[لامارا]

الــبــأرت الــتــاســع عــشــر ....$

مرت الايام وباقي يومين ويرجع ناصر وليلى من شهر العسسل .. احمد قاعد في مكتبه وسالم قاعد قدامه ...
سالم : طال عمرك اشوفك هونت عن موضوع منصور ..؟!
احمد يطالع في الملف الي قدامه متهرب من النظر في وجه سالم (( سالم ضابط سابق ومتقاعد تقاعد مبكر بسبب اصابته في احد عمليات مداهمات لتجار المخدرات .. انسان خبره في الوجوه والكلام وبسهوله يقراء الانسان الي قدامه .. احمد يعرف هالشي فصار يتجنب الجلوس مع سالم يكلمه بالجوال ويعطيه الاوامر ... ومخليه مسؤل عن الامن في شركته وبيته لثقته فيه ..
احمد : ابد والله ياابو نواف بس تعرف انشغلت بالاهل وزوج ناصر ... ومنصور هالايام بعيد عننا وماجد تكفل بموضوعه لا تشيل هم ..
سالم قرر يقفل الموضوع الي فهمه من كلام احمد انه موضوع منتهي ومافي مجال يسال عن السبب ...
.................................................. .................................................. .....
مها وام احمد وام طلال قاعدين بالصاله يتقهوو ... دخلت امل عليهم لانها صحت شوي متاخره ..
امل : السسسلام عليكم ... سلمت على راس امها وعلى راس ام احمد
مها : تعال بوسي راسي .... امل ترفع حاجب وتقرب من مها .. ما تبغى تطول لسانها قدام ام احمد مسويه روحها الثقيله
مها كاتممه ضحكتها ..قربت امل من راس مها وباس بس بالهواء يعني ما لمست راسها وحطت ايدها على كتف مها وقرصتتها
مها : ههههههههههههههههههه اي الله يلعن ابليسسسك ههههههههههه
امل : اووص فضيحه انتي .... قعدت في نفس الكنبه الي قاعده عليها مها .... اجل اسلم على راسك يَ جدتي .؟!
مها : ههههههههههههههه اختك الكبيره مفروض تحترمييني
امل : يصير خير خليني اشرب القهوه واصحصح لك .. قامت تقهوي امها وام احمد وبعدها اخذت فنجان القهوى وقعدت تشرب منه ... هالايام وجه امها يبين انها متضايقه من شي وهي مو حابه تسالها تخاف تفتح معها نفس الموضوع وتقلب المواجع ... مها تطالع في اختها امل الي سرحانه باافكارها .... اختها امل جمالها عربي بحث وبياضها محليها مع سواد شعرها الطويل الي يوصل لتحت ظهرها .. شخصية امل قويه بشكل صدم الكل ما كانو يتوقعو انها بهالقوه ... كانت بنت خجوله ومن النوع الي يرتبك وقت الكلام ... والاهم انها كانت عاشقه لـ عمر ولد خالها الي من وعت على الدنيا وهم يقولون امل لـ عمر .. وعمر لـ أمل ... كبرت وكبر حب عمر في قلبها طبيعة عيشتهم بالديره وقلة احتكاكها بالناس خلت كل تفكيرها في عمر الي ما قصر وبين لها حبه في كل مناسبه في طفولتهم وفي مراهقتهم في اجتماع الاهل وفي الاعياد ...
