البـــــــــارت الخــــــامــس
(ان من أثمن مافي الحياه هو القدره على ملامسة قلوب من نحب , ولكن يبقى الأسوا هو جرح هذه القلوب)
في بـــاريس الساعة 4 عصرا..
أخذت مرام تاكسي وراحــت لشقة ريـــم ووصلت ونزلت من الســـيارة وبســرعه طلعت لرقم الشقة ورنت الجرس
كانت ريــم جالســـه عالســرير تفــكر قطع تفكيرها صوت رنين الجرس قامت وفتحت البـــاب وشافت مــرام واقفه
مرام ضمت ريم:ريييم والله أســــفه مرررة سااامحيني
ريم بهدوء:لا عــادي اصلا نسيـــت المــوضوع
مرام:لا انتي زعلانه مني صح
ريم:مروومة صح اني زعلت بس خــلاص الموضوع تــافه مررة ليـــش نكبره ونسوي سالفه كبيـــره..تعالي ادخلي بقــولك شي
مرام دخلت وجلسوا بالصالة
ريم:مرااام بعد أسبوع راندي وحده بالجــامعه مســـويه حفلة تنكرية شــرايك تجين معي
مرام:بس بس حــرام اكيد الحفلة مختلطة وخمــر ومادري وشوو!!
ريم:ترا الجـــامعة مختلطة بعد يعني مو شي جديد وثاني شي ماراح نشرب خمــر بس نجي الحفــلة ونتونس شــوي ونرجع
مرام:اااءءء مادري
ريم:لا بتجيـــن يعني بتجيين
مرام:طييب ما عندي لبس مناسب للحفلة
ريم:انتي لييه تتحججين على أي شي عشان ما تجيــن يا مررووومة انا عندي فستــان مرررة يجنن مناســـب لك راح تلبسيــنه وفيه قنــاع صغيــر لعيونك منــاسب مع الفســـتان
مرام:اووك داام كذا بجي
ريم:زين يلا نروح نتعشى
في قصر فيصل..الساعة 9 الليل
كانت نجلاء توها صاحية وتحس بشوية صداع وشافت اكل بجانبها وحســــت بوجع في بطنها لأنها ما اكلت شي اخذت التبسي وبدأت تاكل بهدوء وبعدها قامت وغسلت يدها وشافت التلفزيون وفتحت وحطت على قناة فيها افلام وبدأت تتفرج بملل..
فيصل تووه دخل القصر..كان بيطلع على غرفتـــه بس تذكر نجلاء كان خايـــف تمـــوت ويكون هو السبب بما أنه هو اللي يتحمل مسؤؤليتها..فتح الاصنصيــر وبعدها شاف جناحها دخل بسرعه وشافها جالسه عالســـريــر دقق على ملامحها بدون ما تنتبه له..صار سرحان بشكلها وبعدها أنتبه على نفســـه وقال ببرود:لو سمحتي ممكن تهتمي بصحتك مـــابي ابتلش فيـــك
أنصعقت نجلاء لما شافته حست على نفسها انها بدون عبــاية وبحركة طفولية غطت نفسها بالغطا وقالت بخـــوف:رووووح عني
فيصل بحدة:لا تسويـن نفسك يعني انك البنت الشريــفة يااا خووفي بس انك تلعبين علي وأنتي مو فاقدة ذاكرتك ولا شي...نجلااء والله والله اذا عرفت أنك تسوين نفسك فاقدة الذاكرة والله ادفنك بقبرك..فااااااهمة
وطلع من الجناح وراح جناحه
نجلاء...حست الدمـــوع تنزل من عيـــونها بألــم حســـت نفسها ضعيـــفة حيــــل ولا تقدر تســوي شي ولا تقدر تــدافع عن نفســـها
حست نفسهـــا شيء ثقيـــل على فيصل .. تتمنى تمـــــوووت ولا تسمــع هالكـــلام..!
بباريس..
