؛؛؛............ البـــــــ13ـــــــــــات .........؛؛
طلال وهوه يشوف نجد و ضحك بستهزاء وهوه يرجع ظهره للكرسي : خخخخخخخخـ يؤؤؤة في ناس مقويه راسها و مصدقه نفسها ، بس عمي نشل بويهج
نجد التفتت عليه و قالت بحقد و بدون نفس : حقير و سخيف كان ما تدري
طلال لوا بوزة جدامها و بقوه و ما رد عليها .......
تنهد طلال تنهيدة طويله ......
بعد فتره قصيرة جات عيون نجد ع طلال اللي كان يشوف مكان معين او طاوله معينه في المطعم
التفتت نجد بفضول ع نفس الزاويه اللي يناظر فيها طلال .... ورجعت انظارها ع طلال بسرعه و قالت : طلوووووووووووول و يهد يهد حيلك
انتقلت انظار طلال لها بدون لا ينقط بكلمة
نجد وهيه عاقدة حواجبها و تقول من بين اسنانها : هاي انت وين ع بالك يالس ؟... تناظر في ذي و في ذي ! ...
طلال شاف نجد بقرف و قال بدون نفس : و انتي وش لج ؟.... مالج دخل يا بنت الكذابه ، مالج دخل فيني ، انطمي احسن لج
عصبت نجد بقوة و قالت من بين اسنانها بقهر : احترم نفسك يا الخايس و لا تنسى نفسك يا الجبان ، و الله فيني قهر لدرجه ودي اجتلك بيدي و اطلع روحك و ادوسها بريلي ، يا الزفت
طلال ضحك بستهزاء وهوه يرجع ظهره للكرسي مره ثانية و يقول : يؤة يؤة ، وش تتربين يا الخبله تعالي ! .... اقولج و الله راح تشوفين اللي يسرج بس قربي خطوة وحده
توها نجد فاتحه حلها بتتكلم الا بابوها جاي
عبد الله بابتسامة : عيااااااااالي في شو كانو يتكلمووون !
قالت نجد بسرعه و بنفال : يبه يبه هذا طلووول يقول بنت الكـــ
قطعها طلال و قال بسرعه : عمي انت ما عندك نية تشتغل هنا!
رد عبد الله ع طلال و قال وهوه يعدل يلستة : و الله و انا ابوك ، كنت افكر بس انا هناك بالحسرة لجيت الشغل فبيكون صعب اني الاقي شغل هنا
طلال : انت جرب منت خسران حاجه
عبد الله بتنهيدة : و ع بالك ما جربت ، ما بقيت مكان ما قدمت فيه ع طلب وظيفه لكن بدون فايدة
طلال توة بيتكلم قطعته نجد اللي كانت شابه نار من القهر و قالت : يبه هذا طلال ينديني ببنت الكـ
قطعها طلال بسرعه وهوه يقول لعمة : طيب عمي انت شوف حد من ربعك يقدر يساعدك
رد عليه عبد الله : ما خليت شي و انا ابوك ما سويته بلا اي فايدة ، و كانه حد جاء و سلب كل الوظايف اللي بها البلد
طلال : و الله يا عمي ما ودي تبعد عني ثواني
عبد الله بابتسامة : و لا انا يبوك بس وش اسووي بحالي ، هذا اللي الله كتبه لي و الحمد لله
طلال : الحمد للــ
قطعته نجد بقهر يفوق اي وصف وهيه عاقدة حواجبها بقوة : يبه طلووول ينديني ببنت الكـ
التفت ابو نجد لنجد
قطعها طلال وهوه يقول : بس ما قلت لي وش ناوي تسمي النونو اللي جاي بطريق
صد عبد الله لطلال بابتسامة واسعه وهوه يقول : ما يبالها اي كلام يوسف
طلال بابتسامة : ابو يوسف و الله حلوووووووو^_^
عبد الله بابتسامة :لا انا بظل ابو نجد ههههههـ اخاف تفلعني بالكوب اللي جمبها
طلال بدون نفس : وش ابو نجد !..... دامة بيجيك الولد مالك غير ابو يوسف
قالت نجد بحقد و ظيم و غم و صوت شبيه بالصراخ : و الله عاد انت مالك دخل ، بيضل ابو نجد فاهم انت و لالا ، ( التفت ابو نجد عليها و هوه يشوف الوان الغضب تلونت ع ويهه ، كملت وهيه تلتفت ع ابوها باهتمام و حقد ) يبـــــــــــــه طلوووووووووووول ينديني
قطعها طلال وهوه يشوف عمه و يقول : صحيح ، يا عمي انت شو تباني ادرس بعد ما اخلص من الثانوية اي تخصص؟!
