البارت 18.... يتااااااااااااااااابع ^_^
كل الرجال طالعين من المسجد .... و كل واحد منهم راجع لبيته .....
في بيت ابو نجد .....
ام نجد وهيه يالسه ع السفره : نجووود سير نادي ابوج قوليله الغداء جاهز
نجود : ان شاء الله ....( و راحت ع طول )
دقت الباب و دخلت
نجد قال : يبه امي تقولك غداء
ابو نجد قام ع طول و قال : يا الله يبه سرينا ....( و نزلو)
جلس الكل ع السفره
ابو نجد : نجود يبه
نجود التفتت ع ابوها و قالت : نعم يبه امر
ابو نجد : روحي يبه نادي طلال قوليله غداء
بسمه وهيه تشوف عبد الله قالت : و لد الباشاا ما يعرف انه غداء ، و لا يعني لزم يخلي بنتي مطراش له!!( قالت لنجود ) ايلسي .... بعدين بنودين غداه
ابو نجد بصرامه : نجود انتي ما تسمعين الكلام ! روحي نادي ولد عمج بسرعه
نجود بملل : يبه بيتغداء بعدين بروحه
ابو نجد بصرامه اكبر : قلت لج ناديه
نجود وهيه تقوم بضيقه و تعدل شيلتها : زين زين .... ( و راحت و هيه تتمتم بكلام وتتكلم بسرعه ) ...
ابو نجد : يا بسمه لا تعلمين البيت ع ها الاسلوب ... لا تعلمينها انها تشوف اناس اقل عنها
بسمه بدون نفس : فكنا و اللي يعافيك من ها ا لسالفه ....
ابو نجد : لا حول و لا قوه الا بالله ، ما منج فايدة ابد
---
نجد وهيه تدق باب الملحق بقوة
طلال من وراء الباب : من!
نجد بصوت عالي : العفريت
طلال وهوه يبطل الباب : عفريت اللي يكلج
نجد وهيه تشوفه بقرف : خطف جدامي ... ابوي يترياك
طلال : وش يبي عمي !
نجد بدون نفس وهيه تنافخ : اووووووف وش يباك بها الوقت يباك تلهف ... تلط الاكل .... خلصنا
طلال بنفس اسلوبها : روحي و قولي لعمي مابا الط شي ...( الط :- أكل )
نجد قالت بسرعه : ابركها من ساعه ... و احسن لك علشان ما تسد نفسنا ع الاكل .... اووووف ...( و راحت بسرعه )
طلال وهوه يشوفها بقرف و هيه تبتعد
---
دخلت نجد الصاله و قالت وهيه تيلس : مايبي
بسمه بدون نفس : اريح له ... سمو
ابو نجد : لا ماحد ياكل ... نجود روحي قولي له اني ابيه الحين
نجد عقدت حواجبها و توها بتتكلم قطعها بسمة وهيه عاقده حواجبها قالت : قال لك ما يبي بعد تبي تغصبه ، ياخي هني علينا بها القمه و خلنا ناكل
ابو نجد بصرامه : قلت ماحد بياكل .... ( و قال لنجود) روحي ناديه اقول لج
نجد بملل و ضيق و من بين اسنانها : يبــــــــــــــــــه
ابو نجد بامر : بسرعه !!!
نجد عدلت شيلتها و قامت بعصبيه كبيره : وش ها الحاله ياربي .....( و راحت)
بسمة وهيه عاقده حواجبها و تقول بتكبر : خوش و الله الحين بنتي صارت لكم مطراش انت و ياه
ابو نجد : بنتي مثل ماهيه بنتج ... و يبالها تاديب ما تشوفيها كيف تنافخ علي و تبربر بكلام ماله داعي .. ها كله من حسن تربيتج لها يا مره يا محترمه
بسمة وهيه تاشر ع نفسها : الحين ترمي الوم علي ! ..
----
نجود وهيه تضرب الباب بريلها و ايدها بغيض
طلال من ورا الباب ابتسم بستهزاء و ما رد عليها
نجود وهيه تصرخ : طلوووول و صمخ ان شاء الله
طلال كان متسدح ع سريره قال : فتحي الباب
نجود فتحت الباب بطول ايدها لحد ما ضرب الباب بطوفه و قالت بصراخ و هيه عاقده حواجبها : و الله خوش ....