فتح البـــــاب وقال:فـــارس أنت هنـــا
فارس:هلااا والله راائد
سلم عليه وهو مستغرب
رائد:كيـــف عرفت اني هنــا
فارس:الحيـــن بتخليني واقف عند البـــاب ولا بتدخلني
رائد:اسف تفضضل
دخلوا عالصالة وجلسوا بالكنب
فارس:كلمـــني بدر أمس وقال لي انك في فرنسا وقال لي كل الســـالفة وبما اني أدرس الدكتوراه هنا اقدر أســـاعدك تدخل الماجستير بســهولة
رائد:زيين والله حلـــو
فارس:أيـــه من بكرة تـــعال معي بالجـــامعة
رائد:بس اوراقي مو كاملة
فارس:بدر ارسلي كل شي وسجلــتك بس بــاقي بكرة تاخذ الجدول وينتهي الموضوع وتبدأ دراســة
رائد:مو عاارف وش اقوولك جد شكرااا ما قصــرت
فارس:ما بيننا شكرا ورسميات يا رائد حناا ربع واصحااب من الابتدائي
رائد:اييه والله كانـــت أيـــام حلووة
فارس:تتذكر هذااك المقللب اللي سوييته ببدر بالمتوسط يوم رشينا عليه الموييه ههههههه
رائد:هااه..ايييه اييه تذكرته هههههههههههههه كانت ايام حلوووة
بجدة..بالبحر..
توترت مرة من كـــلامه وقامت وراحت لنورة
نورة:بتــول وش فيه وجهك أنقلب كــذا ليكون قالك شي هالحيـــوان
بتول ما ردت عليها وقالت بسرعه:نــورة انا رايحة البيت باااي
واخذت تاكسي وراحت لبيــتها ودخلت وبسرعه أغلقت البــاب على نفسها..كانت متوترة وتحس بحرارة وكــلام بدر ينعــاد في داخلها مية مرة..معـــقولة جد يحبـــني...لا يا بـــتول هو ما يحبـــك اصلا بهالزمن الحب الحقيقي صار شي نـــادر..هو يلــعب عليك أعجبتيــه وقال أنه بهالطريقـــة بيسهل له ياخذ رقمك...!!
كانت مشوشة..! ومتشتته فكريا..!
بدر كان جالــس بمحله ما تحرك كان متــوقع ردة فعلــها وبنفس الوقـــت كــان خــــــــايف تــكون مخطـــوبة أو أنها تحب شخص وقام من محله وطلع جواله وأتصل على واحد من البودي قارد
....:هلا طــال عمرك
بدر:فواز أبيــك تراقب بـــتول بكل تحركاتها
فواز بإستغراب:بس طال عمرك أنا ما أعرف ويــن بيتها
بدر:اييه صح هي كل يوم تطلع البــحر بكرة بجي واوريك هي وتخلي عينك عليــها وتشــوف وين بيتها اوككيي؟؟
فواز:إن شاء الله
اغلق جواله وجلس بمكان بتول وتأمل للبحر وبعدها جات شلة بنـــات
...:هييه يا وولللد يا مزززه اعطيينا وجه
...:اييه يا لبييه على هالجمااال
بدر التفت لهم وعقد حاجبيه وبعدها مات ضحك:هههههههههههههههههه صدق أنكم ما تستحون على وجيهكم شوفوا لكم واحد من مستواكم يا خروفـــــات(وتعمد يمد كلمة خروفات حتى يغيضهم ويستفزهم)
البنـــات راحوا وبقيت وحده وقالت:من زييينك عااد انت وخشــتك يالمغـــرور
وراحت لحقت البنات
بدر ما اهتم لكلامها وقام وراح لسيــارته البورش فتح الباب وركب وشغل السيــارة وراح متوجه لقصره..
في باريس..الساعة 8 الصباح
أنتهى يوم الجمعة وطلعت الشمس معلنة عن بدء يوم جديد وهو يوم السبــت..
في شقة رائد كان توو قايم من النـــوم راح الحمام أكرمكم الله..
اخذ شور وبعدها توضى وطلع وصلى الفجر وبعدها أتصل على فارس:هلا فارس
فارس:رائد أنا بالطريق جايك أطلع برا وانتظرني
رائد:اوك
لبس بلوز طويلة لونها اسود ولبس فوقه جاكيت ثقــــيل لونه اسود ولبس الشوز وطلع من الغـــرفة ومن الشقة ودخل للاصنصير ونزل لتحت وطلع من العمـــارة وأنتظر بالشارع وبعدها شاف سيارة حمراء جايه لعنده أشر له فارس راح وركب بجانبه
رائد:كششخة يا فاارس والله سيـــارتك حلووة ما شاء الله
فارس:ههههه ايه اكييد دامها من ذوقي..
