[لامارا]

البارت السسسادس عشر .....$
ام احمد من فرحتها بخبر رجوع مها قررت تعمل عشاء وتعزم اهل مها واولادها ناصر قبل لا يسافر.. وعبدالرحمن واولاده .... رتبت كل شي وطلبت من الشغالات ينظفو جناح مها واحمد ويبخروه .. وينظفوو ملحق الضيوف لـ اهل مها .... اتصلت على الكل ..
احمد رجع من صلاة العصر ... وراح يتمشى على البحر شووي يبغى يفكر ايش يسووي بالايام الجايه ....رجع للشاليه شاف مها نايمه وباين التعب عليها ... قرر يروح يشتري لها لبس وكم شغله ناقصه عليها .. امه كلمته انها مسويه عشاءء اليوم .. وما بتلحق مها توصل للبيت وتغير ..راح للسوق واشترى لها لبس للحمل وطقم استحمام من بودي شوب بالفراوله ... واشترى وهو راجع للشاليهات عصير لها وسندوتش خفيف عشان تاكله قبل لا يرجعون للبيت ... وصل وما لقاها في الغرفه عرف انها بالحمام طلع الاغراض من الاكياس وحطها على السرير ونزل للمطبخ يصب لها العصير ويطلع لها الاكل .. لقاها واقفه بالغرفه بروب الحمام وتتطالع بالاغراض
احمد : عجبتك الاشياء ؟؟ ولا اخذك تختاري بنفسك !!
مها : لا حلووه بس مالها داعي ..؟
احمد : لا لها داعي امي مسويه عشاءء بمناسبة رجوعك ... وابتسم لها
مها : انت بشرت الكل اني رجعت ؟؟
احمد : وليه ماابشرهم !! الكل فرحان برجوعك
مها : بس انا لسسه ما قررت ارجع ولا لا !!
احمد رفع حاجبه : نعممم ؟؟؟
مها : الي سمعته .. ولو سمحت رجعني للشقه الي فيها اهلي ...
احمد : اهلك مو بالشقه ... راحو للبيت وقاعدين بملحق الضيوف
مها عصصصبت .: مين سمح لك تقرر وتسوي كل شي من غير لا تاخذ رايي ؟؟
احمد : الي سمح لي وجودك معاي وبنفس الغرفه وبنفسس السريرررر .... ركزز على اخر كلمتين عشان تفهم معنا كلامه
مها : الي صار غلطه ومثل ما قلت لك ماراح ارجع الا اذا قلت لي كل شي !
احمد واعصابه بدات تفلت كل ما قال صلحت الامور ترجع تخرب من جديد ..: مها اذكرري الله واهدي قلت لك الكلام الي عندي لا تصيري عنيده !!.... وقولي لي وش الي يرضيك وانا اسويه ؟
مها : قلت لك تقول لي ليش سويت معاي كذا ... ابغى اعرف كل شي كل شييي يااحممد
احمد قرر يقعد لان شكل السالفه مطوله .: غيري ملابسك وتغذي وبعدها يصير خير
مها : مالي نفس اكل .. قالتها بعناد تبغى تقهره عرفت انه صار مهتم بصحتها وحملها فقررت تلعب بهذي النقطه وتضغط عليه
احمد : مهااااا لا تطلعيني من طووري ترى صابر وساكت لا تزوديها .... بداء يعلى صوته
مها : لا تسكت هذا الي ابغاها انا ورجعه لك ماني راجعه ... والحيين الللللحييييييين ترجعني للشقه ... لفت براسه ولمت ايدينها على صدرها ...
احمد : مو صاحيه انتي ؟؟ اللحين تصالحنا الصباح والكل عرف بالسالفه تجي تقولي ماني راجعه ؟؟؟
مها : ما قلت لك تبشر احد .... يلا اطلع بلبس عشان ترجعني
احمد سكت لانه عارف نفسسه بيعصب ويطلع كلام منه ما ينقال فقرر يطلع ويسوي الي براسه
مها غيرت ملابسها ولبست لبسها الي جت فيه وقررت ما تلبس شي من الاشياء الي اشتراها احمد (( مها الحمل ماثر على نفسيتها غير انها حبت تحافظ على كرامتها الي ما تممملك غيرها ))
طلعت وهي شايله عبايتها في ايدها تبغاه يشوف لبسها ...