طلال وهوه يشوفها بدون نفس : خير وش تبين كل اشوي داقه علي الباب !
نجود بغرور و بقرف : عاد الحين من زينك علشان كل شوي ادق عليك الباب .....
قطعها طلال وهوه يحرك ايده في الهواء و يقول : بس بس ابلعي السانج ... وش تبين الحين خلصيني
نجود ماتت من القهر من اسلوب طلال
طلال بصوت عالي وهوه يصلب طوله و يعدل يلسته و يقول بصرامه : هيه يا البزر وش تبين !
نجود قالت بصراخ : هاااي لا تنسى منو انت !... اشوف عطيتك ويهه قمت تصارخ ...
طلال وهوه ياشر عليها بقرف : اطلعي اطلعي برع .. اوقفي برع كلمني من برع .. يا الله ( و صلب طوله و راح جمبها و قال بدون نفس و بستعجال ) خلصيني اطلعي
نجود وهيه تشوفه من فوق لتحت و تقول بغرور : انت الحين تطلعني ... و الله هزلت
ضحك طلال ... ( في ها الحظه نجود كانت مستغربه من ضحك طلال )... قال طلال بستهزاء وهوه يقلد كلامها : هزلت ....( و اشر عليها بقرف ) انتي انتي تعرفين هزلت ! غريبه الصراحة
عضت نجود شفايفها بقهر ... و مدت بيدها ع ويهه و قالت بغيض : دوك خمسه في ويهك يا ولد مريموة .....( و راحت تركض بسرعه وقفت في نص الحوش بعد ما كان طلال يسوي حركه ع انه يبي يركض وراها .....قالت بحقد ) يا الزفت ابوي يباك ... مالت .....( و راحت بسرعه )
طلال وهوه يشوفها بدون نفس وهوه متقرف منها .... تنهد تنهيده طويله بعد ما اختفت من جدامه وراح صوبهم بعد فتره قصيره
---
دخلت نجود و كل الوان العصبيه و الغيض مرسومات ع ويهها .. دخلت و ما قلت و لا كلمه و يلست ع السفره
ابو نجد : وينه!
ردت نجود وهيه فاقده اعصبها : مدري ... لا تسالني عنه
ابو نجد بستغراب : انتي من وين يايه
نجود كانت معصبه و مالها خلق لحد : من مع السيد المحترم
ابو نجد وهو يرفع حاجبه اليسار و يقول : و ليش تقوليها كذا كانه مو عجبنج
ردت نجود بنفس شينه : لا انه فعلا مو عجبني ، اسمحلي بس مو معاه ذره احترام و اخلاق
بسمه وهيه عاقده حواجبها : شو اللي صار ! قال لج شي ؟.... سو لج شي
ابو نجد وهوه يلتفت ع بسمه : انتي خلج بعيد ع الموضوع
بسمة : لا حبيبي انا اللي بفهم الموضوع كله
دخل طلال بعد ما دق الباب و قال : السلام عليكم
نجود من شافت طلال تجمع الدم كله في ويهها و قامت بسرعه و قالت بعصبيه زايدة : دامه هذا موجود انا مالي مكان اروح اموت في غرفتي ابرك لي ....( لما وصلت عند الباب كان طلال واقف ع ركن الباب و صرخت في ويهه ) ... وخر و لا ما تشوووف يعني بمر
تنحى طلال عن الباب و راحت هيه ع طول .... طلال في نفسه كان متشمت عليها ، و ع شكلها
بسمة وهيه توجه الكلام لطلال و تقول بدون نفس : شووو قلت لبنتي خليتها بها الحاله !
