[لامارا]

البـــــــــــــــــــــآ رت الثـــــــــــــآني :


نهاية الدوام ..
مشاعل : شوقو انتي اليوم بتطلعين مع منو !!
شوق : نواف .. آوصلج معي ..؟

شموخ : لا انا بوصلها ..

مشاعل : ليش انتي من راح يجيبج ؟

شموخ : بدووري ..

مشاعل اول ما سمعت اسم بدر تغير وجهها ألوان ..

شموخ ومشاعل تبادلوا النظرات ..

شموخ : حد بيجي معاي ؟ والا اقول لحد يجي <قصدها مشاعل ..

مشاعل : انا بروح الاداره اتصل ..ما ابي اروح معاكم ..

وراحت وحتى ما سمعت رد ولا وحده منهم ..

شوق : شعول شفيها ..؟

شمووخ : مدري عنها ..<وهي بقلبها .. (مب قصدي احرجها مسكينه ..)

كأنه هذا اخوي اللي جاا ..يلا يلا بااااي بينا اتصال ..

.........

في السياره ..

شموخ : هلا والله السلام عليكم ..
بدر : عليكم السلام .. اهلين ..

شموخ : يلا حرك ..
بدر : محد بيجي وياج من بنات العم ..؟
شموخ وهي مقفله : لآلآ يلا حرك ..

بدر : حاضر عمتي ..

(يوم الاربعااء العصر الساعه5 في بيت محمد ابو سعود )

ترررررررررن ترن تررررررررررن ..

طلال : ألووو ..

(عمره 19 سنه .. ملغ شوي)

شموخ وقلبها شوي يطلع من مكانه ومرتبكه : و وين مشاعل .؟

طلال : احم الناس يقولون السلام عليكم .. كيف الحال !!< عرف انها شموخ بس حب يطّول معاها شوي ..

شموخ : ..........................

طلال عرف بملاغته الزايده : اوك دقايق ..

راح لغرفة شعول .. وكانت نايمه .. فتح اللمبه ..

طلال : شعول قومي ..

مشاعل :.............

طلال شال اللحاف منها : قوووووووومي .. شموخ ع التلفون ..

مشاعل وهي رااقده : همممم ..قول لها تدق بعدين ..

طلال : قومي حرااام عطلتي البنت .. قوومي ..

مشاعل وتقول في قلبها (ايه حبييت القلب ما يرضى يعطلها) : انزيين جااايه ..

نزلت تحت بعد ربع ساعه ..( توضت وصلت العصر) ..

مشاعل : نعم ..!!

شموخ: احلفي بس ... تو النااااااااااااس ..

مشاعل : شسوي كنت ادرس <تخرط عليها ..

شموخ : طع طع < حركة الكذب ...اقص يدي اذا كنتي تدرسين .. قوولي كنت ناايمه ..

مشاعل : أي عليج لمبه ..(مب عليج نوور)

شموخ : انا ما قلت لج لا ترقدين ..
مشاعل : اخلصي شتبين ..؟
شموخ : سمعت ان عمي عبدالعزيز وعياله بيطلعون بكره للمخيم ..

مشاعل : طيب وبعدين ..

شموخ : هالبنت بتذبحني ببرودها .. شنو بعدين يالخبله ..روحي قولي لأمج واخوانج نروح وياهم .. وانا بقول لابوي ..

مشاعل : انزين بحاول واذا ما قدرت .. بطرش لج مسج ..

وسكرت منها ..

وشوي صوت المسج لجوالها ..

المرسل : !شوق المحبه! ( شوق)
(شعول احنا بكره بنطلع للمخيم وراح نقعد هناك ثلاثة ايام ..وانا قلت لأمي تكلم امج .. يعني بإختصار جهزي حالج ..)

في اليوم الثاني ..

الساعه 10 بالضبط جرس الفرصه ..

مشاعل : هااه شوقو بتطلعين من الدوام والا لا .؟
شوق : أي ع الحصة الحامسه بيجون ياخذوني ..
مشاعل : اها .. خلاص بطلع وياج ..

وهم يسولفون ..جات شموخ من وراهم وخرعتهم ..

مشاعل : وجع حسبي الله ع ابليسج ..

شوق : الله لا بوفقج طيحتي قليبي ..

