[لامارا]

البـــــــــآرت الاول :

الساعه 10 بالضبط

رن رن رنرن (( جرس الفرصه))


شموخ: شوق يالنذله اليوم دورج تشترين ..
مشاعل : أبي كتكات وماي .. بس ع حسابج فلوسي فوق بالشنطه ..
شوق: يووووه ..مابي وبعدين كله انا اللي اشتري وبعدين شعول انا ما عندي فلوس خلي شموخو تشتري لج ..
شموخ: بنك ابوكم شموخ سمعي مب عشان انا اصغر وحده تتشرطون علّي
روحي انتي امس كان دوري ..
مشاعل : خلاص .. بروح آطّر من ريموو .. آمحق بنات عم ..
شوق : لا خلاص شعولتي كسرتي خاطري انا بروح اشتري وامري لله ..

(( راحت شوق تشتري وتمّوا شموخ ومشاعل قاعدين ع الطاوله ..

وفجاااأأهـ :

صرااااخ البنااات ملأ المكان وتجمع الكل ف مكان واحد ..محد قاعد ع الطاولات
الا شموخ ومشاعل ..
شوق وهي جايه متصرقعه وتدور مشاعل وشموخ وثنتينهم يضحكون ع شكلها ..
شوق: شعول ؛شوشو الحقوووآ في بريعصي ف المقصف
(البريعصي :سحليه صغيره)

شموخ+مشاعل :ههههههههههههههآآآآي .. وتمّوا يضحكون ع شكل البنات شكلهم يخرع ..
مشاعل : انزين بريعصي .. انا ع بالي ديناصوور والا اسد ..ههههههه
شموخ: عادي وينه خله يجي عندنا ..
شوق : انتي من صدقج .. صدق مب صااحيه ..
(( وتموّا يسولفون وماوعوا الآ والبريعصي تحت الطااوله اللي هم قاعدين عليها ))
مشاعل : (( كانت تاكل .. وفجأه غصت من الخرعه سمعت البنات يصارخون
يقولون تحتج)) وقااامت نقزت فوق الطاوله : يمآآآآآآآآآآآآآآآآآآهـ ..
(( سحبت وحده غرشه الماي من يد شموخ وحذفتها ع البريعصي ))

شموخ تصاارخ : يمّه لحقي علّي يمّه ..
وجات وحده ثانيه وداست ع البريعصي لحد ما مات ..
شوق: وعععععع شهالقرف يمااا لآعت كبدي خلاص ما ابي اكل ..
مشاعل : يا قلبي عليه حراام .. <بدت الحساسه ..


...............................
نعرفكم ع الشخصيات :

شموخ: عمرها 17 سنه , بنت عم مشاعل وشوق ومها ,قصيره وضعيفه ..
شعرهآ (اسود وطويل معروف عنها عنادها وعزيزه نفس (وخروا عنها اذا عصبت ) (فيها انفصام بالشخصيه^_^)<<مب الانفصام الصجي بس جي مسمينها لانها لو عصبت ماتعرف حد

مشاعل : عمرها 18 سنه ,معروف بنت عم شموخ ومشاعل ومها ,قصيره وبيضا شعرها بني طوويل يوصل لتحت الخصر ..معروفه بجمالها ورقتها (لكنها حساسه ف بعض المواقف وكلمتها المفضلة "بقورة" هع )

شوق: عمرها 18 سنه ,طولها معتدل جسمها حلو ,شعرها بني قصير ..
نذله لأبعد الحدود 24 ساعه شغاله ف المقالب دايم تضحك وطيبه بس ساعات تعصب ..

نوف : عمرها 18 رفيجة الثلاثي النذل " شموخ وشوق ومشاعل " بيضا وملامحها طفولية..واغلب حركاتها تكون عفوية..شعرها بني يوصل لين تحت كتوفها بشوي..

هند : وحدة من الشلة ورفجية نوف اكثر شي ربع الروح بالروح ما يفترقون عن بعض ف نفس الصف ويا نوف وشموخ ومشاعل..عندها اخت توأم بس غير عنها ..