طلال التفت ع عمه و قالت ببرود : و لا شي
تنهد ابو نجد و قال : تعال يبوك بتتغداء
طلال : مشكور يا عمي مو مشتهي
بسمه وهيه تلوي بوزها : عيل وش تنتظر يا الله روح فارج
طلال عطى بسمه نظره و التفت يبي يروح
بس وقفه ابو نجد و قال : وين وين ..... مالك طلعه من هنا الا و انت متغدي
طلال التفت ع عمه و قال : تسلم يا عمي بس ماني مشتهي .... عن اذنك ...( و راح )
ابو نجد كان يشوف طلال لحد ما غاب عن انظارة ... التفت ع بسمه بسرعه و هوه عاقد حواجبه بقوه و قال : اجلسي اطفحي بروحج ..... ( و قام)
بسمة بدون نفس : و الله ما بصوم لو ما تغديت .... ابركها من ساعة ....( بعد ما شافت عبد الله راح ، قامت من ع السفره و هيه متضايقه لي اخر حد و هيه تتكلم و تتمتم بكلام صاعد نازل
...............\
في المزرعه ........
تركي : يبه يعني اكلم الولد
ابو تركي التفت ع ولد وقال : يعني تبي تقنعني انك ما كلمته من امس!
تركي : لا يبه ما كلمته ، قلت اخاف تتراجع في كلامك ، و اطلع انا بصوره ما حلوه جدام طلال
ابو تركي : الريال يا تركي ما يتراجع عن كلمه قالها
تركي بابتسامة : يعني تم
ابو تركي : تم باذن الله تعالى ، بس مثل ما قلت لك ، اول اكلم عمه و اشوفه
تركي : تماااام يبه
ابو تركي وهوه يرجع ع شغله : يا الله كمل ارجع ع شغلك خلنا نخلص
تركي وهوه يرجع لشغله : ان شاء الله يبه
...............\
مرح وهيه امبطله عيونها : يعني يمه بيسكن معنا ريال غريب! هنا في البيت !!
ام تركي : لا يمه .... بعد ه هذا كله كلام ما صار شي
فرح بستغراب : و اذا صار صدق ... كيف بتسوون !
ام تركي : رااح ايلسون هوه و اخوج في الملحق
فرح عقدت حوجبها و قالت : بس يمه الملحق ما ينفع
ام تركي : بيرممونه و بيصبغونه و ياثثونه
فرح بضيق : بس يمه ما راح نقد ناخذ رحتنا في البيت ممثل اول
ام تركي بستغراب : ليش عاد
فرح و هيه تتنهد : ما ادري يمه ، بس انا ما اشجع ع ها الفكره ، يعني ما حلوه انه ريال غريب يجي يسكن معنا
ام تركي و هيه تتنهد بضيقه : يمه لو تسمعي سالفه ها الولد ما بتقولين ها الكلام
مرح : وش فيه!
فرح بفضول : ليش شو سالفته بضبط!
...................\
: هههههههههههههـ حبيبتي لا يروح فكرج بعيد بس انا اليوم مشغول فعلاً و لا في عاقل ما وده يشوف ها القمر !!
بزعل : وشو اللي شغلنك با الله ، شو عندك اهم مني!
: طبعا ما شي انتي اهم وحده بكل حياتي ....( و بعد التلفون عن اذونه و قال بصوت وطي ) طل .. ( و رجع السماعه و قال ) بس اليوم عيد ميلاد بنت اختي
: اليوم!
محمد بملل : هيه اليوم يا الله غزلان انا مشغول الحين سلام
غزلان : راكان لحظه
محمد ع طول سد الخط ف ويهها .... و قال بملل و ضيق : يلعن من يعطيج و يه ... اووووووف
دخلت عليه شروق بعد ما دقت الباب : حمودي
محمد وهوه يعدل يلسته و يقول بابتسامه : هلا
شروق : حمود حبيبي ابيك تروح العصر و تجيب الحلى والقالب و تجيب الاغراض الباقية
محمد وهوه ياشر ع عيونه : من عيوني ...
شروق : تسلم عيونك و الله ^_^............(و توها بتطلع )
محمد قال بسرعه : شروق !
شروق التفتت له و قالت بابتسامة : نعم
محمد قال بسرعه : امممـ شخبار احمد
شروق رفعت حواجبها و قالت بابتسامه : بخير و يسلم عليك
محمد ابتسم و قال: الله يسلمه يا حبي لها الريال و الله
شروق ضحكت و قالت : انزين انا بروح تبي شي
محمد وهوه يقوم و يروح عدال شروق : اممممممـ شروق
قالت شروق بسرعه : وش تبي خلصني وراي الف شغله غيرك
محمد قال : طيب ما راح اشغلج بس
شروق : بس شوووو تكلم خلصني
محمد : لا بس حبيت اسال عن خالتي وولادها كلهم
شروق وهيه تشوف محمد بتمعن : كلهم بخير
محمد وهوه يحك شعره و يقول : وريم!