شموخ : هههههههههه والله اشكالكم تضحك ..

شوق : المهم .. انتي بتطلعين من الدوام والا لا ؟

شموخ : أي ع الساعه 12 يعني نص السادسه ..

مشاعل : اوووه .. يعني احنا بنروح وانتي بتقعدين بروحج ..

شموخ : شنو شنو شنو .. ايا يالخاينات .. بتطلعون قبلي ..وبدون ما تقولون لي ..

شوق : خلاص طلعي ويانا .. نواف بيجينا ..

شموخ : اوكي خلاص ..

....
وهم يتمشون جات العدوة اللدودة ..
مها : قوة بنات ..

شوق ومشاعل : هلآ ..

مها : السلام لله (وتطالع شموخ)

شموخ: انتي ما سلمتي ..

مها تلقط وجهها من الفشيله: ولو انا بنت عمج ..
شموخ وهي تقول بقلبها ( قرف يقرفج )
مها : ع العموم حبيت اسألكم بترحون المخيم ..!! لاني بروح ..

مشاعل وهي تتصنع الفرحه : صدق والله .. أي بنروح ..

شموخ : ناقصين احنا ..
مها : شموخ من بيجي ياخذج << تبي تضبط مع بدر بس هيهااااات ..

( مها تموووت على بدر تحب التراب اللي يمشي عليه .. وهو ما يعطيها وجه لان ف قلبه شخص واحد بس ×راح تعرفون من× )

مشاعل بعصبيه : بتجي معي انا وشوق ..

مها: واهلكم بيجون المخيم ..!!

مشاعل مقهوره : شقالوا لج صايعين ضايعين نجي بدون الاهل ..

شموخ : ههههههه < ضحكة قهر ..

شوق : يلا يلاملغتوا واجد امشوا يلا ابي اكل جوعااانه ..

( راحت مها)
شموخ تبتسم ابتسامه عريضه ..

(وراحوا يشترون ولما رن ّ الجرس الكل راح ع صفه )

في صف مشاعل وشموخ

دخلت اداريه وفي ايدها ورقه وقالت : مشاعل محمد ..

مشاعل : نعم ابله ..

الاداريه : يلا اغراضج ونزلي تحت ..

شموخ : ابله انا بنت عمها بطلع وياها .. لآن ورنآ سفر < خراطه ..

الآداريه : يلا بسرعه ..

طلعوا من الصف ولقوا شوق تنتظرهم ..
شموخ : لحظه يالمخابيل ألحين انا رايحه معكم من اللي جاي ياخذكم .؟

شوق : نواف اخوي ..

شوق :يلا يلا بلا دلع < اخوها موصيها تجيب شموخ )
........

في السياره ..

الكل :

السلام عليكم ..
نواف : عليكم السلام ..

شوق : نواف بسرعه روح البيت نبي نغيّر ملابسنا ..

نواف : وليش ان شاءلله مو جايبين احتياطكم ..

شوق : لا تحلطم ويلا روح ..

(بدلّوا ملابسهم وطلعوا )

( عبدالعزيز وراشد ومحمد ساكنين في فلل لكن حوشها وآحد )

ركبوّا السياره ..

نواف يشغل عبدالمجيد روح الروح ..

لوجيت وقلت مابيه مابيه

ألعن غرامه واسب طاريه

من ورا قلبي ما هو بقصدي

اغليه واغلي اللي يغليه ..

شموخ : نواف لو سمحت مر الدكان ..

نواف يوطي صوت المسجل : نعم ..

شموخ: روح الدكان ابي اغراض ..

شوق : أي صح روح يلا ..

نواف : انا بنزل وش تبون بجيب لكم
شموخ : مب على كيفك
نواف : ما عندنا بنات ينزلون الدكاكين ..

شموخ تمّد فلوسها وتتشرط ..
نواف بعصبيه : خلي فلوسج لج يبا .. تصرفين علي ّ
شموخ : خلاص ما ابي شي
نواف بعصبيه : احسن

ومشوآ ..
بعد صمت طويل

شموخ : نواف ممكن جوالك شوي ..
نواف وهو حاس بالذنب ويبي يرقع موقفه : تفضلي

شموخ اتصلت على اخوها بدر وقالت له انها راحت مع بنات عمها ..