التفت ابو نجد عليه و قال بابتسامة واسعه : و الله يبوك هذا حياتك و انا ما اقدر اجبرك ع شي
طلال قال بشويه زعل : افا انت تجبرني ، انت و الله يا عمي تامرني امر ، و اللي تبيه راح يصير ، بس انت قول
ابو نجد كان يشوف طلال بفخر و ابتسامه : و الله و النعم فيك ، صدق انها التربيه ما ضاعت فيكــ
قطعته نجد بصرخه من الخاطر و هيه تقوووول : يبـــــــــــــــــــــــ ــــه! اسمعني لحظه
الكل من في المطعم التفتو عليهم
طلال وهوه يشوف انظار الناس توجهت لهم ، ابتسم في وجيههم ، و في خاطره منت من الضحك عليها
التفت ابو نجد عليها بسرعه وهو عاقد حواجبه و قال بحده وهوه مخفض صوته : شفيج انتي شفيج ؟!... ينتي و لا صار في عقلج شي ؟... انتي نسيه عمرج وين ؟... ما تشوفين الناس ؟!... و لا تبيني اصطرج كف الحين يصحيج عدل ؟
حرجت نجد من كلام ابوها لها جدام طلال ، و اول مره ابوها يعصب عيها جدامة قالت بعبرة : يبــــــة انا كنتـ
قطعها ابوها بعصبيه و من بين اسنانه : شووو كنتي ؟
قلت بنفس حالتها و الدموع بدت تتجمع في عيونها من الاحراج : كنت ابي اقــ ولـ كـ طلووووول ينديـــ ني ببنتـ
قطعها تلفون ابوها اللي كان يرن ....
التفت ابو نجد ع التلفون و هوه يشوف المتصل .... و بعدها قام عنهم بعد ما اخذ تلفونة
في ها الحظه طلال ما قادر يمسك نفسه من الضحك وهوه يشوف نجد ع ها الحال و ها الاحراج و العبرة اللي خنقتنها ( نزل راسه للاسفل اشوي و رجع يرفعه ) انفجر طلال بضحك بصوت عالي : ههههههههههههههههههههههههه ههههههههههـ ههههههههههههههههههههههههه هـ هههههههههههههههههـ ( قال بستهزاء ) وش فيه طلال قوليلي انا بسمعج ههههههههههههههههههههههههـ و شااايوووة هههههههههههههههـ تبين توشين بي ههههههههههههـ لقطي ويهج هههههههه
و نفس الحاجه الكل كان يشوف طلال و ضحكة المتواصل
التفت طلال لهم و قال وهوه يحاول يمسك نفسه و يقول : اسفه ياجماعه اسفه
نجد اللي كانت تبكي من القهر و الضيقه اللي كبتنه في صدرها ... ما قدرت تمسك نفسها ...... و ما قدرت تكلم و لا كلمة لا انها لو تكلمت كلمة زيادة بتنفجر من البكي ، كنت تنزل دموعها بدون صوت
طلال وهوه يمسح دموعه اللي ظهرن من الضحك ويقوم ...... وراء زجاج المطعم كان هناك حديقه من الزهور .....وهوه يضحك بستهزاء ... راح بعيد لجمب الزهور
اول ما وقف جمب الزهور .. التفت لنجد اللي كانت تبكي و صاده اليانب الثاني ، تنهد تنهيدة طويلة ........قال بصوت واطي و مسموع ( شكلج تحفه الصراحه هه ، بس ما كنت ابيج تصيحين كنت ابيج تموتين قهر و غيض ، ماحدح ضرباج ع ابيدج و قالج سوي ها الحركات التافهه يا التافهه ..( فجئه ضحك ).. و الله شكلج يقطع القلب وانتي تبكين ، مسويه قوة يابنت الكذابه ع بالج ما اقدر اقهرج .....طلال انت وش سويت للبنت خليتها تتبكبك (و ضحك ) مالت عليج ...................