شروق رفعت حواجبها و قالت : شفيها!
محمد قال بسرعه : و لا شي و لا شي بس اسال عن اخبارها
شروق تنهدت و قالت بابتسامة خفيفه : شمعنا عاد هيه؟
محمد ببرود : و لا حاجه بس انا قلت بسال عن الكل با الاسم
شروق : تطمن الكل بخير .... تبي شي الحين
محمد : لا
ع طول طلعت عنه شروق
محمد غمض عيونه و تنهد تنهيده طويله و هوه يخلي ايده و را راسه و يقول في نفسه .... ريم اااااااااااااه يا ريم ... يا ليتج تحسين باللي احسه انا اتجهج ..... آخ يا بنت خالتي اخ .... متى بس متى بتحسين ، يعني لها الدرجه ما تحسين و لا تشعرين فيني ، يعني انا اسوي كل اللي اسويه و هيه و لا كانه حد جدامها و لا تهتم .... ليش بس ليش يا ريم ليش.... انــــ
قطع تفكير صوت التلفون .... بطل عيونه و تنهد بضيقه و راح لتفون و رد ع طول و بنفس شينه : خير!
: مساء الحب يا و الوله و الشووووق
بصوت مولع من الحب : يا هلا و سهلا يا مرحبا بغلاااااااااااااااااااااا ااااي .. وينج يا ميعاد و الله قلبي يشتعل نار لما ما اسمع صوتج ....
ضحكت ميعاد بدلع و قالت : ههههههههههـ جد
محمد : وجد الجد بعد ، ما ادري انتي شو مسويه فيني ....ااااخ منج ، اخاف سحرتني
ضحكت ميعاد بدلع اكثر : ههههههـ انا سحرتنك! هههههههـ
محمد : وليش تضحكين ، ايه انا مسحور و انتي سحرتني بحبج و بجمالج و برقتج و زينج يا كل الزين انتي يا غلاي و حبي و حياتي و عمري
ميعاد بمياعه : راكان خلاص عاد تراه اخاف اموت من ها الكلام
محمد : و انا ابيج تموتين
ميعاد بستغراب : شنو!
محمد : ابيج تموتين في حبي يا حبي
ميعاد وهيه تضحك بمياعه : حسبالي بعد هههههههههـ
.................\
بعد صلات العصر
طلال وهوه يبوس راس عمه و ايده
ابو نجد بابتسامه : الله يرضى عليك ... دير بالك ع نفسك و ع خالتك و بنت عمك .. و ع البيت ، و ذاكر عدل
طلال بابتسامة : ان شاء الله ، و لا يهمك ، المهم انت دير بالك ع حالك و انتبه عدل لطريق و لا تسرع ، و كل زين و ما اوصيك ع صحتك
ابو نجد وهوه يضحك : ههههههـ ان شاء الله ، يا الله يبوك اخليك في حفظ الرحمان
طلال : الله وياك يا الغالي ..........( اللي استغرباه طلال انه نجود لي اول مره ما طلعت تسلم ع ابوها ....)
ركب عبد الله السيارة و شغلها ....
: يبه!
التفت طلال لنجود اللي كان باين ع ويهها الضيقه .. جربت من السيارة ... و بطلت الباب و طبت في حظن ابوها
ابو نجد ابتسم ابتسامه عريضه وهوه يماسح ع راس نجود و قال : حسبالي بروح و انا ما شيفنج
نجد قالت وهيه في حظن ابوها : يبه انت زعلان مني!
