........؛؛ البـــــــ15ـــــاارت؛؛...... ..
------ مع طلال
عبد الله وهوه يضحك : هههههههههههـ كل تبن يا الله ادرس اشوووف
طلال بابتسامه : تراني ادرس ^_^ عيل وش تشوفني اسوي !
عبد الله كان متسدح ع سرير طلال و صاد عليه و يقول :ادرس مثل الخلق مو كذا
طلال اللي كان منثر كتبه ع كل مكان في الملحق و هوه يالس في النص : يبه انت شدراك الخلق كلها كذا تدرس الحين
ابو نجد : قولي يا طلووول
طلال رفع راسه لمستوى عمه و قال : هلا
ابو نجد : فيه حد يضايقك!....في المدرسه .... او في الحاره ؟....
طلال بابتسامه واسعه : لا يا عمي ..... تدري فيني مسالم ...بس ليش؟
ابو نجد بجديه : قولي يابوك اذا حد مضيقك او مزعلك او مكدرك بس عطني خبر
طلال تنهد برتياح و قال وهوه يحس انه الدنيا مو وسعته من الراحه : تسلم يا ابوي و الله ماحد مضيقني و لا شي .... و بعدين يا غالي ماني صغير اذا صارت لي مشكله بحلها بنفسي
ابو نجد : لا يبوك ما ابيك تتمشكل مع الناس ، تراه الناس بها الزمان ما يرحمون ....
طلال بابتسامه ثقه : و لا يهمك يا الغالي انا قدها .....^_^ ... تقدر تعتمد علي .... و انت اذا عندك مشاكل قلي عنها و شوووف اذا اقدر احلها و لالا ...
ضحك ابو نجد عليه و قال : ههههههههههـ زين يوم سالتني ....عندي مشكله الصراحه و ما عارف كيف احلها
طلال وهوه يضرب ع صدره و يقول : افا عندك مشكله قولها و جربني
ابو نجد بابتسامه واسعه : و الله انك نشمي يا عمي هههههههههههههههـ اسمع المشكله .. فيه و احد عنيد كل ما اقوله يمين يروح لي شمال كل ما اقوله روح قوم ينزل لسابع ارض ... كل ما اقوله تعال يا بوي بتاكل معي قالي شبعان
طلال وهوه يضحك : وين المشكله فيها ، تبيني ايره من اذونه و اسحبه معاك
ابو نجد : انا خاطري ايره من اذوونه و اسحبه معاي
طلال بابتسامة : مالك غير انك تسحبه وراك بالقوه
ابو نجد بابتسامه : شورك و هدايه الله من اخلص بسحبه من اذووونه ، نزل من ع السرير و سحب كتاب من الكتب المنثوره ، متى بتبتدي اختبارتكم
طلال وهوه يكتب : تو الناس ع الاختبارات
ابو نجد : متى تقريبا
طلال وهوه يفكر و بعدها قال : تقريبا شهرين
ابو نجد : و أي ماده تشوفها صعبه عليك!
طلال : الحمد لله لحد الحين زينات مافيه شي صعب ، و أي شي استصعبه اروح لستاذ الماده و هوه يشرحه لي
ابو نجد بابتسامه : ابصرحه انا متفائل فيك خير ، اسمع و انا ابوك اذا تبيني اجيبلك مدرس خصوصي بس عطني خبر
طلال بابتسامة : ادري فيك ما راح تقصر يا الغالي بس ما اظن اني بحتاج لمدرس خصوصي ... شاطر انا و لا ما تعرفني
ابو نجد بابتسامه واسعه : فديت الشاطر انا هههههههههـ ابيك ترفع راسي فاهم
طلال بثقه و بجديه : اوعدك يا عمي و عد ^_^ و هـ النسبه اللي بجيبها هديه لك انت يا الغالي
ابو نجد وهوه يشوف طلال بحب و بعدها قال وهوه يفتح ايده لطلال : تعال
طلال ترك اللي بيدة و راح لعمه بابتسامه و قرب منه و التفت ايد عمه عليه بحنان الاب و الام و العم و الصديق و الاخ و الاخت
شعور طلال بذيج الحضه لا يقدر لي أي وصف او أي كلام يوصفه ..... هذا الحظن الوحيد اللي كان يحتويه من لما غابت امه و ابوه عن الدنيا ... هذا اخر حظن اللي بقى له .... و ما يتمنى او انه يتخيل باي شكل من الاشكال انه يفقدة ابد ..............
.
.
.
.
.
