[اسطورة !]

؛؛؛............ البـــــــ14ـــــــــــات .........؛؛


عبد الله سك الثلاجه و صد عليها و قال : راح اطلعه من البيت
بسمة شهقت و كان ابريج اشاي بيطيح من ايدها لو ما مسكته عدل ، خلته و التفتت بسرعه لعبد الله و قالت بعدم تصديق : شوووو! عيد عيد وش قلت !
عبد الله بندم : راح ابعده عن البيت و عنج انتي بذات
بسمة قالت بشك واضح من عيونها و كلامها : ليكون تلعب باعصابي مثل كل مره !
عبد الله هز راسه بنفي : لا ، بس ابيج تشترين راحتج
بسمة بستغراب : تبيني ! اشتري راحتي !
عبد الله : ايه
بسمه بقلت استيعاب : كيف يعني ماني فاهمه ؟
عبد الله وهوه يقول بجديه : شوفي انا بعطيج حل من الاثنين و انتي شوفي اللي يريحج عاد
بسمه باهتمام : اللي هم
عبد الله : الاول انه يبقى في البيت ، و الثاني انا بدفع مبلغ و انتي بتدفعين مبلغ من الفلوس اللي معاج ، و نشتري شقه صغيرة له ، غرفه بحمام و صله و مطبخ
بسمه بعدم تصدييق : نعم نعم نعم ! وش قلت !! تصدق انك جبتها
عبد الله بابتسامة : شفتي شلون
بسمة بعصبيه كبيره و هيه عاقدة حواجبها : انت من صدقك انت ؟
عبد الله ببرود و بدون نفس : اللي سمعتيه ، ياكذا و لا كذا
بسمة وهيه تاشر ع نفسها و تقول و تقول بتكبر : تبيني انا افسفس افلوسي ع هذا !!؟..ع ولد مريموة ، و الله يهبي اطلع فلس واحد عليه ، قال شقه قال ، هذا خرابه و تخب عليه بعد
عبد الله بجديه واضحه : عيل خلاص ، تقفلين ها السالفه ، و لا عاد اسمج تتكلمين فيها انت فاهمه ؟!........( و طلع من عدها و راح لدارة )

بسمة بحقد و بقرف : لا راح افتحها و افتحها لحد ما تنفقع مرارتك ، و وتقتنع و تذلف ها العله من ويهي ، و الله يا طلوووول ولد مريموة ما اتركك متهني دقيقه وحده و انت قبالي ، بطلع عيونك بطلع روحك ، ( و قالت بستهزاء ) وش تبيني اشتري له شقه تهبي انت و ياه ،،، اشتري شقه قال اشتري شقة


