[لامارا]

فواز بسخريه: أجل ذا كلام يا أبله منال تقولينه لأهلك , ونعـــم التربية والله .. ونعم التربية ياعمــي ( التفت له ) ..

أبو ناصر بحده: لو مو عاجبك أنقلع برآ ..

فواز: أنا بطلع يا عمــي , بس أسأل الله العلي العظيم بهالجمعة أنه يرزقك رجال يعرف لك عدل , وبكل شيء يكون عكسي , عشان تعرفين من هو فواز صــح ..

أبو ناصر , وناصر , مسكوا فواز وطلعوا من البيت غصب , ونسوا المحسن لهم .. !!


رآح للأسترآحة , عند الرجــال , لأن ماله مزاج يرجع للبيت ..
ولا يريد أحد يسأله وش فيك , ولا علامك ..؟

# عندمآ تســوء نفسياتنا , وتكثر أحزاننا ونشعر أننا لسنا محظوظين بالحياة , فيتملكنا رغبة با أن نبتعد لكـي لا يكون جرحنا للغاليــن بكلامنا ..
بسبب سوء نفسياتنا ..

أبو بلال صب له القهوة , وقدم له التمر وجلس جنبه:أنت ما تجي هالوقت إلا وأنت متكدر يا أبو عمر ..

فواز ناظره بصمت :........

أبو بلال: ما تقدر تبوح بضيقتك ..؟

فواز أبتسم له: الحــل مهوب عند الخلــق , عند الخالق يا أبو بلال ..

أبو بلال حط يده على كتف فواز: صدقت , بس أن شكيت أمكن ترتاح يا أبو عمـر ..

فواز عدل جلسته: الفضفضة أحيانا غلطة يا أبو بلال ..

أبو بلال: جرب ..

فواز: لو بحياتك حاجة كبيرة مسببه لك الحزن والتعب على الدوام , هل تفكر تتخلص منه ..؟
أبو بلال: أنا صحيح ما فهمت شيء , بس المثل يقول الباب أللي يجي منك ريح سده وأستريح , وطالمة هالشيء متعبك حيل أتركه والله يوفقك يارب ..

فواز با أبتسامه عريضة: هذا أللي بيصير يا أبو بلال ..

أبو بلال: مناي أشوفك مبسوط وسعيد يا أبو عمر , مهما وش كتمت , معالم وجهك فاضحتك , بصوتك ونبرته وبمحياك الحزن والهمـ ..

فواز تنهد: آآآآي , أي با الله أنك صادق يا أبو بلال , يا هي صعبة ضيقة الشخص الكتومـ ..

أبو بلال صب له فنجان القهوة: سم يا ابو عمـر , والله محد من لوعه الدنيا سلم , مو هاذي كلتمك ..!

فواز هز راسه بالإيجاب : قالها أبو نورة حياتي كلها صبر وجلاده ..

أبو بلال: سمعنا يا أبو عمر , وش قال أبو نورة .. !!

فواز بصوت عذب:
حياتي كلها صبــر وجلاده . .
وغيري عايشــن , عيشه سعادة . .
وأنا آلعــاشق بالغــي مغرم . .
غريق في هوآء رآعـــي القلادة . .
بعيد عنه بديــار بعيدة . .
ولحد جــاب مني الأفــادة . .

جلس بعدها يتبادل طرف الحديث مع أبو بلال , وجآو بعض شباب الأسترآحة ..
بهالوقت جمعتهم , ولعب معهم ورق . .

على الساعة 10 رجع للبيت . .

شاف أمه تحت جالسة , مع وعد وبيسان ..

أول مشافوه سلمو على أبوهم ..

فواز: أجــل ذاكرتوا , على هالجلسه ..؟

وعد: أي الحمدلله , بس طفش عينا كلا على الكتاب , حابين نطلع ونغير جو ..

فواز جلسها جنبها: وين تبون تروحون يعني ..؟

وعد وبيسان بحماس: نروح للبـر مع بنات خالتي نورة ..

فواز أشر على عينه: ما طلبتوا شيء , من عيني هاذي قبل هاذي ..
وعد وبيسان من الحماس , ضمو أبوهم وباسو خده : تســلم يا آحلا أب بالعالم ..