======== ام نجد
ام نجد وهيه تمشي في الصاله بتوتر و حاطه ايدها و راء ظهرها و تقول بضيقه : وين راح هذا ! اوووف ، و ين طس !
نجد وهيه تلبس شيلتها و توقف
ام نجد وهيه تشوف نجوود و تقول : ع وين انتي بعد!
نجد التفتت ع امها و قالت : بسير اشوفه اذا مع طلووول !
ام نجد وهيه تقول بسرعه : سيري سيري شوفيه بسرعه .....
ع طول نجد طلعت من الصاله و راحت صوب الملحق و شافت نعال ابوها هناك .... و اول ما شافت النعال ماتت من القهر .... دقت الباب بقوة و بغيض
طلال من داخل: من!
نجد بصوت عالي : هاااه انت ابوووي معاك !
ابو نجد : افتحي الباب و دخلي
نجد فتحت الباب و توها بتتكلم بس بدت تقلب بعيونها في ارجاء المكان .... و بدت تشووف المكان و طلال بقرف ..... و بدت معالم ويهه تبين انها متجززة من المكان و ماتت من القهر لما شافت طلال يالس قرب ابوها و قالت بغرور : يبه! انت شلون قادر تيلس بها المكان ..( و كانت تاشر ع طلال و المكان بطرف اصبعها )
ابو نجد بابتسامه : تعالي نجوود بغيتج
نجود وهيه تشووف المكان و بعدها شافت ابوها و قالت بدون نفس : تبيني ادخل بها المكان ......( سكتت اشوي و بعدها قالت بغرور ) يبه امي تبيك
تضايق ابو نجد من اسلوب بنته و طريقه كلامها و قال بدون نفس : وش تبي !
نجود وهيه تشوووف طلال وودها تخنقه : مادري بسرعه يبه
ابو نجد : فيها شي ؟
نجود بدون نفس و هيه تمد في كلمتـ : مدري
ابو نجد بابتسامة خفيفه : زين ادخلي و بعد اشوي بروح لها
نجود بحقد : مابي ..... ( و راحت بسرعه )
طلال وهوه يشوفها ويشوف كل حركاتها قال ببرود : وش فيها ؟
ابو نجد وهوه يربت ع جدف طلوول: مدري .... بقوم اشوفها .... و جهز نفسك بنطلع نتعشاء تماااام طلووول
طلال بابتسامة : و اليوم بعد برع !
ابو نجد وهوه يووقف : هيه اليوم بعد ، شسوي فيك ادري فيك لو قلت لك ادخل تعشاء معنا ما بترضا
طلال بابتسامه : و رفيجك!
ابو نجد بابتسامه : كنت اقصدك انت يا الدب .... جهز نفسك( و راح عنه ) ...( ابو نجد في نفسه ) ما منج فايده يا نجووود و انا اللي احاول اقربج من شخصية طلال بس انتي باسلوبج اللي مخذتنه من امج مستحيل تتعدلين او تفهمين ، ياليت تتقريبن منه و تفهمينه ياليت ، بس دام امها موجوده فنجد مستحيل تتقدم خطوه لجدام ... الخراب كله من ها المره اللي قلبها اسود وش اسوي وياج يا بسمه و الله انج هده حيلي و مشيبتني ... بحاول انا اصلح الامور بينهم اشووي اشووي مع انه السالفه مستحيله لكن الله يكون معاي ، يارب تقوين بس ع اللي ناوي اسويه ... و الحين بحاول اني اخذهم للمطعم كلهم و هناك بحاول الطف الجوووو ماكوو غير ها الحل ( و تنهد تنهيده طويله ) .... ( دخل الصاله )
نجد كانت وراء امها و بسمه جدام قالت بسمه وهيه عاقده حواجبها و تضرب كف بكف : حنا كل ما دورنا عليك نلجاك مطيح مع هذا ، و تاليتها معاك انت ! ... لمتى بتبقى ملوع بجبدي ، و جتلني غم و هم و قهر لمتى بس!