-----------------------
الساعه 9:30
طلع ابو نجد مع طلال ..........
ابو نجد خذ طلا و فصل له 4 لبسات ........ و بعدها خذاه ع السوق و خذله ملابس بنطلين و كرت و فونيل كثيرة و كلهن ع ذوق طلال ، و خذ له موبايل جديد و رقم جديد ، و اشترء له ساعه ، و جوتي 2 و نعال ، و نظارتين ماركة ..... و اشياء كثيرة ، ابو نجد ما كان ندمان و لا ع فلس صرفاه في طلال بالعكس كل ما شاف الابتسامة و الراحه ع ويه طلال كان يرتاح نفسياً ، و خاطره يشتري له اكثر و اكثر .....
طلال اللي كان يحس انه كل ما يكون مع عمه الدنيا تفرح و تضحك له ، و عمه اللي ما يخلي عليه قاصر ابد ، احساس طلال بها الحظه لا يوصف باي التعابير و اي كلام ، لا يمكن لي اي جمله ان تعبر مدى سعدت ها الولد اليتيم ... كانت الفرحه تعتري قلبه بقوة ، كانت الدنيا مو وسعته من الفرحه و المرح و الراحه و السعادة اللي ما تنوصف
طول طلعتهم و الضحك و السوالف و المزح داير حول عبد الله و طلال
و ع الساعه 1:36 رجعو البيت ...
نزل ابو نجد و طلال و خذ الاغراض ودخلوهن في الملحق ....
و ابو نجد يلس ع السرير و طلال كان يجرب الملابس و يشوف راي عمه فيهن ..... طلال طان طاير عقلة با الاشياء الجديده اللي خذاهن له عمه ... بعد ما خلص طلال من تجريب كل الملابس ....
راح لعمه و قال بامتنان ، وهوه يحب عمه ع راسه و ايدة : مشكور يا يبه ، و الله ما اعرف وش اقولك ، و لا كيف ارد لك كل اللي تسويه لي
عبد الله بابتسامة وهوه يربت ع جدف طلال و يقول : ابيك بس تكون مرتاح ، هذا اللي ابيه ، ما ابيك تحس بشي ثاني
طلال بابتسامه و بكل حب و حنان : طالما انت معاي انا و الله ما ابي شي من ها الدنيا سواك ، انت صرت لي كل شي بحياتي يا بوي
عبد الله تنهد برتيااااح و براحه كبيرة : انا معاك يابوي و ما راح اخليك ، و كون واثق من ها الشي ، ( و ابتسم و قال ) منت يوعان يا الهيكل ! .... قوم بنسير نتغداء
طلال قال بسرعه : لا ماني يوعان ، من بعد عشانا الامسي و انا احس نفسي شبعان
عبد الله وهوه يضحك : هههههههـ هذا امس ، و انت شبعان لحد الحين منه ! ... تذخره انت
طلال بابتسامة : تقريبا
عبد الله : خل عنك السوالف يا الله صلي و تعال بنترياك
طلال : و الله عمي ما ابي بتغداء العصر
عبد الله وهوه يقوم : اكيد بتتغداء!
طلال وهوه يهز راسه با الايجاب : اكيدين بعد ^^
عبد الله وهوه يطلع : عيل الحين صل و ارتاح تمام
طلال بابتسامة واسعه : مشكور يا عمي
عبد الله عطاه ابتسامة و راح عنه
تنهد طلال تنهيدة طويل و عميقه براحه لا توصف و هوه يرمي نفسه ع السرير و يغمض عيونه براحه .............و يقول بصوت واطي : الله يخليك لي يارب و لا يخليني منك ياربي ، عساني ما انحرم منك يا ريحت ابوي و اهلي


-----------------------
نجد بزعل وهيه تتكتف جدام ابوها : من وين ياي
عبد الله : اشوف صرتي مثل امج
بسمة بدون نفس : شفيها امها بعد !
عبد الله التفت عليها و قال : و انتي هنيه
نجد : يبه وش ها الاكياس الكثيره اللي دخلتوهن انت و طلووول !
عبد الله : ياشين القافه ما يمدحونها ها اليومين
بسمة بدون نفس : رد ع بنتك
عبد الله وهوه يشوف بسمة : حطو الغداء تراني ميت من اليوع ...............( و راح لدارة )

نجد بستغراب : يمه !
بسمة بعصبيه : شتبين انتي بعد !
نجد : ابوي شفيه ! ، كل ما يطلع من ولد مريموة و يرجع متكدر علينا !
بسمة بحقد : سحرنه طلووول ، مثل ما مريموة سحرت ابوة
نجد بطلت عيونها ع كبرها و قالت : يمه! عمي كان مسحور
بسمه قالت بسرعه و بعصبيه : سحرته سحرنها الشيطين
نجد بخوف و علامات الذهول ع يهها : و ليش يمة تسحره
بسمه بنفعال : علشان يخذها و يتركـــ......( و كانه حد نبهها و سكتت فجئه..... و قالت لنجد بعصبيه ) و انتي ليش تسالين يا الملقوفه !..... اشوف طوفي طوفي جدامي خلينا نخلي الغداء لبوج يا الله طوفي
نجد بدون نفس : زين .....