كبرت وبدات تكبر احلامها مع عمر زواجهم اطفالهم بيتهم كل شي كل شييي ... الين جاء اليوم الي تنهد فيه ابراج احلامها وتصحى على صحراء واقع حياتها ... عمر من سنتين راح يدرس جامعه وبعد عن الديره ... بداء يتغير !! بس قالت يمكن ضغط الدراسه والبعد عن اهله .... انقطع الاتصال بينهم يجي اجازات ولا يمر بيت عمته يسلم كانه يتهرب ..!! وقبل 3 سنين من الوقت الحالي .. جاء الخبر الي جرح امل جرح ما يبرااا ... (( عمر تزوج )) في ناس الصدمه تهدهم وناس الصدمه تقويهم .. امل النوع الثاني الكل كان يطالع في وجهها يبغى يشوف دموعها المها اي شي يدل على انكساراها ... بس امل هزتهم بقوتها وقررت تضحك وتبتسم بوجه الكل .. حلفت ما تبكي عليه قدام احد (( ما راح اذل نفسي )) ... دخلت على خالها الي جاء يبلغ امها بزواج عمر ويعتذر منها وقال لها انه من سنتين طلب منه يخطب له هالبنت بس هو رفض واستمر بطلبه الين وصلت فيه الجراه يهدد انه بيروح ولا يرجع لهم اذا ما زوجوه هالبنت الي يبغاها ... عمر وحيد امه وابوه من فئة الاولاد وعنده 3 خوات .. قرر الاب يوافق تحت اصرار عمر على قراره ويوم ساله طيب وامل بنت عمتك ..؟
رد عمر بكل برود : بيجيها نصيبها .. وانا اعتبرها مثل اختي ..!!(( عمر كان متواصل مع امل حب وغراميات بالرسايل من غير علم اهلهم عن طريق اصغر خواته ))
راح ابو عمر لـ بيت اخته وهو مو عارف كيف يوصل لهم الخبر ... مثل كل مره يزورهم يلقى الترحيب والحب والاحترام من اخته واولادها يحب امل ويعززها يعتبرها وحده من بناته ... قعد مع اخته وقال لها كل الي صار وعن خبر خطبة عمر واصراره على الموضوع ...امل سمعت كل كلمه قالها خالها .. صدمت وحست بالالم بصدرها بنفس الوقت حست بوجع خالها بكل كلمه يقولها تعرف ان ماله ذنب بالموضوع وعمر الولد الوحيد الي ربي رزقه فيه ... دخلت امل عليهم وشافت الدموع بعيون امها حسره على بنتها الي ضاعت سنين عمرها وهي تستنا عمر والكل بالديره عارف انها لـ عمر ومافي احد خطبها بسبب هذا الموضوع .. قعدت تقهوي خالها وتسولف معاه مثل كل مره وتضحك ... تعتبر خالها مثل ابوها الي انحرمت منه طول عمره حنون ويعاملها معامله خاصه ..
امل : وش فيك يَ خال ضايق .؟
ابو عمر : ..........
ام طلال : عمر تزوج يَ امل ... وبكت امها بكاءء بحرقه ... على اثرها نزلت دمعه من عين خالها ... امل ما قدرت تتحمل هالشي ما تحب تشوف رجال يبكي وخاصه خالها طول عمره كان مصدر القوه لها ... قامت امل وباسة راس خالها ومسحت دمعته ..
امل : ما عاش ولا كان الي ينزل دمعتك يَ ابوي ... ومبروك على عمر عساء ربي يهنيه ويرزقه الذريه الصالحه ..
ام طلال : لا حول ولا قوه الا بالله ... مسحت دموعها وقعدت تستغفر وتذكر ربها
ابو عمر : يَ بنتي سامحيني وحليليني ما قدرت امنعه ....
امل : ياابوي عمر مثل اخواني عبدالعزيز وطلال والله يوفقه بس انتو الله يهديهم تقولون كلام ونحنا صغار وتربطون الواحد فيه هههههههههههههه تراه نصيب مكتوب لنا ونحنا في بطون امهاتنا وحلفت عليك يَ ابوي لا تزعل ومنه وادعي لها ربي يوفقه .. وبدات امل تسولف وتضحك وبادخلها حططططام واللم لا احد يتصوره ... طلع الخال من عندهم مرتاح من كلام امل وصدق ان الي كان بينهم مجرد كلام قالوه الكبار وربطو فيه الاطفال ... والكل جاهل بموضوع عششق امل وعمر كل هالسنين .... وبمجرد مااختلت امل بنفسها انفجرت وبكت بكاءء مرررر موجع لحد كبير طلعت كل الرسايل والهدايا الي ارسلها عمر لها خلال السنين الي فاتت ... من غير تردد او تفكير حطتها بالنار وحرقتها والناس نيام ... قررت ان مافي شي يستاهل وتحزن عليه وبدات حربها مع نفسها ... كبرت ثقة امل بنفسها وكثر ضحكها وسوالفه ووين ما قعدت امل تنشر البهجه والفرح .. عكسس ما بداخلها .. الكل كان يطالع في وجهها يدور اثر للالم او اثر لدمعه حبيسة عينها لكن امل صدت الكل بقوتها لدرجه ان الكل اقتنع ان فعلا ما كان شي يربطها بـ عمر غير ثرثره بطفولتها لا اكثر ...
