؛؛............ البـــــــ10ـــــــــــات .........؛؛
نجد عطت امها و خالها نظره و بعدها طلعت بضيق
ام نجد بعصبية و صوت عالي : شوف بعد كيف تسوووي
سلطان وهوه يلس : شفيج عليها ؟.... تراه ما محتاج ها الصريخ و العصبيه كلها
ام نجد وهيه تيلس و تقول بعصبية : ما تشوفها كيف تناظر
سلطان ببرود وهوه يلس : شفيها ... خليها تناظر ع كيفها ...
ام نجد بدون نفس : خلنا من سالفتها الحين ... اسمع ( و تكلمت بجديه ,واضحه ) الحين بيوصل عبد الله و ابيك تيلس معاه و تقوله كل شي و اذا ما صدق كلامك احلف لة .... سو اي شي علشان يصدقك فاهم !
سلطان تنهد وهوه يسند ظهره ع الغنفه بدون لا يعلق
ام نجد وهيه تكمل كلامها بشر و بجديه : ابيك تتكلم و تقول كل شي و اذا تبي زيد با الكلام .... ابيه يصدقك .... ابيه ينصدم .... ابيه ينصعق ..... فاهم علي .... تراه معتمدة ع الله ثم عليك ياخوي ... انت تدري ما عندي حد في ها الدنيا غيرك انت .... لا تخذلني ياخوك و لا تتخلى عني .. تراه و الله ما عاد فيني اتحمل
سلطان غمض عيونه فتره و فتحها و قال بهدوء: بسمة
ام نجد بصوت هادي و حنان الاخوة : اسمع انا بعطيك كل اللي تبيه من الالف للياء ... بعطيك كل اللي تطلبه .... ما راح ابخل عليك بشي .... اسمع حتى بعطيك شي ما تتوقعه ....بس انت اطلب و تدلل .... و اللي تبيه بيكون بين ايدك
سلطان بنتهيدة و قال بصوت عالي اشوي : بسمة !
ام نجد وهيه تحاول تطمن اخوها و تكمل كلامها : و صدقني يا سلطان اي شي تطلبه مني الحين و لا بعدين راح اعطيك اياه و بدون اي مقابل ... ( و قالت بضيق و تعب و هم ) بس تكفى كون معاي و لا تكون ضدي .... تراه و الله تعبت خلاص ما عاد فيني اتحمل اكثر من كذا ... خلاص بمووووت من ها الحال
سلطان بصوت عالي اشوي : بسمة اسمعيني اشوي تكفين
بسمة انتبهت لخوها و قالت بستغراب: شووو
سلطان وهوه عاقد حواجبه : بسمة ابيج تفكرين بعقلج .... تدري هذا الولد يتيم و ماله حد غيركم مالة حد في ها الدنيا غير عمة ... ماله لا خاله و لا عم و لا عمه
بسمة بانفعال و عصبية كبيرة : قلعته و انا وش ذنبي علشان اتحمل ها الشقاء قولي شذنبي ؟
سلطان بهدواء : بسمة اسمعيني ..... صدقيني ها الولد راح ينفعج لما تكبرين .. تدرين شوو تبنيه عامليه ع انه ولدج
بسمة وهيه عاقدة حواجبها و تقول من بين اسنانها : و انت ع بالك ما حولت !.... عمر ذيل الكلب ما يعتدل ..... كل ما اجيه من درب يروح لي من درب ثاني ... كل ما اقول شي يقول شي ثاني .... كل ما اسوي شي .. هوه يسوي شي ثاني ..... هذا الولد يكرهني تعرف شو معنى يكرهني ! و يحقد علي انا و بنتي و انا ما مستعدة اربي لي واحد حاقد علي و ع ولادي مثلة ...........( و قالت بصوت عالي و عصبيه كبيرة و صراخ ) و بعدين تعال هنيه ليش تقولي ها الكلام بعد ما عرفت كل شي عنه و عن اللي يسويه .....