نجد اللي كانت تبكي من خاطرها و صادة ع الجدار .....
تنهد طلال تنهيدة طويلة و راح لطاوله وهوه يشوف واحد واقف جمب الطاوله .....
راح طلال بسرعه ووقف جمب الولد قال بحد : نعم !
الولد : خير !
طلال : وش واقف تسوي هنية ؟
التفتت نجد عليهم بعد ما مسحت الكم من الدموع اللي تناثرت ع خدها
الولد وهوه يشوف طلال من فوق لتحت : و انت من ؟
طلال بقرف : وانت شدخلك انا من ، اقول توكل من ويهي
توه يوقف عبد الله عدالهم : خير ان شاء الله وش صاير !
الولد وهوه يعطي طلال نظرات ..... و بعدها راح
طلال بصوت عالي : خفت عيل انا مره بموت من الخوف ....( كان يقصد الولد )
عبدالله قال : وش صاير !
طلال وهوه يلتفت ع نجد : مدري شفته واقف هنا يناظر فيها !
عبد الله : و انت وين كنت
طلال ببرود : في الحمام ( و انتو بكرامة )
عبد الله : حصل خير ،ايلس الحين بيجيبون الاكل
.......
جابو الاكل طلال و عبد الله قامو ياكلون اما نجد ما كلت شي ابد
عبد الله وهوه يشوف نجود بعطف : نجووود يبه اكلي شفيج
نجد بزعل : مابا شي
عبد الله وهوه يلف كل جسم بتجاها : افا يبه ليش ؟
نجد بزعل اكبر : بس كذا ابي ارجع البيت ابي امي
عبد الله وهوه يسوي عمره زعلان : و ابوج حبيبج ما تبينة !؟
نجد وهيه منزله راسها و تحرك اصبعها ع طرف الكوب : هوه اللي مايباني
طلال اللي كان يشوف نجد و حركاتها و فيه الضحكة كان يضحك بداخله فظهرت ضحكة بالغلط
التفتت نجد و عبد الله عليه
قال طلال بسرعه : وش ها الدلع ! يعني ما تشوفين لهفت ابوج عليج يا بنت عمي ؟
عبد الله قال له : قوللها
نجد عقدت حواجبها و قالت بنفعال : انت كل تبن و لا تتكلم فاهم
طلال قال وهوه مسو نفسه مخذ بخاطرة : هذا جزاتي يعني ! ....
عبد الله التفت عليها و توه بيتكلم
قطعه طلال بسرعه و قال : خلها خلها يا عمي تقول اللي تبية ....( التفت عبد الله ع نجد ، و نجد كانت تشوف طلال )... في ها الحظه طلال ... رفع حواجبه و طلع طرف السانه و ع ويهه واضحة ابتسامة السخريه
عبد الله وهوه يقول : نجد يبه انا اعتذر ادري قسيت عليج اشوي بس انتي كنت غلطانة بعد
نجد وهيه رافعه جزاء من شفايفها للاعلى و تقول بقرف : صدق انك ما فيك ادب و لا ذرة من الادب فيك .. ( و كان المقصود طلال)
عبد الله عصب عليها و هوه يسمعها تقول ها الكلام و قال بسرعه : قومي قومي جدامي .... اشرهه مو عليج الشرهه ع اللي يبي يطلعج معاه
نجد وهيه محرجه : يبه انت ما شفته كيف سوا
عبد الله بعصبية : سكتي ما ابي اسمع منج و لا حرف زايد
طلال : اهداء يا عمي ، و لا تخذ عليها ، تدري ياهل
نجد توها بتتكلم
قطعها عبد الله بعصبية واضحة : انجووووووووووووووود اسكتي و لا تحديني اسوي شي ما يرضيج ، كم و كم مره قايلج لج احترمي الفاضج و انتي تكلمين من هوه اكبر منج ؟.. و لا طبع امج يسري بدمج يعني ؟
بعد ما سكت عبد الله ........... عم الصمط بين الثلاثه
نجد اللي كانت تبكي بصمت
طلال اللي كان ياكل و متهني
ابو نجد اللي كان ياكل بدون نفس
بعد ما خلصو طلعو ع طووول ....
في السيارة وهم راجعين للبيت ....