احمد شافها طالعه وعاررف ان براسها مشاكل .. : ليش ما غيرتي ملابسك ؟؟
مها تطالع بملابسها : ليش مو شايفني لابسسه !! ... احممد من جد بداء يعصب منها
احمد : مهااا وبعدين معااكِ ؟؟ ... خلي هالليله تعدي على خيرررر
مها : لا تصرخ وعدل اسلوبك ... والـ
قطع كلامها احمد وهو يمسسك ايدها ويجرها لها وصار وجهه قريب من وجهها
احمد : تعوذي من الشيطان لا تطلعيني من طوري وتخليني اعصصب
مها رفعت حاجبها وابتسمت ... مع انها كانت خايفه من احمد وعصبيته بس قررت ما تضعف
مها : وان عصبت وش بيصير ؟؟
احمد : مهاااا ... غمممض عيونه عششان يهدى ملامحها بدات تستفزززه .....مهاا الكل يستنا في البيت اهلي واهلك واولادك .. خلي عنك العناد !!
مها : مو مشكلتي والله ...
احمد : والمطلوب ..؟
مها : قلت لك اعرف كل شي ...
احمد فك ايدها وبعد عنها وهو يمسسح وجهها ويشششد شعره على وعسا يفرغ شحنات العصبيه الي فيييه
طلع من الشاليه بعد ما قفل الباب بقوووه لدرجت ان مها ارتعششت من قوة الصووت ... مها انهارت على الكرسي تمثيل دور القوييه ارهقها .. بدات تحس جسمها يهتزز مو قادره تسيطر عليه .. حسست انها بتستفررغ ركضت للحمام ورجعت مع انها مااكلت شي وهذا خلها تتعب اكثر ودواها نست ما تجيبه معاها ....حسست بالدوخه مو قادره تووقف مااكلت شي غير العصير الي شربته الصباح ... قعدت على الارض وغمضت عيونها وايدينها تضغط على بطنها تبغى الالم يهداءء
احمد رجع للشاليه وقرر يوصل لحل وسط معاها ... ما شافها بالصاله !!... راح يدور عليها بالمطبخ قبل لا يوصل للمطبخ شافها قاعده على الارض عند باب الحمام وتتالم هالشي باين من ملامحها ؟؟
احمد : مها وش فييك !؟!؟!
مها :.......... ما قدرت ترد من الالممممم تحس بمغصص والم في ظهرها ... خافت يصير شي للجنين ... نزلت دمعه من عيينها
احمد ما قدر يتحمل شكلها ودموعها ... شالها وحطها على الكرسي واخذ عبايتها وساعدها تلبس وتغطت وسندها الين وصلو للسياره .... وصلو ل اقرب مستشفى .. طلب من الممرضه كرسي واخذوها للطوارئ ....احمد قاعد على نارر مو قادر يصبر يبغى يعرف وش صار فيها ... ( طلعت من الشاليه ومافيها شي ؟؟ يارب رحمممتك )
بعد ثلث ساعه طلعت الممرضه تنادي احمد دخل الغرفه الي فيها مها ومعاها الدكتوره ... شاف الدكتوره قاعده على مكتبها ومها توقف من سرير الكشف بمساعدت الممرضه ... شاف الدكتوره تاشر له يقعد على الكرسي وشاف مها جايه لجهت الكرسي الثاني قعد
الدكتوره : الغريبه ي مها ان حملك هذا مو اول حمل .!! مع ذالك مهمله صحتك ومو متابعه الحمل من البدايه مع دكتورة نساء وولاده ؟؟؟
احمد يطالع في مها الي وجهها صاير لونه اصفر من التعب
الدكتوره : وانت كا زوج مفروض تهتم بصحة زوجتك وام اولادك ... انا كتبت لها فيتامينات ومثبت للحمل لا وضع الجنين ما يطمن ....
