[لامارا]

** قراءة ممتعة

*************

دخل غرفته واخذ شنطته وبدا يحط فيها ملابسه .. بعد ماخلص فك ازرار بلوزته العلوي وانسدح ... يحس بتعب اليوم بطوووله وهو يشتغل ... فجاه جا في باله متعب ...

عجبتني شخصيته رغم انه فقير وبنسبه لبعض الناس مايطالعو في وجهه الا انه شخصيه ومايسكت عن حقه .. ااه لو كان بس عندي اصدقاء .. احس لو سويت صداقه معه مارح اندم .. بس كيف وفي هل اوضاع ؟؟

وخره عن باله يبي ينام لازم يروح المطار العصر ..

غمض عيووونه وبدا النعااس يلاعب عيونه ..
..
..
سمع صوت جوال : ااف من ذا ؟؟
تعمسه بيده وهو لسا مغمض عيونه يخاف يفتحها يطير النوم .. ورد : هلا ..مين ؟؟

سمع صوته : رعد انت وينك ؟؟

فتح عيونه لمن سمع صوت ابوه : هلا يوبه ..

ابو رعد : اسمع ابيك الحين تروح الارض الي بنشتريها ..

رعد وهو يحس بكسل : ليش ؟

ابو رعد : وش الي ليش عشان نشتريها منهم .. تروح تتفق معهم على كل شيء ... وبعد ابيك تقول لي كيف الارض واذا كان فيها زوايد نستفيد منها ... والخ ...

رعد وهو يحك شعره : طيب طيب ان شاءالله ..

قفل من ابوه واخذ جاكيته وطلع من غرفته شاف امه جالسه في الصاله وراح يسلم عليها ..

ام رعد : انت متى جيت ؟؟

رعد : قبل شوي وبطلع الحين ..

ام رعد بحزن : يارعد معاد صرت تقعد معي !

رعد تنهد وهو يجلس جمبها ويمسك يدها بحنان : سامحيني يا الغاليه .. والله يعلم بحالي مشغووول بروح الحين اشتري ارض .. وبكرا وراي سفر .. بس افضا شوي بقعد معك لييين تمليين مني ..

ام رعد مقدره ولدها بس ولو هذا ضناها : وفي ام تمل من ولدها ..

رعد حزن على حالها واضح انها طاااااقه من البيت باس راسها وهو يقول : لا جعلني فداك ... الا يمه مالقيتي لي عروسه ؟؟

ام رعد ابتسمت وتغير مزايجها : الا لقيت لك واحده تقطر عسسل ...

رعد فرح وبتسم لمن شاف انه غير مزاج امه : زيين يمه قوليلي وش اسسمها ..؟؟


*************

كانت تنظار لشخص الي واقف خلف امل ومعقد حواجبه ...

ايلاف وهي موسعه عيونها وقالت بصوت شبه مسموع : يــ...ـآســر ....!!؟؟؟

امل مافهمت : وشو ؟؟

ايلاف وهي تناضر لسيار الي لازال واقف : طالعي وراك

امل بدات تتوتر وهي تلف على ورا ..

قالت وهي تمثل العصبيه : يااااسروه انت وش الي جايبك هنااا ؟؟ هاا تكلم اشوف ..

ياسر وبنضراته البااارده جلس جمبهم وكتب بجواله ولفه عليهم ...: مين مفروض يسال هسؤال ؟؟

اايلاف وامل يدورون عذر : ااا ... احنا .. اصلا ...

ايلاف قالت بسرعه وهي تبتسم : أي احنا نذاكر .. أي نذاكر ..

امل تخبي الشوكلت ورا ضهرها : أي يسور نذاكر .. نذاكر بس

ايلاف تصرفه : ماعليك ممننا .. روح روح انت ..

امل تمسكه من ذراعه : يسور فديتك انتبه تقول لحد انك شفتنا هناا .. عشاني طييب ..

ياسر يناضر فيهم بشك وعلى وجهه ابتسامه خفييفه ماتتلاحض .. كتب بجواله : وين الكتب ماشوفها .. ولا تذاكرون مكونات الشكولت

امل لمن حست انه كشفهم .. مسكته من ذراعه وهي تضحك : حبيبي يسور شرايك تجلس معنا .. هههه ماره احنا فله ..

ايلاف بضحكه : وبنعلمك مكونات الشكولت بعد هههههههه

امل ضحكت وياسر اكتفى بالبتسامه .. حتا اذا ماخبروه هو مو من عوايده الفتنه ويكره هشيء ....

************
لفت ببط وهي تررد في قلبها " هصوت مو غريب علي .. هصوت مو غريب علي "

تصنمممت لمن شافت طلال الي واقف خلفها ويناظرها بلطف وعلى وجهه ابتسامه سحرت نوره الي ضلت مفهيه فيه ..