عبد الله وهوه يشوف الشارع : طلال بكره تجهز من وقت
طلال وهوه يشوف عمة : ليش ؟
عبد الله : علشان اخذك للخياط و افصل لك كم ثوب و بنمر السوق علشان تشتري لك ملابس جديدة
طلال بامتنان : تسلم و الله يا عمي ، الله يخليك لي و لا يخليني منك يا الغالي ، يبه اذا ما عندك ما له داعي
عبد الله : و انا حق من اشتغل مو حقكم ، لمن اتغرب مو لكم ، خلني اصرفهن ع شي يسواء و يستاهل ابرك
الفرحه اللي اعترت قلب طلال لا توصف ، و فعلا قدر عبد الله يمحي جزاء من احداث ها اليوم من راس طلال ، بس عمرة ما بينسى انهم اتهموه بابشع الاتهامات ، من بسمة و اخوها و بنتها و اثرو ع تفكير عمه له
--------------------- في بيت سلطان
سلطان بعصبيه : عيااااااااالج ردو من برع و لا للحين
نورة ببرود : ما ادري
سلطان بنفس النبرة : و انتي كل ما سالتج عن شي قلتي لي ما ادري ! ، انتي وش من الامهات بالله عليج ؟فالحه هات و هات هذا اللي انتي شاطرة فية
نورة بصراخ و نرفزة وهوه توقف و تقول : انت اليوم وش فيك ؟ هااااااااااااااه وش فيك؟.... من دريت و انت ما طيق الثياب اللي عليك
سلطان بنفس اصراخ نورة : لا تغيرين السالفه ردي علي
نورة بصوت عالي : هااااااااااااااااي انت ( و راحت عداله وهيه تقول ) الشي اللي تسويه برع و منت راضي عنه ما تجي ترميه ع راسنا انت فاهم و لالا
جات شوق ع صراخهم بسرعه و هيه تقول : يمه يبه شفيج
سلطان و نورة بصوت و احد و بصراخ : و انتي شدخلج ؟!
شوق رفعت حواجبها و قوست شفايفها للاسفل و قالت بنسحان : و لا شي .........( و ع طول انسحبت )
نورة بعصبية : مثل ما هم عيالي عيالك بعد و مثل ما انا لي مسؤؤليات اتجاههم انت بعد ، لا تحملتي المسؤؤليه كلها ، روح اتصل شوفهم وين ، ما تجي تتشطر علي انا
سلطان وهوه يتصل ع محمد يتنازع ع نورة : هذا اللي انتي فالحه فيه ، كل ما قلت لج كلمه تقلبين السالفه علي ، مالت عليج
نورة بعصبيه كبير : مالت عليك انت مو انا ...العيشه معاك تقصر العمر ....( و راحت لدارها )
سلطان بصراخ : ذيج الدرب ..........( و قال بصراخ اكبر ) و هذا بعد ليش ما يرد!
في هذا الوقت تفتح الباب و دخل منه مازن
مازن وهوه مغمض عيونة و يغني بعذوبه : يالليل خبرني عن امر المعاناه يالليل خبرني عن امر المعاناه هيه من صميم الذات و لا جنبية
سلطان وهوه يرح له و يقول : انا اللي بخبرك مو الليل
التفت مازن له و قال باتسامة وهوه يغني : هلا بالطيب الغالي عزيز و شوفتك منوة
سلطان بعصبية : تعال قولي وين كنت كل ها الوقت !
مازن ببرود : قايل لك تراه قبل لا اطلع
سلطان :ذكرني
مازن بابتسامة قال : في المووووووووووووول يا الوالد
في ها الوقت دخل محمد وهوه يغني مثل اخوة : لا تذكرني بحبك يا غناتي ، و لا تذكرني بمضيك الجميل ، في صدى ذكراه بجزر حياتي ،مستحيل احب غيرك مستحيل
مازن وهوه يكمل الاغنية معاة : في صدى ذكراه بجزر حياتي ،مستحيل احب غيرك مستحيل
محمد بابتسامة : صح الساني
سلطان وهوه يثور من العصبية
محمد وهوه ياشر براسه صوب ابوة و يقول لمازن: شفيه الوالد!
