[لامارا]

ياليت تتركو الروايه وقت الصلآه ( اللهم اني بالغت اللهم فشهد)

*
.
*
.
*

اخذ جواله واتصل على رعد ..

بعد شوي سمع صوته : هلا يوبه ..

شريف : رعد تعال مكتبي الحين ..

رعد قام من كرسيه : طيب .. دقايق واكون عندك ..

قفل من ابوه واخذ جاكيته وطلع من مكتبه ... وصل مكتب ابوه ودخل : هلا يوبه ..

ابو رعد ابتسم : تفضل يا رعد ..

جلس في الكرسي مقابل ابوه : ها وش كنت تبيني فيه ..

............/.........
بعد ماطلعو من عندهم عيال خال طلال ..

عماد : ها ياعمي وش كنت تبينا فيه ..

ابو متعب : ابيكم تروحو مشوار ..

متعب عقد حواجبه ( مو من عوايد ابوي يودينا مشاوير )..: مشوار ؟؟ وين يوبه نروح ..؟؟

ابو متعب مد له ورقه : خذ ..

اخذها متعب وهو يقلبها بين ايديه : وش ذا بعد ؟؟؟

............/..........

جلست العنود جمب امل وهمست لها : ماشاءالله وين كنتو ؟؟

امل رفعت حواجبها وهي تلف على العنود : حلوه ذي وين كنتو .. ماباقي الا انتي تحاسبيني ..

العنود بقهر : رخيي صوتك ..!

امل تعلي صوتها : ماني مرخييييه ...خير ياطير

العنود سكتت لمن شافت ايلاف وبتول يناضروهم..

بتول تكلم ايلاف : تعبنا واحنا ندور عليكم ..

ايلاف بابتسامه : احنا طلعنا المزرعه نغير جو ..

امل قامت وهي تقول : بروح الوف شوي ..

اول ماقامت قامت معها العنود .. امل وهي تمشي وحاضنه يدينها ببعض لانه كان برد شوي .: وش جابك ..

العنود تناضره ايلاف وبتول لمن شافتهم مايناضرن فيهم قالت وهي تمسك بلوزه امل من كتفها بقهر : كلللله واصل لعمي خالد .. وقسسمبلا لقول له انك داخله بيت عمي ريان وفي البيت مشعل على بالك ماني داريه بهيمه ..!!

رمت عليها نضرات الحقد والقهر وتركتها ودخلت البيت ..

امل متجمده في مكانها وتناضر للعنود الي تدخل البيت وعيونهها مصوووووبه عليها .... بلعت ريقها بصعووبه وهي تقول " والحين وش يفكني منها "

............/.........

: انا مسافر ..

تفاجا وقال : متى ؟؟

شريف : اليوم .. وبرجع بكرا .. عندي شغل ضروووري
مااقدر ااجله ..

رعد بهدو : خلاص انا بمسك الشركه ..

شريف : خذ ياولدي ..

رعد اخذ الضرف الي ابوه اعطاه اياه وفتحه .. رفع حاجبه وهو يقول ببتسامه: مشروع جديد ..

شريف : ايه .. ابيك تكمل هل مشروع لين ارجع ..

رعد بستغراب : بس انت بترجع بكرا ..

شريف : بس جيب لي منهم الموافقه على بيع الارض ..

رعد ابتسم : ان شاءالله .. تامر يوبه ..

.........../.........

: فكها وبتعرف ..

فتحها متعب وناضر للعنوان الي مكتوب عليها : وش ذا عنواانه ؟؟

راكان : نروح عند مين يا عمي ..؟؟

كل واحد كانت في راسه علامة استفهام .؟؟؟

ابو متعب : هذا عنوان شركه شريف ال...

وقول له ان الارض حقنا مانبيعها باي سعر كان ..


الكل تفاااجا ... مانبيع ... الارض ...

متعب يحاول يستوعب : أي ارض يوبه ..؟؟

ابو متعب : أي ارض يعني.. ذي الي نحنا فيها ..

راكان : وااو وااااو ليه في احد يبي مزرعتنا .. على الاقل احد عبرها ههههههه

ابو متعب : مو وقد المزح .. روحو الحين يلاه بتوفيق ..

ضحكو لمن شافو راكان الي تفجرت جبهته ..

وطلعو من عند عمهم ..