كلها دقايق و نزل ابو نجد من فوق و راح ع السفرة ع طول و بدو يكلون
نجد وهيه تقول لتاكيد لبوها : يبه العصر بنطلع
عبد الله بمزاح : وين !
نجد بطلت عيونها و قالت : يبه انت قايل لي انك بطلعني العصر و لا نسيت
تكلمت بسمة بدون نفس : اكيد بينسى اذا كان الشي يتعلق ببنته لكن بطلوووول ولد مريموة مستحيل ينسى
عبد الله قال ببرود : ماني ناسي و بعد ما ارجع من صلات العصر تجهزي
نجد تنهدت برتياح : خرعتني ع بالي انك نسيت
و عبد الله : و انا اقدر
بسمة : هه واضح
عبد الله التفت ع بسمة و قال بجديه و هوه عاقد حواجبه : تقديرن تخلين السانج بحلجج لدقيقه و تهنين علينا با الاكل !
بسمة جديه : و انا شقلت عاد ؟.... ما قلت شي
نجد وهيه تشوف امها و تقول : خلاص يمه
التفتت بسمة عليها و قالت بحده و عصبيه : انطمي انتي .............( و قامت بثجل و هيه تقول ) و هذا غداكم خليناه لكم تهنوبه........( و راحت )
عبد الله وهوه يشوف نجد و يقول : اكلي اكلي يبه .....
نجد بزعل : بس يبه انا ما قلت شي
عبد الله بعدم مبالاه : اكلي اكلي ما عليج منها

.................................
بعد ما رجع طلال و ابو نجد ( عبد الله ) من المسيد ... و دخلو البيت
طلال : عمي انا بطلع مع ربعي
عبد الله : ايه يبه احسن لك ، لا تحكر نفسك في البيت ، روح و ستانس ، و طيب خاطرك
ابتسم طلال له و قال : و لا يهمك ^_^ تامر ع شي الحين !
عبد الله : سلامتك و دير بالك ع نفسك
طلال وهوه يروح الملحق : ان شاء الله ....( وراح ، بعد ما شاف عمه رايح )

تعدل طلال و لبس و طلع في السيارة وراح لربعه
و عبد الله اخذ بنته و طلع



----------------- \عند طلال راح بيت ابو تركي /...؛؛
تركي كان واقف عند الباب و اول ما شاف سيارت طلال ع طول ركب فيها
تركي بابتسامة وهوه يسك الباب : السلام عليكم يا صاح
طلال رد له الابتسامة : و عليكم السلام
تركي وهوه يشوف طلال : وش اخبارك يا شيخ !
طلال : عايش لحد الحين
تركي : لاه ع بالي مت ، وش فيك ؟
طلال وهوه يحرك السيارة : بعدين بخبرك ، شخبارك انت
تركي وهوه يشغل المسجل : عال العال ، الا ما قلت لي عمك وصل ؟
طلال : ايه وصل امس
تركي بابتسامة : اكيد كان القاء حار
طلال بمصخرة : عيل ما حار ! .... تصدق امس كنت برمي في الشارع و السبه حرمت عمي ها الكذابه واخوها و بنتها !
التفت تركي عليه بستغراب و قال : كيف ؟
طلال بحسرة : تخيل يا تروووك انها قالت لعمي اني اسكر و ادوخ و ارجع اخر لليل و مصاحب شله فاسدة لا و فوق هذا قالت اني متهجم عليهم في البيت !!!!!!!! تصدق
تركي بذهول مما سمعه : ما صحيح يا ريال
طلال بصعبيه : و شحنو راس عمي بها الكلام و صدقاهم ، و حاني و صار يحقق معاي ، و ينازع آآه يا تركي ما تعرف وش حالتي ذيج الحظه و انا اسمع الاتهام من عمي ، ما تخيلت انه يصدق فيني انا ها الكلام ، و هوه عارفني عدل
تركي بحقد و كره واضح : فيه ناس بها النذاله و المستوى الواطي ؟
طلال بنفعال : و اكثر و اكثر يا تركي ، آخ يا القهر آخ ، و الله كنت بموت من غمي
تركي بعصبيه : و عمك كيف سمح لنفسه انه يسمع مثل ها التفاهات اللي تقولها زوجته و اخوها !
طلال : ما المشكله انه سلطان الخايس اكد الموضوع عند عمي ، و عمي شك فيني من اسلوبهم الوصخ
تركي بحقد : سفل .... ام النذاله في ها العائله الصراحه .....وش صار بعدين ؟
طلال وهوه يكمل بعد تنهيده : رحت انا لها الشيطانه و ما وحت امسها طاحت جدامي ، بس انا متاكد مثل ماني شيفك جدامي انها ما كان فيها شي ، بس كانت لعبه خايسه منها علشان تاكد لعمي اني ما استاهل اهتمامه فيني ، رجع عمي لي و بعدها فهم السالفه كلها
تركي وهوه يرص ع قبض ايده بقهر : اخ يا القهر اخ ، لو منك جان جتلتها من غمي و القهر اخ


