[فيتامين سي]

صلت المغرب و رجعت بمكانها..
كعادتها كل يوم..
على هالسرير و تحاول تضيع وقتها بأي شي حولها..
هالمرة كان عندها مجله تتصفحها بهدوء..
بملل..
بطفش..
عقلها ما كان مع المجله بس تضيع وقتها..
سمعت صوت ضرب على الباب و عدلت الحجاب على راسها و بنفس هالوقت انفتح الباب و دخل بابتسامته العريضه..
اليوم ابتسامته غير..
كلمه منها راح تخليه سعيد طول حياته..
لو وافقت هي بتصير زوجته..
بيكون ما له داعي هالحجاب اللي تحطه على راسها كلما دخل عليها..
خالد:مساء الخير..
ريم وهي تناظره وبهدوء:مساء النور..
خالد مشى لها ببطء وهو مو عارف بأي طريقه يكلمها بالموضوع..
كيف يقول لها إنه يبي يتقدم لها..
اليوم لازم يكون عندها خبر..
عشان ينهي الموضوع بأسرع وقت ممكن..
لازم..
ريم رجعت نزلت راسها للمجلة اللي بين يدينها و خالد تكلم وهو يقعد على الكرسي:تقديتي اليوم؟
ريم هزت راسها بالإيجاب وعيونها بالمجلة..
خالد ضل يناظر ملامحها البريئة الملائكية..
شكلها كذا حلو..
بس شكلها اليوم الصباح لما كانت نايمة أحلى بكثير..
بلع ريقه و تكلم:ريم..
ريم ناظرته و تكلمت بهدوء:في شي ثاني لازم أسويه بعد..ترا مليت لو جاي تطرح علي تعليمات لازم أسويها اختصر الوقت..
خالد قاطعها:لا..ريم أنا اليوم جايك بموضوع خاص..أبيك تسمعيني..
ريم على طول راح بالها لمحمد و تكلمت بفرح وهي تسكر المجلة:محمد صح؟
خالد ابتسم لها و هز راسه بالنفي:لا..بس أنا عند وعدي..
الموضوع اللي أبي أكلمك فيه اليوم خاص..خاص فيك أنتي؟
ريم قطبت حواجبها وهي تناظره:خاص فيني آنا..
خالد هز راسه بالإيجاب:أي أنتي..
ريم بلعت ريقها:وشو؟
خالد بلع ريقه هو الثاني مو عارف كيف يبدا..
كيف يقول لها..
يدخل بالموضوع على طول ولا لازم مقدمات..
ريم شافته طول مو متكلم و تكلمت:وشو الموضوع اللي خاص فيني؟
خالد أخذ نفس و سند ظهره لورا بالكرسي و تكلم بهدوء:ريم..تـ..تتزوجيني؟؟


(***وش يعيد الوقت قلي غير خطوات الرجوع***)



**********