[لامارا]

قفل القلب الي كان يكتب فيه وهو يناضر لمتعب بطرف عينه : اساسا رايكم مو مهم .. احنا بس قلنا لكم عشان تجهزوا نفسكم ..

متعب وهو يعدل جلسته وبنبره حاده : نجهز ل وشو ؟؟

عماد بضحكه : حلو حلو صار في الموضوع اجبار ..!!

رعد بشبه ابتسامه : تقدر تقول كذا ..

متعب وهو يقوم وضرب مكتب رعد بيده وقال وهو يصارخ : باي حق تجبرنا .. هاا اشوف تكلم علمني .. هذي مزرعتنا ومستحيل نتنازل عنها .. انت تفهم ..!!

رعد ببروده : ... امم تقصد ارضنا الي قلبتوها لمزرعه ؟؟

متعب نرفزته برودت رعد وتملكه على كل شيء مسكه من ياقته وسحبه له : اقول اسمع يا ولد العز .. مهما حاولت تزتفزنا او تغرينا بفلوسك .. هذي ارضنا احنا ومزرعتنا ومالك أي حق فيها .. وفي شيء اسمه محكمه !!

رعد مسك يد متعب وابعدها عنه .. كان اول مره في حياته احد يتجراء ويقول له كلام كذا او ينافخ عليه .. قام وهو يضحك : هههه اجل مالي أي حق فيها هاا ..

فتح الدرج الي مليااان كتب واوراق مرتبه .. وبدا يبحث فيه بشكل سريع على شيء ماعرفه متعب الي كان مكتفي بالوقوف ويناضر لرعد بكل استحقار وكره .. " كرهت هل ولد من يوم شفته"

............../...........

اشرقت الشمس بيوم جديد وكل واحده راحت بيتها ..

سحبت الاحاف من بنتها : قووومي يكفي نوم .. والله لجيب المويه وكبها فوق راسك .. يله قومي

امل تتحلطم وتثاقل : بس شوي يمممه ..

ام طلال : امل قومي ياحماره .. لي ساعه اصحي فيك وتقولي لي بس شويه ..

اجل كيف لو قلتي كثير .. قومي قدامي احسلك

امل قامت وهي ماده بوزها : هاا وش اسوي ..

ام طلال قبل ماتطلع من الغرفه : روحي سوي الغدا مع العنود... تعلمي منها شوي ... اااف منك متى تصيري زيها !!

امل كشرت ودخلت الحمام ( وانتو بكرامه ) وبعد ماصلت دخلت المطبخ وهي رافعه حجبها وتناضر للعنود الي تغني وهي تتطبخ وطالعه السعاده من عيونها ..

دخلت وهي تفك الثلاجه : ويييه لالا والله النفسيه متغيييره

العنود وبتسامتها شاقه حلقها : وووااي يا امل .. كيف اوصف لك شعوري ... واااخ ياقلبي احسه بيوقف ..

امل تجاملها : بسملا على قلبك لا يوقف .. وش صاير وش صاير .. لا يكون هلفرحه كلها عشان علمتي بوي عني ..؟؟

العنود بضحكه موتت امل قهر : لا فديتك .. انا من كثر فرحتي بسامحك اموولتي ومارح اعلم عليك عمي .. (ورجعت تغني)

امل لفت معاد تطالعها ووبدات تسوي سلطه حست بدمعتها الحاااره تنزل من عين واحده ومسحتها بسرعه

" معقول تسوين ذا كله عشان تقهريني .. مستحيل الحب طالع من عيونها ..واضح انها تحبه حب حقيقي.. بس كيف انا مو مصدقه .. انا اصلا نسيت راكان وانتهى هو بنسبه لي .. "
اقعنت نفسها لدرجه بدات تشجع العنود .. صح تحس نار دخلها بس باالحيييل تطفيها ..

............/........

طلع اوراااق كثيير.. تعقد منها متعب والكل استغرب

طلال : وش ذي الاوراق ؟؟

رعد وهو يجلس على كرسيه : هذي ياطويل العمر ..( وسكت شوي وقال ) ديووووون جدك ..

متعب وسع عيونه : أي ديون ومن مين مديين ؟؟ وين الاثبات ..