اعطتهم تعليمات وورقة العلاج واعطتهم بعض النصايح ... راحت مها مع الممرضه تعمل تحاليل للدم ... احمد قعد مع الدكتوره يسالها كم سؤال لانه مو فاهم وضع الحمل
الدكتوره : الي فهمته منك انك زوجها الثاني مو ابو اولادها !!
احمد : ايوه يَ دكتوره ... ابغى اعرف الاشياء الي تعملها والاشياء الي تتجنبها هالايام
الدكتوره : اهم شي الراحه النفسيه للحامل لان الهرمونات تعمل للمراه لخبطه في جسمها وتتاثر نفسيتها وهذا الشي يختلف من مراه ل اخره ... غير ان وضع مها ووضع الجنين بيخليني اقول لك ان الجماع ممنوع لانه خطر على الحمل على الاقل لمدة اسبوعين ولازم تتابع حملها عند دكتورة نساء وولاده وهي ساعتها تشرح لكم الوضع وتتابع معاها الين وقت ولادتها واهتم بغذاها الحليب والعصيرات الفرش ... واظن من لون بشرتها الصفراء انه بيطلع معاها بتحليل الدم فقر دم بس خلينا نتاكد بالاول ساعتها بكتب لها حديد تاخذ كل يوم
احمد اهتم لكل كلمه قالتها الدكتوره ... رجعت مها وانتظرو نص ساعه وطلعت نتيجة التحاليل ومثل ما توقعت الدكتوره فقر دم
الدكتوره : مها لازم تهتم بنسبة الدم عشان وقت الولاده لا يصير عندك نزيف ...
مها اكتفت بهز راسها ... طلعو من المستشفى ... احمد كلم امه انهم جايين ومها تعبانه شووي ما تقدر تقعد معاهم ... وصلو البيت ولقت مها ام احمد بااستقبالها سلمت عليها واستاذنة منها وطلعت .. وصلت وعلى طول غيرت ملابسها وراحت لسريرها ... المهدى الي اخذتها مريحها ومخليها تنام ...ما حست بنفسها الا وهي في سابع نومه ..
احمد اخذ دش ولبس ثوبه وغترته وتعطر شاف مها نايمه تطمن عليها ونزل ... استاذن عشان يدخل يسلم على ام مها ..سلم عليها ورحب فيها ومارضي يخليهم يسافرو ثاني يوم طلب منها يقعد يومين مع مها الين تتعافى شوي (( احمد حس ان وجود اهل مها ممكن يخلي اعصابها تهدى وومكن يكلم امها عشان تهديها )),, ام مها ماحبت تتدخل وتسال عن الي صار بينه هو مها ...
طلع ل مجلس الرجال لقاء ماجد وناصر قاعدين وماجد مستلم ناصر محشات
ناصر يمثل العصبيه : وبعديين معااك يَ العاززب ؟؟
ماجد : والله عاززب عازب ابرك لي من الزواج .... اخخ ي ناصر بعد شهرين نتصل عليك ناصر يلا طلعت بحر بتقول لنا لالا مااقدر مشغول مع الاهل هههههههههههههههههههههههه ياربي مااتخيل ناصر الي ما يقعد اسبوع الا يطلع للبحر ولا يسافر ههههههههههههه
ناصر : يرفع ايدينه ويدعي ... اشووف فيك يوووم ي ماجد ياابن خديجه
ماجد : هييه انت لا تقول اسم امي يا زوج ليلى ههههههههههههههههههههههههه ه
ناصر : ماجدددددددد اركد لا اذبحك من غير قبله اليوم !!