قرر عمر يجي هو وزوجته للديره .. كانه مااكتفى بطعنته لي !؟! وطبعا من العادات والتقاليد يعمل اهل الولد حفلة عشاء على شرف الزوجه ويعزمو الاهل والجيران لكي يتعرفو على زوجة ولدهم المصون ... اعترضة ام طلال على ذهاب امل للحفله .. وبشششده
امل : يمه الله يطول بعمرك ما يصير خالي بيزعل ..
ام طلال : بيزعل .؟؟ ليش مين الي شال هم زعلنا وقهرنا من ولده .... امل لا تحسبي اني مااتكلم يعني مااعرف شي ..!؟ ترى بكاك كل يوم يوصل لي واعرف برسايل عمر لك من زمان وما قلت شي .. قلت خطيبها ومصيره بيصير زوجها ... ماابي احد يتشمت فيك ولا يقهرك بكلمه الناس ما ترحمم يَ بنتي ... وبكت امها
امل حطت راسها بحضن امها ولـ اول مره تبكي امام احد .. بكت بكاءء اهتز جسمها مع بكاها وكان جميع جوارحها تشاركها حزنها ...
امل بعد ان هدات من بكائها : يمه ان ما رحت بيقولو مقهوره من كذا ما جيت .. ومابي احد يتكلم علي بكلمه خلينا نروح ونسكت الكل .. باست يد امها وقعدت تترجاها ... وافقت ام طلال
قررت امل ما تبالغ بزينتها ولبسها حتى لا يقولو جات تقهر عروسته .. وقررت لا تهمل نفسها حتى لا يقولو شوف كيف صارت حالتها عقبه .. اعتدلت بلبسها وزينتها وراحت من بدري تساعد زوجة خالها وبناته لبست تنوره بيضاء وعليها قميص بلون دم الغزال ساده وحاطه طرحتها على كتفها احتياط لانها بالمطبخ وتخاف احد يدخل وقررت تعمل شعرها ذيلة حصان واجلت تعمل الميك اب الين تخلص مساعدتها لهم بالمطبخ ... وتسولف وتضحك مع بنات خالها الي كان حذرات في البدايه في كلامهم معاها خوفا من زعلها او اي ردت فعل لها ... بس صدمتهم بشخصية امل جديده عليهم اول مره يشوفو امل مرحه ومنطلقه بكلامها بهالشكل ... اندمجو بالسوالف وما حسو بالي واقف عند باب المطبخ ويطالع بااستغرب ..! يسمعهم يقولو امل ويَ امل ..معقول هذي امل بنت عمتي ..!؟؟ امل انتبهت لسكوت البنات المفاجا وطالعت للجهه الي يطالعو فيها وشافت الي كانت تتمنى ما تشوفه عمر واقف وعيونه عليها بكل وقاحه يطالع فيها !! بسرررعة شالت طرحتها من على كتفها ورمتها على راسها وطلعت من المطبخ تركض ... حسست بضيييق بالتنفس اخر شي كانت تتوقعه شوفت عممر .. سبت نفسها وقلبها الي يرجف بقوة من شوفت عمر (( بس بس يَ غبي لا تنبض بحبه خلاص ما صار لك صار لغيرك ... اركدد يَ قلبي ولا تفضحني تكفى تكفىىى ...)) دخلت اقرب حمام وبكت وكتمت شهقاتها باايدينها خافت احد يسمع بكاها ...
اما عمر لا تسالو عن حاله ... ما كان مصدق ان هذي امل ..! مره طلب من اخته يقول لها يبغى يشوفها ورفضت وقعد فتره زعلان منها الين رضيت تشوفه اقنعها انه يبي يقول لها كلام مهم ودبرو لهم لقاء في بيتهم بس الي صدمه ان امل رفضت تفتح برقعها ..؟!
عمر : ابغى اشوفك ..
امل : لا صرت زوجتك بتشوفني ... يلا خلاص بروح اخاف احد يشوفنا ونحنا واقفين مع بعض .. امل تتلفت حولها تخاف ان احد يمر ويشوفهم
عمر : يعني اشلون ما راح تفتحي البرقع اشوف وجهك ..؟!