ابو نجد تنهد مع انه كان متضايق من تصرفات و اسلوب بسمه .... قال بهدوء مصطنع : امري بسمه وش بغيتي
بسمة بكل عصبيه : لاه بكل برود ، امري وش بغتي ....حلوة ذي
ابو نجد وهوه يناقخ بقلت صبر : انا لله
بسمة بحقد و هيه تتكتف : وش كنت تسوي مع ولد مريموة ؟
ابو نجد بدون نفس: ولد اخووي بكيفي اروح معاه و لالا ، شو مثلا انتي بتمنعيني
بسمة وهوه تعقد حواجبها بقوة و تقول : عبد الله لا تحرق دمي اكثر من كذا ، و انا اذا بغيتك ما تروح معناها ما تروح ، ما يكفي انك خنقنا به ، و بعد كل هذا تجي يومين بس و تقضيهن معاه ، وش ها الحياه ياربي وش ها الحياه اللي تقصر العمر
ابو نجد تنهد تنهيدة طويله ، و قرب من ام نجد و مسكها من جدفها و يلسها ع الغنفه و يلس عدالها : يا بنت الحلال اهدي اشويه .... ما زين للي في بطنج .... خلاص هدي هدي
بسمة وهيه محرجه : و انت ما عندك غير هدي هدي ، ايه معلوم ما عندك غيرها ،دامك ع هذي الحال
ابو نجد : أي حال !
بسمة : الحال اللي انته عليه
ابو نجد عرف انه لو فتح أي سالفه مع بسمه راح تقلب ها الليله لغم فقال : انا لله ، اذكري الله يا مره
بسمة وهيه تتنهد : الف من ذكره
ابو نجد بابتسامة : و الحين شرايكم اطلعكم تتعشون برع !
نجد بابتسامة : برع! جد يبه!
ابو نجد وهوه يشوف نجد : ايه يبه برع ، نتعشاء في مطعم ، او انا نشتري عشانا و نروح ع البحر و نتعشاء هناك .. شرايكم
بسمة بدون نفس : انا و انت و بنتك و بس
ابو نجد سكت اشوي و بعدها قال : و طلال
بسمة وهيه تضرب كف بكف و تقوم من عدال عبد الله و تتنازع : لا ما نخلص من ها الطلوووول اللي قاعد ع جبدي ، قعدلي هناااا ( و هيه تاشر ع حلقها )....( و سكتت فجئه )
نجد بترجي : يبه دخيلك ، خلنا نروح ها المره بروحنا انا و انت و امي بس ،و الله مشتاقين ها المه
ابو نجد وهوه يبي يفهمهم : يبه اسمعيني طلال راح يــــ
قطعته بسمه و قالت بحقد : خلاص خلاص فهمنا بروح
ابو نجد التفت ع بسمه بسرعه و قال بعدم تصديق : بتروحون؟!!!!!!!!!!
نجد التفتت ع امها بستغراب
بسمة : هيه بروح ، نجد يمه جيبي عباتي من فوق
ابو نجد بابتسامه واسعه : ايه كذا ، تسلمي و الله يا ام عيالي ، انا بروح ابدل و بجي ع طول ...( و راح
بسمه و هيه تشوف ابو طلال بعصبيه ، و بعدها التفتت ع نجد و قالت بصراخ: وش تتريين ذلفي هاتي عباتي
نجد ببرود : زين لا تصرخين علي
بعد ما راحت نجد و ابو نجد من الصاله .... لبست شيلتها و طلعت من الصاله بدون أي صوت .... و راحت للملحق
بدون دق باب بدون أي استاذان بدون أي احترام ..... فتحت بسمه الباب ع طووول ايدها .. لحد ما ظرب الباب في الجدار
طلال اللي كان يلبس قميصه التفت بسرعه ع اللي دخل عليه برعب ....
ام نجد وهيه تشوف طلال بنظرات قرف : ولد مريموة الخايبه يتعدل ع وين النيه ان شاء الله ؟
طلال بعصبيه وهوه يسك الازرار مال القميص : الناس تدق الباب قبل لا تدخل .. هذا هوه الاصول
ام نجد وهيه تدخل و تروح صوبه بسرعه و تمسكه من قميصه بعنف و تقول : انت تعلمني كيف ادخل غرف بيتي يا الخايب ؟
طلال وهوه يخلي عيونه بعيونها و يقول : وخري عني ..... وخري
ام نجد كانت تشووف طلال و ملامح ويهه و تفاصيل ويهه و عاقدة حواجبها بقوه و تتنفس بسرعه و عمق و غيض ...
طلال اللي كان يشوفها و يشوف نظرتها الحاقدة ( نظرات شيطانيه تظرات شر ، نظرات كره ، و غم و حقد و بغض)... ع طول طلال مسك ايدها و هوه يحاول يبعد ايدها ع قميصه قال من بين اسنانه : وخري عني وخري ، و ش تبين داخله علي جيه؟وش اللي مغيبتنه معاي !