----------------------في بيت ابو محمد ( سلطان )
سلطان : انا طالع
مازن وهوه يغرد : ماشي وين لسى في قلبي كلام
سلطان ( ابو محمد ) بدون نفس : سكتي ولدج لا اقوم اطب في بطنه
مازن بابتسامة وهوه يغني : خلص حنانك ما بقى الا قسوتك
سلطان ( ابو محمد ) بعصبيه و تهديد : مااااااااااااازن !
مازن ببرود : لبيه يا اابو مازن امرني يا الغالي
( ابو محمد ) سلطان عطاه نظره و بعدها لف يبي يطلع
مازن وهوه يقلد صوت ابوة : لك نص ساعه و ان تاخرت يا سلطوووون بتشووف شغلك معاي
نوره بجديه : عيب اسكت عن ابوك اسكت
( ابو محمد ) سلطان بعصبيه : لا خليه خليه ، شكله يبي يجرب ها الكف ع عينه
مازن وهوه يضحك و يقول : روح يبه رووح دب السلامه ، و تاخر قد ما تبي حتى لو ما رجعت انت حر ماحد يقدر يقولك شي دامني موجود روووح
ما رد عليه ابوة و طلع
مازن وهوه يغني : ما بقولك لا تروح ، روح و توكل ع الله ، يامعودني للجروح طالبك عني تخلا ، ما ابيك و لا ابي جربك ، ما ذبحني غير قربك
نورة بجديه : انت وش ها الحركات معاك !
مازن ببرود : خير وش سويت !
نورة : ابوك ها اليومين ما طايق ملابسه و انت تنرفزة بخفت دمك الثقيله
مازن ببرود وهوه يتسدح ع ريل امه و يقول : وش مسوووي علشان يتكدر !
نورة ببرود : شوو وش مسوي؟
مازن : يعني و ش مسوي وهوه ماراضي عنه ، لا انه ما يعصب ها التعصيبه كلها الا اذا سوى شي هوه ما مقتنع منه
نورة وهوه تمسح ع شعره : ما مسوي شي
مازن : لا تسلبيها ع راسي يا نوير قوليلي !
نوره وهوه تحط عيونها بعيون مازن و تقول : وش نوير ! ليكون اصغر عيالك انا
مازن ببرود : وش صاير !ابي اعرف
دخل محمد اللي توه قايم من الرقاد و يتثاوب و يقول بكسل : وش صاير !
نورة : ما صاير شي ، انت الحين قايم
محمد وهوه يتسدح ع ريل امه الثانيه و يقول بكسل : هيه
مازن : حمود
محمد وهوه مغمض عيونه : هممممممممم
مازن : وش فيه ابوك !
محمد فتح عيونه و قال لمه : صحيح يمه ابوي وش فيه ، امس ناقص بس يمسك لنا الخيزرانه و يضربنا
نورة بدون نفس : و ليش بعد !
محمد : مدري فيه و الله انتي ادرا
نورة لوت بوزها و قالت : لما تشفونه معصب لا تردون حتى عليه ، خلوه بحرقته