مازن: شدراني به دخلت لجيته كذا
سلطان بعصبية : انت من وين ياي؟
محمد : مزون رد علية يسالك
مازن : يا الدعه يسالك انت
محمد بابتسامة : يسالك انت يا حظي
مازن ببرود : انت يا قلبي
محمد ببرود وهوه يوجه كلامه لبوة: الوالد من تسال ؟
سلطان بعصبية : قسم بالله لو ما تركتو ها الحركات التافهه عنكم و الله لتشوفون شو راح اسوي فيكم
محمد بطل عيونة و قال : يؤؤؤؤؤة شفيك الوالد شايط ها الكثر ؟.. من مكدر خاطرك؟
مازن : ماحد غيرها نوير ...( نورة ...امة )
محمد وهوه يشوف ابوة : هيه ! صح!
سلطان بقلت صبر : شفو قسم بالله لو بعد اليوم سالت عليكم و ما حصلتكم في البيت مثل ها الوقت و الله ما بتشوفون شي طيب مني ، فاهمين
محمد ببرود : بس توها داخله الساعه 10
سلطان بصراخ : فاااااااااااااااااااااااا ااااااااااااهمين ؟
مازن و محمد حركو راسهم بايه و كانت ملامح الاستغراب واضحه ع وجيههم
سلطان وهوه عاقد حواجبه و يقول بحده : هات سويج
محمد وهوه يعطي ابوة : تفضل
خذ سلطان المفاتيح و راح فوق
محمد وهوه يقول بصوت و اطي : شفيه ابوك؟
مازن بدم مبالاة : ما ادري فيه
محمد تنهد تنهيدة طويله و هوه يروح لدري و يغني : لا تذكرني بحبك يا غناتي ، و لا تذكرني بمضيك الجميل ، في صدى ذكراه بجزر حياتي ،مستحيل احب غيرك مستحيل
مازن اللي كان يمشي معاه و يغني معاة
------------------------
طلال اللي من وصل دخل الملحق و راح يخذ له شور وهوه يحس بشويه راحه ما يدري مصدرها ، هل هيه ندم عمه ع اللي سواه معاه و محاولته بان يراضيه
----------------------
نجد من و صله طلع ع حجرتها و هيه تبكي
----------------------
عبد الله ع طول راح لحجرته و يحاول يتجنب شوفت بسمة
دش الغرفه
: الحمد لله ع السلامة
عبد الله تنهد و قال بدون نفس : الله يسلمج
بسمة وهيه تناظر عبد الله بنظرات لها الف و الف تفسير : ان شاء الله استانست بس!
عبد الله وهوه يروح ع التسريحه و يحط فوقها التلفونات و المحفظة قال بدون خلق : هيه استانست
بسمة بنفس نظراتها ووضعيتها : تعشيت!
عبد الله وهوه ينزع الساعه من ايدة : الحمد لله
بسمة ببرود : الحمد لله ، و ان شاء الله بس فكرت بكلامي !
عبد الله وهوه يرح ع الكبت ماله و يطلع له بيجامت نوم و يقول : اي!
بسمة : طلللللللللول
عبد الله ببرود : شفية ؟
بسمة بقلت صبر : عبد الله !!!!!!!!!!!!
عبد الله خلا البيجامة ع السرير و راح ع الحمام ( و انتو بكرامه و ما رد عليها )........ بعد فتره طلع
بسمة بعصبية وهيه عاقدة حواجبها : شغل الحقران و التطنيش مو علي يا روح امك فاهم
عبد الله ببرود وهوه يبدل ملابسه : انتي شفيج الحين ؟ اي حقران و اي تطنيش اللي انتي تتكلمين عنة ؟.... ( و قال بدون نفس ) اسمعي انا و احد تعبان من يوم وصلت ما ارتحت ،خليني ارتاح بدل ها الحنه
بسمة خليت ايدها ع خسرها و قالت بعتراض : اسميك ياما رقدت اليوم و لا ارتحت الا لما تريحني انا قبل
عبد الله وهوه يروح ع السرير و يتسدح ، و ياشر ع الباب و يقول : روحي روحي شوفي بنتج كانت تبيكي
بسمة بعصبية : خلنا من بنتي الحين ، بتبكي الحين و بتسكت بعدين ، اول قولي وش بتسوي بطلوول هذا !