مي : عمرها 18 نفس طول شوق وف نفس الصف معاها ووحدة من الشلة..جسمها حلو وشعرها اسود قصير..24 ساعة تضحك وتضحك الباقي وياها تموووت في شي اسمه مزح ومقالب..والعلك مايفارقها

ريتاج : عمرها 17 ..بيضا ودبدوبة شوي وحبوبة حيل ..شعرها بني طويل ماتحب تسمع اغاني..ودايم تنصح بنات الشلة وهي اشطر وحدة بالشلة..في صف شوق ومي

مها : مها بنت عم مشاعل وشوق وشموخ عمرها 18 بس غير عنهم ليش ..لانها حاقده عليهم وتكرههم كره العمى لانها محتره منهم لان اهلهم كله وياهم ومب نفس اهلها (ابوها وامها مطقعين وابوها واحد طايش مب مهتم حق بنته الوحيده اللي عايشه عنده ف البيت)
عشان كذا صارت وحده صايعه, مع شوق ف نفس الصف

شهد : توأم هند وصديقة مها ومن نفس الطينه طبعا غير عن اختها ..وفي صف شوق والباقي

ساره: اخت مشاعل : عمرها 21 سنه تدرس بالجامعه حلوه ورقيقه وخجوله ..
شجون : اخت نوف واكبر من نوف بسنة , بس صديقه شموخ واايد تعزها تعزها وماعندها غير شموخ هاديه بس حساسه حدها ...

رهف : اخت شوق ورفيجة الجوري اخت شموخ..عمرها 15 في ثالث اعدادي ويا الجوري دلووعه ونشبه كله شي تحت امرها لازم يصير ..


الجوري : اخت شموخ ورفيجة رهف.. ونفس مواصفات رهف وهم كله ويا بعض مايتفرقون عن بعض كلللش

الحين عند الشباب :

عايله رآشد :

راشد : ابو شموخ ..وعياله :

فهد : 24 سنه دايما جاد ما عنده شي اسمه مزح بس مزيون ..

بدر : 22 سنه , معضّل شعره طويل ومدرج ولونه مايل ع السمار وهذا اللي محليه ..

علي : 19 سنه رومآآآنسي ,, حلو وجسمه رياضي ومزيون حييييل ..واسمر مثل اخوه بدر..بس سماره حلوووو

شموخ : عرفتوآ وصفهآ ..

صالح : اصغر واحد 16 سنه حياته كلها بلاي ستيشن ولعب .. يكره شي اسمه دراسه ( لآنه مب فالح فيها)

الجوري : تعرفنا عليها..

عيال عبدالعزيز :

ابو شوق وعياله :

تركي : 23سنه جاد وساعات يكون معّقد يعني كله مافي ..لاتروحين ..مب لازم .. بس مزيون

نواف : 19 سنه ضحووك ,كله ينكت فيه نذاله مب طبيعيه (لازم اخو شوق ) مزيون واحلى واحد من بين الشباب ..

شوق : تعرفنا عليها ..

رهف : بعد تعرفنا عليها


عيال محمد (الله يرحمه)

سعود: 24 سنه , مزيون بس ما يعطي وجه .. جدي ..همه خواته ودراسته وبس .. ورفيج فهد وتركي

طلال: 19 سنه طايش مخلص الثانويه قاعد ف البيت ينتظر الوظيفه تجيه ..كله راقد جسمه معضّل ومزيون

مشاعل : عرفتوها ..

مشعل : اصغر واحد .. 16 سنه كوبي بست من طبايع صويلح بن راشد ..

ودايم مع بعض ..

..........................................
نرجع للقصة

وتمّوا بالكفتريا لحد ما رن الجرس الحصه الرابعه ..

مشاعل : شموخ ..وشو علينا .؟؟

شموخ : كأنه رياضيات مدري والله ..

مشاعل : وعععع.. مالي خلق افتح مخي .. بروحه مقفل من الخرعه من يوم ما شفت البريعصي ..

شوق جاايه تركض : ب ب ب بناااااااااااااااااات ..

شموخ : بسم الله شفيج ...

شوق : شرايكم نشرد من الحصه ..!! والله ملاغه علي تاريخ ومالي خلق ..

مشاعل + شموخ يطالعون بعض : والله فكره مب شينه ...

شوق : اصلا مب ع كيفكم نشرد يعني نشرد ..
مشاعل : انزين وين نروح . الاسبوع اللي طاف موقعين ع تعّهد .. ترى الهبله ماسكه علينآ ( قصدها الوكيله )

في ذي اللحظه مرت مها بنت عمهم ..

مهآآآآ : هآآآآآي قيرلز < مثقفه ..

شموخ بصوت واطي : وععع يا شينج ..

شوق: هلا هلا ببنت العم شحالج < مو من قلبها ..