احمد : ههههههههههههههههههههههههه ه يالله عفوووك
ماجد : هلاااااااااااااااااا والله باابو ماجد
احمد : سلامات ؟؟ من متى انا ابو ماجد ؟؟
ماجد : من يوم عرفت ان المدام حامل وغمزز له .... مبروووك حمودي
احمد : يععععع لا تدلعني .... خربت الدلع يااخي
ناصر : حيا الله اخووي عزوتي وسندددي الي امس زفني ووصلني ل بيتي .... يدق احمد بالكلام لانه تركه في وسط الفرح
احمد : ناصر ليلى تناديك
ناصر : يالبييييييييييييه ونط واقف يمثل انه مستعجل بيروح يشوفها
ماجد واحمد : ههههههههههههههههههههههههه ههههههههههههههههههههههههه ههه
ناصر : اضحكو اشووف فيكم يووم احمد وخلااص شفت فيه عقبالك ي مجوود ههههههههههههههههه
ماجد : اعوذ بالله وكشرررر ... يااخي فكني من سيرة الزواج اخلص من امي تجي انت !!
دخل طلال وسلم عليهم وقعد يسولف معاهم وميت ضحك على هواشات ناصر وماجد
وصل عبدالرحمن وزوجته جميله ... دخلت جميله وتفكيرها ان العشاء عشان ناصر وليلى ... وتفاجات يوم شافت اهل مها (( وش جابهم ؟؟ ومها وينها !!))
جميله : السلام عليكم .. سلمت على الكل وركززت على ليلى ولبسها ... تحاول تطلع عيب فيه بس للاسف ما لقت اي عيب اناقه واحتشام وناعمممم ...
قعدت قريبه من امل وليلى ...
جميله : اخبارك اموله ..؟
امل : بخير الله يسلمك .. اخبارك انتي ؟
جميله : ماشي الحال .. الا وينها مها مااشوفها ..؟
امل : مها نايمه في غرفتها .. تعبانه شووي تعرفي الحمل وتعبه .... امل حبت تقهر جميله وتوضح ان امور مها طبيعيه وكل شي تمام
جميله (( وجع متى رجعت ل احمد ..؟ كل مااقول خلصت منها ترجع ... والله لو تدري وفاءءء بتتجنن ..!!))
جميله : اها سلامتها والله
اما عبدالرحمن راح لمجلس الرجال ...
عبدالرحمن : السلام عليكم
الكل : وعليكم السلام ...
سلم على الكل وعينه على احمد الي يتجنب انه يرفع عينه له ..؟... للحين مو متاكد وش فيه احمد ويبغى يعرف ..!
عبدالرحمن : اخبارك يااعريس ... يكلم ناصر
ناصر : عال العال ياابو ياسر
عبدالرحمن : هاه وش اخبار الزواج معاك سبع ولا ضبع ؟؟ ... حب يحرج ناصر ههههههههههه
ناصرر : افااااا سبع طبعا وانا ابن ابووي ... نفخ صدررره هههههههههههههههه
عبدالرحمن : كفووو والله ههههههههههههههه يضحك على حركات ناصر
ماجد : اقول بسس روقنا ... اللحين تتصل عليك المدام ما نسمع لك حسس هههههههههههههه
ناصر : يالييل الغيره .. يااخي متى تتزوج وتفكنا منك ... ؟؟
ماجد : ماني متزووج بقعد على قلبك
ناصر : اقعد ولا نام انا من اليوم وطالع مالي قعده معاكم بيتوتي بصيررر من الشغل للبيت من البيت للشغل
الكل : هههههههههههههههههههههه
احمد مو معاهم باله بعيييييييييييد عنهم .... يحسسس بضيقه من دخل عبدالرحمن عليهم ونفسه يطلع من المجلس بس خاف احد يلاحظ شي ...
حطو العشاء وتعشو ... ماجد قرر يوصل ناصر للمطار عشان احمد مبين عليه التعب ... وعبدالرحمن بعد العشاء قعد شوي عشان يدخل يسلم على امه .... طلال طلع من المجلس وراح للملحق .. بقاء احمد وعبدالرحمن لحالهم
عبدالرحمن : احمد !
احمد : سم
عبدالرحمن : وش فيك ؟؟
احمد : مافيني شي ...