طلال ابتسم اكثر : اووه نوره ماضنيتك شريره ..

نوره لفت تكمل شغلها وتمثل انها مو مهتمه فيه .. كانت تحسبه يضن انها بتول بس لمن قال اسمها تفاااجات منه ..

قالت وهي تجاهل دموعها : مالك شغل فيني ..

استغرب منها .. شال ملابس وبدا ينشر معها : اقدر اساعدك ..

نوره تحس العبره خاااانقتها ليش ماتدري " ايش يبي الحين .. ماني فاهمته " قالت بصوت مخنوق : لآ شكرا ..
قرب منها بجراه وهو يقول ببحهه : وش فيك قالبه علي !!

نوره توسعت عيونها ولا شعوريآ صفعته قف بكل قوتها : انقلع ...!!

طاح من يده البس الي كان ماسكه .. بعد عنها وهو يمسك خده : ... ليش ؟؟؟

نوره وهي تناظره بتحذير : اياني وياك تقرب مني مره ثانيه .. انت تفهم .... على بالك بتعلب بطرفيين ..
تضحك على وعلى اختي .. انقلع انا بحذرها منك ..

ماتحرك لفتره وضل مصدوم من كلامها بس فجاه تغير 180 درجه وبدا يضحك بجنوون ويصفك : هههههههه وااااوو وااااااااااااااااو نوره .. صراحه انتي ذكيه .. كيف عرفتي ذا كله .. طلعتي اذكاء من اخته البقره .. ههههههههههههههه

ماقدرت تمسك اعصابها وهي تشوفه يتكلم عليها وعلى اختها " مو لهدرجه طلعت واحد نجسس .. اااخ يا طلال طلعت ماتستاهل شيء .. حسافه عليك الحب "

مدتت يدها مره ثانيه تبي تصفعها بس هو مسكها وضغط عليها بقوووه : اذا انمدت هل يد مره ثانيه بكسرها .. تفهمين ...!!

نوره المتتتتها يدها مرره وبدات تصييح : آآآآآآ اتركني اتتتركني ... ااااااي المتني ... ااهئ ..


ضغط عليها اكثر وهي صاااحت بصوت عالي ولمن سمع صوت امها تركها وهو ياشر لها بتحذييير .. وراح ..

جلست وهي حااااضنه يدها بالم ودموووعها تنزل بشكل سريع ..: الله ياخذك الله ياخذك يا ###

طلعت امها وراحت لها بسرعه وضمتها : بسم الله عليك يابنتي وش صاير فيك ..

نوره وهي تمسح دموعها : بس طحت على يدي والمتني

ام راكان وهي تسحب يد بنتها تبي تشوفها : وريني اشوف ..

انصدمت ام راكان لمن شافت يد بنتها الي منفخه وفيها ورم اخضر : يييمه شكلها انكسرت .. خلنا نروح نكشف عليها ..

نوره وهي تذكر طلال وتحقد عليه اكثر : لا يمه بس شوي تالمني مع الوقت يروح الام ..

************
دخلت الغرفه وشافت اختها الي تشرب عصير وتذاكر وشكلها ملللت ...

جلست على السرير وهي حاضنه يدها .. كل ماحست بلالم كرهته اكثر ..

رفعت نضراتها لختها الي دموعها متحجره عند عيونها : نوره شفيك ..

وراحت تجلس عندها .. : شفيك حبيبتي ..؟؟

نوره من بين حزنها : مافيني شيء ..
وداخلها تقول " كيف اقول لختي .. كيف اصارحها .. كيف بعد كل الي عرفته .. مارح تصدقني .. بتخرب علاقتنا بسبته .. حسسبي الله عليه ."

بتول لاحضت يد اختها وتوسعت عيونها : يدك .... يدك شفيها ؟؟؟

نوره وهي تاخذ قطعه القماش الي مرميه على الارض وتلف بها يدها : طحت عليها .. ماتلمني ..

بتول وهي معصبه : هي لا تكذبين علي انا اعرفك .. قولي لي مين مسوي كذا في يدك ..؟؟

نوره وهي تبتسم بالغصب : قلت لك بس طحت عليها .. المره الجايه عليك الغسيل كله لحالك ..

بتول رغم انها تشوف تصرفات اختها الي رجعت على طبيعتها .. وتتعارك معها بس دخلها حاسه ان في شيء بختها ... لانها تعرف نوره ماتبكي بسهوله ...!؟

**************
بعد ماراحت ايلاف من عندها وهي دخلت البيت وياسر قال بتمشى شوي ...

شافت عمتها الي تخاصم بنتها كل عاده وعلى طول ..