عبد الله تغطى بالبطانية وهوه يقول : ولا شي
بسمة سرت بحقد و نزت البطانيه عنه و قالت بصراخ : كيف و لا شي!
عبد الله بملل و ضيج : يابنت الناس ابي ارتاح ، روحي من ويهي
بسمة بنفس نبرتها : ماني متحركة منيه شبر واحد ، ابي اعرف كيف و لا شي بعد اللي عرفته و اللي شفته و اللي سواه ، يعني ما يهمك هذا كله ! ما يهمك اللي صار جدام عيونك ! انت شو من البشر شوووووو
عبد الله وهوه يلس بملل و يقول : انا لله ....( سكت اشوي و بعدها قال ).... اذا كنتي تنتظرين منى ارمي ولد اخوي اللي بحسبت ولدي بشارع ، فخليها في بالج اني مستحيل اسويها ، و ها السالفه انتي عارفتنها من اسنين فاهمه
بسمة : لا مني فاهمه ، و بعدين من قالك سير ارميه في الشارع !
عبد الله وهوه يشوف بسمه بقرف : وش تقصدين بكلامج يعني
بسمة كانت عاقدة حواجبها و تقول : وده لدار الايتام ، هناك احسن و اريح له و لنا
عبد الله وهوه عاقد حواجبه بقوة : انا كم مره قايل لج لا تطيرن ها السالفه جدامي ، تبيني ارمي ولدي بدار الايتام ! و انا حي
بسمة بعصبيه : يهبي الا هذا يكون ولدك ، وش فيها وش فيها لو دخلته دار الايتام ، الحمد لله يحمد ربه اكل و شرب و لبس و مسكن و راحه بعد واحد وش يبي غير هذا من ها الدنيا
عبد الله وهوه يشوفها بعصبيه و قال بدون نفس و من بين اسنانه : يبي الشي اللي انتي مو قادره تعطينه اياه ، يبي الحب ، الحنان ، العطف
بسمة بطنازة وراها عصبية : و من وين اجيبهن هذيلا من مخباتي مثلا!و لا من السوق اشتريهن له !
عبد الله بعصبيه من اسلوبها وهوه ياشر بصبعه ع مكان قلبها و قال : هذا مو من مخباتج و لا من السوق يا بنت الاصول هذا تظهرينهن هذا من هنا ، ( و قال بحسرة ) لكن وين انتي وين ها الكلام
بسمة وهيه تقول بضيقه : انا ما يهمني ها الكلام كله اللي اعرفه ماابي ولد مريموة في بيتي ، و خلها في بالك ها الشي فاهم !
عبد الله قال بنفعال و عصبية : لا مو فاهمه و اللي ابيج تفهمينه انتي ، انه ها البيت اللي انتي فيه كله من فلوس ها اليتيم ،( و صرخ بصوت عالي ) خليها في بالج هذي لا تنسيها ابد
بسمة بنفعال و قرف : نعم نعم نعم ! وش قلت وش عيد !
عبد الله بنفس عصبيتة : شو بعد تمثلين انج ما تدرين بشي ، مو انتي يا بنت الاصول ، قلتي انا بعتني فيه و بعتبره و لدي و انا اللي بكون له ام ( و قال بقوة ) مو انتي اللي قلتي هذا الكلام
بسمة بدون نفس : انا ما نكر ها الشي لكنـــ
قطعها عبد الله بحقد : لكن شووووو! .... بعد ما لعبتي براسي و خلتيني ابيع بيت ابوة بيت عبد العزيز ! .... بعد ما اخذنا كل فلوس ابوة !... بعد ما خلينا ها اليتيم ع الحديدة يايته الحين تقوليلي ما ابيه ، و الله لو تموتين ما يطلع طلال من ها البيت ، ها البيت مثل ماهوه بيتج هم هوه بيته ،( و قال بحرص ) خليها في بالج عدل ... بيته مثل مهوووة بيتج
بسمة بحقد و صراخ عالي : لا ما بخليها في بالي ، و بعدين لا تنسى انه لو ما سوينا كذا جان انا و انت و بنتك وولد مريموة في الشارع الحين ، و انت اللي رحت بارادتك و خذيت كل شي منه ، و شريت لنا ها البيت ، و يحمد ربه الف مره اني تحملته كل ها السنين