ابو نجد : امممممممممممـ ( بعدها ابتسم و قال ) لا يبه تعرفين اني ما اقدر ازعل عليج
نجد وهيه توخر ع ابوها و تحبه ع ايده و راسه : يبه سمحني
ابو نجد : الله يرضى عليج يا يبه ... مسموحه ... انتي مشكلتج السانج اقصريه و كل امورج ميسوره
نجد بعبره : يبه لا تروح
ابو نجد : لو كنتي ياهل كان بعديها لج ، لكن انتي شكبرج ، و عارفه اني وراي اشغال ، الله يرضى عليج يبه ..( تنهد عبد الله و قال ) سلمي ع امج و قوليلها ابوي راح ... و ديري بالج ع نفسج ، و امج وولد عمج و دراستج
نجد : ان شاء الله يبه
ابو نجد سك الباب مال السيارة و حركها : مع السلامه
طلال و نجد : مع السلامه .................( و اختفت سيارت ابو نجد )
نجد بحزن وهيه تشوف المكان اللي راحت منه السيارة: ربي يحفظة و يرد لنا بسلامه ، و الله انا تعبنا من ها الحاله ، متى بس بترتاح من ها الشي
طلال بطنازه : ما عليه ، راح تتعدل الاحوال و يرجع لكم هنا و يظل هنا جمبكم
نجد بتعب قالت : متى بس متى ، صبرنا و صبرنا و طال فينا الصبر ، و الحال هوه هوه
طلال وهوه يقلد صياح الاطفال : اهئ اهئ، لا الصراحه بكتيني ، و الله اريح له يوم يروح من ها البلا اللي في ها البيت ، خليه يروح للجنه ، وش يبي با الجحيم
التفتت نجد و كانها توها تستوعب انها كانت تكلم طلال و قالت وهيه تلوي بوزها بقوة : انت كل تبن يا الزفت ، بعد لك ويه تتكلم !
طلال قال لها وهوه يرفع حواجبه و يتكتف :من الزفت !
نجد وهيه تروح عنه مسافه و بعدها تكتفت مثله و قالت له بقرف : و فيه واحد زفت في البيت غيرك يا المعفن!
طلال رفع حاجه اليسار و قال بطنازة : جان قلتيها و انتي واقفه عدالي
نجود وهيه تاشر بصبعها ع راسها : بكيفي اقولها وين ما ابي ، بكيفي البيت بيتي
طلال نزل عيونه تحت و ابتسم بمصخره و رفعها و قال : بكيفج هاه .....اصبري يا الكلبه بطلع من المعفن و الزفت بها المكان .............( و سوى نفسه يركض صوبها بسرعهـ
و باسرع من الصوت ركضت نجد بصراخ للفله ........
..............\
شروق وهيه واقفه ع راس شوق : خلصيني ابي التلفون
شوق وخرت عنها التلفون و قالت لها : لحظه ... ( و رجعت تكلم رفيجتها )
شورق انتظرتها و انتظرتها و شوق شكلها ما ناويه تخلص ها المكالمة
شروق قالت بملل : خلصينا!
شوق : لحظه اشوي ........ ( و قالت لرفيجتها ) لا مو لج انتي
شروق وهيه عاقده حواجبها : سكي السماعه الحين
شوق قالت بضيقه : ايه حبيبتي اكلمج بعد اشوي .... باي ...( و سكت السماعه ) و قالت بزعل : تفضلي
شروق بدون نفس : هذي تسمى فرغه ، و ياليت فيه سولف زينه تسولفن فيها ، كله ضحك و طنازة و مصخره و حش
شوق بطولت السان : و الله انتي سويتيها قبلي
شروق وهيه تعطيها نظرات : انا سويتها !
شوق وهيه تروح عنها
شروق : لا حول و لا قوه الا بالله ............( و اتصلت ع بيت عمتها )
شروق : سلام عليكم
نجد : و عليكم السلام
شروق : شخبارج نجود!
نجد بابتسامة : الحمد لله تمام و انتي
شروق : بخير يعلج الخير .... نجود حبيبتي انا متصله عليكم اذكركم اني انتظركم اليوم
نجد : ان شاء الله حبيبتي ، بشوف امي اول
شروق : الا عمتي وين!