العنود شوي وتبكي : يمه ورب الكعبه تووووني منضفته ..

ام ياسر بغضب : قلت لك موعاجبني .. تسمين ذي نضافه انتي ووجهك .. ( وبصراخ ) نضضفيه مره ثانيه وزي الناس

العنود ضربت برجلها الارض بقهر ودخلت المطبخ تنضفه مره ثانيه ..

دخلت ام ياسر المطبخ وهي تقول : الادراج تتنضف من جوه ومن برا .. تفهمين .. ومابي أي وسخ على الارض ابيها تلمع .. وبعدها تعالي نضفي غرفتي مكركبه ..

العنود ماسكه شقهاتها وجوتها ميييته قهر من تصرفات امها .. ماتقدر ترد عليها ولا تقدر تسوي شيء : ان شاءالله ..

طلعت من المطبخ ورجعت تدخل وهي تقول : أي بعد ماتخلصي نضفي الحمامات وسخانه ..

العنود وهي تبكي وشكلها يقطع القلب : يمممه خلي امل تساعدني شوي ..

ام ياسر رفعت حاجبها : حلوه ذي .. هي بنتي ولا انتي .. اقول خلي دموع التماسيح ذي ..وعجلي في شغلك ..ابي كل شيء نضيف ..

امل لمن شافت العنود الي شوي وتنفجر قالت : عمه خلاص انا بمشيء للحمامات خليها علي ..

ام ياسر ابتسم ل امل بحنيه : فديتك من مثلك يا امل .. مو زي ذي بس تشكي ماتعرف غير هشيء .. الله ياخذها ويريحني منها ....

وراحت تجلس مع ام طلال فصاله ..

دخلت وشافت العنود الي تنضف وهي تمسح دموعها بقهر ... حزنت عليها بس ماكان بيدها تسوي شيء وراحت تنضف شغلها ...ماتحب تدخل بين عمتها وبنتها وتسوي مشاكل لهم ...

**********

كانت تلف هي وياسر في المزرعه ومستااانسيين ..

صح ماكانو يسولفون كثير لان ياسر يتعب في الكتابه لان جسمه ضغيف ماتيتحمل .. الامراض تدخل على جسمه بسهوله ماعنده مناعه ..

لمن برد ياسر استاذن منها بيروح .

ايلاف ببتسامه : روح الله معك ..

راح ياسر وايلاف ضلت تدووور بالمزرعه وماااخذه راحتها وعلى تطبيعتها ...

وفجاه وقفت لمن لمحت الشخص الي يناضرها بصدمه وعجاب ومفهي فيها ...

ايلاف وهي تحاااول تشوف ملامحه لانه بعيد عنها شوي : مين ذا .؟؟؟ معقول ذا عماد ؟؟ لالا ذا حتا مو متعب ............... اجل مين بيكون ...؟؟

************
كان جالس يرسم كلعاده .. وكل مارسم رسمه يتمنا فيها امنيه ...

راكان الي كان جالس جمبه وجاله الملل : تعووب خلاص يكفي رسم ياخي ..

متعب يحط فيها الامسات الاخيره : بس بقي شوي ..

بعد ماخلصها لفها على راكان :... شراايك ..

راكان اعجبت الرسمه كانت منضر غروب : ماشاءالله ابداع .. بس انت ليه ماتروح تعرض رسماتك لرجال غني ويدخلك عااااالم الفن ..

متعب نزل نظره لرسمه : هه على بالك هزمن يقبلون الي اقل من رتبتهم .. لا ياحبيبي لازم اكون مليونير وبصير احلى رسام حتا اذا ماعندي موهبه فرسم .. زمن ماله امان ..

راكان منقهر على صديقه : أي والله .. بس لا توقف استمر ترى والله موهبتك نادره .. لا تضيعها ..

متعب ابتسم : لا توصي حريص ..

راكان وهو يقوم ..: بطلع شوي اشم هوا ..

متعب يفتح صفحه بيضاء جديده : طيب... بس انا جاني الالهام ارسم رسمه ثانيه .. ههههه

راكان ضحك وطلع ودخل يدينه بجيوبه وقعد يمشيء بالمزرعه ... شاف الكرسي الخشبي القديم الي بوسط المزرعه وراح يجلس فيه وهو يتذكر جده ...

**************
اول ماخلصت شغل كانت مطررطعه ومنقهره مووت .. اخذت الجاكيت حقها ( يدفيها من البرد) وطلعت من البيت بس لفت لمن حست باحد يمسكها : يا غبييه وين بتطلعين بالهبرد ...

العنود توخر يدها من يد امل : مالك شغل ..