رائد:اييه يلا عالجــامعة
فارس:اييه نسيت اقولك اليوم عطلة نهاية الاسبوع السبت والاحد عطلة
رائد:اهااا طيب وش بنسوي اليوم
فارس:بنرووح على كافيه نفطر وبعدين نفكر وين نروح
رائد:اووك
مرام توها صحيت من النـــوم فتحت الجوال وشافت الساعة 9 قامت وراحت للحمام اكرمكم الله وتوضت وطلعت و صلت صلاة الفجر..
وبعدها شــافت جوالها يرن بإسم أمها فتحته وردت:هلاا يمممه..الحمد الله بخيير وانتي..ايه والله وانتو كمان حشتووني
...والله انا بخيير وما فيني الا الخيير ومرتااحة بباريس وكل امووري تمام ..اوك اوك اتطمني..سلميلي على بابا اوكك يلا بااي
اغلقت الجوال على الانســانة اللي ربتها وأهتمت فيها بمكانة أم لها..
وشافت جوالها منور الشاشة بإسم ريم..ردت
ريم:هلا مرووم الحين انا براا انتظرك الحين بنرووح كافيه نفطر
مرام:اوك الحين نازلة
لبست الجاكيت الثقيل البيج وتركت شعرها الناعم الطويل منسدل ومعطي شكلها جمـــال وجاذبية وبعدها لبست البوت الطويل وطلعت من الشقة نازلة وبعدها شافت ريم تأشر لها بيدها راحت وركبت بجانبها:هلا ريم
ريم:شكلك اليــوووم جميييل ما شاء الله
مرام:شكراا من ذوقك حبيبتي
وصلوا للكافيه وجلسوا بوحدة من الطاولات وبدأو يختاروا وطلبوا..
(معلومة:لحد يلخبط بين فارس صديق رائد وفراس الشاب الكويتي لانه بروايتي السابقة البعض لخبط بين باسم وبسـام واتمنى محد يلخبط بينهم)
نــروح عند أمـــاني..
كانت جالسه عالكنبة تراسل فراس وكل شوي تضحك وتبتسم وجاتها شذى وجست بجانبها:منوو تراسلين ؟؟!
أماني:فرووسي
شذى:وااااي صاار حبيبك؟
أماني:لا علاقتنا ببعض مثل الاصحاب
شذى:غرييب والله وشلون بس اصحاب وكل هالضحك والابتسامات على بالي ارسلك كلام حب وغزل ههههههه
أماني دفتها بمزح:أنقلعي عني بس
جاتهم رؤى:بنااات تدرون انه حنا معزومين على حفلة تنكريــة اااه نلبس الاقنعة ونرقص وفلللة واااي وناااااسه
شذى:اييه ودي اروح منزمان عن عزاييم الحفــلات
أماني:متى الحفلة؟؟
رؤى:السبت اللي بيجي يعني الاسبوع الجاي
أماني:حلووو
شذى:شرايكم نطلع اليوم عالسوق
رؤى:اوكيي
أماني:أنا ما بروح لانه فراس عزمني على مطعم اليوم
رؤى:اممماا اماانه جد عزمج من صدقه ذااا
أماني:ايه اليوم
شذى:أموون أنا انصحج انج ما تثقيــن في مرررة لانه ممكن تكون نيته شيـــنة وياخذ شرفج أنتبهي منه
أماني:اوككي مشكورة عالنصيحة
رؤى:شذوو يلا قوومي نروح السووق وانتي رووحي مع حبيب قلبج هههههههه
شذى:شذوو بعينج اسمي شذى وش شذوو
رؤى:يا غبيية انا ادلعج
شذى:اوك يلا مشيينا
أماني:واييه اصلا الحين توو قال لي بنلتقي بمتنزه الـ...
قاموا البنات وطلعوا من الشقة رؤى وشذا راحوا بجهة وأماني بجهة راحت مشي للمتنزه وكانت تمشي وهي تحس بالسعادة وشافت فراس يكلم بالجوال اول ما شافها ابتسم لها وهي أبتسمت له وراحت وشافته وبعدها اغلق جواله وقال لها:شلوونج امون
اماني:بخير وانت؟
فراس:بخير دامج بخير..أماني في مشكلة صايرة معي وابي اخذ رأيج فيها وممكن يكون الحل عندج لهالمشكلة!!
أماني:اهاا قوول وش هي
فراس مسك يد اماني:يلا نتمشى واقولج المشكلة
اماني كانت تحس بالتوتر وقلبها يخفق بقوة..