سلطان بضيق : ابيج تفكرين قبل لا تندمين ع شي
بسمة بدون نفس : تطمن ما راح اندم ع شي ... بس ابي وقفتك معاي
سلطان بترد: اا ا انا يا بسمة ما اقدر اسوي ها الشي
بسمة وهيه عاقدة حواجبها بقوة و قالت بكل غيض و عصبية : نعم نعم نعم ! شقلت ؟.... عيد اللي قلته ما سمعت ؟
سلطان تنهد تنهيدة طويله
و كملت بسمة و هيه تقول بعصبيه كبيرة : الحين ياي تقولي ما تقدر ! ..... لا راح تقدر و مو برضاك غصب عنك بعد .... سامع و لا مو سامع .... مو بكيفك اصلا
--------------------...........-------------------
طلال بابتسامة : عمي اسمحلي
ابو نجد : شفيك يا طلال
طلال وهوه يشوف الحرمة العجوز و ياشر صوبها : بروح اساعد ها الحرمة
ابو نجد وهوه يشوف من وين ياشر طلال و بعدها قال بابتسامة : بارك الله فيك ، روح ساعدها يا يبه رووح
طلال ع طول راح بتجاه الحرمة العجوز
طلال بابتسامة : السلام عليكم
التفتت العجوز له و بعد ما شافت ملامحه بتمعن قالت بابتسامة : هذا انت ! و عليكم السلام ياولدي
طلال وهوه ياشر ع الاكياس : خليني اشيلهن عنج
العجوز وهيه تعطيه الاكياس : الله يبارك فيك ، مشكور يابوك
طلال بابتسامة وهوه ياخذ الاكياس : لا شكر ع واجد يا خالتي
العجوز و هيه تضحك : ههههههـ خالتك ههههههـ يابوك انا وش كبري قولي يدوة
طلال بمرح : افا ... انتي مو من كبرج ... اللي يشوفج يعطيح اممممممـ30 سنه
العجوز وهيه تمشي مع طلال و تضحك : هههههههـ الله و اكبر .. الحين انا مخلصه الدهر و ريل با القبر تقول عمري 30 ... يا العيار
طلال بابتسامة : الله يطول بعمرج و يخليج
العجوز بابتسامة : الا ما قلت لي يمه ... انت شو اسمك ؟...
طلال التفت عليها و قال : طلال عبد العزيز
العجوز بابتسامة : عاشت الاسامي ... ( و قالت بحزن ) ... اسمك مثل اسم ولد ولدي المتوفي
طلال رحمهاا و قال بنبرت حزن : الله يرحمه يارب
العجوز بابتسامة وهيه تخافي كل ملامح الحزن و قالت : امين .....
طلال بمرح : و انتي يا يدوة وش اسمج ؟
العجوز : يعني وحده عجوز من اسمها بالله عليك حوريه و لا رغد هههههههـ اسمي مريم
طلال التفت عليها و قال : مريم !
العجوز : هيه مريم
طلال بابتسامة خفيفه : مثل اسم امي
العجوز : امك اسمها مريم بعد
طلال : هيه
العجوز بمرح : اكيد ميننه فيك مثل ما يقول ولدي كل اللي اسمهم مريم صداع راس ، و حنه ع الفاضي
طلال ابتسم بحزن و قال : ياليتها كانت معاي و ميننه فيني و مصدعه راسي .... و الله لشيلها و احوفها حووف و اخليها في عيوني
العجوز : ليش هيه وين ؟
طلال بحزن : متوفيه الله يرحمها يارب
العجوز سكتت اشوي و قالت بشويه ندم : الله يرحمها و يغمد روحها الجنه
طلال بصوت واطي : امين يارب
العجوز بحنيه : و متى متوفية ؟
طلال بتنهيدة : من زمن ... من لما كنت اانا عمري 7 سنين يعني من اول ابتدائي
العجوز وهيه تربت ع ايد طلال بحنان : الله يرحمها يارب .... لا تضايق و انا امك ، تراه الكل ع ها الدرب رايح ، ماحد منا مخلد الكل راح يموت و يرتاح من ها الدنيا و همها
----------------------
عبد الله وهوه يدخل الصالة قال : السلام عليكم
بسمة و سلطان التفتو عليه : و عليكم السلام
سلطان راح و سلم ع عبد الله و تحمد له با السلامة
سلطان بابتسامة : و شخبارك ياريال
عبد الله رد له الابتسامة : الحمد لله نشكر الله .....تفضل استريح يابو محمد
سلطان وهوه يلس مع عبد الله : عدوك الريح ....
بسمة وهوه تعطي سلطان تظرات حارة و تقول : انا بسير اصلح لكم القهوة و الفوالة .......( و راحت )
عبد الله : شخبارك انت و ش اخبار عيالك
سلطان : الحمد لله ....( و سكت اشوي )
عبد الله : و كيف الشغل و ياك ؟
سلطان : و الله الشغل يابوك ما تاكل عيش الحين .. الواحد لشو و لا لشو يلحق .. المعاشت هيا هيا و السوق لبقة نار
عبد الله : الله كريم ....هذي هيه حال الدنيا اليوم بعد وش بنسوي ... الا ولدك محمد ما يشتغل
ابو محمد ( سلطان ) : لا هوه للحين يدرس
عبد الله : اهااا في شو يدرس ؟
ابو محمد : في التقنية ...
عبد الله : الله يوفقة يارب ....
ابو محمد : امين يارب
و سكت سلطان و ما تكلم و عبد الله كان يحوس بين القنوات و بعدها التفت ع سلطان اللي كان شكله متوتر و متخسبج
عبد الله وهوه رافع حواجبه و يقول : سلطان
التفت سلطان ع عبد الله بسرعة و قال : نعم !
