهوه يسير يسلم عليها : شخبارج يا اختي
ام نجد وهيه تسلم عليه و تقول بسرعة : ابخير ابخير .... ( التفتت ع نجد ) نجود روحي غرفتج
نجد وهيه تيلس ع الغنفه و تخلي ريل ع ريل : مابي
ام نجد بعصبيه و صراخ : نجووووووووود و يهد يهد حيلج ... اقولج روحي تقوليلي مابي
سلطان قال بهداوة : بسمة اشوي اشوي
نجد بضيج : ملل هناك .... شووو اسير اسوي هنك؟
سلطان بهدواء : نجود حبيبتي روحي دارج ابي امج بسالفه
نجد عطت امها و خالها نظره و بعدها طلعت بضيق و بدون نفس
ام نجد بعصبية و صوت عالي : شوف بعد كيف تسوووي مسودت الويه
سلطان وهوه يلس و يتنهد : شفيج عليها ؟.... تراه ما محتاج ها الصريخ و العصبيه كلها
؛؛--------- يتــــــــــــابع---------؛؛
|