عبدالرحمن : لك فتره متغير علي يااخوي .. قول لي جاك شي مني ..؟
احمد (( ااااه يااخوي كسرت ظهري يااعزوتي وتسالني جاني شي منك ..؟)) هالكلام قاله احمد في نفسه
احمد : ابد يااخوي ما جاني الا كل خير .. قال هالكلام وهو بتسم بسخريه من كلامه
عبدالرحمن يحس ان احمد وراه شي بس مو قادر يوصل له ... الله يستر منك يااحمد
احمد : ما قلت لي ياابو ياسر .. من وين تعرف منصور ..!؟
عبدالرحمن وحسسس ان احمد يدق بالكلام بس ماحب يبن له : ابد بينا شغل
احمد : شغل ..؟ غريبه شغلنا واحد ومااذكر اني شفت منصور بالشركه .!!
عبدالرحمن ويحس انه تورط : اقصد شغل عرفته عن طريق ابو خالد شفته مره وصار يزورني بين فتره وفتره .. قلت اعزمه على زواج ناصر
احمد : اهاا .. شي طيب والله
عبدالرحمن : احمد وش فيك .؟ زعلان عشان عزمت منصور عم اولاد زوجتك ..؟
احمد ضحك بسخريه : هههههه اخر همي تعزمه ولا لا ... الي يهمني اكبر من كذا ..
عبدالرحمن تاكد ان الي في احمد شي كبير طريقة كلامه متغيره ... الله يستر وش الي يعرفه احمد ..؟؟!
احمد : انتبه منه بسس سمعته في النازل هالرجال ... ما يهمه سمعت اهله الي وسخها ... ترى الي يقرب من الوساخه لابد يجيه نصيبه منها .....(( كلامه كله تلميحات ما غابت عن عبدالرحمن ))
عبدالرحمن : .... فضل السكوت ما يبغى يطول بالكلام يخاف يسمع شي مايبغى يسمعه ... استاذن منه عشان يروح يسلم على امه .. طلع عبدالرحمن بعد ما سلم على امه وراح لبيته ... احمد دخل البيت وكلم خديجه تجهز عشاء خفيف ل مها عشان تاخذ دواها ... طلع للجناح وشاف مها بدات تصحى
احمد : السلام عليكم
مها : وعليكم السلام ..
احمد : قومي عشان تصلي العشاء ... وتاكل عشان دواك تاخذينه ..
مها : ... ما ردت عليه قامت وراحت للحمام تتوضاء
... حطت خديجه العشاء وطلعت ... احمد لبس بجامته وقعد بصالة جناحهم .. شافها خلصت صلاتها وجت للصاله ... راح لمطبخهم وجاب لها العشاء وطلع من الجناح .. راح غرفة الاولاد .. ما لقاهم (( اكيد عند ام مها .. كان نفسسه يشوفهم وحششته ليان وعبود .. نوف يحبها بس يحسها ما تبغى تقرب منه من كذا مخليها على راحتها ..))... رجع للجناح لقى مها خلصت عشائها بس اكلت شووي منه وشرب نص العصير .
احمد : اشربي العصير اقل شي .. مو معقول تاخذي دواك وانتي معدتك مافيها شي ..؟
مها :.... ما ترد ولا تطالع فيه ... اخذت كاسة العصير وشربتها ...
احمد راح للمطبخ وجاب لها مويه عشان تاخذ دواها ,,, اشترا الدواء وفهم من الصيدلي كل التعليمات ,,, طلع لها الدواه واعطاها كاسة المويه مها كانت هادئه عكس الصباح وتسوي الي يقولها من غير نقاش او عناد ... احمد مرتاح لهدوها بس بنفس الوقت مستغرب منه ... شال الاكل ورجع لها ....
احمد شاف سكوتها فقرر ما يحتك فيها عشان لا تعصب يبغى نفسيتها ترتاح مثل ما قالت الدكتوره ... تعبان ونفسه ينام وما يبغى يترك مها لحالها ..