رعد وهو يناضر للوراق المتناثره فوق مكتبه : هذا جدك الي تدين مننا عشان يقدر يشتري هل الارض وطبعا بعد ماقدر يشتريها ونص المبلغ او تقدر تقول ثلثه كان فلوسنا .. وترجانا نسامحه على المبلغ لانه كثير عليه واحنا قلنا له سامحنه ,..

متعب بستغراب: طيب وين المشكله الحين ..

رعد يمسك قلمه : بس في الحقيقه ماوقعنا له ان نحنا مسامحينه على الديون.. يعني نقدر الحين نروح المحكمه ونسوي قضيه .. والاوراق قدامك هذي ديون جدك ..

متعب مصدوم : مسستحيل .!!

رعد : احنا بنسوي معكم صفقه .. الكل رابح منها ..

متعب بعتراض : مسسستحيل ماني موافق ..

عماد يهدي متعب : متعب خلنا نسمع صفقته ..

رعد : احنا نعطيكم مبلغ قيمته $$$$ وانتم تبيعو لنا الارض ونسامحكم على الديون كلها ..

متعب يحس بالخساره : وكم قيمت المبلغ الي تدينه جدي منكم ..

رعد بعد نهده : ققيمته $$$$ !!

الكل تفاااجا كان مبلغ كبيير وضعف المبلغ الي بيعطيهم ..

متعب انهار :لا.. مستحيل ..!!
.........../........

طلعت من غرفتها ودخلت المطبخ تسوي الفطور .. بعد ماخلصت لفت تبي تطلع وشافته واقف عند الباب ونضراته كلها حزن وتعب .. كشرت في وجهه وطلعت ومي معطيته أي اهتمام حست بيده تمسك يدها وسمعته يقول : انا اسف ..

سحبت يدها بقوه ودخلت غرفتها .. ارتمت على السرير بحريه : وش فايده الاعتذار ... لين متى بيضل يعتذر بس ...

سمعت صوت باب الخروج وقامت شافت مين.. لقيته اخوها الثاني " كل واحد اعسر من الثاني" فكت له وراحت وهي مطنشته .. سمعته يقول : الفطور جاهز ..

ايلاف بقهر : اييه ..

استغرب منها .. ودخل المطبخ يفطر مع مشعل ..

........../..........

حكا لبوه الي صار ... الكل انصدم ولمن تحققو طلع حقيقه جدهم مدين كثيير من شريف ( ابو رعد)

ام طلال : كيف يعني بنترك المزرعه ..

ابو طلال بتحطيم : صعبه علينا .. الثنتين صعبه ..

ام طلال : وشيء ؟؟

ابو طلال : اذا تركنا المزرعه بنفقر .. تعرفين وش يعني بنفقر والله لنضيع.. واذا حاولنا ندفع الديون مارح نجيب حقها الا بعد سنين .. وهم بيستغلو نقطعه ضعفنا ذي ومارح يصبرو لين نجمع المبلغ ...

ام طلال بحزن وهي تنزل راسها : يعني خلاص .. مافي امل ...

** **
** **
كان يسمع لكلام امه وابوه وجوااااته ميييت قهر وحزن لمن حس بكتمه طلع من البيت ..

قفل الباب وراح عند السور وتكى عليه .. ضل يفكر ويسرح بتفكيره والجو يحرك شعره .. كان يناضر بكل شيء بالمزرعه تربو فيها ومن هم صغار كانت الشيء الوحيد الي يسليهم ويلعبون فيها .. كانت نضراته تمر على كل شيء وكنه بيودعها ..

تنهد وققال ..........: معقول الفلوس تسوي ذا كله ..!!

** **
** **

كانت ماسكه السله الي فيها كم وجبه .. وكانت تمشيء بسرعه قبل يشوفها احد وهي تدخل بيت عمها ..

تصنمت لمن شافت متعب وخااافت يشوفها بس ارتاحت لمن شافته معطيها ضهره ولا حس فيها ..

مشت بخطوات خفييفه وهي تناضر فيه لا يلف عليها ويشوفها..

توقفت لفتره لمن شافت نضراااته الهاااديه والي جواتها كلام كثير وحزن .. حطت السله وراحت له وهي تقول بقلبها " وش الغباء الي فيني .. ليش اروح له .. يااارب ما اندم "

تكت جمبه على السور وهي تقول : وش تفكر فيه ؟؟

لمن انتبه لوجودها قال بصوت شبه سخريه: افكر فيك .هه
ابتسمت وهي توخر عن السور وتبعد عنه : قللت حيياء .. ههههههه

ابتسم متعب .. اساسا وجودها قربه يفرحه .. يحسسه انه مو بس ملك الفلوس الا ملك كل شيء ..