بس بسمة ما ردت عليه و هيه بنفس الوضعيه
تسلل لقلب طلال الخوف و القلق من نظراتها ، و فكر بانه يسوي أي حاجه بس علشان يبعها عنه .....، مسكها بقوه باقوة ما عنه من معصم ايدها .... و كان راح يدفرها مسافه عنه لكن لو سوى كذا راح يطيح معاها ، او انه ياذي اللي بطنها ..... صرخ بويهه بقوة : هاااااااااااااااااااااااا اااااااااي انتي وش مغيبه في ويهي ؟...... وش ياليه تسووووووين معااااي ؟.... اطلعي برع الحينــــ
قطع صريخ طلال الكف القوي اللي انطبع ع خد طلال ... الخد اللي ياما و ياما و يامااا جاته مثل ها الصفعات ... ( التف وجه طلال للجهه الثانيه و طاح شعره ع ويهه باهمال ...ارتفعت ايد طلال لمستوى خده و بداء يتحسس مكان الصفعه بدون أي كلمه او أي تعليق
بسمه بعصبيه و من بين اسنانها و تقول بتهديد : و الله يا النذل يا و لد الخايس لو ما وخرت عن عبد الله و الله لبهدل حياتك كلها ، ما انت ع اخر العمر اللي تسحر ريلي ،تلتعن باجر و تقول لعبد الله انك تبي تطلع من البيت ، و لا و الله يا طللللول الكلب و الله لشبعك من ها الصفاعت و الطراقات و اطلعك من ها البيت ع القبر ، بخليك تتمنى موتك بكل دقيقه تعيشها في ها البيت ، انت فاهم !
رفع طلال رسه لها و قال بقوة باس وهوه يبعد ايدها اللي كانت متشبثه بـ القميص بقوه : اللي ما طولينه بيدج و صليه بريلج ، و اعلى ما بخيلج اركبيه
بسمه اللي ماتت من الغيض من رد طلال و قوت رده لها و قالت بصراخ و هيه فتحه عيونها ع اخر حد : نعم نعم نعم ! وش قلت ! انا تقولي اللي ما توصلينه بيدج وصليه بريلج ! ... انا تقولي اعلى ما بخيلي اركبه ! ... صدق انك واطي ( و ضربته بقوه ع صدره و قالت بعصبيه و اضحه و الضربات تتوالى ع صدر و ايد طلال ) معلوم بتقول ها الرد يا قليل الادب ، كبر راسك يا الواطي ، تحسب لك قدر هنيه ؟ انت حالك حال ها الطوفه اللي وراك لا اكثر و لا اقل ، فاهم يا الخايب ، فاهم يا الخايس
طلال بعصبيه وهوه يبعد عنها : انا ابي افهم شي و احد انتي شو مشكلتج معاي ؟! ... انا شو سويت لج ؟... ابي افهم بس
بسمة بحقد و اضح : افهم يا الحيوان افهــــــم، انا اكرهك ما ادنيك ما اطيقك ، اتمنى انك تموت اليوم قبل بكره و افتك منك و من همك يا الزفت .. و انت و لا احساس و لا شعور موووول ابد حيووووان لالا حشاا الحيوانات تحس اما انت لا
سكت طلال وهوه يحس انا الدنيا خنقته قال وهوه يبلع ريجه بعبره : الله يسامحج
بسمة وهيه تضربه ع صدره : الله يسامح الجميع الا انت ، تدري ليش ..... لا انك ما تستاهل الرحمه و لا تستاهل الشفقه ، و لا تستاهل أي حاجه الواحد يسويها لك
طلال تنهد بضيق و قال وهوه حاس بنار تاكل في قلبه من القهر : مشكور ....( و بعد عنها كان يبي يطلع ...)..( بس مسكته بسمه بقوه من ايده و منعته من الطلعه )
بسمة بحقد و من بين اسنانها : ع وين يا روح امك انت ؟
طلال بعصبيه و نرفزة : و ش تبين بعد مني ؟.... وش تبين تقولين؟....اكثر مما قلتيه ؟...يكفي اللي سمعته منج
بسمة بحقد وهيه فتحه عيونها ع وسعها و تقول بتحذير: انطم طمك الله .... لا ترفع صوتك جدامي يا الحاجد ، و خل النفس عليك طيبه ، و لا تحدني اسوي شي ما يرضيك يا طلووول .....سو اللي اقلك عنه فاهم
طلال غمض عيونه و فتحها بعد فتره من الزمن و قال : راح اسوي اللي تبيه ، بس تكفين ، عطيني فرصه لين اخلص من الثانويه و بعدها ما راح تشوفين ويهي ابد ....