........./........

قامت من سريرها : اااف وين راحوو ذولي ..

طلعت من الغرفه ولمن سمعت اصوات العيال راحت لهم ركض ..

ضلت واقفه في مكانها وبتسامتها تشق الحلق وهي تناضر لطلال الي يلبس جزمته : ههههه مره ثانيه يا راكان حرم تتغشمر ولا بتضيع جبهتك ,..

راكان متفشل بس مبين انه عادي : يووه منكم دايما معلقين علي ..

متعب رفع حواجبه : ماتدري يمكن معجبين فيك ..

عماد : ههههههههههه

ضلت تناضر لطلال الي يتغشمر معهم ويضحك " وااااي ياجعلني فدا ضحكتك .. تخببببببببببببببببببببل"

راكان الي انتبه لخته الي واقفه : هيي انتي وش تسوين هنا ..

نوره رجعت لطبيعتها : اصوركم ..!!

راكان : احلفي ..

نوره وهي تروح : بايخ ..

عماد : ياخي صير شخيصه قدام خواتك خليهم يخافو منك .. صير قاسي لو تبيهم يحترموك ..

متعب وهو يبتسم : ماكنت ادري انك قاسي يا عماد ..

عماد ضحك : حرام عليييك .. الحين تشوف وجهي وجه قاسي ..

طلال : هههههه والله مايندرا ..

........../..........

طلعو ولمن شافو البنات متجمعيين راحو لهم ..

العنود ابتسمت تلقيآ لمن شافت راكان جاي لهم ..

نوره ساحت مع بتول على طلال : يالبييييه ..

ايلاف تناضرهم وهي تبتسم : ياويلي تاريني جالسه بين عشاق وانا مدري ..

لمن وصلو عندهم .. عماد عقد حواجبه : ايلاف انتي هنا ..

ايلاف وهي تلف وجها عنه : مدري يمكن ..

عماد : يعني مشعل وحده في البيت ..؟؟

ايلاف وهي تقوم : نايم ..

راحت بعييد عنهم وهي تحس بقهر لمن تشوف اخوها الي معاد يعيرها أي اهتمام ..

حسد بيد على كتفها ولفت على طول : مـ.. متعب ؟؟

متعب بخوف : ليه مضايقه ؟؟

اتفاجااات مرره من سواله وخاصه هل وقت محتاجه احد يحن عليها : غريبه تسال ؟؟

متعب استحا .. وعاده هو لمن يستحي يعصب عشان يخفي خجله : عاد الحين لا تخاذي مقلب بس سالت ..

ايلاف ابتسمت : ماني متضايقه ولا شيء لا شتغل نفسك فيني ..

متعب وخر عنها ودخل يدينه بجيوبه : مين قالك اني مشغول فيكي ..

ايلاف كملت مشيها وهو مشى معها .. تكت على عمود الخيول ..

متعب لمن شافها ساكته ومسرحه بعد .. قال وهو يقرب يبي يشوف ملامح وجها الفاتنه : في مين مسرحه ..

ايلاف بستهبال وهي تبتسم: فيك

اختفت ابتسامته وتوسعت عيونه وقال ووجهه يضيق ويحمر : قللت حياء ..

وراح تاركها متفاااجا من رده : مـ.. متعب .. بس كنت .. امزح..

......../......

عيونه مافارقت عيونها وهوو يبتسم لها اكثر .. قرب منها وقال لها بصوت واطي عشان لا يسمعوه العيال : كيفك بتول ..

نوره الي كانت قريبه من بتول وسمعته اختفت فرحتها وتفاجات .. ليه يسال عليها هي بس وانا .. وانا ليه ماسال علي !!

بتول خااااااقه عليه وناااسيه نفسها وكل شيء حولينها .. راحت بعالم ثاااني : بخيير ..

طلال وهو يجلس بقربها وشوي ويلصق فيها : كيف الدراسه معك ..

بتول خدودها حمرت : تمام ..

.. ضلت تناضر لختها و حبيبها الي يتكلمون بكل حياء وخجل وواضح من نضراتهم ان كل واحد يعشق الثاني اكثر ..

نزلت عيونها عشان لا تدمع .. العبره خانقتها .. غمضت عيونها ونزلت دموعها ومسحتها بسرعه لا حد يلاحضها .. واقمت ودخلت البيت .. معاد تحملت منضرهم ..