قال بعد فتره وبستغراب : انتي من جد وش قعد تسوين هنا ؟؟

هنا تورطت ايلاف وهي تبعد خصلات شعرها : هاا ..( وهي تدور عذر) أي صح... ادور على خيتمي ..!!

وجلست على الارض وتتحسس الارض بيدينها " ياربي مايتلقف ويجلس يدور معي "

متعب : ااذا لقيتيه لك مني الي تبينه ..

ايلاف استغربت وهي تناضر فيه : ليش ؟؟

متعب وهو مايناضر فيها : لاني ادري انك كذابه .!!
ومافي شيء ضايع عليك

حست بلاحراج وهي تقوم وتاخذ السله : لا ياشيخ انا كذابه .. اجل خلك جالس بروحك .. ماينفع لك الا كذا

واحت بعييد عنه لمن شافته مايشوفها راحت عند امل .. الي كانت تنتضرها ..

امل اول ماشفتها حضنتها : يااادوووبا وحششتيني .. وبعد زعلانه منك تاخرتي خفت قلت مدري وش صاير فيك

ايلاف بضحكه : اسفه ..

وجلسو وفكت ايلاف السله ..

امل بستغراب : وش ذي؟؟

ايلاف : هذي التحليه .. هههههههههه

امل ماات ضحك : يازينها بس ..

وقعدو يسولفون عشان يمر الوقت عليهم بسرعه ..

** ** ** **
اخذت الملابس الي متناثره في الصاله .. وقالت بضيق : يييمه ليش هي لا .. خليها تقوم معي تساعدني ..

ام راكان : قلت لك هي عليها اختبار ..

رمت البنطلون على الارض بقوه من قهرها : والله غشش ..


ضحكت وهي تسمع اختها الي من بدات تغسل الملابس وهي تشكي وتسب .. سحبت الكتاب على وجها وبدات تذاكر .. ( نوره وبتول توام وبنفس الصف بس عشان بتول غابت يوم وراح عليها الاختبار والحين تعيده)

حطت الملابس في الغساله والي باقي على يدها غسلته ..

نوره دخلت المطبخ وهي مبوزه : ييمه وين انشر الملابس السور الي برا كله مليان ..

ام راكان : حطيهم فوق بعض .. اتصرفي المهم خلصي هل غسيل وريحيني ..

نوره اخذتت المبلاس من النشاف وطلعت المزرعه تنشرهم .. وهي تنشر الملابس تدعي على بتول من قهرها : ان شاااااءالله ماتعرف تحل .. ياااااااااااااارب اميين .. ان شاءالله تطلع الاسله صممممم لها ..آمييـ

اصوت الي خلفها قطعها وصرعها : اميين .. بس خفي عليها شكلك ناويه ترسبيها ..!!

لفتت ببط وهي تبلغ ريقها ..؟؟

** ** ** **
اخذت من القمبري وهي تقول : ايلاف بصدق .. صارحيني .. كيف تتمني فارس احلامك ..؟؟

ايلاف ابتسمت : اتمنى واحد وسيم وذكي .. ورمنسي .. انا ابي واحد اذا يحبني يصارحني بهشيء .. ابيه داايما جمبي !!

امل بستهبال : وااو واووو طلعتي رمنسيه الوف هههه

ايلاف : هههه .. وانتي كيف تتمنيه .. صارحيني يلاه ..

امل بجديه وصوت حااد : اهمممم شيء عندي انه مايخوني ..

ايلاف فطست ضحك على تعبير امل : ههههه يويله منك ..

امل لمن حست بنفسها : ههههه .. من جد انا مايهمني الجمال ولا الرتبه .. انا ابيه مايخووني اذبحه لو يخوني اعلق رقبته ههههههه

ضحكت ايلاف بس الي الجمها لمن شافت الشخص الي يطلع من الباب الخلفي وواقف ورا امل ومعقد حواجبه ؟؟
*
.
*
.
*
.
*
اااتممنى اشوف ردود تشجع .. و اسفه لان البارت قصير بس لاني ماشفت تفاعل والله .. السمووحه
*
.
*

استودعكم الله الذي لا تضيع ودائعه ..**