مشاعل : هلا مهوي ..

شموخ : بنات خلنا نروح مالي خلق اوقف ..

مها : افاااا شموخ بتروحين لاني جيت هااا ؟؟

شموخ بصوت واطي : زين عرفتي من نفسج ..

مها : شقلتي حياتي ..

شموخ : لا سلامتج ( وف قلبها الله لايسلمج )

مها : ع العموم انا بدش الصف ما ادري ليش احس ان كبدي لاعت < طبعا تتكلم بميوعه ..

ودخلت الصف ..

شوق : يا كرهي لج اوووف ..

مشاعل : الله يهديها هاي بنت عمنا مالها غيرنا ..

شموخ : والله انا عن نفسي متبريه عنها من زماان ..

شوق : حتى انا ..

شموخ: يلا سكروا سيرتها خلنا نروح ونضبط مكان حق الشرده ..

مشاعل : أي .. عندي لكم مكاان ..شفت ذاك اليوم ميوي ونوفو منخشين فيه ..شرايكم نروح له .. بس بعيد شوي ..

شوق: بعيد والا قريب المهم نروح ولاحد يدري عنا ..يلا يا عبقرينوا خبرينا عن مكانج الحلو ..

وتمت تتكلم عن المكان ..واتفقوا ع كل شي ..

شوق : انزين متى بتجون عندي عشان تطلعوني ..

( شموخ ومشاعل ف ادبي رياضيات اما شوق ف ادبي فرنسي )


مشاعل : احضري بس اول 5 دقايق ..

شموخ : يلا يلا قلبّي وجهج .. الحين خلنا نروح نضبط وحده من بنات الصف عشان تكذب ع الابله ..

مشاعل : شفيج يا قوطي ..المسأله سهله بنخلي هندو الخبله تقول للأبله شموخ مريضه ومشاعل راحت معاها للممرضه .. وبس <لازم مرافقه ..

شوق: هع فديتكم يا بنات عمي والله ان عليكم افكار رهيبه ..ااحمم طالعين عليّ

شموخ : وي وي وي لا تغترين بنفسج ..يلا يلا انا محد معدل مزاجي الا اليوم الاربعاء وبكره الخميس ..

مشاعل : يلا بس عن الملاغه الزايده ..وانتي شوقو انقلعي لصفج ,,

( وكل(ن) راح يضبط طريقه )

وبعد 5 دقايق ..

صوت صراخ الوكيله
(( عنتره))< الثلآثي النذل مسمينها ..

شموخ ومشاعل وهم متصرقعين : ع ع عنتره ..

شموخ : يا ويلنا ويلاه امشي الدرج الثاني عشان ما تشوفنا ..

مشاعل : آووص قصري حسج .. امشي ف غرفه العاملات ..لحد ما تذلف عنتره الخبله ..

شموخ : لاااا آخر عمري انخش ف غرفة العاملات ..

مشاعل : مب وقت عزة النفس هاذي خليها عنج ..
(مشاعل سحبت شموخ ويدخلون غرفة العاملات )

ميمونه (احدى العاملات) : هي انتا .. شنو يبي ..؟؟

مشاعل بصوت واطي : مالج دخل ..

ميمونه : شنو يقول ..؟

مشاعل : ميمونه تكفين .. افزعي لنا واسكتي لا تفتنين ..
ميمونه : لاا بعدين واجد مشكله ..

شموخ : امشي خلاص شكلها راحت ..

وطلعوا من الغرفه ..

( وكملوا طريقهم .. وفجأه لقوا شوق ف وجههم )

شوق: آيآ يالخونه ..كاذبين علي هااااه ..شوفوا من يكلمكم < عصبت ..

مشاعل : بس جب امشي بسررعه بعدين اقول لج شصار ..

ومشوا ثلاثتهم لحد ما وصلوا المكان المطلوب ..

وتموّا منخشين لحد ما خلصت الحصه ..

رجعوا مع بداية الخامسه ..


ريتاج : شوق.. وين كنتي ؟؟

شوق : شارده مع بنات عمي ..

ريتاج : الابله سألت عنك ..

شوق باستهزاء : عنجد ..!!

ريتاج : كم مره ألتلك (قلت لج ) ما تحكي عنجد ..!

شوق : ههههههههههه آآآسفه ..



• هذي حياتهم باختصآر .. يآ ترى شنو يخبي لهم المستقبل ..؟؟!!