---------------------------
تركي : اكيد بيسوي كل هذا لا انه حاس بذنب اتجاهك
طلال : بس انا ما الومه هوه بشي ، الوم كله ع زوجته النسره و اخوها
تركي : بس هوه غلط دامه خلا مجال لشك فيك
طلال : ما يهمني ، اهم شي انه ما صدقهم بعد ما سمعني
تركي :و لمتى بضلووون ع ها الحال !
طلال بدون نفس : قلبها اسود و مستحيل يصفى نحيتي ، معناها لحد ما تموت
تركي : آمين
طلال بابتسامة : الا شخبار ابوك
تركي وهوه يتنهد بعصبيه : يؤؤؤؤؤؤؤه وش جابه ع بالك ، انا طافر من البيت بسبته
طلال وهوه يضحك : ههههههههههـ حرام عليك ، كله عاد و لا ابو تركي
تركي بعصبيه : ياشيخ ع باله للحين انا ياهل
طلال وهوه يشوفه بطرف عينه : و انت ع بالك الحين انك كبير !
تركي بطل عيونه و قال : عيل وش تشوف جدامك بزر مثلا !
طلال : لالا انا ما قلت كذا ، بس اشوف جدامي كتكوت
تركي وهوه يضربه ع جدفه : اقول بلا سخافه ، خلنا نروح لبدر و عبود و سلوووم ، تراه امس كانو ينتظرونك

....و راحو لربعهم ، و بعدها راحو ع الكرنيش يتمشون و يسولفون و يتمصخرون ع بعض .......

مر الوقت و رجع طلال للبيت قبل اذا المغرب .... تسبح و طلع من الملحق بعد ما سمع الاذان ......
توه يسك باب الملحق
: ع وين !
التفت طلال لصوت ، و ما ردت عليها بكلمة و قفل الباب
بسمة : انا اكلمك ما اكلم الطوفه اللي جدامك
لبس طلال نعاله و قال ببرود و طنازة : روحي صلي ، عسى الله يتقبل
بسمة وهيه تعض شفيفها و تقول : تعال بغتنك
طلال استغرب ، لكنه ما وضح لها و قال ببرود : وش بغيتي !
بسمة تنهدت : ابيك تساعدني بشغله ، تعال داخل
طلال بدون نفس : يصير خير لين ارجع من المسيد
بسمة بعصبيه : ما بخذ من وقتك اكثر من نص دقيقه
طلال بعناد و حقد : بها النص دقيقه بكون واصل انا فيها المسيد ، روحي من ويهي ماني فاضي لج
بسمة وهيه تضرب طلال ع صدره بقوه و تقول لعصبيه : يا مسود الويه تكلمني انا بها الاسلوب ، انا تقولي ماني فاضي لج ( و مسكته من ايده بقوة و يرته معاها و هيه تقوله ) بتجي اليوم معاي يعني بتيي
طلال وقف بقوة وسحب ايده من ايدها بقوه كبيرة و قال بعصبيه و قلت صبر ، و هوه يدفرها ع جدام : وخري زين عني - و الله لو ما كنتي حامل كان عرفت شغلي معاج - مو انا اللي تيرينه معاج بالغصب - فاهمه
الدم كله تجمع بويه بسمه من غمها و اسلوبه و قالت : طلووووووووول لا تحدني اسوي شي ما يرضيك ، تعال معاي بطيبك
طلال وهوه رافع حاجبه اليسار و يعقد ايده حول صدرة و يقول بنرفزة : وها المره ع شو تخططين ، قوليلي علشان اكون بصوره يا خالتي
بسمة وهيه تحاول تكتم غيضها : طلال تعالي ابي اكلمك
طلال ببرود : تبين تكلميني ! شي غريب الصراحه ! .... مع انه ما بينج و بين ولد عبد العزيز اي كلام صح يا خالتي العزيزة
بسمة بقلت صبر و حقد واضح : تخلخلن عضامك عضم عضم ....
( في ها الحظه وصل عبد الله و معاه نجد )..
طلال وهوه يروح عنها و يقول : هذا عمي و كلميه و هوه بيكلمني اذا اصلاً هناك شي كلام ...... ( و راح )
ماتت بسمة من اسلوب طلال ووقاحته معاها ع قولتها .......: كبر راسك يا ولد مريموة لما تشوف عمك ع بالك ماحد يقدر عليك ، انا لك يا السافل و انا اللي راح اطلع حقي منك بطيب و لا بالغصب
نجد بستعراب : يمه !
بسمة بعصبيه : خير انتي بعد وش تبين !
نجد بلعت ريجها و قالت بخوف : شفيج يمه ! ليش معصبه
بسمة ضربت نجد ع جدفها و هيه تعديها و تروح وهيه تقول : وخري عن ويهي لا بركتن فيكم ..........
عبد الله وهوه ينزل الاكياس الكثيرة من السيارة و يقول لنجد : شفيها امج بعد!
نجد بستغراب : مدري و الله يبه ، بس اتوقع انه طلووول له يبد بحالت امي
عبد الله بدون نفس و بنرفزة : و انتو ما عدكم سالفه غير طلووول طلووول هذا ، ذبحتنونا خلاص عاد ارحموة و ارحموني