عبد الله وهوه يلوح بيده في الهواء من الانفعال و العصبيه و قهر ماله اول من تالي : وش تحملتي منه ، هوه اللي تحملج و تحمل تصرفاتج الخايسه معاه ، عملتيه مثل معاملت الخدم ، هوه اللي يخم ، وهوه اللي يكنس ، وهوه اللي يرمي الزباله ، و هوه اللي يغسل ملابسكم ، و هوه اللي يخم الحوش ، و يغسل المواعين ، و لو ما انا كان لليوم و بكره و انتي ذبحه ها الولد من الشغل و الكراف ،تسبيه و تهنينه و تضربينه و حتى الحرق حرقتيه ، وهوه ما يقول لج حتى كلمه ، و لا حتى يرفع عيونه بعيونج ، و من ها السنتين من لما انا قلت لج انه ما يشتغل معاج ، وخليه في دراسه و اهتمامته ، قلبتي عليه ، و ما تبينه في البيت ، ع بالج انا ما اعرف شي !، ع بالج انا نايم عن تصرفاتج ! ، اصحي عدل ع حالج ، و لو كنت ابي اضرج و الله لضرج و العن يد يدج بعد ، لكن انا محترمنج علشان عيالي ، و ع شان ها العشرة اللي بينا ، (و قال بصراخ عالي ) اطلعي برع لا بركتن فيج
بسمة بنفس صراخه ومعصبه بقوة : ماني طالعه برع ، الا لما اشوف لي حل ، يانا و عيالي وياهوه بها البيت ، انت فاهم ..........( و بعدها طلعت و سكت الباب باقوى ما عدها ) .... بسمه كانت تاكل في نفسها من الغم و القهر و الحسرة
------------------- الفير عند الاذان
قام طلال ع صوت الاذان ، تحرك بكسل ع السرير ، و بعدها قام بثجل و دخل الحمام ( اكرمكم الله ) تغسل و تيدد ، و تلبس و يلس ع السرير ينتظر عمه لحد ما يجيه ،
لا انه لما يكون عمه في البيت يروحون المسيد مع بعض
.............--- لتوضيح : نجد طبعا محجبه ، و ع طول تلبس الشيله جدام طلال --..............
المهم .... بعد فتره قصيرة اندق الباب و ع طول فتح طلال الباب
عبد الله بابتسامة : صبااااااااااااح الخير
طلال رد له الابتسامة ، و حب راس عمه وهوه يقول: صبااح النور
عبد الله : هاه شخبارك اليوم!
طلال بابتسامة : الحمد لله نشكر الله
عبد الله : الحمد لله يالله سرينا
طلال وهوه يطلع و يسك باب الملحق : سرينا
تمو الصلاه اللي عليهم و رجع ع البيت
عبد الله : تجهز ع الساعه 9
طلال وهوه يروح ع الملحق : ان شاء الله
دخل عبد الله البيت ، و راح ع الصالة ما حصل حد فيها ، تنهد وهوه يذكر المشادة اللي صارت بينه و بين بسمة ....( مهما يكون ما اقدر ازعلها ، و امس زودتها معاها ، بس المفروض هيه تراعي ظروف ها اليتيم ، انا لله )... تنهد مره ثانية .... و راح دارة .... و بداء يدور ع بسمة ! ....
بداء ينديها باسمها بصوت هادي و مسموع
لكن لا رد
ع طول راح ع حجرت نجد و فتح الباب اشوي اشوي ، شاف بسمة راقده ع سرير نجد و نجد نايمه ع الارض
تنهد و شغل الليتات وهوه يقول : نجووووود يبه قومي بتصلين
نجد تحركت بكسل
عبد الله راح لبسمة و قال : بسمه بسمه قومي قومي وش مرقدنج هنا
بسمة قامت و قالت بدون نفس : وخر من ويهي ......( و قامت بثجل كبير و طلعت )
عبد الله هز راسه و راح لنجد و قال لها وهوه ينزل لمستوها : نجووود يبه قومي ( ربت ع جدفها ) نجوود يا الله صلاة
نجد فتحت عيونها بكسل و بعدها قامت ، بدون لا تقول كلمه
عبد الله بابتسامة : ما فيه صباح الخير لي بابا!