بسمه بستغراب و ذهول وهيه تضرب كف بكف : تبيني اتحملك 3 اشهور ع بعضهن ، انا يوم واحد ماني قادره اتحمل اشوف ويهك جدامي عاد كيف 3 شهور ، انت ما فيك عقل انت !
طلال وهوه يشوفها بحقد و كره يفوق الوصف : ما راح تشوفين ويهي ها المده ابد ، راح ارجع اخر الليل و اطلع من الفير ... بس خليني ارقد في بيتج ها الفتره ، ما اطلب منج اكثر من جيه
بسمة بقرف و عصبيه : يعلك ما ترقد غير في جهنم ، انت ما تفهم الكلام كيف صاير ما تفهم ؟( و هيه تاشر ع راسه بدفاشه )..... ما ابيك في بيتي ابد ابد ... تفهم ها الكلام يا الوح ؟... انت شو من البشر ؟! .. صدق انك ما فيك احساس تحس با الكلام اللي ينقال لك ...
طلال تنهد و قال بشويه عصبيه و هوه عاقد حواجبه : تبيني اطلع من بيت عمي و ين تبيني اروح ؟.. مالي مكان !
بسمة من بين اسنانها : بطقاق اللي يطقك ، و انا شلي ابتلي فيك يا الخايس ، و بعدين تعال قولي وش ها الكلام اللي اسمعه ؟... هذا البيت بيتي انا مو بيت عمك يا روح عمك انت ... فاهم
قطعتها نجد وهيه تصرخ : يمـــــــــــــه يمـــــــــــــــه
التفتت بسمه ع نجد اللي كانت واقفه جمب باب الصاله و تناديها ...... اشوي وقربت نجد للملحق
بسمة وهوه تهز طلال باهمال : فاهم الكلام اللي قلته ؟.... و لا تبيني اعيده لك ؟.... باجر قبل لا يروح عمك تخبره انك ما تبي تيلس في ها البيت ، و لا و الله يا طلووول و الله لخليك تشوف نجوم الليل في عز النهار فاهم علي ، فاهم الكلام يا الوح!!!!!
نجد وهيه تشوف امها تهز طلال بعصبيه قالت لها بسرعه : يمه ! انتي هنيه و انا ما خليت مكان ما دورتج فيه ؟ ...( التفتت لطلال اللي كان و يهه احمر ومكان الصفع واضحه كثير و قالت ) يمه وش اللي جابج في ها لمكان ؟....
بسمة قالت بعصبيه : انتي جبتي عباتي
نجد وهيه تمد با العبايه لمها وتقول: ايه هذي ...
بسمه و هيه تاخذ العبايه و تلبسها و التفتت ع طلال و قالت له وهيه متجززة : انت انثبر مكانك و لا تطلع ... و اذا جاك عبد الله و قالك بتروح ياويلك و قلت له بروح ، تقعد هنيه تنثبر يمالك الوجع ....... ( و دفرته بقوه ... و مسكت نجد من معصم ايدها و يرتها معاها و هيه تقول ) و انتي تعالي معاي
انقهر طلال منها لحد الموت ... و باقوى ما عندة ضرب الجدار بيده ... يمكن يخفف الغيض اللي بقلبه اللي كاتمنه سنين و سنين .....
بعد فتره من القهر و الضيم اللي احتوى طلال و مو قادر يسوى أي حاجه تطلعه من اللي هوه فيه غير انه يشكي همومه لسيد الخلق ...( ربي العالمين )
خلع القميص اللي كان لبسنه و لبس له بيجامه نوم .... و جلس ع الارض بثجل (ضم ريوله لصدره و ضم راسه بين ايدة بهم و حزن و قهر .....
كلها ثواني قليله و اندق الباب ....
ع طول طلال عرف انا من وراء الباب من طريقه دق الباب ...
طلال ببرود: ادخل يا عمي
عبد الله فتح الباب و استغرب من طلال و قال : طلوووول! ... انت للحين ما لبست ؟ يا ولد قم البس
طلال بابتسامة : اسمحلي يا عمي اعذرني ، نسيت انا علي اختبار فيزياء....( و مسك كتاب الفيزياء و ع طول فتحاه)..
عبد الله : ما عليه يا ولدي بتذاكره من نرجع يا الله قوم البس بسرعه
طلال : لا رحو انتو ، انا ماني رايح
عبد الله : رحو انتو؟.....!.... انا توني بقولك انا بروح كلنا
طلال ابتسم ابتسامة قهر و قال : تراني فطين
عبد الله بابتسامة : ما علينا يا الفطين يا الله قوم خلصنا لمتى بنتظرك يعني!