------------------------
عبد الله : شفيج
بسمة : انت عارف وش فيني
عبد الله : لا ما عارف وش فيج ؟.... شو اللي موقفنج برع مع طلال ، شو كنتي تبين منه ؟
بسمة سكتت و لا ردت عليه
عبد الله وهوه يلس : انا اسالج
بسمة رفعت حواجبها و لوت بوزها بدون لا ترد ع عبد الله
عبد الله : لما اكلمج تكلمي
بسمة صدت ع التلفزيون و ما ردت عليه
عبد الله بدون نفس : ولي زين مو منج مني انا اللي عطنج اكبر من قدرج، ( و راح عنها )
نجد وهيه تشوف امها و تقول بعتاب : يمه شفيج ع ابوي !
بسمة عقدت حواجبها بقوة و هيه تقول : جب انتي جب .. لا تدخليني ما بقى الا البزران بعد
نجد بشويه عصبيه : يمه انا معاج صحيح انه ما نبي طلوول في البيت بس عاد مو كذا ، خفي ع ابوي اشووي و الله حرام ...و الله ابوي بيطلع و ما راح يرجع لها البيت ابد اذا ضليتي بها الحاله
بسمة بعصبيه : ما نقص الا انتي يا البزر تعلميني ها الكلام ، ( و صرخت عليها ) قومي طسي من ويهي قوووووووووووومي
نجد تنهدت بغيض و راحت عند ابوها
بسمة من بين اسنانها و بعصبيه و بدون نفس : هذا اللي ناقص بعد ما بقالي الا انتي ... اوووووووووووووف منكم و من ها العيشه اللي تقصر العمر