رمت نفسها على السرير وضلت تبكييي وتشهق من قلبببها ..

وكل ماتذكر قربه من بتول تبكي اكثر ..

........./.........
ناضر بضييييق للمزرعه : ااااف .. ليييش لييش هي مي هنا .. ليش مو مع البنات ... قههر اااف ..

ضل يلف نضراته يدور عليها بعيونه بس فجعه الي جا من وراه : على مين تدور ..

لف يناضر متعب الي واقف خلفه ومستغرب منه : هاا .. ولا احد .. بس مو كان امل مي في البيت ولا مع البنات ..

متعب وهو يمشي : والله مدري ..

ضرب نفسه بقهر وهو يتافف وراح يمشي مع متعب ..

........./..........

مد يده لها : عنود تعالي معي شوي ..

مسكت يده وقامت معه وهي مييته فرح ..

العنود وهي تناضر في الارض وخجلانه : وين نروح ..

مسك يدها وبدا يتمشى معها في المزرعه ..

العنود بحيره : ليه تسميني عنود ؟؟

راكان ناضر فيها : عادي بس حذفت ال من اسمك ..

العنود ناضرت فيه : بس انا مايعجبني عنود ..

راكان : عادي المهم انه عاجبني انا ..

العنود ضحكت وهي ترفع حواجبها : كمان..

راكان سحرته ضحكتها وكمل كلامه : انا ابي اناديك غير الكل .. مابي اكون مثلهم .. ابي اكون غير بنسبه لك ولو بشيء بسيط ..


العنود ناضرت ليده لمن ضغط على يدهاا الي متثبته فيه : عادي دام هشيء يعجبك .. بيعجبني مع الوقت .. اووو يمكن اتعود عليه ..

بعدو كثير من العيال لف عليها راكان لمن شاف ان مافي احد حوله او مايشوفه .. العنود ارتبكت لمن حست بهشيء وبدات تخاف ..

قالت وهي تحاول تبعد يدها منه : اا.. يله انا رايحه .. بعدنا عنهم ..

ضغط على يدها اكثر ..

العنود بدا يبان على ملامحها الخوف : ر.. آكان ..وش تسوي !!

راكان قرب منها : خايفه مني ..

العنود حست بدموعها بتنزل : لآ .. بس ..

قطع عليها كلامها لمن قرب من وجها وباس خدها .. بعد عنها وهو مبتسم وبعدها راح للعيال .. تاركها مصدوووومه منه ومن جرائته .. بس كانت سعييده على حركته ذا الشيء اثبت لها اكثر انه يحبها .. حست بدمعتها تنزل على خدها ومسحتها وهي تبتسم ..

ضلت تنااااضر بصدمممه ... انقهههرت مره من حركت ولد عمها .. صح هي مالها دخل بس برضو هشيء مرره قهرها .. قالت وهي تبعد من هلمكان : قلللت حيااااء .. جرائه ... مررره مسخوها ..

دخلت البيت وسمعت امها تقول : يلاه امل بسرعه بنرجع البيت ..

امل وهي واقفه عند الباب : طيب ..

ام ياسر : اقول امل ماشفتي بنتي العنود ..

امل وهي تذكر العنود وراكان وحست بغثيان : لا .. ماشفتها

وعلى اخر كلمه دخلت العنود : هلاااا ..

ناضرت فيها بقهر اكثر " وفرحااانه كمان.. اخر زمن "

ام ياسر : يلاه العنود بسرعه بنتاخر ..

العنود مبسووووطه : اوووكيه ماما .. مارح اطول ..

امل ماسكه اعصابها ودها تروح وتتوطا في بطنها .. بسس اااخ

............/..........

طلعو من عند البنات وراحو للعنوان الي اعطاهم عمهم ..

راكان كااان راااااااااااايق على اخر شيء .. ويمشي وهو يغني وحاط يدينه ورا راسه ..

عماد يناضر فيه بتفحص : خيير خيير .. وش مقلب الاحوال ..

راكان والابتسامه شاقه حلقه : خلني اعيش حياتي ..

عماد عقد حواجبه مستغرب من تصرفات ولد عمه : والله ماني حالف عليك ماتعيشها ..

راكان تنهدد بفررح .. شوي وده يروح يبوس راس كل العيال من كثر فرحته ..