طلال قال بخيبه : ابي اذاكر ، و انا توني متذكر الاختبار ، ابي اجيب فيه درجه زينه ، علشان كذا اسمحلي ماني رايح معاكم يا عمي
عبد الله : انزين راح تذاكر معاك بكره بطوله
و سمعو صرخه بسمه بصوت عالي : يا الله يا بو نجد لين متى بنتم واقفين ، خلصنا عاااااد !!!!!!!!!!!
عبد الله بنفس صراخ بسمه : اصبري يا مره اصبري
طلال وهوه يحاول يضبط نفسه : روح يا عمي روح، الله و ياك
عبد الله تنهد تنهيدة طويله : خلاص يا يبه راح اجيب عشاك لعندك .... لا تاكل شي
طلال بابتسامة خفيفه : ان شاء الله ....
عبد الله وهوه يطلع : دير بالك ع نفسك
طلال : ان شاء الله في امان الله
و راح عبد الله عن انظار طلال ....
رمى طلال الكتاب بقوة و بقهر و ارتطم الكتاب با الجدار بقوة ......و طلق طلال صرخه من بين اسنانه بضيم و غيض و بدى يعض شفايفه بقهر كبير ..... و قال بقلب مجروح و من كل قلبه ( ياااااااااااااااااارب تخذ حقلي با الكامل منها يااااااااااااارب يا كريم ..... يارب يارب روني جبروتك و قوتك فيها يارب و ع كل من ظلمني يا كريم يارب ....حسبي الله عليج يا الظالمه حسبي الله عليج .... يارب تنتقم منها بالقريب العاجل يارب .....يااااااااااااااااااااا� �ااارب)...
بسمة بطنازة : عيل وين الباشه ولد ست الحسن
عبد الله شغل السيارة و قال بدون نفس : ما بيي
ارتسمت البسمه ع شفايف نجد
بسمة براحه : و ليش عاد؟
عبد الله : يقول يبي يذاكر
بسمة وهيه تلوي بوزها : ايه خله يذاكر ابرك له ....
---------------\ في بيت ابو تركي/.........!
ام تركي : فرح مرح قومن ذاكرن احسن لجن عن الكلام الفاضي
فرح وهيه تشوف التلفزيون : يمه
ام تركي : وش يمه ؟.... من يتي و انتي مقابله ها التلفزيون ... ما شفتج قمتي تذكرين
فرح وهيه تلتفت ع امها : اذاكر شو يمه اللي يهديج بس اليوم الخميس ! .... اجازة اجااازة!!! و بكره براجع
ام تركي وهيه تبالغ : خل ابوج يسمعج تقولين جيه بيطلع عيونج
تركي كان متسدح جدام التلفزيون قال : يمه تراه اذكا الاذكياء يفكرون مثل بنتج ها الغبيه
ام تركي وهيه تاشر عليه : عاد انت اسكت لا تتكلم
تركي عدل يلسته و قال وهو يقول : انا خاطري اعرف وش مشكلتكم معاي ؟... الكل يسكتني و يشعمني في ها البيت ؟
ضحكت فرح و قالت : هههههههـ ببساطه هذا اللي تستحقه يا روحي
تركي رماها بعلبه الكلاينكس اللي كانت جمبه : انتي انطمي ، خاطري اقوم و اطب في بطنج
فرح و هيه تاخذ الكلاينكس و تفرح عليه و قالت بغياض : جرب فيك خير
تركي وهوه يهدد و يرميها با العلبه : لا تستفزيني احسن لج
مرح ببرود : الله و اكبر ، لا تستفزينه اخاف يذبحنا
ام تركي : خلاص انتي و ياه احترموني
توة يوصل ابو تركي من برع قال وهوه يرمي الغتره : السلام عليكم
الكل : و عليكم السلام .....
التفت ابو تركي ع عياله و احد و احد و بعدها قال : هذي يلستكم من يوم المغرب؟
ام تركي وهيه تشوف عيالها : هذي هيه يلستهم ما قامو
ابو تركي : و انا ما قلت لكم رحو ذاكرو!
فرح انسحبت بسرعه هيه و مرح و ع طول راحن بدون أي كلمه
تركي اللي كان يالس و يشوف ابوه
ابو تركي ببرود : و انت و ش تحرس بعد ؟... ( قال بشويه عصبيه ) فز
بسرع كبيره فز تركي من يلسته و قال : عن اذنكم
ام تركي وهيه تضحك ع ولدها قالت : هدي هدي يا ابو تركي
ابو تركي : ما تشوفينه ثالث ثانوي و يالس مقابلني ... بدل لا يسير يراجع
ام تركي :خلاص راح يذاكر لا تعصب
ابو تركي بتحذير: ان ما ياب ها الولد تسبه ما ادري وش بسوي فيه ؟!