شموخ تعطيه الجوال : شكرا
نواف : العفوو حاضرين يأي وقت ..

(وصلوا المخيم بس شموخ معصبه لانها ما مرت على الدكان)
الساعه :12.30 ..

ابو تركي: يلا بنات شفيكم تأخرتوا ..حطوّا اغراضكم وروحوا ساعدوا الحريم بالمطبخ..

مشاعل : ان شاءلله عمي ..

شوق بصوت وآطي :لازم يعني ..

شموخ: اسكتي وامشي يلا ..

( وحطّوا اغراضهم يبون يروحون الطبخ )

قبل ما يوصلون ..

شموخ : انتظروا شوي بربط جوتيي ( كانت لابسه جوتي سبورت)

وكالعاده نذاله فيهم وراحوا وخلوهآ ..

وهي طالعه من الخيمه ( خاصة بالحريم ) ..

طلع في وجهها نواف ..

( البنات كلهم يتغشون ما عدا مها بنت عمهم ..قاطة خشتها على الناس .. عشان كذا بدر ما يطيقها )

شموخ ما كانت متغشيه ف ارتبكت ..

نواف : أ أ أ < تصرقع ..وين أمي < قام يرقع وهو اصلا جاي يشوفها ..

شموخ ما ردت وطلعت من الخيمه .. ومعصبه ومقهوره منه ..

..................

عندالبنات..

شموخ : يااا التبن انتي وياها ..انا شنو قلت .. ما قلت انتظروني .؟

شوق مطقعه : انزين خلاص لا تحلطمين ..

مشاعل حست ان شموخ فيها شي ثاني :شفيج معصبه ! هذا كله عشان ما انتظرناج .؟

شموخ: شوق .. وين خالتي ..(قصدها ام شوق)

شوق بلقاااااااااااافه : لييييييييييييييييييييييش ؟؟؟؟

شموخ : نواف يبغيها ..

شوق : وانتي شدراج ..؟

مشاعل قامت ترقّع وهي تدري ان شموخ شافت نواف : بنات صوت امي تنادينا .. امشوا نساعدها ..

وساعدوا الحريم .. اللي جهزت العصاير .. واللي قطعت السلطه ..

شوي والا يسمعون صوت الرجاجيل : يا هلا يا هلا الله حيهم ..

مشاعل : من اللي جا ..؟

شوق : وعععع اكيد عمي عبدالرحمن مع بنته العقربه !!

مشاعل :هييييه استحي يا بنت .. ما كنه عمج واكبر منج ..

شوق: شسوي .. ما أطيقه هو وبنته المغروره ..

شموخ : اوووص خالتي جات مع مها !!

ام مها : مها حبيبتي .. روحي حطي الاغراض في الخيمه ..

مها بغرور : من عيوني ماما ..

شموخ : يا شينج ..(بصوت واطي )

شوق : بنات شرايكم..عقب الغداا نرووح نسوي مغامرات ..
مشاعل : أي والله فكره مب شينه .. بس شنسوي ..؟

شموخ : شرايكم نقول حق صويلح ولا مشيعل يودينّا بالسياره ؟

شوق: أي أي ونااسه يلا روحوا كلموا واحد منهم ..

وكلموا صويلح طبعا على طول رضاا ..

وعقب الغدااا ..

شموخ: يلا صلوحي قبل لحد يدري عناا ..
مشاعل : أي والله لو درواا ما بيخلوناا ناخذ السيارات ..
صالح : اوكي يلا ..

( اخو شموخ الصغير عمره 16 سنه صديق مشعل اخو مشاعل )

صالح :بس لكم عشر دقايق اذا ما لقيتكم ورا خيمة المطبخ بروح واخليكم ..

شموخ : انزين وسكرت التلفون ..

مشاعل: هاااه .. بشري ان شاءلله رضى ..

شموخ: من ورا خشمة ..يلا بسرعه نروح نلبس قبل ما أحد يدري عنّا ..

وراحوا ولبسوا ..

وفي السياره ..

صالح : تبوناّ نروح بعيد والا لا ..؟

شوق:اكيد نروح بعيد ..
وراحوا بعيد .. ومره وحده وقفت السياره عليهم ..

• يا ترى شنو بيصير لهم ..؟