.........../.........

تلفتت حولها : غريبه وين راحت نوره .؟

دخلت البيت وراحت غرفتهم .. وستغربت لمن شافتها متلحفه بالبطانيه ومطفيه النور ومشغله التكيف وناايمه ..

ابتسمت وراحت تنط فوقها : علينااا نايمه هاا ..

نوره تحااول توضح صوتها عادي : وخري تعبانه وابي انام ..

شالت الاحاف وهي تقول : اسمعي اسمعي يادوووبا اقول لك وش قالي طلووول ..

نوره على طول غطت وجها ومالاحضت دموعها بتول : وش قال ؟؟

بتول بخجل : قالي اني غيررر .. قال انو مو عارف كيف يوصف شعوره .. بس انا غييير في نضره ..
تخيييلي ماني مصدقه ..

نوره مسستحت دموعها وعدلت جلستها وهي تقول : وااااه ياحضك .. انا حسيت بتعب وقلت اروح ارتاح .. مارح اخليه لك المره الجايه

بتول ابدا مالاحضت دموع اختها او حزنها : فيييي احلااامككك ..

نوره انسدحت : بنششووف ..

بتول انسدحت جمها .. وتنهدت وهي مبتسمه : ااه يا نوره لو تعرفي قد ايش احبه ..

نوره ناضرت في اختها الي سرحت في طلال .. ضلت تناضر فيها لفتره ... ابتسمت شبه ابتسامه ولمن حست بدمعتها غطت وجها ...
........./.........

دخل الشركه وراح عند الاستقبال : تفضل كيف اساعدك

متعب : انا ابغى اكلم شريف ال...

السكرتير: تقصد المدير ؟؟

متعب : ايه وصلني له ..

السكرتير: اسف بس هو حاليأ مسافر

انصدمو كلهم .. عماد : كيف مسافر ؟؟ متى يرجع

راكان بقهر : ياربي الحين كيف نكلمه ..

السكرتير : بس ولده موجود ... وهو ماسك الشركه في غياب ابوه ..

متعب رجع له امله : طيب وصلنا له ..

اسكرتير : ان شاءالله ... ( ورفع السماعه وتصل عليه)
هلا استاذ .. في ضيوف يبون يشوفونك .. هاا .. ( ولف عليهم ) من انتم عشان اقول له ..

متعب : عيال خالد ال..

اسكرتير : عيال خالد ال.. ايه هم الحين عندي .. اوك ان شاءالله ..

قفل السماعه وناضر فيهم : يقول انتضروه .. مشغول الحين .. لمن يفضا بتقدرو تطلعون له ..

متعب بضيق : كم يبنا ننتضره ؟؟؟

اسكرتير : ساعه تقريبأ ..

متعب كان بيرفض بس اقنعوه العيال .. وجلسو ينتضروه ..

********
بعد ساعه ... متعب نفذ صبره .. قام وقال وهو يضرب مكتب السكرتير : احنا بنقعد له هنا لين متى ان شاءالله ..

اسكرتير تفاجا من غضب متعب : انتضر لو سمحت ..

متعب والعيال يمسكوه يبوه يهدا : وين غرفته قول لي بسرعه ..

اسكرتير : بس هو الحين مشغوول ..

متعب بقهر : مايهمني هذي مشكلته .. قول لي وين غرفته بسرعه ..

اسكرتير : انا اسف مااقدر اقول لك ..

متعب شوي ويقوم يبكسه ..

لفو كلهم على الهاتف اسكرتير الي دق .. ورفعه : هلا استاذ رعد .. ايه هم لسا عندي ... طيب ان شاءالله ..

قفل وناضر فيهم وهو يقوم : تعالو ..

راحو معه ولمن وصلهم عند مكتب كبييير قال لهم : هذا هو مكتبه ..

فتح الباب متعب بكل وقاحه ومو معطيهم أي احترام .. صبره نفذ ..

رفع نضراته متفااجا من وقاحه الشخص الي دخل ..

متعب جلس على الكرسي الي قبال رعد ومدد رجيله على الماصه الي قدامه وهو يقول : ارضنا مي للبيع .. باي سعر كان ..!!

*
.
*
.
*
.
*
.
استودعكم الله الذي لا يضيع ودائعه ..**