نجد : و الله مدري من اظهر وهيه بحجرتها ما طلعت
شروق : انزين نجود سلمي عليها و ذكريها اني اترياكم ....امممممـ عدكم حد يجيبكم و لا اطرش محمد
نجد : لا طلووووول بيجيبنا
شروق بابتسامة : ما شاء الله يعرف يسوق بعد
نجد بدون نفس : ايه يعرف ، خلف الله ع ها السواقه اللي يسوقها
شروق لوت بوزها و قالت : احمدي ربج زين لجيتي حد يخذج و يبج
نجد من طرف نفسها : الحمد لله
شروق : ع العموم انا متصله ااكد عليكم ، يا الله تامرين ع شي
نجد بابتسامة : سلامتج
شروق : سلمي ع امج
نجد : ان شاء الله ... مع السلامه
شروق : سلام ....
...............\
طلال لبس و جهز و طلع .... لبيتهم تركي ....
في الطريق اتصل طلال ع تركي
طلال : سلااااااااااااام
تركي بابتسامة عريضه : و عليكم السلاااااااااااااام ...شخبااااااااارك
طلال : الحمد لله انت شخبارك مع سالفه امس
تركي وهوه يهفس ويهه بضيق : لا تذكرني ... ماحد يهون سالفه امس الا ام عيون ساحره
طلال وهوه يضحك : ههههههههـ اقول انا قريب من بيتكم اطلع بس اطلع ...
تركي : بس انا مو في البيت
طلال : عيل وين!
تركي : انا في المزرعه مع الوالد ... و لك عندي يا طلووول خبر يسوى خالتك العقربه
طلال بفضول : شوووو هوه الخبر !
تركي بابتسامة : خلها لما اشوفك
طلال : و متى بشوفك عاد!
تركي : متى ما ربي كتب لنا لقاء
طلال ببرود : بلا فلسفه قول
تركي : مابقول في التلفون يبالها فيس تو فيس... لزم اقابلك
.................\
نجد بستغراب : يمه شفيج!
ام نجد ببرود : شفيني ما فيني شي
نجد : يمه انتي حاسه بشي
ام نجد : لا
نجد : عيل ليش ما طلعتي من دارج
ام نجد بملل : ابي ارقد
نجد : يمه ابوي راح
ام نجد هفست ويهه و قالت : ذيج الدرب ما مسكه حد انا
نجد بزعل : يمــــه هذــ
قطعتها امها : و حطبه قومي فزي ابي ارقد
نجد تنهدت و قالت : يمه
ام نجد بعصبيه : انزين انتي شتبين ؟ يمه يمــه
نجد قالت بهدوء : يمه شروق تسلم عليج و هيه تترينا ع الحفلة اللي مسوتنها لبنتها
ام نجد بعدم مبالاه : ماني رايحه مكان
نجد بطلت عيونها : ليه
ام نجد : مابي اروح بدون ليه و لا غيرها
نجد بزعل : يمه الله يخليج خلينا نروح ، ع الاقل نغير جو و نستانس ، و علشان انتي تطلعين من ها الكئابه اللي عيشتنها
ام نجد تنهدت
نجد وهيه تتمسكن : الله يخليج يمه الله يخليج ارجوووج .... تكفين ع شاني
ام نجد وهيه تشوف بنتها بطرف عينها
نجد وهيه تتجتل اكثر و تتمسكن : تكفيييييييييييييييييييييي يييييييييين يمه حبيبتي وافقي
ام نجد تنهدت و قالت من طرف خشمها : زين ، روحي من ويهي الحين
طارت نجد من الفرحه و حبت راس امها : تسلمين غلاي تسلمين ....( و راحت و الابتسامه شاقه الويه بس رجعت و قالت ) صحيح يمـــه يسلم عليج ابوي .......( و راحت)
ام نجد لوت بوزها و قالت : تعب عمره كان طرش السلام .... بدل لا يجي بنفسه يسلم علي ، مطرش السلام ورا بنته ، ما راح تتغير يا عبوود ما راح تتغير ، وش ها الحياه اللي عيشتنها ياربي... اوووووووووووووووووووف ... غمضت عيونها بحسرة و تنهدت بعمق ....( و اول صورة وضحت جدامها من وسط ذكرياتها كانت ..صورت عبد العزيز ..) ع طول فتحت عيونها و تنهدت بحسره و حزن .... و هيه تسترجع ذكرياتها و قالت بمراره .... كان الحين طلال ابني انا ... ابني من عبد العزيز ...
...............؛؛ يتابعــــ؛؛...........
|