عبد الله : شفيك ! ....
سلطان بتوتر : ما فيني شي
عبد الله وهوه يتذكر كلام بسمة انه سلطان راح يقوله شي : عندك كلام تبي تقولة !........
سلطان وهوه يشوف عبد الله
عبد الله : شفيك ياريال ... تبي تقول شي ..
سلطان بتنهيدة و بضيق و شويه عصبية : ابصراحه اية
عبد الله عارة كل اهتمام و التفت صوبه و ينتظرك يكمل
سلطان بضيق اكبر : ولد اخوك
عبد الله وهوه عاقد حواجبه قال بحدة و استغراب : طلال !
سلطان وهوه يتكلم بجديه : ايه طلال
عبد الله بقلت صبر : شفية ؟
سلطان وهوه يمثل الضيق و الكدر و العصبية : ابيك تشوف لة صرفه
عبد الله بعصبية : صرفة ! صرفت شووو ؟... تكلم وش مسوي
سلطان وهوه يتكلم بنفعال و عصبية : الولد يا بو نجد ماهو ولد صالح ......
عبد الله بعصبية و بقلت صبر : تكلم عاد ! .... قول لا تحرق اعصابي
سلطان وهوه عاقد حواجبه بقوة و قال : انا بقولك السالفه و انت عاد تصرف باللي يحكمه ضميرك .... في مره اتصلت لي بسمة وهيه كانت خايفه و تقولي تعال الحقني .... كانت الساعه 3 الفير ... بغيت افهم منها السالفه بس ما قدرت لا انها كانت حالتها ترثاء لها .... و ع طول جيت لها ....و شفت طلال ..( و سكت
عبد الله بعصبية و قلت صبر واضحه : شو شفتة !!!!!!!!!!!!!!
سلطان بندم : كان
عبد الله باهتمام كبير و هوه عاقد حواجبه : شو كان تكلم لا تحرق اعصابي اكثر ( و قال بصوت عالي ) انطق
سلطان بعصبية وهوه يمثل انته متضايق : كان سكران !!!!!
عبد الله بطل عيونه ع كبرها و قال بصدمه وهوه يكرر الكلمه بذهووول : سكرااااااااااااااااان!!!!!!!! !!!!!!!!!!!!!!!!
سلطان وهوه يكمل : كان سكران و ريحته دخان سجاير و حالته حاله ..... و الادهاء من هذا انه كان
عبد الله بعصبية اكبر و صراخ و انفعال : شو كان !
سلطان نزل راسه و قال : كان يبي ..( و سكت )
عبد الله بصراخ : تكلم !!!!!!!!!
سلطان التفت عنه اليانب الثاني و قال بضيق : افهمها بروحك ..... الولد سكران و صاير طينه .... و دايخ ، يعني بشوو بيفكر يعني الواحد في حالته بشو بيفكر غير انه ...........( و سكت )
عبد الله بعدم تصديق و صدمه و كل معالم الذهوول واضحه ع ويهه: طلال !
سلطان بعصبية : ايه طلال .... لا و بعد الحين الكل يتكلم عنه و عن الشله اللي معاه ... مدري من وين طايح عليهم ... ناس خمه حثالة
عبد الله وهوه عاقد حواجبه بقوة و يقول من بين اسنانه : طلال ! .......و بسمة ليش ما قالت لي ؟.... ليش ساكته ؟... ليش ما خبرتني ؟.... ليش خبت عني ؟..... ليييييييييييش؟!!!!!!!!!!!
---------------------
العجوز باصرار : منت رايح مكان يا طلال قبل لا تتقهوى ....
العجوز ( مريم) بصراخ : سليمااااااااااان سليمااااااااااان
طلال باحراج : و الله يا خالتي ماله داعي
العجوز بابتسامة : تردني يا طلال ؟
طلال : ما عاش من يردج يا خالتي بس اخاف اتاخر ع البيت
العجوز : تطمن ما بتتاخر كلها قهوة تفضل
طلال دخل باحراج .... و لا انه ما حب يكسر خاطرها
العجوز : سليمانوة هذا ما ادري وين يغط
طلال بابتسامة خفيفه : سليمان ولدج ؟
العجوز وهيه تشوف طلال و تقول : لو ولدي كان اول ماولدته بركت عليه وجتلته
ضحك طلال ع كلامها
العجوز بابتسامة : ايه يبوك اضحك رونا ها الضروس
طلع ولد من داخل البيت وهوه يشوف العجوز و بعدها يشوف طلال و قال : يدوووووة ! انتي من وين يايه ؟.... انتي ما تيوزين من ها الطلعات اللي تطلعينهن ؟!