دقت الباب بس ما رد عليها
نجد : يبه انا نجد ........... ما سمعت رد .. فتحت الباب بشويش و دخلت ... شافت ابوها يالس يصلي ... يلست ع السرير تنتظرة
بعد ما خلص من صلاة
نجد بابتسامة وهيه تقوم و تيلس جمب ابوها ع الارض : تقبل الله
ابو نجد وهوه يلتفت صوبها : منا و منكم صالح الاعمال
نجد : يبه
ابو نجد وهوه يلف سجادة الصلاه : خير يبه وش بغيتي !
نجد : يبه انا احبك وايد
ابتسم ابو نجد عليها و قال : و انا اموت فيج بعد
نجد : يبه ما ابيك تزعل من امي
عبد الله بابتسامة صغيرة : و من اللي قال لج اني زعلان منها
نجد : جد يبه انتي ما زعلان
عبد الله وهوه يمسح ع شعر نجد ويقول : انا ما اقدر ازعل لا عليج و لا ع امج ، انتو كل حياتي
ابتسمت نجد و قالت : يعني انت تحب امي !
عبد الله وهوه يرها من خشمها بلطف : اكثر منج بعد
ضحكت نجد و قالت : لاه
عبد الله : اكيد احبها مو هيه زوجتي و امي عيالي و شريكت حياتي في الحلوة و المرة
نجد تنهدت و قالت : عيل يبه ليش ها المشاكل الدايمه بينكم
رفع حواجبه و قال : اي مشاكل و انا ابوج ، حنا ما بينا مشاكل
نجد بجديه : فيه طلال
تنهد ابو نجد بقوة و قال : انا لله
قالت نجد بسرعه : يبه انت اخذ با المشكله و اسبابها ، شو هيه اساس المشاكل في ها البيت !.... طلال
عبد الله : المشكله يا نجد فيكم انتو مو في طلال ، و اساس المشكله هيه انتي و امج يا نجوود
استغرب نجد منه و قالت : منا! .....
عبد الله : اشفيكِ ! ايه منكم انتو
نجد بنفس نبرتها : كيف !
عبد الله : انتو ما راضين تفهمون طلال ، طلال انسان عفوي طيب حنون ، انسان ما يحب المشاكل ، كل اللي طلبنه منكم تعملونه بحترام و تحسسونة انه انسان حاله من حالكم ، ما تحسسونه بين الوقت و الثاني بيتمه و كل كلمه و الثانيه تصرخون عليه و كانه يشتغل تحت امركم ، لا يبه مو كذا التعامل مع الناس ، خليني اخليج مكانه ، لو انتي نفس حال طلال ، و عايشه مع عمج ، و طلال مكانج انتي ....كيف بيعاملج ؟... بنفس معاملتج له الحين !
قالت نجد بسرعه و بدون اي تفكير : و اكيد بيعاملني العن من كذا بعد
عبد الله : و ليش عاد !
نجد ببرود : لا انه ما يبحبني
عبد الله وهوه ياشر ع راسها : كلن يرى الناس بعين طبعه ...هذا تفكيرج انتي لكن لو طلال كان بمكانج ، ما راح يسوي ها الشي ابد ، بالعكس ، انتي ما حولتي في يوم من الايام تتقريبن منه و تكونين له اخت علشان تفهمين طلال ع حقيقته ، انا ما ابي العلاقه اللي تكون بينج انتي وولد عمج علاقه كره و بغض و حقد و انتقام ، ابيها تكون عكس هذا تمااااما ..... حولي تتقريبن منه حاولي تفهمينهــ
قطعته بسمه اللي دخلت بقوه و هيه تقول : و منو هذا ان شاء الله اللي تتقرب منه و تحاول تفهمه!
التفت عبد الله و نجد عليها
عبد الله وهوه يربت ع رجل نجد و يقول : نجد يبه سيري صلي
نجد وهيه تقوم : ان شاء الله يبه .......( و ع طول طلعت )
عبد الله قام و خذ السجادة و خلها ع التسريحه و سك الباب
بسمة بعصبيه وهيه تقول : انا اكلمك منو هذا اللي تتقرب منه !
عبد الله ببرود : و انتي شفيج كله تشحطين و تصرخين ! ....
بسمة بغيض : رد علي
عبد الله ببرود اكيد : تتقرب من ولد عمها ، و لو انتي تسوين نفسها كان زين بعد
بسمة بعصبيه و قلت احتمال : انااااااااا!

