[فيتامين سي]

صباح الخميس..

خالد وهو يمشي جنب أمه بالمستشفى:يما أنا ما عطيتها خبر إنك جاية تشوفينها؟
أم خالد لفت له بابتسامة:والله لو علي يا خالد عادي هي صارت وحده من بناتي من دخلت ببالك بس أن شاء الله زيارتي ما تضايقها..
خالد بابتسامة:أمممم يما أدخل معك أنا بعد..
أم خالد قطبت حواجبها:يوه يا خالد شفيك..ولا عشانك دكتورها فاكر كل شي عادي..مو كفاية أني جاية اشوفها بالمستشفى عشان اخطبها لولدي..بالله وين صارت هذي..عاد خلاص خلنا نكمل الباقي على عاداتنا يا خالد؟
خالد ضحك:ههههههههههههههههههههه� �هههههه طيب يما أمزح معك شفيك صدقتي؟
أم خالد:والله مو غريبة عليك بعد اللي سويته يا خالد..
خالد بابتسامة حلوة:وش سويت؟
أم خالد:مو أنت اللي كلمتها بموضوع خطبتك لها..وش تبي أكثر بعد..
خالد ضحك و انحنى لباب غرفة من الغرف و تكلم:هنا..
أم خالد تنهدت:طيب خلاص أنت روح شوف شغلك..
خالد ابتسم لأمه:طيب رايح..
مدت أم خالد يدها للباب و فتحته و دخلت و سكرته و خالد كان واقف للحين بمكانه بابتسامة..
آخـــ ريم بتصير زوجته مين يصدق؟
مشى و هو ما وده يمشي..وده يضل قاعد هنا جنب غرفتها عشان يضل بقربها..
يمكن أحلى شي صار بحياته إنه قرر يصير دكتور..وعرفها؟؟
من جهة ثانية دخلت أم خالد للغرفة و استغربت لما شافت الغرفة فاضية..
بس على طول جا ببالها إن البنت يمكن تكون بالحمام عشان كذا مشت لواحد من الكراسي و قعدت عليه بتعب..
خالد تعبها من الصباح مصحيها و جايبها..
بس يالله كل شي يهون عشان خالد..
بنفس هالوقت طلعت ريم من الحمام و هي تتنهد بملل و بتعب..
طول الليل كانت دمعتها على خدها ما تدري ليه..
تعبت..
تعبتـ..
تبعتــ..
مشت و وقفت بصدمه لما شافت حرمة قاعدة بغرفتها و تناظرها بابتسامة..
ما عرفت مين هذي..؟
ضلت ريم واقفة و يدها على الجدار و يدها الثانية على خصرها و شعرها مبعثر على وجهها مثل الأطفال..
أم خالد ابتسمت برضا وهي تناظرها و تكلمت وهي تناظرها:يا هلا و الله..يا هلا ببنتي تعالي شفيك ليه واقفة؟
ريم ما تحركت من مكانها و ضلت واقفة و تناظرها بصمت:......................................... .... ..
أم خالد تكلمت بعدما شافت ان ما في أمل أن ريم تتحرك تجاهها:أنا أم خالد..
.
.
.


(***وش يعيد الوقت قلي غير خطوات الرجوع***)

*******