راح تركي بملل و دخل غرفه فرح
مرح ببرد : وش جابك معنا!
فرح وهيه تاشر ع الباب: يا اخ تركي شكلك غلط با الغرفه ، برع يا الله برع برع
تركي راح صوب فرح و قال : اقول وخري من ع الكرفايه ابي اتسدح
فرح بدون نفس: ابصراحه متفرغ وايد انت ....روح ذاكر ابرك لك
تركي : مابااااا ....( توه بيضارب فرح بس رن تلفونه ) ..اصبري اشوي علي ...رجعلج
فرح بابتسامه وهيه تفره با المخده : رووح زين
تركي وهوه يشوف المتصل و بعدها ضربها با المخده ع راسها و قال : رجعلج يا الدبه ......... و طلع
مرح : مينووون
فرح ببرود : من المينون ؟
مرح : تركي بعد من
فرح : اقول يا البزر احترمي اخوج الكبير ..... و عيب تقولي عنه مينوون فاهمه
مرح : عيل انتي تقولي
فرح قالت بسرعه : بس بس عاد انتي ماحد يعطيج و يه ... ذاكر ابرك لج
طلال بصوت ضعيف: السلام ترووك
تركي وهوه يدخل غرفته : و عليكم السلام هلا طلوووول وش اخبارك؟
طلال تنهد تنهيده طويله : اخبااااااااااري سم
تركي : افا ! ... ليش عاد وش صاير
طلال بقهر : الحقيره الكذابه
تركي لو بوزة و قال بقرف : بنت عمك و لا امها
طلال بقهر كبير : امها الزفته
تركي تنهد بقهر : وش مسوويه ها الحيوانه بعد ؟
طلال ....... قال لتركي كل شي .......: حاس نفسي يا تركي بختنق ماني قادر حتى اتنفس.. احس المكان يكض علي
تركي وهوه يحاول يهدي طلال :استهدي با الله ، و خذ نفس ، و لا حتى تعيرها اهتمامك ها الوصخه تهبي الا هيه البيت مو بيتها ... البيت بيت عمك ... و مو هيه اللي تتحكم فيه ، خلها تولي زين .... و لا تشيل في بالك حتى .... و لا تصير حساس من نحيتها ... سو مثل ما تعودت طنشها
طلال بحسره و الم و تنهيده كلها هم : الين متى يا تركي بس الين متى ياربي بطنش و البلع ظيمها و قهر و كذب و اتهامات باطله ، و الله اني تعبت تعبت خلاص ما عاد فيني اتحمل اكثر ، كل يوم ابلع حراااات و قهر و ظيم تعبت يا تركي تعبت ....( و سكت للحظه...
.
.
الصمت ثوبي والمواجع طريقي ..
والحزن كلهـ وسط قلبي مقرهـ ..
لو استعيد بـ واقعي ذكرياتي ..
أحيا وأموت في الثانيهـ ألـ 1000 ـف مرهـ ..
همي يجيني من جميع الجهاتي ..
تجاوز حدود الفلك والمجرهـ ....!.
.
.
طلال بعبره وهوه يكمل : الله حسبيها الله ينتقم منها ، الله بيجزيها ،حسبي الله ع الظالم حسبي الله ع الظالم
تركي بقهر ماله حد : حسبي الله عليها سبع التحسيب هيه و بنتها ، يعلهم ما يربحوووون ، يعلهم حريجه ، ياخي قهر و الله ، تبيني اولف الربع و نطب بيتكم في وحده من الليالي و تكفخها باليحان...( الوح... ) ... خاطري اضربها بسكينه في قلبها ..... وش من البشر ذي حيواااانة
طلال ابتسم بضيق : ابي اشووفك تروووك
تركي : متى الحين ؟
طلال : ايه امرك و لا بتمر علي
تركي : العقربه طالعه !
طلال : ايه ذالفه برع .....
تركي : عيل اصبر بشوف ابوي كان بيسمح لي اطلع ، و برد عليك
طلال : تمام عيل بنتظر اتصالك
تركي: تمام باي.....
طلال : باي .....( و سد الخط)
فتح تركي الباب ....و حصل بويهه فرح حاطه ايدها ع خسرها و رافعه حاجبها اليسار و تقول و كانها تحقق في جريمه : ترووووووك ! من هيه ذي اللي تتحسب عليها و ع بنتها و تبي تلم ربعك و تدخل بيتهم تضربها ؟....!...؟
تركي بطل عيونه ع وسعها و قال : يا الخايسه واقفه تتسمعين كلام العرب!