فراس:أماني..تعرفين شعور الشخص اللي يحاول يعبر عن اللي بداخله بس مو قادر تعرفين شعور الشخص اللي يحاول يثبت حبه لشخص بس هالشخص مو مهتم له تعرفينه ؟؟!!
أماني خنقتها العبرة وقالت بداخلها..تحب يا فراس وانا ظنيتك بتكون من نصيبي من هالبنت اللي سرقت عقلك وقلبك ميين اااه بس من حظي المقروود اااه بس
فراس:اماني انتي معي
اماني ضغطت على يدها وغمضت عينها بقوة تحاول تكتم شهقتها وتحاول ما تنزل دموعها وتركت يد فراس وركضت بسرعه لبعيـــد
فارس..وشفييك يا اماني وشفييك انتي صديقتي وبس مو اكثر من كذا وشفييك ليكون انتي انتي تحبيني لا لا ابد مستحييل ما اظن يمكن ذكرتها بماضي تحاول تنساه ايه ممكن هذا السبب..!
ما كانت تظن أنه ممكن يحب وحدة..! ابد ما جا على بالها أنه ممكن تكون في وحده بحــياته..تجمدت بمكانها وهي تشــوف فراس يركض لها..
فراس:امااااني انتظري لا ترووحين
اماني التفتت له ومسحت دموعها بسرعه وقالت:نعم وش تبي!!
فراس وهي يشوف وجهها اللي احمر من البكاء:أماااني وشفيج تبكين..!
اماني:لا ما فيني شي رووح لا تكلمني
فراس:لا اماااني ما برووح حتى اعرف وشفيج..زعلانه مني..! وش سويت انا!!..
اماني نزلت راسها..!
فراس من دون شعور رفع راسها بإصبعه وقال بصوت عذب:أماني انتي... تحبيني..؟؟!!
في مدينة جدة..عــروس البحر الأحمــر..
ببيت بتول .. توها دفعت فاتورة الكهرباء بالبنك من خلال موقع في الجوال وحست بالراحــة انه الحيــن ما عليــها ديــون الا بعد شهر..
لبست تيشيرت اخضر وبنطلون جينز ازرق وربطت شعرها ذيل حصــان وحطت كحل خفيـــف ومرطب للشفاه وبعدها لبست العبــاية والشوز وطلعـــت من البيــت وشافت التاكسي اللي مستأجرته ودخلت السيـــارة بعد ربع ساعة وصلت ونزلت وراحت لمكانها المعتاد وجلست وتأملت للبحر..
بجهة قريـــبة جد منها كان بدر واقف ويأشر على بتول لفــواز
بدر:هااا عرفتها ابيك تراقبها وتعرف وين بيتها وتتأكد أنها بخــير
فواز:حاظر طال عمرك
بدر:الحين تقدر تتفضل
فواز:اووكي
بدر ناظر لبــتول وشاف الحزن بملامحها..عرف أنه هو السبــب..!
ما كان يبي يضايقها أبتعد عنها حتى لا تنتبه على وجوده وركب سيــارته وراح متوجه للقصر..
بالسيارة..
سعد:نوورة ترا بنزل معك ابي اسلم على بتول
نورة:ههههه ليش هي اختك ولا زوجتك عشان تسلم عليها
سعد:اييه زوجتي اكييد وبنزل معك غصبب عنك مشتاااق لها ياااخي افهمييني..!
نورة:بكييفك بس انا حذرتك ونصحــتك
وصلوا ونزلوا نورة وسعد وأبتسم سعد إبتسامة عريضة وبعدها أقترب لطاولة بتول وقال:بـتول كيفك؟
بتول:بخيير ..امم انت سعد؟!
سعد:اييــه نعم انا سعد تتذكرين أخر مرة شفتيني فيها
نورة جات وجلست بجانب بتول وهي تتأفف من وجود سعد معهم..!
بتول:اييه من زمااان لما كنت بأول ثانوي كناا نلعب ونسوي مقالب هههههههه
سعد:اييه والله كانت ايام حلووة
نورة بدون نفس:سعددد ممكن تتفضل تروح لشغلك
سعد:اوكيه..باااي بنااات
راح عنهم ..
نورة بصوت واطي:اففف ما بغى يرووح
بتول:وشوو ما فهمت..!!
نورة:هااه لا ولا شي بس اقول جالس يسولف وماخذ راحته وكأنك وحده من محارمه..!