راحت تركض في المزرعه مي داريه وين تمشيء بس المهم تبعد من البيت : اااهئئئ ماحد يحس فيني .. ااهئئ ..

وقفت لمن سمعت صوته وهو يناديها : عنووود .. عنوود ...

لفت وهي تناضره بتوتر ومرتبكه .. بس اندفعت مشاعرها لمن شافته يناظرها بخوووف وارحت تركض لحضنه : اااهئئ ركااان .. انا مللليت .. مليييت ..
تفااجا من حركتها وبعد خاف عليها لمن شافها تبكي .. وضمها بهدو : ليش تبكين .. ليش ليش الدموع ..

العنود لمن شافت اهتمامه لصقت فيه اكثر وهي متعلقه ببلوزته : اهئئ .. اااهئ .. ماحد يهتم فيني .. ماحد يحبني .. ماحد يحس فيني .. ليشش ..انا ايش سويت

راكان مو فاهمها ابد بس حب يجاريها ويهديها : افاا وانا ياعنود وين راحت .. الله يعلم اني احبك شكثر ومهتم فيك وايد .. بس ابيك تهداي وتفهمين وش صاير ؟؟

لمن شافها بدات تدها بعدها عنه وجلسها معاه على الكرسي ومسح دموعها : مايستاهل احد تنزلين دموعك عشانه ..

العنود وهي تشهق : بس معاد اقدر اتحمل اكثر من كذا ..

راكان بستغراب : وش الي ماتتحمليه ..

العنود بقهر وهي تنزل راسها : امي .. امي تكرهني بس تخاصمني كل شيء اسويه مايعجبها بس اذا سوته امل يعجبها .. لييش ليش تسوي عنصريه بينا ..

راكان تفاجا انها تبكي لهسبب .. قرب منها وهو يقول : ولو يا عنود ماتزعلين من امك .. مهما يكون هي امك .. خليك عاقله ..

العنود لمن شافته ضدها بدات تبكي اكثر : حتا انت .. شفت كلكم مو حاسين فيني .. انا مرره تعبت ..

راكان توهق وبلع ريقه وبدا يطبط على ضهرها : لا يا عنود والله مو كذا .. انا حاس فيك بس ....بس ..

العنود وهي تناظره بعيونها الدامعه : وش الي بس .؟؟

راكان نزل راسه بحباط مو داري وش يقول لها .. اذا دافع عليها وشجعها بيكون علمها شيء غلط وبتصير عاقه .. واذا قال لها مايصير كذا بتزعل ...

غض على شفايفه وهو يقول بقلبه " ياربي وش اسوي الحين ... ورطه "

***********
ايلاف قربت منه وبدات ملامحه تبان ..

انفجعت لمن شافته شاب غريب ولا تعرفه وصرخت في وجهه : انت باي حق تدخل المزرعه هاا .. مين سامح لك ..

رفع حاجبه وهو يقول في قلبه " وش قصت ذولي الذكر والانثى من يوم يشوفوني يصرخون علي .. وجع حسسوني اني جاري عندهم "

قال وهو يناضرها مو فوق لتحت بعجاب اكثر : جيت اسلم عليكم وروح ... اقول ماتستحين وانتي ماشيه كذا بدون حجاب ولا عقـ....

قطعته ايلاف بصراخ : اقوووول انقلع قبل ماجيب ابوي يطلعك لبرا .. ولك عين تتفلسف ياقليل الادب ..

رعد انفجع منها وقال بغضب : اسمعي عدل انا مو السواق حقك عشان تصرخين علي كيف ماتبين .. انا جاي اشتري هل الارض تفهمين ..

ايلاف انبكمت وهي تناضره بصدمه " أي والله شكله هو الي بيشتري الارض .. باين عليه من ملابسه وكشخته كيف مالاخضت الا الحين .. ااف مو معقول طلع ذا.. ولد الذين.. "

ناضرته بحقد وقهر وقالت بنبره استحقار: يا اهلا وسهلا .. سوري ماضيفتك .. تبي قهوه ولا شاي ؟؟

رعد مو فاهمها قال بستغراب : وش مغزلك من هل كلام ؟؟

ايلاف وهي تقرب منه وببتسامه كلها شماته : لالا مااقصد شيء .. بس ماتضن انه شرف لي اشوف المحتال الحقيير لا و قدام وجهي بعد .. كنت ابي اشوفك من زمان لان عندي لك كلام كثير .. وبتسمعه غصب عنك ..

بس ماانتبهو للعيون الي تراقبهم بصمت ....!



*
*
.
*
.
*
اسلام عليكم .. كيفكم بنات **
*
.

يلاه ياحلوين شدو حيلكم بردود الي توسع الصدر =p
.
*

استودعكم الله الذي لا تضيع ودائعه ..