وطارو لغرفتهم , يبشرون الغير ..

أم فواز ناظرت ولدها: وافقت بسرعة يا ولدي , مهوب عادتك , عسى ما شر ..

فواز تنهد: تقدرين تقولين بسبب طلاق أمهم ..

أم فواز بصدمة: طلاق أمهم .. ! أنت مطلق منال يا فــواز .. ؟؟

فواز: ارجوك يا الغالية , لا تعارضين ولا تقولين شيء أنا بطلقها بكره ولا بذني ماي ..

أم فواز تنهدت : أباك تفهم حاجة وحدة يا ولدي , أني اريد بس سعادتك , وأنا معك بكل شيء ..

فواز أبتسم , وقام باس راسها: الله يخليك لنا يا أم فواز , أنا أحين بروح أريح , تصبحين على خير ..

أم فواز ردت له الأبتسامه: وأنت من أهله يا يمه ..

جاء بيتوجه لغرفته إلا ولده عمر يدخل ..

فواز: هلا عمور ..

عمر ناظر أبوه: هلا يبه ( باس راسه ) ~

فواز: أتمنى متكون مشغول يا ولدي ..

عمر با اهتمام: سم يبه , وقتي كله لك ..

فواز : تعال معــي ..

ولحقه ولده للمكتبة .. سكر الباب وجلس قبال أبوه ..

فواز: أنا بكره بروح للمحكمة بطلق أمك ..

عمـر: طلاق بلا رجعه .. !

فواز: أي وأنا أبوك , أنا تعبت مع أمك وهي ما بغت الصلاح ..

عمـر تنهد بحزن: الله يهديها يارب ..

فواز: المشكلة أن هم أهلها معها , ولأنها البنت الوحيدة مدلعينها ومسايرينها بكل شـيء ..

عمر: معك حق يبه , وهذا أللي شفته أنا أمس ..



فواز حط يده على كتف ولده: السموحة يا عمـر , أعطيتك مسؤؤلية وشلت فوق راسك هموم ,
وتعبتك معي , بس مقدر أتكلم بمثل هالأمور إلا معك .. أللي المفروض تكون أمك ..

عمر با أبتسامه: لا تقول هالكلام يبه , أنا لما أشوفك تتكلم معي أو مع رائد ويزيد تحسسنا أن أحنا كبار وقد المسؤلية ..

فواز رد له الأبتسامه: وياليت يا عمـر , ترآقب يزيد ورائد , أحس أن به شيء مخبينه علي , وهالأمر مهوب طيب ..

عمر: أبشــر يبه , مالك إلا الرضــى التام ..

فواز: ما أنرحم منك يارب ..

عمر: ولا منك يا الغالــي .. ( قام وباس رأس أبوه) تصبح على خير ..

فواز: وأنت من أهله ..

رآح كل منهم لغرفته , على أن بكره ماعليه دوآم بس نام من بدري لأنه أجهد فكرة وجسده . .



بيوم آلثــاني . .

كانت أم هدى , وأم بكر يفطرون مع بعض ..
إلا بنزول لين عليهم ..

ألتفتو لها .. وهم منصدمين من شكلها الخورافي ..

كانت لابسة ميدي سكيني بلاك , على بلوزة رسمية بيضاء بموديل فرنسي , وأكمامه حاير كا شفة من صدرها شوي ,
لابسة ساعة فضية وحلق لامع فضي ناعم , مسيحه شعرها , ومن أطرافه مفير ..
خاتم برآق فضــي ..
صندل عالي أحمــر , به فيونكه من ورى ..

ورآسمه عينها كحل فرنسي , وبلاشر وردي مضــيء , محدده حواجبها , مكثفه الماسكارا , روج أحمـر كرزي ..
شنطتها بلاك ..

أم هدى با أبتسامه: وش هالزين يا لين , ما شاء الله عليك ..

أم بكر قامت تقرأ عليها قرآن:أجل بتقبلك غصبن عنها أختي ..

لين: ههههه , يعني مغير شيء , حلو شكلي .. !

أم هدى وأم بكر:حيل ما شاء الله ..



يتبــــــع ~