العجوز بعصبية : انت بدل لا واقف هناك تتسال .... تعال خذ ها الاكياس عن الولد
نزل الولد ع طول و جاء ياخذ الاكياس عن ايد طلال و قال : السلام عليكم
طلال +العجوز : و عليكم السلام
الولد وهوه يشوف طلال بستغراب : يدوة من ها الغرشوب اللي معاج ؟
طلال ابتسم باحراج
اليدة : هذا طلال ....( ضربت الولد ع جدفه و قالت .... و هذا هوه سليمان
طلال بابتسامة : تشرفنا
سليمان : الشرف لي .....( قال بصوت عالي ) درب درب ..( و التف ع طلال و يدته ) تفضل تفضل .... يدوة خذيه داخل لين ادخل الاغراض
سليمان / العمر 19 سنة \ يدرس في الكلية البحرية \ شاب حليو و سيم و حبوب حيل
العجوز بابتسامة : تفضل تفضل
طلال رد لها الابتسامة باحراج : زاد فضلج
------------------في بيت عبد الله
عبد الله بصراخ عالي حيل : بسمــــــــــــــــــــــ ـــــــــــة بسمــــــــــــــــــــة !
بسمة وهيه تدخل عليهم بسرعة : خير خير وش فيك
عبد الله بكل ما عندة من عصبية و نرفزة : صدق اللي يقولك اخوج؟
بسمة وهيه تشوف سلطان و تقول بحسرة : قلت له !
سلطان بضيق وهوه عاقد حواجبه : لزم يعرف وش يصير في بيته من وراة
بسمة وهيه تمثل العتاب : و ليش يا سلطان انا قايله لك لا تخبرة
عبد الله بصراخ و عصبيه مالها حد : هااااي انتي بعد شو اللي ما يخبرني ! هااااااااااااااه ؟... تبين تسكتين ع ها السالفة ؟
بسمة بخوف : انا كنت خايفه عليك اذا عرفت ، و بعدين انا كنت احاول افهمك بكل الطرق بس انت كنت تشوفة ملاك ، و كم و كم من الجيران اللي يجي يشتكي منه
عبد الله بصدمه اكبر : طلال!
بسمة بحقد : ايه طلال يا عبد الله طلال ، ياما قلت لك و حذرتك ، و بصراحه انا اخاف ع بنتي و اخاف ع نفسي ..... و انا اقولك من الحين شوف لك صرفه معاة ، اذا ها المره ما قدر يسوي لنا شي المره اليايه ما بعيد يعتدي ع بنتك او يقلنا .......
عبد الله بطل عيونه ع وسعها و هوه يسمع اخر كلام حرمته بصدمه و بذهول و عدم تصديق !!!!!!!!!!!!!!!
----------------------
سليمان : يعني بعدك تدرس
طلال : ايه
سليمان : علمي و لا ادبي
طلال : علمي
سليمان : حلو .... و بعدين العلمي ها السنه له مجالات كثيرة و اغلب الجامعات و الكليات يبون علمي
اليدة بملل:و انت ما عندك سالفه غير عن المدرسة ! هلكتنا ، ذبحتنا بها الطاري
سليمان وهوه يشوف يدته : انزين انتي مدخله عمرج بسولفنا ليه ! .. حنا يا بنتكلم عن المدرسه او الشغل او عن سولف شباب ... و انتي ها السوالف كلها ما تعجبج
اليدة و هيه تمسك عصاها و تقول : وابويي عليك ياطويل السان ....
سليمان وهوه يضحك : ههههههههـ شوف طلال اشهد ، اذ ما تلحقني بيدها تلحقني بعصاها
طلال كان يشوفهم و يسمع كلامهم و يضحك
اليدة : هين يا سليمانوة خل بس ابوك يجي ان ما خبرته عليه و شيشته عليك ما اكون انا مريم
سليمان ببرود : لاه .... تبين تخبرين علي .. طيب خبري بعد انا بخبر عليج
اليدة : تخبر علي ، وش قالولك اصغر عيالك!
سليمان بغياض : لا اكبرهم
اليدة بغيض : طلال مسكني اياها مسكني علشان اعلمه كيف الادب
سليمان : لا تدخلين طلال بسالفه .... اصلا طلال معاي يا بختي مو معاج
طلال و هوه يضحك : لا عاد .... كله و لا خالتي ..... ( و ضحك بعد ما شاف حركت سليمان اللي يسوي فيها كانه منصدم ) و قال ، لا تيلس تطالعني كذا ههههههههههههه
سليمان و هوه يعطي طلال نظرات : افا افا يا الخاين و انا ع بالي صرت صاحبي
اليدة بابتسامة : كفو و الله كفو يا ولدي
سليمان : هيه عاد الحين وش بيسكتها ، بتاكلنا عقلنا به االكلام
؛؛..............يتــــــــــــــ ــابع............. .....؛؛
|