امل بااصرار : لا ... راحت وخلته لحاله واقف .. حس بالغضب منها .. وقال في نفسه اكيد هي امل نفسها ما تغيرت من صغرها كشتها الطايره وملامحها الاكثر من عاديه
ما توقع انها ازدات جمال ونضوج انبهر فعلا انبهر فيها يوم شافها بالمطبخ مع خواته لو ما نطقو اسمها كان توقع انها وحده ثانيه .. قربت اخته الكبيره منه وهزته من كتفه تصحيه من سرحانه
اختها الكبيره : ساعه اكلمك ولا ترد ..! وش فيك ما تغض بصرك ما تستحي انت ..؟ تنحنح ثاني مره ونادي قبل لا تدخل المطبخ ولو بغيت شي كلمني على الجوال وارسله لك لا تجي لـ هنا شوي والبيت يصير مليان حريم .. مشت وتركتها مو مستوعب الموقف ...
اخته الصغيره والي كانت المرسال بينهم .. بقيت بالمطبخ ترتب كم شغله قرب منها وسالها
عمر : هذي امل بنت عمتي ..؟
اخته الصغيره : اكتفت بهز راسها .. ما حبت تتكلم وما حبت تواجه اخوها وتساله (( وين راح حبك لـ امل كل هالسنين ؟؟.. ليش تزوجت غيرها وش ينقصها ..!!)) بس فضلت السكوت خوفا من عصبيت اخوها
طلع عمر وهو بحاله ما يعلم فيها الا الله ... انا وش سويت وش هببت ضيعت هالغزاله من ايدي ..!؟
كان اول واخر لقاء بينهم صار بعد زواج عمر ... زوجته كانت جميله وعصريه مثل ما يقولون الكعب وصبغت الشعر القصير والجسم الرائع ومتعلمه وموظفه ... كلها مواصفات الكل يدور عليها بس عمر انقلب حاله بعد شوفت امل وكانها صحت فيه حب الطفوله والمراهقه ...
مرت السنين وانقطعت الاخبار وعاشت امل مع اللمها بصمت ... تقلب في الذكريات وتحاول تتناسا ... الديره وسوالف الناس زادت المها (( ليش تركها وتزوج غيرها ..!؟ وش شاف فيها .؟! الله يستر على بناتنا اسكتو الله لا يبلانا ..؟!! انواع الكلام والهمس واللمز ..)) ومرت السنين ومافي احد دق باب بيتهم يخطب ... الــــم مــالــه حـــدود هذا تاثير كلام الناس ..

.................................................. .................................................. .............
وصل ناصر وليلى .. كان في انتظارهم بالمطار احمد وصلهم لبيتهم ... وبلغهم ان العشاء بكره عند امه ... لقو البيت نظيف ومبخر ومرتب والثلاجه فيها كل شي حافظات اكل على طاولة الاكل وسلطات ... غيرو ملابسهم ونزلو ياكلو
ناصر : اممممممممممم وحششششششني اكل امي .. يااكل بالخمس (( مو وقت الاتكيت ههههههههههه ))
ليلى : طعمممم اكل خالتي ... هممممم ... يفكرني بااكل امي ..
ناصر : لا تقولي خالتي .. قولي امي ولا يمه ... يكمل اكل (( الاثنين اشكالهم كاانهم من شهر مااكلو هههههههههههههههه))
ليلى : اوكى ... وتستمر في اكلها ....
ناصر : اقول حبيبتي ..
ليلى : سـمّ
ناصر : متى اذوق طبخك ..؟
ليلى غصت بلقمتها : كحح كححح كح كح .....
ناصر قام بسرعه يمد لها بكاسة العصير ويسمي عليها : اسسم الله عليك ... كل هذا من خرعت الطبيخ ههههههههههههههههههههههههه هأأأي
ليلى وتمسح فمها ووجهها : نصووور ترى اعرف اطبخ لا تستهبل .! يعني ما ذقة اكلي ايام الملكه .؟!
ناصر : والله شوفي صح كنتي تقولي انا طبخت لك وسويت لك ومادري ايش ... بس انا كان عندي شكوك انه مو طبخك ههههههههههههههههههههه
ليلى وعيونها طلعت لبرااا : نصووووووور !!... اوريك انا يالكذاب ... الايام جايه واطبخ لك وتشوف على الهواء مباشره طبخي
ناصر : هههههههههههههههههه حلوه مباشره
ليلى : عجبتك ..؟!
ناصر : لا ههههههههههههههههههههههههه أأي
ليلى تضحك على هبل ناصر : ههههههههههههههههههههههه
خلصو اكل وسوالف وطلعو يناموووووو ... تعب السفر والرحله طلع فيهم

.................................................. .............................................