احمد : بتدخلي تنامي معاي ..؟
مها : طيب .... مشت رايحه للغرفه ... (( مها الفتره الاخيره وتعبها النفسي بسبب المشاكل الا جانب الحمل وتاثيره .. تحس نفسها تعبانه ومستسلمه لكل شي ... اليوم كان متعب لها .. افتكرت حملها في اولادها كان دايما فهد يحن عليها وما يفارقها .. واذا شافها متضايقه يقعد يضحكها الين ترووق .... تنهدت .. الله يرحمك يَ فهد .. شافت احمد دخل الغرفه ,, ))
احمد رمى نفسه على السرير يحس كل جسمه يوجعه .. تعب السفر وزواج ناصر واليوم ومشاكله مع مها .. وبعدين تعبها وحملها واخرها اخوه عبدالرحمن ... غممممض عيونه يبغى ينسى كل شي .. يتمنى ينام ويصحى يلقى كل شي تعدل ... رحممممتك يأأأرب ..
مها نايمه في جهتها من السرير .. بس تحس بالاشتياق ل احمد نفسها تضمه وتشم ريحته وحششه طول الفتره الي راحت .. بس كرامتها ما تسمح لها تتنازل ...(( اي كرامه ي مها ..؟ هذا زوجك وابو الي ببطنك .. الى متى وانتي تكابري وتعاندي نفسك ..!))
احمد مغمض عيونه يهدي تفكيره حس بحركة مها .. وحس فيها تحط ايدها على صدره وتقرب منه وتضمه ... فتح عيونه شافها ضامته وتبكي .. ما قدر يتحمل ضمها بقووه يهديها .. (( وش فيك مهاوي ..؟ )) يكلمها بهمسس ... مها ماترد نفسها هاللحظه تطوول ... وانهم ينسو كل شي ويرجعو مثل اول ... ما حست بفرححة حملها ولا حست ب بفرحة احمد بحملها ...
احمد: حبي ليش تبكي ؟ ... احمد مسك وجهها بين ايدينها ويطالع فيها يبى يفهم وش الي مضايقها يبغاها ترتاح ...
مها :.....
احمد يمسح دموعها وباسها على عيونها وهي مغمضه ...وباسها على جبينها وعلى خدودها .... بدات مشاعره تنجررف لرغباته الرجوليه ... مها مااعترضت بالعكس كانت تحتاج هالاحتواء مثل احتياج احمد لها ...
بسسس فجاه احمد بعد عنها .... مها استغربت منه ..؟ وش فيه ..! ... احمد يحاول يهدى مشاعره ويضبط نفسها تذكر كلام الدكتوره وانه ممنوع لمدة اسبوعين .. لان وضع الجنين ما يطممن ... قرر يطلع من الغرفه الين يهدى ...
مها انصدمت منه ومن تصرفه ... لهدرجه ما يبغاني ..؟ انا الي استاهل واتنازلت عن كرامتي .... مها حسسسست نفسها مقهوره منه ومن نفسها .... بدات انفاسها تتسارع من العصبيه ...
احمد طلع من الغرفه وراح للغرفه الثانيه والي هي عباره عن مكتب ... دخل وقفل الباب وقعد شووي يضبط انفاسه واعصابه ... وش فيني انا .؟ من جد مجنون الدكتوره تمنعني وانا اتهوور ..!! ..... قرر ينام على الكنبه الي بالكتب ما يبغى يرجع للغرفه يخاف يضعف ويتهور ويخربها ...
مها بعد ساعه استسلمت للنوم .... صحت قبل الفجر شبعت نوم نامت امس كثير وتحس نفسها نشيطه ... طالعت في مكان احمد لقته فاضي !؟!؟... وين راح ينام هذا .؟...قررت ما تهتم فيه وتطنشه اخذت لها دش دافي وطلعت غيرت ملابسها لبست بيجاما فضفاضه شووي عباره عن قميص يوصل لتحت الركبه واكمام طويله ,,, لونها اخضر وفيها قلوب بيضاء وصفراء ,,, صلت ركعتين قبل لا يااذن الفجر وقعدت تقراء قران ... وتسبح وتستغفر ... سمعت الاذان صلت الفجر .. رتبت شعرها وتعطرت وطلعت من غرفتها ... شافت الصاله فاضيه .. وين راح ..؟ وهي تفكر فيه شافته طالع من الغرفه الثانيه ...

..... يتبع ..$