[لامارا]

هاني بهم: وأنا من تزوجتها 7 أو 6 سنوات وأنا ألي الآن معاني معها , أكلمها وأقول لها أمورها
بس تهز راسها ولا مرات تصارخ وأمها هي المقدمة وتعزر فيني بطلباتها جيب وأفعل وأترك , وكل ذه عشان أرضيها هي وأمها ..

فواز: أسمعي يا أبو خالد , أنا بقول لك رآي على أني عارفك ولا أنت بماخذه به بس بقوله , بنسبة لأم المدام بسألك أنت متزوجها ولا متزوج بنتها ..؟

هاني: طبعا متزوج بنتها !

فواز كمل: أجل ليه تتعب نفسك فوق اللآزم , والله وهذا أنا أحلف أنك لو تجيب لها طقم من الذهب وبوزن ثقيل , بتقول ما شفت منك شيء ! ترى هالصنفية أنا خابرن بيها ..

هاني تنهد: ما كذبت يا أبو عمر , وهذا أللي شايفه أنا , والبنت زي أمها , تقول نسخة مصغره , يا سبحانه ..

فواز: خذها حكمة مني يا أبو خالد , أن بغيت الأرض أسال عن جارها , وإن بغيت البنت أسال عن أمها ..
فلما خذتها أنت ما سألت عن أمها , سألت عن بنتها وعن أمور شاغلتك عن مثال جمالها وجسمها ومن هالأمور الظاهرة صح ولا لا ؟

هاني بصدمة: سبحانه يا فواز , كنك عارف ..

فواز: فا أنا لما قررت أتزوج يا هاني , ما طالبت ولا عرفت عن شكلها ولا عن جمالها , طلبت أخلاقها ..

هاني: طيب , أنت شفتها ؟

فواز: كان ودي يا هاني عشان أعرف تفكيرها وأسلوبها حتى لو الفترة كانت قصيرة بين الملكة وبين الزواج , بس ما كان لمزاجي المتعكر دور ..

هاني با أهتمام: عسى ما شر ؟

فواز التفت له: بناتي مهوب راضين , والعيال ما عندهم أي خلاف , بس البنات قوموها حرب ..

هاني: لا حول ولا قوة إلا با الله , أكيد هم خايفين من مسئلة مرت الأب ؟

فواز: للأسف صحيح , ومتخوفين حيل من هالمسألة بالمرة , فقلت بسكنها فوق وهم تحت , بس هم معارضين !

هاني بتفكير: وأمكن هي تكون مهيب كويسه معهم يا أبو عمر ..

فواز: قضاء ومكتوب يا أبو خالد , ويارب تكون لهم أم ألي تمنو أنهم يحظون فيها ..

هاني: يارب أنها تكون فوق ما تتصور , وتسعدك ..

فواز أبتسم بتفاؤل: إن شاء الرحمن , وعقبال ما نشوفك مبسوط بعد يا أبو خالد ..
هاني بفقدان أمل : أووه , عمرك طويل ..
فواز: لا تستسلم , وحاول زي ما قلت لك أنك تغير من انطباعك معها , ودوس على قلبك وأحاسيسك تجاهها ..

هاني هز راسه بالإيجاب ..

أبو سعد وهو بعيد عنهم: سمعنا صوتك يا أبو عمر , ولا ملكت وخلاص ..

فواز: ههههه أبشر يا أبو سعد ..

بعد صوت فواز المليء بالأحزان والحنجرة العذبة وهو يتفنن با أغاني أبو نورة , والكل له منصت ..

وبعد الأستراحة , نقل بحساب هاني 5 الآف وبنات فواز , ما يريدون يكلمون أبوهم رغم أنه يجيهم كل يوم عشان يرآضيهم , ولكن مابه فائدة ..

وبهالفترة بكر كل يوم يكلم أخته لين عن فواز , ولين بدت تميل ميل بسيط لفواز والأذآن زي ما يقولون تعشق من حيث الكلام والمدح به ..


# وبيوم الزوآج . .

أبو بكر رغب أن ميكون زواج بصالة , لأنه مايئيد ولا يحب هالأمور ..
أنما فواز رغب أن يكون الزواج بصالة , عشان لين تفرح وكمان هو وأهله ..

أقتربت منها أمها وهي تبخرها وهي تشوف الفرحة بعين بنتها ..

وهي لابسه الفستان الأبيض ..

من الصدر توب بدون حمالات به فصوص لامعه , ويوصـل للخصر , وينفش من هذا الأتجاة , موديل سندريلا زي ما يسمونه ..

وصندل عالي أبيض سنبل , ومسكه زهري , مكياجها ناعم جدا مسحوب يناسب عينها المتوسطة بلون البنفسجي , وشعرها يناسب رسمه وجها وغره على جنب ومثبته ..

وروج زهري مطفي ..

ناعمة وجذابة بطلتها ..
وبالصالة كان به بنات عمها وعمتها , اللي مو محتكين ببعض , فلربما ليس لهم ذكر مهم بحياة بطلتنا لين ..

وصاحبتها ميثاء , وأم رعد وأم فواز وجود وأم عبد الاله ..
أما منى فزعلت على زعل بنات فواز , ولا حضروآ الزوآج ..


وبصالة الرجال ..

ببشته الأسود , والعود ريحته ..

وورآه عياله , وهاني وأبو سعد , وسعد ( ملاحظة مابه صله بينهم , انما تشابه أسماء ! ) وبكر ومشاري , وبعض من أصحابة بالأسترآحة ..

أبو بكر وأخوآنه موجودين , وهم يباركون لأبو عمر ..



يتبــــع ~