فرح قالت بسرعه : لالا انا كنت يايه اخذ منك الكتاب اللي استعرته من المكتبه ، و سمعتك بس
تركي مسك فرح من ايدها بقوة و لوها لها و قال بعصبيه : و سمعتيني اتكلم قلتي بوقف اتسمع صح !
فرح بخوف وهيه تخبي ويهه و تقول برجفه : لالا و الله لا بسـ
تركي من بين اسنانه : بس وش و انتي سمعه الكلام كله
فرح وهيه تحاول تبعد ايدها عنه : وخر عني ترووك انت تعورني ... و خر
تركي وهوه يبعد عنها و قال بعصبيه : ها الحركات ما حلوته تراه ، و تسنعي لا اسنعج بها الكف ، سامعه
فرحه وهيه تسدج ع ايدها و تقول : انزين ترانا قلنا لك ما كنا نقصد ...( و قالت بفضول ) من هي هذي اللي تدعي عليها هيه و بنتها !
تركي غمض عيونه وهوه يكتم الغيض و قال : شوفي يا تذلفين من ويهي يا اني اقبرج في مكانج ...( فتح عيونه و قال بسرعه ) و انا وش اللي موقفني معاج....( و دفها ع الجدار و قال وهوه يتعدها و يروح ) و خري من ويهي زين
فرح وهيه تشوف تركي و تقول بصوت و اطي : من هيه ذي اللي تركي يتحسب عليها و يدعي عليها ! لا هيه و بنتها بعد ! .... من ؟...
تركي نزل لصاله و تنحنح و قال بابتسامه : قصو المشاهد الرومانسي الحين و سمعوني
التفت ابو تركي و ام تركي عليه
ابو تركي ببرود : مشهد رومانسي في عينك ....
ام تركي و هيه تحك عينها و تقول : شي طاح في عيني و ابوك يشوفها ع طول رومانسي
تركي وهوه يضحك : هههههههههههههههـ ايه انا غبي ما افهم ، قصي علي
ابو تركي و فيه الضحكه : بتقول وش تبي و لا اقوم اتوطى في بطنك الحين
تركي وهوه يخفي ضحكته : اكيد معلوم تتطوى في بطني تراه قطعت عليكم
ام تركي : و ابويي عليك يا مسود الويه ... عدل كلامك
تركي قال بسرعه : خلاص خلاص ....( سكت اشوي و بعدها قال ) يبه
ابو تركي : و حطبه
تركي وهوه يضحك : هههههههههههههههههـ حطبه تطيح ع راس اللي في بالي
ابو تركي بشك : من اللي في بالك ؟
تركي بابتسامة : نااااس ......... ابي اطلع خمس دقايق و برجع
ابو تركي :ما فيه روح ذاكر
تركي : دخيلك يبه ما راح اتاخر
ابو تركي : قلت لك ما فيه
تركي : ارجوووك .... يمه قولي شي
ام تركي : خله يطلع قال لك ما راح يتاخر
ابو تركي تنهد و قال : روووح بس يا ويلك لو تاخرت
تركي راح بسرعه و حب راس ابوه و قال : ما راح اتاخر كلها 10دقايق ....( و حب راس ابوه اكثر عن عشر مرات)
ابو تركي بضيقه وهوه يحاول يبعد تركي عن راسه و تركي كانه لصق : ووجع ، خلاص روووح ، ما صارت ذي محبه ، اذا ذي محبتك ما نبيها عذرنا
تركي ( في الحظه اللي كان يحب راس ابوة فيها اخذ المفاتيح مال السيارت ) و قال بابتسامه : سااامحني يبه ، يا الله سلام
ام تركي وهيه تضحك : الله يحفظهم من كل شر يارب
ابو تركي بابتسامه : بس لو يتسنع
ام تركي: ولادي متسنعين ما عليهم كلام
تركي وهوه يشغل السيارة و يتصل ع طلال : هااااه طلووول
طلال : ها ..... اجيك ؟
تركي بابتسامه : لا يا قلبي انا اللي بجيك
طلال بستغراب : كيف رضى عليك ابوك ؟... و عطاك السيارة
تركي وهوه يحرك السياره : اممممممممممـ بخبرك لما بوصل ... يا الله سلام
طلال : سلام .....
...........؛؛ يتااااااابعـــ؛؛..............
|