مها : حمودي الله يخليك .. والله مافيى حيييل تعبانه
احمد : وبعدين يعني ..! كل مره يتاجل موعد المراجعه بس كفايه كسسسل قومي يلا اللبسي .... مفروض تلتزمي بالمراجعه عشان صحتك ...
مها : والله اطفششت من المراجعات والمواعيد والانتظار احس ظهري بينكسر من القعده بالمستشفى .. فيس يحززن
احمد : يا عيوني لازم تتحملي شوي خلينا نتطمن على صحتك وصحت الاولاد ما يصير هالاهممال الي تسوينه بنفسك
مها : خلاص شوي بس اللبس واروح معاك ...
احمد : يلا استناك تحت .. بنزل اتقهوى مع امي ...
راحو لموعدهم مع دكتورة مها ... ووضع الاجنه كويس ونبهت مها على صحتها ونظام اكلها .. وان هناك احتمال تولد ولاده مبكره واحتمال قيصيري تولد (( يعني بعمليه )) اذا احتاج الوضع ... طلعو من عند الدكتوره واحمد طاير من الفرحه هالمره شاف اولاده بشكل اوضح وقعدت الدكتوره تشرح له عن مكانهم وتخليه يشوف شاشة التصوير ... بالنسبه ل مها متعود على هالوضع وكانت تضحك على شكل احمد وكثر اسالته الي طفش فيها الدكتوره ....

.................................................. .................................................. ..
في شقه كبيره وفخمه من ناحية الفرش والديكور ... ولكن شبه خاليه قاعد يتعشاء مع امه ويحس ان في كلام في قلب امه تبي تقوله ....
ماجد : وش فيك يالغاليه !؟ .. مااشوفك تاكلي ..
ام ماجد : مافيني الا العافيه ... ضاق خاطري وانا لـ حالي في هالبيت ..
ماجد عارف ان موال الزواج جاي بعد هالكلمتين ... الله يعيين ههههههههههه
ماجد : خليني اخذ اجازه ونسافر انا وانتي وش رايك .؟!
ام ماجد : اللحين اقول لك ضايقه وانا لحالي في هالبيت .. تقول لي نسافر ..؟! انت متى تعقل وتسمع كلامي وتتزوج ..؟؟ احمد الي كنت تقول ماراح اتزواج الا اذا تزوج .. تزوج وزوجته حامل ما شاء الله تبارك الله ... ومالي البيت على امه ... وانت راسك يابس وما تسمع كلامي ...>> عصبت الام
قام ماجد من مكانه وراح يبوس راس امه : يمه الله يسعدك لا تعصبي ... مو زين على صحتك ...
ام ماجد : ابي اشوف عيالك قبل لا اموت .. ربي ما رزقني غيرك وابوك مات الله يرحمه وما لحق على عيالك تبيني انا اللحق ابوك قبل لا اشوفهم ..؟!
ماجد : يمه الله يطول بعمررك .. لا تزعلي ولا تضيقي خاطري بهالكلام .... الي تبغيه سويه ما راح اقول لك لا ..
ام ماجد : يعني اخطب لك من بكره ..؟!
ماجد : ول ههههههههههههههههه مستعجله يمه
ام ماجد : والله خايفه البنت تروح مننا .. وخاطري فيها لك يااولدي ..
ماجد : اووه اخترتي وخلصتي يالغاليه .!! بنت مين .!؟
ام ماجد : اخت زوجة احمد صاحبك ...
ماجد : ليش عندها اخت ..؟؟؟
ام ماجد : ايوه وان شاء الله لا وافقو تشوفها ومتاكد بتعجبك .. البنت جمال واخلاق ولسانها حلو ومؤدبه .. من يوم شفتها وانا قلبي ارتاح لها
ماجد اخر همه انه يعرف اي شي عنها كانت نيته يهدي امه وعلى باله انها بتقعد تدور كم اسبوع وهو بيلقى عذر للرفض ... بس للاسف خطته فشلت وطلعت امه مختاره وهالبنت صعب يطلع فيها عيب ... اخت طلال وعايله محترمه ... ياربي وقعت ولا احد سمى علي ...

هـــمـــســة مــشــأعــر
تُريحنآ " !آبتسآمۃ عآبرة " ۅدعو? صآدقهْ وسؤآلَ عن آحوآلنآ
.. هگذآ نُريدَ ! آشخآصَ لطيڤونْ بْ حيآتنآ .،