بتول:اهااا المهم ما عليــنا نوورة فيه كم بنت تبيني اجيها عشان ادرسها
نورة:امممم في ثنتين اتصلوا علي امس وقالوا ضروري تجيـــن تدرسينهم عشان اختبار يوم الاحد
بتول:اهاا زيين وقلتي لهم كم يدفعون عشان التدريس
نورة:ايه قلت لهم 1000 ريال وواافقوا
بتول:اهااا كوييس عشان اقدر اعطي خالي بسرعه
بدر كــان جالس مع أمه بالصالون..الســـاعة 1 الظهر.
بدر:وبس هاذي السالفة ماادري وش يبي جــاي
أم بدر:اييه والله غرييبه جــاي عسى جيته ما منها الا الخيــر
بدر:اميـــن يارب
أم بدر:بدر مع انه اظن انك بترفض بس هالبنت جميـــلة وكاملة والكمال لله وابي اخطبها لك
بدر بإنفعال:لا يا يمممه انا وش قلت زواااج ماني متزوج لا تحاولي تقنعيني
أم بدر:براحــتك يا ولدي بس انا ما قلت كذا الا لمصلحتك
بدر:طيب يممه في سؤال ودي اعرف إجــابته
أم بدر:تفضل أسأل
بدر:أبوي كيف سوى شركته معقـــولة لحاله محد ساعده يعني مثلا ممكن يكون عندي عم وساعده بتأسيس الشركة صح ولا غلط كلامي؟
أم بدر أرتبكت وحاولت تكون هادئة:هااه لا يا ولدي ابووك اسس الشركة و عمك متوفي منزمـــان وهو يعني ما كان له يد في بناء الشركة او تأسيسها لانه كان بعمر صغيــر على هالمواضيع
بدر:امممم .. الله يرحمه.. اوككي الحين انا طالع مع نواف توصين على شي
أم بدر:لا سلامــتك..
طلع من القصر وراح بسيــارته البورش ووصل لمجمع الردسي مول وطلع من سيـــارته وشاف نواف جاي لعنده
نواف:سلاااام
بدر:هلااا بالزيين
نواف:لا مو مصدق بدر مزاااجه راايق اليوووم!!
بدر:ههههههه اييـــه رايق مرررة
نواف:عسى دوم مو يـــوم
بدر:اجل اليوم بنتغدا بمطعم ايطالي على حســابي
نواف:لا والله انا اللي اعزمــك
بدر:لا انا قلت اول
نواف:يا رجااال لا تطولها وهي قصيــرة خلااص انا حلفت العزيــمة علي اليوم وبيجون كل الشبــاب
بدر:يعني مجهز كل شي ماشاء الله عليـــك
نواف:اييه اكييد تعال ندخل الحين بيجون الشباب
بعد دقايق دخلوا شلة شباب..
بإختصار..لانهم شخصيات غير اساسية بالرواية ومالهم دور مهم..
محمد..عمره 25
أحمد..عمره 26
عزام..عمره 26
دخلوا عالطــاولة ببدل الرياضة.. وقفوا بدر ونواف وسلموا عليهم
نواف:وشفييكم توكم راجعين من مباارة كلكم كأنكم فريق؟؟
عزام:اييه والله الجوو جمييل لعبنا الصبح كله
بدر:ماشاء الله رياااضة وتخفيف وزن اجل يا حموود
محمد:اييه وش على بالك مثلا
عزام:اقووول نواااف من زمااان عن راائد له وحششه والله وييينه مختفي؟؟
هنا بدر ونواف ما عرفوا وش يقولون بعدها قال بدر بسرعه:سااافر برااا يقوول شغله أنتقل لبرراا
احمد:اههاا
عزام:غريييبة ما قال لي
نواف:اييه كل شي صااار بسرعه
كانت رؤى تمشي بالسوق تدور هي وشذى لبس للحفلة حتى لقوا شي مناسب لهم واشتروا لأماني وبعدها طلعوا وراحوا للشقة مشي
وصلوا ودخلوا وحطوا الاغراض على الكنبة
شذى:رورو ويين اموون؟
رؤى:مدريي غرييبة ما رجعت
شذى:يا خوووفي يكون صااار لها شي من فراااس
رؤى بسرعه فتحت جوالها واتصلت على أماني ما ردت كان جوالها مقفــل
رؤى بخوف:مــقفل جوالها..!!
شذى:امشي نشووف وينها
طلعوا من الشقة يدورون عليها..
أنتهى البـــارت..
|