بسمه بقلت احتمال و عصبيه : و بسلمتك يالس توسوس براس بنتي !... تعلمها ع قلت الادب
عبد الله بعصبيه : نعم ! وش قلتي
بسمة بعصبيه : عيل وش اللي تعنيه تتقرب منه ! .... فيه واحد عاقل يقول لبنته تقربي من واحد !
عبد الله بعصبيه كبير وهوه يلوح بيده في الهواء : هاااي انتي شووو صااار لج جنيتي ولا شوووو!... انتي فاهمه وش تقولين ؟....
بسمة بغرور : انا اللي فاهمه وش اقول بس الظاهر فيه هنيه واحد ما عرف وش اللي يقوله ، و الظاهر عليه كبر و خرف
عبد الله وهوه يحاول يهدي نفسه و يكتم غيضه : انا خرفت الحين ! ( و تنهد تنهيدة طويله و قال ) افهمي يا بنت الناس هذا ولد عمها .... ما فيها شي لو تقربت منه و حاولت تكسبه لصفها
بسمه بعصبيه اكبر و صراخ: اسمع يا عبووود خل بنتي بعيد عن ولد مريمووووة احسن لك و له ، و لا تيلس تخرب بنتي علي فاهمه
عبد الله من بين اسنانه و هوه عاقد حواجبه : بنتج هيه بنتي ... و انا مستحيل اسوي شي يضرها لو اعرف انه قربها من طلال راح ياثر فيها كان ما قلت لها ...
قطعته بسمه بعصبيه : انت اللي تجيهن يومين و تلعب براس بنتك لعب ، و الحين ياي تقولها روحي تقربي من ولد الذينا تبيها تتقرب من ها الكلب!
عبد الله بقلت احتمااال صرخ بقوة و عصبيه و اضحه : بســـــــــــــــــــــــ ــــــمة لا تخليني اتصرف معاج تصرف ثاني ضبي نفسج و احترمي الفاضج .... ( و قال بقرف ) صدق انا الحياه معاج تقصر العمر ..............( و طلع عنها )
بسمة بحقد وهيه تنافخ بقوة و مخليه ايدها وراء ظهرها و تقول :هذا اللي انا مخذتنه منك الصريخ و بس ، بس ما عليه يا عبوود بعدك ما شفت شي مني و الله لخليك تندم قد شعر راسك و بتشووووف ...( و صرخت بقوه كبيره ) نجووووووووووووووووووووووو وووووووود
و طعت ع طوول راحت صوب حجرت نجد وهيه تصرخ : نجوووووووووووووووود نجد و يهد ......( فتحت باب حجرت نجد بطول ايدها وهيه تقول ) نجووووووووووووووووووووووو د!!!!!!!!!!
نجود كانت تصلي .....
قلت بسمه و هيه تدخل الحجره و تسك الباب : خلصي ......( و يلست ع طرف السرير )
كلها كم دقيقه و انتهت نجد من صلاتها و التفتت ع امها و قالت : خير يمه وش بغيتي
بسمه بعصبيه وهيه تاشر ع السرير : تعالي هنيه ابيج
قامت نجد من ع السجاده و طوتها و يلست عدال امها و قالت : سمي يمه
بسمة : وش اللي سمعته توني
نجد فهمت ع امها و قالت : انتي من صدقج يمه انا اتقرب من طلووول ! مستحيل اصلا!
بسمة تنهدت بعصبيه و قالت : خليني ع بالج يا نجووود و الله و الله لو عرفت في يوم من الايام انج تكلمين او تعاملين طلووول هذا مثل ما يسوي ابوج و يدلعه و الله لقصف عمرج ..... و جربي جان ترومين و شوفيني اسويها و لالا
نجد قالت بضيق : يمه انا ما اطيق اسمه عاد كيف تبيني اسيري اقابله و اسولف معاه و اتقرب منه !....اكرهه يمه اكرهه و لا اطيقه احسه انه ياخذ ابوي مني ! ابوي يحبه كثير و انا ابي ابوي لي وحدي ما ابي حد يشاركني فيه
بسمه وهيه تمسح ع راس نجد و تقول : هوه يسوي كذا علشان يكره ابوج فيج .... هوه ما يحب حد منا حتى انه ما يحب ابوج ، بس يسوي كذا علشان ينتقم و يحرق قلوبنا ، بس و الله ما راح يحصل اللي يبه انا اللي بوقفه عند حده
نجد ببرود : تدري يمه وش اللي اتمناه
بسمة وهيه تناظر في بنتها : شوووو!
نجد بحقد : اتمناه لو ما كان ولد عمي او اني ماعرفه او اتمنى لو امه و ابوه ما ميتين و عايش معاهم و فاكنا من ها البلوة
بسمة بحقد اكبر : و انا اتمنى انه يمووووت ليوم قبل بكرة ، و لا يكون عايش معنا و لا مع اهله و لا بها الدنيا ابد



...........؛؛ يتــــــــــــابعـ؛؛.......... .