نجد التفتت له بنظرات زعل و قالت : صباح الخير
عبد الله رفع حواجبه بستغراب وهوه يقول : افا ! وش ها النفس
نجد بزعل واضح : ليكون نسيت وش صار امس في المطعم و كيف كنت تعاملني ! ....
عبد الله وهوه يضحك عليها : لو كنتي بنت سنعه ما كان صار اللي صار صح ، لكن انتي السانج متبري منج
نجد وهيه تقصر السوالف مع ابوها : وش تبي الحين ، ابي ادخل الحمام
عبد الله : انتي الحين زعلانه علي ! من صدقج !
نجد لفت اليانب الثاني و ما ردت عليه
عبد الله وهوه يروح لها و يحظنها و يقول : و انا وش اللي يخليني اصبر اذا نجووود حبيبتي بنيتي عمري زعلت علي ؟
نجد حظنت ابوها بقوه و هيه تبكي
عبد الله ابتسم وهوه يمسح ع شعرها الناعم الطويل و يقول : اشششش اششش، بس لا تبكي ما اقدر اشوف دموعج ، ( بعدها عنه اشوي و هوه يمسح دموعها بطرف ايده و يقول بسرعه ) شريج يا حبيبت ابوها العصر اخذج و نرووح مشاوير انا و يااااااااااااج و ما نرجع الا لليل
نجد قالت بسرعه : بروووووووووووحنا طلووول ما يجي معنا
عبد الله بابتسامة : بروحنا و طلوووول ما راح يروح معنا بعد شتبين ^_^
نجد قالت بابتسامة خفيفه و هيه تبوس ابوها ع خذه : احبك يا الغالي
عبد الله وهوه يحس براحه و يقول : وانا اموت في بنيتي ......... و الحين يالله روحي صلي قبل لا تفوت
نجد وهيه تروح ع الحمام بسرعه : طيران
طلع عبد الله من دار نجد
و راح ع المطبخ كان متاكد انه بسمه بتكون في المطبخ .... كانت ام نجد واقف تسوي الشاي
عبد الله وهوه يوقف عدالها و يقول : وخري انا بسويه عنج
بسمة بدون نفس : وخر من عدالي
عبد الله وهوه يحاوط جدف بسمه بين ذراعه و يقول بدعابه : اونها زعلانـــ
بسمة بقرف وهيه توخر ايد عبد الله بعصبيه : وخر ايدك ، و بعد عني مالج نفس حتى اشوفك
عبد الله وهوه يوخر عنها و يرح لثلاجه و يقول : شي طبيعي طبعا تحسين بها الشي ، لا انه بكل بساطه ما سويت اللي تبينه
بسمه ما ردت عليه و لا بكلمه
عبد الله وهوه يتنهدت و بعدها قال : انا طول الليل ما نمت و انا افكر في موضوع طلال
بسمة و للحين ساكته
عبد الله : و تخذت قراري بخصوصه
بسمة وهيه تصب الشاي في الدله
عبد الله سك الثلاجه و صد عليها و قال : راح اطلعه من البيت
بسمة شهقت و كان ابريج اشاي بيطيح من ايرها لو ما مسكته عدل ، خلته و التفتت بسرعه لعبد الله و قالت بعدم تصديق : شوووو! عيد عيد وش قلت !
عبد الله بندم : راح ابعده عن البيت و عنج انتي بذات
بسمة قالت بشك واضح من عيونها و كلامها : ليكون تلعب باعصابي مثل كل مره !
عبد الله هز راسه بنفي : لا ، بس ابيج تشترين راحتج
بسمة بستغراب : تبيني ! اشتري راحتي !
عبد الله : ايه
بسمه بقلت استيعاب : كيف يعني ماني فاهمه ؟
عبد الله وهوه يقول بجديه : شوفي انا بعطيج حل من الاثنين و انتي شوفي اللي يريحج عاد
بسمه باهتمام : اللي هم
عبد الله : الاول انه يبقى في البيت ، و الثاني انا بدفع مبلغ و انتي بتدفعين مبلغ من الفلوس اللي معاج ، و نشتري شقه صغيرة له ، غرفه بحمام و صله و مطبخ
بسمه بعدم تصدييق : نعم نعم نعم ! وش قلت !!
؛؛..............؛ يتـــــــــــــــــــابعـ ـ؛..............؛؛
|